Post: #1 Title: الكتابة في سودانيز اون لاين Author: سلمى تاور Date: 09-07-2010, 02:51 AM Parent: #0
_ ياخي انا لي كم يوم بحاول اكتب لي بوست في البورد دة لكن بغلبني عديل كدة ، بوردابي برلوم
_ عادي ياخي الموضوع ما صعب ، بس انت معيّر البوست بتاعك و ما بتجيك عوجة ، بوردابي سينير
_ أعمل شنو يعني ؟؟؟
_ يعني بس تبتعد عن البوستات الملغمة ، و ما تزعل سيد الحوش عشان ما يكب ليك بوستاتك في الخور ، ترد على المداخلات كلها واحد واحد ، ما تفط ، معلومة ما متأكد منها 200% ما تكتبا عشان حيبلّعوك و حتبلع ، و اتضامن اتضامن ياخ وخليك كائن متضامن . بس كدة ،، شفت ما صعب الموضوع ،، صعب؟؟؟
_؟؟؟؟؟؟؟؟؟؟
عندي احساس والله اعلم اني حاتفهم غلط
الله يستر...
Post: #2 Title: Re: الكتابة في سودانيز اون لاين Author: عصام دهب Date: 09-07-2010, 03:10 AM Parent: #1
مراحب يا سلمى و حبابك عشرة في الغابة ..
جيدا جيتي و أينما كنتي شايتة حتى و لو في قونكم .. أرجي الراجيك ..
لذا يا سلمى ..
أكتبي ساااااكت .
Post: #24 Title: Re: الكتابة في سودانيز اون لاين Author: سلمى تاور Date: 09-12-2010, 08:00 PM Parent: #2
اهلا بيك استاذ عصام و تسلم كتير على الترحيب
Quote: جيدا جيتي و أينما كنتي شايتة حتى و لو في قونكم .. أرجي الراجيك ..
طيّب :)
Quote: أكتبي ساااااكت .
حاكتب :)
Post: #3 Title: Re: الكتابة في سودانيز اون لاين Author: Munir Date: 09-07-2010, 03:17 AM Parent: #1
مرحبتين سلمي .. والله إنتي الظاهر عليك قبل دخولك المنبر ده ذاكرتي كويس جداً وجاية جاهزة موية ونور .. نتمني لك إقامة مريحة ..
Post: #4 Title: Re: الكتابة في سودانيز اون لاين Author: Ashraf el-Halabi Date: 09-07-2010, 03:42 AM Parent: #3
أهلاً وسهلاً سلمى
Post: #5 Title: Re: الكتابة في سودانيز اون لاين Author: د.يوسف محمد طاهر Date: 09-07-2010, 04:27 AM Parent: #4
أهلاً وسهلاً بك سلمى في سودانيز أون لاين ... مع تمنياتنا لك بإقامة إسفيرية طيبة
د.يوسف طاهر إسلام أباد
Post: #6 Title: Re: الكتابة في سودانيز اون لاين Author: عبد الله كسلا Date: 09-07-2010, 04:52 AM Parent: #5
أهلين ومرحبتين يا سلمى ...
أعملي بالنصائح دي ... وما بتجيكي عوجة تبْ ...
برلوم سبقك بفترة بسيطة جداً ...
أتمنى ليك إقامة سعيدة في حوش بكري الكبير ...
Post: #7 Title: Re: الكتابة في سودانيز اون لاين Author: حبيب نورة Date: 09-07-2010, 05:03 AM Parent: #6
Post: #8 Title: Re: الكتابة في سودانيز اون لاين Author: محمد البشرى الخضر Date: 09-07-2010, 07:16 AM
مرحب سلمى "معيّر البوست" دي جديدة و "كائن متضامن" دي ما عندنا افتكر كتبها التلب في جريدة او حاجة كدا الباقي ياهو اضيفي عليه الوش الأخضر البلف بتاع ودالصايم و الكااااك وماتنسي "كل الود"
Post: #9 Title: Re: الكتابة في سودانيز اون لاين Author: Amira Elsheikh Date: 09-07-2010, 07:21 AM Parent: #8
Quote: و ما تزعل سيد الحوش عشان ما يكب ليك بوستاتك في الخور
سلمى ازيك ومرحب بيك ...
