Post: #1
Title: الي إدارة "زين" العليا :عندي ليكم حل تقني لموضوع زين برودباند
Author: mekki
Date: 09-20-2010, 06:05 AM
Parent: #0
خدمة زين برودباند هي فكرة جميلة،،،،لكن بعض المشتركين إستغلوا رخص الخدمة وصاروا يفعلون الشريحة على الموبايل ثم إدخالها الي مودم زين كنكت،،،وبالتالي يستفيدون من الإنترنت بلا حدود بسعر 30 جنية فى الشهر...!
مع العلم ان ثمن إستخدام زين كنكت الشهري يترواح ما بين 40 جنية الى 120 جنية شهري اى ان الخسارة تبلغ 10 جنية شهريا للمستخدم الواحد في حدها الأدني...!
والأدهي ان بعض المستخدمين صاروا يستخدمون اجهزة أم تي إن وسوداني بشريحة زين ذات الواحد جنية
وقد طورت حل تقني لهذه المشكلة وهو حل ناجع يحفظ للشركة حقوقها
وقد قابلت المختص فى إدارة البرودباند وشرحت له الفكرة....
وأعجب بها....لكنه ضرب الطناش....!
ولم أجد غير س.أونلاين لتوصيل إعلاني هذا
مع فائق التقدير
مكي عبدالماجد الأحمدي
محاضر بجامعة الأحفاد \معماري برمجيات
تلفونات
0122194506
0114274439
|
Post: #2
Title: Re: الي إدارة "زين" العليا :عندي ليكم حل تقني لموضوع زين برودباند
Author: زهير الزناتي
Date: 09-20-2010, 06:27 AM
Parent: #1
يا هندسة سلامات ... النبي فيك كان وريت الناس ديل يقفلوا الخدمة دي كيف ... ياخي شركات الاتصال دي شربت دم الناس شراب ... ما ممكن يكون اشتراك الإنترنت في بلد زي السودان ده بـ 120 جنيه ... ونحن عايزين الناس تتعامل مع الشبكة الدولية ... عشان كده العبقرية الشعبية اكتشفت إنه ممكن تلقي حلول تقنية لمسألة ارتفاع الأسعار دي ... بعدين المسألة ما فيها اي سرقة الشريحة بناعت زين ... وجنيه كل يوم ما بطال معاهم ... يعني 30 جنيه في الشهر ... ويلا ضرب معاي شوف في كم نفر ممكن يدفعوا التلاتين الف دي للشركة وحا تطلع معاها كم .... واحتمال برضو المسألة كده مغطية معاهم عشان كده عاملين نايمين ... وده احتمال ممكن ...
|
Post: #3
Title: Re: الي إدارة "زين" العليا :عندي ليكم حل تقني لموضوع زين برودباند
Author: mekki
Date: 09-20-2010, 06:34 AM
Parent: #2
الأخ زناتي الف تحية
| Quote: ما ممكن يكون اشتراك الإنترنت في بلد زي السودان ده بـ 120 جنيه ... ونحن عايزين الناس تتعامل مع الشبكة الدولية |
طيب ممكن نوريهم الحل ثم نتفاوض معهم لترخيص خدمة زين كنكت
الجماعة خدمتهم ممتازة جدا
|
Post: #4
Title: Re: الي إدارة "زين" العليا :عندي ليكم حل تقني لموضوع زين برودباند
Author: مُحَمَّدٍ عِوَضٌ احْمَدُ
Date: 09-20-2010, 07:21 AM
ياخى ما تقطع عيش العالمين دى
فى طلاب..وبسطاء ..ومساكين يدوبهم عرفوا التمتع بخدمة الانترنت
بسبب خدمةال برودباند السمحة دى
سيبكـ منهم ياخ..وشوف لينا حلل لى ناس سودانى الصعبين ديل
بردبدهم لينا عليكـ الله
|
Post: #5
Title: Re: الي إدارة "زين" العليا :عندي ليكم حل تقني لموضوع زين برودباند
Author: Isa
Date: 09-20-2010, 07:45 AM
Parent: #4
الأخ مـكي،،
أظن أن تفعيل خدمة الإنترنيت ليوم بواحد جنيه هي خدمة تقدمها زين بطوعها واختيارها، وذلك لأنك زي ما قلت إنت بتفعّل الخدمة بواسطة إرسال رسالة (فارغة) لرقم معين خاص بناس زين،، وهي في الحقيقة مش ليوم كامل يعني 24 ساعة ولكنها بتنتهي الساعة 12 بالليل غض النظر عن بدايتها (ساعة إرسالك لرسالة تشغيل الخدمة).. يعني بالنسبة للشركة بتفرق شنو لو شغلتها في مودم زين؟، وبالمناسبة أظن يمكن تشغيلها بتوصيل الموبايل بالكمبيوتر مباشرة بدون مودم لو عندك الجهاز المناسب والسوفتوير والوصلة الخ.. يعني في نظري هي شغلانة قانونية جدا ومقبولة وما بتحتاج إنو الشركة تحظرها، عشان كدة أتفهم طناشهم بالكامل! على فكرة هناك أشياء كتيرة عند زين وغيرها من شركات الإتصال تحتاج تطوير ويمكنك مساعدتهم فيها.. تحياتي..
|
Post: #6
Title: Re: الي إدارة "زين" العليا :عندي ليكم حل تقني لموضوع زين برودباند
Author: Tabaldina
Date: 09-20-2010, 07:58 AM
Parent: #5
..
