محمود عبد العزيز... صناعة نموذج فنان الشباب (المشوّه)

لا اشك فى اجادته الغناء

لكن ظهوره بصحة متدهورة على وسائل الاعلام ،
جعل قطاع كبير من المشاهدين (محبين ومتفرجين )
يحكون الكثير من القصص حول (العلة والسبب)

اغلب الذين تحدثت اليهم يرجعون السبب
الى تناول محمود- الفنان الى يحبه قطاع كبير من الشاب - للكحول

وثبوت هذه الفرضية - تناول محمود- الفنان الى يحبه قطاع كبير من الشاب - للكحول وللمخدرات

يستوجب الكثير من الاجراءات ،والاجراءات العاجلة (كمان)

اولها مقاطعة الاعلام السودانى للترويج لنموذج
فنان الشباب الذى يحبه الشباب - وهو مدمن للكحول والمخدرات-

..
المشكلة يا عوض ليست في محمود ، المشكلة في (الإنتهازية ) و(الإستغلالية) التى مارستها وسائل الاعلام ( بالتحديد قناة النيل الازرق في برنامج اغاني واغاني) ..
هذه الحلقات لم تبث على الهواء مباشرة .. الحلقات تم تسجيلها وجمميع طاقم القناة والفنانين المستضافين وكل من شاهدها يعلم تماما ان محمود لم يكن في كامل صحته ..
لماذا سمحوا له بالظهور اذن؟
انها عقلية الربح التجاري واعلانات الاثاثات والبوهية والعصائر الكاسدة..
القناة لم تحرص حتى على توفير بروفات كافية للاغاني فاعتمد الفنانون على (البخرة) .. ورقة معلقة يقرأون منها الاغاني فشوهوها تماما كما لاحظ الجميع في التسجيلات ..

..
محمود بخير ، ولكن قناة النيل الازرق هي من تحتاج الى المراجعة ..