سيد الحوش دا مظلوم ظلم الحسن والحسين ..البوستات بخوروها اصحابها بالاساءة والنبذ والشتيمة حمانا الله ..وحماك وطول اقامتك وكفاك شر التخوير يابنية ...
مرحبتين
Post: #10 Title: Re: الكتابة في سودانيز اون لاين Author: بدر الدين اسحاق احمد Date: 09-07-2010, 08:10 AM Parent: #9
كــدا اول حاجــة عشــان التسجيــل ولوازمو ..
الاخــت من بورداب ويـــن ؟
كان مــا بورداب خرطوم كرش الفيل
دربك اخضــر ..فتناك بعافية ونلقاك فى اقرب بوســت
حباب الاخت ... حباب قلمك ... حباب فكرتك ...
Post: #11 Title: Re: الكتابة في سودانيز اون لاين Author: عفاف الصادق بابكر Date: 09-07-2010, 08:42 AM Parent: #10
Post: #17 Title: Re: الكتابة في سودانيز اون لاين Author: Hayat Hussien Date: 09-07-2010, 11:24 PM Parent: #16
يا مراحب حبابك عشره بلا كشرة
والله يا سلمي انا قبلك جيت داخله
توش لا إجم ولا دستور كنت فرحانة شديد
لاني بقيت حبوبة واهلي في البورد ما قصرو
معايا ابدا
Post: #18 Title: Re: الكتابة في سودانيز اون لاين Author: عبدالكريم الامين احمد Date: 09-07-2010, 11:37 PM Parent: #17
هلا يا سلمي وحبابك وماشاء الله شايف الخطاوي الاسفيرية ماشة علي قدم وساق والاقتباسات تتطاقش لوووول.. الكتابة في سودانيز حكايتها حكاية وتتداخل فيها اشياء عديدة ولكن من اهم الاشياء هي ان تجضم البوست بتاعك بما يحتويه وتكون ذو رادات راصدة لكل شاردة وارده به وبي الاجواء المحيطة به.. قل رايك بشجاعة وكن علي استعداد للدفاع عنه بكل حماس وتقبل الراي الاخر بكل اريحية الاحترام للجميع هي المقولة الذهبية ولكن من ابي وتكبر وتجبر فمثل هذا له البوت والنبوت
Post: #19 Title: Re: الكتابة في سودانيز اون لاين Author: محمد علي شقدي Date: 09-08-2010, 00:19 AM Parent: #18
سلمي تاور الف مرحب بيك
اكتبي عن اي شئ 00 فقط الكتابه بصدق هي الاجمل دائما
Post: #20 Title: Re: الكتابة في سودانيز اون لاين Author: Safia Mohamed Date: 09-08-2010, 00:58 AM Parent: #19
Quote: هلا يا سلمي وحبابك وماشاء الله شايف الخطاوي الاسفيرية ماشة علي قدم وساق والاقتباسات تتطاقش لوووول.. الكتابة في سودانيز حكايتها حكاية وتتداخل فيها اشياء عديدة ولكن من اهم الاشياء هي ان تجضم البوست بتاعك بما يحتويه وتكون ذو رادات راصدة لكل شاردة وارده به وبي الاجواء المحيطة به.. قل رايك بشجاعة وكن علي استعداد للدفاع عنه بكل حماس وتقبل الراي الاخر بكل اريحية الاحترام للجميع هي المقولة الذهبية ولكن من ابي وتكبر وتجبر فمثل هذا له البوت والنبوت
دعني اقتبس كلامتك يا هندسة
الف مرحب سلمى
صفية
Post: #21 Title: Re: الكتابة في سودانيز اون لاين Author: زهير عثمان حمد Date: 09-08-2010, 07:49 AM Parent: #20
أهلا بيك سلمي
ولايهمك نحن معك ضد أي وكل مشاكل البورد
وكل عام وانت بخير
كيف باكستان معك ح ترجعي متين تاني
Post: #22 Title: Re: الكتابة في سودانيز اون لاين Author: سلمى تاور Date: 09-09-2010, 05:50 PM Parent: #21
كل سنة و أنتو طيبين و اعتذر على تأخر الرد لأسباب خارجة عن ارادتي _ نوعاً ما_
سعيدة جداً بكل المداخلات و اشكركم على تفاعلكم وترحيبكم
وبرجع ليكم برواقة
سلام
Post: #23 Title: Re: الكتابة في سودانيز اون لاين Author: محمد أبوالعزائم أبوالريش Date: 09-09-2010, 10:36 PM Parent: #22
مرحبتين حبابك سلمى ....
