Post: #1 Title: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-18-2010, 09:55 PM
فتحت باب العربية وربطت الحزام
وادرت محرك العربة ثم قرات دعاء السفر
بعد ذلك مددت يدى نحو مسجل العربة فصدح منه
الفنان الهرم القامة محمد وردى باغنية الرائع دوما
الطيب الدوش الله يرحمه والحان الاغريقى اندريا رايزر
اغنية الود
لحدى هنا وكل شئ تمام التمام
وفجاءة وعندما وصل الرائع وردى الى ىالمقطع الاتى
زمان كنا بنشيل الود ... ندى الود
وفى عينينا كان يكبر حنانا زاد ...وفات الحد
زمان ما عشنا فى غربة ...ولا قاسينا نتوحد
وهسسسع رحنا نتوجع نعيش بالحسرة نتاسف
على الماضى اللمابرجع
على الفرقة الزمانه طويل على الصبر اللعشناه
مع طول الالم والليل . عندما وصل الى هذاالمقطع انمتابنى حالة من الحمى الخفيفة التى سرت فى ما بين المسامات
معها قشعريرة اعترتنى وتملك اديمى كله .
ورحت فى حالة اخرى من السرحان سبحت بى فى بحور ووديان
الى ان انتبهت الى اننى قطعت مسافة بالسيارة تتخللها 3 اشارات ضؤئية
والمدهش انا لا اتذكر ما اذا كانت تلك الاشارات خضراء ام حمراء عنما عبرت نحوها
على العموم ربكم وربى ستر .
حينما وصلت الى مكتبى اخذت افكر فى زمان وهسسع الفرق بينهم شنو
ياها الغربة ولا فى حاجات تانية .
انا فى انتظار فتاويكم الى ان اتيكم بما خطر لى فى بالى من خواطر
Post: #2 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-18-2010, 10:04 PM Parent: #1
الود مع كل الود
Post: #3 Title: Re: كيكى وشيقوق والاخرون ... زمان احسن ولا هسسسع؟؟ Author: khaleel Date: 09-18-2010, 10:13 PM Parent: #2
وقول للزمان ارجع يا زمان
ويا نسمة يا جاية من الوطن بتقول لي ايام زمان ما برجعن
ازيك يا عادل
Post: #4 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-18-2010, 10:15 PM Parent: #3
طال الكمد يا خليل طال الكمد
وبعدين الحل شنو يا عمك
كل سنة وانت طيب
Post: #5 Title: Re: كيكى وشيقوق والاخرون ... زمان احسن ولا هسسسع؟؟ Author: طه إبراهيم عبد الله Date: 09-18-2010, 11:06 PM Parent: #4
الأخ عادل عبد العزيز تحية طيبة إنت الوداك تسمع جنس الكلام الفوق دا شنو ؟ ونحن ذنبنا شنو عشان تخت لينا الود في الساعة دي من الليل وتكشف حالنا مع صغارنا ؟ ياخ إنت ما فتحت بوست إنت فتحت بيت بكا وهسع صاحبك خليل بكون شغال ردحي براهو أعصابو متوترة عشان مباراة الهلال المنتظرة . أنا غايتو عشان أعمل شيلتر حا أعمل فيها ما عارف وأقول الحمد لله زمان ما حضرت وهسع غايب أبكو براكم وفي الخاتم كنت عايز أقول ليكم مع الود والاحترام لكن خفت تقولو لي ( تاااني الود ؟ ) تصبحو على خير حا أبكي لي بكية صغيرة وأنوم .. قصدي أحاول أنوم
Post: #6 Title: Re: كيكى وشيقوق والاخرون ... زمان احسن ولا هسسسع؟؟ Author: cantona_1 Date: 09-18-2010, 11:23 PM Parent: #5
الأخ عادل .. سلامات.. إنت غاوي تعكنن علينا ولا حاجة؟ في زول مسلِّطلك علينا؟ زمان القرش فيهو تعريفتين (مش جمركيات). جوز الحمام فيهو ثلاثة. السجوك بالمتر. وضراع الدمورية بأربعة قروش؟ (هسع بتلقى لي زول بعرف الدمورية وضراعها يعني شنو). والدبلان الضراع بستة قروش. ومتر البوبلين التو باي تو 2X2 كان خمسة عشر قرش. والمسافة بالميل. والدقيق واللحمة بالوقّة. (جيب لي زولين من منبرك بعرفوا الوقّة، إن شاء الله ما تكون إنت ذاتك ما بتعرف الوقّة) كفاك كدا ولاّ أزيدك. الله يديك العافية. تحياتي.
