الاخ عزام لحظة من فضلك

ود الصافي

Quote: لكن المهم صديقي عزّام من غير الناطقين بها زي صديقه وصديقي دينق عشان كدا يعني ما بنعصر عليهم كتير من ناحية القواعد. أصلها لغة أجنبية بالنسبة لهما ومن على شاكلتهما.

حرم في الـCV بكتب في خانة اللُغات : إجادة اللُغة العرِبية كِتابةً وقِراءة

لكِن شوف دي ، أول الشِهادة الثانَوِية بِالعربي ، في وِلاية الخُرطوم رطانِية مِن عِنْدِنا إسْمها [هناء محمد احمد] مِن قرية [دوة] والخبر ده مِن مَوقِع [الدامر/الرابِط أدناه] يعني جعلِيين يا ناذِر (ناذِر قال في دِراسة أثبتت إنو أبناء الجعلِيين هُم الأذكى ... وأنا بقول لِناذِر : لو عملو الدِراسة دي في عبري المحس ظنك الحيكون الأذكى منو؟ غايتو لو الدِراسة القال عليها "ناذر" صحيحة ، تبقى يا "ناذِر" إنت مِن إنْدِنا وده بِأكِد كلام د. يوسف فضل إنو كُل مُسْتعرِبة الشِمال مِن الرِحم النوبي ولو كرِه الكارِهون)

http://www.al-damr.com/vb/showthread.php?t=7292

كدي شوف الرطانة الدايرين يدونا حصة في العربي ديل...!!

يعني الواحد لو عاوز يسلم علي نوريت يقول :

دبايوا

وعزام :

مسكاقمي

عربي في عينكم

وعيدكم سعيد

عزام فرح

Quote: غايتو لو الدِراسة القال عليها "ناذر" صحيحة ، تبقى يا "ناذِر" إنت مِن إنْدِنا وده بِأكِد كلام د. يوسف فضل إنو كُل مُسْتعرِبة الشِمال مِن الرِحم النوبي ولو كرِه الكارِهون)

و أنا من زمان أقول أهلي الرباطاب جايبين المساخة دي من وين بالله نهنا من اندكم؟

Quote: حرم في الـCV بكتب في خانة اللُغات : إجادة اللُغة العرِبية كِتابةً وقِراءة

الصحيح أن يكتب: لا أعرف سوى اللغة العربية.

أخوي عزام..

Quote: وكُنت بكتِب شِعر البُطانة

ممكن أن تتفضل علينا ببعضه؟

ألحق يا عزّام .... عرفتك في اللغات إتحدّدت .... خُم وصُر

Quote: الصحيح أن يكتب: لا أعرف سوى اللغة العربية.

مش يمكن بيعرِف إسبانية أو صينية؟

لكن ما دام قلتو (الصحيح) ...... نسكُت بس

أضم صوتي لصوت فدوى و أطلب منك بعضا من شعر البطانة يا عزام

Quote: مش يمكن بيعرِف إسبانية أو صينية؟

أتحداك يكتب إسمو بلغة غير العربية دون أن يخطئ.


_____
هو العربي في تلتلة.

Quote: أتحداك يكتب إسمو بلغة غير العربية دون أن يخطئ

كِده كيف؟ دي لُغتي أنا ده ... إنت عِندك لُغة في ها البلد ... حتى اللُغة الكان جَدك بِتاع المرسح (المسرح) بِكْتِب بيها ، مو حقتو ... الفوق ده لُغتي أنا ده ... وغنيت فوقك يا ملاسي إتْ وطراجي :

إتلمو التُرُك وسَوو الكِتابة فرعًا و"جين"
يا بلد الملاقيط المِتْلي الرأي فيهو دحين
خشوكي التُرُك والتاما...الباقي عاد مين؟
فيك يا بلد أنا وفيكي قليل الأدب والدين

