سلامات يا شيخ كنتونا برنامج أغاني وأغاني دا يذاع للسنة الخامسة دلوقت في شهر رمضان كل سنة على ما أظن بدأ بالمطربين عاصم البنا وعصام محمد نور وفرفور ونادر خضر بعد كدا كل سنة مقدمه السر قدور بدأ يستعين بمغنيين ومغنيات جدد ناس نجوم الغد ديل بدو يدخلو الرنامج من الموسم السابق
كدي خليني من النقة دي، سمعت الغنية الفوق دي كم مرة؟
Post: #8 Title: Re: إلى الحوتيين والحوتيات Author: cantona_1 Date: 09-15-2010, 00:07 AM Parent: #7
Quote: كدي خليني من النقة دي، سمعت الغنية الفوق دي كم مرة؟
بصراحة يا أشرف ما سمعتها ولا مرة.. بس شفت الوليدات ديل قلت يا ربي هم ديل ما لهم متوفرين كدا.. تقول التلفزيون حقهم.
كبـــّـاشي الصـــّافي
Post: #9 Title: Re: إلى الحوتيين والحوتيات Author: Ashraf el-Halabi Date: 09-15-2010, 00:24 AM Parent: #8
ألحق أسمع الغنية دي بالذات قبال تكمل أنا أستهلك منها في اليوم الواحد كان تلاتين كان أربعين قطعة، فما بالك بالراسخين في الحوتية! شوف الصوت والتكنيك العجيبين ديل وأدعو لأخوك
Post: #10 Title: Re: إلى الحوتيين والحوتيات Author: أسامة عبد الجليل Date: 09-15-2010, 01:43 AM Parent: #9
أغنية بديعة أجاد محمود في أدائها. شكرا يا حلبي.
Post: #11 Title: Re: إلى الحوتيين والحوتيات Author: Ashraf el-Halabi Date: 09-15-2010, 02:31 AM Parent: #10
سلامات أسامة طوال الشهر ما حسيت محمود بيأدي أداء مقنع وكل مرة أقول "باقي دقية حوتة بجيبا" بالله جا يوم العيد أدى أداء حير الحيرة ذاتها! بعد انقضاء الشهر الكريم، وفي عفو عام، أطلق كل شياطين صوته، وفتح قماقم مردة أدائه المشوطن عن بكرة جنيها فما كان لنا إلا أن نغفر ما تقدم من ذنبه في ذلك الشهر
"إتعلمنا من ريدا" محمود غناها كتير حتى لوقت قريب (يعني لسة حافظها) يا أسامة عشان كدا يتخيل لي ما لقى صعوبة يؤديها بالشكل دا زائد، بسبب شخصيته الخجولة، يبدو إنو يادوب بدأ يحس بالفميلياريتي وسط المجموعة الموجودة دي
أحوتي يا أسامة فنهدي لك أم مشجعٌ للعبة الحلوة ساي؟
الأغنية دي في رأيي من نوعية أغانينا البتشبه الأغاني الغربية Lyrics بسيط وفقير(بداخل) لحن بديع ومؤدي مشوطن
Post: #13 Title: Re: إلى الحوتيين والحوتيات Author: Ashraf el-Halabi Date: 09-16-2010, 06:40 AM Parent: #12
بجانب أهمية التغذية، الحوت محتاج لنيو لوك آز سون آز بسيبول لازم يتخلص من التسريحة الحالية
Post: #14 Title: Re: إلى الحوتيين والحوتيات Author: Ashraf el-Halabi Date: 09-16-2010, 06:45 AM Parent: #13
ولا ضير لو غشى (الدنقلاوي) المشغل تراجي مندوب دعاية داك
Post: #15 Title: Re: إلى الحوتيين والحوتيات Author: أسامة عبد الجليل Date: 09-16-2010, 07:24 AM
Quote: أحوتي يا أسامة فنهدي لك أم مشجعٌ للعبة الحلوة ساي؟
أهدي يا حلبي وإنت مطمئن.
كدي النهدي ليك أنا في الأول النبي الكريم قال: تهادوا تحابوا
Post: #16 Title: Re: إلى الحوتيين والحوتيات Author: haroon diyab Date: 09-16-2010, 07:37 AM Parent: #15
ياحلبي
الحوت لايموت
شايف الجماعة العاملين فيها
معلمين كباااااااااااااار
خمسة سنة......؟
في حضرة الحوت اصبحو تلاميذ
في فصل وفيهو امتحان رياضيات....!!!!ههههههههه
Post: #17 Title: Re: إلى الحوتيين والحوتيات Author: Amany Elamin Date: 09-16-2010, 07:38 AM Parent: #15
ياسلام عليك يا أشرف,, ماقلنا زي ما قال الاستاذ أبو العزائم, سمح الغنا في خشم محمود,,
Quote: أنا أستهلك منها في اليوم الواحد كان تلاتين كان أربعين قطعة، فما بالك بالراسخين في الحوتية!
