فى عشق الخالات ,, الرجاء إضافة خالتك ,,

بوست ما كان بمقدورى فتحه فى شهر رمضان
بالرغم من أن خاطرته حاصرتنى فى ذلك الشهر
الفضيل .

والخالات اللاتى أعنيهن هنا هن نساء عديدات
ظللن عالقات فى الذاكره والخيال منذ أن رأيناهن
أعمارهن فوق الخمسين حين عرفناهم .
أنا أتحدث بصيغة الجمع لتأكدى التام من أن لكل واحد
فى ذاكرته أو خياله خاله عالقه قدأعجب بها .

والخالات اللاى فى الذاكره قد يكن سياسيات أو ممثلات
أو مذيعات أو فى مجال آخر من مجالات العمل العام أو
الأعمال الفنيه والسياسيه وغيرها .
فدعونى أبدأ لكم بخالاتى , على وعد أن يشاركنى كل من
يدخل هذا البوست بإضافة خالاته .
ولنعتبره بوست عدم شغله بعد رمضان والعيد , إلى أن
نجد فى الصفحه الأولى ماينفع الناس .

من الخالات السودانيات واللاتى دوما فى ذاكرتى :

ـ بخيته الجبورى ( مذيعه فى السبعينات من القرن الماضى )
ـ زينب كرم الله ( ,,,,,,,,,,,,,,,,,,,,,,,,,,,,,,,,,, )
ـ ساره أبو ,,, ناشطه فى مجلات العمل العام
ـ ماما صفيه مقدمة برنامج الأطفال والأسره
ـ نفيسه أحمد الأمين ,, وزيره فى عهد مايو
ـ ساميه النقر ,, أستاذة إقتصاد بجامعة الخرطوم
ـ سهام العتبانى ,, ناشطه سياسيه
ـ وديده السبكى ,, قياديه شيوعيه

ومن الخالات المصريات :

ـ كريمه مختار
ـ فردوس عبد الحميد
ـ جيهان السادات
ـ ناديه عابد ( ؟؟؟ )

ومن الخالات من بقية العرب :

ـ حياة الفهد
ـ سعاد العبد الله
ـ مريم الغامدى ,, السعوديه
ـ هيام يونس
ـ منى واصف
ـ سلمى المصرى
ـ فيروز
ـ ورده الجزائريه

ومن الخالات من دول الغرب :

ـ تانسون شيلر ,, رئسة وزراء تركيا السابقه
ـ صوفيا لورين
ـ راكيل ولش
ـ أوبرا وينفرى
ـ جاكلين كندى
ـ جانيت جاكسون

وللذاكره بقيه ,,,,

بالله ما تخجلوا ,, كل واحد يجى شايل خالتو أو خالاتو
ويتفش هنا ,,
محمد المرتضى عارفك معتق وبيكون عندك خالات تقال , بالله
ماتبخل بيهم علينا .
وأهم زول عماد عبد الله نفسى أعرف خالاتو .
وياكيكى بالله إذا عايز تجيب لينا ناس عاشه مجروس وحواء
أم سكاسك , ماتجى خاشى هنا .

وما أنسى حمودى العسل الملقب بود الصائم عايزين
نعرف خالاتك ,, بس أوعى تقول لى خالاتى ناس نـدى
القلعه وريماز ميرغنى .

أوعى واحد يجى يقول لى خاله ( دوما) ,,

عادل عثمان ,, أين أنت يارجل ,, كل سنه وإنت طيب ,
بالله ساعد أخوك بالصور .
ولكل من يستطيع أرجوه شاكرا إنزال صور كل الخالات
اللاتى ورد أو سيرد ذكرهن فى هذا البوست .

( سكينة مكاوي محمد علي حمزة ) ..
أمي أخت أمي .. بت أمها و أبوها .
و حبيبتي أنا .. تماماً حبيبتي .



..........
ياخي العيد مبارك عليك ..
و أمانيك مجابة .

الأخ كما سالم، تسلم من كل شر وبلاء ،
والعيد يتبارك عليك.
عندما حصل النزاع في إبنة جعفر الطيّار بعد إستشهاده.
امر الرسول (ص) بردها إلي خالتها وقال فيما معناه،
انّ الخالة بمثابة الأُم...

