Post: #1
Title: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: خضر عطا المنان
Date: 09-16-2010, 03:34 PM
| Quote: تنوعت الصفحات والمجموعات على الموقع الاجتماعي فيسبوك بأخبارها وتعليقاتها الساخرة، فقد ناقشت مجموعة جذور الرئيس الأمريكي باراك أوباما، وأشارت إلى كونه سودانياً، وأن اسمه الحقيقي هو بركة أبو عمامة. وتحت عنوان "باراك أوباما.. عرفناك سودانياً واسمك بركة أبو عمامة"، تساءل العديدون عن جذور الرئيس أوباما، فكتبوا: "لم يخمد بعد الشد والجذب بين الكينيين والسودانيين حول أصول أوباما، وهل هي سودانية أم كينية خالصة، حتى أتانا رئيس حزب عربي ليخبرنا أن الرئيس الأمريكي باراك حسين أوباما مسلم ابن مسلم، واسمه الحقيقي بركة حسين أبو عمامة". وأضافوا "الكينيون خارج دائرة الجدل يشيرون إلى أن أسرة أوباما- أو أبو عمامة- بينهم يسرحون، ويمرحون، ويسكنون، ويرعون، والسودانيون مضوا في يقينهم إلى حد الاحتفال، فأقاموا الأفراح والليالي الملاح في الشرق والغرب، والجنوب والشمال، فجذور الرجل السودانية تسبق جذوره الكينية، وأصول أجداده تعود إلى قبيلة "ليو" التي سكنت منطقة النيل في جنوب البلاد قبل هجرتها إلى كينيا، ولم يخيّب يقينهم الرئيس، حيث أقر واعترف- في كتابه- طائعاً مختاراً بأن أجداده جاءوا إلى كينيا من السودان، ولم يعد لأحد الحق في منازعة السودانيين، أو التشكيك في روايتهم". وتابعوا بالقول "لكن القضية التي بقيت دون إثبات قضية "بركة أبو عمامة" التي أكدها ممدوح قناوي رئيس الحزب الدستوري المصري، وأحد المرشحين الخاسرين في الانتخابات الرئاسية الأخيرة التي جرت عام 2005، من أن الرئيس الأمريكي باراك حسين أوباما مسلم ابن مسلم، واسمه الحقيقي بركة حسين أبو عمامة، وأن أمه بعد انفصالها عن أبيه حرفت اسمه، وحولت أبو عمامة إلى أوباما". |
وهذا معناه ان (أبوعمامة) تحولت الى (أوباما) .. وتلك مسألة تذكرني بمقولة العقيد القذافي من ان أسطورة الأدب الانكليزي (شكسبير) هو في الأصل عربي واسمه ( شيخ زبير ).
والله وحده أعلم ..
تحياتي
خضر
|
Post: #2
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: cantona_1
Date: 09-16-2010, 03:38 PM
Parent: #1
وحلِّتهم أم طرقاً عُراض صباح لحلة كرا برا التي إنمحت من الخريطة .. مش كفاية قالوا نتنياهو سوداني من مروي! كفاية علينا رئيس واحد في وقت واحد. ريسين بغرقوا مركب وهي ما ناقصة. تحياتي.
كبـــّـاشي الصـــّافي
|
Post: #3
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: waleed dawash
Date: 09-16-2010, 03:53 PM
Parent: #2
بركة حسين ابو عمامه سودانيتو زي سودانية
مريم خيري
وعشه مفاتيح
|
Post: #5
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: أمين محمد سليمان
Date: 09-16-2010, 07:28 PM
Parent: #3
هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
الأخ خضر ، سلام
ده كلام صحيح و مؤسس جدا : اوباما عندو ود خالتو كان ساكن في الشعبيه اسمو سامر و رحلو جنبنا في نص التمانينات : كنا كل يوم بنمشي الأهليه العليا كداري من ابوروف ، اها في المشي داك سامر ما كان عندو سيره غير أولاد خالتو الجلاد ديل : ما شاء الله كانو سبعه أولاد و تلاته بنات أكبرهم ياهو بركه ده و أصغرهم أبوعمامه ( هسي بقرا إقتصاد في شرق النيل ) .
