جــدة غيـر في حضرة من نهـوى من البورداب!!

للأحباء فقط
نبحث في دهــاليز اللغة لكي نستخرج كنوزها
ونصفها وننظمها عقدا فريــدا يزين جيــد علاقاتنا الانسانية
ثم نتوشحها قلادة .. نرسم بها حروفاً زاهية زكية
لتطال هامات وقامات اؤلئك الأفـــذاذ

قد نفشل في استخراج درر اللغة
ولكن تبقى حلاوة اللقاء وذكريات الود محفورة في دواخلنا

ياخي انت كنز متحرك وسعدنا بملاقتك الطيبة ياجميل
بالله ما تطول الغيبة
وجدة دايما تسعد بلقايك

عفـــواً احبتي
إن جاءت كلماتي واهنة وهزيلة لا تعبر عن صدق المشاعر ودفء الاحاسيس
فما نحمله لكم أكبر من تسطره الكلمات او تعبر عن روعته الحروف
والحرف خلق ليعبر عن اشلاء العالم المادي الخارجي
أما دواخلنا فليس له عليها سلطان

بــدأت رحلتي من رياض الخير
وتيممت شطر المدينة المنورة حاملاً أمـــاني
بلقيا الحبيب معتصم ود الجمام هناك في مدينة الخير
طيلة الرحلة كانت تتجاذبني لهفتي وشوقي للقاء
وهواجسي بعدم لقيا الاحباب هناك

معتصم سيد احمد شكلو مشغول
بعزاء الراحل د عماد له الرحمة

حمد لله على سلامة الوصول يا بشارى

Quote: ياخي انت كنز متحرك وسعدنا بملاقتك الطيبة ياجميل

الحبيب وليــد عبد اللطيف

ســـلام ... عنكم سنحكي
وعن روعتكم سنتكلم .. سعدت بلقائكم
ورسمت ببشاشتكم لوحة فرحة العيد في نفسي
وستظل بكم جدة غير دوماً وأبــداً

فكن بخير

Quote: حمد لله على سلامة الوصول يا بشارى

حباب معاوية سيد الكـرم والهمه
سوداني اصيل بجنبـو ما بنهتمه
وارث الكرم زايـدو وجـاهـه
فرتاق للصفوف في الســاحه

الله يسلمك يا معاوية يـــااااخ
تشـــرفت بلقاءك أكييييييييد
ولكنني سعدت بالتعرف على عائلتك الكريمة
ولا زالت نقاشاتي مع النابغة سارة معاوية عبيد الصايم في خاطري

لكم مني التحية

معتصم ود الجمام هزمت هواجسي لفهتي للقاء
ولم تسمح الظروف بلقاء الحبيب معتصم ود الجمام
وذلك لوصولي للمدينة المنورة في وقت حرج نسبياً
ولكنني سوف ابــذل لك العهد والوعد بأن تجمعني بك الأيام يوماً ما
وحتماً سيصفو لنا الدهر بعد كدرته
لقد كان معتصم متابعاً لي في رحلتي لحظة بلحظة ولكنني تأخرت في الطريق
ووصلت الى المدينة المنورة في ساعات الصباح الأولــى فحرمتنا من لقاء من نحب

لك كل الود

كان توقفي في المدينة لساعتين فقط
صليت في المسجد النبوي الشريف
وتشــرفت بالسلام على الحبيب المصطفى صلى الله عليه وسلم
وكان النعاس والتعب قد اخذ مني واهــدر طاقتي
بل فوت علي فرصة لقاءك يا معتصم فواصلت رحلتي الى جــدة
فعذراً على التأخير وعذراً على عدم لقياك

سارة معاوية عبيد الصايم

أدهشتني بالكثير من النقاشات التي تفوق سنين عمرها
ومتابعة جيدة للبورد .. ولها الكثير من الآراء التي سوف اتعرض لها هنا

شكرا
عمو بشاري
سعيدة بالتعرف عليك
سارة معاوية عبيد

Quote: شكرا عمو بشاري سعيدة بالتعرف عليك سارة معاوية عبيد

ساره العسل
صورتك دي ليه ما متحركة
بس تعذبي عمو وليد يعني
















--------------------------
سارة بالله سلمي على صديقي اخوك باسل

بعد عدم تمكني من لقاء معتصم ود الجمام
وبعد مشاعر الاقــدام والاحجام التي انتابتني لمفارقة المدينة المنورة
قــررت ان اتجه صـــوب عروس البحر الحورية جـــدة
للقاء الأحباب هناك معاوية عبيد وصلاح عثمان ووليد عبد اللطيف وشوقي وبقية البورداب
أما فايز ود القاضي فقد كنت حريصاً على لقائه من غير أن يعلم هو ومع ذلك لم يكتب الله لي لقائه
وقد سعدت بمهاتفته على أمل أن تجمعني به الأيـــام القادمات
بعــد رحلة شاقة بواسطة النقل الجماعي ظلت الحافلة تتهادى صعودا وهبوطأ
بين الجبال والسهول تحملني وتحمل معها اشـــواقي
وصلت الى محطتي الأخيرة وهناك كان معاوية عبيد الصايم حاضراً في انتظاري

