فى أمسية جميلة يوم الاحد 19 سبتمبر 2010 استضاف صالون الخاتم عدلان , صاحب ومؤسس سودانيز اون لاين فى دردشة عن (مستقبل الكتابة الالكترونية .. ومستقبل سودانيز اون لاين)
تحية كبيرة للمركز الذي يستمد عافيته من مثل هذه اللقاءت وشرف كبير أن يكون المحترم بكري أحد من زينوا فعالياته المقدرة اللقاء مكسب لنا كأعضاء ننتمي لهذا الموقع العملاق شكرا لكم ولكل من حضر
09-20-2010, 00:32 AM
قاسم المهداوى
قاسم المهداوى
تاريخ التسجيل: 11-26-2004
مجموع المشاركات: 8640
الاعزاء سلامات للمرة الاولى التى اشارك فيها الغاليين (البورداب) جلساتهم الحلوة أولا الشكر للباشمهندس بكرى ابو بكر.. ثانيا... للعزيز شول اشوانج شول ثالثا... العزيز قصى مجدى سليم رابعا... العزيز السمؤل بدر الدين شكر خاااااااااااااااااااااص للناشطة منال (الاستثنائية)او كما يقال صباحى ...نهلة محكر ...العوض المسلمى طبعا المذكورين اعلاه ما منهم اى فائدة بس اهو الواحد لاقا الفنان طارق ابو عبيدة(خدر) تقريبا دى الفائدة الوحيدة .....
09-20-2010, 09:10 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
تقديرنا عالى وغالى للجهد الذى تبذله الأستاذة نجلاء سيد احمد فى تحميل الفيديو لفعاليات المركز على سودانيز . كما نتمنى من كل من التقط صور واضحة للأمسية انزالها من اجل التوثيق هنا فى هذا البوست لان الصور التى بحوزتنا حدث لها خلل فنى . واجزل الشكر للجميع .
09-20-2010, 06:24 PM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
Quote: تقديرنا عالى وغالى للجهد الذى تبذله الأستاذة نجلاء سيد احمد فى تحميل الفيديو لفعاليات المركز على سودانيز . كما نتمنى من كل من التقط صور واضحة للأمسية انزالها من اجل التوثيق هنا فى هذا البوست لان الصور التى بحوزتنا حدث لها خلل فنى . واجزل الشكر للجميع .
انتم تأمرون
09-20-2010, 06:25 PM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
فى جميع بوستات المركز التى نقوم بتقديم ملخص وافى للانشطة المختلفة للمركز فى منبر سودانيز اون لاين , لا نقوم بالتعليق او الدخول فى حوار مع المتداخلين , ونترك الجميع للتعبير عن وجهة نظرهم بكل اريحية . والمداخلة على مسئولية المتداخل , ونحن لا نملك الا ان نشكر التداخل فشكراً لجميع المتداخلين والمتداخلات / ان صح التعبير / .
09-21-2010, 07:49 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
شكرآ مركز الخاتم عدلان شكرآ شاهين شكرآ حادي الركب الريس بكري شكرآ نجلاء على التوثيق .. تستحقي التكريم شكرآ علي صديق ووضاح أحمد نجوم نجوم الغد ما شاء الله عليكم ينتظركم مستقبل عريض وواسع
شكرآ للجميع
09-22-2010, 00:27 AM
سيف اليزل برعي البدوي
سيف اليزل برعي البدوي
تاريخ التسجيل: 04-30-2009
مجموع المشاركات: 18425
شكراً مركز الخاتم وشكراً جزيلاً للعزيزة نجلاء على التوثيق، تعرفي يا نجلاء، لو جيت السودان زيارة ح أهدي ليك كاميرا فيديو فخمة من أمريكا وبعض برامج الملتي ميديا
09-22-2010, 09:59 AM
الشاذلى خيرى عبد الله
الشاذلى خيرى عبد الله
تاريخ التسجيل: 04-30-2010
مجموع المشاركات: 649
وشكراً للجميع لمن حضر الأمسية ومن كتب مداخلة ومن شاهد البوست والشكر لمن شارك فى نجاح الأمسية من كتيبة المركز خلف الكواليس الأستاذ مدحت , استاذ شاذلى , والابن العزيز عابدين فى هندسة الصوت شكرا بكرى ابوبكر .. شكرأ ناذر وشكرا للابناء اصحاب الصوت الشجى .. شكرا طارق ابوعبيدة شكرا .. شكرا .. شكرا , أستاذة نجلاء على الجهد والمشقة .