هاك دي خالتي بت أحمد:

منتصف النهار, الصمت يلف المكان حتى لكأنك تسمع ضجيجه يأتيك من جميع أنحاء الباوقة, فأشجار
النخيل ساهمة, والقماري مسترخية فوقها, والأغنام متفيئة ظلآلها تقصع جرتها من حين إلى آخر. بداء
يشق هذا الصمت صوت فندك بت أحمد وقد بدأت في دق البُن الذي ما زال بعض منه في القلاية فوق
النار...
بدأت بت أحمد جالسة فوق البنبر وقد تدلت محفضتها حتى لآمست الأرض, وأمامها المنقد, وعلى
يمينها صفيحة ماء, وبجانبها الهبابة والشرغرغ على الأرض بجانب الصينية التي حوت الفناجين
تتوسطهن القداية بألوانها الزآهية, وصحن ينضح بعجوة ود لقاي مع عروق جنزبيل. توقفت بت أحمد
عن دق البُن ليعود الصمت يلف المكان مرةً أخرى, وبدأت تحرك القلاية فوق النار, في هذه
اللحظة طارت قمريّة مصفقة جناحيها في الهواء ثمّ أستقرت على صبيطة تمر قوقت لفترة من
الزمن وصمتت. عاد الهدوء يعم المكان مرةً أخرى لتقطعه بت أحمد وقد بدات تحكي عن
زمن جميل مضى وهي توزع لنا فناجين الجبنة. قطع حكي بت أحمد, صوت حمارة في الخارج,
واتى صوت ود الأحمر مخترقاً الصمت: سلآم يا بت أحمد. كيف قيلتو؟.
بت أحمد: مرحب حبابك ود الأحمر. أدخل أشرب لك فنجان جبنة.
ود الأحمر: لا لا كتّر خيرك. سادر على الحواشات.
ثم تواصل بت أحمد الحكي وقلي البُن وقد بدات حبيبات العرق تسيل في مجاري شلوخها
وهي تحكي وتبتسم بين الفينة والأُخرى, وتصب لنا الجبنة نحتسيها فيمازج طعمها حكاوي
بت أحمد الجميلة لتصبح عابقة في مكنون ذاكرتنا دوماً تذكرنا بت أحمد بعد أن رحلت
مع السمحين...
الآ رحم الله خالتي عآشا كما يحلو لأهلنا نطق الإسم على هذا النحو, ورحم
جميع من رحل من أهلنا الطيبين...
مجرّد خاطرة...


ود المدير...

هالتو دومـا..




سلام يا زعيم وعيد مبارك

أبو الريش ,, يأخ مشتاقين وكل سنه وإنت طيب ,,
( هالتو ) دوما دى يظهر حتجيب لينا مشاكل عشان
كده حنعتمدها كخاله فى الوجدان ,,
بس المشكله إنو الوجدان مابعتمد غير زول عرفتو
قبل 30 سنه على الأقل ,, لكن ممكن بالمحسوبيه
والتقدير نقبلها بأثر رجعى .
تحياتى والدوحه فاقداك .

تم سحبه
الواحد يباري عماد عبدالله مايكسب إصلو

سلامات ياكمال
أتمنى البوست يمشي في سكة دغري وجادة
لو إنحرف كدا ولا كدا حنسحب مداخلاتنا
لاننا أخدنا الموضوع جد وجبنا شخصيات حقيقية نكن لها كل الاحترام والود

Quote: ـ ماما صفيه مقدمة برنامج الأطفال والأسره

لقيتك عجوز يا كمال!

رااااااوية

أطلعي بي باقي القائمة سريع

Quote: سلامات ياكمال أتمنى البوست يمشي في سكة دغري وجادة لو إنحرف كدا ولا كدا حنسحب مداخلاتنا لاننا أخدنا الموضوع جد وجبنا شخصيات حقيقية نكن لها كل الاحترام والود