رغم عدم معرفتي المسبقة بمعاوية عبيد الصايم قبل انضمامي لهذا الحوش
إلا أن لقائي الأول به كان حاراً كحرارة أجـــواء جدة
ورطباً رطوبة قلوبنا العامرة بالمشاعر الجياشة مترسبلاً أخلاق السودانيين
في التــآخي والتآلف الطبيعي بيننا .. تعانقنا وكأننا نعرف بعض منذ سنوات عديدة
لم تختلف الصورة التي رسمتها لمعاوية عبيد في ذهني بل تعمقت أكثر
وانتقلت علاقتنا من مرحلة الاسفير الى أرض الواقــع لتترسخ بيننا أواصر الإخوة والصداقة
جمعنا الفضاء الاسفيري بعد التحليق في فضاءاته وحطت بنا علاقتنا الانسانية في أرض الواقع
الأجمل هو انني تعرفت بأسرة معاوية عبيد الصايم ابنائه وحرمه المصون
وكانت دهشتي انهم يفوقونه روعة وجمالاً وخصوصاً ابنته سارة فقد وجدتها متابعة للورد وتعرفني قبل أن تراني
بل تعرف الكثيرين منكم واستمتعت بآرائها حول ما يــدور في البورد ولعلي هنا ارسل رسالة هي
إن انتبهوا إخوتي لما يخطه كيبوردكم فأطفالنا يتابعون ما نكتب وحرام ان نجني عليهم
تذكــروا أن كلماتكم هي تاريخ لكم سيقرأ بواسطة أبناءكم وبناتكم
أما حرم معاوية عبيد فقد اكتشفت انها زميلة دراسة بجامعة الخرطوم وتعاصرنا في فترة الدراسة حين مررنا بذلك الصرح الشامخ
وتذكرنا كافتيريا اقتصاد وعلوم وليمون بيزنس واحداث الجامعة في تلك الفترة

عناق بين سارة وأبيها فهي ســـر ابيها
ويده التي يكتب بها وعينه التي يرى بها


معاوية عبيد وأبنائه ســارة وباسل وبشار
ربنا يحفظهم ليهو

المشـــاغب

لقد غمرني معاوية عبيد وأســرته بحفاوة ليس مستغربة عليهم
وكرم فياض موروث من أم الطيـــور سيتي
عاصمة جــاد الله صاحب البوست الشهير مع كفيله
وبعد ان خلدنا للراحة كان امامنا برنامج حافل في الفترة المسائية
حيث كان من المفترض أن نقابل الأخ شـــوقي
ومن ثم نلبي دعـــوة الأخ صلاح عثمان على العشاء
في الفترة المسائية أيضا تلقينا اتصالاً من فوفو ود القاضي وكانت كلماته رقيقة كعهدنا به هنا
ولكنه كان مرتبطاً ببرنامج زيارات عائلية معد مسبقاً
والمدام زانقاهو زنقة شديد عشان يكمل البرنامج دا
ما تسمعوا فصاحتو الهنا دي .. ولكن كانت لكلماته صدى لدي

في الفترة المسائية كنا في حضرة البوردابي الجميل صلاح عثمان
حيث كنا معزومين لتناول وجبة العشاء
وهناك كان لقائي بالبورداب وليد عبد اللطيف وصلاح عثمان وكوكبة من أبناء السودان
المتعلمين والمثــققين وكانت ليلة جميلة محضورة حيث تطرقنا فيها للعديد من المواضيع
الرياضية والسياسية والاجتماعية وإن كان قد غلبت اجواء النقاشات السياسية على بقية المواضيع
كانت حوارات جميلة جمال الحضور حيث كان الحضور عبارة عن سودان مصغر
جمعنا بكوكبة جميلة من الإخوة على اختلاف مكوناتهم العرقية والاثنية والسياسية
اثــروا الليلة بابداعهم وآرائهم النيرة وكان للباشمهندس آراء نيرة ونظرة تشخيصية ثاقبة للاوضاع السودانية
كذلك كان معنا دكتور هيــثم أحد أبناء عطبرة المقيمين في ايرلندا وقد ارتحل من السعودية الى ايرلندا
بعدها تناولنا وجبة العشاء الفاخرة في منزل صلاح عثمان ودعونا له لإتاحته الفرصة لنا بالتلاقي
لقد قام الأخ صلاح بتوثيق تلك الجلسة المباركة وسنورد صورها هنا عبر هذا البوست
من الصعب ان تتحدث عن روعة هؤلاء وفي حضرتهم اناس تلتقيهم لأول مرة ويدخلوا قلبك دون استئذان
شكرا صلاح شكرا بورداب جدة