التفاصيل لاحقا إن شاء الله : لكن من ناحية إنو كلام حقيقي : فهو كلام حقيقي أحق من حقنا في العيش الكريم في سوداننا الشقيق ...
-----------------
إنا لله !!!
( حقت عماد عبدالله ما الايه ) !!
|
Post: #8
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: خضر عطا المنان
Date: 09-16-2010, 07:56 PM
Parent: #5
هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Quote: الأخ خضر ، سلام
ده كلام صحيح و مؤسس جدا : اوباما عندو ود خالتو كان ساكن في الشعبيه اسمو سامر و رحلو جنبنا في نص التمانينات : كنا كل يوم بنمشي الأهليه العليا كداري من ابوروف ، اها في المشي داك سامر ما كان عندو سيره غير أولاد خالتو الجلاد ديل : ما شاء الله كانو سبعه أولاد و تلاته بنات أكبرهم ياهو بركه ده و أصغرهم أبوعمامه ( هسي بقرا إقتصاد في شرق النيل ) .
التفاصيل لاحقا إن شاء الله : لكن من ناحية إنو كلام حقيقي : فهو كلام حقيقي أحق من حقنا في العيش الكريم في سوداننا الشقيق ...
أمين محمد سليمان |
شكرا أخي أمين
مداخلة قيمة وتأتي في سياق ما هو مطروح بالفعل ..
انها معلومات تستحق بحق التوقف عندها.. ولا شك ان الكل
في تشوق لسماع ما لديك في سياق ما اوردته هنا .
ودي
خضر
|
Post: #6
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: خضر عطا المنان
Date: 09-16-2010, 07:34 PM
Parent: #3
Quote: بركة حسين ابو عمامه سودانيتو زي سودانية
مريم خيري
وعشه مفاتيح
waleed dawash |
ليتك تكتب بلغة مفهومة يا ( dawash) .. والا من هي ( مريم خيري) ومن هي (عشة مفاتيح ؟؟( ..
هل هما (فاطمة أحمد ابراهيم) مثلا أو (مهيرة بت عبود) أم (بت مسيمس )أو (فاطمة عبدالمحمود) ؟؟..
ربما ذلك قصور مني .. فلتعذرني ... ولكن :
وصيتي لك - وصية أخوية ليس الا - اذا كنت لا تملك ما تضيفه لموضوع أي بوست أو ما يوحي - مجرد ايحاء - بفائدة لقارئ .. فعليك ان تكون قارئا فقط وليس مطلوبا منك بالضرورة ان تكون متداخلا في بوست لا تضيف
اليه شيئا .. أليس ذلك أجدى ؟؟..
وصيتي هذه تنسحب على صاحبك (كباشي) ..
تحياتي
خضر
|
Post: #11
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: waleed dawash
Date: 09-16-2010, 09:46 PM
Parent: #6
| Quote: ربما ذلك قصور مني .. فلتعذرني |
والله عشان قصورك ده حا اشرح ليك
عشه مفاتيح هي
. ALICIA KEYS
و
مريم خيري هي
MARIAH CAREY
وما تسالني اكتر من كده.. طيب؟
بلى.
اما صاحبي كباشي ده ماتندرع فيه احسن ليك
باقي الايام دي سمو فاااااااير و كان قبل عليك بشهيك العافيه
(نصيحه اخويه خالص خالص)
|
Post: #4
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: خضر عطا المنان
Date: 09-16-2010, 07:19 PM
Parent: #2
Quote: وحلِّتهم أم طرقاً عُراض صباح لحلة كرا برا التي إنمحت من الخريطة .. مش كفاية قالوا نتنياهو سوداني من مروي! كفاية علينا رئيس واحد في وقت واحد. ريسين بغرقوا مركب وهي ما ناقصة.
