بخصوص محمد فرح ووضعية سودانيز اون لاين تجاهه...

اعزاي تحية طيبة للجميع...

منذ الأمس اهتاج الناس هنا بفعل مداخلة السيد محمد فرح في بوست الأخ عمر الفاروق الذي ينتقد فيه عمر الفنانة رشأ شيخ الدين لكن مداخلة محمد فرح وضعت حد كامل للبوست وصب الجميع لعناتهم وغضبهم تجاه محمد فرح الذي لم يراعي إي وازع اخلاقي سوداني واخترق كل آطر الحوار العامة وانصرف بشخصنة الموضوع بوضوح مستهزئي من شخص الفنانة رشأ شيخ الدين بصورة توضح فراغه النفسي والعقلي وتوضح سذاجة التفكير والنظرة لديه و أن السطحية لفظة في قمة القيمة إذما قارنتها بشخصية محمد فرح .
اقول في العنوان (بخصوص محمد فرح و وضعية سودانيز اون لاين تجاهه) لعدة اسباب (موضوع رشأ شيخ الدين فقط يلفت الانتباه له بقوة لان الناس جميعها متفقة علي ما قاله بكافة الوانهم سياسية - ثقافية - اجتماعية- رياضية - وهذه هي تقسيمات اهل المنبر هنا) فمحمد فرح ولله الحمد ارشيفه موجود هنا كاكبر كاذب علي وجه تاريخ المنبر ولا يمكننا حصر اكاذيبه لكن المنبريين والسادة في الادارة يدركون ويعلمون ذلك جيداً والشئ الذي يلفت الانتباه هنا سؤال واضح ومعين هي :-
- ما هي وضعية المصداقية وحساباتها لاهل ادارة هذا المنبر !!!؟
- هل المصداقية هي شي مهم في منابر الحوار!!!؟
- الأ تختل موضوعية منبر الحوار هنا بمثل هذه الاكاذيب!!!؟
شئ اخر مهم في واقعة اخرى قديمة (يتذكرها كثير من الناس هنا) كان هناك شخص مدعوا بمهند مأمون (يكذب ويتحرى الكذب في اشياء كثيرة) أدعى في مرة ببعض الاكاذيب في حق شخص مفقود (ابو ذر الغفاري) وكذب بأسم عضو في المنبر (الاستاذ السر السيد) وكذب باسم شخص اخر هو صديق شخصي ليّ ولا بذر الغفاري (القاص محمد خير عضو اليونسكو) فهاج الناس هنا ولم يسكتوا ابداً وظل البحث هنا مستمراً عن شخصية مهند مأمون وتم مطالبة الاخ بكري ابوبكر مدير سودانيز ببيانات الرجل ومعرفة من ذكاه للمنبر وتم الوصول للسر السيد ومحمد خير الذين اكدوا افتراء وكذب مهند مأمون (كتابةً وصور وتسجيل) وتواصل الطلب للسيد مدير ادارة سودانيز بتوضيح بيانات الرجل في نهاية الامر اتضح أن الشخص الذي ذكى مهند مأمون هو محمد حامد جمعة وتم البحث عن مهند مأمون ولم يوجد له اثر .
ذكرت الواقعة السابقة لسبب واحد رئيسي هي :- تشابه حالة محمد فرح مع حالة مهند مأمون تماماً فمحمد فرح حوله من الاقوال والاحاديث ما يؤكد أنه شخصية وهمية لا وجود لها بتاتاً (رغم كثير من الاقاوئل التي تتحدث عن وجوده) خصوصاً في بوسته ذاك (حديثه عن ست الشاي واكل اموال التبرع للشهيدة نادية صابون) طلبت منه بصفة شخصية ان يتصل عليّ ووضعت له رقم هاتفي لكن لم يكلف نفسه حتى عنا ان يسمع شخص داخل او خارج المنبر .
كما أن ذات المواضيع التي كان يتحرك فيها مهند مأمون هي نفسها التي يتحرك فيها محمد فرح حالياً وغالباً هي المواضيع التي تنغلب علي شخُوصهم .
عليه ازعم انا بأن شخصية مهند مأمون وشخصية محمد فرح ماهم إلا شخصية واحدة لشخص ثالث يملك باس ويرد رئيسي اخر وكان يكتب بباسويرد مهند مأمون الذي تم توقيفه تماماً من قبل الإدارة فسعى للحصول علي باسويرد جديد بأسم محمد فرح .
عليه ايضاً اطالب ادارة سودانيز اون لاين بأن تكشف بيانات هذا الشخص لنا هنا لان كذبه وافكه وسوء صنيعه سار بها القاصي والداني في كافة ارجاء المعمورة واطلعوا عليها هنا في اكبر منبر حوار عربي مقروء بالعربية .

ختاماً في سنين سابقة كنا نقاطع امثال محمد فرح مقاطعة كاملة حتي انهم اصيبوا منها بحالة نفسية لكن جاء هذا الزمان الشؤم الذي اصبح فيها امثال هذا الرجل يسعي بيننا ويكتب معنا لا بل ينصب نفسه وصي علينا.

ختاماً ايضاً لا اري ان الفنانة رشأ او إي احد من آل شيخ الدين يمسه سوء من اقوال هذا الكاذب بل يعد هذا شرف لهم فانه لو قال فيهم مثل هذا الشخص قول حميد فعلي رشأ وعلي آل شيخ الدين أن يتوقفوا كثيراً ويراجعوا مواقفهم ... فمبروك رشأ والف مبروك آل شيخ الدين جبريل ولتنام غرير العين في مرقدك الطاهر ولترفرف روحك في الفراديس العلى .