وشايفك جاية مذاكرة و(منّك خوف).
Post: #47 Title: Re: الكتابة في سودانيز اون لاين Author: سلمى تاور Date: 09-12-2010, 10:41 PM Parent: #23
Quote: مرحبتين حبابك سلمى ....
وشايفك جاية مذاكرة و(منّك خوف).
ابداً والله انا مسكينة وما بخوّف حتى أسأل كيكي :)
Post: #46 Title: Re: الكتابة في سودانيز اون لاين Author: سلمى تاور Date: 09-12-2010, 10:35 PM Parent: #21
Quote: أهلا بيك سلمي
ولايهمك نحن معك ضد أي وكل مشاكل البورد
وكل عام وانت بخير
تسلم كتير يا زهير والله بعد كلامك دة تاني عوجة مابتجيني وكل سنة وانت طيب وكل امانيك محققة
Quote: كيف باكستان معك ح ترجعي متين تاني
باكستان ما بطالة قابلة للاستعمال البشري ح ارجع قريب انشالله
لكن انت قصدك وين؟؟؟
Post: #45 Title: Re: الكتابة في سودانيز اون لاين Author: سلمى تاور Date: 09-12-2010, 10:26 PM Parent: #20
Quote: الف مرحب سلمى
صفية
اهلا بيك صفية انشالله تسلمي
Post: #44 Title: Re: الكتابة في سودانيز اون لاين Author: سلمى تاور Date: 09-12-2010, 10:21 PM Parent: #19
Quote: سلمي تاور الف مرحب بيك
اكتبي عن اي شئ 00 فقط الكتابه بصدق هي الاجمل دائما
اهلاً بيك محمد علي الاجمل هو مرورك من هنا شكرا لك
Post: #43 Title: Re: الكتابة في سودانيز اون لاين Author: سلمى تاور Date: 09-12-2010, 10:16 PM Parent: #18
Quote: وماشاء الله شايف الخطاوي الاسفيرية ماشة علي قدم وساق والاقتباسات تتطاقش لوووول..
تلميذتك :)
Quote: الاحترام للجميع هي المقولة الذهبية ولكن من ابي وتكبر وتجبر فمثل هذا له البوت والنبوت
حااااااااااضر
Post: #42 Title: Re: الكتابة في سودانيز اون لاين Author: سلمى تاور Date: 09-12-2010, 10:02 PM Parent: #17
Quote: يا مراحب حبابك عشره بلا كشرة
والله يا سلمي انا قبلك جيت داخله
توش لا إجم ولا دستور كنت فرحانة شديد
لاني بقيت حبوبة واهلي في البورد ما قصرو
معايا ابدا
اهلا بيك حبوبة حياة انشالله تسلمي والله مرورك و ترحيبك فرحني شديد الله يحفظك و يخلي ليك يارب
Post: #41 Title: Re: الكتابة في سودانيز اون لاين Author: سلمى تاور Date: 09-12-2010, 09:55 PM Parent: #16
الرد على سؤالك دة ورد اعلاه او ادناه بما اني لسة ما عرفت تقنية ترتيب الردود
Quote: مرحبتين حبابك ,, ونتمنى ان يكون كي بورك اضافة للمنبر.
