معاوية عبيد بمكنة محمد فرح !!!! الرجاء الردم المباشر مشتاق للمسرح!!!!!

ياناس البورض يا كضابين ؟
هسى انا جاى من المقابر ناس القبور
واقفين صف اربعه كليو ونص و32 متر و13 بوصة 6 سم
ده كلو شان اكون دقيق ؟



مؤونة 1000 عام من الصدق !!!!!!


غايتو اجازة العيد يحلكم البحل السيدح ؟

شريط يثبت يوضح المدعو اوكامبو مسكوو فى سوق ام دفسو !!!!



مؤونة عام من الصدف

الزول ما اشتغل مسرح طول قلنا نجرب مسرح اسفيرى ؟

نرجو من المتداخلين الردم حسب الردمة





مؤونة ستة شهور لاغير من المودة ؟

(حوالينا ما علينا)


آمين



ثُم إنصرف


لا يلوي على شئ


بحسب الطبعة البغدادية

ووين الكضابين ديل ؟

انعام

ووهبة

سفيان

طارق

نجلاء

والله الليلة انا قاعد ليكم هنا تب ؟

نادية ست الشاى التوب بتاعها كان احمر فاتح وليس غامق
ليه تكضبوا فى الوصف دى سقطة اخلاقية ؟

ماشي لناس كلتوم
لقيت بابكم فاتح
قنا نخش نعيد عليكم
__
مكنتك دي ذات دفع رباعي ?

Quote: نادية ست الشاى التوب بتاعها كان احمر فاتح وليس غامق ليه تكضبوا فى الوصف دى سقطة اخلاقية ؟

وقعت وما سميت .. شيل شيلتك يا معاوية

[/العاطل ود العبيد واعدامات الشلك في حب البشير ( اكيد فيديو )

حا تتردم تحت هذا العنوان الي ان تقتنع

نسيت اقول لك :


مؤونة يوم واحد من الود

Quote: مؤونة يوم واحد من الود

والله معاوية ده نص يوم كتير عليه
اساليني منه أنا
ده ناس قدر ظروفك من الود
أو ادنى من ذلك إن وُجد

Quote: والله معاوية ده نص يوم كتير عليه اساليني منه أنا

لا والله يا أحمد موسي موش معاوية عبيد الواحد

دا صديقي وصديق بخاري يستأهل العمر كله ود ومحبة ..

الي : معاوية سيد أحمد الشيخ ، من : نجلاء عبيد

مؤونة ( عمري + عمر بخاري ) من الود

Quote: لا والله يا أحمد موسي موش معاوية عبيد الواحد دا صديقي وصديق بخاري يستأهل العمر كله ود ومحبة .. الي : معاوية سيد أحمد الشيخ ، من : نجلاء عبيد مؤونة ( عمري + عمر بخاري ) من الود

خلاص إتطربقت فوق روسينّا ... ربِك يستر
وعليك أنت يا نجلاء سيد احمد
ودون غيركـ تحمُّل النتائج
التي ستجئ (ربما) وخيمة على رؤوسنا الطاهرة !!!!

Quote: خلاص إتطربقت فوق روسينّا ... ربِك يستر وعليك أنت يا نجلاء سيد احمد ودون غيركـ تحمُّل النتائج التي ستجئ (ربما) وخيمة على رؤوسنا الطاهرة !!!!

أخ احمد ما تشيل اي هم .. وتسلم رؤوسكم الطاهرة

Quote: نادية ست الشاى التوب بتاعها كان احمر فاتح وليس غامق ليه تكضبوا فى الوصف دى سقطة اخلاقية ؟

لاحول ولاقوة إلا بالله العليّ العظيم !!!!
بالله الناس وصلت المرحلة دي ؟؟؟؟
يلعبوا بالألوان ؟؟؟؟؟
حسبي والله ونعم الوكيل فيهم

شريط فديو يؤكد وجود عدد 33 صاروخ اسكوت
فى بيت الفنون والمدعو سفيان نابرى يدرب
بعض المرتزقة لضرب قاعدة متحركة للنظام
العام فى سوق سعد قشرة؟