إتْلمو التُرُك وجابو الملافِظ والسوالُف الشينه
"بِخْصوك يا ولد" قوله تراجي لِلماهو إضينه
نِحنا بناتنا حيا وأدب ... نِحنا فينا كِنينه
نِحنا يا التُرُكُ قهنوبنا بِنْشوفا حلاتا جِنينه

إتْلمو التُرُك ولِبْسو العِمه وإتْلفحولُمْ توب
يا الملاقيط الدُنيا دُول والحياة بِالشوب
نِحنا ما بِشكِرونا بِقولا وِمسرح الدردوب
نِحنا ما مكْتوبات أُسومنا بِِحِبْر الشرافا يادوب

فدَوى وشريف
كيف حالكُم؟ علكُمْ طَيْبين

والله بس كَيْتًا في ملاسي ده ، هاكُمْ

بِتكليف مِن المُخرِج الفنان زميل البورد "محمد السُني دفع الله" كتبت شِعر لمسرحِية "تاجوج والمًحلَق" وده جُزء مِنها :

جُزء مِن شِعر المشهد (1)

أنا المًحَلَقء عرض الخلا وسيدو وطولو
الزول البِجَنْ شِنْ النُصاح بِتْسولو
يا الديش الكتير زيدو الملاما وقولو
سيد ريدي ، تراني لو في التِرِيا بنولو
ــــــــــــــــــــــ
جُزء مِن المشهد (2)

عبدالدافِع ود عبدالكريم ، بِنِمْ نَمْه وبِقول فوقا :
ليه يا الزمن ... ليه قسيت علي بِالحيل
بشْكيلك بُعادي الطَول ومعاهو هَد الحيل
نِهاري خبارو قصير وأصبح طويل بِالليل
أريتو أحضر مع سيدي ر يدي عينه الوِلْويل
ــــــــــــــــــــــ
جزء مِن المشهد (3) حِوار بين والِد تاجوج والمَحَلَقْ ، وفيهِ يلوم والِد تاجوج على همْبته المَحَلَق)

والِد تاجوج :
الزول البِشيل بهيما مو مِن حقو
كيف يِنال ريلو المَقَسَمْ وحقو
أكان دايِر الدهب يا المَحَلَق ودقو
هَمِلْ السِرقة ورُقاد الضهاري وشقو

المَحَلَق :
الزول البِشيل ذِنْدِية يا عمي بِصْبِح حقو
الخلِق الكتير كم قالو فوقي ونقو
أنا أسد بيشا المِنو الخُلوق إتْرقو
ما هماني ضرب السِلاح ونارو وبقو
ــــــــــــــــــــــ
جُزء مِن المشهد (4)

مُجادعة بين حمد ود الفزرن والمَحَلق (بعد تَوبة المَحَلَق مِن الهمْبته تنفيذًا لِشرط تاجوج)

حمد : إتْ يا المَحَلَق بعد السيتو شِنْ بِعيشك
المَحَلَق : الله كريم إن أرادْلك رِزِقْ برايهو بِنيشك
حمد : والرِزِقْ الحابسو مِن قديم ولاحِق يا المَحَلَق طيشك
المَحَلَق : القادِر عليك يا صاحبي ، بِنَتِف تشوفو في ريشك
ــــــــــــــــــــــ
جُزء مِن المشهد (5)

المَحَلَقْ يتغزل في حسناء ولم ينتبِه لِوجود تاجوج وكان سبب الفُراق

المَحَلَق :
القِصة اليَوم السُره بِت الرِهَيِف ملكت قِليبو وكُلو
الحريم والبنَنَتْ حاسْداتنا في عودا وضُلو
بسيط دَخَلا فايتابو العنانيف المَوَجَبا بِقُلو
يا مِريسيل الهَوا عني أمْشيلو بِحالي وقُلو

تِتْخج في مشيها مِتْل سِعِن المِكَرْبِت سيرو
وأتْخج مِتْل التكني مربوط معاهو في سيرو
حَيثُ يُريد بصبِح مُلازمو في سخانتو وقيرو
شاحدك يا الله الكريم تديني مِنو ريا وخيرو

