علاء الدين يوسف والخصومه البروفايليه(مشروعك ضد الحب)

كم كان وقعها سيكون جميلا علي النفوس ان تركت صوره بروفايلك كما هي وتركتها في كل مد اخلاتك كما اخترتها منذ فتره

ليس دفاعا عن احد فانت اولي بالدفاع عن اصدقائك ولايهمني هنا اصل المشكله ولست معني بمن المخطئ فقط اتحدث هنا عن قيمه المحبه

التي ابديتها باختيارك لصورة احد اعضاء المنبر ثم عودتك لسحبها فقط يوم اختلاف الرأي الذي يجب الا يفسد للحب او كما ينبغي قضيه

رغم انها كانت صورة بروفايلك المعتمده لدي القراء منذ شهور مضت

هل كان وضعك لهذ الصوره علي البروفايل مجرد مجامله

هل تتخلي عن الرموز والشعارات التي ترفعها سريعا عند الغضب

فوضع صوره لشخص علي البروفايل لاشك انك قصدت بها شعارا ورساله

ومضمون الرساله يدور في فلك المحبه والتسامح والاخاء

هل تعجلت اختيار الصوره

ثم اني قد لاحظت ايضا ان لديك صوره داخليه تحمل صورة السيد رئيس الجمهوريه

كيف ستتعامل معها في لحظه الغضب

خاصه ان الغضب شعور تسهل معاودته للبشر

لست هنا بصدد التدخل في حر اختياراتك

انا هنا لحوار واسئله عامه وليست خاصه

فانت عندي رجل عام

تخاطب الناس

وتبشر بالرؤي والمفاهيم والايدولوجيات

وتناقش في امور البلاد والعباد

وتبشر بالسياسه

وتنافح وتدافع عن القيم

والمثل

والمبادئ

وقيم السلام والوحده والمحبه

بل

وتمثل وجها هنا للسلطه

هل هو احساس الضيق بالاخر

هل تقبل المختلف

ان كنت تضيق بالخلاف والرأي الاخر لدرجه اعدام بروفايل في لحظه غضب يحمل صورة صديق عزيز

فماذا يكون شعورك تجاه الاخر المختلف الذي لم تصادقه وانت تجادل في شأننا العام

ارجو ان يكون هذا الخيط حوارا بيننا حول مفهوم الراي الاخر

والسلام الداخلي

وقيم التسامح والمحبه

الم تسمع بالشيخ العبيد ود بدر وهو يقول

(الماعندو المحبه ماعندو الحبه) ؟

التي تبشر بها الان دولتنا وحكومتنا وانت احد عتاة المنافحين عنها

فالي هناك

المبدع الرائع ود الامين،،
كل عام وانت بالف خير ،،

فى كل مره تثبت لى انك انسان وفنان عظيم ... لك التحية حتى تثتغيث منها...ولاتعليق

البروفايل بي باروكة رأي..والبروافيل بي صورة قديمة بي شعرأصلي رأي..

يا طارق الأمين بقيت متلقي حجج.

والله بصراحة دي بالغت فيها عديل يا طارق أخوي ..
مثل هذه البوستات لا تليق أبدا بفنان صاحب رسالة لها رجع الصدي في المجتمعات ..
هسع يا طارق لو علاء الدين دا جاء وبكل بساطة وإختصار قال ليك ياخ تغيير بروفايلي
دا كان صدفة ساي ولضرورة لا علاقة لها من قريب او بعيد بالحاجة القاصدا دي ..
اها كدا يعني البوست يكون انتهي والنقاش وقف في التلاتة سطور ديل واللا كيف .؟
اتمني والله أن تكون بوستاتك في حجم فنك وتأثيراتو .
كل عام وانتم بخير .

Quote: والله بصراحة دي بالغت فيها عديل يا طارق أخوي .. مثل هذه البوستات لا تليق أبدا بفنان صاحب رسالة لها رجع الصدي في المجتمعات .. هسع يا طارق لو علاء الدين دا جاء وبكل بساطة وإختصار قال ليك ياخ تغيير بروفايلي دا كان صدفة ساي ولضرورة لا علاقة لها من قريب او بعيد بالحاجة القاصدا دي .. اها كدا يعني البوست يكون انتهي والنقاش وقف في التلاتة سطور ديل واللا كيف .؟ اتمني والله أن تكون بوستاتك في حجم فنك وتأثيراتو . كل عام وانتم بخير .

