Post: #1 Title: عاطف خيري + حمزة سليمان: أغنية جديدة Author: Alsadig Alraady Date: 09-10-2010, 01:44 AM
نحتفي بميلاد أغنية جديدة شعر عاطف خيري لحن وأداء حمزة سليمان
ـــــــــ أ.أ
Post: #2 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-10-2010, 02:21 AM Parent: #1
إنت الوحيده في بيوت أوهامي إنت الوحيده بين شجر الكوابيسْ ينزل ضلام صوتك على الوادي البيفتح في الوهم قطية من قَشّ التحانيس تلقي روحك راجعة من داكن جروحك وتبكي أول عتمة شافت فيك حبّها للفوانيسْ
يغشى اسمك ليل واناديك يسهر الصدى في الجبل تسهر كنوز منسية يتلفت نحل بين عروشو المايلة والعسل الحبيس
تعايني للغابة البعيدة ورا عيوني تعايني للخضرة البتحنو على الذهول تلقي أوهامك تمارض في جنوني
Post: #3 Title: Re: عاطف خيري + حمزة سليمان: أغنية جديدة Author: Emad Abdulla Date: 09-10-2010, 02:43 AM Parent: #2
Quote: الشتتْ البذرة الغياب والأطعم الأفق الرحول
( أيها الشعر .. يا أيها الفرح المُختَلَس ) .
كعادته .. بديعٌ هو عاطف . لكن - و آهِ من لكن - .. يبدو اللحن و الأداء أقل طولاً .. يبدو الشعر أرفع .. أعلى .
............. عيدك سعيد يا ود الرضي .. عيدك سعيد يا حمزة .. و سعيد يا عاطف .
Post: #4 Title: Re: عاطف خيري + حمزة سليمان: أغنية جديدة Author: Ashraf el-Halabi Date: 09-10-2010, 02:59 AM Parent: #3
سلامات يا صادق وتحية لعاطف في بعيده
Post: #5 Title: Re: عاطف خيري + حمزة سليمان: أغنية جديدة Author: احمد محمد بشير Date: 09-10-2010, 03:10 AM Parent: #4
شكرا لاعضاء البورد الفنانيين د/حمزة و عاطف ... وعيدك مبارك يا أخي الصادق الرضي
Post: #6 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-10-2010, 12:42 PM Parent: #5
عيد سعيد أخي عماد عبدالله وكل عام وأنتم بخير
Quote: كعادته .. بديعٌ هو عاطف . لكن - و آهِ من لكن - .. يبدو اللحن و الأداء أقل طولاً .. يبدو الشعر أرفع .. أعلى .
شكرا لك لإبداء الرأي، وهو أمر مطلوب وبشدَّة هنا ولكن- حتى لا نظلم اللحن والأداء فكما ترى الأغنية جديدة وسمحت لنفسي، بحكم صداقتي للشاعر والملحن أن أتعجل طرح العمل لكم وللجمهور، ربما لإعجابي المفرط بالنص واللحن بالتأكيد لصديقنا حمزة أفكار عديدة حول تنفيذ العمل بصورته المتكاملة، حين يبادر هو بطرحه للجمهور والعمل بصورته الماثلة ربما لا يمثل للملحن والمؤدي، سوى الأساس نحو أن يبني عليه
تقديري واحترامي
ــــــــــــــ أ.أ
Post: #7 Title: Re: عاطف خيري + حمزة سليمان: أغنية جديدة Author: فاروق أبوحوه Date: 09-10-2010, 03:58 PM Parent: #6
Quote: عيونك ياتو جيران في مراكب وما بجوني
عليكم الله عاطف دا ما ببالغ فينا؟ نص (جالس في أمان الله)
أستاذنا الصادق الرضي: كل سنه وإنت طيب شكراً علي كل هذا الترف. وتحياتي الصادقة لعاطف خيري.
- جايينا الإمارات متين يا صادق؟
------------------ ما يؤلم تحت حاجبيك مجئُ الحافة إلى الماء - عاطف خيري -
Post: #8 Title: Re: عاطف خيري + حمزة سليمان: أغنية جديدة Author: Elmosley Date: 09-10-2010, 07:02 PM Parent: #1
ياسلااااااام على هذا الثنائي الطاعم نص جميل ولحن معبر لدرجة واداء مرهف
غشوة للجميل عمادعبد الله
كدي بالله اسمع تاني وقول بسم الله
كل الود ياصادق
Post: #9 Title: Re: عاطف خيري + حمزة سليمان: أغنية جديدة Author: Dr. Ahmed Amin Date: 09-10-2010, 10:29 PM Parent: #8
أووووو شغل نضيف وروعة
شكرا الشاعر عاطف ..
وشكرا أخي حمزة على العيدية الحنينة
شكرا جميلا صادق
Post: #10 Title: Re: عاطف خيري + حمزة سليمان: أغنية جديدة Author: Emad Abdulla Date: 09-10-2010, 11:07 PM Parent: #9
تحياتي يا صادق .. كل عام و الجميع بخير . و التحية للأستاذ موصلي و له أمنيات العيد .
استمعت و الله للحن لأكثر من ثلاث مرات .. و برضو لقيت الشعر أعتى ألقاً و أعلى سطوعا .. و لا يعني هذا قدحاً في الحان الأستاذ حمزة .. و لا تبخيساً لأدائه .. حاشا . لكنها ذائقتي التي تأبّى عليها أن تتسربل تلك الكلمات عباءة هذا اللحن .. ربما - كما أورد العزيز الصادق - ربما .. ما يزال اللحن في طوره الأولي !! و من القسوة و الظلم بمكان الحكم عليه و هو بعدُ ما يزال يتخلّق . لست موسيقياً و لا أمت بصلة لصنعة النقد الموسيقي و لا كذلك دروب و منهجيات التذوق له . لكن .. ذلك الحكم هو ما خرجت به من استماعي للقصيدة المغناة هذي .. و ما وقر في الأذن منها .. و هو حكم لا يستند إلى معارف أكاديمية كما أسلفت .. لكنها معرفة قاصرة عليّ فقط .. و تخصني دون سواي .. و هي معرفة - بالكاد - تتيح لي أن أهز برأسي طرِباً .. أو أن " ألولحه " مرجحنا .
............ لا عليكم إن لقيتموني أشتر .. ثم لعله هذا الصباح الغريب الحزين .. لا أعلم .
لك العتبى أخي حمزة .. كل عام و إنت بخير .
Post: #11 Title: Re: عاطف خيري + حمزة سليمان: أغنية جديدة Author: الصادق اسماعيل Date: 09-11-2010, 01:21 AM Parent: #10
Quote: استمعت و الله للحن لأكثر من ثلاث مرات .. و برضو لقيت الشعر أعتى ألقاً و أعلى سطوعا .. و لا يعني هذا قدحاً في الحان الأستاذ حمزة .. و لا تبخيساً لأدائه .. حاشا . لكنها ذائقتي التي تأبّى عليها أن تتسربل تلك الكلمات عباءة هذا اللحن .. ربما - كما أورد العزيز الصادق - ربما .. ما يزال اللحن في طوره الأولي !! و من القسوة و الظلم بمكان الحكم عليه و هو بعدُ ما يزال يتخلّق . لست موسيقياً و لا أمت بصلة لصنعة النقد الموسيقي و لا كذلك دروب و منهجيات التذوق له . لكن .. ذلك الحكم هو ما خرجت به من استماعي للقصيدة المغناة هذي .. و ما وقر في الأذن منها .. و هو حكم لا يستند إلى معارف أكاديمية كما أسلفت .. لكنها معرفة قاصرة عليّ فقط .. و تخصني دون سواي .. و هي معرفة - بالكاد - تتيح لي أن أهز برأسي طرِباً .. أو أن " ألولحه " مرجحنا .
واحدة من الأشياء التى افتقدها بشدة هنا، هو هذا الصدق الطبيعي والتلقائي، أعتقد أن حمزة سيكون سعيداً بهذا الكلام فهو خير الف مرة من المجاملة.
وشكراً لحمزة ولعاطف وللصادق ومزيداً من الإنتاج والتجويد والإبداع
Post: #12 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 01:28 AM Parent: #11
أخي أشرف كل عام وأنت بخير، رغم الأحزان وربنا يهوِّن على أخونا عاطف خيري غربتو وعلى أخونا حمزة سليمان اغترابو
ــــ أ.أ
Post: #13 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 01:30 AM Parent: #12
أخي أحمد محمد بشير عيد مبارك يا زول، رغم أحزان المنبر- جعلها آخر الآحزان أخونا الفنان عاطف خيري ليس عضوا بالمنبر أخونا الفنان حمزة سليمان عضو بالمنبر، رغم غيابه مؤخرا
شكرا لمرورك الجميل
ـــــ أ.أ
Post: #14 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 01:36 AM Parent: #13
أخي فاروق أبوحوة
ياخي اسئلتك كتيرة خلاص، رغم قصر المداخلة
صاح عاطف ببالغ شديد في الحتة المكوتة دي عشان كدا أنا عملتها بالأسود لمن نزلت النص
كل سنة وإنت طيب كمان وهذا الترف يليق بذوقكم الرفيع
الإمارات ما بقدر ما أجيها لكن بس خليني إنتهي من جولتي الابت تخلص دي وأرجع السودان إنجمَّ شوية بعد داك نشوف ترتيبا كيف
ــــ أ.أ
Post: #15 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 01:41 AM Parent: #14
أخي الفنان الموصلي
كل سنة وإنت طيب حزنت وعميقا حيث لم يتيسر لي لقاءك في زيارتك الأخيرة للخرطوم وأنا الخاسر على كل حال- حتى تتاح لي فرصة أخرى
مرورك أضاء الخيط
ـــــ أ.أ
Post: #17 Title: Re: عاطف خيري + حمزة سليمان: أغنية جديدة Author: awad hassan Date: 09-11-2010, 02:22 AM Parent: #15
كعادته .. بديعٌ هو عاطف . لكن - و آهِ من لكن - .. يبدو اللحن و الأداء أقل طولاً .. يبدو الشعر أرفع .. أعلى .