مودتي للجميع.

سلامات سفيان...
المكان : مكان تبادل اراء وتدور فيهو النقاشات

ببقي السؤال - الذي سيؤرقني كثيرا - : زول زي محمد فرح ده لا عندو رأي ولا بعرف نقاش ...المقعدو معانا هنا شنو؟؟؟؟


كل ما اقرا لي محمد فرح والامنجية الحايمين ديل بتحسر واقول : شوفو الزمن ساقني بعيد خلااااااااااااص

يا نابرى ... سلام

ما اطلعت على البوست مثار الحديث ...

الاساءة ذات الطابع الشخصــى قطعا مرفوضه تماما ... ( وعندى انا خاصة عندما تتعلق باحدى الاخوات )

وكمان شقيقة عضو معنــا ...

إفصــاح بكرى عن بيانات شخص مــا اظنها تم التعرض لهــا فى قضية منال خوجلى ضد وائل طــه

والجهة المعنية بطلب ذلك هــى المحكمة كما فى النموذج اعلاه

بكرى يمكنه ( فصل العضو / ايقافــه / مسح بوستاتــه / ..... )

لكنه ما اعتقد ان لوائح المنبر تعطيه هذا الحــق ...





يوجد اعضاء هنــا ...

قامو بتوجيـه اساءات الى اعضاء اعجز عن ان اقولها لك وانت رجل مثلى فى التلفون ناهيك عن منبر

ولا علم لى بما قال محمد فرح لكن ما قاله ذاك العضو يفوق ما قاله محمد فرح بابعاد لا تقاس




الفكــرة ( آليــة منبريــة من الاعضاء تطوعية ) تقوم بدور المشرفين السابق .. ترصــد كل الخروقات

للذوق العام وتعمل على ايصالها للادارة وتنبيه الاعضاء لهذه التجاوزات ليقوم الاعضاء بإتخاذ موقف ما تجاه اصحاب

تلك المداخلات ...

Quote: يا نابرى ... سلام ما اطلعت على البوست مثار الحديث ... الاساءة ذات الطابع الشخصــى قطعا مرفوضه تماما ... ( وعندى انا خاصة عندما تتعلق باحدى الاخوات ) وكمان شقيقة عضو معنــا ... إفصــاح بكرى عن بيانات شخص مــا اظنها تم التعرض لهــا فى قضية منال خوجلى ضد وائل طــه والجهة المعنية بطلب ذلك هــى المحكمة كما فى النموذج اعلاه بكرى يمكنه ( فصل العضو / ايقافــه / مسح بوستاتــه / ..... ) لكنه ما اعتقد ان لوائح المنبر تعطيه هذا الحــق ...

وعليكم السلام يا بدر الدين
حتي لو لم تكن شقيقة عضو معنا يا بدر الدين ، حتي لو انه تعدى علي شخص اخر اعلم جيداً انك سترفض
مذهبه هذا.
مافي إي مشكلة انو حتي لو تم افصاح في بيانات وائل طه بس الفرق انو وائل طه كان معروف لجميع اطراف
الازمة ديك وممكن عادي الناس تلقاهو لكن السيد الزيبقي محمد فرح لا احد يعرف عنه شئ ابداً وده فرق
السماء والو ا طه(الارض) من الموضوع داك.
وبرضو يا بدر الدين مافي إي حاجة في اللوائح بتقول انو ماممكن عرض البيانات بتاعة المتعدي .

Quote: يوجد اعضاء هنــا ... قامو بتوجيـه اساءات الى اعضاء اعجز عن ان اقولها لك وانت رجل مثلى فى التلفون ناهيك عن منبر ولا علم لى بما قال محمد فرح لكن ما قاله ذاك العضو يفوق ما قاله محمد فرح بابعاد لا تقاس

إي شخص يتعدى حدوده يجب أن يذهب غير مأسوف عليه ولا فرق بين معيار ما يقال طالما انه تعدي .

Quote: الفكــرة ( آليــة منبريــة من الاعضاء تطوعية ) تقوم بدور المشرفين السابق .. ترصــد كل الخروقات للذوق العام وتعمل على ايصالها للادارة وتنبيه الاعضاء لهذه التجاوزات ليقوم الاعضاء بإتخاذ موقف ما تجاه اصحاب تلك المداخلات ...

لا اظن أن ادارة الموقع تسعي لهذا فما تقول به اظن الادارة تعلمه ولو سعت لفعلته لذا اظن أن الخيارات التي تفعلها الان
هي الاصوب لكن تحتاج أن تكون اكثر مراقبة وتطبيق دون إي تردد او خيارات .

الف شكر لك .

الصديق سفيان

التحية


محمد فرح وفدوي الشريف و مهند مأمون و آخرون هم اسماء حركية لجهاز الامن الاسفيري الذي يدار من مكتب موجود فيما يسمي مسجد الشهيد بالمقرن والمكتب له مدير و اعضاء لهم مهام محددة في مثل هذا المنبر

و لقد قمت و معي نفر كريم بتوضيح هذا الامر عدة مرات

و دعونا بالتجاهل و لكن ؟؟؟؟؟؟؟؟؟؟؟؟؟



لك كل الود وكل التقدير


سوف يظهر المدعو مجمد فرح بالاسم التاني

فدوي الشريف

و صدقوني سوف تدين فدوي الشريف كلام محمد فرح

يعني عاش عيال قوش

Quote: سوف يظهر المدعو مجمد فرح بالاسم التاني فدوي الشريف و صدقوني سوف تدين فدوي الشريف كلام محمد فرح