اتمنى اكون عند حسن الظن شكرا عبدالعزيز
Post: #39 Title: Re: الكتابة في سودانيز اون لاين Author: سلمى تاور Date: 09-12-2010, 09:48 PM Parent: #15
Quote: أبعدي من الكائنات السمجة وما بتجيك عوجة...مرحبتين يا سلمى ومنورة البورد
منوّر بوجودكم يا ابو اقبال تسلم كتير
Post: #38 Title: Re: الكتابة في سودانيز اون لاين Author: سلمى تاور Date: 09-12-2010, 09:46 PM Parent: #13
اهلاً بيك معاوية
Post: #36 Title: Re: الكتابة في سودانيز اون لاين Author: سلمى تاور Date: 09-12-2010, 09:21 PM Parent: #11
Quote: يا بت ي سلمى .. والله لقيتك مفتتتتتتتحه خلاس ..
ابداً والله دة انا غلبااااااااااانة
تسلمي يا عفاف و يسلم الحوش و ناسو و سيدو
Post: #35 Title: Re: الكتابة في سودانيز اون لاين Author: سلمى تاور Date: 09-12-2010, 09:17 PM Parent: #10
Quote: كــدا اول حاجــة عشــان التسجيــل ولوازمو ..
الاخــت من بورداب ويـــن ؟
كان مــا بورداب خرطوم كرش الفيل
دربك اخضــر ..فتناك بعافية ونلقاك فى اقرب بوســت
الموضوع دة تحديدو صعب تصدق؟؟؟؟؟؟
امممم طيّب بورداب باكستان دي شترا صاح؟؟؟ لكن نعمل شنو الله عايز كدة الى اجل في الاجازات _ زي حسي مثلاً _ بكون من بورداب مسقط
مرات مرات كدة ببقى من بورداب الخرطوم :)
ليه ،،، في حاجة؟؟؟؟
Post: #32 Title: Re: الكتابة في سودانيز اون لاين Author: سلمى تاور Date: 09-12-2010, 09:00 PM Parent: #9
Quote: سلمى ازيك ومرحب بيك
اهلاً اميرة انشالله تسلمي
Quote: سيد الحوش دا مظلوم ظلم الحسن والحسين ..البوستات بخوروها اصحابها بالاساءة والنبذ والشتيمة
انا زاتي قلت كدة :)
طلتك اسعدتني والله تسلمي كتير
Post: #31 Title: Re: الكتابة في سودانيز اون لاين Author: سلمى تاور Date: 09-12-2010, 08:53 PM Parent: #8
Quote: مرحب سلمى "معيّر البوست" دي جديدة و "كائن متضامن" دي ما عندنا افتكر كتبها التلب في جريدة او حاجة كدا الباقي ياهو اضيفي عليه الوش الأخضر البلف بتاع ودالصايم و الكااااك وماتنسي "كل الود"
اهلاً ود البشرى
يعني كدة انا جبت 6/10 صاح؟؟؟؟ المرة الجاية بقفل النمرة :) كل الود لك و لجميع المتداخلين
كااااك و الوش الاخضر البلف بتاع ود الصايم بختهم في موضع تاني بعد ما حبيب نورة يوريني بختو الوش كيف
Post: #30 Title: Re: الكتابة في سودانيز اون لاين Author: سلمى تاور Date: 09-12-2010, 08:46 PM
Quote:
بالمناسبة يا حبيب نورة الوش دة بختوهو كيف؟؟؟؟؟؟؟
Post: #29 Title: Re: الكتابة في سودانيز اون لاين Author: سلمى تاور Date: 09-12-2010, 08:37 PM Parent: #6
Quote: أهلين ومرحبتين يا سلمى ...
