هذا السودان عباره عن قاره اذا بقا سودان موحد

نعم هو عباره عن قاره اضرب مثل توحدت اوربا وكانت فيها كثير من الاختلافات ولكن فى الاخر اصبحت قوه ودى دول
ولكن بى فهم فاصبحت قوه كما ذكرت
فهل لنا يا ساسه ان نكون شعبا واحد فى هذا البلد الكبير والله بعدين بسال كل زول على حدا
نعم السودان ربنا قدر له ان يكون قاره فى قارة افريقيا ولكن مختلف الدين
واللون واللغه هل ممكن تخلوه زى زمان والا كلنا بنخسر جنوب وشما ل وشرق
وغرب
وما يجى واحد ناطى يقول قصدك شنو او يسالنى بينه وبين نفسه انا اقول
القوانين المقيده لى حريات الاديان الاخرى هى السبب والامور المحدثه الان فى السودان
التى لم نجدها من زمان هى السبب انا ارى بان هذا الشعب المتماسك والمتجانس بى طبيعة هذا البلد
اصلا ماكان محتاج لى استفتاء بس انتو السبب
السؤال هل احسن لنا الفرقه والحرب
ولا احسن لنا الابتسامه فى وجه الاخر بدون ما احسسو بانى( احسن منه )

الأخ خالد المحرب .. سلامات .. كلامك عديل. لكن الفرق الثقافي بيننا وبين الأوروبيين هو الذي وحّد أوروبا وفرّق بيننا. كلنا من حلفا إلى نمولي ومن القلابات إلى جنينة ما فينا زول رضيان بالتاني. كل يفتكر نفسه أفضل من أخيه. ولو سألته أفضل من غيرك في شنو وبي شنو؟ لا تجد له جواباً. إنّها العزّة بالإثم. وهذه الصفة الرذيلة موجودة في جينات السوداني. الفكاك منها هو المستحيل بعينه مالم تصل نسبة التعليم 110% مش 100%. ومالم يتغلغل الدين فينا بصورة صحيحة، حيث نطبِّق: (لا فضل لعربي على عجمي إلا بالتقوى، إنّ أكرمكم عند الله أتقاكم). يومها يمكنك أن تطلب منّا أن نكون مثل أوروبا أو حتى الصين. تحياتي.

كبـــّـاشي الصـــّافي

(العوج راي والعديل راي)