ياراويه كل سنه وإنتى طيبه وإنشاء الله الوالده
بخير .
نفسى أعرف عدلتى شنو ؟ وأكيد عماد عبد الله ضللك
لأنك أظنك قريتى العنوان بس وجيتى داخله ,,
الخالات المعنيات هنا ياروايه هن مبدعات كبار فى
السن ومازال ألقهم وبهاهم فى القمه ,,
وأعتقد أن البوست موجه للعنصر الرجالى أما النساء
فأتمنى أن تقوم الأخت دينا خالد بفتح بوست بعنوان
(فى عشق الخيلان) ,, عشان نشوف المكسره فى ألن ديلون
والمكسره فى سيدنى بوتيه وحتى عماد عبد الله يمكن
يكون من الخيلان الفى الوجدان أصلو هو دفعة الجماعه
ديل .
وماعارف ليه إفتكرتى البوست حينحرف كده ولا كده علما
بأنه بوست محترم جدا جدا وبتاع فضفضه .
ماتعقدى الأمور يأخ ,, هسه أقوم إضيفك للستة الخالات .
تحياتى ومشتاقين ,, طميننا على الوالده .

الحمد الله يا ابو خالد لقد ظننت بك الظنون ، فقد راح فكرى بعيدا ، بمعنى كلمة الخالة بالمفهوم الخليجى ، غايتو عليك جنس بوستات ، راجع ليك باذن الله . يا اخى خليك صريح وقول الدايرو بالواضح .

Quote: أوعى واحد يجى يقول لى خاله ( دوما) ,,

كمال سالم
دي عارف معها نهره كدي ترميك من الكرسي

خلال السرح يا يابا
مالها خاله دوما ؟؟.
نوامه ولا حوامه ؟؟؟!!!
لوووووووووووول
والله جني نوم
الا بكجن الحوامه
ما يمرقني من بيتي الا الشديد القوي

Quote: مالها خاله دوما ؟؟. نوامه ولا حوامه ؟؟؟!!! لوووووووووووول والله جني نوم الا بكجن الحوامه ما يمرقني من بيتي الا الشديد القوي

كلام صأاااح
مالها ؟ .. عيبا لى ! , والعداء لمواليد الاربعينيات من القرن المنصرم ده عداء غير انسانى
والله الزول لو ما خايف البوست ينحرف يا قول خالتو راوية
انا كنتا قلتا خالتو دوما هى امى , حتى لونى قمحى , لون خيرك يا مصر .

Quote: يا اخى خليك صريح وقول الدايرو بالواضح

عقدة اوديب ملكاً .. معكوسة .

نجيك من الاخر

خالتو....

دينا.....!!!!!!

يكتب كمال سالم

Quote: بوست ما كان بمقدورى فتحه فى شهر رمضان

؟
وعلامة الاستفهام من عندنا .
*

ويكتب

Quote: أنا أتحدث بصيغة الجمع لتأكدى التام من أن لكل واحد فى ذاكرته أو خياله خاله عالقه قدأعجب بها

*

ويرد الاقرع بمداخلة انبتت شعر راسه

Quote: الحمد الله يا ابو خالد لقد ظننت بك الظنون ، فقد راح فكرى بعيدا ، بمعنى كلمة الخالة بالمفهوم الخليجى ، غايتو عليك جنس بوستات ، راجع ليك باذن الله . يا اخى خليك صريح وقول الدايرو بالواضح

.
البوست ده فيهو حاجة ما مفهومة
!
علامة التعجب من عندهم .
*

Quote: ولكل من يستطيع أرجوه شاكرا إنزال صور كل الخالات اللاتى ورد أو سيرد ذكرهن فى هذا البوست

*

.........
بالمناسبة انا بهظر يا ابو كمال , عملاً بالقول المأثور

Quote: ولنعتبره بوست عدم شغله بعد رمضان والعيد , إلى أن نجد فى الصفحه الأولى ماينفع الناس

Quote: ( سكينة مكاوي محمد علي حمزة ) .. أمي أخت أمي .. بت أمها و أبوها . و حبيبتي أنا .. تماماً حبيبتي .

