Post: #1
Title: توضيح واعتذار
Author: عبد اللطيف السيدح
Date: 09-08-2010, 02:39 PM
Parent: #0
للذين مسهم رزاز كلماتي في بوست مشروع الجزيرة اقول:
1/ تناولي للموضوع جاء في سياق حول اختلاف الرؤية لادارة مشروع الجزيرة
بعد الانهيار الذي تعرض له المشروع وتشرد علي اثره اكثر اهلنا في الجزيرة.
2/ تعددت البوستات في المنبر وكانت كلها حولة رؤية معارضة لما هو مطروح وكانت
فكرتي تناول الموضوع من زاوية اخري في اطار ما هو متاح في المنبر من راي وراي آخر
حيث قناعتي بصحة توجه الحكومة في معالجة موضوع ازمة مشروع الجزيرة
3/ ما ورد في البوست من عبارات الكسل والتكاسل ليس المقصود بهما اهلنا في
الجزيرة فهم مشهورون بانهم اصحاب نهضة السودان وقامت النهضة علي فكرهم وجهدهم
وعرقهم وليس هناك تفريق للكيمان فاهل الجزيرة هم اهلي وانا ابنهم فهل يخرج
الظفر عن اللحم
4/ هذا بمثابة اعتذار واضح وصريح وطلب للعفو في ايام العفو وايام العيد المبارك
اعاده الله علي الجميع باليمن والخير والبركات .
|
Post: #2
Title: Re: توضيح واعتذار
Author: Abdulrahman Gorashi
Date: 09-08-2010, 02:41 PM
Parent: #1
كتر خيرك،
|
Post: #3
Title: Re: توضيح واعتذار
Author: الشفيع وراق عبد الرحمن
Date: 09-08-2010, 02:43 PM
Parent: #1
السيدح
يا زول العفو والعافية
وكل عام وانتم بخير
|
Post: #4
Title: Re: توضيح واعتذار
Author: عادل عبدالعزيز عبد الرحيم
Date: 09-08-2010, 02:47 PM
Parent: #3
الختيته رقدت يا زول
اعتزارك ما بفيدك
ودموعك ما بتعيدك
الكتبتو كان بايدك
|
Post: #6
Title: Re: توضيح واعتذار
Author: ناذر محمد الخليفة
Date: 09-08-2010, 02:51 PM
Parent: #4
مشكور على التوضيح والإعتذار أخي السيدح ..
|
Post: #5
Title: Re: توضيح واعتذار
Author: بدر الدين الأمير
Date: 09-08-2010, 02:48 PM
Parent: #3
انا كواحد من مواطنى الجزيرة
قبلت اعتذارك
|
Post: #7
Title: Re: توضيح واعتذار
Author: Ahmed musa
Date: 09-08-2010, 02:56 PM
Parent: #5
شكراًالسيد ح
وكل عام وانت بخير
|
Post: #8
Title: Re: توضيح واعتذار
Author: abas
Date: 09-08-2010, 02:58 PM
Parent: #1
اها يا سيد ح
والببيعو اللباسات في السوق كيف
ما برضهم بستاهلو اعتزار
مع اني مؤمن انها مهنه شريفه
لكن في نظرك كانت مسبه
برضو ديل اعتزر ليهم
|
Post: #9
Title: Re: توضيح واعتذار
Author: عبدالله شمس الدين مصطفى
Date: 09-08-2010, 03:06 PM
Parent: #8
انا زعلت من كلامك, والان فرحت بى إعتذارك.
ربنا يهدى الجميع ويوفقهم لما فيه خير العباد.
كل سنة وانت والاسرة بخير
|
Post: #10
Title: Re: توضيح واعتذار
Author: محمد إبراهيم علي
Date: 09-08-2010, 04:48 PM
Parent: #9
السيدح
كواحد من مواطني الجزيرة ارفض اعتذارك واقول شيلو بلو اشرب مويتو
والايام بيننا وكل ما القاك فاتح بوست حاديك في رويسك الفاضي ده
شنو عامل فيها كمان راي وراي اخر انت شن فهمك للراي الاخر تعال ورينا ليهو هنا
قبل كدة فاتح بوست تدعو عمر البشير لاراقة دماء المعارضين وشتمت زميل لنا شتيمة عنصرية
ده يا هو فهمك يا سعادة الصحفي للراي الاخر
بعدين تعال ورينا بتعرف شنو عن مشروع الجزيرة ؟
قوم لف بلا اعتذار بلا بطيخ معاك
خليك في مقاسات الانكسة الحريمي
|
Post: #11
Title: Re: توضيح واعتذار
Author: صلاح ليون
Date: 09-08-2010, 04:58 PM
Parent: #10
اريتو كان اعتذر الزول دا يا محمد ابراهيم
| Quote: كواحد من مواطني الجزيرة ارفض اعتذارك واقول شيلو بلو اشرب مويتو |
واقرا كل البنود الكاتبا 1 - 2 - ..