اضم صوتي لصوت الاخ الفنان عماد وسلام لاصدقاء الزمن الجميل:- الاخ عاطف خيري .. الذي هرب مننا من ليبيا في ظروف غامضة سنة90 الاخ حمزة سليمان من داخلية الفنون المقرن سنة86 مع التحية لصاحب البوست الشاعر المبدع الصادق الرضي اتحاد الكتاب سنة87 قلنا نختبر ذاكرتنا بذكري السنين عوض شيخ ادريس حسن
Post: #26 Title: Re: عاطف خيري + حمزة سليمان: أغنية جديدة Author: Elmosley Date: 09-11-2010, 03:02 PM Parent: #15
امانه ما اتلومت يالصادق والله انا تخيلتك في المنافي
كل الود المره الجايه بنخبرك بالجيه تب
Post: #28 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 03:29 PM Parent: #26
طبعا يا الموصلي الخرطوم دي من أكبر المنافي العايشين فيها السودانيين ودا سبب اللوم
اللوم ما بنابهو، لكن عشمنا في الجايات ما يكون في لوم خالص
تحياتي وحضورك المتكرر إضافة للبوست وأنا من أكثر المعجبين بألحان وأداء أخونا حمزة ومتابع تجربتو بدقة وإنتباه
ــــــ أ.أ
Post: #25 Title: Re: عاطف خيري + حمزة سليمان: أغنية جديدة Author: Elmosley Date: 09-11-2010, 02:55 PM Parent: #10
ياعمده ياخي تحياتنا ليك والله مشتاقين ليكم وروحي مشحتفه لزيارتكم ياخي الدوحة تتميز بوجود ملحوظ لي ناس فنانين في كثير من المناحي هذه واحده انا لازلت عند رآيي بان لحن حمزه متميز وهو معادل موضوعي للنص تماما اقول هذا من اجمل ما تم تلحينه لعاطف وبكل ثقة الشغل ده انا شايفو تماما لما يكتمل موسيقيا حمزه الحانه تفوقت كثيرا على كثير من الموجودين بالساحة الان كلامي عن الاغنية دي بمشي وبجيكم ومابقع واطة اما رآيك ياحبيب فهو في (حباب) العيون ومابنقدر نستغني عنه ،رآيي في الاغنيه مافيهو اي مجامله واضح وصريح كل الود
Post: #16 Title: Re: عاطف خيري + حمزة سليمان: أغنية جديدة Author: أبوذر بابكر Date: 09-11-2010, 02:20 AM Parent: #1
الصادق الصادق
"دبل الصادق ده مع سبق الإصرار والمحبة"
عيدك بخيت ومبارك وسعيد
قريت الكلام قبيل وما سمعته مموسق
والله العظيم مرقت فى الشارع اقول فيهو وأسمّع زى حوار الخلوة الماشى على الشيخ
وقربت كمان اوقف الناس الفى الشارع، مع انه ما ظنيتن يفهمو انا بقول فى شنو
أنا برضو بضم شوفى لى شوف اخونا عماد فى موضوع اللحن
وأكيد ويقين طبعا ما انقاص من قدر وقدرة موسيقارنا ومطربنا البنريدو حمزة سلميان
بقدر ما هو إعلاء من شأن كلام عاطف خيرى
اتا دحين المقولة ديك كيف ؟
والصاح ياتو
الشعراء ورثة الأنبياء
ولا العلماء
اتخيل لى الشعراء اقوم
ولا شنو
Post: #18 Title: Re: عاطف خيري + حمزة سليمان: أغنية جديدة Author: ابنوس Date: 09-11-2010, 03:16 AM Parent: #16
شعر لا يشبه في شهاقته إلا عاطف خيري. شكراً لهذه العيدية الوسيمة.
ع. الماهري
Post: #19 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 04:08 AM Parent: #18
أخي د. أحمد أمين ياخي شكرا لحضورك هنا وشكرا لشعورك الجميل
كل سنة وإنت طيب
ــــ أ.أ
Post: #20 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 04:11 AM Parent: #19
أخي عماد عبدالله
Quote: لا عليكم إن لقيتموني أشتر .. ثم لعله هذا الصباح الغريب الحزين .. لا أعلم .
الحزن حاصل يا حبيب، وما نحن بصدده هنا، ربما يتسق مع السياق الذي نحن فيه أما بخصوص الشتارة مافي زول شايف شتارة هنا بالعكس رأيك دا مطلوب وبشدة، ومزيد من الآراء من بين دوافعي لنشر هذا العمل هو إيماني بأنه يحمل ضمن ما يحمل ملامح تجربة جديدة للشاعر وللملحن والمؤدي وهذه التجربة الجديدة تحتاج لمثل ما دفعت به، وما دفع به صديقنا الموصلي وزي ما قال ليك أخونا الصادق اسماعيل، حمزة أكتر زول حيكون مبسوط يسمع منك الكلام دا
ـــ أ.أ
Post: #21 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 04:14 AM Parent: #20
أخي الصادق اسماعيل
كل سنة وأنت طيب والاسرة- الكبيرة والصغيرة- بألف خير
مافي كلام على كلامك يا صاحب
ــــ أ.أ
Post: #22 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 01:45 PM Parent: #21
أخي عوض حسن كل سنة وإنت طيب
Quote: اضم صوتي لصوت الاخ الفنان عماد
جميل نسمع كل الآراء
Quote: الاخ عاطف خيري .. الذي هرب مننا من ليبيا في ظروف غامضة سنة90 الاخ حمزة سليمان من داخلية الفنون المقرن سنة86 مع التحية لصاحب البوست الشاعر المبدع الصادق الرضي اتحاد الكتاب سنة87
ما تخليها مستورة يا صاحب، في ناس لسى قايلننا شباب
ــــ أ.أ
Post: #23 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 02:07 PM Parent: #22
أخي الشاعر أبوذر كل سنة وإنت طيب والحروف مدوزنة والأفكار درت
Quote: قريت الكلام قبيل وما سمعته مموسق
والله العظيم مرقت فى الشارع اقول فيهو وأسمّع زى حوار الخلوة الماشى على الشيخ
وقربت كمان اوقف الناس الفى الشارع، مع انه ما ظنيتن يفهمو انا بقول فى شنو
النص عجيب يا أبوذر، ودا الخلانا نجيبو هنا عشان نتشاركوا مع الناس
Quote: اها
أنا برضو بضم شوفى لى شوف اخونا عماد فى موضوع اللحن
أنا مستمتع باللحن وبالأداء لكن جميل نسمع كل الآراء
ـــــ أ.أ
Post: #24 Title: Re: عاطف خيري + حمزة سليمان: أغنية جديدة Author: mutwakil toum Date: 09-11-2010, 02:39 PM Parent: #23
الصادق الرضي السلام عليكم والعيد عديل عليك رغم انو عماد عبد الله والشاعر أبأذر اتفقوا في فخامة الشعر، و ذائقتهم مجربة و لِسانا نضيف، لكن، تتوارى لي القصيدة، ومقارنةً مع عاطف أقصر من أقصر قصيدة في مشوار عاطف، حتى لو قارنّاها بي القصيدة أم بيتين بتاعة عقد الجلاد قصد الطيور النور، و القصيدة دي سوف تُظلم لأنها ستقارن بِخياتها من شعر عاطف الدارجي" سيناريو اليابسة" الجواهو مكتوب "يأتوني لا كا العاصفة يأتوني زي صِقر المواعين و التسوس" بلاي شفت العلو الشعري ده كيف؟: أو بي قصائد "مسادير" و في الحالتين القصيدة أقلّ من وزن السيناريو:: عاطف عملا في روحو براو دخل الشعر بي أضانو البي هناك: بدأ من فوق، من بعيد، من هناك، من السِلِمّ الوراني، حيث مافي سلالم بتودي فوق السيناريو :
-- لو عاطف بقرأ البورد ح يسِبّ ليّ و لي سيناريو اليابسة
Post: #27 Title: Re: عاطف خيري + حمزة سليمان: أغنية جديدة Author: ابراهيم برسي Date: 09-11-2010, 03:26 PM Parent: #24
شكرا لهذه الثنائية علي هذا العمل الرائع شكرا الصادق علي هذة الاخبار التسر عاطف هذة الايام يحل ضيفا علينا ونحن موعودين غدا بامسية شعرية سننقلها لكم غدا عبر سودانيز اون لاين لتشاركونا الفرحة
Post: #29 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 03:32 PM Parent: #18
أخي الماهري
حضورك الشفيف للخيط، عيدية شكرا لك ولينا طولة من أعمالك الإبداعية عل المانع خير
ــــ أ.أ
Post: #30 Title: Re: عاطف خيري + حمزة سليمان: أغنية جديدة Author: فتحي البحيري Date: 09-11-2010, 03:35 PM Parent: #29
يا سلام يا الصادق
دا اكيد مدماك جديد في تراكم ثقافي حقيقي وجاد
تهانينا
Post: #31 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 03:37 PM Parent: #29
أخي متوكل التوم
تحية تليق بمقامك
زي ما قلنا لي أخونا عماد عبدالله إنو رأيو مطلوب وبشدة برضو بنقول ليك رايك هنا مطلوب وبشدة وزي ما قال أخونا الصادق اسماعيل إنو حمزة أكتر زول حيكون مبسوط من رأيو عاطف برضو أكتر زول بكون مبسوط يسمع الراي دا
أنا بضيف أنو رايك دا عندو أهميتو لأنو جايي من زول متابع لتجربة عاطف بدقة شديدة وأشهد لك بذلك وبعلو كعب ذائقتك الشعرية
ـــــ أ.أ
Post: #32 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 03:43 PM Parent: #31
أخي ابراهيم برسي
شكرا لحضورك الجميل هنا وتمنياتنا لكم بأمسية جميلة مع الشاعر البازخ عاطف خيري والفنانة ياسمين إبراهيم والفنان عمر محجوب
وبلغ تحاياي لهم وللجميع
ـــ أ.أ
Post: #33 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-11-2010, 03:45 PM Parent: #32
أخي فتحي البحيري
شكرا لحضورك الجميل بيننا ومعك نتمنى أن يكون لهذه التجربة ما بعدها بين المبدعين خيري وحمزة ونحن نعرف أن لها ما قبلها بينهما
أ.أ
Post: #34 Title: Re: عاطف خيري + حمزة سليمان: أغنية جديدة Author: Elmosley Date: 09-12-2010, 01:00 AM Parent: #33
كلما تسنح لي فرصة ثانية لسماع هذا العمل يزداد ايماني بابداع هذين المبدعين حفظهما الله حاجه تفرح القلب والله
Post: #35 Title: Re: عاطف خيري + حمزة سليمان: أغنية جديدة Author: ابنوس Date: 09-12-2010, 10:58 PM Parent: #34
عزيزنا الصادق
حول سؤالك عن الغياب ، اقول إن الورطة حاصلة في هذه البلدان العجيبة " التي تموت من البرد حيتانها" والتي تسرق من المرء خياله وزمنهالخاص وكل شيئ. ولكن ما زالت هنالك اشياء تتخلّق وتنمو ببطء ستنشر يوماً ما. بالإشارة لجولتك سعدت بحضور ليلة شعرية لك والشاعر حمّيد في الدوحة في شهر ابريل الماضي او نهاية مارس لا اذكر ، وكنت منتظراً ان التقيك بعد تلك الامسية لولا ان اخذتني اشياء جانبية وحرمتني من لقائك لأهديك نسخة من كتابي " جقلا / نشيد الرمل" في طبعته الجديدة.
