Post: #7 Title: Re: الضقل ... الما بنعرفو ... تعالوا إتفرجوا { لعشاق المدورة فقط } Author: وليد عبد اللطيف Date: 09-14-2010, 10:00 AM Parent: #5
خالد العطا امكن لم تشاهد هيثم جيدا واخترت هيثم السعودي لان رايت (ملا ) عم فايز نصرالدين وهو يدخل الكرة في حلقة كرة السلة برجلة ويدخل الكرة بين اسلاك العواميد ويقول لك دي بين السلك الاول ودي بين السلك الثاني نحكي ليك في يوم هيثم وفي كرة افريقية مع المورد ه وهم في الاستاد طفت احدى الكشافات ووقتها قدم هيثم فاصل من التابلهات رائع جدا وكل الاستاد اجتمع حولة اي في المنطقة التي يضقل فيها ود العطا هيثم السعودي شاذ شاذ واخوك لايقل عن هيثم السعودي وكان وريناك لقطة لقطتين من الكنترول بول في افطار بورداب جدة ولكن انا يعجبني هيثم لانه افضل مني في اشياء اخرى .
حجازي ياخ بالغت, البنية التقول دفنوا صرتا في قرية الضقالة { من قرى الجزيرة } وبعدين معاها كمية سماحة كده ما عادية.
وليد وخالد... قولكم ما بقع واطة, لكن الصور والفيديو بقوا هم الأهم ... عشان يقتنع حتى { الديك } هههههه.
مع فرحي بكم وتقديري لكم
Post: #9 Title: Re: الضقل ... الما بنعرفو ... تعالوا إتفرجوا { لعشاق المدورة فقط } Author: خالد العطا Date: 09-15-2010, 06:49 AM Parent: #8
الاخ حيدر قاسم
تحياتي
Quote: وليد وخالد... قولكم ما بقع واطة, لكن الصور والفيديو بقوا هم الأهم ... عشان يقتنع حتى { الديك } هههههه.
هسه نجيب ليك فيديو لي طاهر حسيب ده من وين
وليد
هيثم شفت فنياته وبل لعبت معاه دافوري عديل كده
طاهر حسيب يضقل بي الليمونة والله شوف عيني في سوق الخضار بورسودان ولديه قصة مشهورة لما كان بلعب في الثغر بورسودان
ولما مشى الهلال العاصمي قصصه معروف وان احد المدربين الخواجات قام بتسليمه الصفارة وقال ذي ده ما بدربه انا سوف ياتي احد الكورنجية القدام ممن شاهد طاهر حسيب ويحكي ليك عنه اكتر مني
Post: #10 Title: Re: الضقل ... الما بنعرفو ... تعالوا إتفرجوا { لعشاق المدورة فقط } Author: وليد عبد اللطيف Date: 09-15-2010, 08:26 AM Parent: #9
دا سوداني بس الصورة ما واضحة هل هو الكابتن فريني ولدنا ام هو مسفر وحسب كلام زميلنا ابوعبيدة قال هذا مسفر قريبة
تسلموا بشدة, وأحيي جهدكم في الدفاع عمن ترون جمالهم الكروي.
لكن فريني طلع مباااالغة. ما كنت قايلو قدر ده... وإن لم يسعف الفيديو الطاهر حسيب, فالرواية في موضع الإعتبار... لكن الواضح أن كليهما مبدع بدرجة قف ... تأمل.