تاجوج :
الشك الكان قِبيل يا المَحَلَق فوقي بِرازي
أصبح مِتْل الشَمِشْ بانْلي ووقَعْلي في راسي

المَحَلَق :
أقيفي يا سِتي .. مراتي ليك ماني فوقا برازي
ده نضمي ساي ما تقولي فيا مُوَهطْ وراسي

تاجوج :
وِكْتين بِتْ الرِهَيِف فايتاني أخير أرَوِح لِناسي
وإتْ يا المَحَلَق شايفاك ريدًا جديد هلْ فوقك وحاسي

المَحَلَق :
إتْ يا تاجوج نِسيتي يا سِتي إنو ناسِك ناسي
قولي معليش يا تاجوج نارِك باقا فِيا وحاسي

تاجوج :
لا لا يا المَحَلَق والبِنْصلي ليهو أوْكاتنا
السِمِعْتو مِن غُناك تبيعْلو جِدادنا وشاتنا

المَحَلَق :
يا بِتْ عمي ده ملعون الغُنا بِنْفَرِقَنْبو أَوْكاتْنا
ده إبْليس اللعين السلطت علينا وِشاتنا


ــــــــــــــــ
قال مسرح قال ... أها يا ملاسي

ⲁZⲁⲙ ⲁⲛⲉⲅⲁ ⲓⲛⳟⲁ ⲅⲟⲩⳡⲉ

بشري سارة للنوبين...الكتابة باللغة النوبية علي متصفح ان...بلورار ...شرح بالصور

أخــونـا أو أخـانـا هـاشـــم نــوريـب:

ســــلامـا طـيـبـا وشـــكـرا للـتـدقــيـق.

أنـا هــنـا لا لأدافــع عــن دقــة أخــى عــزام فــى الـتــعــبـيـر؛

والــتى أعــدهـا مـن أحــذق الـقـدرات فـى هــذا الـمـنــبـر.

ولــكـن أردت أن أشــيـر إلـى قـاعـدة هـامــة؛ هــى قـاعـدة "الإعـتراض"

فــى اللـغــة الـعـربـيـة.

ســواء كـانـت جـمـلـة، أو تـعـبـيـر أوكـلـمـة:

(للـشــرح، أو التـــأكــيـد، أو الـتـنـبـيـه، أو الإسـتثـنـاء، أو الـتحـديـد، أو الـتـعـريف... الـخ).

وبـدون مــعــرفـة الـســيـاق الـذى ورد فيـه الـنـص، فـى جـمـلـة عـزيـزنـا عــزام، يـصــعـب تـحـديـد الـخـطـأ والـصـواب.

فـمـثـلا لــو قـال للـتأكــيـد:

يا الله فإنا - وأنت أعلم العالِمين بحــالـنا - نـحــتـاج لــعـونـك

لـصـح تـعـبـيـره ولـمـا لـحـقـه الخـطأ أو الـتـطـاول عـلـى إسـم الــجـلالـة.

ومـن طـبـيـعـة الإعـتـراض توضـيـحـه بالـتـرقـيـم Punctuation

إمــا بــ "، ،" أو "- -" أو "-- --" وفـى بـعـض الـحـالات "( )"

قـبـل وبـعـد الإعـتـراض.

فـمـثـلا للـشــرح:

بـعـــد شــرب عـصـيـر الـكـرفـس (وهـو نـوع مـن الـخـضـر) يـبـدأ ضـغـط الـدم فـى الـهـبـوط بـعـد سـاعـة

للــتـحـديــد:

عـنـدما قـابـلــت عـثـمان – الذى يـســكـن جـوار الـمـســـتـشــفـى – أكـد لـى أنـه رآه يـنقـل مـن الإســعاف

أو للإســتـثـناء:

جـاء كل أهـل العـريـس، مـاعـدا خـالـه، إلـى الـمـسـجـد للـعـقـد.