كبـــّـاشي الصـــّافي
Post: #7 Title: Re: كيكى وشيقوق والاخرون ... زمان احسن ولا هسسسع؟؟ Author: طه إبراهيم عبد الله Date: 09-18-2010, 11:37 PM Parent: #6
الأخ كباشي الصافي نسيت السكر .. يا عمك دا بتنسي ؟ ولا بقى بجيب الحساسية ؟ تعرف السكر كان بي شنو ؟ .. مودتي واحترامي
Post: #8 Title: Re: كيكى وشيقوق والاخرون ... زمان احسن ولا هسسسع؟؟ Author: Ridhaa Date: 09-18-2010, 11:50 PM Parent: #7
Post: #31 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-20-2010, 09:22 PM Parent: #9
الحبيب طارق جبريل
نحن حضرنا زمن من جنس كلامكم انت وشيقوق
ومن زمن البطان ديل
يعنى خاتفين لونين
اها ده عندك ليهو سيناريو
اتمنى ان اراه قريبا
Post: #10 Title: Re: كيكى وشيقوق والاخرون ... زمان احسن ولا هسسسع؟؟ Author: Ridhaa Date: 09-19-2010, 00:03 AM Parent: #8
Quote: تعرف السكر كان بي شنو ؟
السكر كان بالراس ...
.
Post: #11 Title: Re: كيكى وشيقوق والاخرون ... زمان احسن ولا هسسسع؟؟ Author: Abdlaziz Eisa Date: 09-19-2010, 03:52 AM Parent: #10
الأخ عادل
سلامات وكل عام وانتم بخير
طبعا حيقولوا زمان وزمان وحكاوي كثير.. الرعيل الأول ديل لما تنزلهم من رف المتحف حتّهم شديد من الغبار..
تحياتي
Post: #12 Title: Re: كيكى وشيقوق والاخرون ... زمان احسن ولا هسسسع؟؟ Author: محمد إبراهيم علي Date: 09-19-2010, 05:02 AM Parent: #11
I Like تحياتي عدولة
Post: #13 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-19-2010, 05:12 AM Parent: #12
الاخ الجميل عادل
تحياتي وكل عام وانت بخير بالزمان والعيد مبارك عليك بالقديم
Quote: زمان كنا بنشيل الود ... ندى الود
وفى عينينا كان يكبر حنانا زاد ...وفات الحد
زمان ما عشنا فى غربة ...ولا قاسينا نتوحد
وهسسسع رحنا نتوجع نعيش بالحسرة نتاسف
على الماضى اللمابرجع
على الفرقة الزمانه طويل على الصبر اللعشناه
مع طول الالم والليل .
جاييك راجع يا العزيز فقد اصبتني في مقتل
Post: #14 Title: Re: كيكى وشيقوق والاخرون ... زمان احسن ولا هسسسع؟؟ Author: طه إبراهيم عبد الله Date: 09-19-2010, 05:44 AM Parent: #13
الشيخ الطيب شيقوق تحية طيبة
Quote: جاييك راجع يا العزيز فقد اصبتني في مقتل
صاحبك كتل الناس من نص الليل إنت كنت وين يا عشا البايتات ؟ وبعدين حلوة ( أصبتني في مقتل دي ) هو دحين فضل فيك مقتل ؟ وهسع طشيت وين ؟ يا ربي تكون مشيت تتحتحت من الغبار القال عليه صاحبك عبد العزيز عيسى وثناه صاحبنا التحت منو بي ثمب قدر الضربة . باقيلك الجنوي ديل بعرفو الحت ؟ تحياتي واحد من العروب وصل حديثاً وراصدك إنت وصاحبك الحلاوي من زمااان
Post: #15 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-19-2010, 06:47 AM Parent: #14
طه ود ابراهيم
العيد مبارك عليك آآآآآآآآآ عيسي ( اوع تكون ود بندر وتقراها عيسى بكسر العين والياء انا قاصدها بفتح العين وتسكين الياء)
Quote: صاحبك كتل الناس من نص الليل إنت كنت وين يا عشا البايتات ؟ وبعدين حلوة ( أصبتني في مقتل دي ) هو دحين فضل فيك مقتل ؟ وهسع طشيت وين ؟
يا راجل انا جاى من خريف لم يشهده السودان منذ 60 عام امطار بمعدل 50 م يوميا كيف ما يكون فيني مقتل ما تخاف على عمك كل اجهزتو الالكترونية شغالة !!!!!!