مؤونة اسبوع من المودة فقط لاغير ؟

up

ناس البورض كوووووووووووووولهم كضابين ؟

زول ما عندك موضوع وبيضة كبيرة

برضه أنت كضاب وما سكيناك في كضبتك بتاعت عزبة كافور القلت رحلها البشير يعني قايل فرقك من محمد فرح شنو

مرة رخينك عشان أحمد موسى دا

الاخ عبد العزيز حسين
رمضان كريم وعيد مبارك


شكرا على رائك


بعدين ياخ من حقك تقول الديروا


ما مشكلة احمد موسى

الوو من ينادى


كضاب افندى

--------------------
كل عام وانته بخير ياود الصائم السنه الجاية دى نتلمة فى السودن ونتونس معاك قدام البقالة حقتكم ويكون
السودان حر مستقل موحد ونديك قطعة ارض فى الدلنج فى حى الرديف جنب المحلج بعد ما يشتغل تانى


زوادة مائة الف يوم من الخير والبركات

اها يا عبدالعزيز يا ود كوبر
عزبة كافورى شرق مصحة
كوبر قام بازالتها مجرمكم
واتحولت لغابة اسمنت
وتعرف حاليا بحوش بانقا

انت نائم فى الامارات دى
ما جايب خبر و لاشنو

معاوية عبيد الصائم هو نجلاء سيد أحمد متخفيا

من التقى هذا المعاوية؟

يا نجلاء بتتدسي ليه؟ تمششي و تجي تردي على روحك
كشفتي نفسك لمن قلتي

Quote: الي : معاوية سيد أحمد الشيخ ، من : نجلاء عبيد

زول مرطب مكنة وهبة

و عشان ما تلخبت الكيمان يا معاوية فرح

مكنة من ماكينة و ليس ممكون

معاوية ود عبيد:

محتاجين تماثيل كرتونية علي مدخل مسرح بيت الفنون
للغلام الانقاذي ببدلته الطوبية، ونديده،حتي بالعراقي
وحكم رابع رافع لوحته الاكترونية،يشير للزمن المضاف ب6
واصل ابداعك،اصلو كله عند العرب بمبان اقصد صابون ،حتي يفهم
الجمهور،وبعدين انت المسرحية ماعندها اسم،ولا نظام عبدالحق الزروالي


عيدك سعيد يا جميل.

الله لا يوقعنا في يدينكم

البيضة الكضاب معاوية

قلت لي عامل فيها ارجوز يا كضاب

محمد فرح ماياهو صنوك وقرينك في الكضب

Quote: اها يا عبدالعزيز يا ود كوبر عزبة كافورى شرق مصحة كوبر قام بازالتها مجرمكم واتحولت لغابة اسمنت وتعرف حاليا بحوش بانقا انت نائم فى الامارات دى ما جايب خبر و لاشنو

يا بيضه مادام عارف اني من كوبر كان تحترم نفسك وتبطل كضب عزبة القطر بعرفها بيت بيت ونفر نفر والازالوها هم ورثة عزيز كافوري (اولاده) لان الارض حقتهم وديل كانو عمال ساكنين فيها ماازالوها هي بس ازالو كان اكتر من اربعة عزب تانية برضه كان ساكنين فيهاعمال في مزرعة كافوري
شوف ناس الانقاذ ديل ظلموا ناس كتير وقلعوا واطة ناس لكن في عزبة القطر دي بالذات البشير خدمهم واولاد كافوري برضه عوضوه

بعدين شفت حوش بانقا القاصده انت دا (مربع 9 كافوري) بعرفه برضه
يا تكون عارف وكضاب يا تكون زول غنماية امعه سميعة ساي وتجي تقول من غير ما توعى للكلام

انت يا عبد العزيز قايل نوع كلامك ده

صعب الزول يقولو ابدا والله بس
الزول بيحترم المنبر وناسوا

شنو بيضة وغنماية وامعة ؟
مفروض تكون زول محترم


فتك عافية

بعدين اتحداك جيب اى مداخلة
انا اتعرضت ليك فيها بسوء

الكضاب معاوية الصائم

Quote: انت يا عبد العزيز قايل نوع كلامك ده صعب الزول يقولو ابدا والله بس الزول بيحترم المنبر وناسوا شنو بيضة وغنماية وامعة ؟ مفروض تكون زول محترم فتك عافية بعدين اتحداك جيب اى مداخلة انا اتعرضت ليك فيها بسوء

