Post: #1
Title: وبناكل زي اكل الحمار في النجيله - لا الحمار بيشبع ولا النجيله بتكمل !!
Author: عبدالله كع
Date: 09-15-2010, 09:18 AM
رمضان ودعنا .. با يامه الرهيبه الروحانيه .. يا سلااااام
يااااااا حليلو وحاة الرسول
الحمدلله الواحد حسي انو نضيف !
اكل في مواعيدو .. واكل طازه وكرت كرتونه !
شراب في مواعيدو - لا مشروبات غازيه ولا روحيه .. عصاير ع كيف كيفك
نوم في مواعيدو .. وبقي نومتين كمان قبل الفطور بي شويه - النومه التانيه بعد واحده - ص
صلاة في مواعيدها - وفي المسجد .. ومعاها تلاوة قران ...... يا الله
وكل شي بمقدار صاح .. حتي الكرش شكلو اتوزن شويه والرقه ظهرت تاني
حتي الكلام الفارغ اتعدم ... وولي - وبقي الحمدلله و سبحان الله - واللهم اني صايم
والغريبه النقه مع ست البيت بقت زي العسل ... و لدرجه انو الوحد فكر يجيب واحده تانيه !!!
والاغرب الناس الدمها تقيل .. قلة طلتهم ..و نهائي مافي
قاااام الحاج رمضان مشي ..
وخلانا للرمرمه والطفسي - وملاح الباميه لملمت الصلاوات
و الناس البايخه وزحمة الشغل .. والفطور و شراب الشاي البدون معني
وسوق الخضار والكوسه والبامبيه حتي الجرجير العوير حا يكون عندو مكانه
في حياتك .. والغداء المواعيدو زي الزفت والملاح الكلو زيت .
وتعال يا حيرقان وسوء هضم وانتفاخ في الكروش - والببسي و ال - (اب 7 ) .. وانسي
ويبقي مواسم العيادات اشتغل
يا ريت السنه كلها رمضان ..
والخرمجه تكون شهر واحد في السنه - يعني تبقي السنه شهرين بس
1- رمضان ( 11 شهر )
2- وشبعان ( شهر وااااحد )
والله يا حليلو رمضان الكريم
|
Post: #2
Title: Re: وبناكل زي اكل الحمار في النجيله - لا الحمار بيشبع ولا النجيله بتكمل !!
Author: ياسر نجيلة
Date: 09-15-2010, 10:38 AM
Parent: #1
| Quote: وبناكل زي اكل الحمار في النجيله - لا الحمار بيشبع ولا النجيله بتكمل !! |
نجيلة ... عديل كده ... الحمدلله الماكملت ...
كل سنة وانت طيب ... ورمضان كريم ....
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
ورمضان كل العمر ..
تحياتي
|
Post: #3
Title: Re: وبناكل زي اكل الحمار في النجيله - لا الحمار بيشبع ولا النجيله بتكمل !!
Author: عبدالله كع
Date: 09-15-2010, 07:39 PM
Parent: #2
سلام يا صاحب يا نجيله ..
وكل سنين عمرك طيبه
| Quote: نجيلة ... عديل كده ... الحمدلله الماكملت ... |
وان شالله ما تكمل ...
لكن رجعنا للعضه الغير مبرمجبه الحشي البدون فهم ..
يا خي رمضان رحمه وحاة الله
ثلااااااااااااااااااااااثه وجباااااات ..
تتخيل يا نجيله اليوم ما كل وجبتين ونص ..
متغدي بملاح باميه وكميه سلطه خدره .. حصان ما يكله
هسي عندي تخمه .. وما تنسي جاينا العشي كمان
يااااااا حليلو رمضام !
تحـــــــــــيــاتي
|
|