ئ

طلحه اخوي راكب غلط

للبوست رساله وصلت لمن تريد الوصول اليه

بما فيهم الاخ علاء

بل ربما يكون البوست قد استنفد اغراضه

خليك في الكوره ياصيقي

ماتزعج نفسك

وكل سنه طيب

Quote: للبوست رساله وصلت لمن تريد الوصول اليه بما فيهم الاخ علاء بل ربما يكون البوست قد استنفد اغراضه خليك في الكوره ياصيقي ماتزعج نفسك

حاجة غريبة
أنا كنت فاكر البوست دا للاخد والرد طالما هو مكتوب في العام ..
يعني طيب يا اللخو عشان تجنبناالإحراج الإحرجتو لينا دا كان تكتب رسالتك
لمن تريد في الخاص واللا في المسنجر ..
أها شفت التحتو خط تأكيد على كلامي أنو كورتك فكت
وبعدين خليني في الكورة لشنو يعني ..؟

Quote: وقيم السلام والوحده والمحبه

طارق ابتفه
كل سنه طيبيين

طلحة يا حبوب:
عارف في ناس قايلين الكورة دي نبز !! اتذكرت قصيدة حميد بتاعت الجوابات البين الراجل مرتو لما قال ليها في ما معناه في واحدة من رسالتو إنو البوليس كان بيقول لي يا شيوعي ..فصاغها حميد بي :
" قايل نفسو بنبز فينا..يا بوليس أمك مسكينة " !!

تخريمة :

Quote: بل ربما يكون البوست قد استنفد اغراضه

غايتو دي زي رب صدفة لم تلده أمك ..يعني ربما دي بالجد ما قدرت افهما ..
بس ربما ..

سلامات يا عمر اللايوق والعيد مبارك عليك وعلي اولادك واهلك اجمعين
واضح جدا انو أخونا طارق الأمين تعامل مع مداخلتي اعلاه بإنفعال شديد
رغم أنها مداخلة محترمة ومؤدبة جدا ليس فيها مجرد تلميحات بالسخرية
كما فعل هو في رده المستغرب اعلاه..
ومن الواضح جداأنه يضيق بالرأي الآخر ولا يحتمله حتى ولو كان في صالحه ،
ويعتبر كل وجهة نظر لا تجد هوي في نفسه ضده هو شخصيا .
غضب طارق الأمين ######ر مني لأنني قلت له أخطأت ، رغم أنه فاتح بوست طويل
عريض ليقول لعلاء الدين أخطأت ..
إذا إستمر طارق الأمين في نهجه الرافض للرأي الآخر وتعامل معه بإنفعال
وإحتداد فسيصبح يوما ليجد ان الجميع ضده .
إذا كان طارق الأمين طارح نفسو كفنان وشخصية عامة فعليه أن يضبط رد
فعله في تعامله مع الرأي الآخر مدحا أو ذما أو نقدا.

Quote: ارجو ان يكون هذا الخيط حوارا بيننا حول مفهوم الراي الاخر والسلام الداخلي وقيم التسامح والمحبه الم تسمع بالشيخ العبيد ود بدر وهو يقول (الماعندو المحبه ماعندو الحبه) ؟

<<<<

[QUOTE]هسع يا طارق لو علاء الدين دا جاء وبكل بساطة وإختصار قال ليك ياخ تغيير بروفايلي
دا كان صدفة ساي ولضرورة لا علاقة لها من قريب او بعيد بالحاجة القاصدا دي ..
اها كدا يعني البوست يكون انتهي والنقاش وقف في التلاتة سطور ديل واللا كيف .؟
اتمني والله أن تكون بوستاتك في حجم فنك وتأثيراتو .[/QUOTE]

>>>>>

Quote: خليك في الكوره ياصيقي ماتزعج نفسك

طارق الأمين

هل اعتذرت لآل ( الكرونكي ) لما أصابهم من رشاش قلمك ...

Quote: غضب طارق الأمين ######ر مني لأنني قلت له أخطأت ، رغم أنه فاتح بوست طويل عريض ليقول لعلاء الدين أخطأت .. إذا إستمر طارق الأمين في نهجه الرافض للرأي الآخر وتعامل معه بإنفعال وإحتداد فسيصبح يوما ليجد ان الجميع ضده . إذا كان طارق الأمين طارح نفسو كفنان وشخصية عامة فعليه أن يضبط رد فعله في تعامله مع الرأي الآخر مدحا أو ذما أو نقدا

.
ياجماعة انا بفتش على طارق الامين
بتاع زمان بتاع رابطة الصحافة ( جامعة القاهرة فرع الخرطوم)
الزول البكتب بأسم طارق الامين دا احسن مايكتب
لان طارق الامين نعرفة جيدا زول حبوب وطيبان
لذلك الان اتصلت على امين الشمين صديقة
هلى هذا هو طارق ام واحد يكتب بأسمة .