يا اخوانا كلام دكتور مصطفى محمود دا ما ترمو البحر

وفعلا ظهرت فدوى الشريف



تحياتى سفيان

Quote: يا اخوانا كلام دكتور مصطفى محمود دا ما ترمو البحر وفعلا ظهرت فدوى الشريف تحياتى سفيان

شكراً يا حواء
شكراً

Quote: الصديق سفيان التحية محمد فرح وفدوي الشريف و مهند مأمون و آخرون هم اسماء حركية لجهاز الامن الاسفيري الذي يدار من مكتب موجود فيما يسمي مسجد الشهيد بالمقرن والمكتب له مدير و اعضاء لهم مهام محددة في مثل هذا المنبر و لقد قمت و معي نفر كريم بتوضيح هذا الامر عدة مرات و دعونا بالتجاهل و لكن ؟؟؟؟؟؟؟؟؟؟؟؟؟ لك كل الود وكل التقدير سوف يظهر المدعو مجمد فرح بالاسم التاني فدوي الشريف و صدقوني سوف تدين فدوي الشريف كلام محمد فرح يعني عاش عيال قوش

الصديق دكتور مصطفي
تحياتي وليك وحشة

يا دكتور كل المؤشرات تذهب تجاه ما تقول به
في مداخلتك والايام ستثبت هذا في القريب.
لك كامل الود والتقدير .

من بوست مجاور

Quote: حرية التعبير اظنها الحرية المعنية بانها تنتهي عندما تبتدي حرية الاخرين .. يعني حرية لها حدود تجاوزها يعني الدخول في الممنوع ودائما يكون تجني علي خصوصيات الاخرين والكلمة سلاح جارح .... انا ضد قبول الاعتذار فقط في حالة سؤ استخدام حرية التعبير لا بد من العقوبة ( تعليق الباسويرد مثلا ) لجبر الضرر و كذلك لعدم التعامل بطريقة الاضنية دقوا واتعذرلو ... كما نري في كثير من الاحوال هنا ..... تقول اي كلام وتعمل رايح كم يوم وترجع تعنذر و يجيك كم صنديد يهنؤك علي الشجاعة في الاعتذار و يكون ولا واحد قد ادان رعونتك وسؤ استغلالك لحرية التعبير في المنبر

Quote: حرية التعبير اظنها الحرية المعنية بانها تنتهي عندما تبتدي حرية الاخرين .. يعني حرية لها حدود تجاوزها يعني الدخول في الممنوع ودائما يكون تجني علي خصوصيات الاخرين والكلمة سلاح جارح .... انا ضد قبول الاعتذار فقط في حالة سؤ استخدام حرية التعبير لا بد من العقوبة ( تعليق الباسويرد مثلا ) لجبر الضرر و كذلك لعدم التعامل بطريقة الاضنية دقوا واتعذرلو ... كما نري في كثير من الاحوال هنا ..... تقول اي كلام وتعمل رايح كم يوم وترجع تعنذر و يجيك كم صنديد يهنؤك علي الشجاعة في الاعتذار و يكون ولا واحد قد ادان رعونتك وسؤ استغلالك لحرية التعبير في المنبر

شكراً يا عثمان رغيم
بس المشكلة حالياً انو هل محمد فرح بافعاله هذه يسئ للمنبر ام لا؟!
ام ان ادارة المنبر لا ترى ما يفعله اساءة !!!؟
موضوع تعليق الباس ويرد دي عادةً في المشكلات العادية بتحصل لكن هذا الشخص وجوده
في حد ذاته اساءة .
شئ اخر مهم اتمني ان لا ينساه الجميع واشرت له انا فوق بشكل ضمني هو :-
ربما يتم توقيف وطرد محمد فرح وغيره لكنهم يستطيعون العودة بطرق واسامي اخرى
فهل ادارة سودانيز منتبهة لهذا الامر .

الأخ سفيان ....

لك التحية ....

دخلت من عنوان البوست، وفي نيتي الطلب منكم (بورداب الداخل) التحقق من شخصية المدعو محمد فرح. لكنك أوفيت حين ذكرت أنه عزف عن الإتّصال بك.

أمّا مسألة أن هناك أعضاء يعرفونه، فأظن أن عضو واحد من بورداب الخرطوم قد ذكر أنه قابله فعلاً، ويمكن أن يكون هذا خيط للتوصّل إليه، حتى نعرف إذا كان هذا العضو يتستر عليه أم أن محمد فرح خدعه وانتحل هذا الإسم أمامه.

إن ما يقوم به (إسم المستخدم) محمد فرح شئ موضوع بعناية ويخدم خط واضح، يتبيّن من المواضيع التي يكذب فيها ويزوّرها ويلفّقها (مثال على ذلك بوست فيديو محرقة الشُّلُك)، لذا فإن موضوعه لا يشبه موضوع الأعضاء الذين يتلفّظون بألفاظ غير لائقة. راجع البوستات التي يفتحها محمد فرح أو التي يتداخل فيها، تجد أن 90% منها موجّه لإثارة نعرات قبلية، تحديداً نحو قبائل جنوب السودان والحركة الشعبية، وليته يذكر حقائق، بل يفبرك أشياء لا علاقة لها بالواقع.

هناك احتمال أن يكون بكري قد أوقفه بصفة مؤقتة أو نهائية، وفي كل الأحوال، أرى أنه علينا حصاره ومقاطعته ......... بل ومقاطعة كل من يدعمه.

Quote: أمّا مسألة أن هناك أعضاء يعرفونه، فأظن أن عضو واحد من بورداب الخرطوم قد ذكر أنه قابله فعلاً، ويمكن أن يكون هذا خيط للتوصّل إليه، حتى نعرف إذا كان هذا العضو يتستر عليه أم أن محمد فرح خدعه وانتحل هذا الإسم أمامه.