لقيتني كيف يا سجم الرماد؟
Quote: يا ربي تكون مشيت تتحتحت من الغبار القال عليه صاحبك عبد العزيز عيسى وثناه صاحبنا التحت منو بي ثمب قدر الضربة . باقيلك الجنوي ديل بعرفو الحت ؟
الجنوي ديل لا بعفروا الحت ولا الكلّيق ديل ناس تنقي عنكوليب بس
يا اخوانا شوفوا لينا ناذر الخليفة خليهو ينزل لينا اغنية الكحلاوي البقول فيها (يا حليل ايام زمان)
Post: #16 Title: Re: كيكى وشيقوق والاخرون ... زمان احسن ولا هسسسع؟؟ Author: طه إبراهيم عبد الله Date: 09-19-2010, 07:31 AM Parent: #15
أرجى الأستاذ الفنان ناذر الخليفة
Post: #17 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-19-2010, 07:53 AM Parent: #16
يا عم طه مصيبتك دى ما شغالة عندي في المكتب علا امشي البيت
فيها القنبلة سمعت بيها ؟ ريدة زمان يا حليلها عاد ريدة زمان كان زمان الناس مودة وكان كلام الريد حنان وكان حديث الحب مناجاة وكان لقاء المحبوب أمان وكان حلم غنوة وحكاية وكان أمل أخضر وكان زمان
.. يا حليلك عاد
Post: #19 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-19-2010, 08:28 AM Parent: #18
Quote: ريدة زمان يا حليلها عاد ريدة زمان كان زمان الناس مودة وكان كلام الريد حنان وكان حديث الحب مناجاة وكان لقاء المحبوب أمان وكان حلم غنوة وحكاية وكان أمل أخضر وكان زمان
Post: #20 Title: Re: كيكى وشيقوق والاخرون ... زمان احسن ولا هسسسع؟؟ Author: Abdlaziz Eisa Date: 09-19-2010, 09:42 AM Parent: #19
Quote: صاحبك كتل الناس من نص الليل إنت كنت وين يا عشا البايتات ؟ وبعدين حلوة ( أصبتني في مقتل دي ) هو دحين فضل فيك مقتل ؟ وهسع طشيت وين ؟ يا ربي تكون مشيت تتحتحت من الغبار القال عليه صاحبك عبد العزيز عيسى وثناه صاحبنا التحت منو بي ثمب قدر الضربة . باقيلك الجنوي ديل بعرفو الحت ؟ تحياتي واحد من العروب وصل حديثاً وراصدك إنت وصاحبك الحلاوي من زمااان
ياخوي طه
عوافي..
المسنوح ده رمضانه كله في الخرطوم .. وبعد رويتر والسي ان ان.... منتظر يبقى مستشار (فرع القصر ولا المعتمدية ما عارف..) يعني يرمي صفة المستشار الرسمية عشان مستشارية ديكورية!! الحت ملازم العتاقي..
