توقعاتكم ... متى سيتم اعفاء المتعافي من وزارة الزراعة؟؟

انا بقول اسبوع لاسبوعين


البديل سيكون أمر منو (وهم كثر)

أمر (من المرارة)

لو استراحة محارب فالاحسن يخلهو يجوط هنا !!!!

زول واحد
تحياتي وكل سنة وانت طيب

Quote: لو استراحة محارب فالاحسن يخلهو يجوط هنا !!!!

يجوط هنا كيف.. عشان المصريين يختفو اللقمة الباقية لي شفعك الفي صورة بروفايلك دي!!؟؟

لما اولاد المزارعين...يكونوا فريق
ينافس في الدوري الممتاز

الاخ نزار

Quote: لما اولاد المزارعين...يكونوا فريق ينافس في الدوري الممتاز

عندهم اتحاد مدني واهلي مدني
لكن شكلهم (وانا معاهم) مستعدين لتكوين قوات مسلحة وعينك لبوستات
احملوا السلاح

الفريق المقصود هو أهلي مصرني...مش اهلي مدني

Quote: يجوط هنا كيف.. عشان المصريين يختفو اللقمة الباقية لي شفعك الفي صورة بروفايلك دي!!؟؟

يا احمد اخوي، التجربة مع الناس ديل علمتنا انو الاستراحة بيكون بعدها موقع اكبر و اعظم لفساد لا متناهي، ولا حساب.

عندما كان المتعافي واليا قام البشير يشيد بتجربة المتعافي التجارية الناجحة و طلب من الشعب ان يتعلموا من تجربته
الراجل بيمارس في التجارة وهو والي ... يعني تضارب مصالح يمكن ان يطيح باي حكومة كافرة.

بالسوداني كدا لمن ( ألحس كوعــي ..

بالمصـري كدا لمن ( تشوف حلمة ودنكـ ..

Quote: الفريق المقصود هو أهلي مصرني...مش اهلي مدني

المهم .. الاتنين بجهجهو المريخ هههههههه

Quote: يا احمد اخوي، التجربة مع الناس ديل علمتنا انو الاستراحة بيكون بعدها موقع اكبر و اعظم لفساد لا متناهي، ولا حساب.

المهم يحل عن سماء الجزيرة، خلينا نشوف غيرو
الزول فصل سريع المرة دي، ما مهلنا زاتو
شوف توقعاتنا
اذا لم تشتعل الجزيرة بارودا خلال الـ 48 ساعة القادمة فعلى المشروع السلام

قام هو الفصل قبل 48 ساعة
ودا مؤشر اول مرة يظهر للكيزان، قصة النكران السريع دي

سلام اخي هشام

Quote: بالسوداني كدا لمن ( ألحس كوعــي .. بالمصـري كدا لمن ( تشوف حلمة ودنكـ ..

وبالعربي كدا (غدا لناظرة قريب)

هناك شرطان لترك المتعافي اي منصب او ولاية
الأول ان تكون تلك الجهة قشطت من اي مشروع يمكن يجيب قروش للمتعافي ... او
تظهر حتة تانية فيها قروش اكتر وعمولات اكتر

Quote: هناك شرطان لترك المتعافي اي منصب او ولاية الأول ان تكون تلك الجهة قشطت من اي مشروع يمكن يجيب قروش للمتعافي ... او تظهر حتة تانية فيها قروش اكتر وعمولات اكتر

هو من ناحية انو مشروع الجزيرة مقشط، فدي مافيها كلام باقي العضم بس يكدو ويرميهو

لكن يا اخوانا منو القال ليكم هو التمساح الوحيد وسط العالم دي (التي الى الآن لم نعرف من اين اتت)

هم كثر وكتار وعلى قول نزار قباني لا استثني منكم احدا
لكن زولك دا موسيها واضحة وشغال بالمثل البقول البرقص ما بغتي دقنو .....

حين ما تلقى فدان واحد مملوك للدولة او المزارع
بعد ان يقضى على الاخضر واليابس
فترة المتعافى بوزارة الزراعة مثل خريف ابو السعن

يا ود ابن عوف المتعافي شيخ الحرامية
وما ممكن الحرامية يستغنوا عن شيخهم..
شيخهم داك الذي علمهم السحر استغنوا عنه لأنه لم يعد صالحاً..
لكن المتعافي هو البعرف يجيب ليهم المآكل عشان كده ما بشيلوهوا..