محمد فرح كضاب كبير واي زول عارف كضبه وناس كتار بتصدو ليه ونحنا بنتكيف لمن يتقبض لكن انت عامل نفسك بوليس مطاردات كضب وانت زاتك كضاب
شفت لمن كضبت قلت اشيل كضبتك وافتح بيها بوست لكن لقيتك ما بتستاهل ورخيتك لكن بعد دا زي ما بتطارد الكضاب محمد فرح بي كضبه حا نطاردك بي كضبتك
أعمل حسابك كضبك كله مرصود

تنطط في البوست زي القرد قالوا من حقك ما بنسالك إنشاء الله تسوط البوستات بي عود من حقك لكن تكضب نسكك بي كضبك

Quote: محمد فرح كضاب كبير واي زول عارف كضبه وناس كتار بتصدو ليه ونحنا بنتكيف لمن يتقبض لكن انت عامل نفسك بوليس مطاردات كضب وانت زاتك كضاب شفت لمن كضبت قلت اشيل كضبتك وافتح بيها بوست لكن لقيتك ما بتستاهل ورخيتك لكن بعد دا زي ما بتطارد الكضاب محمد فرح بي كضبه حا نطاردك بي كضبتك أعمل حسابك كضبك كله مرصود

معقولة لكن يا عبدالعزيز!!
إنت رايحة ليك كضبة ولا شنو
زمان كان في استاذ عندو كلمة ثاااابته بقول(شوف) و بقي ملقب بيها
هسه نحنا حنسميك عزو الكضاب
اها كيف معاك!!





كااااااااااااااااااك

اها انت اخد راحتك على الاخر
نبذ وقول العائز تقولو بس انا
للمرة التانية شان ناس المنبر
ح اعمل نائم
وبشكل اساسى رمضان


ياكوز يالعامل فيها ميت
من محمد فرح ؟


تكتيك لذيذ

معاوية الكضاب

Quote: اها انت اخد راحتك على الاخر نبذ وقول العائز تقولو بس انا للمرة التانية شان ناس المنبر ح اعمل نائم وبشكل اساسى رمضان

النبذ وقلة الادب ما الحاجة الكويسة ولا بتشكر بيها زول وأنت في كم بوست عامل فيها قليل ادب وما جيت هنا عشان انبذ واستعرض فارغة

جيت هنا عشان اوضح انك كذاب

بعدين ناس المنبر ديل انت ما تراعيهم برضه وتعمل نائم مالك شغال كواريك ومساسقة ومطاردات

انت كضبت في موضوع عزبة كافوري صح ولا غلط وجبت معلومة غلط أعترف هنا

Quote: ياكوز يالعامل فيها ميت من محمد فرح ؟ تكتيك لذيذ

عشان ما فهمت كويس وما افهم غلط وامشي بعيد اشرح لي كلامك الاخير انت قاصد شنو واتكلم عديل وبوضوح عاوز تقول شنو

طيب يا عبد العزيز قبل ما اشرح ليك ؟

ممكن تنزل الكوت الانا كضبت فيهو ؟
طبعا طوالى ح افتح بوست واعتذار ليك؟

الاهم من كده اتحداك نزل اى مداخلة لى معاك ؟

انت لو متخيل انك تطلع لى محمد فرح كضاب
وانا زيو شان تشتت الفكرة والبوست يجوط
و يمشى الخور تكون غلطان

فتك بعافية ؟

ولا نمشي بعيد ونفتش ياهو دا انت قاعد تأكد في كضبك لي هسع في البوست هنا

Quote: اها يا عبدالعزيز يا ود كوبر عزبة كافورى شرق مصحة كوبر قام بازالتها مجرمكم واتحولت لغابة اسمنت وتعرف حاليا بحوش بانقا

مش ياهو دا كلامك

ايوه ده كلامى وانا متاكد منو والدنيا كلها عارفة ؟

بس انت سمعتنى كلام غير لائق لان كضبت
قبل كده وده من اول مداخلة ليك فى البوست
الحالى ؟

وياخ حتى لو انا نقلت معلومة ناقصة دى ما
بيدك الحق تصفنى بالغنماية والامعة والقرد
والكضاب ؟
زى ماقلت ليك نوع الكلام دى ساهل الزول
يقولو
ولو هو فينى من حقك تقولو