وشوف دي
| Quote: ما ورد في البوست من عبارات الكسل والتكاسل ليس المقصود بهما اهلنا في الجزيرة |
البيغيظك البجو دافرين ويحيو ويهللو ويكبرو
وما دام كده ما عليك يا ح .. كل مرة اغلط في من تغلط وتعال اكتب ليس المقصود كذا
|
Post: #13
Title: Re: توضيح واعتذار
Author: abubakr salih
Date: 09-08-2010, 05:08 PM
Parent: #11
يا زول على الطلاق انتا زول سيدح ساااكت ... و من هنا ولى قدام تانى اى زول غبى انا بسميه سيدح
فالغباء و السيدحه مترادفان.
مصر ظلت طوال التأريخ تستغل العملاء و عيال الحرام و الانتهازيين فى الحكومات الدكتاتوريه. اى عار
و خذى ارتكبته مصر تجاه السودان تم فى جنس هذا العهوده القذرة من الدكتاتوريات التى يسندها البلهاء.
اغرق عبود حلفا لصالح المصريين مقابل حفنة من الجنيهات كتعويضات، تم ترحيل الاهالى تحت تهديد السلاح.
دفع النميرى و شلة اولاد الحرام نصف تكلفة حفر قناة جونقلى من ميزانية السودان رغم ان السودان طوال
عمره لم يستطيع الاستفاده من نصيبه من مياه النيل، هل تفهم يا ايها السيدح معنى هذا الكلام؟ هذا الكلام
يعنى ان هنالك عملاء اٍقـرأ معر،،،صين سودانيين يعملون من داخل القصر الجمهورى لصالح مصر.
اما المتعافن فعلى اٍستعداد ان يبيع السودان كله مقبل ان يقبض ثمن السمسره، الله لا يكسبكم يا بجم.
|
Post: #12
Title: Re: توضيح واعتذار
Author: معاوية عبيد الصائم
Date: 09-08-2010, 05:00 PM
Parent: #10
سودانى
لن اقبل اى اعتذار منك ؟
وبالمرة المدعو صاحب
الجلابية الحمرا برضو
ما بقبل منو اى اعتذار ؟
تاجر مقايضة بالعدة ؟
|
Post: #14
Title: Re: توضيح واعتذار
Author: معاوية عبيد الصائم
Date: 09-08-2010, 05:15 PM
Parent: #12
السادة
المتداخلين اى زول ما قال للمدعو
السيدح فى البوست المعنى كلامك
ده غلط مافى داعى يقبل اعتذارو
معظم المباركين حتى الان هم انصار
النظام او مولفة قلوبهم ؟
الزول المسيدح ده احتقر شعبو ؟
ده مش المنطق ؟
|
Post: #15
Title: Re: توضيح واعتذار
Author: فتحي الصديق
Date: 09-08-2010, 05:17 PM
Parent: #12
لكل من يمر من هنا ..
السيد عبداللطيف السيدح وصف أهل الجزيرة بالكسل وترك مشروعهم والهجرة للخرطوم ليبيعوا لباسات النسوان ..ودا مقاسك ودا ما مقاسك ..ودا بتمطى...
هذه هي الألفاظ التي تحدث بها الزميل عبد اللطيف عن أهل الجزيرة ...
عني أنا أرفض اعتذارك ..