شكراً يا ابو الريش ...
من السهولة بمكان طالما ان محمد فرح كوز ومنظم ويعمل بالتحديد في خدمة الكيزان من خلال هذا المنبر (حتي لو كان شخص من هُلام) فيمكن التغطيه عليه بشخص اخر .

سفيان سلام
لو عندك تلفون خالد بحر أو ود اسماعيل اتصل عليهم عشان تتأكد من هل محمد فرح شخص حقيقي أم لا
يفصل محمد فرح عشان قلة أدبو و تطبق فيه اللائحة أوكي
لكن لو عشان ألأكاذيب أو للشك في شخصيته -عدم اتصالو عليك أو عدم مشاركتو في انشطة بورداب الخرطوم - حتفصل نص البورد معاه

Quote: سفيان سلام لو عندك تلفون خالد بحر أو ود اسماعيل اتصل عليهم عشان تتأكد من هل محمد فرح شخص حقيقي أم لا يفصل محمد فرح عشان قلة أدبو و تطبق فيه اللائحة أوكي لكن لو عشان ألأكاذيب أو للشك في شخصيته -عدم اتصالو عليك أو عدم مشاركتو في انشطة بورداب الخرطوم - حتفصل نص البورد معاه

وعليكم السلام يا ود البشري
الاكاذيب سبب يا صاحبي اما الشكك فهو مقيم وساسعي للاتصال بخالد بحر وود اسماعيل لكن ليس لاسألهم منه هل هو حقيقي او غيره (رغم تصديقي لخالد بحر بانه قابل شخص يُدعى محمد فرح - لم اذكر ود اسماعيل لعدم معرفتي الشخصية به - لكن لا اكذبه ايضاً بانه قد قابل شخص يُدعى محمد فرح- بل لا قابله بذات نفسي وحينها ساعرف انه هو محمد فرح الذي يشارك ويكتب بيده وفهمه هنا في سودانيز ام انه محمد فرح التغطية والاسم الساااااي الذي يستخدمه احد غيره .
وتحياتي الدائمة لك .

الأخ سفيان تحياتي


على ماذا بنيت هذا الاستنتاج ، وما دخل مهند المأمون الذي أقحم بالضرورة الزميل محمد حامد جمعة؟!
وما هي الفائدة من معلومة الذي زكى محمد فرح الى آخره

محمد فرح لو أوقف وعوقب ما الفائدة من اللت والعجن!

احترامي

Quote: الأخ سفيان تحياتي على ماذا بنيت هذا الاستنتاج ، وما دخل مهند المأمون الذي أقحم بالضرورة الزميل محمد حامد جمعة؟! وما هي الفائدة من معلومة الذي زكى محمد فرح الى آخره محمد فرح لو أوقف وعوقب ما الفائدة من اللت والعجن! احترامي

وعليك السلام محمد يوسف
بنيت الاستنتاج علي حيثيات تشابه كثيرة ذكرت منها القليل فوق في كتابتي الرئيسية
وهناك الكثير من الحيثيات اطلع عليها سابقاص كثير من الاعضاء هنا .
فائدة معلومة التذكية فحالة الاثنين مفيدة وواضح مغذاها الذي اشرت له .
محمد فرح هو حالة ويمكن توقيفه وعقابه لكن هل يمكن أن يعود تحت مسمى اخر !!!؟ هذا
هو اساس مقارنتي بينه وبين مهند مأمون .
شكراً لك

Quote: سلامات سفيان... المكان : مكان تبادل اراء وتدور فيهو النقاشات ببقي السؤال - الذي سيؤرقني كثيرا - : زول زي محمد فرح ده لا عندو رأي ولا بعرف نقاش ...المقعدو معانا هنا شنو؟؟؟؟ كل ما اقرا لي محمد فرح والامنجية الحايمين ديل بتحسر واقول : شوفو الزمن ساقني بعيد خلااااااااااااص

شكراً يا ريهان
لكن لا اجابة ليّ علي سؤالك ابداً .
فقط ننتظر اتجاه وموقف ادارة سودانيز .

Done

صورة لمجموعة من السودانيين تبولت على كتاب الله!!


Dear Sufyan, try to include this one as well!,

Quote: Dear Sufyan, try to include this one as well

شكراً يا عبد اللطيف علي المرور
وشكراً البوست الذي ساطلع عليه
اضيف ليك يا عبد اللطيف
الإدارة ستحتاج لمواقف واضحة في
كثير من القضايا .

سفيان
تعود الأيام
وده معاك عليك الله ..
غايتو البشير الذى شاهدته للتو يتحدث للفضائية السودانية ...طان فى الجانب الايمن

Quote: سفيان تعود الأيام وده معاك عليك الله ..

و أنت بخير يا صلاح
والخطاء لا يبرر الخطاء .