شكرا بالزيادة وسوالك منى يا عمو وليد


انا باسل معاوية صاحبك ياعمو

مائدة صلاح عثمان العامرة شهدت هجوماً كاسحاً... وربنا يخلف عليه بالخير دايما




يظهر في الصور أحد الحضور ودكتور هيثم وابنه .. للمفارقة الولد بفهم عربي لكن بتكلم انجليزي بلهجة ايرلندية صرفه
ما شاء الله ربنا يحفظو ويخليهو

الباشمهندس / احمد عيسى عميد جدة أثرى الليلة بآرائه حول مستقبل السودان





البــوردابي وليد عبد اللطيف(اقصى اليمين) شكل حضوراً زاهياً وأنيقاً

المهندس الامين
كانت مصادفه جميله ان نلتقي بك
فقد اضفى وجودكم على سهرتنا بريقا
وطنيا جادت به كلماتكم المعبره وحديثكم
الصادق الذي ينبض بحب الوطن
وسعدنا حقيقة بلقياكم
وشكرا الاخ معاويه ود الصائم الذي كان
سببا في تعارفنا ولقيانا بكم
وشكرا المهندس بكري ابو بكر الذي جعل
ذلك ممكنا

Quote: المهندس الامين كانت مصادفه جميله ان نلتقي بك فقد اضفى وجودكم على سهرتنا بريقا وطنيا جادت به كلماتكم المعبره وحديثكم الصادق الذي ينبض بحب الوطن وسعدنا حقيقة بلقياكم

الأربـــاب صلاح عثمان

انه لمن دواعي ســروري ان تجمعني اللقاءات بأمثالكم

لقد كانت ليل محضورة ومميزة ولقد غمرتمونا بكرمكم وحفاوة بالغة

هي ليست مستغربة على أمثالكم ... فشكرا لكم مجدداً

ليدم الود والتواصل بيننا

تحاياي

حوار الاجيال بين حلة حمد وام الطيور سيتي


المهندس أحمد عيسى





جانب من الحضور

الأخ الامين البشارى ، تحياتى وكل عام وأنتم بخير ، لمة جميلة بناس كرام من جدة الجميلة، يفخر الأنسان بهم مثل المهندس صلاح وود الصائم ، وأتطلع لمثل هذه اللقاءات الحميمة للفوز بلقاء هؤلاء الصفوة الرائعين ، مودتى .

Quote: أتطلع لمثل هذه اللقاءات الحميمة للفوز بلقاء هؤلاء الصفوة الرائعين

الأخ هاشم محمد الحسن

ســـلام وكل عام وأنت بخير

مرحب حبابك ألف وفعلا تهفو النفس للقاء الأحباب

خليك قريب الرحلة الجاية في رمضان


ودي

الشكر كل الشكر للجميل صلاح عثمان الحائم للكرم حفيان

شكرا المهندس الكنز الذى خاض فى تاريخ الواقع السياسى

السودانى بوعى راقى ومحايد الاخ احمد عيسى


شكرا الارباب صلاح عثمان شكرا كتير

معاوية عبيد الصايم




وليد عبد اللطيف

جدة غير غير جدا شكرا صلاح عثمان
التحايا للمهندس احمد عيسى الموسوعة
المتحركة

نشكر الارباب صلاح عثمان وكرمة الفياض دوماً
واستقبالة كل الضيوف البورداب وضيوف جدة
في منزلة العامر جعلة الله منزلاً مباركا

الامين .... كمية سلامات وشوق للتلاقي مره اخرى
معاوية .... الظريف اللطيف

Quote: التحايا للمهندس احمد عيسى الموسوعة المتحركة

المهندس صلاح عيسى دوما يعطر الامكنة
بمداخلاتة واراءه النيرة ...