Quote: محمود عبد العزيز .. الإبداع حاضر .. والمؤسسة غائبة! .................................................... محمود عبد العزيز (حوته) كما يطيب لجمهوره الكبير ان يسميه، يعد - حسب الكثيرين من ناقدي الفنون - واحدا من انقى أصوات الغناء السوداني الحديث، أعطى أذن المستمع السوداني فرصة أن تسمع وتستمتع بالفن كما يجب أن يكون : باعثاً لأعلى، من حضور اللحظة الى عتبة الإحساس الأخاذ، عندما تختلط الموسيقى باللحن والكلمات، فيكون البيان سحراً، بكل ما للسحر من دهشة وإبهار. مشى (حوته) في درب الفن منذ صغره لأن الموهبة تقود حاملها كما تشاء، فعرف المسرح، والتلفزيون، والراديو، ثم نمت موهبته حتى صار الآن واحداً من أميز من ظهروا على مسرح الغناء السوداني في العقدين الأخيرين. لم يختلف الناس حول فنان كما فعلوا بشأن محمود عبد العزيز، فجمهوره كبير ولا شك، ومعجبوا فنه مهووسون به لدرجة لا توصف، ولكن هذا لا يمنع من وجود من لا تعجبهم اغنياته، وهذا طبيعي، لأن الأذواق مختلفة، والناس لم يجمعوا حتى على الأنبياءْ والرسل، ولكن تبقى كلمة الغالبية من الجمهور والنقاد مؤكدة أن (حوته) أسطورة من اساطير الفن السوداني، ونغمة لا تخطئها المسامع . غنى محمود أغنيات الحقيبة، وأغنيات جيل الرواد، فمنحها بريقاً خاصاً، وقال كثيرون أنه أعاد تقديم أغنيات الحقيبة تلك للجيل الجديد، وذهب آخرون الى أنه كسر قاعدة ( سمح الغنا في خشم سيدو ). ويبدو ان غناء محمود لأغنيات الآخرين قد خلق عنه إنطباعاً خاطئاً بانه لايملك ما يكفي من أغنيات خاصة به، وهذا بالطبع غير صحيح لأن محمود له أكثر من 125 أغنية خاصة به في تسجيلات الكاسيت التي انتجها ( توجد إحصائية مفصلة عن ذلك يتداولها جمهوره على الإنترنت)، وهذا الرقم لم يصله أي فنان من جيله، ولم يصله حتى كثير من أعلام الغناء السوداني. وخلال مسيرته الفنية الطويلة أنتج محمود عبد العزيز عدداً من شرائط الكاسيت أكثر من أي فنان آخر، وأقام حفلات جماهيرية تشهد عادة حضوراً كبيراً لدرجة تجعل السلطات تتتخذ لها إجراءات تنظيم مشددة، لم تفلح في إيقاف بعض أحداث الشغب التي تعقب الحفلات، مما دفع السلطات الحكومية الى إصدار قرار بمنع محمود من الغناء في الأمكان العامة لعدة سنوات، كسابقة تحدث للمرة الأولى في تأريخ السودان!. يتحدث منتقدو محمود عن أنه لا يلتزم بمواعيده في الحفلات، وأنه لا يهتم بصحته كما يجب، وهذا ما بدا واضحاً خلال ظهوره في برنامج (أغاني وأغاني) التفزيوني هذا الموسم، حيث بدا (حوته) منهكاً وواهناً، ورغم أن هذا صحيح، إلا أن المشكلة الحقيقية لا تتعلق بمحمود نفسه، بل هي مشكلة إدارة وتنظيم وتسويق وتقديم، فالفنان الذي يملك نجومية هائلة كمحمود يجب أن تكون خلفه مؤسسة إنتاج ضخمة، ترعى أموره، وتقوم بتنظيم تعاقداته، وتحدد له ظهوره الإعلامي ومقابلاته، وتشرف على مظهره وملبسه وجدول أاعماله، وهي ثقافة غنائية إنتاجية غائبة عن الفن السوداني الذي تسير الأمور فيه ( بالبركة). نجومية محمود عبد العزيز في السودان لا تقل عن نجومية (مايكل جاكسون) في أمريكا، أو( سيلين ديون) في كندا أو (مادونا) في بريطانيا، ولكن هؤلاء جميعاً لن يظهروا بالهيئة المرهقة التي ظهر بها محمود عبد العزيز في البرنامج التلفزيوني ، ببساطة لأن من خلفهم تقف (مؤسسات إنتاج) تحرص على ظهورهم بالشكل المناسب ولا تسمح بإطلالتهم إعلامياً إذا لم يكونوا مستعدين لذلك. صحيح ان صوت محمود لا يزال مدهشاً، وإبداعه لم يكن منهكاً أو غائباً ، ولكن محمود نفسه لم يكن حاضراً، لأن المؤسسة التي يجب ان تقف خلفه كانت غائبة. محمود في برنامج (أغاني وأغاني) كان حاضر البديهة كعادته، وعندما طلب منه (السر قدور) أن يغني أغنية (كنا داخل روضة مافيش حد سوانا) .. رد بسرعة : هو الزمن داك كان في (روضه) ؟! فضحك الحضور وأكمل (قدور) قائلاً : أيوا كانت في (روضة) وبي مدرسينها كمان! محمود عبد العزيز قدم للمستمعين مشروعاً فنياً جميلاً، ويجب ان يتم توثيقه وحفظه. كم من أاغنيات محمود موجودة اليوم بجودة صوت (إحترافية) عالية تصلح للتعامل معها مستقبلاً؟ قليل جداً ، فمعظم الأغنيات موجودة بنسخة الكاسيت او على CD بعد ان تم تحويلها من نسخة الكاسيت نفسها، وهذا يجعلها غير صالحة للأرشفة وإعادة المعالجة المستقبلية . محمود موجود الآن، وإذا كانت هناك مؤسسة ترعاه ، فيمكنها أن تعيد تسجيل الأغنيات وتوزيعها موسيقياً مرة اخرى لحفظها بطريقة إحترافية، ولكن هذه المؤسسة – للأسف – غير موجودة. قبل سنوات رحل مصطفى سيدأحمد. واليوم إذا بحثنا عن أغنيات ذات جودة صوت عالية بصوت مصطفى فلن نجد الكثير، لأن معظم التسجيلات كانت تتم بإجتهاد شخصي، مجرد ( مسجل وشريط) فقط، وهكذا ببساطة ضاع تراث مصطفى سيدأحمد بذات السبب (غياب المؤسسة خلف الفنان) .. هذه المؤسسة هي التي جعلتنا نستمتع بأغنيات (بوب مارلي) الآن لأنها منتجة بجودة صوت عالية وإحترافية رغم أن بوب مارلي رحل عن الدنيا منذ عشرات السنين. إنها دعوة لأن تكون خلف محمود مؤسسة ترعاه، وتوثق أعماله، حتى يظل إبداعه حاضراً كما كان دائماً، ويغني كما اعتاد : ( مشاوير الفرح عندي.. تطول لمن تشوف عينيك .. مسافات الحزن تقصر .. وكت خطاواتي تمشي عليك !).