نعود لموضوع البوست وهو طلبك إبداء الرأي في هذا العمل المدهش لعاطف خيري وعن لحن الاستاذ حمزة سليمان. بالنسبة لنصوص عاطف خيري فهي كعادتها تأتي متجاوزة للمألوف في كل شيئ ، المفردة / الصورة والموسيقى. وبالنسبة لي اعود دائماً لنصوص عاطف لتأمل المعني غير المتوقع والذي يرسلة عاطف من خلال تركيب بسيط في ظاهره غريق حد الغرق في جماليته وغرابته. عاطف يجعل للتأمل معنى ، وذلك من خلال قدرته البديعة في نحت الصورة الشعرية . وللشعر عنده قامة اطول كلما تنظر إلى قصائده ترى بناءًاً شعريًاً شاهقًاًوجميلا يفتح نوافذًاً للتفكير لا يستطيع القارئ إغلاقها ابداً. وهذا يبرز بجلاء في هذه القصيدة التي بناها عاطف صورة صورة ليضعنا امام عمل لا نستطيع إلا ان نقول: يااااااااااااااااه ! ذلك وحدة التعبير المتاح امام هذه المقاطع الشعريّة باذخة الجمال والمعنى.
قبل فترة كنت افكر في غياب شعر عاطف خيري عن المنتديات ، ومنتظر ان ارى نصوصه الجديدة بعد تجربة الغربة ، وعندما طال الغياب ، ظننت إن داء الامكنة الجديدة اصابه او غرق في البدايات. وهي بدايات حتمية للمهاجرين الذين يواجهون المنفى بخطوات جديدة تشبه الخطوة الأولى للأطفال. بلدان أول ما تمحوه منّا ، تجاربنا، لتسكننا هموم الفواتير وأحلام الواقع الافضل والذي لن يتحقق ابداً، رغم كرمها في إتاحةالفرص. هممت بفتح بوست للسؤال عن عاطف والكتابة عن قصيدته وهو الذي لم يبخل ابداً في تشجيع الكتّّاب ومساندة الاعمال اياً كان كاتبها وتلك خصلة قلّّ ان تجدها في كاتب سوداني. فليكن ذلك البوست المقترح هو هذا الخيط الذي فتحته بهذه القصيدة / الاغنية. أما عن اللحن فاعذرني لأنني منذ فترة فقدت شيئاً مهمّاً وهو تزوقي للغناء الذي يسمى " سوداني " وتفتّحت عندي زائقة جديدة لأغاني أخرى لم تلحن بعد. لذلك لا اظن إن رأيي يفيد في مسألة اللحن.
لك تحياتي ولعاطف وحمزة تحيّات وتحيّات.
Post: #36 Title: Re: عاطف خيري + حمزة سليمان: أغنية جديدة Author: Elmosley Date: 09-12-2010, 11:37 PM Parent: #1
حمزه لحنك جميل وغير عادي حفظك الله يارجل لك التحية فانت من المآمول فيهم بان يخرجوآ موسيقانا من وهدتها الحاليه بعد التوزيع الموسيقي والتنفيذ الرفيع سيكون له شآوا اخر
Post: #37 Title: Re: عاطف خيري + حمزة سليمان: أغنية جديدة Author: Hassan Senada Date: 09-13-2010, 05:49 AM Parent: #36
الصادق كل عام وانت بخير والتحية لاستاذ المبدع عاطف خيرى
Post: #39 Title: Re: عاطف خيري + حمزة سليمان: أغنية جديدة Author: عادل نجيلة Date: 09-13-2010, 06:25 AM Parent: #37
أخي الفاضل والشاعر الأريب الصادق الرضي ..
كل عام وأنت بخير ..
قرأت النص وسمعت اللحن .. وأجدني أتفق مع ماكتبه الزميلان عماد عبدالله و عوض شيخ إدريس .. وأطلب من الأستاذ حمزة سليمان إجراء تعديل جذري في اللحن وأجزم بأن الأستاذ حمزة سليمان يستطيع أن يأت بلحن يصيب وجدان المتلقي ويصعد بالنص ألى القمة.. ودمتم.
Post: #38 Title: Re: عاطف خيري + حمزة سليمان: أغنية جديدة Author: عمر بانقا Date: 09-13-2010, 06:24 AM Parent: #36
الحبيب ودالرضي تحياتي وكل سنه وانت طيب وعام خير وبركه اشاء الله
العمل من مجموعه اعمال اقتلعتها من الاخ الفنان المبدع حمزه سليمان في زياتي له مؤخرا بابوظبي
والاغنيه دي بالذات اعتقد انو حمزه اتوفق فيها بشكل كبير فيها كم من الاحساس الرائع ما يتوافق تماما والمفردات
عندي تسجيل للعمل يالاورغ والعود بعد اضافه المركبات الموسقيه والايقاع ووضع الاغنيه في القالب اللحني حقها
يختلف كثيرا عن النموذج الموجود للحن البعتقد انو حمزه حاول يدى فيهو فكره اوليه للحن
وسبحان الله قبل يوميين اتفقت مع الاستاذ يوسف الموصلى ازوره فى ولايه ارزونا لتوزيع بعض الاعمال الموسقيه واولهم هذا العمل
الله يديك العافيه يا الحبيب وتحياتى للمبدعين عاطف خيرى وحمزه سليمان ومقدما الموصلى
Post: #40 Title: Re: عاطف خيري + حمزة سليمان: أغنية جديدة Author: نزار عثمان السمندل Date: 09-13-2010, 08:41 AM Parent: #38
كل سنة وانت وكل أحبابك بخير يا ود الرضي وشكراً على العيدية الطاعمة ديَّ وبالطبع لا خلاف ـ حتى الآن ـ على فرادة قصيدة عاطف (إنتِ الوحيدة) فهي ضاجة بعدد من تفاصيل الحياة ومشحونة بصور خلاقة ، ومسيجة بأوهام لذيذة؛ لا حصر لها؛ لكنها أوهام محسوسة ، تُرى بالعين المجردة وتُلمس باليد، وتترك نكهة في القلب مثل نكهة المطر وضحكة الاطفال. ومثل عماد وأبي ذر ، وربما آخرين ، أرى أن لحن حمزة لم يضف شيئاً ذي بال للقصيدة، بقدر ما أقعد معناها وشلّ حركة مبناها وصورها المتحركة. صارت القصيدة في "تلاوة" حمزة لها أشبه بـ "رمية" أو "موّال" ، تنتظر الأذن نهايته لتسمع الأغنية. وبالنسبة لي فإن صوت حمزة (القوي) يشبه في مساره مسار القطار في اعتدال سكة الحديد الدائم، بلا تنويعٍ يضبط حالات الطلوع والنزول/ الخفوت والصدع العالي..
مع تقديري لحمزة سليمان واعجابي بجهده ، إلا انني تمنيت لو آلت هذي القصيدة إلى سيف الجامعة تلحيناً وأداءً .. ،،،،
ياالصادق ، الحتة المكوّتة (عيونك / ياتو جيران في مراكب / وما بجوني)، غاية في البراعة والإذهال. ولا أرى مثيلأً لبراعتها في شعرنا الحديث إلا لوحةإدريس جماع (أنتَ السماء بدتْ لنا واستعصمت بالبعد عنّا). كل سنة وأنتم بخير.
