Post: #1
Title: البوست الموحد للقطيعة في اعضاء سودانيز أونلاين!
Author: سامى عبد الوهاب مكى
Date: 09-15-2010, 01:42 PM
من غير زعل وكل زول إسمه ولا اسم البوست الكاتبه يتكتب هنا ما ياخد الموضوع جد..
حتى أنا..
نبدأ....
قريت/ي الزول القال داير يعلمنا دينا كتب شنو؟؟
قال تعالوا أعلمكم دينكم أيها الجاهلون..
تعالوا نعلمكم دينكم ... الاسلام ... ايها الجاهلون
هسي وين الحكمة والموعظة في الكلام دا؟؟
يا أخي أخير وصفي انا للممثلين بالعوارة...بالغتا
خلي الزول دا قريت الشمطة القامت في بوست تراجي بتاع (قدر ظروفك)
قالت شنو وقالو ليها شنو؟؟
قالت نسوان البلد (جت عليهن) ممسحات بالنجاسة ودايرات يبقن بوووووووويوض و(كرعينن) سمينات ومبغبغات!
واشماتي في رجال السودان ناس عايزها(صفراء وشعرها طويل وساقينها مليانه)!!
غايتو جنس محن..
قريتو التلفون البودي الاخرة؟؟
مكالمات هاتفية غريبة في السودان تؤدى الي الغيبوبة والوفاة
مجرد رأى فى امكانية حدوث الموت بالموبايل
الإشاعـة عن رقم التلفون الذى يسبب إغماء ربما تكون صحيحـة...
fبيان من الهيئة القومية للاتصالات بخصوص الارقام القاتلة
سجمنا
دا غير السلام البلحس العدة الزمان
والله وما طالبني حليفة ضربت لواحدة خطيبة صاحبنا وهو شغال برة السودان النوع المكملين قروشهم ما بين مس كول منها ومكالمة منو قلت ليها تاني إلا الحمام الزاجل ..قالت لي بضربنا الكتير دا الحمامة مشوارين تجي تقول حمروني هسي خلوني النرتاح.
اسمع/ي قريت/ي الممثلين زعلو كيف لمن قالو ليهم ما بتعرفو تمثلو وحقو تبطلو عوارة...(طبعاً دي اخير منها تعالو نعلمكم دينكم يا جاهلين)
يعميني..
ما في ممثلين في السودان نهائي للأسف وحقو يبطلو عوارة ويقيفو لحدي هنا!
يعميك شنو جد والله قالو ما في مشكلة تمثيل في مشكلة فراجة ما مهذبين
|
Post: #3
Title: Re: البوست الموحد للقطيعة في اعضاء سودانيز أونلاين!
Author: سامى عبد الوهاب مكى
Date: 09-15-2010, 02:52 PM
Parent: #2
قريت/ي موضوع الخمسة مليون مصري الجايبنهم مشروع الجزيرة؟؟
هاااااا قالو كضب!!
ابدا ما كضب لا ياخي كضب!
وليه يعني؟؟
في ناس قالو مزارعين الجزيرة هجروه..وناس قالو اجبروهم على هجرة الزراعة وفي ناس قالو تكتيك حكومي تمهيد لما بعد الانفصال!
لكن انا غايتو محتار لو فهمتو كلموني!
|
Post: #4
Title: Re: البوست الموحد للقطيعة في اعضاء سودانيز أونلاين!
Author: سامى عبد الوهاب مكى
Date: 09-15-2010, 02:59 PM
Parent: #3
قريتو محن عكاشة الداير يجيب لينا مشاكل مع حكوماتنا المركزية؟؟
مالو!!
قال تعالو اثيوبيا عازمكم انتو واولادكم؟؟
انت وزوجتك واطفالك... زورونا فى اثيوبيا !!!??
عزومة مراكبية لو جد جد كان تكون في الخاص!
|
Post: #5
Title: Re: البوست الموحد للقطيعة في اعضاء سودانيز أونلاين!
Author: سامى عبد الوهاب مكى
Date: 09-15-2010, 06:15 PM
Parent: #4
سمعتوا بي شمطة سيجيمان مع الفاتح يوسف جبرا؟
ومالهم ديل كمان ديل كتاب كبار وناس كويسين وبيضحكونا؟؟
يا اخي يضحكونا شنو والله تشوف/ي الشكلة تقول/ي ما اقرا ليهم تاني كله كله..
ليه؟؟
شوفو براكم..
تاااااااااني يا الفاتح جبرا.... سرقة ادبية جديدة؟
عاد دي حالة دي؟؟
|
Post: #6
Title: Re: البوست الموحد للقطيعة في اعضاء سودانيز أونلاين!
Author: خالد فهمي
Date: 09-15-2010, 06:31 PM
Parent: #5
استغفر الله العظيم
|
Post: #7
Title: Re: البوست الموحد للقطيعة في اعضاء سودانيز أونلاين!
Author: سامى عبد الوهاب مكى
Date: 09-15-2010, 06:42 PM
Parent: #6
Quote:
استغفر الله العظيم |
قول يا خالد فهمي قول اصلو قطيعة البلد دي بنبداها بـ
استغفر الله العظيم
استغفر الله العظيم
|
|