Quote: عدم اتصالو عليك أو عدم مشاركتو في انشطة بورداب الخرطوم - حتفصل نص البورد معاه

كلامك صاح يا هندسة...
سوء سلوك يترفد
المحكمة عايزة بياناته بكري يتصرف مافي زول عنده دعوة
حدكم مع الراجل انو غلط ويتعاقب...والمتضرر منه ممكن يجيبه بالمحكمة.
مسألة فلان ما شخصية حقيقية ووهمية دي ما شغلة العضوية،لو عايزة تشكك في الناس من حيث المبدأ وبالطريقة دي انا ما شايفها صاح
هسة انا اقول ما في زول اسمه ود البشري انتو قايلين ود البشري ده مطالب يمشي يلاقي اخوي في الامارات عشان يتمم عنده؟في زول فاضي للتاني؟؟
هسة دي انا قمر بوبا وبإفتراض انو قاعد هنا وبكتب،خلي اي زول يشكك ويجي يقول ليك امشي لاقي فلان أو اضرب تلفون..ما بسويهم مافي زول من العضوية عنده عندي حاجة

زمان قلنا سفه الاسفير والتجني علي الناس ده ساهل وما بتحسم الا بمحمكة والمحكمة ذاتا انشاء الله في السودان تكون عنده القدرة الكافية تجيب لينا يوم زول شكوه من البورد ويتحاكم وينال جزاءه...خوفي بكرة المحكمة ذاتا تطلع ماسورة بالبيانات الممكن تتوفر ما تقدر تعمل حاجة ويبقي التلميح بالمحكمة ذاتا تبقي زي موضوع لاهاي ساكت،وبكرة تشوفوا يا شباب

Quote: مسألة فلان ما شخصية حقيقية ووهمية دي ما شغلة العضوية،لو عايزة تشكك في الناس من حيث المبدأ وبالطريقة دي انا ما شايفها صاح هسة انا اقول ما في زول اسمه ود البشري انتو قايلين ود البشري ده مطالب يمشي يلاقي اخوي في الامارات عشان يتمم عنده؟ في زول فاضي للتاني؟؟

نادوا شهاب كرار .. أنا داير شهاب كرار .. يجازي محنكـ يا سفيان!!

Quote: نادوا شهاب كرار .. أنا داير شهاب كرار .. يجازي محنكـ يا سفيان!!

اخونا ود الصايم
مافي اي مانع انو إي زول ينادي اي زول
بس تكون في حلول واضحة في القضايا دي.

تضحك يا حاتم...هو غير الضحك شارطنا شنو في الاسفير

Quote: نادوا شهاب كرار .. أنا داير شهاب كرار .. يجازي محنكـ يا سفيان!!

يجازي محنك يا ود الصائم برضو و تحياتي ليك يا صاحي



______________________

Quote: تضحك يا حاتم...هو غير الضحك شارطنا شنو في الاسفير

الضحك هو في إزدواجية المعايير الفي سودانيزاونلاين يا قمربوبا

فمحمد فرح من حقه أن لا يشكك أحد في هويته مهما فعل و حاتم لا











_________________________

و تحياتي للأخ سفيان

شكراً يا حاتم
ويا قمر بوبا

اقصي مدي ممكن يبلغه شهاب كرار فيالبوست ده هو أن يعضد فكرة زهير عثمان حمد حول قمربوبا...ولو اجتهد شديد ممكن يطلعني من الحتانة

Quote: فمحمد فرح من حقه أن لا يشكك أحد في هويته مهما فعل و حاتم لا

والله يا حاتم ايم غزوتك ديك برضو العندنا قلناه...ويا سيدي المعيار شخصيا عندي واحد
بالعكس محمد فرح اكتر زول ناقره هنا ده انا،نجضته نجاض،لكن ده ما معناه الناس تطلب منه اكتر مما يمتلك

يقرأ هذا البوست بالتزامن مع : Done

Quote: والله يا حاتم ايم غزوتك ديك برضو العندنا قلناه...ويا سيدي المعيار شخصيا عندي واحد بالعكس محمد فرح اكتر زول ناقره هنا ده انا،نجضته نجاض،لكن ده ما معناه الناس تطلب منه اكتر مما يمتلك

لا عليك يا قمربوبا فقط أحببت المقاربة الساخرة للواقع الأسفيري

فعبارتك الساخرة عن (ودالبشرى) طابقت حافة الواقع الإسفيري الحافر بالحافر

و الأمر يدعو فعلاٌ للضحك المرير سخريةً من واقع الحال

و لا عليك يا صديق فلا معيارية لسلوك الناس و ردود أفعالهم

و التضامن و الشجب و الادانة ليست فرض عين ،

و إن كان من لوم فليس لك

فقط نلوم بعض أصدقاء الأمس و بعض الرفاق

Quote: كلامك صاح يا هندسة... سوء سلوك يترفد المحكمة عايزة بياناته بكري يتصرف مافي زول عنده دعوة حدكم مع الراجل انو غلط ويتعاقب...والمتضرر منه ممكن يجيبه بالمحكمة. مسألة فلان ما شخصية حقيقية ووهمية دي ما شغلة العضوية،لو عايزة تشكك في الناس من حيث المبدأ وبالطريقة دي انا ما شايفها صاح هسة انا اقول ما في زول اسمه ود البشري انتو قايلين ود البشري ده مطالب يمشي يلاقي اخوي في الامارات عشان يتمم عنده؟في زول فاضي للتاني؟؟ هسة دي انا قمر بوبا وبإفتراض انو قاعد هنا وبكتب،خلي اي زول يشكك ويجي يقول ليك امشي لاقي فلان أو اضرب تلفون..ما بسويهم مافي زول من العضوية عنده عندي حاجة زمان قلنا سفه الاسفير والتجني علي الناس ده ساهل وما بتحسم الا بمحمكة والمحكمة ذاتا انشاء الله في السودان تكون عنده القدرة الكافية تجيب لينا يوم زول شكوه من البورد ويتحاكم وينال جزاءه...خوفي بكرة المحكمة ذاتا تطلع ماسورة بالبيانات الممكن تتوفر ما تقدر تعمل حاجة ويبقي التلميح بالمحكمة ذاتا تبقي زي موضوع لاهاي ساكت،وبكرة تشوفوا يا شباب

شكراً يا قمر بوبا
بس توفير انا عارف توفير البيانات ما بيحل حاجة بس توفير بيانات الشخصية دي بيوضح انو هلام .
موقف الادارة هو الرئيسي بالنسبة للوضعية الحالية .

