Post: #1
Title: حكومة ولاية الخرطوم تشتري الترام من مصر ... الثمن (4.5) مليون دولار
Author: على ميرغني
Date: 09-09-2010, 10:12 AM
شخصياً تقدمت بطلب للحصول على بيتين من هذه البيوت المحمية ... وعرفت انو الواحد بيكلف (25) مليون جنيه ........ الولاية بتدفع منها 10% والباقي اقساط
كلام حلو وزي العسل مش
|
Post: #2
Title: Re: حكومة ولاية الخرطوم تشتري الترام من مصر ... الثمن (4.5) مليون دولار
Author: على ميرغني
Date: 09-09-2010, 10:25 AM
Parent: #1
لكن والحمد لله اني بالصدفة تعرفت على سوداني خريج جامعة مصرية وعمل خبير في البيوت المحمية في الكويت لعدة سنوات وحالياً يعمل استاذ بكلية الزراعة ... قال لي بالحرف الواحد انو الاسعار دي مضروبة في ثلاثة اضعاف وان البيوت المحمية صناعية ايطالية ومش مصرية تسليم بورتسودان وبعد الجمارك سعرها لا يزيد عن (8.5) مليون جنيه .... دا غير كثير من الحاجات الفنية البتخلي هذه التجربة مخاطرة كبيرة
|
Post: #3
Title: Re: حكومة ولاية الخرطوم تشتري الترام من مصر ... الثمن (4.5) مليون دولار
Author: على ميرغني
Date: 09-09-2010, 10:31 AM
Parent: #2
شئ مهم تاني.. بالصدفة ركب معي اثنين مصريين يعملون في منطقة ابو حليمة شمال الكدرو في مشروع استخدام الخريج والعمل في نفس البيوت المحمية ... وبعد ان شرح لي مزايا البيوت المحمية المصرية ... قال لي انو الحكومة ملكتها لشباب ما عندهم شغلة بالزراعة وحلف انو الخريجيين الملكوهم هذه البيوت ما قاعدين يجوا يشوفوا انتاجها كيف ..... طبعاً الحتة دي بتوضح لماذا لا يوجد تمويل للزراعة ولماذا تذهب اموال تمويل الزراعة الى ناس ما عندهم علاقة بالزراعة ... ولو الواحد عمل احصائية للناس الادوهم هذه البيوت المحمية اكيد حيلقاهم كلهم الافندية منسوبي المؤتمر الوطني .. وياريت لو الحكومة منحتها لللمزارعين بتاعين المؤتمر الوطني كان البطن مافيها مغسة
|
|