Post: #1 Title: الحبيب عبد المجيد الكونت Author: عمر عبد الله فضل المولى Date: 09-19-2010, 08:00 AM Parent: #0
شال النوار ظلل بيتنا من بهجة وعدك وما جيتنا ليه ليه . .. ما جيتنا وفضلنا وحاتك منتظرين شوف وين روحتنا وين روحتنا . . . روحتنا وديتنا شوف وين وين مرت لحظات وكمان ساعات طااالت وحياتك منتظرين لو وشوش صوت الريح بالباب يسبقنا الشوق يسبقنا الشوق . . . . قبل العين ونعاين الشاريع نلقاهو تااااايه في دموع المغلوبين العيد الجاب الناس لينا ما جابك يعنى نسيتنا خلاص ؟ مع انك انت الخليتنا نغنى الحب ذكرى واخلاص صبحت دمعتنا وسادتنا كدى حاول اعرف لينا خلاص
الحلنقي
Post: #2 Title: Re: الحبيب عبد المجيد الكونت Author: عمر عبد الله فضل المولى Date: 09-19-2010, 08:04 AM Parent: #1
Post: #3 Title: Re: الحبيب عبد المجيد الكونت Author: اكرام الصادق الحسن Date: 09-19-2010, 08:20 AM Parent: #2
الكـــــــــونت والحبيب الكارب عمــــــــــر
كـــــــــــل عام وانتم بالف صحة ومحبة
يارب الناس يزهب عنكم الشواكيش ويرزقكم ببنت الحلال
Post: #4 Title: Re: الحبيب عبد المجيد الكونت Author: اكرام الصادق الحسن Date: 09-19-2010, 08:40 AM Parent: #3
الاحباب الكونت وعمر ان مع العسر يسر واصبر كما صبر اولي العزم من الرسل فالقمم مستهدفة وبتحصل في ارقى الاندية بنات حواء كثر والجايات اكتر من الريحات
Post: #5 Title: Re: الحبيب عبد المجيد الكونت Author: اكرام الصادق الحسن Date: 09-19-2010, 08:45 AM Parent: #4
الي صاحب البوست
يا حالبة من عينِي الدموع .. يا صالبة فوق وتري الرنين.. لا ليكي متمنّي الرجـــوع .. لا تاني عاودني الحنين.. ** مهما يكون ريــــدك قدر ما بتبقى مأساة عمري فيك لا بين إيدَيْ قلبي انكسر لا سايبو مرهون بين إيديك ما بشقى بعدك بي سهر دي الدنيــــا ما وقفت عليك ** أدّيتك الريد الهطـــــول زيّــنـتو بي زخَّات مطــر طول المواسم والفصول في سكَّتِك رفقة سفــــــــر لكن قطارك فات عجُول وانا ريدي ليك مدُّو انحسر ** لو إنت يا مفارقاني ريح .. ما ليك سكون لا مُسْتَـقَـر أنا نسمة في الزمن الجريح .. حضَنَتْ ندى الصبح الأغر بالصدق بالبوح الصريــح .. بهزم فواجع المُسْــتَــتَـــر بنساك وبعدِك بستريــــــح مابفني عمري وراك هَدَر لا الآهة بكّمت الفصيـــــــح لا الدمعة ذوَّبت الحجـــــر لا من حشاك طلع المسيــــح لا كنتِ مريم في البشــر....