أعملي بالنصائح دي ... وما بتجيكي عوجة تبْ ...
برلوم سبقك بفترة بسيطة جداً ...
أتمنى ليك إقامة سعيدة في حوش بكري الكبير ...
يا مراحب استاذ عبدالله شكرا على ترحيبك و اقامتي بتكون سعيدة بوجودكم اكيد
لكن بيني بينك كدة السناير ديل ما برلموك؟؟؟؟؟؟؟ افصح يا راجل سرك في بير :)
Post: #28 Title: Re: الكتابة في سودانيز اون لاين Author: سلمى تاور Date: 09-12-2010, 08:28 PM Parent: #5
Quote: أهلاً وسهلاً بك سلمى في سودانيز أون لاين ... مع تمنياتنا لك بإقامة إسفيرية طيبة
د.يوسف طاهر إسلام أباد
اهلاً د . يوسف شكراً جزيلاً لك واتمنى ان نلتقي يوماً في اسلام اباد
Post: #33 Title: Re: الكتابة في سودانيز اون لاين Author: د.يوسف محمد طاهر Date: 09-12-2010, 09:01 PM Parent: #28
Quote: اهلاً د . يوسف شكراً جزيلاً لك واتمنى ان نلتقي يوماً في اسلام اباد
طيب العيد ما جابكم حتجوا متين ؟ بناتي مثابة , آلاء , مفازة , مريم , وأمهم سلوى بسلموا عليك كثير جداً مع أجمل تحية للابنة : مودة , والابنة مروة
د.يوسف طاهر كراتشي سابقاً ... إسلام أباد حالياً
Post: #48 Title: Re: الكتابة في سودانيز اون لاين Author: سلمى تاور Date: 09-12-2010, 10:47 PM Parent: #33
Quote: بناتي مثابة , آلاء , مفازة , مريم , وأمهم سلوى بسلموا عليك كثير جداً مع أجمل تحية للابنة : مودة , والابنة مروة
بالله انت د. يوسف ابو حافظ؟؟؟؟؟ يا سبحان الله الدنيا دي ضيقة بشكل
تحياتي للاستاذة سلوى و البنات و اخوهم د. حافظ وكل سنة وكلكم طيبين يارب انا انشالله حانزل اسلام اباد قريب واكيد حازوركم
Post: #27 Title: Re: الكتابة في سودانيز اون لاين Author: سلمى تاور Date: 09-12-2010, 08:19 PM Parent: #4
Quote: أهلاً وسهلاً سلمى
اهلاً بيك اشرف شكراً جزيلاً
Post: #25 Title: Re: الكتابة في سودانيز اون لاين Author: سلمى تاور Date: 09-12-2010, 08:07 PM Parent: #3
يا مرحب منير
Quote: والله إنتي الظاهر عليك قبل دخولك المنبر ده ذاكرتي كويس جداً وجاية جاهزة موية ونور
ممكن تعتبرني المدمنة المثالية على سودانيز اون لاين
Quote: نتمني لك إقامة مريحة
بوجودكم اكيد تسلم كتير
Post: #26 Title: Re: الكتابة في سودانيز اون لاين Author: سلمى تاور Date: 09-12-2010, 08:12 PM Parent: #25
يا جماعة والله انا طريقة الرد على المداخلات بالدور دي غلبتني عديل برد على المداخلات واحد واحد ورا بعض بلقى الردود ما نزلت بنفس الترتيب المفروض تنزل بيهو
فيا توروني اعمل شنو يا مافي زول يزعل يقول فطيتو
طيّب؟؟؟؟؟؟؟؟؟؟
Post: #34 Title: Re: الكتابة في سودانيز اون لاين Author: mutwakil toum Date: 09-12-2010, 09:11 PM Parent: #26
سلام سلمى: في البروفايل كاتبة مكان الاقامة حيدر آباد باكستان!!! بتدرسي في جامشورو؟ إل إم سي!؟ ---
Post: #40 Title: Re: الكتابة في سودانيز اون لاين Author: haroon diyab Date: 09-12-2010, 09:53 PM Parent: #34
مرحبتين
Post: #50 Title: Re: الكتابة في سودانيز اون لاين Author: سلمى تاور Date: 09-12-2010, 10:52 PM Parent: #40
Quote: مرحبتين
يا مراحب شكرا هارون
Post: #51 Title: Re: الكتابة في سودانيز اون لاين Author: احمد محمد بشير Date: 09-12-2010, 11:01 PM Parent: #50
يا بت تاور .... الكتابة في سودانيز زي المقلب الحصل لي اخونا البي تحت دة
Post: #52 Title: Re: الكتابة في سودانيز اون لاين Author: سلمى تاور Date: 09-12-2010, 11:06 PM Parent: #51
Quote: يا بت تاور .... الكتابة في سودانيز زي المقلب الحصل لي اخونا البي تحت دة
عليك النبي؟؟؟!!!