الاخ الامين
كنا نتمنى ان تلتقي ببورداب جده في احتفال العيد
الذي كان مقترحا من قبل الاخوان وليد عبد اللطيف
ومعاويه ود الصائم لكن يظهر ان ظروف بعض الاخوان
حالت دون اتمام ذلك اللقاء من سفر واجازات خارج
جده وان شاء الله الجايات اجمل واحلى
ونحن حقيقة سعدنا بلقائك ونتمنى ان يجود لنا الزمن
بلقاء آخر قريب وفي مناسبات سعيده

وليد عبد اللطيف

ســـلام مليان شوق يشق حاجز المسافة عليك
يصلك هلكان ويطمبج في بحور شوقك
يعوس اشواقو في عيونك
ويملح بعقاب كســـرة وملح لا يــــوق
مشـــتاغووووووووون

Quote: المهندس صلاح عيسى دوما يعطر الامكنة بمداخلاتة وارائه النيرة ...

شكرا لتصحيح اسم المهندس صلاح عيسى وسوف يتم تعديل الإسم في البوست
والعتب على نظارة ود الصايم دا
وله العتبى حتى يرضى مع وعد منك بتوصيل تحايانا له


ودي الذي تعرف

___
دجوليبا المالي كيف معاكم

شنو يا لجنة التسير الجديدة لبورداب جدة ظهرتوها عااااملة

غايتو عزائي الوحيد اني كنت في الفترة ديك خارج جدة والا كان غبارنا في السماء والمائدة الدسمة التي عملتوا بيها رايحين



لم نكن من السعداء يا البشاري بعدم لقياك رغم انك سعيت للقاء فوفو القاضي وكويس انه شخت ليك عشان تعرف تسعي تلاقي منو تاني

أســــاسي

ازيك يا حبيب..
تعرف كان بودي ان التقيك فمثلك يسعى للقائه
ولكن لمعرفتي أنك لم تكن موجوداً لم اكلف نفسي عناء البحث عنك
الله يخلي لينا عمنا الفيس بوك

Quote: رغم انك سعيت للقاء فوفو القاضي وكويس انه شخت ليك عشان تعرف تسعي تلاقي منو تاني

يـــااااخ قلنا ليك الزول كانت وزارة الداخلية (المرا)عــاصراهو شديد
وكان مرتبط ببرنامج معد سلفاً ولا يمكن له تجاوزه
لكن في البوست دا غايتو شخت لينا كلنا
أتمنى ان تجمعنا الأيـــام في الرياض أو جــدة أو في وطننا الأم

تحاياي

الأمين !!!!!!!!!!

Quote: الأمين !!!!!!!!!!

عمر التــــوم يا صاحب

قــــــول ليك حاجة يعلم الله عقدتني عدييييييييييييييل كدا

غايتو امسحها لي في وشي الشين دا

تحاياي

شكرا ياالبشاري لكن فطيتنا فطتك واضحة
ده لوم محبه انا في اليوم داك رديت علي كل التلفونات
وصاحي للصباح وهسه زعلان وكل سنة وانت طيب وقبولة منك

Quote: شكرا ياالبشاري لكن فطيتنا فطتك واضحة ده لوم محبه انا في اليوم داك رديت علي كل التلفونات وصاحي للصباح وهسه زعلان وكل سنة وانت طيب وقبولة منك

حبيبنا معتصم ود الجمام

ســــلام يا صاحب

عـــارف لو ما جيت البوست دا كان زعلته منك بالجــــد

بس الحمد لله ما خيبته ظني فيك والله

أول حاجة انا وصلت المدينة في وقت مزعج شديد مع تباشير الصباح الأولى

وطبعاً عارفك مساهر وشغال الليل كلو وكمان انا كنت نعسان شديد والله لأني ما نمته

وعشان كدا والله يا معتصم فضلته أواصل طوالي لي مكة ونمته في البص

واتصلت عليك عشان اشوفك صاحي ولا ما صاحي ووقت ما رديت أيقنت انك نايم

بس أوعدك انو القادم احلى يا حبيب ولك العتبى حتى ترضى

تحاياي

اوكي ومرحب بيك
يا صديق مع اني حرستا تلفونك
دام الود

الاخ الامين البشاري
كل عام وانتم بخير والقادمة على كل أمنياتكم
كان بودنا اللقاء ولكن لم نعلم بهذا التجمع
الجايات أكتر من الرايحات وشكراً لمن ممثل ناس جدة في إستقبال الزوار


ياوليد ومعاوية وعلاء ياريت لو تركزوا على الإتصال لانو متابعة البورد صعبة صعبة شديد ... وبتخلينا نتلوم في ناس عزاز

كل عام وأنتم بخير وتحياتي للمهندس احمد عيسى والأخ صلاح وكل الحضور

حبيايبنا
اخونا ابوعبيدة محمد الامين زميل المنبر في زيارة الاراضي المقدسة وحضر من السودان
بس تلفونه ضايع
ابحثوا معنا عنه