Post: #21 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-19-2010, 10:05 AM Parent: #20
Quote: وبعد رويتر والسي ان ان.... منتظر يبقى مستشار (فرع القصر ولا المعتمدية ما عارف..) يعني يرمي صفة المستشار الرسمية عشان مستشارية
بطل الحسادة يا مسنوح
وكمان قناة الجزيرة عشان تفطس زيادة
Post: #22 Title: Re: كيكى وشيقوق والاخرون ... زمان احسن ولا هسسسع؟؟ Author: Abdlaziz Eisa Date: 09-19-2010, 10:35 AM Parent: #21
Quote:
بطل الحسادة يا مسنوح
وكمان قناة الجزيرة عشان تفطس زيادة
حسادة شنو يا شيخ العرب..
يا مسنوح... كلامك المغطغط داك لو قلت فيهو: ولو بتوضيحاتها... أو هلمجرا...
كان فتحنا ليك عشرين بوست.. وعشرة قنوات جادة..
ما عايز أقول العرجة......
Post: #23 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-19-2010, 11:20 AM Parent: #22
Quote: إنت الوداك تسمع جنس الكلام الفوق دا شنو ؟ ونحن ذنبنا شنو عشان تخت لينا الود في الساعة دي من الليل وتكشف حالنا مع صغارنا ؟ ياخ إنت ما فتحت بوست إنت فتحت بيت بكا وهسع صاحبك خليل بكون شغال ردحي براهو
طه ود ابراهيم
سلامات لكن لقيتك بسنونك وشكلك مليان شجن يسيل له ترعة ونص
كان عارف كده كان ختيتك فى العنوان مع الجماعة المشجونين ديل
Post: #24 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-19-2010, 09:06 PM Parent: #23
جيب لي زولين من منبرك بعرفوا الوقّة، إن شاء الله ما تكون إنت ذاتك ما بتعرف الوقّة) -------------------------------------------------------------------------------
الكباشى خسيم السم الماشى
ات آزول قايلنى حنكوش ولا شنو
الوقة كانو ببيعو بيها اللحم
وهى واحدة من ادوات الكيل والميزان
بعدين جوز الحمام تلاته دى الا فى ابو جبيهة
عندنا كدى كان 5 واحد ضكر و4 حريم
كان كدى يا خوى حمامكم ميت ساكت
Post: #25 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-19-2010, 10:44 PM Parent: #24
رضا
شكرا على المعلومات القيمة
تركيزك على معلومات زمان
لكن دى من زمان
يعنى نفهم من كلامك ده انه زمان احسن من هسسسسع ولا كيف؟
Post: #26 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-20-2010, 04:27 AM Parent: #25
Quote: كلامك المغطغط داك لو قلت فيهو: ولو بتوضيحاتها... أو هلمجرا...
كان فتحنا ليك عشرين بوست..
دى النا......... ام اتفاقية الميرغني قرنق ابيناها مملحة والان نكوس فيها عضم
قال بتوضيحاتها !!!!!!!
Post: #27 Title: Re: كيكى وشيقوق والاخرون ... زمان احسن ولا هسسسع؟؟ Author: ناذر محمد الخليفة Date: 09-20-2010, 08:40 AM Parent: #26
في رواية أخرى :
Post: #28 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-20-2010, 09:08 AM Parent: #27
هلا هلا يا ناذر ود الخليفة عافي منك دنيا وآخرة
كدى نسعلك يا ناذر اخوي - ات دحين بتعرف اسمك ورد كيف في البوست؟ عندك تقنيات بتنبهك ولا شواطين بوروك محل يرداسمك تجي لاحقو
Post: #32 Title: Re: كيكى وشيقوق والاخرون ... زمان احسن ولا هسسسع؟؟ Author: cantona_1 Date: 09-20-2010, 09:42 PM Parent: #24
Quote: بعدين جوز الحمام تلاته دى الا فى ابو جبيهة
عندنا كدى كان 5 واحد ضكر و4 حريم
الأخ عادل عبد العزيز.. سلامات.. أنا خفت ناس تكديبيني.. زمان .. أنا راكب في جملي بتيخ بلدنا نهمزو بكرعيني.... وكمان نكّج في شركي جداد بلدنا إلا نلزلزو بكيعاني .. تقول لي ما تقبضي جداد.. نقول ليكي لا، عشان شركي زمان بفرز السمينة من الضعيفة. تحياتي.