Quote: خليك في الكوره ياصيقي ماتزعج نفسك

معقول ياطارق اكيد دا ما انت
هل تصدق ناس الكورة الهايفين ديل بيلبسوا شعار الفريق القومي
ويعزفوا لهم نشيد الوطن وفيهم الدكتور وفيهم المهندس وفيهم بتاع الاورنيش
ويمثلوا السودان خارجيا عشاني انا وانت وود الجيران وبت الحلة
ومنها الناس تعرف ان توجد دوله اسمها السودان ولها كيانها
يا طارق الامين ياخي انا زول بحبك من زمان قبل ماتظهر في الاعلام
يعني من زمن الجو الرطب وكنت تمثل او تقلد الترابي
والان اصبحت فنان ويجب عليك ان تتخير الكلام والالفاظ قبل
ماتخاطب الناس .
ام هذا اصبح استايل كل فنان في السودان .














--------------------
يا طارق ياخي خليك مع التمثيل ودع المنبر كما هو لانه يخصم عليك الكثير لو خاطبت الناس بهذه الطريقة .كل مره ساكي ليك واحد .. ودي نصيحة اخو

....................
....................

طارق الامين كتب

Quote: خليك في الكوره ياصيقي ماتزعج نفسك

ان صح ان كاتب هذه الكلمات هو الفنان طارق الامين فهى لاتشبهه
ولم نعهده يسخر من الاخرين بهذه الطريقة
.....( يا ربى يكون هكر )

Quote: خليك في الكوره ياصيقي ماتزعج نفسك

وهل في هذه سخرية
انا اسال فقط
طارق يا فنان يا جميل تحياتي و تقديري و احترامي و حبي الكبير لك
يا اخي انت بتزرع البهجة في نفوسنا في زمن الحزن و الغم الاحباط و هذا يكفي
و غلطاتك عندي مغفورة
منو الزيك
ربنا يديك الصحة و العافية

Quote: خليك في الكوره ياصيقي ماتزعج نفسك

وكاااااااااااااااااااااااااااااك
والله دي اجمل عيديه


الحكمة قالو ليه خليك في الكورة اتضايق
وكانما نبزوه

!!!!!!!!!!!



اها دي زاتها ما عندو علاقة بيها ..
شوف ليه حتة تانية لصقوا فيها ؟


وعيد سعيد للجميع
وتحية خاصة للاخوان وهبة وعلاء الدين

قالوا ليه

Quote: خليك في الكوره ياصيقي

رد قال

Quote: كما فعل هو في رده المستغرب اعلاه..

هسع المعتبر النسبة الى الكورة نبذ منو ؟

طارق اللمين
ولا الزول الاستغرب نسبته ليها واعتبر ده نوع من السخرية ؟

هو مفروض تحمد الله ذاتو انه طارق اللمين ومجموعة مقدرة هنا معتقدين انك بتاع كورة بي حنكك البيش ده

كل عام وجميعكم بخير.

واغلبكم اتضح متلقي حجج.

وناس الكوره طلعوا غالبيه كما يبدو بهذا المنبر.

والاظرف بيسكوا بعض كويس وبينقلوا خلافتهم بتاعت

هلال مريخ ي لاي حته معاهم(ههههههههه).

وكلام وليد المبارك لطلحه ضحكني

Quote: حكاية حنككك البيش ده

Quote: الكتبها حنطط البيش ده

ابدا والله يا تراجي

قلت الكزو ليك لزوم عيديه وكده

اخليه يردح باقي العيد ده

وليد دا زمان كان شغال قون يا تراجي، يده طويلة، عشان كد أصبعو نط الكاف ومشى للفيفا لووول
كل سنة وكلكم طيبين

والله يا طلحة ووليد بمناسة العيد دا لو عملتو الفي بالي!!

Quote: ومن الواضح جداأنه يضيق بالرأي الآخر ولا يحتمله حتى ولو كان في صالحه ، ويعتبر كل وجهة نظر لا تجد هوي في نفسه ضده هو شخصيا.

Quote: إذا إستمر طارق الأمين في نهجه الرافض للرأي الآخر و تعامل معه بإنفعال وإحتداد فسيصبح يوما ليجد ان الجميع ضده.

Quote: إذا كان طارق الأمين طارح نفسو كفنان وشخصية عامة فعليه أن يضبط رد فعله في تعامله مع الرأي الآخر مدحا أو ذما أو نقدا.

شكراً.