في إنتظار عبد الرحيم محمد حسين يطبز ليهو طبزة كبيرة في وزارة الدفاع

يقوم يتبادلوا الوزارات

حبيبي أطبز لي , وإنا إطبز لييك

المتعافي وجماعتو وصلو آخر محطة
وبعبارة أخرى الحفلة انتهت
وأي واحد منهم حا يخلي المكان زي الكراسي بعد نهاية الحفلة

كتب طه ابراهيم

Quote: المتعافي وجماعتو وصلو آخر محطة وبعبارة أخرى الحفلة انتهت وأي واحد منهم حا يخلي المكان زي الكراسي بعد نهاية الحفلة

امس على عثمان قال للامريكان ما معناهو خلونا نحكم و ارفعوا المقاطعة الاقتصادية و سنسهل الاستفتاء.

مساومة عديل كده.

بكرة حيقول نفس الكلام عن دارفور مع اضافة يكونوا تحت الوصاية الدولية.

وهكذا يتم تفكيك المليون ميل حبة حبة.

الاخ علي ميرغني
تحياتي

Quote: لكن زولك دا موسيها واضحة وشغال بالمثل البقول البرقص ما بغتي دقنو .....

الاخت رهف
تحياتي

Quote: حين ما تلقى فدان واحد مملوك للدولة او المزارع بعد ان يقضى على الاخضر واليابس فترة المتعافى بوزارة الزراعة مثل خريف ابو السعن

توقعاتي انو الزول دا مهمته انتهت عند التوقيع واعلان الاتفاقية
وبكملها زول اخطر منو، غالبا ما يكون في وزن نافع على نافع
القصة قد تكون محتاجة لحسم امني والمتعافي ما عنده خبرة في الحتة
دي زي نافع.

عزيزي نصر الدين البشير

Quote: لكن المتعافي هو البعرف يجيب ليهم المآكل عشان كده ما بشيلوهوا..

هو ما حيرموهو في الكوشة، بمشي القصر وبجيبوا زول غيرو، الاخراج والسيناريو السيء
جعله يهرب ويمرقا فيييييييييي غرب الاستوائية (لتوقيع اتفاقية زراعية مع حكومة الجنوب) هههههه
والحكومة في غنى عن هذا، المسألة موش لانه اخفق، المسالة انو مهته انتهت هنا

ود الارباب

Quote: في إنتظار عبد الرحيم محمد حسين يطبز ليهو طبزة كبيرة في وزارة الدفاع

انا بقول نافع علي نافع

الاخ طه ابراهيم
تحياتي

Quote: المتعافي وجماعتو وصلو آخر محطة وبعبارة أخرى الحفلة انتهت وأي واحد منهم حا يخلي المكان زي الكراسي بعد نهاية الحفلة

الكلام دا كان زمان، هسع اوكامبو راجيهم ليك في كل مطارات الدنيا
ما عندهم حل غير يندرشو معانا في السودان الشقيق

عالم حساد بشكل !!!!!!!!!!!


ما هو المتعافي دا من طينتكم ولا إستوردوه من القمر؟

أزعم بأنه لو كان أي واحدا منكم إستوزر ( زاد أوزار)

لكان كالمتعافي وشركاته وشراكاته، وكل المستور والمفضوح...

عشان كده واحد شبعان يشبعكم أخير من واحد جيعان يجوعكم....

على الأقل دكتور ......... يعرف من اين تؤكل الكتف.....

الاخ حماد الطاهر
تحياتي

Quote: عالم حساد بشكل !!!!!!!!!!!

على شنو؟؟ السيرة العطرة مثلا ام وعد بالجنة

Quote: ما هو المتعافي دا من طينتكم ولا إستوردوه من القمر؟

لا، ما من القمر، من تورا بورا

Quote: أزعم بأنه لو كان أي واحدا منكم إستوزر ( زاد أوزار)

تاريخ السودان الحديث مليء بالوزراء الماتوا فقراء جدا ولا يمتلكون بيتا واحدا

Quote: عشان كده واحد شبعان يشبعكم أخير من واحد جيعان يجوعكم....

نفس المنطق المعوج والنكتة الكنا بنسمعها زمن نميري والاتحاد الاشتراكي
السنة دي لي والسنة الجاية ليكم، تجي السنة البعديها يقول مرشحكم فلان الفلاني
اخير ليكم انتخبوني تاني، لانو لو جيبتو زول غيري برضو ح ياكل السنة دي

المشكلة موش هو بس بل كل الاورطه الحاكمانا كانت من الجياع

تحياتي