غايتو ياعماد عبدالله لا أملك إلا أن أقول لك كما قال
أحدهم لصديقه العائد من الحج بعد أن أهداه المصحف :
( كتاب الله ما بناباهو إلا الفيك إتعرفت ) .
ربنا يحفظ لك خالتك سكينه ويديها طولة العمر, بس خالاتنا
المعنيات هنا هن خالات لا يمتن لنا بصلة القربى , لكنهن
تركن أثر فى وجداننا كل بعطائها وإبداعها , ثم إنهن نساء
حبهن متاح للجميع ,, يعنى هسه خالتك دى أنا ألاقيها كيف
عشان تأثر فى وجدانى ؟ ,, يأخ إتصلح معانا , قربت تخرب البوست
هسه شوف راويه دى جات جاريه وجابت خالتها وعمتها وحبوبتها
بعد أن قرأت كلامك .
وبرضو راجينك حتى لو خالاتك ناس تحيه كاريوكا وأمينه رزق ,,
رمضان كريم وكل سنه وإنت والأولاد بألف خير ,,

معاويه المدير كل سنه وإنت طيب يأخ ,,
ورحم الله خالتك عشا بت أحمد وأسكنها فسيح
جناته مع الصديقين والشهداء .
ولا نعفيك من البوح بأسماء خالاتك الفى الذاكره
حتى لو كانت فايزه عمسيب .

Quote: لقيتك عجوز يا كمال!

ياعادل نجيله إزيك يأخ وكل سنه وإنت طيب ,,
أنا صغير يأخ وماما صفيه دى فى الوجدان
منذ أن كان التلفزيون أبيض وأسود .
وإنشاء الله الجندريات لما يفتحوا بوست ( فى عشق الخيلان )
حيكون العم حسن نجيله من أول خيلانى .
تحياتى ,,

Quote: رااااااوية أطلعي بي باقي القائمة سريع

يعنى ياحبيب نوره إنت إكتفيت بنوره دى ؟؟
أنكت أنكت يأخ إنت أكيد خالاتك بكونو زى
ناس هيفاء وهبى ونانسى عجرم ,, كل زمن بخالاتو .
إتخيل بالله بعد عشرين سنه يجى واحد يفتح بوست
ويقول نانسى عجاج خاله فى الوجدان ,, زمن والله ,,

Quote: الحمد الله يا ابو خالد لقد ظننت بك الظنون ، فقد راح فكرى بعيدا ، بمعنى كلمة الخالة بالمفهوم الخليجى ، غايتو عليك جنس بوستات ، راجع ليك باذن الله . يا اخى خليك صريح وقول الدايرو بالواضح .

أوضح من كده ياهجو ؟؟
بس نفسى أعرف خالاتك
أكيد من عائشه الغبشاوى وإنت طالع .
كل سنه وإنت طيب يأخ ماشفناك فى العيد .

عوضية سمك

هل فيكم زول بزور السودان الشقيق وما بمشي ليها ؟

Quote: والله جني نوم الا بكجن الحوامه ما يمرقني من بيتي الا الشديد القوي

عشان كده ياخالتو دوما أنحنا إستبعدناك .
خالاتنا المقصودات ما بنوموا لكن بحوموا .
وكان ما حوامتهم دى ما كنا عرفناهم .
كل سنه وإنتى طيبه وعيدك مبارك والقابله حبوبه .

Quote: كلام صأاااح مالها ؟ .. عيبا لى ! , والعداء لمواليد الاربعينيات من القرن المنصرم ده عداء غير انسانى[/ QUOTE] شاهين شاهين بجلالة قدروا هنا !!! إيه الهنا ده ,, يأخ مشتاقين وكل سنه وإنت طيب ,, طبعا فاجأتنى لانو أول مره أشوف ليك مداخله فى بوست , دائما الناس هى البتدخل ليك , لكن يبدو أن عاشق كبير و ( بتاع خالات ) سعيد أنا بوجودك بـس بوح بوح ياشاهين . وإذا كانت دوما من مواليد الأربعينات فخليها تنتظر لحدى مانفتح بوست فى عشق الحبوبات لووووووول ,,

---

Post: #33 Title: Re: فى عشق الخالات ,, الرجاء إضافة خالتك ,, Author: كمال سالم Date: 09-18-2010, 03:38 PM Parent: #32 Quote: نجيك من الاخر خالتو.... دينا.....!!!!!! دينا خاله ياخال ؟ ( هارون أمنع الفوضى )