09-22-2010, 07:38 PM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
النذير بختى وانت قدها وقدود على قول المصرين وشكرا الكاميرا العندى امكانياتها كبيرة احتاج لبرامج وكورس تدريبى على البرامج وعلى استعمال امكانيات الكاميرا
شكرا على احساسك النبيل وحيتك وشوفتك اكبر هدية تسلم
اختلف مع الاخ الكريم صاحب وجهة النظر القائلة بان بكرى يستفيد من الكتاب باثراء موقعه دون عائد مادى لهم واختلافى يكمن فى ان الموقع ابرز جملة من القضايا
السياسية والاجتماعية والثقافية والكروية او مبادرات انسانية استفاد منها اصحاب البوستات فى توصيل اهدافهم او نقول صوت وخبر ماكان ليصل للناس بوسائل الاعلان العادية
وانا شخصيا قدمت لى عروض للعمل مع وكالات انباء بعد رفعى للفيديوهات ولم اقبل لعلمى انهم اردوا التحكم بالفيديو وحبسه تحت ادراج مكاتبهم مقابل مايدفع لى وفضلت العمل الحر
دى وجهة نظرى
09-22-2010, 08:30 PM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
والله يا أخوانا بجد أنا يمكن نجلاءسيد أحمد ماحصل لي شرف مقابلتها الغريبة زوجتي وكانت حاضرة الدردشة عرفتها وقالت لي هنديك نجلاء سيد أحمد وكانت شايلة كميرتها في سري قلت بالله (المفعوصة) دي المقومة نفس الدنيا؟؟؟ وعاملة نفسها حامد تيراب أعظم مصور سوداني وبصراحة عمري ماشفت ليها فيديو لأنه عندي جهاز لو حاولت تشوف في فيديو إلا على أقساط داير صبر وطولة بال الهام جيت شفت الفيديوهات المنزلاها عن الدردشة وكنت انا حاضرها بصراحة ؟؟؟؟ وكزول قريت مسرح وتلفزيون وإشتغلت مع كبار المصورين ؟؟؟ شغل محترفين بجد ...صورة نضيفة ...كادر مظبوط ..نقل أمين قلت في سري تاني (بالله شوفوا الود المفعوص حامد تبراب ده عامل منقطة ودي زولة خبرتها ما زي خبرته وصورتها ماشاء الله زي الألماظ)
شكراً للجميع للمركز لبكري أبوبكر وشاهين شاهين وللمبدعة نجلاء سيد أحمد
09-23-2010, 01:49 AM
AnwarKing
AnwarKing
تاريخ التسجيل: 02-05-2003
مجموع المشاركات: 11481
والله الحنين والمشاعر الطيبة الوصلت دواخلي عبر ونستكم دي، لي منها زمن طويل...وجد نفسي كان أكون معاكم عشان داير أرد على الصحفي زهير...بأنو "الحرية" الموجودة في أي مكان بينتزعها الناس إنتزاعاً من الأنظمة الفاشية، وليست محمدة للنظام أكس أو غيره...بعدين الكلام بتاع التوسعة والإنتشار للوصول عبر الموبايل دي نصيحة لطيفة حقو تكشحها لناس محمد حامد جمعة والمركز السوداني لفتل الإشاعات والأكاذيب التي عادةً ما تصححها سودانيزأونلاين عبر أعضائها حتى بات يذكر المركز SMC في وسائل الإعلام العربية (الجزيرة مثالاً) بالمركز المقرب للحكومة...!
ثانياً يا بكري أبوبكر لا تفوت لا تموت...زول سوداني جد...وهدفك قمة في الروعة، التوثيق للأجيال القادمة، وهنا الكلام لابد أن نعيد تدويرو لأخونا معتز قريش وعبره إلى أخوه السمؤل الوزير المفروض يكرس وقته وجهده للتوثيق وبإمكانيات دافع الضرائب السوداني بدلاً عن تدشين كتاب لعمر البشير مدحاً أو قدحاً...من عهد نميري الناس متذكرة شخصين في الغالب، عمر محمد الطيب ومنصور خالد (على الأقل بالنسبة لي) يعني كسارين التلج الكتار ديك كلهم في مزبلة التاريخ يا سعادة الوزير...فأعمل ليك حاجة هنا في الإنترنت دي يتذكر الناس وزارة الثقافة أو وزيرها بيها في المستقبل...وحبذا لو كان إطلاق سراح سلسلة أضواء على الحضارة السودانية عبر موقع الإذاعة السودانية بدلاً من صور نانسي عجرم وغيرها
ثالثاً يا نجلاء سيد أحمد... ما عارف أقول ليك شنو...لكن البتعملي فيهو ده حاجة عظيمة وهزيمة لكل وسائل الإعلام المرئي في السودان حالياً...خصوصاً في ما يتصل بالأحداث التي يتم التعتيم عليها لمصالح حزبية ضيقة...أشكرك نيابة وأصالة عن كثيرين.
