Post: #1
Title: لا يا صدأ الملاعب فالهلال هو المتصدر حتى الان ..
Author: عمر الفاروق
Date: 09-18-2010, 10:57 PM
Parent: #0
في عناوين صدأ الملاعب الذي يقدمه هذا الاغا ذكر أن الإتحاد يتصدر مجموعة الهلال ..
لحدي أسة ما سمعت التقرير وفقط اكتفيت العنوان ..
نعم لعب الاتحاد اربعة مباريات والهلال ثلاث مباريات ولو اخذن بكل الاحتمالات حتى اللحظة ومن كل الزوايا نجد الهلال هو المتصدر..
الفريقين عندهم 9 نقاط ..
الهلال ممكن يكون متصدر حتى اللحظة بالمواجهات بين الفريقين لانو فاز في طرابلس..
بي عدد الاهداف المسجلة الهلال مسجل 8 أهداف 4-2 و 2-1 و 2-1
الاتحاد سجل 6 اهداف 1-2 2-1 و 3-1
نعم للهلال مباراة اليوم إن شاء الله ونتمنى يفوز فيها لكن حتى لو خسر بفارق هدف فهو المتصدر برضو..
الاغا ده مالو مع الهلال ..طبعا ما بنقول مع الكورة السودانية لأنو المريخاب بسطوهو بي الهدايا وجمال الوالي ما بيقصر معاهو ..
|
Post: #2
Title: Re: لا يا صدأ الملاعب فالهلال هو المتصدر حتى الان ..
Author: عمر الفاروق
Date: 09-18-2010, 10:59 PM
Parent: #1
للتعديل بفارق الاهداف الاتحاد هو المتصدر لأنو فاز 4-صفر على الجيش وليس 2-1
|
Post: #3
Title: Re: لا يا صدأ الملاعب فالهلال هو المتصدر حتى الان ..
Author: khaleel
Date: 09-18-2010, 11:04 PM
Parent: #2
| Quote: للتعديل بفارق الاهداف الاتحاد هو المتصدر لأنو فاز 4-صفر على الجيش وليس 2-1 |
يا عموري الهلال اذا لم يتصدر عاجلا او اجلا لن يحرزز كاس الكونفدرالية
ويكون كرر اخطاء 2007 و2009 بعدم صدارته المضمونة
وضمان لعب النهائي في امدرمان
باذن الله الهلال السنة غير
|
Post: #4
Title: Re: لا يا صدأ الملاعب فالهلال هو المتصدر حتى الان ..
Author: عمر الفاروق
Date: 09-18-2010, 11:11 PM
Parent: #3
يا خليل:
الهلال حلو ماشاء الله ..بس لما يغيب علاء الدين انا بقيت بشفق على اولادنا..
ان شاء الله نطلع بي نتيجة ايجابية الليلة .
قول يا رب..
|
Post: #5
Title: Re: لا يا صدأ الملاعب فالهلال هو المتصدر حتى الان ..
Author: khaleel
Date: 09-18-2010, 11:12 PM
Parent: #3
Quote: حقق فريق الاتحاد الليبي فوزا ثمينا على مضيفه آس فان النيجري وتغلب عليه 3/1 اليوم السبت في الجولة الرابعة من مباريات المجموعة الأولى بدور الثمانية (مجموعات) من بطولة كأس الاتحاد الأفريقي لكرة القدم.
ورفع الاتحاد رصيده إلى تسع نقاط في الصدارة بفارق الأهداف فقط أمام الهلال السوداني بينما تجمد رصيد آس فان عند نقطة واحدة في المركز الرابع الأخير ليتأكد خروجه من دور الثمانية.
وسجل الأهداف الثلاثة للاتحاد ، يونس الشيباني وبان بيير كوليبالي وأحمد الزوي.
|
عليك الله يا عمر ناس المريخ ديل ما بخجلو يطلع فريق
داخلا فيهو لحدي هسع حداشر قون في اقل من شهر
حوالينا ولا علينا
|
Post: #6
Title: Re: لا يا صدأ الملاعب فالهلال هو المتصدر حتى الان ..