كبـــّـاشي الصـــّافي
Post: #33 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-20-2010, 09:58 PM Parent: #11
العزيز عبد العزيز عيسى
قالو الدهن فى العتاقى
والشجر الكبار فوقو الكعاكيل
الجماعة ديل غبارهم ده شن كايسين براه نحن
باقى كيكى لسسسع ما جاء حتى الاتو هنا
عليك الله اكان مطمش كدى على حلتكم انهرو لينا جاى
خلى يلحق ليه بوخة بوختين
Post: #29 Title: Re: كيكى وشيقوق والاخرون ... زمان احسن ولا هسسسع؟؟ Author: Mohamed Bannaga Date: 09-20-2010, 09:55 AM Parent: #1
من حارة الآهات بين جوانحي من خشبة الآلام فوق مسارحي من غربتي من لوعة الإبحار في الليل البهيم من إشتياق الروح للزمن القديم تلتف أمالي على باب المصير و تدق باكية عساها من يجير ويثبت الاقدام في الزمن الخطير
الاخ عادل تحياتي و كل سنة و انت طيب
Post: #30 Title: Re: كيكى وشيقوق والاخرون ... زمان احسن ولا هسسسع؟؟ Author: محمد عمر جبريل Date: 09-20-2010, 10:46 AM Parent: #29
سلامات يا عادل ليك وليك ولكل ضيوف البوست الحنين ده
بالله بس بعدين ما تنسانا من براءة الإختراع وكدة تحياتي
Post: #34 Title: Re: كيكى وشيقوق والاخرون ... زمان احسن ولا هسسسع؟؟ Author: Abdlaziz Eisa Date: 09-21-2010, 03:25 AM Parent: #30
Quote: العزيز عبد العزيز عيسى
قالو الدهن فى العتاقى
والشجر الكبار فوقو الكعاكيل
الجماعة ديل غبارهم ده شن كايسين براه نحن
باقى كيكى لسسسع ما جاء حتى الاتو هنا
عليك الله اكان مطمش كدى على حلتكم انهرو لينا جاى
خلى يلحق ليه بوخة بوختين
العزيز/ عادل عبدالعزيز
سلام
كيكي قعد يحت في رمضان وبي لبسة خمسة!! افطار الدوحة كمل غبار الزول ده.. والباقي بيحفظه للإستفتاء.. مع الكدوس!!
المسنوح رشحوا ليهو عروسة في بوست كدا.. لكن باين عليه الخذلان.. ما عارف العتاقي دي لو كانت موجودة تسربت بوين!!!
تحياتي
Post: #35 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-21-2010, 04:53 AM Parent: #34
Quote: المسنوح رشحوا ليهو عروسة في بوست كدا.. لكن باين عليه الخذلان.. ما عارف العتاقي دي لو كانت موجودة تسربت بوين!!!
كلما احاول اكتب عن زمان وهسع تجي ناطي تنسيني الحكي .
Post: #36 Title: Re: كيكى وشيقوق والاخرون ... زمان احسن ولا هسسسع؟؟ Author: Abdlaziz Eisa Date: 09-21-2010, 08:36 AM Parent: #35
Quote:
كلما احاول اكتب عن زمان وهسع تجي ناطي تنسيني الحكي .
المسنوح.... كتلتني بالضحك..
عارفين آخرك شنو.. عاد وين نجيب سيرة ال ع ر س نلقاك داقي الخيمة.. يعني السي آي اي تخترق البلد بالحالات الزي دي!!
أنسيك شنو يا الحنين الرقيق رهيّف!!
أها قنطرتك لي فيسل!!
Post: #37 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-21-2010, 09:08 AM Parent: #36
Quote: أها قنطرتك لي فيسل!!
الشوم ما تطراهو - الحمد لله بلاء وانجلى
بالحيل فاقدين عمو كمال المسنوح
Post: #38 Title: Re: كيكى وشيقوق والاخرون ... زمان احسن ولا هسسسع؟؟ Author: فيصل محمد خليل Date: 09-21-2010, 09:36 AM Parent: #37
Quote: أها قنطرتك لي فيسل!!