أو للـتـعـريـف:

قـال أحـد الـمـسـيـحـيـيـن الـمجـتـمـعـيـن-- قـبـطـى -- أن بـعـض الأروسيين والـيـعـاقـبـة لا يـؤمـنـون بـإلـوهـيـة الـمـسـيـح



مــلــحـــوظـــة:

أهـا يـا أخــونـا كــباشــى (كانـتـونـا) رأيـك شــنـو؟:

أنـا أبـوى مـحـســى وأمـى حـلـفاويــة!!!!

Quote: كِده كيف؟ دي لُغتي أنا ده .

يا عزّام .....

الزول ده إتحدّاك ....... صاح
وإنت ردّيت عليهو ..... صالح

لكن نجيب لينا مصحح لغوي من وين عشان نعرف (إفحامك) ليهو ده؟

_______
الفوق ده كلّو إسمك؟

Quote: أنا بديت كِتابة الإسفير مِن مَوقِع قريتي "كويكة" مِن أعمال عبري (المحس) والمَوقِع حق حبيبنا وأُسْتاذنا وشيخنا وكبيرنا / شعبان شريف المُحْترم ، إتْفضل علي وأداني العُضَوِية فوقو ، وكُنت بكتِب شِعر البُطانة وبضطر إنو أشكِل الكلِمات علشان المحس يِفْهموني ويِتْذوقو شِعْري ..

اشعارك انت تكتبها بالغة النوبية
ياحليك يابشاشة تعال سوق هذا المستلب
لنوريت والزوار الكرام اهديكم بعض من اشعارى الكتبتها بلغتنا
وكتبتها لمسرحية تاجوج والمحلق وهى من اخراج الدنقلاوى المستعرب
محمد السنى دفع الله

Quote: جُزء مِن شِعر المشهد (1) أنا المًحَلَقء عرض الخلا وسيدو وطولو الزول البِجَنْ شِنْ النُصاح بِتْسولو يا الديش الكتير زيدو الملاما وقولو سيد ريدي ، تراني لو في التِرِيا بنولو ــــــــــــــــــــــ جُزء مِن المشهد (2) عبدالدافِع ود عبدالكريم ، بِنِمْ نَمْه وبِقول فوقا : ليه يا الزمن ... ليه قسيت علي بِالحيل بشْكيلك بُعادي الطَول ومعاهو هَد الحيل نِهاري خبارو قصير وأصبح طويل بِالليل أريتو أحضر مع سيدي ر يدي عينه الوِلْويل ــــــــــــــــــــــ جزء مِن المشهد (3) حِوار بين والِد تاجوج والمَحَلَقْ ، وفيهِ يلوم والِد تاجوج على همْبته المَحَلَق) والِد تاجوج : الزول البِشيل بهيما مو مِن حقو كيف يِنال ريلو المَقَسَمْ وحقو أكان دايِر الدهب يا المَحَلَق ودقو هَمِلْ السِرقة ورُقاد الضهاري وشقو المَحَلَق : الزول البِشيل ذِنْدِية يا عمي بِصْبِح حقو الخلِق الكتير كم قالو فوقي ونقو أنا أسد بيشا المِنو الخُلوق إتْرقو ما هماني ضرب السِلاح ونارو وبقو ــــــــــــــــــــــ جُزء مِن المشهد (4) مُجادعة بين حمد ود الفزرن والمَحَلق (بعد تَوبة المَحَلَق مِن الهمْبته تنفيذًا لِشرط تاجوج) حمد : إتْ يا المَحَلَق بعد السيتو شِنْ بِعيشك المَحَلَق : الله كريم إن أرادْلك رِزِقْ برايهو بِنيشك حمد : والرِزِقْ الحابسو مِن قديم ولاحِق يا المَحَلَق طيشك المَحَلَق : القادِر عليك يا صاحبي ، بِنَتِف تشوفو في ريشك ــــــــــــــــــــــ جُزء مِن المشهد (5) المَحَلَقْ يتغزل في حسناء ولم ينتبِه لِوجود تاجوج وكان سبب الفُراق المَحَلَق : القِصة اليَوم السُره بِت الرِهَيِف ملكت قِليبو وكُلو الحريم والبنَنَتْ حاسْداتنا في عودا وضُلو بسيط دَخَلا فايتابو العنانيف المَوَجَبا بِقُلو يا مِريسيل الهَوا عني أمْشيلو بِحالي وقُلو تِتْخج في مشيها مِتْل سِعِن المِكَرْبِت سيرو وأتْخج مِتْل التكني مربوط معاهو في سيرو حَيثُ يُريد بصبِح مُلازمو في سخانتو وقيرو شاحدك يا الله الكريم تديني مِنو ريا وخيرو تاجوج : الشك الكان قِبيل يا المَحَلَق فوقي بِرازي أصبح مِتْل الشَمِشْ بانْلي ووقَعْلي في راسي المَحَلَق : أقيفي يا سِتي .. مراتي ليك ماني فوقا برازي ده نضمي ساي ما تقولي فيا مُوَهطْ وراسي تاجوج : وِكْتين بِتْ الرِهَيِف فايتاني أخير أرَوِح لِناسي وإتْ يا المَحَلَق شايفاك ريدًا جديد هلْ فوقك وحاسي المَحَلَق : إتْ يا تاجوج نِسيتي يا سِتي إنو ناسِك ناسي قولي معليش يا تاجوج نارِك باقا فِيا وحاسي تاجوج : لا لا يا المَحَلَق والبِنْصلي ليهو أوْكاتنا السِمِعْتو مِن غُناك تبيعْلو جِدادنا وشاتنا المَحَلَق : يا بِتْ عمي ده ملعون الغُنا بِنْفَرِقَنْبو أَوْكاتْنا ده إبْليس اللعين السلطت علينا وِشاتنا ــــــــــــــــ وقريبا سوف تترجم للغة النوبية