---

Post: #34 Title: Re: فى عشق الخالات ,, الرجاء إضافة خالتك ,, Author: adil amin Date: 09-18-2010, 06:35 PM Parent: #33 من الارشيف:الخالة حليمةواسلحةالشمار الشامل Quote: كل ما استيقظ صباحا على صوت ثلاث عصافير تغرد فى نافذة الفصل الذي اتخذه مسكننا فى مدرسة على تخوم قرية فى سهول تهامة فى اليمن ، قرية مظلمةحسبها من الحضارة ان تظهر على الخارطة ولكنهاتضى ء بقلوب اهلها الطيبين ..اسال نفسى(لماذا انا هنا؟؟ ويطوف بى الخيال في اروقة الذاكرة واتداعي **************** كنا ناتي لزياتهم في الخرطوم حيث جنتها الهادئة في الكلاكلة صنقعت بعد ان طافت مع ابنائها وزوجها الضابط في الشرطة السودانية كل اصقاع السودان...المرحومة الخالة حليمة امراة من الزمن الجميل ،تحتل سقف الذاكرة..تدير الامور في مملكتها الصغيرة بمؤسسية يحسدها فيها الكثير من حكومات دول العالم الثالث..فمنذ البكور الاولى عندما يتنفس الصبح يستيقظ الجميع لصلاة الفجر...ثم يبدا كل باداء دوره المرسوم..البنات يعددن شاي الصباح والاب الفاضل عم محمد يذهب للجزارة والسوق وعلي وانا الي الفرن للخبز ..والعزيز عثمان ياتي بالعلف للماعز..ثم يلي لك بعد الافطار نتجمع نحن ابناء الخالات في الصالة حيث تجلس الخالة حلمية تورق الخضرة..وتستمع للرجرجة والدهماء من امثالنا يتثاقفون في حضورها البهيج والخالة حليمة تحب الثقافة والوعي وتلزم ابنها احمد الصغير ان يعد لها الراديو صباحا للتستمع الى اذاعة لندن..واراد يوم احد ابناءها ان يضرب مثل مشهور في مناطقنا في الشمال واضطر لتغيره وقال(العندو حنة يحنن ضنب حمارو)..انبرت له الخالة الحليمة التي لا تحب ان يعبث احد بتراث الامة(يا ولدي مو ضنب حمارو...جعزو*...جعزو)..ووجمنا جميعا وفر لون ابنها وهرب ..وبان عليه الامتعاض العميق امام ضحكاتها المجلجلة.. فهي لا تتورع في استخدام ((اسلحة الشمار الشامل)) في مثل هذه المواقف... ......... حاولنا يوم انت نتجاوز المؤسسية انا وابنها عثمان بعد ن ازعجها فار يسكن شوال البصل في غرفة المعيشة ،اشترينا شرك فيران..ونصبناه داخل الشوال...ولم تمض لحظات حتى سمعنا صرخة الم وصوت الشرك وجئنا للغرفة نتخافت لنجد الشرك قد امسك باصبعها الدامي وهي تنظر لنا في عتاب ممزوج بالالم.. وبختنا بانه كان يجب علينا ان نخطر الجميع بخطتنا وعدم القيام بالمجهودات الفردية لانها تاتي بنتائج عكس التوقع .......... وفي مرة زرنا نحن ابناء الخالات بيتهم عصرا..في شكل وفد كبير يضم ((الجبهة المعادية للهلال)) في العائلة عادل ولد امنة عبدالبديع ود السيدة وفؤاد ود زكية..وعندما دفعنا باب الدخول شاهد عادل اللمبة الباهتة التي يضيؤنها عصرا قبل حلول الظلام..وردد بسخرية دون ان ينتبه لعم محمد الذى كان يجلس في الجوار يتلو القران..(خلاص جينا لبيت ناس خالتي حليمة المضلم زي استاد الهلال)....انفعل العم محمد الهلالابي المخضرم واخز يسب ويلعن المريخ ويبين مثالب المريخ الممتدة الي يوم هرب الرئيس نميري وترك قفطانه في الاستاد في مبارة كاس الذهب الشهيرة..جاءت الخالة الحليمة ووبختنا بان لا نتطاول على بعلها ،واعتذرنا لها لاننا كن نقصد ابناءها الهلالاب الاوغاد ولم نكن ندري ان عم محمد يجلس في الجوار ............. كانت الخالة الحليمة تؤمن بالتنافس الشريف..عندما ختم زوجها القران ..وتناولنا نحن اللقيمات ذالك اليوم اعلنت انها ايضا ستسعى لذلك وبدات المشوار بجزء عم..وغادرت انا السودان الي اليمن..انذاك لاعرف لاحقا بحديث تلفواني معها ان مرض السكر اللعين هزمها وكف بصرها وقعدها عن الحركة...وبقيت بصيرتها النافذة..ويقينها الجميل تنتظر الاقدار...وللخالة حليمة يقين لا يتزعزع وهي تعرف تماما الى اين الت الامور خارج ابواب مملكتها الصغيرة..فمذ امد بعيد في الثمانيات وجدتها صائمة وعندما سالتها لماذا اخبرتني..(انه اذا توقف تدمير المنازل في الكلاكلة القطعية بامر الدولة قبل ان يطال بيت ابنها بابكر الذى بناه ن غربة طويلة في الارض التي بارك الله من حولها ستصوم ثلاث ايام شكرا لله)..انتصر يقين الخالة حليمة وتوقفت الحكومة المختلة الوعي والشعور عن تكسير المنازل فقط على بعد امتار من بيت بابكر...المرض وحده هزم الخالة الحليمة واقعدها عن الحركة بعد قامت بدورها خير قيام طيب الله ثراها..فهي امراة من الزمن الجميل..ومن كائنات الرمال البديعة ....زمن كان فيه النساء نساء والرجال رجال... ................... الجعز:عضو الذكر في الكائنات الحية ...كلمة عامية في منطقة الشايقية ****************** كل ما استيقظ صباحا على صوت ثلاث عصافير تغرد فى نافذة الفصل الذي اتخذه مسكننا فى مدرسة على تخوم قرية فى سهول تهامة فى اليمن ، قرية مظلمةحسبها من الحضارة ان تظهر على الخارطة ولكنهاتضى ء بقلوب اهلها الطيبين ..اسال نفسى(لماذا انا هنا؟؟ ويطوف بى الخيال في اروقة الذاكرة واتداعي ...