وائل تحياتى لك والاسرة الكريمة
واجازة سعيدة وعيد مبارك


هناك خطأ ما وقد يكون مركب
فى ظهور محمود بهذه الصورة المهزوزة

لكن على كل الاحوال

فأن اى حملة اعلامية تروج لمحمود كنموذج

تصبح مجرد اعلان اخر يحث الشباب لتعاطى المخدرت

Quote: اولها مقاطعة الاعلام السودانى للترويج لنموذج فنان الشباب الذى يحبه الشباب - وهو مدمن للكحول والمخدرات

لو على كده ح يقاطعو فنانين كتار خالص
محمود عبدالعزيز فنان ..بلا شك..نسمعو ايوه..لكن حكاية انو الفنان أو
اللاعب الشهير يكون نموذج وقدوة..دى ما اظن يلقوها عند الشباب..
ممكن يقلدوهو فى التسريحة..فى الزى..لكن الحاجات التانية الله اعلم
تحياتى

ناس النيل الازرق حتى البخرة البقرو منها الفنانين اثناء الغنا ما عرفو يختوها كويس !!
خاتينها بجانب الكاميرا ، يعني الفنان بيكون ظاااااهر انو قاعد يقرا من ورقه ...
شوف محمود هنا ، بيبحلق في الورقة ، او الشاشة بتاعت الكتابه ، كيف ؟




وشوف هنا لمن الظاهر الورقة وقعت ، شالها الهوا ، كيف اتجهجه محمود وكل الفنانين الحضور وبقوا يعاااينوا للورقة كيف !



دي اللحظة الاتلعثم فيها محمود ودخل عصام ينقذ الموقف ..



........

بالله مش النيل الازرق هي البتستاهل المحاسبة ؟

شكرا على الصور
والملاحظة

غلبنى اقتبس الصورة الجبتها شاهد ياوائل

لكن لاحظ لمحمود

زول كملان من لحم الدنيا  

Quote: لو على كده ح يقاطعو فنانين كتار خالص

غير الفنانين يتعاطون المخدرات
لكن تاثيرهم ينحصر فى المقربين منهم
بخلاف الترويج لنموذج محمود الذى يتدهور
يوميا على الهواء مباشرة والذى يشاهده ملايين الشباب معجبين
وفى زعمى ان هذا ترويج لنموذج عناد شخصية عامة
فى التعاطى

دا طبعا نقاشنا لاحتمال ثبوت التعاطى

Quote: غير الفنانين يتعاطون المخدرات لكن تاثيرهم ينحصر فى المقربين منهم بخلاف الترويج لنموذج محمود الذى يتدهور يوميا على الهواء مباشرة والذى يشاهده ملايين الشباب معجبين وفى زعمى ان هذا ترويج لنموذج عناد شخصية عامة فى التعاطى دا طبعا نقاشنا لاحتمال ثبوت التعاطى

اكيد..ناس كتير بتستخدم المخدرات..لكن تانى بقول شبابنا الزينين ديل
النموذج المحلى ده ما بقسم معاهم..ايوه يحبو محمود ويجو حفلاتو بالمئات
لكن..يظل تأثيره محدود جدا..فنانين اليوم غير الامس...!
لو فى حاجة اخطر
بعض جماعات الكوميديا التى تصور متعاطى المخدرات..خفيفى ظل..واصحاب
نكتة..وخيال واسع..الضحكة فعلها اقوى من الف اغنية..فـ نحذر هولاء
اولا..