.
Quote: مكي عبدالماجد الأحمدي
محاضر بجامعة الأحفاد \معماري برمجيات
تلفونات
0122194506
0114274439 |
دا شرح ولا اعلان ترويجى ..
حسي عندى هاردديسك ما قادر اطلع الداتا منو
قالو الا يسفرهو دبي .. عندك لينا حل ..!!
--------------
بالمناسبة منو القال ليك 10 جنيه هم خسرانين
ياخى ديل خامين الجدادة وبيضها ..
|
Post: #8
Title: Re: الي إدارة "زين" العليا :عندي ليكم حل تقني لموضوع زين برودباند
Author: أبو عبيدة البصاص
Date: 09-20-2010, 07:50 PM
Quote: طيب ممكن نوريهم الحل ثم نتفاوض معهم لترخيص خدمة زين كنكت
الجماعة خدمتهم ممتازة جدا
|
يازول دي حساده منك ساكت
والكلام المقتبس وبالاحمر ده عندو اسم
وتاااني انت اصلوا ما سمعت بي جبرهم للكسور الشغالين بيهو
قال خدمتهم ممتازه ارحمنا يرحمك الله بدل البوست بتاعك ده اديك الرابط بتاع الشركه
ولا ما بتعرفوا ..
مدخل للخروج :
مَّن يَشْفَعْ شَفَاعَةً حَسَنَةً يَكُنْ لَّهُ نَصِيبٌ مِّنْهَا
والله مافتشت عن مثل سوداني بطابقك ما جئت به لم اجد
|
Post: #7
Title: Re: الي إدارة "زين" العليا :عندي ليكم حل تقني لموضوع زين برودباند
Author: ذواليد سليمان مصطفى
Date: 09-20-2010, 07:16 PM
Parent: #1
ياهندسة سيبك من الحرامية
ديل ماكلين البلد كلو
بس ربنا يزيدك علم ونسمع ىبيك عالم من علماء العالم
|
Post: #9
Title: Re: الي إدارة "زين" العليا :عندي ليكم حل تقني لموضوع زين برودباند
Author: mekki
Date: 09-21-2010, 05:35 AM
Parent: #7
الأخ محمد عوضQuote: ياخى ما تقطع عيش العالمين دى
فى طلاب..وبسطاء ..ومساكين يدوبهم عرفوا التمتع بخدمة الانترنت
بسبب خدمةال برودباند السمحة دى |
نحنا هنا بي نتكلم عن إستخدام الإنترنت عبر زين كنكت وجهاز كمبيوتر( يعنى للناس الما بسطا شدييييد)،،،وبعدين مهم جدا جدا نعلم طلابنا أن يأتوا الأشياء من ابوابها....
الأخ Isa | Quote: عشان كدة أتفهم طناشهم بالكامل |
أظنك ما شفت البوست ده
سرقة .. أكل أموال الناس بالباطل وإستخفاف بعقول الناس !!
الأخ تبلدينا| Quote: دا شرح ولا اعلان ترويجى .. |
أكيد إعلان....ودي أقل خدمة ممكن يقدمها س.اولانين لأعضائه القُدااااااااااااااااااااااام.....!
Quote: حسي عندى هاردديسك ما قادر اطلع الداتا منو
قالو الا يسفرهو دبي .. عندك لينا حل ..!! |
طبعا شخصي شغال فى مجال تطوير البرمجيات فقط....لكن عندى زول بي يعرف فى الحاجات دي الرجاء الإتصال علي الأرقام أعلاه لمزيد من التفاصيل....
الأخ البصاصو| Quote: والكلام المقتبس وبالاحمر ده عندو اسم |
يا خوي من غير فلسفة وإجتهادات كتيرة انا بتكلم عن "زين كنكت" وبستعمل فيهو لي اكثر من سنتين فسرعتو عالية جدا جدا ومستقر خالص خالص ،وكان ما عجبك، دي شهادة مني كمحاضر جامعي مهمته توصيل الحقائق كما تبدو له
| Quote: مَّن يَشْفَعْ شَفَاعَةً حَسَنَةً يَكُنْ لَّهُ نَصِيبٌ مِّنْهَا |
يا خوي راجع البوست ده....
سرقة .. أكل أموال الناس بالباطل وإستخفاف بعقول الناس !!
| Quote: والله مافتشت عن مثل سوداني بطابقك ما جئت به لم اجد |
طيب رأيك شنو فى الحديث بما معناه " إن هناك ذنوباً لا يكفرها إلا السعي وراء الرزق الحلال ؟؟؟
الأخ ذو اليد مشكور علي المساهمة الجميلة،،،وربنا يسهل
|
|