---

Post: #38 Title: Re: فى عشق الخالات ,, الرجاء إضافة خالتك ,, Author: كمال سالم Date: 09-19-2010, 00:45 AM Parent: #34 Quote: المرحومة الخالة حليمة امراة من الزمن الجميل ،تحتل سقف الذاكرة..تدير الامور في مملكتها الصغيرة بمؤسسية يحسدها فيها الكثير من حكومات دول العالم الثالث.. رحم الله الخاله حليمه ياعادل فلقد أوفيتها حقها وهكذا هى الدنيا تترك لنا فى النهايه الذكريات الأليمه . تحياتى وكل سنه وإنت طيب ,,

---

Post: #35 Title: Re: فى عشق الخالات ,, الرجاء إضافة خالتك ,, Author: كمال سالم Date: 09-19-2010, 00:18 AM Parent: #27 بخيته الجبورى وزينب كرم الله ياترى أين هن الآن ؟؟

---

Post: #36 Title: Re: فى عشق الخالات ,, الرجاء إضافة خالتك ,, Author: cantona_1 Date: 09-19-2010, 00:33 AM Parent: #35 Quote: ـ بخيته الجبورى ( مذيعه فى السبعينات من القرن الماضى ) ـ زينب كرم الله ( ,,,,,,,,,,,,,,,,,,,,,,,,,,,,,,,,,, ) ـ ساره أبو ,,, ناشطه فى مجلات العمل العام ـ ماما صفيه مقدمة برنامج الأطفال والأسره ـ نفيسه أحمد الأمين ,, وزيره فى عهد مايو ـ ساميه النقر ,, أستاذة إقتصاد بجامعة الخرطوم Quote: بخيته الجبورى وزينب كرم الله ياترى أين هن الآن ؟؟ الإبن العزيز كمال سالم ... سلامات.. بما أن من أوردت خالاتك فمن الآن فصاعداً قول لي: يا عمي كانتونا أو عمي كباشي.. بس القائمة بتاعتك فيها شوية لخبطة .. زي اللخبطة الأباها الإمام المهدي. يعني لميت نفيسة أحمد الأمين مع سامية النقر والأولى خالة الثانية. لميت بخيتة الجبوري مع سارة أبو وأيضاً الأولى خالة التانية. زينب كرم الله أصغر منهن كلهن ممكن تكون قريبة من سامية النقر. وماما صفية ممكن تكون خالة بخيتة الجبوري. وطبعاً ما أظنك تتذكر حكاية ماما صفية في برنامج الأطفال قبل ظهور الفيديو وكان البرنامج لايف. وحصلت حكاية عجيبة لكن ما بتتحكي في المنبر. بخيتة الجبوري موجودة بالسودان. عيالها تزوجوا والحمد لله. زينب كرم الله ما بين الإمارات ومصر حيث أسرتها الصغيرة. تحياتي يا كمال يا إبني. كبـــّـاشي الصـــّافي (العوج راي والعديل راي)