Post: #41 Title: Re: عاطف خيري + حمزة سليمان: أغنية جديدة Author: Elmosley Date: 09-13-2010, 01:29 PM Parent: #38
Quote: الحبيب ودالرضي تحياتي وكل سنه وانت طيب وعام خير وبركه اشاء الله
العمل من مجموعه اعمال اقتلعتها من الاخ الفنان المبدع حمزه سليمان في زياتي له مؤخرا بابوظبي
والاغنيه دي بالذات اعتقد انو حمزه اتوفق فيها بشكل كبير فيها كم من الاحساس الرائع ما يتوافق تماما والمفردات
عندي تسجيل للعمل يالاورغ والعود بعد اضافه المركبات الموسقيه والايقاع ووضع الاغنيه في القالب اللحني حقها
يختلف كثيرا عن النموذج الموجود للحن البعتقد انو حمزه حاول يدى فيهو فكره اوليه للحن
وسبحان الله قبل يوميين اتفقت مع الاستاذ يوسف الموصلى ازوره فى ولايه ارزونا لتوزيع بعض الاعمال الموسقيه واولهم هذا العمل
الله يديك العافيه يا الحبيب وتحياتى للمبدعين عاطف خيرى وحمزه سليمان ومقدما الموصلى
ياحبيبنا عمر نحن بنحترم اراء الزملاء المحترمين هنا لكن اعتقد بان مشكلتهم وان شاء الله اكون غلطان في كلامي ما قادرين يعرفو الفرق بين مراحل النص ومراحل اللحن النص لمن ينكتب بنكتب اللحن لمن يتعمل بيدخل مراحل كتيره مرحلة التلحين ثم مرحلة تجريب اداءه وهو خام ثم مرحلة توزيعه موسيقيا ثم مرحلة تنفيــذه اوركستراليا ثم بثه نحن الموسيقيون بنسمع بي اضان البنشوفو جاي واحبابنا هنا عليهم بما سمعوه ومعهم حق فقد انزل لهم الصادق المشروع ولم ينزل (المنتج) بضم الميم بعد انا غايتو شايف ان هذا اللحن مشحون بكم هائل من التعابير المؤثرة وعندما يدخل الورشه فانه سيكون من احسن ما تم تلحينه لعاطف المبدع على الاطلاق تحياتنا لك وللجميع هنا وللمبدع صادق الرضي. وحبابك في مدينة سييرا فيستا الجبلية المعتدلة المناخ المجاورة للمكسيك باريزونا الحاره وهاك يا ورشة
Post: #42 Title: Re: عاطف خيري + حمزة سليمان: أغنية جديدة Author: Emad Abdulla Date: 09-13-2010, 01:54 PM Parent: #41
الزول الجميل الموصلي .. يسعد مساك .. و دايم عيدك و الأماني الحلوة ليك .
أها نحنا ( أحبابكم ) ديل مش بتسووا لينا الشغل ده نحنا ؟؟ .. وللا عاملنو لروحكم ؟؟ أنا واحد من ( الأحباب ) المعنيين ديل .. و لسه جبة عاطف الشعرية أكبر من جسم اللحن ده .. - علي رغم عدم إكتمالو - لكن لو ده هيكلو .. فهو أقصر قامة من الشعر المقولب فيهو .. و برضي زول عنقالي من الأحباب ساكت و ما لي في " العملية اللحنية " ، لكن قاعد أظن في أضاني الخير ، و عندي شوية ذائقة ما بطالة .. ثم ياخواننا أعفونا من قصة عدم إشراكنا في الشغلة دي .. نحنا شركاء زينا زيكم تماماً .. قصة ( المتلقي ) دي ما عادت ظابطة نهائي .. التلقي ده يا مسلمين بيخليك في محل ( اليد السفلي ) .. و في يد تانية هي البتديك الوجبة جاهزة .. عطية .. و إنت قاعد منتظر و بس ، " يلقوا " ليك و إنت تخم و تحمد سيدك .. لا ليك في التور و لا في الطحين . و بعدين مع إحترامنا التام و الكامل لكلامكم كموسيقيين دارسين و عندكم شوفكم النحنا ما بنتطاول و نهابشكم فيهو .. لكن كمان ما تخلرنا نحس بالدونية ، و تقوموا بالغصب المنطقي الموسيقي المعرفي النظري تاكلونا حنك ..!! إتنين كان قالوا ليك راسك مافي .. أهبشو .. اللحن لسه عندي - و عند غيري - ما بيشبه الشعر المتين ده .. لحن عادي و ابدا ما لايق علي الشعر اللابسو ده .. قطعاً ما بيشبه الشعر ده .. أنا و الله آسف يا حمزة ياخي .. بحبك في غنا تاني و الحان تانية سمعتك فيها .. لكن اصلو ما هنا .. هذا اللحن و الأداء - في نظري أنا ، الواحد من ( الحبايب ) - ما يزال أقصر من الكلام النضير القالو الزول المنعول عاطف ده .
و مع ذلك حقكم علينا يا اساتذه .. واصلوا البتعرفوه .. و نحنا بنقول البنحس بيهو .
Post: #44 Title: Re: عاطف خيري + حمزة سليمان: أغنية جديدة Author: مجاهد عمر Date: 09-13-2010, 02:12 PM Parent: #42
ود والرضى وضيوفه الكرام كل عام وأنتم بخير كتر خيركم كتير والعمل يستحق الكثير شعراً ولحناً وأداءاً ولقد إستمعت للعمل منذ فتره لكنى حفظته سريعا لجمال العمل والعمق الذى تميز به . فهو مدهش وجميل وشكرا لكم جميعاً
Post: #45 Title: Re: عاطف خيري + حمزة سليمان: أغنية جديدة Author: Elmosley Date: 09-13-2010, 02:29 PM Parent: #42
Quote: و برضي زول عنقالي من الأحباب ساكت و ما لي في " العملية اللحنية " ، لكن قاعد أظن في أضاني الخير ، و عندي شوية ذائقة ما بطالة .
ياعمده ياحبيب شكلك شويه اتحسست من رايي مع انو نحن ما اتحسسنا من رايكم ياخي اصلا مافي زول شكك في ذائقتكم واحترامنا ليكم كبير ياخي نحن ده تخصصنا خمسه وتلاتين سنه لكن بنؤمن بمسالة يغني المغني وكل على هواه والله بالنسبة لي هي مسالة حوار متحضر ليس الا
Quote: أنا و الله آسف يا حمزة ياخي .. بحبك في غنا تاني و الحان تانية سمعتك فيها .. لكن اصلو ما هنا .. هذا اللحن و الأداء - في نظري أنا ، الواحد من ( الحبايب ) - ما يزال أقصر من الكلام النضير القالو الزول المنعول عاطف ده .
و مع ذلك حقكم علينا يا اساتذه .. واصلوا البتعرفوه .. و نحنا بنقول البنحس بيهو .
ليه الكلام ده ياعماد ياخ انت لو ما قلت راييك صريح ما بتبقى عماد البنعرفو ونحن لو ما قلنا راينا الواضح ما بنبقى نحن البتعرفنا وحمزه لو ماقبل كل ماجاء في هذا الخيط ما ببقى حمزه البنعرفو ولكن تبقى المحبة ويبقي الود كل الموضوع حبيت اشرح ليكم الفرق بين اللحن والنص ولا زلت عند رايي الاول وازيد بان هذا العمل عندما يكتمل لحنيا سيصبح معادلا موضوعيا للنص ولا اريد ان اقول ربما انه سيتفوق عشان ما تزعلو مني ياعماد والله انتو الاخوين (عبد الله) بنحبكم كده تقولو رآييكم يمين تقولو رآييكم شمال فانتم الاوفياء الاصفياء ايامك طيبه وساعاتك سعيدة ولكم ترفع القبعات
Post: #43 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-13-2010, 02:10 PM Parent: #41
الأصدقاء الأعزاء
غبت قليلا عن الخيط، لحالة السفر التي لا تزال تنتابني وحين عدت له وجدته مزدهرا بالمداخلات الدسمة والحوار الخلاق
Post: #46 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-13-2010, 03:16 PM Parent: #43
أخي الماهري
سألت عن الغياب، من واقع متابعتي لتجربتك وآخرين، من خلال المواقع الإلكترونية المختلفة وبعض ما تجود به الصفحات الثقافية هنا وهناك وكنت متابعا تداعيات صدور كتابك الأول عن قرب- بالطبع حصلت على نسخة من الطبعة الأولى، وسعيد بأنك ما زلت تواصل مشروعك الإبداعي، لا خوف بل لا بأس من البطء، فهي صنعة تتطلب الصبر في كلا الأحوال.
الأمسية كانت في فبراير على ما أعتقد، وأسفي أن حُرمت من هذا اللقاء، ولو كنت أعرف أنك بالقاعة لما غادرت قبل أن ألتقيك؛ من أجمل ما يحدث في هذه الجولات، هو استعادة الصداقات بالإضافة إلى بناء صداقات جديدة، وكما تعلم نحن من جيل- أكثر من جيل، تناوشته الديسابورا- للمفارقة، أنجح القراءات الشعرية صارت تلك التي نقدمها في المهاجر والمغتربات!
Quote: نعود لموضوع البوست وهو طلبك إبداء الرأي في هذا العمل المدهش لعاطف خيري وعن لحن الاستاذ حمزة سليمان. بالنسبة لنصوص عاطف خيري فهي كعادتها تأتي متجاوزة للمألوف في كل شيئ ، المفردة / الصورة والموسيقى. وبالنسبة لي اعود دائماً لنصوص عاطف لتأمل المعني غير المتوقع والذي يرسلة عاطف من خلال تركيب بسيط في ظاهره غريق حد الغرق في جماليته وغرابته. عاطف يجعل للتأمل معنى ، وذلك من خلال قدرته البديعة في نحت الصورة الشعرية . وللشعر عنده قامة اطول كلما تنظر إلى قصائده ترى بناءًاً شعريًاً شاهقًاًوجميلا يفتح نوافذًاً للتفكير لا يستطيع القارئ إغلاقها ابداً. وهذا يبرز بجلاء في هذه القصيدة التي بناها عاطف صورة صورة ليضعنا امام عمل لا نستطيع إلا ان نقول: يااااااااااااااااه ! ذلك وحدة التعبير المتاح امام هذه المقاطع الشعريّة باذخة الجمال والمعنى.