شكرا محمد على هذه الزيادات القيمة

فهناك الكثير من الوسائل الاعلامية التى باتت تروج للمخدرات
بنحو غير مباشر

من بينها نماذج الشخصيات العامة
والكوميديا

وهذا يتطلب حملة تنويير كبري

واعتقد ان هذا الموقع مكان مناسب لبداية حملة ضد المخدرات
بنحو اكثر جدية
يعنى مانبقى زي ناس المرور (نشيل تلاتينا ونتخارج) والمخالفة قائمة

Quote: شكرا محمد على هذه الزيادات القيمة فهناك الكثير من الوسائل الاعلامية التى باتت تروج للمخدرات بنحو غير مباشر من بينها نماذج الشخصيات العامة والكوميديا وهذا يتطلب حملة تنويير كبري واعتقد ان هذا الموقع مكان مناسب لبداية حملة ضد المخدرات بنحو اكثر جدية يعنى مانبقى زي ناس المرور (نشيل تلاتينا ونتخارج) والمخالفة قائمة

فكرة جميلة..
وياريت الناس تجتهد عشان تشوف حل لحكاية المخدرات وتحديدا البنقو
لأنو بكل صراحة تدخينو بقا عادى بالنسبة لبعض الشباب وبلا حياء
يقدم لك احدهم الدعوة للمشاركة بس عشان شاف عيونكـ حـُمر وبس
هناك ضغوط كبيرة يتعرض لها هولاء الاخوان..وبعضهم لمجرد
فشله فى قصة حب وحيدة..بكرة تلقاهو شايل قندولو..فى اعتقاد غبى بانو اللخدر بنسيهو اللخدر
غايتو انا بساعدك فى كل مرة بى رفعة للبوست الحلو
لى فووووق

Quote: فأن اى حملة اعلامية تروج لمحمود كنموذج تصبح مجرد اعلان اخر يحث الشباب لتعاطى المخدرت

و

Quote: شكرا محمد على هذه الزيادات القيمة فهناك الكثير من الوسائل الاعلامية التى باتت تروج للمخدرات بنحو غير مباشر من بينها نماذج الشخصيات العامة والكوميديا وهذا يتطلب حملة تنويير كبري واعتقد ان هذا الموقع مكان مناسب لبداية حملة ضد المخدرات بنحو اكثر جدية يعنى مانبقى زي ناس المرور (نشيل تلاتينا ونتخارج) والمخالفة قائمة

و

Quote: فكرة جميلة.. وياريت الناس تجتهد عشان تشوف حل لحكاية المخدرات وتحديدا البنقو لأنو بكل صراحة تدخينو بقا عادى بالنسبة لبعض الشباب وبلا حياء يقدم لك احدهم الدعوة للمشاركة بس عشان شاف عيونكـ حـُمر وبس هناك ضغوط كبيرة يتعرض لها هولاء الاخوان..وبعضهم لمجرد فشله فى قصة حب وحيدة..بكرة تلقاهو شايل قندولو..فى اعتقاد غبى بانو اللخدر بنسيهو اللخدر غايتو انا بساعدك فى كل مرة بى رفعة للبوست الحلو لى فووووق

الاخوة عوض صديق و محمد عوض
تحية طيبة ...
يعني انتو هسي بالضبط شايفين أنو ظهور محمود في الاعلام
هو ترويج للمخدرات !!!؟
وشايفين انو محاربة ظهور محمود هو محاربة للمخدرات!!!؟

ياناااااااس !!!

؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟
؟؟؟؟؟؟؟؟؟؟؟
؟؟؟؟؟؟؟؟؟؟
؟؟؟؟؟؟؟؟؟
؟؟؟؟؟؟؟؟
؟؟؟؟؟؟؟
؟؟؟؟؟؟
؟؟؟؟؟
؟؟؟؟
؟؟؟
؟؟
؟

يا صاحب البوست ويا محمد عوض
هل من اجابة علي السؤال ؟

Quote: يعني انتو هسي بالضبط شايفين أنو ظهور محمود في الاعلام هو ترويج للمخدرات !!!؟ وشايفين انو محاربة ظهور محمود هو محاربة للمخدرات!!!؟

سلام
انا ليس لدى ادنى فكره انو محمود بستخدم مؤثرات عقليه ولا لا ، ولكن الشى البادى للعيان
انو محمود ما فى كامل لياقتو ، وصحتو تكاد تكون منعدمه ( هذه مجرد ملاحظات) .
ويعلم الجميع ان لمحمود تاثيره ويمثل قدوه لعدد ليس بالقليل من الشباب ، كغيره من المشاهير
========
فهذا يحتم فى حاله ثبوت ادمان محمود او خلافه للمخدرات او الموثرات العقليه يجب منعه لكى لا يتاثر به
من هو يعتبره قدوه ،