Author: بابكر التوم
Date: 09-19-2010, 00:58 AM
Parent: #5
عمر
Quote: الهلال حلو ماشاء الله ..بس لما يغيب علاء الدين انا بقيت بشفق على اولادنا..
ان شاء الله نطلع بي نتيجة ايجابية الليلة .
قول يا رب.. |
دى هينة ومقدور عليها بس برضوا لو رجعنا لطريقة 3 - 5 - 2
واللعب بليبرو الطريقة البنعرفها وماشة مع المصريين فى أفريقيا ومتسيدين بيها
4 - 4 - 2 ريكاردو مشت معاة بالتوليفة من اللاعبين فى ذلك الوقت عشان ظهيرى الجنب
يوسف محمد وعلاء الدين جبريل بعرفوا يضموا كويس فى الشق الدفاعى ويوسف محمد الان
ليس يوسف محمد السابق وخليفة بتقدم فى الهجمة وبترك فراغ وففقدنا رتشارد بعرف يوقف المدافعين ودى اهم ميزة فية
ولو تلاحظ الهلال فى كل كورة بحرز فية اهداف وبالذات أكيد بلاقى فى دور الاربعة والنهائى انشاء الله دول شمال أفريقيا وديل
ملوك الهجمة المرتدة واغلاق المساحات بالذات لما يلعبوا ى أرض الخصم .
ــــــــــــــــــــــــ
بينى وبينك مافى وقت للكلام دا والبقا بقى والله يكضب الشينة
الامل فى طارق أحمد ادم فى تنظيم الدفاع والله انا خائف من بارى ديمبا شديد 
|
Post: #7
Title: Re: لا يا صدأ الملاعب فالهلال هو المتصدر حتى الان ..
Author: Hassan Senada
Date: 09-19-2010, 05:11 AM
Parent: #6
مازال الهلال صاحب اكبر صفر دولى فى افريقيا
|
Post: #8
Title: Re: لا يا صدأ الملاعب فالهلال هو المتصدر حتى الان ..
Author: haroon diyab
Date: 09-19-2010, 05:29 AM
Parent: #7
| Quote: للتعديل بفارق الاهداف الاتحاد هو المتصدر لأنو فاز 4-صفر على الجيش وليس 2-1 |
وتيب....؟
|
Post: #9
Title: Re: لا يا صدأ الملاعب فالهلال هو المتصدر حتى الان ..
Author: Abdlaziz Eisa
Date: 09-19-2010, 05:39 AM
Parent: #8
Quote:
مازال الهلال صاحب اكبر صفر دولى فى افريقيا
|
|
Post: #10
Title: Re: لا يا صدأ الملاعب فالهلال هو المتصدر حتى الان ..
Author: عبد اللطيف عبد الحفيظ حمد
Date: 09-19-2010, 06:41 AM
Parent: #9
وما يزال الفسيخ فسيخ والوصيف وصيف والطيش طيش!!
|
Post: #11
Title: Re: لا يا صدأ الملاعب فالهلال هو المتصدر حتى الان ..
Author: محمد عمر الفكي
Date: 09-19-2010, 06:49 AM
Parent: #10
كل سنة وانت طيب يا الفاروق
غايتو بقيت زي الدجاجة الصغيرة الحمراء، تعنون براك وتدقق براك وتراجع براك وتتراجع براك، غايتو تنظيركم الكتير دا ما بعرفوا لكن كان شلتوا ليكم كاس شنبي دا احلقو بمروة دا اذا الواحد كان حي بعد الكورة .
|
Post: #12
Title: Re: لا يا صدأ الملاعب فالهلال هو المتصدر حتى الان ..
Author: الصادق صديق سلمان
Date: 09-19-2010, 06:56 AM
Parent: #11
أنا مستغرب من ناس محمد عمر الفكي وحسن سنادة ديل
غايتو يا ودالفاروق
فعلاً لو اعطانا الله الكاس الناس ديل إلا يشوفوا ليهم بلد غير السودان دا يلعبوا فيهم
إنشاء الله الكأس جاية جاية
آمين
الصادق
|
Post: #13
Title: Re: لا يا صدأ الملاعب فالهلال هو المتصدر حتى الان ..
