Post: #1
Title: مرفعينين ضبلان (المؤتمر الوطنى) وهازل (الحركة الشعبية) شقوا بطن الأسد المنازل (السودان)!!
Author: jini
Date: 09-19-2010, 02:05 PM
Parent: #0
زمان كان دولتى الحكم الثنائى والان الشريكين !
صناعة سودانية
بيدى لا بيد عمرو!
وعاها يوسف مصطفى التنى قبل اكثر من ستين عاما وعيينا نحن أحفاده
في الفؤاد ترعاه العناية ... بين ضلوعي الوطن العزيز
***** **** ***** ***** *****
لي عداه بسوي النكاية ... وان هزمت بلملم قواي
غير سلامتك ما لي غاية ... إن شاء الله تسلم وطني العزيز
***** **** ***** ***** *****
مرفعينين ضبلان وهازل ... شقوا بطن الاسد المنازل
نبقي حزمة كفانا المهازل ... ونبقى درقة وطنا عزيز
***** **** ***** ***** *****
ليه ما ارعي الوطن الرعاني ... والدهاه اشيله واعاني
الشباب والشيب شجعاني ... قالوا نفدي الوطن العزيز
***** **** ***** ***** *****
شفنا فيه جواب فيافي ... والبطير وبسابق السوافي
ما مراده عفارم عوافي ... بس يعظم وطني العزيز
***** **** ***** ***** *****
من حلوق الريف لى سدودا ... البلاد معروفات حدودا
سودانا جبهة النبقالو خودة ... نتلافة ضرر وطنى العزيز
***** **** ***** ***** *****
طبيعى اعشق صيدو ورمالو ... ماببيعو واقول مالى مالو
وما بكون آلة البي حباله ... داير يكتف وطني العزيز
***** **** ***** ***** *****
عندي وطني بقضيلي حاجة ... كيف اسيبه واروح لي خواجه
يغني وطنه ويحيجني حاجة ... فى هواك ياوطنى العزيز
***** **** ***** ***** *****
نحن للقومية النبيلة ... ما بندور عصبية القبيلة
تربي فينا ضغائن وبيلة ... تزيد مصايب الوطن العزيز
***** **** ***** ***** *****
مالي مال تاريخ القبيلة ... نحن أمه وحيده وأصيلة
علمونا جدودنا وقبيلة ... أمه واحده في وطن عزيز
|
Post: #2
Title: Re: مرفعينين ضبلان (المؤتمر الوطنى) وهازل (الحركة الشعبية) شقوا بطن الأسد المنازل (السودان)!!
Author: Mustafa Mahmoud
Date: 09-19-2010, 02:53 PM
التحية لك
للاسف الاسد اصبح مريض وفي حالة خطرة و يحتاج لطبيب بيطري شاطر وثورة شعبية كاسحة تزيل كل الاوساخ الاسلامية والانفصالية التي في بطن الاسد والا مات الاسد و اصبح المرفعيين الاسد الجديدواحد شمال و واحد جنوب
|
|