ابقى عافيه

سلام

دي مشكلة كبيرة ،،، محمود عاوز ليهو نظام رعاية لانه رجل موهوب ]عني عاوز كوتش بالعربي لانه الطريقة الشغال بيها مدمرة

وظهوره بالطريقة دي اضر بيهو ضرر بليغ يمكن يؤدي لنهايته ،،،،

عموما نحن ما متبعين للطرق بتاعة صناعة النجم التي تتبعها كتير من الدول لانه نحن اي حاجة عندنا عشوائية

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: يعني انتو هسي بالضبط شايفين أنو ظهور محمود في الاعلام هو ترويج للمخدرات !!!؟ !

سفيان تحياتى
لا نري الامر كما عرضت به سؤالك
اتهام بان الترويج لمحمود ترويج للمخدرات

Quote: وشايفين انو محاربة ظهور محمود هو محاربة للمخدرات!!!؟

ثبوت تعاطى محمود للمخدرات
يصادر حق الترويج له فى وسائل الاعلام
ومحمود ليس معنايا فى شخصه
لكنه نموذج لنجوم المجتمع

Quote: ياناااااااس !!

يازوووول !!!!

وش اخدر ضاحك

Quote: دي مشكلة كبيرة ،،، محمود عاوز ليهو نظام رعاية لانه رجل موهوب يعني عاوز كوتش بالعربي لانه الطريقة الشغال بيها مدمرة وظهوره بالطريقة دي اضر بيهو ضرر بليغ يمكن يؤدي لنهايته ،،،، عموما نحن ما متبعين للطرق بتاعة صناعة النجم التي تتبعها كتير من الدول لانه نحن اي حاجة عندنا عشوائية

احنا عندنا طرق متبعة لتدمير النجوم والمواهب مش دعمهم
الكوتش ذاتو بعد مرات بكون حسود..محمود لما جا لى دنيا الفن
السجار الاحمر ده ما كان بعرفوا..بس معروف كويس الوسط
ده وكيمان الحاقدين الفيهو

Quote: الاخوة عوض صديق و محمد عوض تحية طيبة ... يعني انتو هسي بالضبط شايفين أنو ظهور محمود في الاعلام هو ترويج للمخدرات !!!؟ وشايفين انو محاربة ظهور محمود هو محاربة للمخدرات!!!؟ ياناااااااس !!!

اهلين يا اخ سفيان
شايفك طوالى جمعتنا..وقلتا شايفين..؟
ياخى انا لم اوافق صاحب البوست على جزئية محاربة محمود لانو فنانى المفضل!
ياريت تراجع المداخلات كويس..انا قلت لو كده مفروض يمنعو فنانين كتار
من الظهور على اجهزة الاعلام

Quote: لو على كده ح يقاطعو فنانين كتار خالص محمود عبدالعزيز فنان ..بلا شك..نسمعو ايوه..لكن حكاية انو الفنان أو اللاعب الشهير يكون نموذج وقدوة..دى ما اظن يلقوها عند الشباب.. ممكن يقلدوهو فى التسريحة..فى الزى..لكن الحاجات التانية الله اعلم تحياتى

Quote: سفيان تحياتى لا نري الامر كما عرضت به سؤالك اتهام بان الترويج لمحمود ترويج للمخدرات

الاخ عوض الصديق
اهو كلامك بوضوح :-

Quote: اغلب الذين تحدثت اليهم يرجعون السبب الى تناول محمود- الفنان الى يحبه قطاع كبير من الشاب - للكحول وثبوت هذه الفرضية - تناول محمود- الفنان الى يحبه قطاع كبير من الشاب - للكحول وللمخدرات يستوجب الكثير من الاجراءات ،والاجراءات العاجلة (كمان) اولها مقاطعة الاعلام السودانى للترويج لنموذج فنان الشباب الذى يحبه الشباب - وهو مدمن للكحول والمخدرات-