خليك في دار الفنون بتاعتك دي

طارق الكوتش ووليد عبد اللطيف
حقيقة صدمت في رد فعل طارق الأمين وتعامله بهذا الإحتداد غير المبرر
مع مداخلة عادية جدا ليس فيها أية شبهة مآخذ .
عموما العيد مبارك عليكم وعليهو .

محمد على حسن
سلامات يا حبيب وكل سنة وانت طيب

Quote: وهل في هذه سخرية

السخرية ليس في عبارة (خليك في الكورة ) ..

كدا أقرأ رده دا :

Quote: طلحه اخوي راكب غلط للبوست رساله وصلت لمن تريد الوصول اليه بما فيهم الاخ علاء بل ربما يكون البوست قد استنفد اغراضه خليك في الكوره ياصيقي ماتزعج نفسك

ردا على المداخلة دي :

Quote: والله بصراحة دي بالغت فيها عديل يا طارق أخوي .. مثل هذه البوستات لا تليق أبدا بفنان صاحب رسالة لها رجع الصدي في المجتمعات .. هسع يا طارق لو علاء الدين دا جاء وبكل بساطة وإختصار قال ليك ياخ تغيير بروفايلي دا كان صدفة ساي ولضرورة لا علاقة لها من قريب او بعيد بالحاجة القاصدا دي .. اها كدا يعني البوست يكون انتهي والنقاش وقف في التلاتة سطور ديل واللا كيف .؟ اتمني والله أن تكون بوستاتك في حجم فنك وتأثيراتو . كل عام وانتم بخير .

السخرية في الرد كلو مع بعضو يا محمد
واضح جدا أنو الراجل إتضايق منو رغم انو ما فيهو حاجة تستدعي كل النفس الحار
دا من فنان صاحب رسالة .

صلاحيه الصوره واستمراريتها


يؤثر عليها فعل الخير


او


######
==================
عيد مبارك للجميع

انا لله

سلامات يا ملاسي وكل عام وانتم بخير
أحزنني جدا والله أن يتحول فنان فنه قائم على إضحاك الناس وإدخال البهجة في نفوسهم
إلى شخص آخر تغلب عليه المشاعر السالبة تجاه الآخر ..
لم أكن اتوقع ذلك من طارق الأمين تحديدا .

Quote: قلت الكزو ليك لزوم عيديه وكده اخليه يردح باقي العيد ده

ههههههههههه
والله ما عندي أي مانع يا هناي
لكن بس ما في بوستات الناس والبوستات الجادة
طيب إيه رأيك وبمناسبة العيد دا تفتح ليك بوست منفصل
وتلكزني فيهو عشان أجي أردح ليك فيهو ..؟

يا زول عيد سعيد
بشاغل فيك بس

الاخ الاستاذ طلحة

Quote: يا زول عيد سعيد بشاغل فيك بس

السلام امانه ولا انسى الكابتن وليد المبارك
حملني رسالة سلام واعتذار اليك
وصراحة انشغلت ولم تصلك امسحها لنا في وشنا
وليد يوم بتكتل ليك زول
هههههه
انا خليت عربية الشرطة متحركة عليك جاتك وللا ماجاتك
برضو هههههههههههه
وتحياتي لحبيبي ود قرجاج ..
وليد كل سنة وانت طيب والحاجة الوالدة اريتها بخير
وام الوليدات .











-----------------
طارق الامين كل سنة وانت طيب وجميع الضيوف

يا جماعة ......... كل عام وأنتم بخير.

أما بعد،
إذا حبّيتو .... رأي زول محايد .. وما عندو شغلة من قريب أو من بعيد بالكورة.

باقي لي كلام طارق حمّلتوهو أكتر من معناهو ...... وشخصياً فهمت إنو طارق بيقول، البوست ورغم إنك شايفو دون المستوى وما ليهو لازمة، إلاّ إنو هناك خلفيات ليهو قد تكون خافية عليك .... والرسالة الفيهو وصلت للزول المعني.

يعني نقوم (نخُت الكورة واطة) ... ومافي شئ بيستاهل كل الكلام ده.

تحياتي

طارق الامين
وليد مبارك
طلحة
وليد عبد الطيف
علاء الدين
تراجى
ابو الريش
وكل المرور

كل سنة وانتم طيبين
وربنا يحقق الامانى
والعفو و العافية

وليد عبد اللطيف ووليد المبارك وطارق الكوتش وبقية الشباب
العفو والعافية وعيد سعيد

شكرا وليد مبارك
شكرا طلحه









ونتمنى ان تدوم المحبه و التسامح
دوما بين الناس و خصوصا الرياضيين
واختلاف الآراء لا يفسد للود قضية



احتراماتى للجميع بدون فرز
وتحية اسفرية للمدهش وليد عبد اللطيف