|
Post: #16
Title: Re: توضيح واعتذار
Author: محمد علي شقدي
Date: 09-08-2010, 05:19 PM
Parent: #12
لا أقبل وليس لاحد تفويض من اهالي الجزيرة لقبول هذا الاعتذار او الاصح التقيه
محمد علي شقدي - مدني - مهندس زراعي
|
Post: #17
Title: Re: توضيح واعتذار
Author: Nazik Eltayeb
Date: 09-08-2010, 05:42 PM
Parent: #16
اعتذارك غير مقبول
كل زول يضرب ويعتذر يشتم ويعتذر و نحن ما العوارة كاتلانا مش؟
ناخد على راسنا و بعدين يعتذروا لينا
بيننا وبينك بعد المشرقين
ولو قايلننا بنسامح زي زمان بقى ما بتعرفونا
اي زول بعد دا يعمل حساب لالفاظوا فلقد فاض الكيل و فقد اهل الجزيرة الاعتقاد بحسن النية الي ان يثبت العكس
ناس الجزيرة (الطيبانين لو وجدوا) والبسكتوا على
الفاظ من شاكلة جركانة و اهل عوض وكسل و تخلف و ريالة سايلة والبسكتواع لى العنتظة الفارغة من البسوى و الما بسوى خلاص انتهو
ماتوا زمان مع المشروع القتلهم بالملاريا و تليف الكبد
عشان ناس اكلو من عرقنا وجو يتفاصحو وكمان يتفلهموا عليننا
و اعلم ان من قبلوا اعتذارك من اخوتنا المحترمين قد تم على اساس فردي
لذا تحتاج لقرابة الستة ملايين توقيع من ناس الجزيرة لنوافق على اعتذارك
|
Post: #18
Title: Re: توضيح واعتذار
Author: Dania Elmaki
Date: 09-08-2010, 05:56 PM
Parent: #17
اعتذارك غير مقبول
|
Post: #19
Title: Re: توضيح واعتذار
Author: GamarBoBa
Date: 09-08-2010, 06:47 PM
Parent: #18
مرفوضة
التوقيع :سوداني ليس من الجزيرة
|
Post: #20
Title: Re: توضيح واعتذار
Author: Tragie Mustafa
Date: 09-08-2010, 07:13 PM
Parent: #19
الجزيره واهلها علمونا ثقافة عشق الارض يا السيدح
وحليل زمن نميري ونحن اطفال تلفزيون السودان ما قصر
وكانت الجزيره حاضره دوما كاطفال في اذهاننا
بمدى ارتابط انسانها بالارض.
لم نسمع يوما انهم هجروا الارض ولا كسالى الا على زمنكم يا انقاذين!
وكمان جابت لها شتيمه وبيع ملابس داخليه!!
بالله فكرته في المخابرات المصايره البتابع الموقع ده؟؟
فكرته كيف سيضحكون علينا نحن السودانين ونحن نصف بعضنا
بكل الموبقات التي وصفت بها انت اهل الجزيره؟؟!!
غياتو ناس الجزيره ذاتهم لو قبلوا اعتذارك نحن حيكون عندنا فيهم راي!
|
Post: #22
Title: Re: توضيح واعتذار
Author: khaleel
Date: 09-08-2010, 07:15 PM
Parent: #20
شكرا يا سيدح
وكل سنة وانت طيب
|
Post: #21
Title: Re: توضيح واعتذار
Author: التيجاني عبد الباقي
Date: 09-08-2010, 07:15 PM
Parent: #19
كل عام وانتم بخير والدنيا قبايل عيد والمسامح كريم
والتحية للجميع
|
Post: #23
Title: Re: توضيح واعتذار
Author: طه إبراهيم عبد الله
Date: 09-08-2010, 07:23 PM
Parent: #21
|
Post: #24
Title: Re: توضيح واعتذار
Author: النذير حجازي
Date: 09-08-2010, 08:02 PM
Parent: #23
لووووووووووووووول @ طه إبراهيم
|
Post: #25
Title: Re: توضيح واعتذار
Author: احمد العربي
Date: 09-08-2010, 08:14 PM
Parent: #24
مرفوض
مرفوض
مرفوض
وشوف ليك قبايل غيرنا
لأنك لاتصلح
فلتذهب وتلعق احزية من جندك
فأنت لا تصلح
إلا أن تباع وتشترى أو تنتعل(مثلك لايعرف الحرية)
ولا معنى الوطن
قبح الله وجهك
وخسف بك اسفل سافلين
|
Post: #26
Title: Re: توضيح واعتذار
Author: Alshafea Ibrahim
Date: 09-08-2010, 08:19 PM
Parent: #25
لن اقبل إعتذارك ايها السيد (ح)
الشفيع إبراهيم
مكتب حمد النيل
مزارع بالجزيرة
|
Post: #27
Title: Re: توضيح واعتذار
Author: musadim
Date: 09-08-2010, 08:47 PM
Parent: #26
ليس مستغربا منك أيها السيدح التطاول على أهلنا الصامدين في الجزيرة ، فالطغمة الإسلاموية التي تتباهي بالانتماء إليهاوالإرتماء في حضنها ال######، لها سجل حافل بالعنف اللفظي وغير اللفظي ضد شعبنا العظيم. يحضرني هنا على سبيل المثال وليس الحصر، وصف وزير الأسفار والأصفار الكثيرة السابق مصطفى إسماعيل عثمان للسودانيين بالشحادين، وكذلك وصف يس عمر الإمام – قبل إقصائه من السلطة - وعلى شاشة التلفزيون للأسر السودانية بأنهم كسالى، و يعشقون حياة الخمول. موضوع الحوار كان ما يسمى بمشروع الأسر المنتجة. ذاكرتي محتشدة بالكثير من إساءات هؤلاء المجرمين لشعبنا، وحتما سأعود بأمثلة إضافية تزيد من تعريتهم وسقوطهم.