الشوم ما تطراهو - الحمد لله بلاء وانجلى
بالحيل فاقدين عمو كمال المسنوح
بكري ابوبكر عندو خدمة اسمها جيب عكازك اها الخدمة دي مهمتها لو واحد جاب اسمك في اي بوست بيرسل ليك SMS فيهو عنوان البوست تقوم تلقف عكازك و جري لمحل الكعة انا مشترك باسمين فيسل و فيصل و يبدو ابو النيز برضو ماخد الخدمة دي فلو جيتك نابل فلا تلومنا الا نفسك
انا الكيك
سلام صاحب البوست
Post: #39 Title: Re: كيكى وشيقوق والاخرون ... زمان احسن ولا هسسسع؟؟ Author: Abdlaziz Eisa Date: 09-21-2010, 09:52 AM Parent: #38
Quote: بكري ابوبكر عندو خدمة اسمها جيب عكازك اها الخدمة دي مهمتها لو واحد جاب اسمك في اي بوست بيرسل ليك SMS فيهو عنوان البوست تقوم تلقف عكازك و جري لمحل الكعة انا مشترك باسمين فيسل و فيصل و يبدو ابو النيز برضو ماخد الخدمة دي فلو جيتك نابل فلا تلومنا الا نفسك
انا الكيك
عفارم عليك يا فيسل...
الأخ/ عادل يرسل لك شيكا على بياض..
المسنوح من يوم مطلوق فينا..
Post: #40 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-21-2010, 11:24 AM Parent: #39
Quote: بكري ابوبكر عندو خدمة اسمها جيب عكازك اها الخدمة دي مهمتها لو واحد جاب اسمك في اي بوست بيرسل ليك SMS فيهو عنوان البوست تقوم تلقف عكازك و جري لمحل الكعة انا مشترك باسمين فيسل و فيصل و يبدو ابو النيز برضو ماخد الخدمة دي فلو جيتك نابل فلا تلومنا الا نفسك
يكون عزو الفقر خسر ليك كم دولار للشمارات - باقي لي هو في ماليزيا ما لاقي ليهو محل لشماراتو
Post: #41 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-21-2010, 10:23 PM Parent: #40
Quote: I Like تحياتي عدولة
الحبيب محمد ابراهيم
كل ما نقعد مع الجلاكين يقوليلك زمان احسن من هسسسع
طيب لو زمان احسن من هسسسع ليه نحن بقينا كده ؟
مش بيقولو ما بنى على باطل فهو باطل وبالتالى عكس الكلام ده برضو صحيح
ده المحيرنا
مع تحياتى
Post: #42 Title: Re: كيكى وشيقوق والاخرون ... زمان احسن ولا هسسسع؟؟ Author: عادل عبدالعزيز عبد الرحيم Date: 09-22-2010, 10:36 PM Parent: #41
الحبيب شيقوق
اصلو ما برد ليك لو ماجبت لى كيكى بيجاى
ماتبقى خوتك خوة عجول واحد يرعى والتانى وكران
زى ما بيقولو اهلنا فى البادية
Post: #43 Title: Re: كيكى وشيقوق والاخرون ... زمان احسن ولا هسسسع؟؟ Author: الطيب شيقوق Date: 09-23-2010, 04:56 AM Parent: #42
عدولي
Quote: اصلو ما برد ليك لو ماجبت لى كيكى بيجاى
ماتبقى خوتك خوة عجول واحد يرعى والتانى وكران
المسنوح دا انا بفتش ليه في قائمة الحضور كل يوم ومالقيتو ما عارف وكران وين
Post: #44 Title: Re: كيكى وشيقوق والاخرون ... زمان احسن ولا هسسسع؟؟ Author: Abdlaziz Eisa Date: 09-23-2010, 05:44 AM Parent: #43
Quote:
يكون عزو الفقر خسر ليك كم دولار للشمارات - باقي لي هو في ماليزياا ما لاقي ليهو محل لشماراتو
اليومين ديل حكاية العرس والعجايز دي طالعة ليك فوق ماك قادر تميز الناس وين!!