Author: abuguta
Date: 09-19-2010, 07:17 AM
Parent: #12
الهلال اذا انتصر على الاتحاد فى الخرطوم
سوف يتصدر المجموعة,,,وان اهزم فى باقى المباريات كلها
بس لا تفريط فى مباراة الخرطوم,,,
لكن عينى باردة على الاتحاد,,,ياريت يخرج لنا القرموط من المنافسة
تحياتى
|
Post: #14
Title: Re: لا يا صدأ الملاعب فالهلال هو المتصدر حتى الان ..
Author: ABDELMAGID ABDELMAGID
Date: 09-19-2010, 07:31 AM
Parent: #13
| Quote: فعلاً لو اعطانا الله الكاس الناس ديل إلا يشوفوا ليهم بلد غير السودان دا يلعبوا فيهم |
تشمو قدحه ...
يا رشاشات ...
.............
و الله السنه دى تتنفضوا و كمان ما تفوزوا بالودرى إلا تشوفوا ليكم بلد تقعدوا فيا ..
يا بتاعين الصفر الدولى الدائم ...
..............
نفس الكأس فاز بيو سيدكم المريخ قبال 21 سنه ...
...
عبدالماجد
|
Post: #15
Title: Re: لا يا صدأ الملاعب فالهلال هو المتصدر حتى الان ..
Author: محمد عمر الفكي
Date: 09-19-2010, 08:40 AM
Parent: #14
يا شيخ الصادق،
انتوا كان بتجيبوا ليكم كاس وبتسكتوا ساهي ما عندنا معاكم مشكلة ان شاء الله تجيبوا كاس العالم ذاتو، المشكلة في لسانكم الطويل دا، تعاينوا وراكم تلقوا صفر قدر الكتلة وبعد دا تنجضونا فما بالك لو لقيتوا ليكم كاس!!!!!! والله المنبر دا والواسعة دي الا نرحل منها عشان تريحونا.
عبد الماجد
كل سنة وانت طيب يا اخي
الليلة "ابو لبانة" دا لو مرق مهزوم او متعادل مع ليفربول احتمال اسافر له مخصوص وابلعه اللبانة حقتو دي. ناس تشيلسي مقلفين النمر وزولنا دا شغال تعادلات، الله يصبرنا بس.
|
Post: #16
Title: Re: لا يا صدأ الملاعب فالهلال هو المتصدر حتى الان ..
Author: Hassan Senada
Date: 09-19-2010, 09:02 AM
Parent: #15
يالصادق انت جيب الكاس وبعدين نشوف احتمال نهاجر الى اسرائل كاس قاللللللل والله زى ماقال اخوى تشموهة قدحة
|
Post: #17
Title: Re: لا يا صدأ الملاعب فالهلال هو المتصدر حتى الان ..
Author: nazar hussien
Date: 09-19-2010, 09:22 AM
Parent: #16
Quote: غايتو يا ودالفاروق
فعلاً لو اعطانا الله الكاس الناس ديل إلا يشوفوا ليهم بلد غير السودان دا يلعبوا فيهم
إنشاء الله الكأس جاية جاية
|
لو شلتوه...برضو حا يقولوا ليكم
نحن شلناه قبالكم...
ديل قوم لا يستحون في تشجيع المريخ...
واغلبهم متزملون...
يتكلموا عن المريخ ...وكأنه برشلونة...ولما يفشل..
يقولوا ليك...الهلال برضو قبل كده فشل...
هسي بكونوا امس شافو العجب...ديفيد بيكام
والمذيع شابكنا الانيق...والدهن في العتاقي
|
Post: #18
Title: Re: لا يا صدأ الملاعب فالهلال هو المتصدر حتى الان ..
Author: tmbis
Date: 09-19-2010, 10:00 AM
Parent: #14
Quote: و الله السنه دى تتنفضوا و كمان ما تفوزوا بالودرى إلا تشوفوا ليكم بلد تقعدوا فيا ..
يا بتاعين الصفر الدولى الدائم ... |
.. وين الكلــــب بتاعك يا أبو حروف كبيرة ..؟
|
|