---

Post: #37 Title: Re: فى عشق الخالات ,, الرجاء إضافة خالتك ,, Author: كمال سالم Date: 09-19-2010, 00:36 AM Parent: #35 Quote: عوضية سمك هل فيكم زول بزور السودان الشقيق وما بمشي ليها ؟ غايتو ياود القريش مشاتر فى أى حاجه ! حتى وجدانك بطينى ! أحى أنا ياعوضيه !

---

Post: #39 Title: Re: فى عشق الخالات ,, الرجاء إضافة خالتك ,, Author: Emad Abdulla Date: 09-19-2010, 01:40 AM Parent: #37 Quote: الاستاذ الفاضل / عماد عبد الله تحية طيبة وكل عام وانت بخير ارجو ان تعذرني عن اذ اطلعت على البروفاي لالخاص بك بالمنبر العام للحصول على عنوانك الالكتروني للمراسلة شدني واعجبني جدا موضوع بوست الاستاذ/ كمال سالم عن عشق الخالات ولي خالة من نوع متفرد حاصرتني خواطر عده عنها بعد رحيلها عن مدينتنا فكتبت بعضها منذ فترة قصيرة رايت ان يقراها غيري ممن يمرون على المنبر العام ... وذلك لان دوافع كتابتي كانت انسانية صادقة جدا بعيدا عن اي مزايدة سياسية او غيرها وحيث انني من مدينة نيالا فقد تكون اللغة بها بعض مظاهر الريف الدارفوري الحنين.... فارجو ان التكرم بالاطلاع (مرفق ) واذا رايت استاذي الكريم انها مناسبة للنشر فارجو نشرها بالبوست المعني ... وان لم يكن ذلك فلك مني ان تقرأها واشكرك على ذلك كثيرا مع شكري وتقديري ايضا للاستاذ كمال سالم وجزيل شكري وتقدير لك واعتذاري مكررا ......... بوح خاص /عام ........ إليك أيتها الابنوسة والسلااااام أشول يا خالتي السمرية الجميلة لكم حزنت عند زيارتي الأخيرة للبلد عندما أخبرتني أمي بصوت مملوء بالأسى ( محمد ما شفت أشول رحلت الجنوب)) ، فوقع الخبر علي وقعاً قاسياً لحد الاندهاش ولم انبس ببنت شفة ، فرفعت عيني انظر إليها في توسل ، فاستقبلتني عينيها وكأنها تحمل اعتذاراً رقيق عما أصابني. كم كان مريراً وأنا أقف في مقام دارك التي أصبحت بقدرة قادر (دارك السابقة) كان مؤلماً جدا ذاك المشهد واجترار الذكرى القديمة منذ طفولتي ومعي صغار نركض أمام هذه الدار وندخلها دونما تردد أو استئذان ، ونلاعب أبناءك السمر الجميلين ، ونفرح أيما فرح عندما تأتينا هاشة باشة تعلو وجهك ابتسامة الرضا الكبير والقناعة بخير وفير. تذكرت يا خالتي ( أشول ) عندما سألتك في براءة طفولة مفطورة على حب المعرفة وقلت لك (( خالتي أشول أنتي اسمك ده مالو ما ذي باقي أسامي النسوان)) ، فجاء ردك علي بحلم كبير فهمت فيه فيما بعد ان الناس يختلفون في كل شيء بأسمائهم وأديانهم – وحكيتي لي أن (أشول) تعني بالعربية (عوضيه) فعدت راكضاً اخبر أمي أن خالتي أشول اسمها الحقيقي عوضيه وأنا مملوء بالفرح لهذا الاكتشاف الكبير. صدقيني يا خالتي أشول حزنت لعدم لقياك وأنا أتذكر آخر مرة التقيك فيها بمحطة القطار حين وداعي متوجهاً للجامعة بالبندر ، ورايتك قادمة من بعيد في حالة من الفزع والنواح الذي انتظم المكان اتيتي مودعة ككل الجيران والحبان واذكر جيدا وصيتك تلك بعد أن تقالدنا في عناق