عموما انت مطالب باعتذار لى لو امكن
واذا عندك راى الله يسماحك
الغريبة انا ماحصل دخلت بوست
بس انا عارف غرضك؟

فتك عافية

يازول ما تتوهم ساي بوست شنو العاوز اجوطه

Quote: لاهم من كده اتحداك نزل اى مداخلة لى معاك ؟ انت لو متخيل انك تطلع لى محمد فرح كضاب وانا زيو شان تشتت الفكرة والبوست يجوط و يمشى الخور تكون غلطان

بوست تهريج ساي الخور زاته ما يعجبه يعني شنو بوستك دا ما مسخرة ومش محمد فرح دا كضاب وستين مليون كضاب بس أنت ما مؤهل تتكلم معاه لانك كضاب زيه برضه


ومش ياهو دا كلامك


Re: خال الرئيس البشير التكّاسي .................... (توجد صورة لعزّة نفس)

Quote: عزة نفس شنو يا فرنكلى ؟ يا خ مشيرك ده طرد سكان عزبة كافورى.. شرق مصحة كوبر للامراض النفسية ..وتمت ازالة بيوت الطين وقامت مكانها غابة اسمنت ؟؟واطلق عليها سكان كوبر اسم حوش بانقا

مع العلم بأنه كافوري بدأت تنباع قبل قيام الانقاذ زاته والارض الفيها العزبة مملوكة لأبناء كافوري وكانت جزء من حصتهم الاتقاسموها مع الحكومة وبدوا يبيعوا فيها قبل الانقاذ

أولا يا معاوية من حقك تطلب الأعتذار عن وصفي الغير اللائق وتشبيهك بالقرد والغنماية لانك انسان وما يصح تشبيه الانسان بالحيوان والبهيمة لان الانسان مكلف وصاحب عقل ومخلوق مكرم من الله عز وجل وكرمه بأن أمر الملائكة تسجد له عند خلقه

أعتذر ليك عن أوصافي السابقة وأرجو أن تقبل أعتذاري ودا حقك وأعتذر لنفسي ثانيا وأرجو السماح من الله وهو الغفور الرحيم

Quote: وياخ حتى لو انا نقلت معلومة نافصة دى ما بيدك الحق تصفنى بالغنماية والامعة والقرد والكضاب ؟

طيب انت بتنقل معلومات من غير ما تتأكد منها ليه وليه تقاوح وتصر عليها ونقلك معلومات ناقصة ببقيك كضاب ولا كيف

يلا تعال انفي لينا الكلام الجبته ووضح انو انت كتبته من غير ما تتأكد ونشوف بعد داك

هسه ده مبررك ناكر محمد فرح ؟
طيب ليه ما دخلت فى البوست
بتاع كمال وطلعتنى كضاب ؟


انا بعرف العزبة كويس ؟

عارف من متين ياكوز اللجنة المتعاون؟

لمن تم اعتقال هولاء بارشادك ؟

1 سعد الدين فوتى
2 فتح الرحمن بردوس
3 مبارك السمين


بتعرف اسماء اولاد حلتك البعتهم ديل ؟
عايز ايملات ؟

انا عارف انك ما بتاع امن رسمى لكن
متعاون زى ما قاعد تقول من اجل مسح
الكفرة ؟
ياخ احترم روحك؟
وشوف تبيدى بتاعك وووين ؟
انا زول بحترم العلاقات الاجتماعية لكن انت اجبرتنى؟
وتانى ما عندى معاك كلام يعنى دى
اخر مداخلة

كامل اعتذارى لاسرة المدعو (عزوالمجاهد)

مشيت وين يا عزو المجاهد ؟

طبعا انا سعيد بنهاية البوست كده


البداية محمد فرح والنهاية عزو المجاهد ؟

انوه للزملاء المتداخلين بان المسرحية انتهت ؟
للقاء فى بوست اخر وشرك اخر ؟؟؟

تصدق أنا قايلك زول عاقل وخمنت انك تكون نقلت المعلومة خطأ لكن سبحان الله صدق حدسي

شوف يا كضاب

وكت بتعرف الزول دا

Quote: 3 مبارك السمين

تكون قاصد مبارك محمد فضل ودا قريبي أتصل فيهو هسع في السودان وأسالوا عني وعن سني وكنت بدرس وين لمن أعتقلوهم