لا أزيد.
صديقنا عاطف خيري ربما كانت لديه فلسفة خاصة نحو عدم مشاركته بمنتديات الحوار الإلكترونية أو ربما متطلبات عملية في حياته الخاصة حالت دون ذلك، في الحقيقة لم أناقشه في الأمر مطلقا، لكن تواصله الدائم مع عدد من الصفحات الثقافية التي تصدر بالخرطوم أتاح لبعض متابعي ومحبي تجربته قدرا معقولا من خلال بعض الحوارات التي أجريت معه خصوصا بعد صدور كتابه الأخير تشجيع القرويات في مارس 2006م، بعد ذلك نشرت له شخصيا بصفحات صحيفة السوداني الأدبية قدرا وافرا من المقالات والشهادات والنصوص الجديدة التي أعقبت صدور كتابه الأخير، وأهم أعماله الجديدة تلك- فيما أرى، قصائد بالعامية تندرج عنده تحت مسمى مسادير* ولا بأس أن ننتحي جانبا في بعض زوايا هذا الخيط لنشر بعض أعماله الجديدة- المنشورة لدينا بالصحف أو تلك التي يسمح لنا بنشرها هنا، بجانب نشر بعض ما لدينا حول تجربته، ولك في هذا الخيط متسع يا صاحب
بخصوص اللحن، كلنا ذلك الرجل المتذوق ليس إلا، وشكرا لأخواننا الموسيقيين بحضورهم الكثيف هنا وإن كنت أتفق مع صديقنا عماد عبدالله حول دور المتلقي أو المتذوق هنا- هو دور مهم، ويمكننا أن نضيف كثيرا عندما نعبر عن إحساسنا بالعمل دون أن يعني ذلك تنطعا أو تغولا على أصحاب التخصص
ــــــــــــــــــــــ • المسادير- مجموعة نصوص جديدة للشاعر خيري، نشرنا بعضها بصحيفة السوداني، والفنان حمزة قام بتلحين بعض نصوصها أيضا- لم نطلب الإذن من الأصدقاء لطرحها هنا.
ــــ أ.أ
Post: #47 Title: Re: عاطف خيري + حمزة سليمان: أغنية جديدة Author: awad hassan Date: 09-13-2010, 07:20 PM Parent: #46
تحياتي مع خالص الإحترام للاراء التي وردت وخاصة اراء الاخوة المتخصيصين. الاخ حمزة إختزل النص في إسلوب قراءة الشيخ عوض عمر . كلما استمع للعمل أتذكر تلاوةالشيخ عوض عمر حقيقة رجعت لهذا العمل لأسمعه مرات ومرات عديدة كي أغير وجهة نظري الأولي التي إتفقت فيها مع الاخ عماد . في كل مرة اسمعه احسَ بأنَ الاخ حمزة يتناول في كلام اخر غير الذي نقرأه في نص الاخ عاطف خيري . النَص فخم وبه لغة معبَرة غاية في العمق وروعةالتعبير
Quote: تلقي روحك راجعة من داكن جروحك وتبكي أول عتمة شافت فيك حبّها للفوانيسْ
أعتقد أن الاخ حمزة اعتمد فقط علي لحن النص الموجود فيه أصلا ولم يوفق حتي في ذلك .ولم يضع أي لحن علي هذا النص بل أتبع أسلوب القارئ الشيخ عوض عمر في تلاوة القران بموسيقاه الموجودة فيه اصلا.
من خصائص اللحن العلم بفحوي مفردات ومعاني النص المراد تلحينه ولا اعتقد أنَ الاخ حمزة يجهل ذلك .
رأي غير متخصص . مع خالص الاحترام والتقدير للجميع عوض شيخ إدريس حسن
Post: #48 Title: Re: عاطف خيري + حمزة سليمان: أغنية جديدة Author: عادل نجيلة Date: 09-13-2010, 10:33 PM Parent: #47
Quote: انا غايتو شايف ان هذا اللحن مشحون بكم هائل من التعابير المؤثرة وعندما يدخل الورشه فانه سيكون من احسن ما تم تلحينه لعاطف المبدع على الاطلاق
حصل يا موصلي .. الورشة,, الورشة بي سرعة .. الله يخلي أبناءك وكل عام وأنتم بخير .
Post: #49 Title: Re: عاطف خيري + حمزة سليمان: أغنية جديدة Author: Elmosley Date: 09-13-2010, 10:47 PM Parent: #48
Quote: حصل يا موصلي .. الورشة,, الورشة بي سرعة .. الله يخلي أبناءك وكل عام وأنتم بخير .
عادل اخوي كل سنة واسرتك بخير عمر بانقا جاي قريب ان شاء الله وتدخل الورشه وتمرق زينه (كدي يايمه) على قول حبوباتنا وولدنا حمزه ده في المزيكه دي أكاد أن اقول بانه لا ينطق عن الهوى واستغفر الله ياخي سلام لكل الاحباب في فينكس
Post: #50 Title: Re: عاطف خيري + حمزة سليمان: أغنية جديدة Author: awad hassan Date: 09-13-2010, 10:54 PM Parent: #48
Quote: حصل يا موصلي .. الورشة,, الورشة بي سرعة .. الله يخلي أبناءك وكل عام وأنتم بخير .
الاخ عادل نجيلة تحياتي هذا العمل خرج إلي الوجود بهذه الطريقة وربما لن يفلت من الذاكرة حتي ولو حصلت صياغته كليا مرة اخري ,
Post: #51 Title: Re: عاطف خيري + حمزة سليمان: أغنية جديدة Author: mutwakil toum Date: 09-13-2010, 11:07 PM Parent: #50
Post: #52 Title: Re: عاطف خيري + حمزة سليمان: أغنية جديدة Author: Osman Musa Date: 09-14-2010, 03:42 AM Parent: #51
تعايني تعايني للغابة البعيدة ورا عيوني تعايني للخضرة البتحنو على الذهول تلقي أوهامك تمارض فى جنوني .. الله زولنا الشاعر امتلأ بالشعر وفاض . عاطف يبحث عن اشارة تمنحه اليقين . يا الله عاطف يكشف ما ورا الشعر
Post: #53 Title: Re: عاطف خيري + حمزة سليمان: أغنية جديدة Author: أسامة عبد الجليل Date: 09-14-2010, 04:27 AM Parent: #52
نص يمسكك حيرتك في بطن إيدك؟ آمنت بالله. لحن وأداء باذخين ياحمزة. شكرا يا الصادق.
Post: #54 Title: Re: عاطف خيري + حمزة سليمان: أغنية جديدة Author: عادل نجيلة Date: 09-14-2010, 07:50 AM Parent: #53
Quote: الاخ عادل نجيلة تحياتي هذا العمل خرج إلي الوجود بهذه الطريقة وربما لن يفلت من الذاكرة حتي ولو حصلت صياغته كليا مرة اخري ,
العزيز عوض شيخ إدريس لا أجد ضرآ في إصلاح أو إعادة تلحين الأغنير .. هنالك أغنيات تم إعادة تلحينها أو إدخال تعديلات في اللحن و أصبحت خالدة منها على سبيل المثال كان بدري عليك .. القمر بوبا .. ولحن أغنية التجاني السيوفي ( عيوني السبب في أذايا) حيث أعاد تلحينها الراحل المقيم أحمد المصطفى حيث إشتهر لحنه وطغى على لحن السيوفي .. فلننتظر عزيزنا الموصلي مع الأستاذ حمزة سليمان (لتوريش) العمل.