الفاضل سفيان

بوست موقف

وعارف يا سفيان مشكلتنا عاطفين فقط

ما فعله محمد فرح هنا تجاه قضايا الجنوب و قضايا دارفور يفوق ما فعله تجاه الاخت رشا شيخ الدين.


محمد فرح فطر عديل على قضايا الوحده الوطنيه.

ان يصل بهذا الشخص الامر انه يفبرك اشرطة فيديو ويسيمها لدينكا يقتلون الشلك

يا جماعه دي جريمه لو سالتوا رشا شيخ الدين نفسها حتبهت ولن تصدق بانه هنالك سودانين

بلغ بهم الانحطاط هذا المستوى,ولن تصدق بان هذا الشخص الذي تكاول عليها بصفاقه

قد وصلت جرائمه ذلك الحد.





صحيح قد لا يهمنا ان يشنر لنا بكري بياناته

فقط من حقنا ان نتأكد بانه شخصي حقيقي....

لانه كل زول من حقه ان يقتص منه بالطريقه التي تريحه حتى خارج المنبر

اما اذا كان شخص وهمي؟؟!! يا ترى ماذا نفعل؟؟!!


اما حكاية ان خالد بحر التقى به...لا اعتقد انه الشخص الذي ابتكر هذه الشخصيه

غالبه ان يجد اي مسكين يقبل بان يثمل له انه محمد فرح!!

الاخ صاحب الاقتباس

Quote: وما هي الفائدة من معلومة الذي زكى محمد فرح الى آخره محمد فرح لو أوقف وعوقب ما الفائدة من اللت والعجن! احترامي

لا هنالك اكثر من فائده...ومنو قال انه عقوبه واحده كفايه

على محمد فرح؟؟؟؟


اذا كنت لا تعرف جرائمهم بذا الموقع فانت حر ولكن ما فعله لكل الوطن

كثير...هذا الرجل شغال اشعال فتنه بس بين مكونات الوطن.


ضروري ان نعرف من زكاهوا ايضا فهذا حقنا على بكري عشان نعرف الجبيبوا لينا الكوش ديل منو؟؟؟

Quote: ضروري ان نعرف من زكاهوا ايضا فهذا حقنا على بكري عشان نعرف الجبيبوا لينا الكوش ديل منو؟؟؟

اعتبرينــى انا زكيتو ...

لكن بكرى اداهو الباسويرد ...

اها مسئوليتــى انا الادبية / القانونية بتقيف وين ؟ حدهــا وين ؟

ما قبيل فوق قلنــا موضوع التحرى عن الاشخاص دا من اختصاص المحكمة فقــط ...

وسيد المنبر هو وحده عندو الحق يتأكد ويستوثق من طالبى الانضمام بالطريقة البتحقق ليهو مصالح وكيفية ادارة منبرو ..




حســـى ربنا يسألك يا تراجــى القالو محمد فرح ( ابشــع من القلتيهو انت فى نساء السودان ؟ )

ابدا والله

تحية طيبة للجميع

الاخ سفيان ، على ما اذكر من بوست الشهيدة نادية صابون الفتحو محمد فرح داك و اتهم الناس بالسرقة ، فى البوست داك او فى بوست اخر قال عضو المنبر علاء الدين يوسف انو محمد فرح ده قريب ليهو و بينهم تلفونات و كده و هو الكلمو بموضوع القروش !

ما تسألو علاء عسى تجدو عنده الجواب ؟

Quote: الاخ سفيان ، على ما اذكر من بوست الشهيدة نادية صابون الفتحو محمد فرح داك و اتهم الناس بالسرقة ، فى البوست داك او فى بوست اخر قال عضو المنبر علاء الدين يوسف انو محمد فرح ده قريب ليهو و بينهم تلفونات و كده و هو الكلمو بموضوع القروش ! ما تسألو علاء عسى تجدو عنده الجواب ؟

شكراً يا ود الأمين وبالفعل ساسعي لسؤال علاء الدين يوسف
لكن للضمان انا متاكد انه كما توفر لخالد بحر شخص يدعى
محمد فرح سيتوفر ليّ ذات الشخص لكن هل هذا يعني أنه هو
الشخص الذي يكتب هنا!!!؟
الف تحية لك .

Quote: اعتبرينــى انا زكيتو ... لكن بكرى اداهو الباسويرد ... اها مسئوليتــى انا الادبية / القانونية بتقيف وين ؟ حدهــا وين ؟ ما قبيل فوق قلنــا موضوع التحرى عن الاشخاص دا من اختصاص المحكمة فقــط ... وسيد المنبر هو وحده عندو الحق يتأكد ويستوثق من طالبى الانضمام بالطريقة البتحقق ليهو مصالح وكيفية ادارة منبرو ..

يا بدر الدين ياخ انسان انت ما متوفر ليك إي حاجة توضح كينونتو بانو موجود وقاعد يازي في الناس صباح وعشية
وكل طلبنا انتو تتوفر معلومات بانو بشر يسعي بين الناس اها دي برضو ما تتوفر!!!؟
ما قلنا مودنوا المحكمة ولا حاجة بس عايزين نتأكد ساااااي انو بشر شحم ولحم ودم يا بدر الدين.
وفي الاصل انت ما مذكيهو عشان كده ما ح افترض ده .
وسيد المنبر اكتر انسان هنا الموضوع ده هابش منبروا وسيعلم هذا قريباً .