أنت يا معاوية موهوم انت قايل عمري كم يا أخي انا صبي صغير لمن ناس مبارك ديل كانو بعتقلوهم


سعد فوتي لو عارف مكانه أساله كان بعرفني لأنو نحنا كنا شفع لمن مرقوا من السودان وبنعرفهم بس بي شكلهم هو واخوانه اولاد الخواجة فوتي لكن هم ما بعرفونا عشان نحنا شفع تقول ابلغ عنه يعتقلوه قوم لف

فتح الرحمن مانديلا من أعز اصدقائي اتصل فيه هسع وأساله مني

من حظك النحس في عضو جديد من اولاد كوبر سجل هنا

Quote: هسه ده مبررك ناكر محمد فرح ؟

محمد فرح بتاع حنانك يا وهم إذا كان الناس في السودان ما بعرفوا محمد فرح عاوز تلصقه فيني

Quote: طيب ليه ما دخلت فى البوست بتاع كمال وطلعتنى كضاب ؟

ودا شنو يا كضاب شوف تاريخه يا وهم

Re: خال الرئيس البشير التكّاسي .................... (توجد صورة لعزّة نفس)

كان ما شفته هاك

Quote: الكضاب معاوية عبيد الصائم قال Quote: عزة نفس شنو يا فرنكلى ؟ يا خ مشيرك ده طرد سكان عزبة كافورى.. شرق مصحة كوبر للامراض النفسية ..وتمت ازالة بيوت الطين وقامت مكانها غابة اسمنت ؟؟واطلق عليها سكان كوبر اسم حوش بانقا العزبة(عزبة القطر) المقصودة كانت عبارة عن قشلاق لسكن عمال وموظي مزرعة كافوري وتم تأميمها بواسطة حكومة نميري وإعادة وتوزيعها بالتراضي بين ورثة كافوري والحكومة وسكان العزبة تم تعويض بعضهم ورغم أن اغلبهم كان يملك منازل ومنازل العزبة كانت حوالي 150 من الطين وهي مقامة في ارض تتبع لمزرعة كافوري ويحق للمالك بيعها في اي وقت وهذا ما حدث ولم تحصل شكوي وبيعت بواسطة ورثة كافوري الذين قاموا بتعويض عدد منهم وقامت الحكومة ايضا بتعويض كثير من سكان بقية العزب في حي المصطفى والكرياب ولم يكن للبشير اي دور في ترحيلهم بل بالعكس ساهم البشير في تعمير الاماكن التي تم ترحيلهم لها Quote: بخصوص سكن اهلو فى بيت شعبى ؟ زولك ده بيتهم الكبير فى كوبر جنوب السجن ناصية فاتح على شارعين؟ كذاب البشير بيتهم جنوب مصحة كوبر للأمراض النفسية والمنازل جنوب السجن منازل حكومية تتبع لجهاز الأمن ومنازل لعدد من رجال الأعمال ولم يتملك أهل البشير اي بيت هناك وممكن مراجعة الرابط أدناة للتأكد http://wikimapia.org/#lat=15.6190381&lon=32.5528497&z=18&l=0&m=s&v=9 (عدل بواسطة عبدالعزيز حسين عبدالرحيم on 04-09-2010, 02:21 ص)

التعديل لتصغير الصورة والمحافظة على رونق وآلق البوست المسرحية

هاهاهاااي



يا حليلك عامل فيها ظريف وبتتخفف وتتراشق وفاتح ليك بوست تتمسخر نبلعك ليه ناشف

Quote: انوه للزملاء المتداخلين بان المسرحية انتهت ؟ للقاء فى بوست اخر وشرك اخر ؟؟؟

أنتهت وين يادوب بدت يا ديناصور أنت لسه من زمن أنت امنجي وأنت طالبان وأنت ارهابي وكوز وجردل وبامية



قلت لي مشرك وشركك قبض بختك


أها أتحداك يا معاوية لو تعرف عني أي معلومة ولا حتى تعرف سني ولا عملي ولا كنت بسوي شنو في السودان
عارف المصيبة شنو أنو مافي زول ولا بشر ولا غنماية ولا ###### ولا جرادة بتجي في كوبر في الزمن داك ما بتعرفني