Post: #49 Title: Re: الكتابة في سودانيز اون لاين Author: سلمى تاور Date: 09-12-2010, 10:49 PM Parent: #34
Quote: في البروفايل كاتبة مكان الاقامة حيدر آباد باكستان!!! بتدرسي في جامشورو؟ إل إم سي!؟
وصلت تب يا متوكل!!!
Post: #53 Title: Re: الكتابة في سودانيز اون لاين Author: BitAlhana Date: 09-13-2010, 00:41 AM Parent: #49
سلام سلمى كل سنة و انتي طيبة و المكان منور بيك انا غايتو ما عندي نصايح ... رغم اني بوردابية قديمة لكن برضو ما بطال نستفيد من بوستيك و من اسي حجزت قدام
مرحب بيك تاني
Post: #54 Title: Re: الكتابة في سودانيز اون لاين Author: Abdlaziz Eisa Date: 09-13-2010, 03:07 AM Parent: #53
سلامات كل عام وانتم بخير
هلا بيك يا سلمى
Post: #55 Title: Re: الكتابة في سودانيز اون لاين Author: محمد النيل Date: 09-13-2010, 03:28 AM Parent: #54
الاخت سلمى مرحب بيك نصيحتى ليك شوفى اكبر موضوع حايم فى المنبر وخشى توووش وداقشى فيه على طول الباقى ح يكون ليك هين اذكر اول ما جيت جديد لقيت ليك موضوع كبير عامل ضجة اسمو لا للشريعة لا للانفصال... نعم للشريعة نعم للانفصال فيه كتاب بورداب سناير وداقشت معاهم توش كانو لى مية سنة بعد داك اى موضوع تانى بقى لى ساهل جدا
وكل عام وانتى وضيوفك بخير
Post: #56 Title: Re: الكتابة في سودانيز اون لاين Author: Hassan Senada Date: 09-13-2010, 05:06 AM Parent: #55
مرحبتين حبابك سلمى ....
Post: #57 Title: Re: الكتابة في سودانيز اون لاين Author: mutwakil toum Date: 09-13-2010, 05:23 AM Parent: #56
Post: #59 Title: Re: الكتابة في سودانيز اون لاين Author: سلمى تاور Date: 09-14-2010, 05:46 PM Parent: #56
Quote: مرحبتين حبابك سلمى ....
اهلا بيك حسان انشالله تسلم
Post: #60 Title: Re: الكتابة في سودانيز اون لاين Author: سلمى تاور Date: 09-14-2010, 06:03 PM Parent: #55
Quote: نصيحتى ليك شوفى اكبر موضوع حايم فى المنبر وخشى توووش وداقشى فيه على طول الباقى ح يكون ليك هين
انا فعلاً عملت كدة اول مادخلت إستفزاني موضوع ل د.احمد القرشي اعتقد انه اخر مواضعه في المنبر حتى الان ، حسين خوجلي كفى تزييفاً لحقوق الموتى المهم اني كتبت فيه مداخلة وكانت فعلا بداية مشجعة.