ود الأمير

شايِف دي غلبتكُم تااااب < ... أْتُواْ بِسُورَةٍ مِّن مِّثْلِهِ ... > البقرة (23) ما قُلْتو نوبا ... حرم أكان نزل فوق المحس اكان أقلو صعاليقْنا جادعوهو ... هييييع ... بس نُزول شيتًا مِتِلْ ده مِن السِماء دليل فساد ... علشان كَدي ما بِتلْقالك نبي محسي أو صيني أو هِندي ... العِله ماف يا خوي وعِله نِزول "نبي" في قَوم ، بِتْكون دليل فسادُمْ وخَتَوَتُمْ السودا ... في زول عقلو في راسو يِعْبُدلو عجَوة ويِوْإد بِتو ... سمِح ما عِندو السيف ، الداعي شِنو يِدْفِنا المَلَيَس عقلو؟!


نِحْنا المحس وغير المحس ما فيشا
نِحْنا المحس وغيرنا بَروس وعفيشا
كُل الخُلوق بعد المحس في الطيشا
نشرب بااارِد وغيرنا مَحَلْ وعطيشا


هيييع

Quote: مــلــحـــوظـــة: أهـا يـا أخــونـا كــباشــى (كانـتـونـا) رأيـك شــنـو؟:أنـا أبـوى مـحـســى وأمـى حـلـفاويــة!!!!

شكراً يا عبد الرحمن إبراهيم وكلامك صاح أكيد إنت دفعة وقريت ألفية إبن مالك. شرحك وافي وأتمنى أن يكون القراء قد استوعبوه. لو لاحظت أن كثيراً من المشاكل هنا سببها الإيراد المبتور لبعض مقاطع حديث الآخرين مما يتسبب في كثير من المشاكل. تحياتي.

كبـــّـاشي الصـــّافي

(العوج راي والعديل راي)