Post: #1
Title: الوطن يتشظى ، لا أحد يهتم !
Author: ودقاسم
Date: 09-20-2010, 02:22 PM
Parent: #0
ياصبية الريح ورايا
خلّي من حضنك ضرايا
وقديما قيل في الحض على زواج الأقارب : غطي قدحك ..
والآن تمددنا وتمددت بنا العلاقات ، وكثرت الأسفار ، وتقاصرت المسافات ، واستهوتنا الغربة حتى لم نعد نعتبر السفر الداخلي اغترابا.. ثم ضعفت الخطوط الوهمية التي كنا ترسمها كحواجز بيننا وبين الآخر. وأصبح الوهم القبلي والعرقي أوهن من خيط العنكبوت . واتسعت معايير الجمال ، والوداعة ، والأدب ، والرقي ، ولم يعد التعليم مقيّدا بالجغرافيا ..
غزت القرية المدينة ، وعرفت المدينة هدوء الريف ..
بت المدن يا الراقية يا الدارسة الكتاب ..
ثم :
قوموا خلّوا الضيق في الجناين
وأخيرا :
سودانية تهوى عاشق ود بلد
في عيونو المفاتن شي ما ليهو حد
ثم خرجت أجيال جديدة فيها الهجين .. تنوعت جيناتها فكانت أقوى ، وكانت أنضر وأجمل وأكثر ذكاء ..
الله ، ياخلاسية
يا حانة مفروشة بالرمل
يا مكحولة العينين
يا مجدولة من شعر أغنية
بعض الرحيق أنا والبرتقالة أنت
يا مملوءة الساقين أطفالا خلاسيين
يا بعض عربية
وبعض زنجية
وبعض أقوالي أمام الله
أيهما أدفأ حضنا ، تلك التي تنتمي لقدحك أم الغريبة ؟
أم كلاهما سيان ؟
كلما تشظّى الوطن ، ضاق القدح ..
|
Post: #2
Title: Re: الوطن يتشظى ، لا أحد يهتم !
Author: cantona_1
Date: 09-20-2010, 02:35 PM
Parent: #1
Quote: أيهما أدفأ حضنا ، تلك التي تنتمي لقدحك أم الغريبة ؟
أم كلاهما سيان ؟
كلما تشظّى الوطن ، ضاق القدح .. |
يا ود قاسم سلامات... في الأول سؤال: إنت الزول الكتب الكلام الجميل الزمان داك – ما تسألني متين- وبعدين ما تخاف كلو زي بعضو وكل زول بعجبوا الصارو.. وإن شاء الله القدح ما حيضيق .. بقولوا العرجاء لمراحها. تحياتي.
كبـــّـاشي الصـــّافي
|
Post: #4
Title: Re: الوطن يتشظى ، لا أحد يهتم !
Author: ودقاسم
Date: 09-21-2010, 08:31 AM
Parent: #2
كباشي
مراحب
ما حا أقوليك متين ، لكن أقول ليك لا ما أنا ..
ذاك ودقاسم الذي كان ينتمي لوطن حدادي مدادي ، وهذا ودقاسم الذي يمكن حشره في مساحة ضيقة ..
الغريبة يمكن أن تعود إلى أهلها لأنها تنتمي إلى مكان ما سنطلق عليه ( الغربة الجديدة ).
|
Post: #3
Title: Re: الوطن يتشظى ، لا أحد يهتم !
Author: اساسي
Date: 09-20-2010, 02:36 PM
Parent: #1
| Quote: : الوطن يتشظى ، لا أحد يهتم ! |
كفاية اهتمامك
|
Post: #5
Title: Re: الوطن يتشظى ، لا أحد يهتم !
Author: jini
Date: 09-21-2010, 08:43 AM
Parent: #3
| Quote: كلما تشظّى الوطن ، ضاق القدح .. |
"كلما اتسعت الرؤية ضاقت العبارة"
ضاقت الارض بما رحبت للسودانيين
ضاقت لفرج!
سودانى اسمه فرج (جنى)
جنى
|
Post: #6
Title: Re: الوطن يتشظى ، لا أحد يهتم !
Author: Abulbasha
Date: 09-21-2010, 10:01 AM
Parent: #5
سلامات ياود قاسم
فعلا الوطن يتشظي
لكن حروف قلمك فعلت فينا مافعلت
و يقيني ِأن الزمن القادم للجيل القادم سيكون أحلي ، فهم أدري باللعبة القادمة
فقد تعود تقاطعات زمان الفرقة والتبريح
بسبيبو عشان تشيلو الريح
بسبيو عشان صحيح الذكري
بتذوب عمرنا صحيح
وإنت معاي لا بندم
ولا بقضي العمر تبريح
اصلو العمر شوقا كان وحسنا كان
فسيح وفسيح
أصلو العمر كان دربامشيتو كسيح
وكان غرسا سقيتو بكا وقضبت الريح
فشكرا لمحجوب شريف
مع تحياتي بعد غياب عن المداخلات
صلاح الباشا
الخرطوم بحري
|
Post: #7
Title: Re: الوطن يتشظى ، لا أحد يهتم !