ههههههه ده أبلغ وصف لادمان الحوت, حقيقي لأستطيع ايقاف الريال بلاير وأنا استمع الي ابداع حوته, والنتيجه تلاتين أربعين حبه من نفس الأغنيه في اليوم الواحد لوووووول
الله يدي الحوت ألف عافيه ويخليه لمدمنين الاستماع والطرب بفنّه,,
الأغنية دي عجيبة خلاص، وما كنت قايل في زول ممكن يغنيها بنفس روعة الخالدي
وعلى العموم أنا لا أسمع للحوت كثيراً ولكنى سمعت هذه الأغنية أكثر من خمس مرات (بالمناسبة دا رقم قياسي)، وتعجبني أغنية (آه الأهيف) في شريط اسمه على ما أذكر (حبيتو في النجيلة) أو شئ من هذا الغبيل.
أتاريك طلعت فايتنا بالصبر!! وأنا تطاولت وسألتك: (أحوتي؟) فاغفر لي جهلي إذ طلعت إنتا يونس ذاتو ياخ يا أسامة طال ما طلعت عارف درب السهرة ديك يبقى نهدي منها لأستاذنا أبو العزائم أماني قالت قال: "سمح الغنا في خشم محمود" بالحيل يا أستاذ: (سمح الغنا في خشم سيدو) دا شغال على شبكات كل المغنيين لكن أول ما يصل منطقة الحوت بيبقى (خارج نطاق التغطية) نهديك من نفس سهرة أسامة:
يا سلام ياخ، أبو ديبو طلع حوتي؟! ياخي دا مكسب كبير للقلعة الحوتية زي ما ألمح الصادق!
يا دياب يخيل لي كدا بنظلم الشباب المجتهدين ديل أنا معاك بعضهم السنة دي تحس بيه ما مشارك بنفس حماس السنوات الفاتت، ودا أسبابه كتيرة، منها الزحمة العملها عمو السر لكن في حاجة مهمة: ميزة الحوت ما الاجتهاد أو الصوت، الحوت ميزتو في التفرد في الأداء ودا حسب فهمي ما داير ليهو اجتهاد، دا حاجة ربانية حاجة زي ما بقولوا الصوفية: "علم وهبي وليس كسبي" موهبة ما للاجتهاد أي دخل فيها بنفس القدر إنتا كحوتي بتلقى محبتك للزول دا حاجة ما ليك أي يد فيها، شي كدا لاصق في قلبك زول لا بحفظ الغنا مية المية لا بلتزم بمواعيده لا..إلخ.. وبعد دا تحبه وتغفر ليه! يعني حاجة ربانية فليسامحونا، ولا يوخذونا في ما لا نملك
Quote: حقيقي لأستطيع ايقاف الريال بلاير وأنا استمع الي ابداع حوته, والنتيجه تلاتين أربعين حبه من نفس الأغنيه في اليوم الواحد لوووووول
قبل خمسة سنة يا أماني صاحبي كان في السودان في إجازة ضرب قال لي أنا جاي بعد يومين، أجيب ليك معاي شنو؟ قلت ليهو محمود قالوا غني "القطار المر" جيب لي الشريط دا بس كنت بشغل الشريط اوتوريفيرس اليوم كله من الزمن داك ما سمعت محمود يغني بالجمال دا إلا في "حب الناس"
أسي دا "القطار المر" ولا الكنار المر؟!