Quote: الفاضل سفيان بوست موقف وعارف يا سفيان مشكلتنا عاطفين فقط ما فعله محمد فرح هنا تجاه قضايا الجنوب و قضايا دارفور يفوق ما فعله تجاه الاخت رشا شيخ الدين. محمد فرح فطر عديل على قضايا الوحده الوطنيه. ان يصل بهذا الشخص الامر انه يفبرك اشرطة فيديو ويسيمها لدينكا يقتلون الشلك يا جماعه دي جريمه لو سالتوا رشا شيخ الدين نفسها حتبهت ولن تصدق بانه هنالك سودانين بلغ بهم الانحطاط هذا المستوى,ولن تصدق بان هذا الشخص الذي تكاول عليها بصفاقه قد وصلت جرائمه ذلك الحد. صحيح قد لا يهمنا ان يشنر لنا بكري بياناته فقط من حقنا ان نتأكد بانه شخصي حقيقي.... لانه كل زول من حقه ان يقتص منه بالطريقه التي تريحه حتى خارج المنبر اما اذا كان شخص وهمي؟؟!! يا ترى ماذا نفعل؟؟!! اما حكاية ان خالد بحر التقى به...لا اعتقد انه الشخص الذي ابتكر هذه الشخصيه غالبه ان يجد اي مسكين يقبل بان يثمل له انه محمد فرح!!

شكراً يا تراجي علي وضوح رويتك وبالفعل ما يفعله محمد فرح في القضايا اكثر بكثير
مما قاله موخؤاً .
اتفق معك في كل شي هنا حتي موضوع خالد بحر.
مودتي التي تعلميها.

الماجد سفيان
محمد فرح يمثل في هذا المكان الوجه الكالح (المسكوت عنه لدى بعض مثقفي هذا النظام البغيض) في نظرتهم
الحقيقية لكل فئات الشعب السوداني المعارض لتوجهاتهم المسماة حضارية ولمشروعهم السياسي المبني على
احادية موغلة في الافراط. فرئيسهم عمر البشير سبق وان وصف شعوبا واقواما كاملة بالعطالة والتسكع واظنك
لا تنسى تجنيه على اخواتنا وامهاتنا حرارئر دارفور في تسجيل الترابي المشهور، وكذلك وصف مصطفى عثمان
اسماعيل للشععب السوداني كله بالشحادين، وبالامس القريب وصف السيدح سكان الجزيرة بالكسل والتسكع والتبطل
والارتزاق من تجارة ملابس النساء الداخلية.
اتيت بهذه المقدمة والتى لم اذكر فيها الكثير من الشواهد التى تشهد على نظراتهم الشائهة لنا لمجر اختلافنا السياسي معهم
فاناس بهذا السؤء وبهذا الانحطاط الاخلاقي لا تتوقع منهم غير هذا القبح في الفعل والقول.

Quote: ختاماً ايضاً لا اري ان الفنانة رشأ او إي احد من آل شيخ الدين يمسه سوء من اقوال هذا الكاذب بل يعد هذا شرف لهم فانه لو قال فيهم مثل هذا الشخص قول حميد فعلي رشأ وعلي آل شيخ الدين أن يتوقفوا كثيراً ويراجعوا مواقفهم ... فمبروك رشأ والف مبروك آل شيخ الدين جبريل ولتنام غرير العين في مرقدك الطاهر ولترفرف روحك في الفراديس العلى .

التحية عبرك لآل شيخ الدين الذين يمثلون شريحة مبدعة ومستنيرة من هذا الشعب الصامد والتحية اسوقها للفنانة رشا شيخ الدين.

تحياتي

Quote: الماجد سفيان محمد فرح يمثل في هذا المكان الوجه الكالح (المسكوت عنه لدى بعض مثقفي هذا النظام البغيض) في نظرتهم الحقيقية لكل فئات الشعب السوداني المعارض لتوجهاتهم المسماة حضارية ولمشروعهم السياسي المبني على احادية موغلة في الافراط. فرئيسهم عمر البشير سبق وان وصف شعوبا واقواما كاملة بالعطالة والتسكع واظنك لا تنسى تجنيه على اخواتنا وامهاتنا حرارئر دارفور في تسجيل الترابي المشهور، وكذلك وصف مصطفى عثمان اسماعيل للشععب السوداني كله بالشحادين، وبالامس القريب وصف السيدح سكان الجزيرة بالكسل والتسكع والتبطل والارتزاق من تجارة ملابس النساء الداخلية. اتيت بهذه المقدمة والتى لم اذكر فيها الكثير من الشواهد التى تشهد على نظراتهم الشائهة لنا لمجر اختلافنا السياسي معهم فاناس بهذا السؤء وبهذا الانحطاط الاخلاقي لا تتوقع منهم غير هذا القبح في الفعل والقول.

الأخ الصادق الصدوق عماد
تحياتي لك ...

بالفعل انهم يفوقون سوء الظن سوء كما يقال .

مودتي لك.