Author: عبد اللطيف عبد الحفيظ حمد
Date: 09-21-2010, 10:59 AM
Parent: #6
سلامات
الأخ ود الباشا
زمان الفرقة والتبريح بسيبو عشان تشيلو الريح
الكلمات للتجاني سعيد وليست لمحجوب شريف
التحية لهم جميعاً ولكم!!!
|
Post: #9
Title: Re: الوطن يتشظى ، لا أحد يهتم !
Author: تبارك شيخ الدين جبريل
Date: 09-21-2010, 11:29 AM
Parent: #7
والله ما عارفين الوطن من غيرك كان حا يعمل شنو يا ود قاسم ...
حقّو نستورد لينا بنقالة عشان يهتمّوا بدلنا ...
... المهم ....
|
Post: #19
Title: Re: الوطن يتشظى ، لا أحد يهتم !
Author: ودقاسم
Date: 09-22-2010, 12:01 PM
Parent: #9
Quote: والله ما عارفين الوطن من غيرك كان حا يعمل شنو يا ود قاسم ...
حقّو نستورد لينا بنقالة عشان يهتمّوا بدلنا ... |
تبارك
السودان أصبح وطنا حرا لأبنائه وبجهد ابنائه حين كنت أنا صفرا ..
وسيظل وطنا متماسكا وكبيرا وحضنه دافئ بجهد أبنائه
ولا حاجة لنا باستيراد كائن من كان
وودقاسم أصغر من قطرة عرق يبذلها هذا الشعب في انطلاقته الكبرى نحو الحرية..
تبارك الذي بيده الملك
تبارك الله أحسن الخالقين
|
Post: #18
Title: Re: الوطن يتشظى ، لا أحد يهتم !
Author: ودقاسم
Date: 09-22-2010, 11:52 AM
Parent: #7
عبد اللطيف
سلام واحترام
المهم نسيب زمان القرقة والتجريح ..
ونتلاقى كالرياح الآسيوية
ونحن أكثر قربا وأكثر حبنا لبعضنا ..
وقل لا عاش من يفصلنا
|
Post: #14
Title: Re: الوطن يتشظى ، لا أحد يهتم !
Author: ودقاسم
Date: 09-21-2010, 01:56 PM
Parent: #6
صلاح الباشا
مرحبتين أيها الحبيب العائد
لم يبق لنا غير الأسى ، وترديد الغناء الذي يدغدغ جراحنا ، لكن هل يبرئها ؟؟
هل يمكنك تصوّر الخرطوم وهي خالية من الجنوبيين ؟ هل ستطيقها ؟
قلت لصديقة جنوبية عاشت عمرها بالخرطوم بحري : نحن كالملج والملاح لا يستساق أحدنا بدون الآخر .
قالت :
لا ، نحن كالإبرة والخيط ، لا يمكن لأحدنا أن يعمل دون الآخر ..
|
Post: #10
Title: Re: الوطن يتشظى ، لا أحد يهتم !
Author: ودقاسم
Date: 09-21-2010, 12:18 PM
Parent: #5
تعرف يا جني
حاجات كثيرة ستكتسب صفة الغربة ، الأناناس ، الباباي ، خشب التيك ، الأبنوس ، سن الفيل .. حتى رقصات الدينكا والنوير والسلك والباريا ستصبح غريبة ..
شماليون قضوا سنوات عمرهم في الجنوب سيصبحون غرباء ، وجنوبيون قضوا سنوات عمرهم في الشمال سيصبحوا غرباء ..
ما مصير شماليات تزوجن بجنوبيين ، وجنوبيات تزوجن بشماليين ؟
هؤلاء الذين هاموا بالغريبة وتركوا قدحهم وارتبطوا بما يظنونه أكثر دفئا ..
جوبا مالك عليّ أنا
جوبا شلتي عينيّ أنا
...
في جوبا وفي ملكال
في واو بحر الغزال
كلو هنا اخوان
....
ومنقو زمبيري في يامبيو البعيدة لن يعود صديقا كصداقة صديق عبد الرحيم أو محمد القرشي أو غيره ، بل ستصبح صداقته كصداقة آفو في الصين ..
وقل لا عاش من يفصلنا ..
|
Post: #8
Title: Re: الوطن يتشظى ، لا أحد يهتم !
Author: ودقاسم
Date: 09-21-2010, 11:27 AM
Parent: #3
أساسي
أدين عدم اهتمامك.
|
Post: #11
Title: Re: الوطن يتشظى ، لا أحد يهتم !