طويييييل قلت ((يا وليدي القراية سمحة شد حيلك وكلنا راجيينك)) ، كانت وصية وكلمات شافية لكل جراح التغرب والتعذب والكد من اجل (القراية) ، ولا أنسى أبدا تلك الجنيهات (الخمسة) التي وضعتها بجيبي أثناء ذاك العناق الطويل ، هي جنيهات تنازلتي عنها رغم رقة الحال وشح المال ، فكانت أسمى معاني الوفاء والواجب الذي جرت عليه العادة بالبلد وهو لحب عظيم ووفاء كبير يتجاوز كل الفواصل والمسميات الجهوية والقبلية والدينية ... ولا أنسى انحناء قامتك العظيمة على والدتي النائحة يومها مواسيةً لها (( ما تبكي بت امي محمد بكرة يجينا دكتور كبير )). أنت إنسانة نادرة جدا يا خالتي أشول ومع هذه الدنيا التي ساقت إلينا كل جراح الزمان ، كان لابد لها ان تأخذك منا بعيداً ، فما عودتنا أن تهبنا كل ذاك الجمال الإنساني السامي. أتدري يا خالتي أشول أننا قد لا نلتقي قريباً ولربما لن نلتقي أبدا ، فهاهم ساسة البلاد يصولون ويجولون ولعلهم لوجداننا يفصلون وقد نحتاج تأشيرة يوافق عليها السلطان لنرى بعضنا يا خالتي أشول . فتباً لهم إن فعلوا هذا الانقسام بفكرهم الأرعن هذا ، يا خالتي ويلهم إن فصلوا وجدانك عني وتركوا وجداني نازفاً هكذا تباً لهم و بئس هذا الزمان. أيتها الابنوسة لك حبي وكل آيات العرفان والوئام يا خالتي الحنينة والسلاااااااااام. محمد يوسف محمد/ 1/ اغسطس /اب 2010 المملكة العربية السعودية - تبوك كيمو يا ولدنا .. جاني الإيميل ده قبل شوية .. الساعة عندنا 3 و نص الفجر ( و نوم عيني البقى لي سهر ) .. و اخوك شغال بكرة . قريتو .. هذا النبض الحنين الجميل , فوجعني ياخي .. أنا ألقاها من منو وللا منو ؟؟ يعني محمد ده من كل خلايق الله البيكتبو هنا .. ما يلم إلا فيني أنا عشان أتغلغل بي زفراتو دي باقي الليل ده ؟؟ المهم .. اقرا يا ابن خالتي .. أقرا المشاعر الإنسانية في فطرة جمالها الأولي كيف تكون .. طـازجة و نديانة و محزونة و مليانة نبل و متندلة إنسانية قدر شنو . شكرا يا محمد يوسف يا جميل .. يا إنسان يا سوداني . و .. ملعون أبوكي بلد .

---

Post: #40 Title: Re: فى عشق الخالات ,, الرجاء إضافة خالتك ,, Author: معاوية المدير Date: 09-20-2010, 01:45 AM Parent: #39 Quote: ولا نعفيك من البوح بأسماء خالاتك الفى الذاكره حتى لو كانت فايزه عمسيب . كمال سالم، العيد يتبارك عليك. اهآ، خلتو ماما امال مصطفى كانت بتقدم برنامج الأطفال، وخالتو منيرة رمضان كانت حكم. قصرتا معاك؟

---

Post: #41 Title: Re: فى عشق الخالات ,, الرجاء إضافة خالتك ,, Author: كمال سالم Date: 09-20-2010, 01:57 AM Parent: #40 معليش ياجماعه والله أنا من الصباح كنت فى دافورى فيهو جنس عك ,, نسانى البوست ده ذاتو . سوف أعود لكم غدا بإذن الله ,, خاصة ياعمو كانتونا عندى معاك كلام كتير ,, بالله إنت بتعرف بخيته الجبورى ؟!! ويامعاويه يامدير والله حيرتنى فى حنانى ذاتو ,, يأخ منيره رمضان دى نكتها من وين ,, إنى آمنت بالله .