تحياتي.
كبـــّـاشي الصـــّافي |
لا تعليق .. لأنه ليس هناك ما يستحق !!!!!!!!!!!!..
ولا حتى اضافة مفيدة !!!..أليس كذلك؟؟.
خضر
|
Post: #7
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: أمين محمد سليمان
Date: 09-16-2010, 07:40 PM
Parent: #4
بالله يا وليد و يا كباشي : إطلبو لينا الله كان ما عندكم - زي كده - كلام تضيفو للقراء !!
|
Post: #9
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: waleed dawash
Date: 09-16-2010, 09:30 PM
Parent: #7
| Quote: بالله يا وليد و يا كباشي : إطلبو لينا الله كان ما عندكم - زي كده - كلام تضيفو للقراء !! |
العالم العلامه والفاهم الفهامه امين محمد سليمان
يا سيدي لك العتبى حتى ترضى ... فما كان لامثالنا دخول اي مقام
انت فيه الا للجلوس بطيب في حضرة جلالتكم و الارتواء من معين علمكم...
فانتم الراعي و نحن الرعيه ... وفقكم الله وسدد خطاكم ...
فنرجو ان تجدو لنا العذر فيما خط يراعنا مما اثار حفيظتكم.....
فان ذنبنا لكبير واننا بحلمكم نستجير.
وليد دواش
|
Post: #10
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: cantona_1
Date: 09-16-2010, 09:39 PM
Parent: #9
| Quote: وصيتي هذه تنسحب على صاحبك (كباشي) .. |
يا جماعة الخير ما تزعلوا .. الطعام لمن يكون دسم بقولوا عاوز ليهو قزازة بيبسي ولا كوكا كولا.. ونحن بنحاول بمداخلات بسيطة لا تضر ولا تنفع .. نحاول عمل سندوشتات خفيفة عشان الناس ما يحصل ليها ضيق نفس من الكلام الدسم.. كان غلطانين سامحونا.. وتوبة ليك يا حبوبة.
طيب بالجد يا أمين ورينا في أبوروف ناس أبوعمامة بيتهم وين لجامع أبوروف.. وين لسوق الشجرة .. وين لنادي أبو روف ... وين لمدرسة أبو روف الأولية وجنب ناس منو؟ عشان يطمئن قلبنا. تحياتي.
كبـــّـاشي الصـــّافي
|
Post: #12
Title: Re: هل هي حقيقة أم خطرفة facebook : أوباما أصله سوداني وإسمه ( بركة حسين أبوعمامة) ؟؟.
Author: abubakr
Date: 09-16-2010, 10:00 PM
Parent: #10
تحياتا للجميع
ما يهم انه رئيس لاكبر واقوي دولة في العالم ؟؟؟؟ مثله مثل 43 رئيس من اصول مهاجرة الي الارض الجدية واشنطن وجيفرسون و ومور وادامز وجاكسون و وفان بورن وهديسون و وكلا التيالرز وبولك و فيلمور وفرانكلين و وروزفلت وتافت وويلسون وهاردنق وكوليدج و هوفر وروزفلت الثاني و ترومان و ايزنخاور وكيندي وجونسون ونيكسون وفورد وكارتر وريغان وبوش الاب وكلينتون وبوش الابن ....من يعرف ان كان هؤلاء كلهم لهم اصول بين الاريين او السكسون او الغوغاز او الغجر اوالاريان او حتي الصينيين او الفرس .. المهم انهم تبؤوا كرسي رئاسة الدولة العظمي ممثليين لشعوبهم يعملون لدي شعوبهم مؤقتا باخلاص وتفاني لبلدهم وشعبهم لا يهم شعبهم الا انجازهم ....
|
|