أتحداك تحدي أكبر تثبت أني كان عندي علاقة يوم بجهاز الأمن ولا بعرف عنه حاجة ولا بعرف محمد فرح

لو ما قلبت التحدي دا تبقى اكبر كضاب
بتحداك ومستعد اقبل منك اي معلومة كضب كان صح لانك حتى بالكضب ما بتقدر تكضب في دي رغم أنك كذاب

Quote: طبعا انا سعيد بنهاية البوست كده البداية محمد فرح والنهاية عزو المجاهد ؟

عارف يا كضاب افندي

انا محمد فرح كان نكرته ما بنكره عشان انتمائه ولاتوجهه السياسي بنكره عشان كضبه والكضاب ما راجل والكضب ما شيمه حسنة وأسوأ خصلة ممكن تكون في بشر

أقبح شتيمة ممكن تشتم بيها انسان انك تصفة بالكذاب

هسع أنت كذاب وكذاب كامل

وحا تظل كذاب مالم تثبت الكلام القلته فوق دا

المرصـــد الوطني مـــرّ من هنا

أمين البشاري

عيد سعيد

Quote: المرصـــد الوطني مـــرّ من هنا

شفت البقت على أبوجنزير يا أمين طلعنا أمنجية

يا شماته الزاهد فيني

للتوضيح

Quote: فتح الرحمن مانديلا من أعز اصدقائي اتصل فيه هسع وأساله مني

حصلت لخبطة بين أسم فتح الرحمن والأخ عبدالباقي مانديلا والأخ عبدالباقي من أبناء الجزيرة وسكن في كوبر وكان قيادي طلابي كبير اعتقل لفترات طويلة وسمي مانديلا لصمودة وهو رجل فاضل له التحية أينما كان أما فتح الرحمن فهو من بنات خيال الكذاب معاوية

لاحول ولاقوة إلا بالله !!!!
أصدقائي معاوية عبيد وعبدالعزيز حسين ؟؟؟؟
معقولة ..؟؟؟ وفي هذا الشهر الكريم المُباركـ ؟؟؟؟
عبدالعزيز صديقي معاوية بعرفه من صبا باكر
إتربينا مع بعض وأشهد ليه (إن تُقبل شهادتي) أنه من الصادقين
وأنه مؤمن بقضيته ومخلص لها ومُحب للآخرين من إتفق معهم أو إختلف
وعرفتك أنت هنا في البورد اخاً مخلصاً وصادقاً وكريماً وعفيف
وذُهلت عند دخولي هذا الصباح أن وجدت صديقاي يتقاتلان
فإحترت أين الوقوف ...ثُم قررت الدخول بينكما
وتلقي ضرباتكما حتى تتوقفا ... لكل منكم أفضاله على بعد الله
وانا مدين لكما بكثير فزيدوني ديناً على وتوقفا إكراماً للشهر الكريم ولي
ودمتما وكُل عام وأنتما بخير


ـــــــــــــــ
كسرة :
لم أندهش كثيراً حين علمت اليوم أنك يا عبدالعزيز من ابناء كوبر
فكوبر كانت لنا ملاذاً ىمنا دوماً عرفنا فيها إخوة
منهم عماد الطيب يس الخواجة وإخوته حسن وأحمد وحسين (كِسرة)
ومنهم عوض حامد و محمود عبداللطيف (كابو) وناس قمر ما متذكر إسمه بالكامل
تحياتي لك ولهم

معاوية عبيد ....

إنت قايل الكضب ده ساااكت كده؟

دي مسألة فيها مؤهلات ومواهب .... مش كل من هبّ ودبّ

Quote: و32 متر و13 بوصة 6 سم

كضبتك دي (فطيرة) ....... والله فطيرة دي عاجـباني عجب؟

المتر والسنتمتر لميتهم لينا مع البوصة كيف؟

عندك إعادة السنة لحبكة الكضب عشان (ميخرّش المية).

بعدين تحالفك مع (نجلاء سيد أحمد) مرفوض جملةً وتفصيلاً ..... عشان تقوم هي تنجر ليك شريط فيديو .... وتجي تنافس لينا شريط (مذبحة الشُلُك)؟ ...... حلاتك والله.