Post: #63 Title: Re: عاطف خيري + حمزة سليمان: أغنية جديدة Author: Elmosley Date: 09-14-2010, 07:01 PM Parent: #54
Quote: العزيز عوض شيخ إدريس لا أجد ضرآ في إصلاح أو إعادة تلحين الأغنير .. هنالك أغنيات تم إعادة تلحينها أو إدخال تعديلات في اللحن
ياعزيزنا عادل لحن حمزه لا يحتاج الى اعادة صياغة فهو لحن متماسك ومعبر وما يخرش الميه كل الذي سنفعله اننا سنحولة من مرحلة الاساس الى مرحلة البناء و سيكون متعدد التصويت بدلا عن وحيد الصوت ان ما قاله د انس العاقب اسفله هو خير معبر عن هذه الحالةانظروا كم الموسيقيين المتخصصين وما قالوه مع احترامنا لكل الاراء
Quote: [إندغما سويا فى صوت حمزه الصادح الشجى الأسيان حمزه هنا لم بغن ليطربنا ولكنه يناجى إنسنيتنا ليوقظها فيناويبعثها لتحيا ونحيا نحن عادة عندما نطرب ننسى أرواحنا ولكنا عندما يتملكنا الوجد ننسى أنفسنا حمزه أراد بشعر عاطف أن يأتى اللحن سهلا منسابا ينسرب ألينا فى يسر شديد لتتسرب فينا المعانى وتحررنا من حالة الكثافة إلى أحوال اللطافة من قيود الجسد إلى فضاءات الروح من الطرب إلى الوجد والتواجد هذا شعر بغير ما تناوله الرائع حمزه سليمان بأداء عميق متمهل فى إيقاع مبطئ رزين بغير ذلك سيتحول اللحن إلى أغنيةسيارة تصلح تماما لإسفاف رمضان القادم
Post: #56 Title: Re: عاطف خيري + حمزة سليمان: أغنية جديدة Author: انس العاقب Date: 09-14-2010, 08:56 AM Parent: #53
عزيزى الأخ الفنان الصاق الرضى وكل الأعزاء فى المنبر وكذا الشاعر عاطف خيرى والموسيقار حمزه سليمان كل سنه وانتم جميعا بخير.... وهل نحن الآن بخير ... آمين؟؟؟!! للمرة الأولى التى أجد من الواجب على أن أشارك ولو بكلمة... عاطف خيرى شئنا أم لم نشأ هو شاعر قدم نفسه بكل ما يجعله فى حالة إنهماك إبداعى .. يبحث عن سر الكلمة لتختلج فى سحر المعنى ليولدمعنى جديد ولكم أتعبنى شعر عاطف بحثا عن شاطئ أرتاح فيه من غمامات التقليد والإنكفاء عاطف خيرى لا يتصيد الكلمات العصية , لكنه يستدعيها ليرسمها من جديد اللوحة الشعرية عند عاطف ثلاثية الأبعاد..وهذا ما أضفى على شعره غلالة من غموض جميل ولذلك فإن التعامل مع أشعار عاطف خيرى يستدعى ذائقة عالية الحساسيةلأشعار عالية النفاسه... أنا مازلت فى حالة قراءات مختلفه لشعر عاطف وغيره ممن أفضوا بالشعر نحو بلوغ كمال لا يكتمل وهذا هو الإبداع قرأت نص القصيده قبل أن أستمع لهانصا.... والفرق كبير النص الشعرى بعد القراءة مرة ومرة حملنى معه لحالة تتقلب بين الحزن والألم والضياع وبين الأمل بإحساس من يبكى حزنا وفرحاومن يتغنى بمسادير الضياع حتى وإن كانت تحتضنه فراديس الإغتراب وحمزه سليمان يظل أكثرنا( نحن الموسيقيين) شفافية وجرأة فى إنتقاء أشعار ألحانه ظل وحده كالسيف ( كما قال الشاعر على الجارم... وبقيت مثل السيف وحدى) يستنجز وعد البشارات القادمه لا لتخرجنا مما نحت قيه من ضيق ذات الإبداع ولكن لتظللنا بالضوء وتدثرنا بالنور فى زمن لم يعد فيه للإبداع المتجدد معنى سوى الهروب إلى كهوف الإنتظار أو الموت نسيانا نحن أمام قصيدة ساحرة ولحن آسر إندغما سويا فى صوت حمزه الصادح الشجى الأسيان حمزه هنا لم بغن ليطربنا ولكنه يناجى إنسنيتنا ليوقظها فيناويبعثها لتحيا ونحيا نحن عادة عندما نطرب ننسى أرواحنا ولكنا عندما يتملكنا الوجد ننسى أنفسنا حمزه أراد بشعر عاطف أن يأتى اللحن سهلا منسابا ينسرب إلينا فى يسر شديد لتتسرب فينا المعانى وتحررنا من حالة الكثافة إلى أحوال اللطافة من قيود الجسد إلى فضاءات الروح من الطرب إلى الوجد والتواجد هذا شعر بغير ما تناوله الرائع حمزه سليمان بأداء عميق متمهل فى إيقاع مبطئ رزين بغير ذلك سيتحول اللحن إلى أغنيةسيارة تصـلح تماما لإسفاف رمضانى قادم وبهذه المناسبه يا أخ عادل من حقك تماما أن تبدى رايك حول اللحن وأى لحن بلا خوف من الموسيقيين والنقاد والأكادميين لأن االفنون عموما ليست نخبوية إلا بقدر درجات تواصلها المتبادل مع الجمهور وقس على ذلك فنون النحت والتصوير والمعمار والتمثسل والشعر والغناء والموسيقى البحته وووو شكرا أخى الشاعر الصادق الرضى على هذه العيدية والشكر موصول للأخوين المبدعين عاطف خيرى وحمزه سليمان ...وناس الموصلى وعمر بانقا وللجميع محبتى
Post: #57 Title: Re: عاطف خيري + حمزة سليمان: أغنية جديدة Author: Elmosley Date: 09-14-2010, 11:49 AM Parent: #56
Quote: حمزه هنا لم بغن ليطربنا ولكنه يناجى إنسنيتنا ليوقظها فيناويبعثها لتحيا ونحيا نحن عادة عندما نطرب ننسى أرواحنا ولكنا عندما يتملكنا الوجد ننسى أنفسنا حمزه أراد بشعر عاطف أن يأتى اللحن سهلا منسابا ينسرب ألينا فى يسر شديد لتتسرب فينا المعانى وتحررنا من حالة الكثافة إلى أحوال اللطافة من قيود الجسد إلى فضاءات الروح من الطرب إلى الوجد والتواجد هذا شعر بغير ما تناوله الرائع حمزه سليمان بأداء عميق متمهل فى إيقاع مبطئ رزين بغير ذلك سيتحول اللحن إلى أغنيةسيارة تصلح تماما لإسفاف رمضان القادم
الله يريحك في حنانك ذاتو عاطف خيري وحمزه سليمان طائران يغردان في سماء الانسانية ويدندنان بسر النغم ويهمسان بعمقه كل سنه وانت واسرتك بخير
Post: #78 Title: Re: عاطف خيري + حمزة سليمان: أغنية جديدة Author: HAMZA SULIMAN Date: 09-19-2010, 05:58 AM Parent: #47
(أعتقد أن الاخ حمزة اعتمد فقط علي لحن النص الموجود فيه أصلا ولم يوفق حتي في ذلك .ولم يضع أي لحن علي هذا النص بل أتبع أسلوب القارئ الشيخ عوض عمر في تلاوة القران بموسيقاه الموجودة فيه اصلا)
اعجبنى جدا هذا النقد
من الاخ
awad hassan
Post: #55 Title: Re: عاطف خيري + حمزة سليمان: أغنية جديدة Author: عبد اللطيف عبد الحفيظ حمد Date: 09-14-2010, 07:59 AM Parent: #1
الصادق الرضي لك التحية والتحية للشاعر عاطف خيري...
وقبال يقع فوقك سقف يتنحنح الجالوص أمرق علي مهلك مروق الحنا من ضفر العروس واصعد علي مهلك صعود البذرة والروح والشموس!!
عاطف خيري ثورة أو ثروة شعرية!!!!! يتمدد شعره إلى أعماق القلوب!!!!
ويحمل في داخله الآلام والأحلام له التحية!!!
Post: #58 Title: Re: عاطف خيري + حمزة سليمان: أغنية جديدة Author: HAMZA SULIMAN Date: 09-14-2010, 01:05 PM Parent: #55
ما انا الا نطفة من ابداعكم
استاذ يوسف الموصلى د.انس العاقب الفنان عمر بانقا
اشكر جميع المتداخلين
والله تعجز تعابيرى هنا
محبتى للجميع
Post: #59 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-14-2010, 02:53 PM Parent: #58
أخي حسن سنادة كل عام وأنتم بخير وتحاياك للشاعر خيري واصلة
أخي عادل نجيلة كل عام وأنتم بخير صديقنا الفنان حمزة سليمان وصديقنا الشاعر عاطف خيري يسعدهما أن يسمعا كل الآراء حول هذا العمل الوليد
أخي عمر بانقا سعدت كثيرا بمرورك الكريم هنا الصديق الفنان حمزة صاحب رؤية وله أفق رحب، مهموم بالمساهمة في فضاء الغناء السوداني من واقع أريحيته في التعامل مع زملاء المجال، مذ عرفته وهو يتعاون مع زملائه ولا يبخل بالعطاء، نتمنى لك التوفيق مع هذا العمل الذي أزعم أن له ما بعده، وعلى ثقة من مقدرات أستاذنا الموصلي ومقدراتكم
ـــ أ.أ
Post: #60 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-14-2010, 03:00 PM Parent: #59
أخي نزار كل سنة وأنت طيب
كتبت: كل سنة وانت وكل أحبابك بخير يا ود الرضي وشكراً على العيدية الطاعمة ديَّ وبالطبع لا خلاف ـ حتى الآن ـ على فرادة قصيدة عاطف (إنتِ الوحيدة) فهي ضاجة بعدد من تفاصيل الحياة ومشحونة بصور خلاقة ، ومسيجة بأوهام لذيذة؛ لا حصر لها؛ لكنها أوهام محسوسة ، تُرى بالعين المجردة وتُلمس باليد، وتترك نكهة في القلب مثل نكهة المطر وضحكة الاطفال. ومثل عماد وأبي ذر ، وربما آخرين ، أرى أن لحن حمزة لم يضف شيئاً ذي بال للقصيدة، بقدر ما أقعد معناها وشلّ حركة مبناها وصورها المتحركة. صارت القصيدة في "تلاوة" حمزة لها أشبه بـ "رمية" أو "موّال" ، تنتظر الأذن نهايته لتسمع الأغنية. وبالنسبة لي فإن صوت حمزة (القوي) يشبه في مساره مسار القطار في اعتدال سكة الحديد الدائم، بلا تنويعٍ يضبط حالات الطلوع والنزول/ الخفوت والصدع العالي..
مع تقديري لحمزة سليمان واعجابي بجهده ، إلا انني تمنيت لو آلت هذي القصيدة إلى سيف الجامعة تلحيناً وأداءً .. ،،،،
ياالصادق ، الحتة المكوّتة (عيونك / ياتو جيران في مراكب / وما بجوني)، غاية في البراعة والإذهال. ولا أرى مثيلأً لبراعتها في شعرنا الحديث إلا لوحةإدريس جماع (أنتَ السماء بدتْ لنا واستعصمت بالبعد عنّا). كل سنة وأنتم بخير.
أوافقك الرأي بخصوص شعر عاطف خيري بخصوص اللحن والأداء- لابد من إستعادة المقولة القديمة- لولا إختلاف الآراء لبارت الـ ...