رابعاً في حاجة ما أتذكرت في الندوة وهي أنو سودانيزأونلاين هي مصدر الأخبار الأول لكثير من البعثات الدبلوماسية السودانية في الخارج ولها هيبتها...لوجود دبلوماسيين سابقين كأعضاء (نور الدين منان مثالاً)، وحاليين كمان (قير تور مثالاً) ...
خامساً: لابد من صياغة بصورة إحترافية لتاريخ نشأة وتطوّر المواقع السودانية منذ 1994...وهنا لابد من تضمين مبادرة الباشمهندس أبوبكر سيد أحمد من الإمارات...التي كانت رائدة على مستوى كل العالم العربي بلا إستثناء.
سادساً: سعدت جداً بوجود الدكتور راشد دياب في الندوة... وتنويهه لضرورة التركيز على تثقيف السودانيين بالفنون التشكيلية، لأنو بالفعل منذ أن حضرت الندوة التي قدمها لنا هنا في سيول وكتبت عنها (والشكر لي حماد البوست ده الفنان التشكيلي د.راشد دياب في كوريا... وندوة عن موضوع ...قومية وتشكيل السودان أيقنت أنو الفنون التشكيلية هي مدخل مهم لربطنا كسودانيين بالجزء "المتغابى عليه" من هويتنا النوبية المحفورة في ذاكرة النقوش (ولد ده).
سابعاً: يا ناذر خليفة انتا زول والله ما ساهل...تقديمك للشباب من نجوم الغد لفتة بارعة منك أكبرتها بشدة ، وبلغت كمال الجمال في إشارتك بأن سودانيزأونلاين -عبر أعضائها الكرماء والذين لا يضنون بالتوجيه والنصح -لها فضل عليك في ما تمتهنه من مهن الآن (صحافة وفن)... وسبق وأن قال شخصي الضعيف أنني تعلمت الكتابة (حتى في رسم الحروف والتفريق ما بين الزاي والذال ، والياء وال "ى" هنا في سودانيزأونلاين عبر كثيرين لا أنكر فضلهم أبداً...وربنا يقدرنا ونرد الجميل...
ثامناً: يا سامي صلاح...بالغتا في ذكر أخونا ود الباوقة ومحمد فرح بالأسم...ذكرتني بنفسي ذات فيديو بلوغ..لوولز..ولو كان ولا بد، كان تشمل *صديق مهدي علي* الفريد في عصرو...وعجبتني إجابة بكري بأنو كل زول يشوف شغلو (التجاهل والخ...)
تاسعاً: يا بكري أبوبكر المنبر بحاجة لتطوير تقني...لا تطمئن للركشة والأمجاد حالياً...بجيك باص من المتعافي ولا زول تاني يخمك ويخلي ريحتك طير طير...
عاشراً: والله الزول بقى نضميهو كتير زي الإمام الصادق المهدي...*(رداً على زول بهناك جاب لي وجع فشفاش)* وده حالتو من غير وضو...لوولز دمتم بخير ومحبة مخلصكم أنور
09-23-2010, 05:18 PM
مركز الخاتم عدلان
مركز الخاتم عدلان
تاريخ التسجيل: 01-21-2008
مجموع المشاركات: 3485
النذير بختى وانت قدها وقدود على قول المصرين وشكرا الكاميرا العندى امكانياتها كبيرة احتاج لبرامج وكورس تدريبى على البرامج وعلى استعمال امكانيات الكاميرا
شكرا على احساسك النبيل وحيتك وشوفتك اكبر هدية تسلم
عزيزتنا المناضلة نجلاء سيد أحمد عندي سوفت وير اسمو "موفي ماكس" ممكن أرسلو ليك بالبوستة و ح أعمل ليك شرح مبسط عن طريق الشرح بالفيديو وأرسلو ليك مع السوفت وير في سي دي أو بعد ما تنزلي السوفت وير ممكن أشرحو هنا، أو بحاول أضغط السوفت وير وأرسلو ليك بالإيميل كدا بقى أسهل.
برنامج "الموفي ماكس" أسالي منو كوستاوي كان متكيف منو ممكن عن طريقو تقطعي الفيديو في أي مكان، وتعملي مونتاج وتدخلي صور وتدخلي فيدويو في فيديو وتعملي "لوقو" لنفسك لحمايته من السرقات، وممكن تكتبي بداخله شريط أو تترجمي فيه، فهو برنامج متكامل و "فريندلي"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة