Post: #1
Title: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 03:09 AM
الرجاء عدم التردد ، سنلحق بكم حال نجاح الثورة ، وسنقوم بمنحكم مناصب كبيرة في حال نجاح الثورة.
أما لو فشلت الثورة ، والله ماعارف أقول ليكم شنو ، الله كريم بس!!
|
Post: #2
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 03:11 AM
Parent: #1
يجب عليكم أن تشعلو الثورة للآتي :
لا لبيع اراضي الوطن فهي عرضنا وشرفنا وشعب السودان اولى بها ولا يحق لاي كان ان يتصرف فيما لا يملك والسحق والموت للعملاء ولصوص االمال العام...
|
Post: #3
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Tragie Mustafa
Date: 09-07-2010, 03:15 AM
Parent: #2
بورداب الخرطوم اولا
ليسوا كيان سياسي
يخاطبهم بعضنا بكل احترام باي فكره
ومعهم قراء على فكره اكثر من الاعضاء.
تبنوا كثير من الافكار وعملوا على نجاحها.
انت ميتن تتروجل وتسند القفى؟؟!!
حتى البلد البتتباع في الدلاله ما حركتك اوجعها!!
يا الوطن زي الام الرضعتك عندها حق اللبن عندك.
اخجل ادينا حق اللبن بس واتكل على الله او انطم رجاء.
قرفتنا.
|
Post: #4
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: عصام دهب
Date: 09-07-2010, 03:18 AM
Parent: #2
سلام يا ابو حميد ..
| Quote: الرجاء إشعال الثورة حالا! |
انت قايل بورداب الخرطوم ديل زي الغراب العوير بتاع كتاب المطالعة داك ؟؟
لكن بالغت ياخ..
|
Post: #5
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 03:24 AM
Parent: #4
Quote:
سلام يا ابو حميد ..
انت قايل بورداب الخرطوم ديل زي الغراب العوير بتاع كتاب المطالعة داك ؟؟
لكن بالغت ياخ.. |
يا عصام سلام ياخي ورمضان كريم ،،،
لو سمحت يا سيد عصام ، أنا عايز بورداب الخرطوم ديل يشعلو لي الثورة دي هسه نااااااااااااااااااااااااااو!!
لازم يشعلوها لازم يشعلوها!! ضروري جدا يشعلوها ، لو بالكتير كده قبل العيد بي يوم يومين يشعلوها!!
لو ما دايرين يشعلوها يكلمونا عدددددددديل كده يقول لينا ما بنشعلها!!
|
Post: #6
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 03:27 AM
Parent: #5
أسمعو يا بورداب الخرطوم : أنا ماشي أنوم ، أجي بكرة هنا ألقي الثورة دي أشعلتوها ، كان بها ، ما أشعلتوها كمان حيكون عندي معاكم كلام تاااااااااني!!
|
Post: #7
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: nazar hussien
Date: 09-07-2010, 08:05 AM
Parent: #6
أبعد عن السخرية وحديث الغمز واللمز يا محمد...فالشعوب ما فيها حقاره...
بورداب الخرطوم زملاء لنا في هذا المنبر واصدقاء ورجال صناديد
يكيلوا العين لامن تفضل...وقادرون علي الفعل والعمل اكثر مما تتصور
ورجاءك لهم باشعال الثورة حالا فيه قدر
كبير من السخرية...فاعرض عن هذا...يا رجل...ولا تجعل السياسة
خميرة عداوة وكراهية وبغضاء لك في فعلك وعملك اليومي...
|
Post: #8
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: خالد عبد الحليم سعيد
Date: 09-07-2010, 08:49 AM
Parent: #7
سلام عليكم
الفكره شنو ياللخو ؟
|
Post: #9
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: ناذر محمد الخليفة
Date: 09-07-2010, 09:35 AM
Parent: #8
مشكور محمد هونولولو ..
بعضا من أفراد معارضة موجودون بالخارج يعلمون تماما عجز قياداتهم وكوادرهم بالداخل وممثليهم بالبرلمان عن القيام بأي خطوات معارضة حقيقية تخص السيادة الوطنية أو حتى قضايا أقل درجة .. وعندما يتبين لهم عدم مقدرتهم على تحريك الشارع أو تعبئة كوادرهم أو حتى القيام باي حركة إيجابية أو سلبية يلجأون من فورهم لتحميل العبء الذي فشلوا فيه لبورداب الخرطوم !!..
وبعضا من بوستات هذه الايام دليل واضح على هذا ...!!
من أخبر هؤلاء أن بورداب الخرطوم جسم واحد أو معارضة متماسكة للإستنجاد بهم في كل صغيرة وكبيرة ؟؟!!
أما كان من الاحرى لهم شحذ همم أحزابهم ومعارضتهم التي ينتمون إليها للقيام بأمثال هذه الأدوار ؟؟؟!!
والمصيبة ليست في هؤلاء ولكن المصيبة الأكبر في بعضا من بورداب الخرطوم والذين يتلقفون هذا الطعم ويبتلعونه بكل بساطة وتكون المحصلة بعد لوك وعت وعجن العديد البوستات صفرا كبيرا ..!!
أرحموا أنفسكم يا هؤلاء .. عجز أحزابكم وتنظيماتكم البائن والمخزئ تجاه القضايا الوطنية لا يمكن مداراته أو تعليقه في شماعة كيان كتاب في الإنترنت لا حول لهم ولا قوة وليس لهم من أدوات للتغيير إلا باالكيبورد أو اللسان وهذا أضعف الايمان ..!!
|
Post: #10
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: معاوية عوض الكريم
Date: 09-07-2010, 09:36 AM
Parent: #8
قوم لف ياخ ..
|
Post: #11
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: البشير دفع الله
Date: 09-07-2010, 01:07 PM
Parent: #10
غايتو عندك بوستات عينة
تدخل ما تفهم حاجة
تمرق ما تفهم حاجة
حيرت الكي بورد زاتو
|
Post: #12
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: معروف حمدين
Date: 09-07-2010, 01:40 PM
Parent: #11
أخاطبك بلغتكــ
( أنت عوير ولا بتتعاور !!!! )
|
Post: #13
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: زهير عثمان حمد
Date: 09-07-2010, 01:42 PM
Parent: #11
الاخ محمد
والعابرين
تحياتنا
شوف يامحمد مافي أي طريقة لثورة نحن طالعين من رمضان وعندنابرامج العيد بعدين
والله نصيحةليك ولغيرك ما تعبوا ساي القصة أي ينقرص هذا النوع من الارض بعدها ممكن يكون في ثورة وأصلاح والجو يتحسن
بالله خليك معقول ما تحلم
انا ماشي أنوم
ياناذر ما تعمل أزعاج
|
Post: #14
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: ياسر بيناوي
Date: 09-07-2010, 02:19 PM
Parent: #13
| Quote: عاجل عاجل عاجل إلي بورداب الخرطوم : الرجاء إشعال الثورة حالا! |
ابيييييييييييييييييييييينا
هو بالله المنبر وصل للدرجة دي
الغريبة انو الزول دا قاعد من 2007
جنس محن غايتو
|
Post: #15
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: ناذر محمد الخليفة
Date: 09-07-2010, 02:42 PM
Parent: #14
يا سر بيناوي ما تطلع الثورة ..!!
القاعد ليها شنو ؟؟!!
وليه مستنكر على محمد يحيي فيك جذوة الثورية التحررية البطيخية ..!!
يا زهير ...
محمد دا قول ليهو بعد ما ننجض الحلة بعد داك نتفاكر في الموضوع ...!!
هونولولو ...
اذهب أنت وربك فقاتلا .. نحن هاهنا في هذا الكيبورد منبرشون ..!!
|
Post: #16
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: nazar hussien
Date: 09-07-2010, 05:02 PM
Parent: #15
| Quote: اذهب أنت وربك فقاتلا .. نحن هاهنا في هذا الكيبورد منبرشون |
بل هو من بورداب هاواي يا ناذر...
يضربو الهاواي ويجي يضري هنا
|
Post: #17
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: حسن سنادة
Date: 09-07-2010, 05:43 PM
Parent: #16
ما لقينا كبريت
|
Post: #18
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: محمد إبراهيم علي
Date: 09-07-2010, 05:49 PM
Parent: #16
ناذر خليفة واوان رد الجميل
|
Post: #19
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: ناذر محمد الخليفة
Date: 09-07-2010, 07:19 PM
Parent: #18
!!!
| Quote: يضربو الهاواي ويجي يضري هنا |
ما يضريو يا نزار .. والله بعد جية المصريين دي الخوف ما تلموا في العيش زاتو .. خليك من الضرى بتاعو ...
ثورة ثورة حتى النصر ... داون داون دبليو دبليو إف ...!!
|
Post: #20
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: ود الباوقة
Date: 09-07-2010, 07:23 PM
Parent: #19
يا جماعة الحاصل شنو
نعيد قبلنا يعني ...
افيدونا ....
|
Post: #21
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: ناذر محمد الخليفة
Date: 09-07-2010, 08:11 PM
Parent: #20
محمد إبراهيم سلام ..
| Quote: ناذر خليفة واوان رد الجميل |
أنا والله محمد عبد المنطلب دا عا########ي فيهو صراحتو البيكتب بيها دي .. تتصور أنا كنت داير أكتب بوست بي نفس الموضوع لكن هو سبقني وبي طرح كمان جرئ جدا ...
بس ما قلت لي ..
يا تو جميل دا الأنا داير أردو ..؟؟؟!
|
Post: #22
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Ahmed musa
Date: 09-07-2010, 09:00 PM
Parent: #21
يااخوانا والله إتجهجهنا
ناذر ادينا نجيضة الداخل
ثورة ولا رحلة ؟؟؟!!!
عشان نكون على بصيرة ...
بعيدن يا أخونا محمد
الثورة دي ممكن تتأجل لبعد العيد ؟؟؟
لو ما ممكن تتاجل فاخير (تزُق عجلك) إنت والثورة بتاعتكـ
إنّا هنا مُعيدون
|
Post: #23
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 09:39 PM
Parent: #22
يا بورداب الخرطوم :
يعني الواحد نام وصحي وجا مالقي أي ثورة ولا أي إشتعال ، والكلام ده بجيب اللوم والله ، يعني كل المطلوب منكم تشعلو ليكم ثورة ، كويس؟ ونحن بعد تشعلوها بي خمسة دقايق كده بنجي محصلنكم ، يعني قاطعين تظاكرنا وراجين ساعة الصفر ، بعدين بالمناسبة وحسب وعدي ليكم إنو حتآخدو مناصب رفيعة جدا لو الاشتعال طلع ملهلب وســــــــخـــانتو تلحم ، بالاضافة لي كده حندعمكم بي عطور باريسية فاخرة ، العطور دي من شدة ما قوية عاملة كده زي العرقي بتاع القولد ، تفكو في الهوا فوق ما تنزل منو ولا نقطة في الأرض ، وده برضو حيساعد في عملية الاشتغال ، يعني انتو تشتعلو ، والثورة تشتعل وأهو كلو إشتعال في إشتعال ، علي فكرة الكراتين بتاعة العطور الفرنسية دي متبرعين بيها البواسل بتاعين باريس وكده.
العيد خلاص بقي في الحرقرق ، وأتا بصراحة كده ما عايز العيد يطب علينا بدون ما الثورة تكون إشتعلت إشتعال شديد ، نار منقد بس ، يعني الاشتعال الخفيف ما حبابو.
يلا همتكم معانا!!
|
Post: #24
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: وليد محمد المبارك
Date: 09-07-2010, 10:02 PM
Parent: #23
شُعُلُت
تم الاشعال
اي اوامر اخرى ؟
|
Post: #25
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 10:22 PM
Parent: #23
Quote: أبعد عن السخرية وحديث الغمز واللمز يا محمد...فالشعوب ما فيها حقاره...
بورداب الخرطوم زملاء لنا في هذا المنبر واصدقاء ورجال صناديد
يكيلوا العين لامن تفضل...وقادرون علي الفعل والعمل اكثر مما تتصور
ورجاءك لهم باشعال الثورة حالا فيه قدر
كبير من السخرية...فاعرض عن هذا...يا رجل...ولا تجعل السياسة
خميرة عداوة وكراهية وبغضاء لك في فعلك وعملك اليومي.. |
يا نزار ،،
شنو الكلام العجيب ده؟ سخرية وغمز ..... والخ ، منو قال ليك هنا في سخرية؟ حاول ركز شوية عشان تعرف الكلام البتقول فيهو ده ماشي وين؟ ومعناهو شنو؟ وعلاقتو شنو بالحاصل؟ بعدين تعال النسألك : عاين لعناوين البوستين التحت ديل ، خليني أكون واضح معاك وأسالك سؤال مباشر حولهم : البوستين ديل عاملهم المدعو هشام هباني ، هل عندك الشجاعة تقول كلامك الفوق ده للمدعو أعلاه؟ سؤال واضح ومباشر وعايز إجابة واضحة ومباشرة ، وفي إنتظارك لأنو علي ضوء إجابتك عندي ليك كلام تاني.
| Quote: ليخرج الشارع السوداني في كل الساحات ضد بيع الوطن! |
| Quote: اشعلوها ثورة على الخونة باعة الوطن في كل مكان! |
|
Post: #26
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 10:38 PM
Parent: #25
Quote:
سلام عليكم
الفكره شنو ياللخو ؟ |
وعليك السلام ،،
الفكرة واضحة شديد.
|
Post: #27
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 10:42 PM
Parent: #26
Quote: مشكور محمد هونولولو ..
بعضا من أفراد معارضة موجودون بالخارج يعلمون تماما عجز قياداتهم وكوادرهم بالداخل وممثليهم بالبرلمان عن القيام بأي خطوات معارضة حقيقية تخص السيادة الوطنية أو حتى قضايا أقل درجة .. وعندما يتبين لهم عدم مقدرتهم على تحريك الشارع أو تعبئة كوادرهم أو حتى القيام باي حركة إيجابية أو سلبية يلجأون من فورهم لتحميل العبء الذي فشلوا فيه لبورداب الخرطوم !!..
|
تسلم يا ود الخليفة ،،
كلام في التنك ، أصحو يا عالم ما في زول فاضي يشعل ليكم ثورة بالوكالة ، بعدين ثورة بالوكالة دي أول مرة أسمع بيها والله ، شنو هي؟ مبايعة عربية؟ ولاشنو؟
|
Post: #28
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 10:45 PM
Parent: #27
كان بقت علي اللف هيين ، والله نحن لفنا لف ما خمج ، لف التراطيب والبرستيج العجيب ، المشكلة انتو حتشعلو ولا ما حتشعلو؟ في الحراية دي؟
|
Post: #29
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 10:48 PM
Parent: #28
Quote: غايتو عندك بوستات عينة
تدخل ما تفهم حاجة
تمرق ما تفهم حاجة
حيرت الكي بورد زاتو |
عينة كيف يعني؟
هسه البوست ده الصعب شنو فيهو عليك الله.
|
Post: #30
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 10:50 PM
Parent: #29
Quote:
أخاطبك بلغتكــ
( أنت عوير ولا بتتعاور !!!! ) |
يا عزيزي القارئ ، الزول ده : -
.
.
.
.
.
.
.
.
.
راميهو جمل؟
|
Post: #31
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 10:55 PM
Parent: #30
Quote: الاخ محمد
والعابرين
تحياتنا
شوف يامحمد مافي أي طريقة لثورة نحن طالعين من رمضان وعندنابرامج العيد بعدين
والله نصيحةليك ولغيرك ما تعبوا ساي القصة أي ينقرص هذا النوع من الارض بعدها ممكن يكون في ثورة وأصلاح والجو يتحسن
بالله خليك معقول ما تحلم
انا ماشي أنوم
ياناذر ما تعمل أزعاج |
الأخ زهير ،،،
تحياتنا.
شنو الكلام الميت ده؟ الناس هنا في الخارج ضاربه الرز البارد والبتيزا الساخنة وراجياكم تشعلوها ، تجو تطلعوها لينا كسور وبواقي؟ شنو عيد وبرامج .....الخ ، الثورة تشعلوها بعدين شوفو عيدكم ، العيد ملحوق ، يعني حصل شفت ليك زول مات من عدم عيد؟
النايم ليها شنو؟ لا ثورة أشعلتوها؟ لا أرضا قطعتوها؟
قومو الي ثورتكم يرحمكم الله!
|
Post: #32
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 10:59 PM
Parent: #31
Quote: ابيييييييييييييييييييييينا
هو بالله المنبر وصل للدرجة دي
الغريبة انو الزول دا قاعد من 2007
جنس محن غايتو |
أبيتو ليه؟
المنبر وصل مرحلة أكعب من دي ، أنا هين والله ، تصدق في واحد هنا ومن سنة حفرو البحر منزل بوست اسمو : عاجل عاجل عاجل كلــــــبة تضاجع نملة أمام الجامع الكبير ، بتقدر تقول ليهو جنس كلامك ده؟ أها رأيك شنو؟
والله فعلا صدقت : جنس محن غايتو؟
|
Post: #33
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:08 PM
Parent: #32
Quote: هونولولو ...
اذهب أنت وربك فقاتلا .. نحن هاهنا في هذا الكيبورد منبرشون ..!! |
ليه كده بس ياخي؟
وإنت العليك الرك ، بالله شوف لينا القصة دي بأي طريقة تقوموها ، نحن بس عايزين شرررررررررررارة سغيييييرة كده ، شرارة بس ، انتو أعملو الشرارة بعد داك الباقي بجي براهو ، يلا بالله القصة كده سهلتها ليكم شديد.
الثورة دي لو ما أشعلتوها إنتو ، ما أظن في زول حيشعلها غيركم!
|
Post: #34
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:11 PM
Parent: #33
Quote: يا زهير ...
محمد دا قول ليهو بعد ما ننجض الحلة بعد داك نتفاكر في الموضوع ...!! |
المنجضين ليها شنو؟ ثورة ما أشعلتوها وكمان ليكم نفس تآكلو؟
الحلل ملحوقة!
|
Post: #35
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:15 PM
Parent: #34
Quote:
بل هو من بورداب هاواي يا ناذر...
|
يعني إنت من بورداب قوز الناقة؟
عارفك من بورداب لندن ، ولندن راحات زي ما قالو!! بلد التراطيب والبرستيج العجيب ، يعني زينا وغادي!
|
Post: #36
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:18 PM
Parent: #35
عرفنا الكبريت وما عندكم ، ولاعات مافي؟ ولاعااااااااااات ، ولاعااااات!!
يعني لما جات علي الثورة البلد عدمت نفاخ النار؟
|
Post: #37
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:22 PM
Parent: #36
Quote:
ناذر خليفة واوان رد الجميل |
إنت تعال يا معلم ، كلما تجي خاشي لي بوست تجي ترمي ليك كلمة وتتماسخ وتمشي ، مالك إتا؟ لو متخيل المساخة والسخف بجرو ليهم جزلان تبقي غلطان ، والله القصة ما مستاهلة ، عشان كده بقول ليك البباري البحر ما بقطعو ، يعني ممكن أصرف ليك كم لوري كده لحدي ما تعرف حاجة ، أوكي يا مان؟
|
Post: #38
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:25 PM
Parent: #37
| Quote: دبليو دبليو إف ...!! |
بالله ديل بصفة خاصة لازم يشاركو في العملية دي.
ما قلتي؟ منو دبليو دبليو اف ديل؟
|
Post: #39
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:28 PM
Parent: #38
Quote:
بس ما قلت لي ..
يا تو جميل دا الأنا داير أردو ..؟؟؟! |
منتظرينك يا بتاع رد جميل ولا مصطفي النقر ده ، عشان تجاوب!
|
Post: #40
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:30 PM
Parent: #39
Quote: يا جماعة الحاصل شنو
نعيد قبلنا يعني ...
افيدونا .. |
أصحي يا بريش!!
إنت معانا ولا مع التانيين؟
|
Post: #41
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:37 PM
Parent: #40
Quote: يااخوانا والله إتجهجهنا
ناذر ادينا نجيضة الداخل
ثورة ولا رحلة ؟؟؟!!!
عشان نكون على بصيرة ...
بعيدن يا أخونا محمد
الثورة دي ممكن تتأجل لبعد العيد ؟؟؟
لو ما ممكن تتاجل فاخير (تزُق عجلك) إنت والثورة بتاعتكـ
إنّا هنا مُعيدون |
لالالالالا ، مافي أي تأجيل سعادتك ، التسويف والمماطلة هم آفة كل شئ زي ما عارف سعادتك ، قبل العيد الثورة دي تشعلوها ، شوفو ليكم أي طريقة ، لازم لازم لازم ، ضروري من الضروري ، بعدين الرحلة ملحوقة ، عمركم ده كلو كاسرين ركبة في قندهار وما أدراكا ، حصل شنو يعني ، شفت ليك ثورة كتلت ليها زول قبل كده؟
الثورة دي نحن مزنوقين ليها شديد ، لازم قبل العيد ، "جاسفوها" لينا بأي طريقة!!
قومو الي ثورتكم يرحمكم الله!
|
Post: #42
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:41 PM
Parent: #41
Quote: شُعُلُت
تم الاشعال
اي اوامر اخرى ؟ |
يا شفت : بطل شغب ، لما شفت نضارتك السودا دي استبشرت خير وقلت الشفت بكون بتاع "ثورات" وحيشعللها شعللة. تقوم ترمي لينا كلام حبايلو دايبة ساكت ، أكد لينا القصة وحدد ساعة الصفر ولازم تكون قبل العيد بأي طريقة ، دي تعليمات وما عايزين شغل الملكية ده!!
|
Post: #43
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: محمد إبراهيم علي
Date: 09-07-2010, 11:52 PM
Parent: #42
| Quote: إنت تعال يا معلم ، كلما تجي خاشي لي بوست تجي ترمي ليك كلمة وتتماسخ وتمشي ، مالك إتا؟ لو متخيل المساخة والسخف بجرو ليهم جزلان تبقي غلطان ، والله القصة ما مستاهلة ، عشان كده بقول ليك البباري البحر ما بقطعو ، يعني ممكن أصرف ليك كم لوري كده لحدي ما تعرف حاجة ، أوكي يا مان؟ |
نبدا ليك من الاخر ما اوكي
رد الجميل البمارس فيهو ناذر معروف بالنسبة ليكم انتو الاتنين
والرسالة موجهة لناذر مش ليك يا زلنطح انت
اوكي وقع ليك يا مان ؟
|
Post: #44
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-07-2010, 11:58 PM
Parent: #43
Quote: دا ليك من الاخر ما اوكي
رد الجميل البمارس فيهو ناذر معروف بالنسبة ليكم انتو الاتنين
والرسالة موجهة لناذر مش ليك يا زلنطح انت
اوكي وقع ليك يا مان ؟ |
عمكم الجلكين ده عامل فيها رايح ، ده شنو ده؟ زلنطح؟ عمكم الهالك ده عايش من زمن زلنطح ، ايه العالم دي؟ من أين أتي هؤلاء؟
ههههههه!! والله الاسفير لامي العقرب والدبيب فعلا!
|
Post: #45
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: زهير عثمان حمد
Date: 09-08-2010, 00:12 AM
Parent: #42
محمد
انت مصر علي قصة الثورة دي المهم نحن هنا السودان الثورة عندها شروط وظروف محددة وكمان قيادات دا كلوا الان ما متوفر بالله خليها الي نوفمبر الجاي أمكن نكون جاهزين وكمان سددنا الديون وانا أكون لقينت العروس والنقابة منحتني البيت ياخي مالك عايز تلخبط ي مشاريعي الحياتية
قال ثورة قال نحن حلتنا بالفحم ليوم الليلة وكتاب أبلة نظيرة الطبعة المزيدة والمنقحة ما وصلت السودان وبعدين الزيوت كلها مغشوشة والضأن غالي وكمان البهارات بقت نار أسعار ما معقولة أرخص حاجة الملح بالله شوف حالتنا ياخي خليك معقول شوية ثورة قال الزوال شوفوا ليهو فكي لكين كمان البلد الحلوة الاسمها زي ما قال نازر مافيها فلاتاوحفظة قرأن الا أرجع السودان بس ح يعذبنا شديد لحدي ما يرجع لكين ح تقوم الثورة متين ألله ورسوله أعلم
ونحن والشعب السوداني لانعلم الليلة يا أبو مرؤة ممكن تكون كدا
بالمناسبة أنا صحيت من النوم من ساعتين
كويس كدا يعني أصحي لسه أنتو في الحنك البيش دا بالله ما تضيعوا لينا عمرنا وهم
لكم تحياتي أمير فقراء الصحفيين في عاصمة السودان والعاطل الابدي
|
Post: #46
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: محمد إبراهيم علي
Date: 09-08-2010, 00:27 AM
Parent: #45
| Quote: عمكم الجلكين ده عامل فيها رايح ، ده شنو ده؟ زلنطح؟ عمكم الهالك ده عايش من زمن زلنطح ، ايه العالم دي؟ من أين أتي هؤلاء؟ |
شوفو الوليد ده حلاتو حلاتو
طيب يا شاطر روح اشرب اللبن واتغطي كويس واوعك تلعب مع الاكبر منك كويس ؟
اي شاطر بتسمع الكلام بكرة بجيب حلاوة حربة تمصها
|
Post: #47
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-08-2010, 00:30 AM
Parent: #46
هسة ما فاضي ليك ، خلينا نخلص قصة الثورة دي وبعد داك نشوف قصتك!
|
Post: #48
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-08-2010, 02:35 AM
Parent: #47
Quote: محمد
انت مصر علي قصة الثورة دي المهم نحن هنا السودان الثورة عندها شروط وظروف محددة وكمان قيادات دا كلوا الان ما متوفر بالله خليها الي نوفمبر الجاي أمكن نكون جاهزين وكمان سددنا الديون وانا أكون لقينت العروس والنقابة منحتني البيت ياخي مالك عايز تلخبط ي مشاريعي الحياتية
قال ثورة قال نحن حلتنا بالفحم ليوم الليلة وكتاب أبلة نظيرة الطبعة المزيدة والمنقحة ما وصلت السودان وبعدين الزيوت كلها مغشوشة والضأن غالي وكمان البهارات بقت نار أسعار ما معقولة أرخص حاجة الملح بالله شوف حالتنا ياخي خليك معقول شوية ثورة قال الزوال شوفوا ليهو فكي لكين كمان البلد الحلوة الاسمها زي ما قال نازر مافيها فلاتاوحفظة قرأن الا أرجع السودان بس ح يعذبنا شديد لحدي ما يرجع لكين ح تقوم الثورة متين ألله ورسوله أعلم |
زهير
الموضوع ده لازم تأخدو مأخد الجد ، لأنو بالطريقة دي الاشعال حيتأخر والثورة ما حتقوم في مواعيدها ، بعدين عمري ما شفت لي ثورة بتقوم بي شروط ، دي ثورة ولا عقد بيع أصلو؟
يا زهير انت حتحكي لي قصة حياتك ولا شنو؟ شنو حلة وبصل وفحم؟ واااااااااااااااااو ، إنتو لسه شغالين بالحاجات دي؟ والله نحن في الخارج ضاربين التراطيب متخلينكم اتجاوزتو مرحلة الكانون والحاجات العجيبة ديك.
نوفمبر شنو يا زهير؟ إنت جادي ولا شنو؟ يازول العيد ده ولا يوم بعدو ما بنقبلو منكم!
|
Post: #49
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: زهير عثمان حمد
Date: 09-08-2010, 07:58 AM
Parent: #48
محمد
مسؤل من الخير يا خوانا أنتو لون ثورتكم دي شنو( لون زينب مش كدا)
|
Post: #50
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: nazar hussien
Date: 09-08-2010, 08:17 AM
Parent: #49
Quote: هل عندك الشجاعة تقول كلامك الفوق ده للمدعو أعلاه؟ سؤال واضح ومباشر
وعايز إجابة واضحة ومباشرة ، وفي إنتظارك لأنو علي ضوء إجابتك عندي ليك كلام
تاني.
|
لا كلام عمك ود هباني للشعب السوداني داك تهريج...ساكت...
ولا حاجة للتعليق عليه اصلا...عشان اتعرف شجاع او ########...
واذا انت قست علي بوستاته المناضله...التي لا اقراها اصلا...
ونسجت بوستك ...كسخرية من بوستاته...لا من بورداب
الخرطوم...يبقي كدي...حا ننزل في المحطة دي...
وصافية Milk
|
Post: #51
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-08-2010, 09:32 PM
Parent: #50
Quote: لا كلام عمك ود هباني للشعب السوداني داك تهريج...ساكت...
ولا حاجة للتعليق عليه اصلا...عشان اتعرف شجاع او ########...
واذا انت قست علي بوستاته المناضله...التي لا اقراها اصلا...
ونسجت بوستك ...كسخرية من بوستاته...لا من بورداب
الخرطوم...يبقي كدي...حا ننزل في المحطة دي...
وصافية Milk |
دايما يا نزار صافية إن شاء الله ، إنت كده وقعت ليك تمام التمام ، تخيل واحد قاعد في شقة مكندشة في تكساس ، يضرب في العصير الباااااااارد والاسترمبولي والبيتزا ، وعايز بورداب الخرطوم يشعلو ليهو ثورة ، ولا...... عايزة فورا كمان ، قبل اسبوع بس الزول ده لف عواصم أوربا والخليج بي كراع كلــــــب ، السودان ده ما مشي بي جنبو ، ياخي العالم دي عايشة في وهم غريب خلاص!!
|
Post: #52
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-08-2010, 10:09 PM
Parent: #51
Quote:
محمد
مسؤل من الخير يا خوانا أنتو لون ثورتكم دي شنو( لون زينب مش كدا) |
يا زهير ،،،
نحن قلنا ليكم قومو لينا ثورة في البلد ، ما قلنا ليكم أضربوها لينا بوهية ، لون شنو؟ وثنر بتاعة الساعة كم؟
عايزين تقومو الثورة دي قوموها ، ما عايزين كمان ورونا عشان نشوف غيركم!
|
Post: #53
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-09-2010, 04:11 PM
Parent: #52
البتيخ الباااااااارد
|
Post: #54
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-09-2010, 04:13 PM
Parent: #53
يا بورداب ياخي خلاص العيد بكرة ، يعني فاضلة ليكم عدة سويعات لساعة الصفر ، ونحن عشمنا فيكم ما إنقطع ، يعني لآخر ثانية حننتظركم تشعلو لينا الثورة دي ياخي!!!
يااااااااااارب تشعلها.
|
Post: #55
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-09-2010, 06:35 PM
Parent: #54
| Quote: لكم تحياتي أمير فقراء الصحفيين في عاصمة السودان والعاطل الابدي |
خلاص لما بقت فيها ثورة وإشتعال بقينا في أنا فقير , وأنا عاطل , ,ابدي وددددددددددددش؟
قومو إلي ثورتكم يرحمكم الله.
|
Post: #56
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: وليد عبد اللطيف
Date: 09-09-2010, 07:57 PM
Parent: #55
يسعادة المستشار
الثورة دي لو اشتعلت ونجحت
انا غير وزارة الشباب والرياضة مابقبل ..
|
Post: #57
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-09-2010, 08:15 PM
Parent: #56
Quote:
يسعادة المستشار
الثورة دي لو اشتعلت ونجحت
انا غير وزارة الشباب والرياضة مابقبل .. |
المنصب ده يا وليد حاجزو قبلك مناضل كيبوردي كبير ، غايتو انت وحنكك معاهو ، لأنو المناضل ده بيعشق الجري عشق بجنون ، الله يعينك عليهو وعلي نشاف دماغو!
لكن كدي في الأول خلي الثورة تشتعل ، لحدي هسه بورداب الخرطوم ديل معصلجين شديد ، قدر ما حاولت أقنعهم يولعوها قبل العيد ، أصلو مابين كلو كلو!!
لكن لسه العيد فاضل عليهو زي خمسة ساعات كده ، كل شي جايز وإنت سيد العارفين إنو القون بجي في كسر من الثانية يا سعادة وزير الشباب والرياضة المرتقب.
ما قلت لي يا وليد : إشمعني الشباب والرياضة يعني؟ المالية دي ولا البترول مابيهم مالك؟
|
Post: #58
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: وليد عبد اللطيف
Date: 09-09-2010, 08:55 PM
Parent: #57
ياسعادة المستشار
| Quote: ما قلت لي يا وليد : إشمعني الشباب والرياضة يعني؟ المالية دي ولا البترول مابيهم مالك؟ |
ياخي زي ماقال المحامي شدو الوزارات التانية دي لو اشتغلناها يطلعوا حاجاتك وتاريخ من زمن الطفولة
الرياضة دي مافي زول جايب خبرها.
|
Post: #59
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-09-2010, 09:18 PM
Parent: #58
Quote: ياخي زي ماقال المحامي شدو الوزارات التانية دي لو اشتغلناها يطلعوا حاجاتك وتاريخ من زمن الطفولة
الرياضة دي مافي زول جايب خبرها. |
الله يرحم العلامة شدو ، وطالما شدو قال كده فكلامو ما بقع الواطــــــه لأنو نحن عارفين المرحوم بعرف محل السمينة.
دي فكرة كويسة إنو نعرض لبورداب الخرطوم وزارات مطرفة مافي زول بجيب خبرهم فيها ، كنوع من التشجيع ليهم عشان يشعلو لينا الثورة الأبت تشتعل كلو كلو دي ، والدنيا قبايل عيد!!
يلا يا بورداب ، ما زلت ألمح ضوءً في نهاية النفق بتاع بري .... وكده!
|
Post: #60
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: وليد عبد اللطيف
Date: 09-10-2010, 00:24 AM
Parent: #59
ياسعادة المستشار
ياخي قاعد حارس لحدي ما الديك اذن الصباح ومافي اي شرارة
كما قال فنانا الكاشف (التهبت العواطف واصل النار شرارة )
شحتفتنا ساكت وحلمت اني بقيت وزير شباب ورياضة
وجهزت اول قرارتي
1- بيع كل الملاعب الرياضية
2- مافي تمثيل خارجي
3- منع اي اجنبي من ان يكون حارس مرمى لفريق رياضي
4- فتح مدارس سنية
5- مشاريع استثمارية لكل الاندية وتحويلها الى شركات مساهمة
6- سوف اكون رئيس البعثة التي تغادر الى البرازيل بعد عشرين عام (كاس العالم) لرفع علم السودان
------------------
واصبحنا واصبح الملك لله ( والحال ياهو ذاتو الحال )
|
Post: #61
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: زهير عثمان حمد
Date: 09-10-2010, 00:55 AM
Parent: #60
والله كنت جادي ومشيت عشان أشوف حطب وكدا بس لقت الحطب غالي جداأو لغة مكلف
أقتراحاتكم نشعلا بشنو بسرعة بالله
|
Post: #62
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-10-2010, 02:59 AM
Parent: #61
Quote: ياسعادة المستشار
ياخي قاعد حارس لحدي ما الديك اذن الصباح ومافي اي شرارة
كما قال فنانا الكاشف (التهبت العواطف واصل النار شرارة )
شحتفتنا ساكت وحلمت اني بقيت وزير شباب ورياضة
وجهزت اول قرارتي
1- بيع كل الملاعب الرياضية |
ده الكلام يا وليد :
أي حاجة فيها بيع دي طوالي معاك ونشد من أزرك "ظااااااااااطو".
لكن الثورة دي لو بدت بالبيع حتلفت الأنظار وده الكلام البجهجه الجماعة ، الناس دي دايرة ليها حاجة كده بعيدة عن الأنظار.
الجماعة ديل شكلهم حيفاجؤنا بالثورة في أي لحظة ، فترقبوهم!
أنا بقترح عليك يا وليد عشان الأتظار وكده ، إنك في الأول تعمل تسوير للملاعب ، بعد شوية تعمل الدخول بقروش ، بعد شوية تقفلها للصيانة وبعد شوية تبيع ولا من شاف ولا من دري ، والراي انك تبدأ بي ميدان عقرب ، عشان ناس بحري ديل تعبو خلاص من العقارب؟
|
Post: #63
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-10-2010, 03:08 AM
Parent: #62
Quote:
3- منع اي اجنبي من ان يكون حارس مرمى لفريق رياضي |
بالله أعمل لينا إستثناء لنادي المريخ ، عشان نقدر نحتفظ بالحارس الفلسطيني ده من باب "تعاطفا مع عزة" ....... وكده!
بالله هلال الملليم ده أضغطو لينا شديد ، يكون كويس لو طبقت نظرية بيع الملاعب علي زريبة العيش دي بأسرع فرصة!
|
Post: #64
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: زهير عثمان حمد
Date: 09-10-2010, 12:20 PM
Parent: #63
اناعايز اكون مورد السكر الوحيد نظام أحتكار وكدا
|
Post: #65
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: عثمان محمد كرار
Date: 09-10-2010, 12:32 PM
Parent: #64
البتيخ الباااااااارد
هههههههههه
يازول تعال اشعلها انت ...لو رجعت تعمل فيديوهاتك عن ساعة الصفر والحاجات دي.ولو مارجعت واهد من اتنين يافي خبر كان يافي محل الريس...لكن ماتجهجه الناس ساي.....قالو الوداعيه نميري قعد 16 سنه فشوفي لينا الكيزان ديل بيقعدو كم قالت ليهم والله السته شايفاها ثابته بس الواحد دا مره يبقي لي بي جاي ومره بي جاي
|
Post: #66
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-11-2010, 05:26 PM
Parent: #65
Quote: والله كنت جادي ومشيت عشان أشوف حطب وكدا بس لقت الحطب غالي جداأو لغة مكلف
أقتراحاتكم نشعلا بشنو بسرعة بالله |
يا زهير ,,,
يا خي إنت سآل خلاص , شنو هي؟ ياخي كل مرة تجينتي ناطي وتسألني , عليك الله أنا لو بعرف أجاوب علي أسئلتك دي ما كنت أشعلتها براي الثورة دي.
لكن أقول ليك حاجة؟ وقت أصلك حتهريني بي أسئلتك دي , تعال أمسك لي البوست ده وأنا بجي أشعلها ليكم!!
دكرتني نكتة زيدان إبراهيم لو حكيتا هنا البوست ده حيتلحس , والثورة تروح في خبر كان.
إتصلح معانا يا زهير وأعمل ليك همه!!!
|
Post: #67
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-11-2010, 05:50 PM
Parent: #66
Quote:
اناعايز اكون مورد السكر الوحيد نظام أحتكار وكدا |
شنو يا زهير؟ وليد عايز يبقي وزير الرياضة , وإنت عايز تمسك السكر* , إنتو داخلين علي طمع ولاشنو؟
ــــــــــ
منصب توريد السكر ده محجوز لي مناضل كيبوردي كبير , عندو عشق خاص مع السكر وشغل الكفتيريات السياحية وكده , غايتو لو إتنازل ليك - مع إني أشك في كده - تبقي حلا عليك يا زهير!!
|
Post: #68
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: زهير عثمان حمد
Date: 09-11-2010, 09:39 PM
Parent: #67
السلام عليكم
أقول مبروك علي السكر وأدوية السكري والجلكوز وأي حاجة حلوة مستورة و ما يتعلق بهذه المنتجات
سؤال صحي أشعلوها ولا لسه ؟
ياخي حلتي الجميلة الليلة كوارع أتفضلوا أصدقائي الاعزاء الطبخة بطريقة تمهل أنت تشاهد سهرات النيل الازرق ومتابع المنبر
|
Post: #69
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: أسامة خلف الله مصطفى
Date: 09-12-2010, 00:54 AM
Parent: #68
الأخ الكريم محمد عبد المنطلب
عيد سعيد
Quote: : البوستين ديل عاملهم المدعو هشام هباني ، هل عندك الشجاعة تقول كلامك الفوق ده للمدعو أعلاه؟ سؤال واضح ومباشر وعايز إجابة واضحة ومباشرة ، وفي إنتظارك لأنو علي ضوء إجابتك عندي ليك كلام تاني.
Quote: ليخرج الشارع السوداني في كل الساحات ضد بيع الوطن!
Quote: اشعلوها ثورة على الخونة باعة الوطن في كل مكان! |
يمكنك أن تطارد شخصا ما هنا فى البورد وتحاول أن تقتص منه فى أمر قديم....
ولكن هيهات أن تستخف بقدرات أى شعب أو مجموعة بالثورة على الظلم والظالميين...
والخرطوم مشهود لها بالثورة على الظالمين ولو تحاوزو العشرون عاما.....
وفى ديسمبر الماضى كادت الخرطوم أن تهب فى جنح الدُجى...
فيا أخى الكريم أنتبه لما تريد أن تنتقم وتستخف به من الأخ هشام هبانى...
وسلامى
|
Post: #70
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 01:01 AM
Parent: #69
| Quote: فيا أخى الكريم أنتبه لما تريد أن تنتقم وتستخف به من الأخ هشام هبانى... |
يا أخ أسامة سلام وعيد سعيد
المدعو أعلاه لا يعنيني في شئ ، فهو قد بلغ من العمر مبلغاُ ، وأصبح عاجزاُعن كل شئ ، كما إنه مريض في حوجة الي أن نشفق عليه ، فلا تحمل كلامي أكثر مما يحتمل ، وحاول الوصول الي فكرة البوست وما أريد قوله!
|
Post: #71
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: أسامة خلف الله مصطفى
Date: 09-12-2010, 01:15 AM
Parent: #70
أخى الكريم محمد
كل التحايا مرة أخرى
| Quote: وحاول الوصول الي فكرة البوست وما أريد قوله! |
حتى لا أظلمك بسوء التفسير والظن : ما هى فكرة البوست إذا لم تكن رد الصاع صاعيين للاخ هشام هبانى؟؟
أهل هى الإستخفاف بفكرة الثورة نفسها؟؟؟؟
لقد طلبت أنت من بورداب الخرطوم الى الثورة أثناء نومك: ما هو مقصدك؟؟؟
أتمنى أن لا أظلمك ولكن إذا كانت هنالك دعوات لبورداب الخرطوم للثورة ( من الأخت الفاضلة أمانى العجب) فليس هذا بأمر عسكرى......
كل الأخاء
|
Post: #72
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 01:18 AM
Parent: #70
Quote: ولكن هيهات أن تستخف بقدرات أى شعب أو مجموعة بالثورة على الظلم والظالميين...
والخرطوم مشهود لها بالثورة على الظالمين ولو تحاوزو العشرون عاما.....
وفى ديسمبر الماضى كادت الخرطوم أن تهب فى جنح الدُجى... |
علي العكس أنا أعتبر كلامك هو استخفاف بقدرات أي شعب ، وأعتبر من قامو بفتح بوستات مطالبين بورداب الخرطوم بالقيام بإشعال ثورة منتهي الإستخفاف بهم ، وأعتبر مطالبتهم بالخروج في مظاهرة لسبب معين أيضا منتهي الإستخفاف بهم لما يلي من أسباب : -
١- كيف يجروء أحد وهو يجلس هانئاُ مرتاحاُ في معيشته ، لا يجد أدني مشقة في توفير لقمة عيشه أن يعتقد بأن بإمكانه تحريك أربعين مليون سوداني للقيام بثورة أو مظاهرة؟
٢- كيف يتصور هولاء أن أربعين مليون سوداني يوافقونه الرأي والفكرة وأن بإمكانه أن يحركهم وفق ما شاء وقت ما شاء؟
٣- ثم انه ، ما السبب في عدم توجههم الي الخرطوم وفوراُ للقيام بتلك الثورة؟
٤- مند متي كانت الثورة والمظاهرات تشعل بالإنابة ، فصاحب الفكرة أولي بفكرته؟
٥ - ألا توافقني الرأي ان طلب القيام بثورة أو مظاهرة لشخص يقيم في أقاصي الدنيا لشخص يكتوي بنار الواقع وله من الهموم ما تنوء بحمله الجبال ، لهو منتهي الأنانية إن لم يكن منتهي الجبن؟
٦- في رأيك ، متي سيتحرك هؤلاء المنظراتية ليوافق فعلهم عملهم؟
٧ - سأسالك سؤال مباشر وواضح وأرجو أن تجيبني بوضوح وشفافية وبشكل مباشر أيضا ، هل تستطيع أن تغادر أنت شخصيا للخرطوم فوراُ لقيادة مظاهرة أو إشعال ثورة؟ أريد أجابة مباشرة ومسببه.
شكرا وكل سنة وإنت طيب!
|
Post: #73
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 01:24 AM
Parent: #72
Quote: السلام عليكم
أقول مبروك علي السكر وأدوية السكري والجلكوز وأي حاجة حلوة مستورة و ما يتعلق بهذه المنتجات
سؤال صحي أشعلوها ولا لسه ؟
ياخي حلتي الجميلة الليلة كوارع أتفضلوا أصدقائي الاعزاء الطبخة بطريقة تمهل أنت تشاهد سهرات النيل الازرق ومتابع المنبر |
يا زهير ،،،
حاول في الأول قبلما تبارك لي نفسك تتفاوض مع النضلابي الكبير في موضوع السكر ده ، فما نيل المطالب بالتمني ولكن يؤخد " السكر" غلاباُ.
بالهنا والشفاء كوارعك.
كوارع؟ و تاني يوم في العيد يا زهير؟؟
|
Post: #74
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 01:37 AM
Parent: #73
Quote:
حتى لا أظلمك بسوء التفسير والظن : ما هى فكرة البوست إذا لم تكن رد الصاع صاعيين للاخ هشام هبانى؟؟
أهل هى الإستخفاف بفكرة الثورة نفسها؟؟؟؟
لقد طلبت أنت من بورداب الخرطوم الى الثورة أثناء نومك: ما هو مقصدك؟؟؟
أتمنى أن لا أظلمك ولكن إذا كانت هنالك دعوات لبورداب الخرطوم للثورة ( من الأخت الفاضلة أمانى العجب) فليس هذا بأمر عسكرى......
كل الأخاء |
أخ أسامه
سلام تاني
راجع الرد السابق أعلاه.
|
Post: #75
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: أسامة خلف الله مصطفى
Date: 09-12-2010, 02:26 AM
Parent: #74
أخى الفاضل محمد عبد المنطلب
سلامى مرة أخرى
| Quote: - مند متي كانت الثورة والمظاهرات تشعل بالإنابة ، فصاحب الفكرة أولي بفكرته؟ |
أحب أن أختلف معك فى ما تظن أنه من الحتمياتـ وهى ثابتة أن الثورات لا تتفجر إلا بالتواجد المكانى لمفجرها...
والتاريخ الحديث يثبت عكس ذلك : كما فى حالة آية الله الخمينى ـ ولقد كان منفيا فى باريس...
ثم التاريخ السودانى يحكى: قادة الجبهة الوطنية اللذين خططوا لازاحة الديكتاتورية المايوية فى منتصف السبعينيات....
وجيوش عبد الواحد ود.خليل إبراهيم وقائدهما فى دولتى فرنس وتشاد :على التوالى...
فالتاريخ لا ينفى قيام الثوارات والحروب وقادتها خارج الميقات المكانى....
وأخائى
|
Post: #76
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 02:32 AM
Parent: #75
Quote:
أحب أن أختلف معك فى ما تظن أنه من الحتمياتـ وهى ثابتة أن الثورات لا تتفجر إلا بالتواجد المكانى لمفرجها...
والتاريخ الحديث يثبت عكس ذلك : كما فى حالة آية الله الخمينى ـ ولقد كان منفيا فى باريس... |
يا أخ أسامه ،،،،
هل تقارن الإمام الخميني بمناضلي الكيبورد؟ أرجو أن تقارن بواقع يقارب واقع ما عليه المنبر ، لا توجد أدني علاقة بين المثال أعلاه وما عليه حال بعض مدعي النضال هنا!
|
Post: #77
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 02:36 AM
Parent: #76
Quote:
وجيوش عبد الواحد ود.خليل إبراهيم وقائدهما فى دولتى فرنس وتشاد :على التوالى... |
وأين جيوش مناضلي الكيبورد علي أرض الواقع؟
هل تعتبر بورداب الخرطوم جيوش ممثلة لمناضلي الكيبورد علي أرض الواقع؟ وأنه بإمكان مناضلي الكيبورد تحريكهم متي ما أرادو وكيفما شاءوا!
|
Post: #78
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 02:41 AM
Parent: #77
يا أخ أسامة
لقد سألتك سؤال مباشر أرجو الإجابة ، وهنا اكرر سؤالي هنا :
Quote:
٧ - سأسالك سؤال مباشر وواضح وأرجو أن تجيبني بوضوح وشفافية وبشكل مباشر أيضا ، هل تستطيع أن تغادر أنت شخصيا للخرطوم فوراُ لقيادة مظاهرة أو إشعال ثورة؟ أريد أجابة مباشرة ومسببه. |
|
Post: #79
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: بدر الدين اسحاق احمد
Date: 09-12-2010, 04:34 AM
Parent: #78
اهـــا طلائع الثورة الطلاب مظاهرتهم وصلت صينية الاتحاد الاشتراكى ولا لســه ؟
نشترى الدقيق ونخزنو فى البيت ولا لم يحن الوقت بعد
|
Post: #80
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: باسط المكي
Date: 09-12-2010, 07:26 AM
Parent: #79
| Quote: المدعو أعلاه لا يعنيني في شئ ، فهو قد بلغ من العمر مبلغاُ ، وأصبح عاجزاُعن كل شئ ، كما إنه مريض في حوجة الي أن نشفق عليه ، فلا تحمل كلامي أكثر مما يحتمل ، وحاول الوصول الي فكرة البوست وما أريد قوله! |
كل هام وانت بخير
ياخي غير بدل
كلامك ..دة ماعندو علاقة بالعنوان
|
Post: #81
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 01:30 PM
Parent: #80
Quote:
اهـــا طلائع الثورة الطلاب مظاهرتهم وصلت صينية الاتحاد الاشتراكى ولا لســه ؟
نشترى الدقيق ونخزنو فى البيت ولا لم يحن الوقت بعد
|
إنتو كل واحد حيجي يرمي لي سؤال ويمشي ونحن راجينكك تشعللوها؟
بعدين هي الثورة خليها في الأول تشتعل بعدين نشوفها وصلت وين!!
قبلما تشترو دقيقكم في الأول أشعلو الثورة ، المآكلين ليها شنو وكت ثورة ما أشعلتوها!
|
Post: #82
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 01:43 PM
Parent: #81
Quote: كل هام وانت بخير
ياخي غير بدل
كلامك ..دة ماعندو علاقة بالعنوان |
وأنت بخير ،،،
كلامك ده زاتو ما عندو أي علاقة بموضوع البوست وعنوانه!!
ثم إن ردي كان علي إفادة الأخ أسامة كما هو موضح أدناه ، وهو رد يتعلق مباشرة بما إعتقده هو!!
Quote:
يمكنك أن تطارد شخصا ما هنا فى البورد وتحاول أن تقتص منه فى أمر قديم....
فيا أخى الكريم أنتبه لما تريد أن تنتقم وتستخف به من الأخ هشام هبانى...
|
علي كل شكرا علي لفت الإنتباه الي العودة لموضوع البوست ، عليه فإليك الأسئلة التالية وهي نفسها وجهت للأخ أسامة :
Quote: ١- كيف يجروء أحد وهو يجلس هانئاُ مرتاحاُ في معيشته ، لا يجد أدني مشقة في توفير لقمة عيشه أن يعتقد بأن بإمكانه تحريك أربعين مليون سوداني للقيام بثورة أو مظاهرة؟
٢- كيف يتصور هولاء أن أربعين مليون سوداني يوافقونه الرأي والفكرة وأن بإمكانه أن يحركهم وفق ما شاء وقت ما شاء؟
٣- ثم انه ، ما السبب في عدم توجههم الي الخرطوم وفوراُ للقيام بتلك الثورة؟
٤- مند متي كانت الثورة والمظاهرات تشعل بالإنابة ، فصاحب الفكرة أولي بفكرته؟
٥ - ألا توافقني الرأي ان طلب القيام بثورة أو مظاهرة لشخص يقيم في أقاصي الدنيا لشخص يكتوي بنار الواقع وله من الهموم ما تنوء بحمله الجبال ، لهو منتهي الأنانية إن لم يكن منتهي الجبن؟
٦- في رأيك ، متي سيتحرك هؤلاء المنظراتية ليوافق فعلهم عملهم؟
٧ - سأسالك سؤال مباشر وواضح وأرجو أن تجيبني بوضوح وشفافية وبشكل مباشر أيضا ، هل تستطيع أن تغادر أنت شخصيا للخرطوم فوراُ لقيادة مظاهرة أو إشعال ثورة؟ أريد أجابة مباشرة ومسببه.
|
أنتظر منك إجابات مباشرة وواضحة.
وشكراُ.
|
Post: #83
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-12-2010, 03:09 PM
Parent: #82
هي الثورة دي قايلنها شنو؟ قايلنها بنقوية؟ تعاين يمين شمال ما تلقي بوليس تقوم تشعلها وتركب فيلك والظلط؟
أرحمونا يا أيها النضلاب!!
|
Post: #84
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: ياسر بيناوي
Date: 09-13-2010, 01:54 AM
Parent: #83
Quote: عاجل عاجل عاجل كلــــــبة تضاجع نملة أمام الجامع الكبير ، بتقدر تقول ليهو جنس كلامك ده؟ أها رأيك شنو؟
|
والله لو في زول فتح بوست زي دا يبقي معتوه
ومافي ايي سبب يحميني اقول ليهو يامعتوه
وانت ذاتكـ لو حاولت تقلدو تبقي معتوه زيو
وبعد كدة مفروض نحول اسم المنبر لي معاتيه اونلاين
لكن بالجد الممحني بوسيتكـ دا والله ماعرفلو جيهتن اوديهو عليها
ان قلنا جادي تبقي مصيبة
وان قلنا ظرافة منكـ ساي ماعندو اي علاقة بالظرافة
وان قلنا زعل مافي زعلن يخلي الزول يشاتر قدر دا
نان نقول شنو ....؟
عليك الله وضح افصح ابن ياخ
خالص الود
|
Post: #85
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-13-2010, 02:04 AM
Parent: #84
Quote:
والله لو في زول فتح بوست زي دا يبقي معتوه
ومافي ايي سبب يحميني اقول ليهو يامعتوه
وانت ذاتكـ لو حاولت تقلدو تبقي معتوه زيو
وبعد كدة مفروض نحول اسم المنبر لي معاتيه اونلاين |
اتفتح وإنتهي ، وناس قريعتي راحت جات تتخفف وتتلفف وهاك يا قرقرة ، وشابكنو ليك : الله يجازي محنك ، وقطعت مصارينا من الضحك .... وهلم جرا.
خايفك تكون في نصهم انت ذاتك ، وما قدرت تقول بغم ، بالمناسبة لسه نفس العضو في حركاتو دي ، بس إنت أقعد أعمل لي ماشايف ونضارتي سرقوها وباقي الحنك العاضي داك!
|
Post: #86
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-13-2010, 02:09 AM
Parent: #85
Quote:
لكن بالجد الممحني بوسيتكـ دا والله ماعرفلو جيهتن اوديهو عليها
ان قلنا جادي تبقي مصيبة
وان قلنا ظرافة منكـ ساي ماعندو اي علاقة بالظرافة
وان قلنا زعل مافي زعلن يخلي الزول يشاتر قدر دا
|
يا زول إنت المساخة ليك شنو؟
إنت وكت أصلك مخك تخين للدرجة المقعدك هنا شنو؟
بعدين تعال هنا : إنت باسورردك ده أدوك ليهو في مقايضة بي شوال بصل ولا شنو؟
المفروض يتم إعادة منح الباسووردات من جديد ، ويمررو الناس عبر جهاز كشف الغباء!!
الزول ده يا أخوانا بتظارف ولا طارح نفسو كزول قطيم وكده؟ ولا عامل فيها رب المساخة؟
|
Post: #87
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-13-2010, 02:19 AM
Parent: #86
بعد المساخة واللطاخة دي كلها قال لي : خالص الود!!
إيه العالم دي!
والله الخوف تكون ما عارف خالص الود يعني شنو؟ تبقي كارثة!!
بكون مالو ده يا عزيزي القارئ؟
|
Post: #88
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: ياسر بيناوي
Date: 09-13-2010, 02:33 AM
Parent: #87
Quote: إنت وكت أصلك مخك تخين للدرجة المقعدك هنا شنو؟
بعدين تعال هنا : إنت باسورردك ده أدوك ليهو في مقايضة بي شوال بصل ولا شنو؟
المفروض يتم إعادة منح الباسووردات من جديد ، ويمررو الناس عبر جهاز كشف الغباء!!
الزول ده يا أخوانا بتظارف ولا طارح نفسو كزول قطيم وكده؟ ولا عامل فيها رب المساخة؟ |
انت انا بتغابي ليه
عشان خايف يكون قصدكـ
اها عاد ان بقيت بالجد بتتظارف دابا المغسة بتشقني
واقعد اعضعض في اصابعي من الندم علي شوال البصل الراح شمار في عوارة
وتاني خالص الود
بالمناسبة يا ابو المفهومية والذكاء اللماح
انت خالص الود يعني شنو ...؟
|
Post: #89
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-13-2010, 02:40 AM
Parent: #88
يا أخوانا ، خاشين علي رابع يوم في العيد ، لا حس ، لا خبر ، الدبارة شنو؟ نجيب ليكم ثوار مساعدين من الدول المجاورة ولا شنو يعني؟
|
Post: #90
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: 7abib_alkul
Date: 09-13-2010, 10:02 AM
Parent: #89
| Quote: يا أخوانا ، خاشين علي رابع يوم في العيد ، لا حس ، لا خبر ، الدبارة شنو؟ نجيب ليكم ثوار مساعدين من الدول المجاورة ولا شنو يعني؟ |
يا زول لا حس لا خبر كيف؟
الظاهر عليك اوف لاين
نحن قمنا بالواجب وعملنا ثورة مبالغة امس كانت كانت اوفر نايت وبي ساون
وصورناها فيديو برسلها لهباني انزلها ليكم مع ثورات اليوتوب حقته ديك
ونرسلها مكتوبة لتراجي تنشرها في موقع ثورات اون لاين
وحاليا في غرفة عمليات منعقدة في ماسنجر هوتميل بنرتب لتحرك المباشر نحو القيادة العامة
وعملنا بحث في محرك قوقل عشان نجمع الثورجية لتولي قيادة الخطوط الامامية
بس انت علي اعتبارك قائد الثورة الجديدة لازم تكون بعيد لانك انت رمز للثورة اول ما نستلم القصر
بعمل ليك اشعار في الفيس بوك انت تجي تستلم طوالي
بس كان الكونكشن قطع ثورتنا تبقي اوف لاين
|
Post: #91
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-13-2010, 01:42 PM
Parent: #90
Quote: يا زول لا حس لا خبر كيف؟
الظاهر عليك اوف لاين
|
ده شنو ده؟ يعني الثورة دي عملتوها كتيمي كده ولا شنو؟
دي ثورة ولا صبحية؟
|
Post: #92
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-13-2010, 01:47 PM
Parent: #91
Quote:
نحن قمنا بالواجب وعملنا ثورة مبالغة امس كانت كانت اوفر نايت وبي ساون
وصورناها فيديو برسلها لهباني انزلها ليكم مع ثورات اليوتوب حقته ديك |
كلامك ده بيأكد لي انكم لا ثورة أشعلتوها ، لا إذاعة حاصرتوها ، قول لي ليه؟
لأنو لو ده حصل المذكور عاليه كان ملئ لينا المنبر ببوستات علي نسق : فضيحة فضيحة فضيحة فضيحة فضيحة فضيحة عاجل عاجل عاجل عاجل عاجل عاجل عاجل عاجل و.....هلم جرا.
وبرضو كنت لقيت ليك عناوين علي نسق : التحية للبورداب البواسل ، لحدي هنا مهمتكم إنتهت ، باقي الشغل خلوهو لينا ، لمن نحتاج ليكم بنعمل ليكم مس كولات.
|
Post: #93
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-13-2010, 01:54 PM
Parent: #92
Quote: بس انت علي اعتبارك قائد الثورة الجديدة لازم تكون بعيد لانك انت رمز للثورة اول ما نستلم القصر
بعمل ليك اشعار في الفيس بوك انت تجي تستلم طوالي |
آي بالله ده الكلام الصح ، أخوك ما بقدر علي الحراية وســــخـــانة السودان الصعبة ديك ، خلوني في الطراوة دي لحدي ما الأمور تتسبك تمام وتبقي جاااااااااهزة حتن تعمل لي إشعار في فيس بوك ولا رسلو لي بالدي اتش الـ . وإن شاءالله ستجدني من الحاضرين.
بس في حاجة ، لما أجيكم وأمسك القيادة ، البروفايل بتاعك لازم تشوف ليهو طريقة تضايرو كده ولا كده ، عشان ما أزعل منك!!
|
Post: #94
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-15-2010, 04:40 PM
Parent: #93
أها وصلتو وين يا ثوراب؟
|
Post: #95
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-20-2010, 09:59 PM
Parent: #94
أها أشعلتو؟
|
Post: #96
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-24-2010, 02:16 AM
Parent: #95
وتييييييييييب؟
|
Post: #97
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-24-2010, 10:27 PM
Parent: #96
عملتو لينا شنو في الموضوع ده؟
|
Post: #98
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 03:43 PM
Parent: #97
بصراحة كدي أفتكر الثورة دي فشلت ، عليه أوجه هذا النداء الأخير لكل مناضلي الكيبورد في الخارج:
|
Post: #99
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 03:45 PM
Parent: #98
السادة مناضلي الكبيورد
السيدات الفضليات مناضلات الكيبورد
السلام عليكم ورحمة الله تعالي وبركاته،،،،، أما (باد) : -
|
Post: #100
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 03:49 PM
Parent: #99
يعني إنتو قاعدين في تكساس وواشنطون وبرشلونة وقلقلونا وسويسرا وباريس ولندن وشنغهاي وشندي فوق بتاعة السويد ، وفي نفس الوقت عايزين بورداب الخرطوم يطلعو ليكم مظاهرة ويشعلو ليكم ثورة لأنو في موضوع معين كده إنتو ما عايزنو يحصل من الحكومة دي ، يعني عايزين ثورة وكمان بتتشهو!
أيوااااااا.
|
Post: #101
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 03:50 PM
Parent: #100
أما بلغكم أن :
|
Post: #103
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 03:53 PM
Parent: #101
ان الناس في السوان عموماً والبورداب علي وجه الخصوص ، عندهم من المشاغل ما لا تستطيعو حتي تذكره وأنتو في بلاد الفرنجة تأكلون البيتزا بالموزريلا جيز والاسترمبولي والهوت وينقز والماوتين ديو؟
|
Post: #102
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: المكاشفي الخضر الطاهر
Date: 09-25-2010, 03:51 PM
Parent: #100
بوست لذيذ ذي سمك عمك بلة وعمك شعيب
ههههههههههههههههههه
|
Post: #104
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 03:58 PM
Parent: #102
ما عارفين إنو في بورداب لسه عايشين في بيوت أيجار وبياخدو ماهية وبيركبو مواصلات وومرات بيمشو كداري ومرات بستنو الملح ومرات بيعملو ( مروحة ) للفطور ومرات للغداء ومرات برضو للعشاء عشان يقدرو يوفرو مبلغ محتاج ليهو عشان يودو أمو ولا أبوهو للدكتور وعشان عارف أنو الدكتور حيكتب ليهو روشتة عايزة شوال بتاع كنجالات عشان يوفر الدواء ده؟
أما بلغكم هذا؟
أأأأأأأأأأأ؟
|
Post: #105
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:03 PM
Parent: #104
أما بلغكم أن :
في بورداب حتي الماهية السجمانة دي ما لاقينها ، يعني شغالين رزق اليوم باليوم ، اليوم كلو ضهرو مكسور عشان يطلع ليهو بي قريشات يوفر لقمة عيش لي بيتو ولي نفسو ، ويحرم نفسو من الفطور لأنو ما عارف بكرة حيكون عندو قروش ولا لا.
أما بلغكم هذا؟
أأأأأأأأأ؟
|
Post: #106
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:08 PM
Parent: #105
أما بلغكم يا مناضلي الكيبورد أن :
في بورداب بيكابدو أسباب الرزق لأنو عندو حاجة إسمها جمرة خبيثة معفنة لازم تتشحن والا الأولاد ما حيقدرو يذاكرو للأمتحان الفاضل عليهو يوم واحد بس ، وإنو الشفع بالصباح عايزين حق الفطور وعايزين حق المواصلات وعايزين حق الدروس الخصوصية وعايزين هدوم وعايزين كراسات وعايزين شبط وعايزين شنطة وعايزين قلم وعايزين علبة هندسة وعايزين رسوم وعايزين وعايزين وعايزين ، وإنو ديل أطفال ما بيفهمو كلامكم الكبارا كبار داك ، ولما يقولو عايزين لازم العايزنو يتنفذ فوراً؟
أما بلغكم هذا؟
أأأأأأأأأ؟
|
Post: #107
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:14 PM
Parent: #106
أما بلغكن يا مناضلات الكيبورد الماجدات :
ان البورداب ليهم زوجات وليهم التزامات إجتماعية وأسرية وإنو البوردابي عليهو في كل صباح أكرر كل صباح وتاني أكرر كل صباح يخلي في البيت حق الخضار وما أدراك ما حق الخضار ، وحق الزيت وحق اللبن وحق العيش وحق اللحمة وحق النفايات وحق الغاز و حق الفحم و حق الجاز و حق المواصلات لبيت البكاء ولا العرس ، وحق الحنه وحق الحاجات التانية وماأدراك ما حق الحنة ، هل نسيتنها؟
أما بلغكن هذا؟
أأأأأأأأأأأأ؟
|
Post: #108
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:20 PM
Parent: #107
أما بلغكم يا مناضلي لكيبورد :
انو الساعة اطناشر نصت النهار ، البوردابي بيكون مسخن سخانة تلحم وأنو ما لاقي ليهوحتة يقيف ويرتاح فيها من شدة الحر ، وإنو لو مشي البيت الكهرباء بتكون قاطعة ، هل تصدق يا عزيزي مناضل الكيبورد أنو لسه في بورداب ما عندهم كهرباء ، وأنو في بوردابي ما عندهم تلاجة ، وفي بوردابي ما عندهم مطبخ ، وفي بوردابي ما عندهم بوتجاز ، وفي بوردابي ما عندهم مروحة وفي بوردابي ما عندهم مكيف؟ هل تصدق هذا يا عزيزي مناضل الكيبورد المرطب؟
أما بلغك هذا يا كيبوردابي؟
|
Post: #109
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:24 PM
Parent: #108
عزيزي مناضل الكيبورد وعزيزتي مناضلة الكيبورد :
أعرف أنكم طولتو شديد من السودان عشان كده عايز أسالكم : هل تتذكرو الكتاحة الغبار؟ أأأأي الكتاحة الواحدة دي ، بتتذكرو لما الواحد يصحي الصباح يلقي نفسو مرسوم في الملاية وعامل زي الزول الطالع من جوا شوال دقيق ناااااعم؟
هل تذكرون؟
أأأأأأأأ؟
|
Post: #110
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:29 PM
Parent: #109
يا مناضل الكيبورد:
إنت بتكون قاعد بتطقطق الكيبورد ولما تجوع بتشيل سماعة التلفون وتضرب بيتز هوت وتتشهي وتطلب أكلك ، وإنت لسه بتطقطق وتناضل لا سليكاً البيتزا بتكون وصلت ودقو ليك جرس الباب ، والبيتزا بتجيك مغتغتة زي العروس وبوخها يلوي ، تقوم تضرب البيتزا ومعاها الكولا "الصااااااقطة" وتترع وتواصل طقطفتك.
صح الكلام ده ولا أنا كضاب؟
أأأأأأأ؟
|
Post: #111
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:43 PM
Parent: #110
يا مناضل الكيبورد :
إنت بتكون مشيت لي ناس السوشال وحكيت ليهم قصص عجيبة ولفقت لي حكايات وكتلت ضلك وإتضبلنت وكاتل حيلك واتمسكنت وإتماوتا عشان تاخد السوشال والإمتيازات بتاعتهم ، وبي كده حتاخد الويلفير وسكشن ايت والمديكير وشيكات الويك ، يعني تسكن مجان وتآكل مجان وتتعالج مجان وإنت قاعد في البيت وكاسر ركبة وعامل فيها مسكين "دقل" ، وكل أسبوع بتشيل شكيات الويك وتغشي أتخن سوبر ماركت وتشيل كل إحتياجاتك من : لبن ، ولحم ، وعيش ، وجبنة ، وزيت ، وزيتون ، وسمك ، وبطاطس ، وبصل ، وتوم ، وبهارات ، وبيض ، وجمبري، وبقوليات، وسيريال ، وهوت دوق ، وبرتقال ، وتفاح ، وخيار ، وليمون ، ..... وهلم جرا ، وبعد تلقط الحاجات دي تجي تقيف مع الناس في الصف للكاشير ولما يسألك من القروش تقوم تطلع ليهو شيكات الويك والناس تعاين ليك شذراً ويقولو ده شنو ده الزول ده رقبتو السيف ما يدليها لابس وقاشر ومتريح وبياخد الحاجات دي مجان ليه؟ ليه نحن ندفع ضرايب متلتلة ونشتغل ونتعب ليل ونهار عشان تمشي لي زي ديل؟ وإنت واقف زي اللوح اللتخ تتلفت وكأن الأمر لا يعنيك!
صح الكلام ده ولا أنا كضاب؟
أأأأأأأأ؟
|
Post: #112
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:47 PM
Parent: #111
Quote:
بوست لذيذ ذي سمك عمك بلة وعمك شعيب
ههههههههههههههههههه |
مين بله ده كمان؟
|
Post: #113
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 04:51 PM
Parent: #112
أما بلغكم أن البوردابي بالخرطوم "يأكل الملوحة" ويمشي في الأسواق ويسف التمباك ويقعد في اللساتك؟
|
Post: #114
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 05:07 PM
Parent: #113
وتيييييييييييييييييب؟
|
Post: #115
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-25-2010, 07:21 PM
Parent: #114
أما بلغكم أيضاً يا مناضلي ومناضلات الكيبورد أن بورداب الخرطوم يأكلون المرس ، والقد قدو ، وخميس طويرة ، والكول ، وأم جنقر ، والبوش ، والجقاجق ، والكوارع ويذهبون الي قندهار في منتصف النهار؟
أما بلغكم هذا؟
أأأأأأأأأ؟
|
Post: #116
Title: Re: عاجل عاجل عاجل إلي بورداب الخرطوم : الرجاء إشعال الثورة حالا!
Author: Mohamed Abdelmotalib Hassan
Date: 09-27-2010, 01:43 AM
Parent: #115
*
|
|