Post: #6 Title: Re: الحبيب عبد المجيد الكونت Author: عمر عبد الله فضل المولى Date: 09-19-2010, 08:47 AM Parent: #4
الاميرة اكرام الصادق صاحبة التاريخ النضالي والصدامي ضد صلف الشمولية الانقاذية
كل عام وانت بالف خير
هذا بوست تواصل
يعني لازم تنكا الجراح والمواجع في الهواء الطلق والحبيب مجيد مستور في هذا الاسفير
\
Post: #7 Title: Re: الحبيب عبد المجيد الكونت Author: اكرام الصادق الحسن Date: 09-19-2010, 08:57 AM Parent: #6
وينك ياكونت عهدناك صنديد ومايهزك ريح لاكين باين الريح المره دي كان اقوي منك لى متين يلازمك في هواك مر الشجن
لى متين يلازمك في ... هواك مر الشجن ويطول بايامك سهر ... ويطول عذاب يا قلبـــى لوكانت ... محبتــــه .. الثمن يكفيك هدرت عمر ... حرقت عليه شباب لكن هواه أكبر ... وما كــــان ليه ثمن والحسرة ما بتنفع ... ومــــا بجدى العتــــاب أحســـــن .. تخليـــه ... لـــى الليالى والزمن يمكن يحس ضميره ... ويهديه لــــى الصواب لكنى اخشى عليه ... مــــن غـــدر الليــــالى وأخشى الامانى تشيب ... وعشّنا يبقى خالى وهو لسع في نضارة ... حسنه فى عمر الدوالى ما حصل فارق عيونى ... لحظة او بارح خيالى اغفـــر لــه يا حنيــِّن ... وجــاوز لـــو ظلم ما اصلها الأيام مظالم والعمــر غمضة ثواني واصبر على جرحك ... وإن طــــال الألم بى جراحنا بى أشواقنا ... بنضوى الزمن انا عارفه بكره بيعود ... فى رعشـــة ندم ننسى الحصل بيناتنا ... والسهر اللى كان تصبح حياتنا نغم ... وعشنــــا يبتســــم وتعود مراكب ريدنا ... لـــــى بر الأمان
Post: #8 Title: Re: الحبيب عبد المجيد الكونت Author: عبدالمجيد الكونت Date: 09-19-2010, 09:08 AM Parent: #7
كل سنة وانت طيبين والاماني محققة الحبيب عمر والحبيبة اكرام
اما مسألة الشواكيش والدنيا عيد فسوف نقوم بمناقشتها داخل الحوش الصغير أو كما قال الحبيب عمر فان امر الشاكوش غير مطروق بهذا الاسفير
Post: #9 Title: Re: الحبيب عبد المجيد الكونت Author: عبدالمجيد الكونت Date: 09-19-2010, 09:17 AM Parent: #8
اكرام روقي المنقة
والاغنية دي هدية ليكم انتي وعمر
Post: #10 Title: Re: الحبيب عبد المجيد الكونت Author: اكرام الصادق الحسن Date: 09-19-2010, 09:30 AM Parent: #8
Quote: اما مسألة الشواكيش والدنيا عيد فسوف نقوم بمناقشتها داخل الحوش الصغير أو كما قال الحبيب عمر فان امر الشاكوش غير مطروق بهذا الاسفير
والله ياحبيب المسالة اكبر من حوشنا وحوش بكري الله يستر مايكون قدر حوش التجاني الماحي والدنيا عيد زي ماقلته ياحبيب عايزين نطرح القضيه يكون قضية راي عام وبيني وبينك الحبيب الهادي وطني حصل حوش التجاني الماحي يعني لاينفع السكوت بعد كده ياكونت
يجب مناقشة الشواكش اسبابه وتداعياته
Post: #11 Title: Re: الحبيب عبد المجيد الكونت Author: عمر عبد الله فضل المولى Date: 09-19-2010, 09:37 AM Parent: #10
يا اميرة خليها مستورة وزي ما قال ليك مجيد نتلاقى في الحوش الصغير
Post: #12 Title: Re: الحبيب عبد المجيد الكونت Author: محمد عبد الماجد الصايم Date: 09-19-2010, 09:39 AM Parent: #11
يعني عملت ليهو زي النداء بتاع المطار داكـ: عبد المجيد الكونت .. مطلوب حضوركـ في الحوش الصغير!
قوموا لفوا ياخ!