ـــــ أ.أ
Post: #61 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-14-2010, 03:27 PM Parent: #60
أخي عماد عبدالله
Quote: و نحنا بنقول البنحس بيهو .
شكرا أخي ودا المهم لمداخلتك الأولى في الخيط وصدقها يعود ثراء الحوار، فانظر للثمار
أخي الفنان مجاهد عمر كل سنة وأنت طيب
Quote: ود والرضى وضيوفه الكرام كل عام وأنتم بخير كتر خيركم كتير والعمل يستحق الكثير شعراً ولحناً وأداءاً ولقد إستمعت للعمل منذ فتره لكنى حفظته سريعا لجمال العمل والعمق الذى تميز به . فهو مدهش وجميل وشكرا لكم جميعاً
شكرا لمرورك الكريم ودعنا نسأل عن جديدك يا رجل
ــــ أ.أ
Post: #62 Title: Re: عاطف خيري + حمزة سليمان: أغنية جديدة Author: ناصر احمد الامين Date: 09-14-2010, 03:57 PM Parent: #61
Quote: عاطف خيرى لا يتصيد الكلمات العصية , لكنه يستدعيها ليرسمها من جديد
Quote: حمزه هنا لم بغن ليطربنا ولكنه يناجى إنسنيتنا ليوقظها فيناويبعثها لتحيا ونحيا
كلام اساتذه بالفعل ... الله يديك العافية استاذنا انس العاقب.
و ان شاء الله يا الموصلي ورشتك دي لا تنقفل و لا تتصادر .... منتظرين
Post: #65 Title: Re: عاطف خيري + حمزة سليمان: أغنية جديدة Author: Elmosley Date: 09-14-2010, 07:22 PM Parent: #62
Quote: و ان شاء الله يا الموصلي ورشتك دي لا تنقفل و لا تتصادر .... منتظرين
العزيز ناصر عاطف بستاهل, حمزه بستاهل , عمر بانقا بستاهل وانتو المشاركين في هذا البوست كلكم بمحتلف الاراء بتستاهلوا دي مسؤلية كبيره والله الله يكون في العون
Post: #64 Title: Re: عاطف خيري + حمزة سليمان: أغنية جديدة Author: Elmosley Date: 09-14-2010, 07:11 PM Parent: #58
Quote: ما انا الا نطفة من ابداعكم
استاذ يوسف الموصلى د.انس العاقب الفنان عمر بانقا
اشكر جميع المتداخلين
والله تعجز تعابيرى هنا
محبتى للجميع
الجميع هنا يحبونك ياحمزة ايها الفنان ذو النظرة البعيدة الثاقبة موسيقيا والله لو كان في لحنك (تنية) واحدة لعصرناك كما يعصر السمسم لانك ما عودتنا الا الجميل وانني ارى في لحنك هذا مايرى النائم من احلام سعيدة وربنا يوفقني في المعالجة التوزيعيةويوفق الاوركسترا في التنفيذ وعمر في الاداء التعبيري فانت قد قمت بما عليك فيما يختص بمرحلة اللحن تجاه هذا النص الرفيع لعاطف خيري دعواتك لنا يا فنان بحق
Post: #66 Title: Re: عاطف خيري + حمزة سليمان: أغنية جديدة Author: Maysoon Nigoumi Date: 09-14-2010, 08:58 PM Parent: #64
الجميل في هذه القصيدة نفسها القوطي الصور الداكنة، وأظنني أختلف مع البعض هنا، أن نفس القصيدة ليس حزينا ولكن كماالطابع القوطي، هناك احتفال بالمشاهد المظلمة، واحتفال بمواطن الألم
ورغم يعض التعابير في القصيدة التي ممكن نقول أنها جدا "عاطفية" نسبة لعاطف إلا أن جو القصيدة جديد عن ما اعتدناه منه
لذا ما رأيت أن القصيدة حزينة...لكنها عميقة (وأنا هنا أشير إلى اللحن)
وهذا سؤال كنت أود أن أسأله للأستاذ عاطف في الليلة الشعرية الماضية
عن أن الشعر هو ما ضاع في الترجمة...واللحن قطعا ترجمة للشعر هل يفصل الشاعر نفسه عن تجربة تلحين النص، تماما كما يفصل نفسه عن النقد المكتوب؟
ولست متأكدة هل هذه القصيدة قصد عند كتابتها الغناء (وهل هناك فرق؟) هل في هذه الحالة إن كانت كلمات أغنية، فيكون للشاعر يد فيها، حيث يصبح اللحن جزءا مكملا للقصيدة، أم أن الشاعر يتركهالاحتمالات الترجمة
اللحن: لا أظن أن أمر تصور اللحن بعد دخوله "ورشة" هو أمر صعب. وأرأني كما الزملاء هنا نعلق على اللحن كما أورده الأستاذ الصادق في مرحلته "الأولية".
لأني فسرت القصيدة بأنها كابوسية، وأنها كانها تنبع من عمق، من لاوعي مظلم يالرغبات وأحاسيس uneasily tapped أظن أود ترجمتها إلى أحاسيس غير حاضرة، لاتطفح على السطح بسهولة وفي تراثنا الغنائي هي uncommon ولست أدري ما سيصحب اللحن في الورشة لكن حسب ذوقي الخاص ...يكفي هذا الشعر، عود وحيد وصوت كابوسي (محمود مثلا)، والة ايقاع بريتم كسول
وددت لو أن اللحن بدء من نوتة أخفض أعمق (أهكذا تقولون؟) وأن المد في نهاية الجمل لا يذهب إلى أعلى بل ينخفض لأسفل، فالنص لا يحلق في سماوات علا...بل يهبط إلى مكامن الروح المظلمة
في مونوتوني في اللحن (تكرار) والنص أحسبه يحتمل تنوع في اللحن...وأحسب أن بعض من السرعة خاصة في المقطع الثاني والثالث سيقوم (بالتناقض by contrast) باجلاء المقاطع البطيئة ويجلي حلاوتها
هل يود الأستاذ حمزة فيدباك في لحنه،أخشى أن نكون أفسدنا ما لم يتراءى لناجليا
أقول قولي هذا واسترجع كلام الصادق الرضي وعماد عبدالله...المتلقي ما دايما مهم في عملية الخلق وفي كاتب إسمو راي برادبري كتب كتاب تحديدا عن الفكرة دي إسمو فهرنهايت...وفيه عن تغول المتلقي على عمل المبدع
Post: #67 Title: Re: عاطف خيري + حمزة سليمان: أغنية جديدة Author: Elmosley Date: 09-14-2010, 11:09 PM Parent: #66
Quote: ورغم يعض التعابير في القصيدة التي ممكن نقول أنها جدا "عاطفية" نسبة لعاطف إلا أن جو القصيدة جديد عن ما اعتدناه منه
لذا ما رأيت أن القصيدة حزينة...لكنها عميقة (وأنا هنا أشير إلى اللحن)
ميسون شكرا لمساهمتك الثمينة اللحن وحيد الصوت في اغلب الاحيان لايرسم الصورة المثلى للنص ذو السمة الدرامية سواء ان كان تراجيديا او كوميديا سوداء لذلك فان في الموسيقى يوجد ما يسمى اعادة البناء من حيث الهارمونية (التوافق أو التنافر الصوتي) الكاونتربيونتية او الالحان المضادة ثم ياتي العامل الاهم وهو التلوين الاوركسترالي الذي يضبط الايقاع التعبيري تماما حمزة قد وضع الخطوط العريضة للتفسير بحنكة ودرايةوهو اشتهر بدقته المتناهية في اختيار النصوص ولكن العمل سيكتمل لاحقا كل الود
Post: #68 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-15-2010, 02:00 AM Parent: #67
أخي عثمان موسى
Quote: الله زولنا الشاعر امتلأ بالشعر وفاض . عاطف يبحث عن اشارة تمنحه اليقين . يا الله عاطف يكشف ما ورا الشعر
سلم شعورك ياخ
أخي أسامة عبدالجليل
شكرا ليك إنت ولتعبيرك السهك الممتنع
أخي الفنان أنس العاقب
Quote: عزيزى الأخ الفنان الصاق الرضى وكل الأعزاء فى المنبر وكذا الشاعر عاطف خيرى والموسيقار حمزه سليمان كل سنه وانتم جميعا بخير.... وهل نحن الآن بخير ... آمين؟؟؟!! للمرة الأولى التى أجد من الواجب على أن أشارك ولو بكلمة... عاطف خيرى شئنا أم لم نشأ هو شاعر قدم نفسه بكل ما يجعله فى حالة إنهماك إبداعى .. يبحث عن سر الكلمة لتختلج فى سحر المعنى ليولدمعنى جديد ولكم أتعبنى شعر عاطف بحثا عن شاطئ أرتاح فيه من غمامات التقليد والإنكفاء عاطف خيرى لا يتصيد الكلمات العصية , لكنه يستدعيها ليرسمها من جديد اللوحة الشعرية عند عاطف ثلاثية الأبعاد..وهذا ما أضفى على شعره غلالة من غموض جميل ولذلك فإن التعامل مع أشعار عاطف خيرى يستدعى ذائقة عالية الحساسيةلأشعار عالية النفاسه... أنا مازلت فى حالة قراءات مختلفه لشعر عاطف وغيره ممن أفضوا بالشعر نحو بلوغ كمال لا يكتمل وهذا هو الإبداع قرأت نص القصيده قبل أن أستمع لهانصا.... والفرق كبير النص الشعرى بعد القراءة مرة ومرة حملنى معه لحالة تتقلب بين الحزن والألم والضياع وبين الأمل بإحساس من يبكى حزنا وفرحاومن يتغنى بمسادير الضياع ختى وإن كانت تحتضنه فراديس الإغتراب وحمزه سليمان يظل أكثرنا( نحن الموسيقيين) شفافية وجرأة فى إنتقاء أشعار ألحانه ظل وحده كالسيف ( كما قال الشاعر على الجارم... وبيقيت مثل السيف وحدى) يستنجز وعد البشارات القادمه لا لتخرجنا مما نحت قيه من ضيق ذات الإبداع ولكن لتضللنا بالضوء وتدثرنا بالنور فى زمن لم يعد فيه للإبداع المتجدد معنى سوى الهروب إلى كهوف الإنتظار أو الموت نسيانا نحن أمام قصيدة ساحرة ولحن آسر إندغما سويا فى صوت حمزه الصادح الشجى الأسيان حمزه هنا لم بغن ليطربنا ولكنه يناجى إنسنيتنا ليوقظها فيناويبعثها لتحيا ونحيا نحن عادة عندما نطرب ننسى أرواحنا ولكنا عندما يتملكنا الوجد ننسى أنفسنا حمزه أراد بشعر عاطف أن يأتى اللحن سهلا منسابا ينسرب ألينا فى يسر شديد لتتسرب فينا المعانى وتحررنا من حالة الكثافة إلى أحوال اللطافة من قيود الجسد إلى فضاءات الروح من الطرب إلى الوجد والتواجد هذا شعر بغير ما تناوله الرائع حمزه سليمان بأداء عميق متمهل فى إيقاع مبطئ رزين بغير ذلك سيتحول اللحن إلى أغنيةسيارة تصلح تماما لإسفاف رمضان القادم وبهذه المناسبه يا أخ عادل من حقك تماما أن تبدى رايك حول اللحن وأى لحن بلا خوف من الموسيقيين والنقاد والأكادميين لأن االفنون عموما ليست نخبوية إلا بقدر درجات تواصلها مع الجمهور وقس على ذلك فنون النحت والتصوير والمعمار والتمثسل والشعر والغناء والموسيقى البحته وووو شكرا أخى الشاعر الصادق الرضى على هذه العيدية والشكر موصول للأخوين المبدعين عاطف خيرى وحمزه سليمان ...وناس الموصلى وعمر بانقا وللجميع محبتى
لا أزيد.