اشكرك على النصيحة و الترحيب وكل سنة وانت طيب
Post: #61 Title: Re: الكتابة في سودانيز اون لاين Author: سلمى تاور Date: 09-14-2010, 06:08 PM Parent: #54
Quote: سلامات كل عام وانتم بخير
هلا بيك يا سلمى
اهلاً بيك استاذ عبدالعزيز و كل سنة وانت طيب و تسلم كتير
Post: #62 Title: Re: الكتابة في سودانيز اون لاين Author: سلمى تاور Date: 09-14-2010, 06:14 PM Parent: #53
Quote: سلام سلمى كل سنة و انتي طيبة و المكان منور بيك انا غايتو ما عندي نصايح ... رغم اني بوردابية قديمة لكن برضو ما بطال نستفيد من بوستيك و من اسي حجزت قدام
مرحب بيك تاني
اهلا بيك بت الهنا كل سنة وانت طيبة وربنا يحقق امانيك يارب المكان منوّر بيكم والله
تسلمي كتير مرورك اسعدني
Post: #63 Title: Re: الكتابة في سودانيز اون لاين Author: عبدالله كع Date: 09-14-2010, 06:49 PM Parent: #62
سلمي ازيك ... طبعا المنبر ده فيهو الكورنجيه كمان .. ما كلو سياسه وزك زك بهديك الصورة اعلاه لو هلالابيه .. ولو مارخابيه .. كيييييه
اكتبي زي ما نتي دايرة .. ولاااااا تردي البدور .. واكلي وقشي ايدينك في طرف اي زول هنا ... الناس ديل طيبين لدرجه
تحــــــــــــــــــــــــــــــــ عيد سعيد ــــــــــــــــــــــــــــــــــــيـاتي
Post: #64 Title: Re: الكتابة في سودانيز اون لاين Author: سلمى تاور Date: 09-14-2010, 07:54 PM Parent: #63
Quote: طبعا المنبر ده فيهو الكورنجيه كمان .. ما كلو سياسه وزك زك بهديك الصورة اعلاه لو هلالابيه .. ولو مارخابيه .. كيييييه
اهلين عبدالله يعني ما فيهو حاجة تانية غير السياسة والكورة :) ؟؟؟ غايتو انا ما هلالابية لكن متعاطفة مع الهلال لأسباب عاطفية :)
Post: #65 Title: Re: الكتابة في سودانيز اون لاين Author: عبدالله كع Date: 09-14-2010, 08:11 PM Parent: #64
Quote: يعني ما فيهو حاجة تانية غير السياسة والكورة :) ؟؟؟ غايتو انا ما هلالابية لكن متعاطفة مع الهلال لأسباب عاطفية :)
كل في ياستي .. بس ديل ناس الخرخره .. والكواريك .. وكلامهم كبار كبار بعدين الهلال ده ما ديراهو ما تعاطفين ! تمام يا رفيق ! يا ما معانا يا مع الخيانه ....
وبرضو العيد مبروك عليكم في با كستان و قطر
Post: #66 Title: Re: الكتابة في سودانيز اون لاين Author: سلمى تاور Date: 09-15-2010, 03:05 PM Parent: #65
Quote: بعدين الهلال ده ما ديراهو ما تعاطفين ! تمام يا رفيق ! يا ما معانا يا مع الخيانه ....
كدة يا هلالاب ؟!!! طيّــــــــــــــــــــــــــب انا حالتي من المؤلفة قلوبهم يعني مفروض تكسبوني لصفكم اقوم حسي ابقى مرخابية كيّــــــــــــــه ليك ساي ، مش الموضوع خرخرة و كواريك و حمير عيون و كلام كبار كبار؟!!! الماف شنو؟؟؟ حسن ليكم يا هلالاب