Post: #14 Title: Re: الحبيب عبد المجيد الكونت Author: محمد عبد الماجد الصايم Date: 09-19-2010, 09:40 AM Parent: #12
هذا وكل عام وأنتم بخير
_ وقوموا لفوا برضو!
Post: #15 Title: Re: الحبيب عبد المجيد الكونت Author: عبدالمجيد الكونت Date: 09-19-2010, 09:44 AM Parent: #14
Quote: وقوموا لفوا برضو!
انت معانا ولا ما معانا
Post: #16 Title: Re: الحبيب عبد المجيد الكونت Author: محمد عبد الماجد الصايم Date: 09-19-2010, 09:52 AM Parent: #15
يا قلبي الحزين اسمعني خت قرض الصبر في الوجعة قـول لـي كـيـف تـفيدك عترة وانت وقعت كم من وقعة اشــهـدت واسـتـغـفـــرت وغـســلـت الـعـلـيــــك بدمعة اتـيـقــنـت قـلـت بـراك مـا لـيـك تـب عـشـم فـي رجعة
مـالـك قـلـبـي مـن تـطـراهـا بـالبيك لا بتحس لا بتوعى مـنـحــوس انـت مـن مـا قـمـت اصـلك ما بتفوز بقرعة سـعــدك لـو تـجـيـبــو كـرامـة كان مديت زمان القرعة فـي الـمـر مـا عـلـيـك مـلامـة أشـرب ما تفضل جرعة
الــنـــاس قـــالــوا لـي انــســاهـا لو داير تطيب بسرعة حـاولــت وغـلـبـنـي انـسـاهـا ذكـرت صبحت لي طبعة طـلــعـتــا فـي صـبـاح ايـامي لا غابت خميس لا جمعة ســرقــت بــالــي مــا فـضــل لـي مـنـو قدر اعد لسعبة
يـا ســت الـحـســان احـلامـنـا مـا بنلقاها عن ست ودع فـي دنـيــا الــغـــرام والــريـــدة الـبـكا والنواح ما بدعة زول كانت مشاعرو عليك جاري زي الحجر في الفلعة محـتـار نــارو كـيـــف يـطـفـيـها مادام النفس بقى ولعة
الكونت جعفر السقيد بيقول ليك تعيش وتاخد غيرو
Post: #20 Title: Re: الحبيب عبد المجيد الكونت Author: محمد عبدالرحمن Date: 09-19-2010, 11:07 AM Parent: #18
Quote: ياخوي انت قاعد على هبشة ولا شنو ؟ ياخي البوست دا لو ما عمل صفحتين تلاتة وحفر في الاعماق حتن بعد داك تجي تتمايل
طواااااااالي من اول كلمتين تجي منكشح ؟ مافي دلع اصلو ؟
كل سنة وانتو طيبين يا شباب ويا شابة
LOOL ... ياخوي انا كنت حايم بي هني بلا لقيت البوست المجنون ده وعارف الاتنين ديل وقت يتلموا بلخبطوا الدنيا قلت اخير الحق سريع ابارك لهم العيد قبل يصوطوها
كل سنة وات طيب يازعيم
Post: #23 Title: Re: الحبيب عبد المجيد الكونت Author: عمر عبد الله فضل المولى Date: 09-19-2010, 06:05 PM Parent: #22
الان حصحص الحق
والله ما رضيناها ليك تغمر الدمعات عينيك
Post: #24 Title: Re: الحبيب عبد المجيد الكونت Author: طارق جبريل Date: 09-20-2010, 00:01 AM Parent: #23
يا شباب قريبي دة ((قليبو رهيف وما بيقدر علي الهبباي))
Post: #25 Title: Re: الحبيب عبد المجيد الكونت Author: اكرام الصادق الحسن Date: 09-20-2010, 08:18 AM Parent: #24
Quote: يا شباب قريبي دة ((قليبو رهيف وما بيقدر علي الهبباي))
ياود جبريل اخوي نزل ليهو اغاني طمبور والباقي علي الله