ــــ أ.أ
Post: #69 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-15-2010, 02:12 AM Parent: #68
أخي عبداللطيف عبدالحفيظ لك التحية وكل سنة وإنت طيب
Quote: وقبال يقع فوقك سقف يتنحنح الجالوص أمرق علي مهلك مروق الحنا من ضفر العروس واصعد علي مهلك صعود البذرة والروح والشموس!!
عاطف خيري ثورة أو ثروة شعرية!!!!! يتمدد شعره إلى أعماق القلوب!!!!
ويحمل في داخله الآلام والأحلام له التحية!!!
شكرا لتحسسك نبض الجالوص
ـــــــــ أ.أ
Post: #70 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-15-2010, 02:17 AM Parent: #69
أخي الفنان حمزة سليمان
تعرف كم نحبك، كم نحب أعمالك أحبابك وأحباب أعمالك من كل لون حضور هنا على مائدة (انت الوحيدة) ونحن نعرف: ياها المحرية فيك كن معنا حتى لقاء نعلمه سرِّا..
محبتي
ــــ أ.أ
Post: #71 Title: Re: عاطف خيري + حمزة سليمان: أغنية جديدة Author: خالد العبيد Date: 09-15-2010, 02:35 AM Parent: #70
العزيز الصادق سلام السؤال ... بل الاحساس الذي وضعه زميلنا عماد عبدالله عن علاقة النص بالموسيقى او اللحن يدور في جوانح كثير من عشاق ومريدي شعر عاطف بل واشعارك انت يا الصادق .. في تقديري ان محاولة تلحين نص لعاطف خيري يعتبر امتحان حقيقي لقدرات الملحن والمغتي معا ليكون قريبا وملاصقا للمتعة والدهشة التي تعترينا حين سماع عاطف يلقي شعرا
اعتقد بل وتأكد لي ان الشاعر عاطف خيري قلب جدلية سؤال القديم عن قدرة الشعر على بلوغ تأثير الموسيقى فاصبح السؤال .. هل يستطيع الملحن او المؤدي ان يبلغ مستوى الكلمة التي كتبها عاطف خيري البعض ومنهم طارح السؤال يشك في ذلك كثيرا ! انا كمستمع اعتقد انه يمكن ذلك ولكنا جميعا نحتاج لزمن ! بدليل تجربة مصطفى مع عاطف والصادق ، هذه التجربة التي تحتاج لوقت طويل للاستيعاب تحتاج لعشرات السنين القادمة لنفهم ونعرف ونتذوق ونتحسس انفاس مصطفى ونسبر غورها وهو يغني لعاطف والصادق كأننا نعيش ازمة تذوق هذا الجديد ، فهذا الجديد كي يفتح مساماتنا ويتخللنا ونتذوقه نحتاج لمصادقته وترويضه نحتاج لزمن كي نخرج من اسار ذاك القديم وكما قال رولان النص نسيج يجب ان نلبسه ونختفي فيه .. هكذا نفعل حين نستمع لعاطف وتحية ومحبة للفنان حمزة سليمان
وشكرا يا صادق وانت تفتح هذه النافذة
Post: #72 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-15-2010, 03:39 AM Parent: #71
أخي ناصر أحمد
ممنون لحضورك هنا وكل سنة وإنت طيب
ــــ أ.أ
Post: #73 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-15-2010, 03:41 AM Parent: #72
أخي الفنان الموصلي
البيت بيتك وأضاء بك إنشا الله يوم شكرك ما يجي
أختي ميسون النجومي أخي خالد العبيد
لي عودة أكيدة لكريم ما تفضلتم به
ــــ أ.أ
Post: #74 Title: Re: عاطف خيري + حمزة سليمان: أغنية جديدة Author: Elmosley Date: 09-15-2010, 01:47 PM Parent: #73
Quote: أخي الفنان الموصلي
البيت بيتك وأضاء بك إنشا الله يوم شكرك ما يجي
والله يالصادق فعلا انا خاتي عنقريبي في الراكوبه وجمبو بمبر وكانون / منقد (وشرغرغ) هل تكتب هكذا (شرقرق) والله ماعارف المهم قهوتو تقول ياليل والبجي خاشي كلو بتلقفو فانت وعاطف وحمزه وضيوفكم هنا عزاز بجد
Post: #75 Title: Re: عاطف خيري + حمزة سليمان: أغنية جديدة Author: Alsadig Alraady Date: 09-16-2010, 02:22 AM Parent: #74
تسلم يا أستاذنا الموصلي
أنا ماداير أكون ثقيل لكن البن دا عجبني وداير لي منو فنجان فنجان واحد وبعمل فيها نايم
تسلم يا صاحب
ــــ أ.أ
Post: #76 Title: Re: عاطف خيري + حمزة سليمان: أغنية جديدة Author: Emad Abdulla Date: 09-16-2010, 07:07 AM Parent: #75
صباح الخير علي الجميع .. و التحايا لصاحب البيت و رواده . ... كسرة : طربت ليلتها و القدال صاحبي الجميل يقرر أن : الشعر غناء . ( هذه قماشة حشيدة بالغزْل ) . ... ميسون يا صاحبتنا ... لم أقل بأن " المتلقي " طرفٌ في عملية التخليق ، و ليس له أن يتغول عليها - إلا إن كان حضوراً محسوباً في ذاكرة المبدع و هو يستشرف مآلات معادلته . فلا يكون " المتلقي " حينها غولاً مذنباً .. إلا بالقدر الذي استدعاه به المبدع .. قسراً و كسر رقبة . لا ينبغي " للمتلقي " أن يكون طرفاً في المعادلة تلك ( و إلا لانتفت كامل العملية الإبداعية ، و في مستواها الأولي ) . لكنه يكون طرفاً - بالقطع - أصيلاً .. ذلك في اللحظة التي خرج فيها العمل إليه .. هكذا . و لا يكون - و الحال كذلك - شراكتئذٍ متلقياً .. مكتفياً فقط ببرودة معدن " الوعاء " . ... تبقي نصيبة لو بعد ده كلو طالبوني أنا " متلقي " الحجج ده بأن : ياخي ما تستعجل ساكت .. أديها صنة و بعدين أحكم ..!؟ طيب يا الصادق السمح .. و يا شيخنا الموصلي .. أنا حكمت علي قدر الوصلني .. صاح !!؟ كلو منك يا الصادق .. القال ليك سمعنا الحاجة دي و هي لسه - حسب إفادات الأساتذة الموسيقيين - شنو ؟؟
ـــــــــــــــــــــــــ ياخواننا طلب أخير و بعدها العفو و العافية : شوفو لينا كلمة غير ( متلقي ) دي .. الله يرضى عليكم .
Post: #77 Title: Re: عاطف خيري + حمزة سليمان: أغنية جديدة Author: Elmosley Date: 09-16-2010, 01:28 PM Parent: #76
Quote: طيب يا الصادق السمح .. و يا شيخنا الموصلي .. أنا حكمت علي قدر الوصلني .. صاح !!؟ كلو منك يا الصادق .. القال ليك سمعنا الحاجة دي و هي لسه - حسب إفادات الأساتذة الموسيقيين - شنو ؟؟ ـــــــــــــــــــــــــ ياخواننا طلب أخير و بعدها العفو و العافية : شوفو لينا كلمة غير ( متلقي ) دي .. الله يرضى عليكم .
ياعمده كيفنك نحن مبسوطين من اللحن في حالته الراهنة ولكنه سيكون 24 قيراط بعد اكتمال المشروع اما بشآن المتلقي دي فنقترح (المتذوق) اها راييك شنو في الاقتراح؟؟؟ المحبه