Author: jini
Date: 09-21-2010, 01:15 PM
Parent: #8
Quote: ومنقو زمبيري في يامبيو البعيدة لن يعود صديقا كصداقة صديق عبد الرحيم أو محمد القرشي أو غيره ، بل ستصبح صداقته كصداقة آفو في الصين ..
وقل لا عاش من يفصلنا .. |
ولا أبلغ
جنى
|
Post: #12
Title: Re: الوطن يتشظى ، لا أحد يهتم !
Author: حمزاوي
Date: 09-21-2010, 01:21 PM
Parent: #8
وطنا باسمك كتبنا ورطنا
اخوي ودقاسم الزول السمح
تعال ارطن معانا لان قدحنا واسع من نمولي و تركاكا ومريدي وجوبا الي أدندان وصرص وحلفا وكرمة
|
Post: #13
Title: Re: الوطن يتشظى ، لا أحد يهتم !
Author: عبدالأله زمراوي
Date: 09-21-2010, 01:34 PM
Parent: #12
Quote: أيهما أدفأ حضنا ، تلك التي تنتمي لقدحك أم الغريبة ؟
أم كلاهما سيان ؟
كلما تشظّى الوطن ، ضاق القدح ..
|
الآن بودي
أن أطرح رمحي
أرضاً أرضا
أن أكسر لوحي
إرباً إربا
من فرطِ الإعياء!
لكني أعجزُ
يا وطني
يا وطنَ العشق
الغارق في الأحشاء
يا وطني
لاتحزنْ
فالفجر أراه
يدقُ على
الأبواب السمراء
لا تحزن
يا نبعَ الثوار
فالثورة، حين تُفجئنا
تأكلهم كالنار الحمراء
وتسحق أبناء الغول
وتأكل أحفاد العنقاء
الثورةُ آتية لا ريب
صدقني
صدقني يا وطن الشرفاء...
وربما بهذه الكلمات الخجلى يتسع
القدح ويجمعنا مُلاح المحبة...
تحياتي ودقاسم وأشاطرك الأحزان..
|
Post: #15
Title: Re: الوطن يتشظى ، لا أحد يهتم !
Author: بكري عباس علي
Date: 09-21-2010, 08:06 PM
Parent: #13
ود قاسم
وينك ياخي
والله انا اخشي من يوم نسمع فيه لوطننا اسماء كثيرة من شاكلة الشطر الجنوبي والشمالي والغربي واه يا وطن من غير وجيع
ولكني اتصبر واتعشم بفكرة ان دعوهم يجربوا البعاد عن الحضن الدافي ويخرجوا الهواء الساخن من الصدور وسوف يعودون كما حدث في المانيا واليمن وغيرها
Quote: ..الآن بودي
أن أطرح رمحي
أرضاً أرضا
أن أكسر لوحي
إرباً إربا
من فرطِ الإعياء!
لكني أعجزُ
يا وطني
يا وطنَ العشق
الغارق في الأحشاء
يا وطني
لاتحزنْ
فالفجر أراه
يدقُ على
الأبواب السمراء
لا تحزن
يا نبعَ الثوار
فالثورة، حين تُفجئنا
تأكلهم كالنار الحمراء
وتسحق أبناء الغول
وتأكل أحفاد العنقاء
الثورةُ آتية لا ريب
صدقني
صدقني يا وطن الشرفاء... |
شكرا شاعرنا الكبير زمراوي
|
Post: #16
Title: Re: الوطن يتشظى ، لا أحد يهتم !
Author: Nasr
Date: 09-22-2010, 05:09 AM
Parent: #15
وطن حدادي مدادي
وعاجبنا
وما بنفرط فيه
والبفرط فيه يرجي ناره
|
Post: #17
Title: Re: الوطن يتشظى ، لا أحد يهتم !
Author: Abulbasha
Date: 09-22-2010, 09:12 AM
Parent: #16
نعم يا استاذ عبداللطيف
المقطع الشعري هو من أغنيةقلت أرحل فعلا للتجاني سعيد ولقد إلتبس الأمر علينا مع جميلة ومستحيلة لمحجوب شريف.. متعهما الله بالعافية
تعرف أننا شهدنا بالجامعة - القاهرة فرع الخرطوم - حكاية قلت أرحل هذه بحذافيرها وبمسبباتها وحتي وصولها للأستاذ وردي في سجن كوبر في العام 1972 داخل علب السجاير ،وخرج وردي من السجن بعد 15 شهر من الإعتقال وقد كان لحنها جاهزا في خواطره لأنه كان ممنوعا من إدخال آلة العود له... هكذا قال لي الإمبراطور خلال تواجده بالدوحة في العام 2002م عند زراعة الكلي له
تحياتي للجميع
صلاح الباشا
|
|