|
Post: #28
Title: Re: توضيح واعتذار
Author: أحمد الصديق
Date: 09-08-2010, 08:57 PM
Parent: #23
مرفوض
مزارع بالجزيرة
مكتب 88 مهيلة
ري 24 القرشي.
|
Post: #29
Title: Re: توضيح واعتذار
Author: Elmuiz Haggaz
Date: 09-08-2010, 10:51 PM
Parent: #28
يا صحفي الغفلة......
لو لم يعمك الولاء عن رؤية الجزيرة وتاريخ مشروعها
لعرفت بان حكومتك هى المتسبب الاول في ما ال اليه
حال المشروع وانسانه.
لان يتشرد اهل المشروع ويبيعوا ملابس النساء الداخلية
اشرف واكرم لهم من لعق احزية الحكام والمسؤلين صباح مساء.
لولا بقية من ادب لاسمعتك ما يليق بامثالك.
اعتزارك مرفوووووض بي المناسبة.
معز حجاز ابقوتة الجزيرة.
|
Post: #30
Title: Re: توضيح واعتذار
Author: عبد المنعم سليمان
Date: 09-08-2010, 11:02 PM
Parent: #29
يا ايها الحمار اساءة مجموعة كاملة بحديث واضح مثل الذي كتبته لا يمكن الاعتذار عنه بمثل هذه الطريقة المستفزة
|
Post: #31
Title: Re: توضيح واعتذار
Author: معاوية عبيد الصائم
Date: 09-08-2010, 11:08 PM
Parent: #30
احمد ابشر الصائم
صلاح ابشر الصائم
حاج على ابشر الصائم
مزراعين ود رعية ؟ تركوا الشمالية عام 1959
قالوا ليك يخص عليك ؟
|
Post: #35
Title: Re: توضيح واعتذار
Author: د.محمد بابكر
Date: 09-08-2010, 11:32 PM
Parent: #31
ترى على اكتاف من قام اكبر مشروع بالرى الانسيابى فى افريقيا وبأيدى من عمرت نجوع الجزيره ترى من الذى عاش فى 62 البعاشيم و24 القرشى يسهر الليالى ويواجه واطفاله الملاريا والبلهارسيا لينتج الذهب الابيض عماد الاقتصاد السودانى يومها قبل ان تعرف بلادنا البترول والذى سمعنا عنه تماما كما سمعنا بأموال قارون من القران الكريم ...
بسبب من عرفنا العالم كاصحاب اجود خامة قطن فى العالم تفضلها مصانع لانكشير على غيرها من الخامات العالميه..
صدق سيد الخلق حين قال (من كان يؤمن بالله واليوم الاخر فليقل خيرا أو ليصمت) ولا حول ولا قوة الا بالله العلى العظيم.
|
Post: #32
Title: Re: توضيح واعتذار
Author: عمر عبد الله فضل المولى
Date: 09-08-2010, 11:18 PM
Parent: #30
شكرا السيدح للاعتذار ولكن استنكر قولك توضيح لانك مخطئ ويجب ان تعتذر
كذلك اعتذارك خجول وضعيف وغير مقبول
|
Post: #33
Title: Re: توضيح واعتذار
Author: عبدالكريم الامين احمد
Date: 09-08-2010, 11:26 PM
Parent: #32
وبالتاكيد اعتذار مرفوض جملة وتفصيلا
كونه اعتذار تكتيكي
rejected
زي السم
|
Post: #37
Title: Re: توضيح واعتذار
Author: سامي صلاح محمد
Date: 09-08-2010, 11:39 PM
Parent: #32
توضيح؟؟؟!!!
قرف يقرفك يا العبدح
|
Post: #34
Title: Re: توضيح واعتذار
Author: cantona_1
Date: 09-08-2010, 11:28 PM
Parent: #1
الرجوع إلى الحق فضيلة يا السيدح. جزاك الله خير. وكل عام وأنتم بخير.
