الى الباشمهندس بكري ابوبكر ،،، مع التحية

_ سلامات
_ اهلين سلمى ، ازيك ؟؟
_ كويسة ، و سعيدة جداً اني بتكلم معاك
_ الله يخليك ياخ انشالله تسلمي
_ جد والله ، انا قريت ليك كتير في سودانيز اون لاين و اتمنيت اني اتعرف عليك

غالباً ما يكون هذا الحوار بدايةً لصداقة عميقة و حقيقة مع احد الرائعين من اعضاء هذا المكان الجميل ، ثم بعده غالباً ما افكر ان ما اجمل ان تضيف شخصاً مميزاً الى حياتك ، و ما اجمل ما تصبح عليه حياتك عندما يزداد عدد اللذين تحبهم _ تصبح حياتنا اجمل كلما كان من نحبهم فيها يزدادون عدداً _ من الذي قال ان الجمال يتناسب طردياً مع الحب ؟! حسنا ،، انه كذلك .
ثم ما اجمل ان يكون هناك مكان يجعل كل هذا ممكناً ، مكان يكون لنا وطن ، وطن يجمعنا و نحن في منافينا لم نبارحها .
ترى هل كان ذلك الذي صنع هذا الوطن _ هذا الجمال _ يعلم انه بفعلته هذه قد اضاف على حياة فتاة تدعى سلمى _ بمكان بعيد في هذا العالم _ اضاف الى حياتها لوناً صارخاً بعد ان غمرها اللون الرمادي ؟! هل كان يعلم ان صنيعه هذا سيكون سبباً _ مباشراً _ في انقاذ تلك التعسة من وحدة قاتلة في دنيا ليل غربة و مطر ؟!

حسناً ،، قد لا اعرف الكثير عن م . بكري ابوبكر ، ربما لا اعرف عنه غير انه مؤسس سودانيز اون لاين . هذا بالنسبة لي كاف لأن احبه بمقدار حبي لجميع اللذين أحببتهم بسببه .


كل سنة و أنت طيّب ... يا ريّس

Quote: جد والله ، انا قريت ليك كتير في سودانيز اون لاين و اتمنيت اني اتعرف عليك

اها وده شعوري انا نحوك يا سلمى تاور
رايك شنو؟

Quote: بكري ابوبكر ، ربما لا اعرف عنه غير انه مؤسس سودانيز اون لاين . هذا بالنسبة لي كاف لأن احبه بمقدار حبي لجميع اللذين أحببتهم بسببه .

ألف مرحب بيك يا سلمي في عالم سودانيزأونلاين ..وأنا برضو ببادلك نفس الحب والمودة وقالوا الما عندو محبة ما عندو الحبة ..

لكي خالص التقدير والمودة ..

Quote: وأنا برضو ببادلك نفس الحب والمودة وقالوا الما عندو محبة ما عندو الحبة

تعرف يا بشير الحب هو الشعور الوحيد الذي لا يسمح لك بأن تتجاهله ، لذا نفعل كل ما بوسعنا لجعل اللذين نحبهم يعرفون اننا نحبهم ، و يعرفون ماذا فعل حبهم بحياتنا ، كيف غيرها و جعلها اجمل _ اتفقنا ان الحب يزيد الحياة جمالاً ، أليس كذلك ؟؟

اشكرك على مرورك ،،، و محبتك
لك كل الود

Quote: اها وده شعوري انا نحوك يا سلمى تاور رايك شنو؟

اهلين خالد وتسلم كتير على شعورك

لكن انا ما كتبت كتير : ) ؟؟؟

بوردابي وبوردابية في الطريق نحو القفص الذهــــبي

يا سلااااااااااااااااااااام
يعني ديل ريحوني راحة من الكلام الكتير

الف مبروك يا حلوين
و ربنا يتمم ليكم على خير يا رب

مبروك يا ريّس : )