جميل يا سفيان
والبورد محتاج لي شركة نفايات متخصصة

جميل يا سفيان
والبورد محتاج لي شركة نفايات متخصصة

ياحبيب بامكانك الاتصال بوالى الخرطوم السابق المتعافى

سلام سفيان

سلام يا حبيب نورة
سلام حسن سنادة
وشاكر مروركم

بالله شوفوا معاي الاعتذار ده :-

Quote: محمد فرح Member تاريخ التسجيل: Jan 2009 المشاركات: 3 لرشا وآل شيخ الدين .. أرجو قبول إعتذاري العميق -------------------------------------------------------------------------------- في البدء أعتذر لإدارة موقع........... لإقحامهم فيما لايعنيهم لكنني فقط أردت إيصال صوتي عبركم لشخوص أخطأت فيهم في لحظة كان الشيطان من يستلم زمامي إن جاز التعبير ، وأيضاً لحوجتي الماسة لإراحة نفسي من الجحيم الذي أقحمني به ضميري وأشهد هنا بأنني أسامح كل من أسائني بسبب ماذكرت فنفسي التي هي نفسي أسمعتني أقذع من كل ماقيل وأمر . توقيت كتابة هذا الموضوع هو الثانية والثلت صباح الحادي والعشرين من سبتمبر .. صدقوني سادتي إن قلت أنني لم أتمكن من النوم إطلاقاً .. أحسست بحجر ثقيل يجثم بصدري ويكاد يذهب بأنفاسي وأيقنت أنني لامحالة هالك مالم أقم بنشر إعتذار ربما يزيح عن كاهلي جزءاً قليلاً من أطنان الندم . لاأود أن أكون ذلك الشخص الفاجر في الخصومة الذي يعتبر كل من يخالفه راياً عدواً يجب إقصاؤة بأي وسيلة كانت .. أحياناً يسوقنا البغض لأشياء قبيحة تجعلنا نشعر بضيق فظيع من ذواتنا .. وثقوا بأنه لايوجد أقذع من أن يكره الإنسان ذاته .. وحتى أتمكن من تقبل نفسي مستقبلاً كان لزاماً صياغة هذا الخيط الآن وليس غداً يشهد الله أنني أحببت آل شيخ الدين من كل قلبي ووجدت نفسي اتساءل وأنا أصيغ هذا البوست لماذا لااحب رشا شيخ الدين وماالسبب الذي يجعلني أهاجمها بهذا الشكل .. هل بسبب إختلافي الفكري لها ولسماعي أغنية هاجمت بها جبهة الإنقاذ او لتصريح نقل عنها ولم يوافق هوى نفسي الفكري ووقفت لأجد أن هذه الأسباب جميعاص لايجب أن تمنعني من حبها وإعجابي العميق لماقدمته ويشهد الله أنني ووالدتي حضرنا لقاءها في النيل الأزرق وأعجبت والدتي بصوتها أيما إعجاب ووافقتها الرأي ليس لأنني أوافق والدتي الرأي دائماً لكن لأنني بصدق أعجبت بصوتها وأفخر بأنها أوصلت فننا لأركان العالم أجمع . أتمنى أن يصل صوت إعتذاري لمن أحب كما أبتهل قبول هذا الإعتذار وشكراً حتى لأعدائي الذين أنبهوني لخطأ ربما لم أكن لألاحظه لولا هبتهم القويه وصوتهم العالي بالرغم من سوء نية البعض الذين أثق أنهم (حادرين في الضلمه) لكني رغم هذا أشكركم جميعاً إخوتي في الإنسانيه .. للجميع مؤونة عشرة أعوام من الود

وده تعليقي عليهو في البوست الاصلي:-

Quote: سلام يا بدر الدين سلام ياناس المصيبة يا بدر الدين انك انت وناس تانية فاكرين انو محمد فرح بي كلاموا ده أساء لرشأ ولآل شيخ الدين!!!! يا سيدي آل شيخ الدين ديل أبوهم ذاتو (من خلال ما سمعنا من الحكي) كائن متعلم وأسس الاسرة دي علي المفاهيم الهم هسي عايشين بيها ونموها و كبروها وخلتهم ناس وزي محمد فرح ده وناس تانين مشوهين تربوياً يجوا يطلعوا نقصهم ده فيهم . الفوق دي نقطة جوهرية يا بدر الدين و انا بشكل شخصي في او مداخلة لي في (خبوب وطين) محمد فرح قلتوا مباشرةً انو لو الزي محمد فرح ده شكر واشاد برشأ علي رشأ مراجعة نفسها جيداً . اها يا بدر الدين اهو محمد فرح كتب كتابة وسماها (اعتذار لرشأ ولآل شيخ الدين) يعني هسي خلاص دي القضية!!!! يا سيدي محمد فرح ده مشوه ومخوا ده موضوع المرآة راكب فيهو غلط ومنظاروا للدنيا فيهو اختلال كبيييييير اصحى يا بدر الدين (وقديماً كان يقال بريش)... المصيبة الكُكبرى يا بدر الدين اظنوا الامر الفوق ده لا يغبى عليك. هذا مع التقدير .

وده رابط البوست :-
الا عتذار غير المقبول لمحمد فــرح ... ( لرشا وآل شيخ ا...قبول إعتذاري العميق)

يا سفيان لكن لقيتك (ختيير)

كل البوستات الخاصة بموضوع (محمد شبح) أصبحت في خبر كان ....

إنت واصل والا عمّك ما شايف ... واللا القصة شنو؟

المهم ...

زولك ده بقى حايم في الأسافير يوزّع إعتذارو .... ومحل ما يمشي يدوهو في راسو.

Quote: يا سفيان لكن لقيتك (ختيير) كل البوستات الخاصة بموضوع (محمد شبح) أصبحت في خبر كان .... إنت واصل والا عمّك ما شايف ... واللا القصة شنو؟ المهم ... زولك ده بقى حايم في الأسافير يوزّع إعتذارو .... ومحل ما يمشي يدوهو في راسو.

تعرف يا فردة السيد بكري أبو بكر ده دائماً بيراقب وبيشوف (حسب زمن وامكانية ظرفه) البوستات دي
وعندو تقدري بيتفهم بيهو البوستات خصوصاً لما يكون شايف بوست عايز يتكلم عن توجهات بتستفيد منها
سودانيز اون لاين .

دي كل القصة .