موسيقى وأداء يحيرو ويقولوا ليك زمن!!! شوفي الدخول بعد الدُم دا بيتوزن بالجرام كيف؟ ياخي التقول موزون بميزان دهب ديجيتال (ما شاء الله)
Quote: حوتيين دى كنت فاكرة ناس برج الحوت اظر وايس كلنا محمود....كلنا حوتا
والله تخيلي يا بت الشيخ "ناس برج الحوت" دي أعمق! المهم في الموضوع طلعت حوتية ودا نصر للحواتة يا بت الشيخ بعد داك إن شاء الله تكوني مولودة يوم 31 فبراير ما خسانا
Quote: وعلى العموم أنا لا أسمع للحوت كثيراً ولكنى سمعت هذه الأغنية أكثر من خمس مرات (بالمناسبة دا رقم قياسي)
شي لله يا حوت حييييي! إنتا قايل شنو يا بو الصا، الناس دي كلها الحوتية بدت معاها بالأرقام القياسية الزي دي
لو لاحظت يا الصادق في نص الغنية محمود بيضحك والشباب ذاتم بيضحكوا وهم بيعاينو ناحية طاقم التصوير، إنت قايل شنو، بيكون الزول الخاتي السماعات الكبيرة ديك، وبيظبط الصوت، دخل ليو واحد من شواطين الأداء في أضانو وزولنا دخل في الحضرة أها زولك دا قطع شك أسي مكتف في مسيد والجماعة شغالين فوقو قراية لو ما مصدقني أسأل محمد عكاشة دا لو ما كان عكاشة هو ذاتو زول المسيد
يااا أهلاً : حاوات اجيب حوتيتين (بعد الغياب، الفات زمان): لكن ما عندكم نصيب، رازيتا رازيتا: عصلجت
Post: #25 Title: Re: إلى الحوتيين والحوتيات Author: عمر الفاروق Date: 09-16-2010, 08:44 PM Parent: #22
Quote: ولاست بط نوط ليست: إلى الشناف عمر الفاروق: هاك شنف إضنيك
نو إسبيك دبل توتش .. دي ترجمتا بي العربي يا ابو الشوش : ولااااا كلمة ..
Quote: إلى الحوتيين والحوتيات
بل قل إلى كل أهل الحواتة .. اغرب حاجة يا ابو لاشوش طيلة حلقات البرنامج دي كل ما يغني محمود الجماعة ديل بيكتفو يدينهم ويصنو صنة عدوك ويقعدو يسمعو وكأنه بهذا الحوت بيدهم في حصة وشايل سوط العنج .. نعم هو شايل ليهم بس (صوت) عنج يتسرب في كنكوج أبو أهل أي زول .. الود محمود ده نعمة من رب العالمين ..
دعني أختلف معك هنا يا زميل أنا متأكد (الصوت) دا ما عنج، دا لازم يكون معدن، وإلا كيف تفسر وصول الشحنات الكهربية لكنكوجنا نحنا!! في الدقيقة 3:47 من عمر المباراة يا عمر لاحظ للفتة فردتنا نادر يا عمر، عاين لما الحوت طلع طلعتة الجوية ديك، لفتة ما طبيعيةَ!
Quote: دخل ليو واحد من شواطين الأداء في أضانو وزولنا دخل في الحضرة
يا زول دا أداء عجيب، عارف يا حلبي الزول دا بيخليك (تحس) الكلمة زاتا مش تسمعا وبس، إني آمنتُ بالله، يا خي صوتو في (الأغنية دي) بخليك (تنجذب) أي نعم يا حبشي (تنجذب) عديل.
ألحقنا بإهداءٍ من هذه الشاكلة تنل أجرك مرتين (وقيل أكثر من ذلك في رواية أخرى)
Post: #33 Title: Re: إلى الحوتيين والحوتيات Author: Ashraf el-Halabi Date: 09-17-2010, 11:44 AM Parent: #32
Quote: يا زول دا أداء عجيب، عارف يا حلبي الزول دا بيخليك (تحس) الكلمة زاتا مش تسمعا وبس، إني آمنتُ بالله، يا خي صوتو في (الأغنية دي) بخليك (تنجذب) أي نعم يا حبشي (تنجذب) عديل.
يا شباب ود إسماعيل دا جاي عطشان فاكرموا وفادته يعني طولوا ليو الكاسات شان يلحق
أبدأ بـ "كنتي معاي" دي يا بو الصا عشان "جوافة"
دي من ألبوم "أكتبي ليّ" واحد من الألبومات الاجتهد فيها الحوت واشتغل شغل محترفين وفيها فرقة موسيقية عجيبة تتذكر فترة أزمة دفاتر البرنسيس في البلد؟ لمن كانت بتتباع في السوق الأسود! أظن دا كان بسبب الحوت وفرقته الموسيقية في الألبوم العجيب دا أغنية "أكتبي ليّ" العلى اسمها الألبوم دا يا شيخ الصادق ذاتا حكاية من حكاية "ألف ليلية وليلة" لو واحد من الشباب قدر ينزلا لينا يكون جميل بس خلي بالك مكتوب عليها "ينصح بعدم سماعها أثناء القيادة"
Post: #34 Title: Re: إلى الحوتيين والحوتيات Author: Ashraf el-Halabi Date: 09-19-2010, 05:44 AM Parent: #33