كبـّـاشي الصـّـافي
|
Post: #36
Title: Re: توضيح واعتذار
Author: BAKTASH
Date: 09-08-2010, 11:36 PM
Parent: #34
والله يا السيدح اعتذارك ج ب ا ن جدا زي ضنب العتود
قِصيييييييييييييييييييييير وما بِستر
|
Post: #38
Title: Re: توضيح واعتذار
Author: طارق الكوتش
Date: 09-09-2010, 00:28 AM
Parent: #36
Quote: وكل الذين يطلقون الكلمات البذئية من نوع (المتعافن) ماهم الا فاقد زراعي فاشل
تركوا اراضي وحواشات ابائهم واجدادهم وامتهنوا حرفة التسكع |
Quote: ما ورد في البوست من عبارات الكسل والتكاسل ليس المقصود بهما اهلنا في
الجزيرة |
هل اولاد اهل الجزيرة من اهل الجزيرة ؟
اذا كانت الاجابة بنعم فهنالك تناقض صريح ما بين البوست الاصلى وبوست الاعتذار وبيكون توضيحك للمقصود نسف الاعتذار برمته ،
اما اذا كانت الاجابة بلا بيكون موقفك ال######## تجاه اولاد الجزيرة ووصفهم بالمتسكعين وتجار الملابس النسائه الداخلية و الترقيه ... الخ لا زال قائم .
>>>>
يبقى فى الحالتين وحسب المنطق اعتذارك لا يساوى شيئا وكانه لم يكن
............................. محتار فى الناس البشكورك على اعتذارك >>> يا ربى ديل فهموا شنو ؟؟
|
Post: #39
Title: Re: توضيح واعتذار
Author: amir jabir
Date: 09-09-2010, 00:33 AM
Parent: #38
اعتذار عن شيتمت اهل الجزيرة ماشى
عايز توضح شنوا ؟؟ البوست بتاعك واضح يا سيد مافى اى توضيح
ناس الجزيرة ليهم الحق فى قبول او رفض الاعتذار
باقى السودانين اعتقد انته لا تساوى عندهم شئ
ويظل المتعافن متعافن ومعفن كمان اعفن من جثت خنزير اصلى ميت قبل 5 ايام ويظل الارزقج ارزقج ياكل بقلهم وياكل
ومن عرق ودماء الناس وياكل لحم الاطفال . ومن يساهم فى بيع بيته لشخص غريب شخص لا يستحق الاحترام ولا التقدير
واى زول ما بحترم الشعب السودانى انا ما بحترموا اصلا
|
Post: #40
Title: Re: توضيح واعتذار
Author: أسامة عبد الجليل
Date: 09-09-2010, 00:51 AM
Parent: #38
Quote: 3/ ما ورد في البوست من عبارات الكسل والتكاسل ليس المقصود بهما اهلنا في
الجزيرة فهم مشهورون بانهم اصحاب نهضة السودان وقامت النهضة علي فكرهم وجهدهم
وعرقهم وليس هناك تفريق للكيمان فاهل الجزيرة هم اهلي وانا ابنهم فهل يخرج
الظفر عن اللحم |
إذا لم يكن أهل الجزيرة هم المقصودين فمن المقصود إذن؟
أرجو الرد حتى أتمكن من إتخاذ موقف حيال إعتذارك.
|
Post: #41
Title: Re: توضيح واعتذار
Author: Ashraf el-Halabi
Date: 09-09-2010, 01:43 AM
Parent: #40
كل مرة يغلط وربعه يشبكوه اتصالات ويقولوا ليهو "اعتذر عشان ما يوقفوك" "اعتذر والموضوع حا يعدي"
دا ما الاعتذار الأول، ولا حيكون الأخير، طال ما كل مرة ياخد راحته في الغلط ويجي يعتذر ويلقانا نحنا يانا نحنا يانا نحنا يانا
|
Post: #42
Title: Re: توضيح واعتذار
Author: Imad Khalifa
Date: 09-09-2010, 06:36 PM
Parent: #41
Quote: إذا لم يكن أهل الجزيرة هم المقصودين فمن المقصود إذن؟
أرجو الرد حتى أتمكن من إتخاذ موقف حيال إعتذارك |
ونحن كمان في انتظاره يا اسامة عندنا بعض الاسئلة
قبل قبول او رفض هذا الاعتذار والتوضيح!!!!
فوق لحين عودة السيدح
|
Post: #43
Title: Re: توضيح واعتذار
Author: osman righeem
Date: 09-09-2010, 08:15 PM
Parent: #42
الاضينة دقو واعتذر لو
اصبحت قاعدة سايرة في هذا المكان
وكل ما يذكر احدهم كلمة اعتذار
يأتي حملة المشاعل ليباركو له علي شجاعته
مع العلم انه لا احد منهم ادان جبنه و وقاحته
عندما ارتكب جريمته
من قواعد قبول التوبه أزالة الضرر و رد المظالم
هل وجد احدكم اعتذار صيريح في هذا البوست
|
|