واهو برضو بتأكد كلامك رغم انو انت في الاقتباس الفوق اعتمتده علي اقوال
ناس لكن في الاقتباس الجاي نسيت الناس وطوالي ثبته الحالة :-

Quote: هناك خطأ ما وقد يكون مركب فى ظهور محمود بهذه الصورة المهزوزة لكن على كل الاحوال فأن اى حملة اعلامية تروج لمحمود كنموذج تصبح مجرد اعلان اخر يحث الشباب لتعاطى المخدرت

واستمريت تواصل في ذات الكلام في الاقتباس الجاي و اتذكرته
في الختام والحقته بي احتمالية ثبات التعاطي واهو كلامك:-

Quote: غير الفنانين يتعاطون المخدرات لكن تاثيرهم ينحصر فى المقربين منهم بخلاف الترويج لنموذج محمود الذى يتدهور يوميا على الهواء مباشرة والذى يشاهده ملايين الشباب معجبين وفى زعمى ان هذا ترويج لنموذج عناد شخصية عامة فى التعاطى دا طبعا نقاشنا لاحتمال ثبوت التعاطى

واهو واصلته طوالي وكمان استخدمته محاربة
محمود اعلامياً في التوعية بخطورة المخدرات
عشان تحلل تلاتينك :-

Quote: فهناك الكثير من الوسائل الاعلامية التى باتت تروج للمخدرات بنحو غير مباشر من بينها نماذج الشخصيات العامة والكوميديا وهذا يتطلب حملة تنويير كبري واعتقد ان هذا الموقع مكان مناسب لبداية حملة ضد المخدرات بنحو اكثر جدية يعنى مانبقى زي ناس المرور (نشيل تلاتينا ونتخارج) والمخالفة قائمة

ده السبب الخلاني بوضوح اسأل اسئلتي الفوق دي !.


الاخ محمد عوض سارد عليك بشكل منفصل .

Quote: اهلين يا اخ سفيان شايفك طوالى جمعتنا..وقلتا شايفين..؟ ياخى انا لم اوافق صاحب البوست على جزئية محاربة محمود لانو فنانى المفضل! ياريت تراجع المداخلات كويس..انا قلت لو كده مفروض يمنعو فنانين كتار من الظهور على اجهزة الاعلام

الاخ محمد عوض
تحية طيبة
بالفعل انا المخطي واعتذر منك واليك
و أتمني أن تتقبل هذا .

لك تقديري.

Quote: الاخ محمد عوض تحية طيبة بالفعل انا المخطي واعتذر منك واليك و أتمني أن تتقبل هذا . لك تقديري.

منو القال ليك؟
انا زعلان؟
عاش من شافك ياخ
خلى بالك
احنا كلنا شايلين جراح محمود
وبـ نرتاح ليك..وليهو..بس ياريت..يسيب عنادو
خوف الوجع عليهو بعدين..!
تحياتى لك..والعفو يا خى
وآهو ردنا ليك كلو كان من حوتة
وابداعو
شفتا كيف؟

Quote: ده السبب الخلاني بوضوح اسأل اسئلتي الفوق دي !.

سفيان تحياتى

سؤالك الذى سالته يعنى اننا نروج للحرب ضد محمود شخصيا

وهذا ليس المقصد
لكن الرائج عن محمود هو تعاطى المخدرات
كما فعلت انا وسالت شباب جامعيين فى (هايس مواصلات مايو)
اسال اى شخص فى الطريق العام لماذا وصل محمود الى ماوصل اليه
ستجد الاجابة والتى اعتبرتها فرضية
يجب التعامل معها
واكرر ليس المقصد محمود فى شخصه
لكن ثبوت ورواج علاقة شخص ما بالمخدرات
يمنع عنه الترويج الاعلامى
ايا كانت هذه الشخصية

هذا ماقصدت ايضاحه


 

Quote: واكرر ليس المقصد محمود فى شخصه لكن ثبوت ورواج علاقة شخص ما بالمخدرات يمنع عنه الترويج الاعلامى ايا كانت هذه الشخصية

غايتو يا عوض اخوى فى الغرب الذى يعتبرهم البعض اهل كفر وملذات
عندهم النجوم الكبار ديل تحت المجهر..ولو لاعب كرة قدم مثلا..
بصق ليهو فى وش حكم..فى مباراة متلفزة..بطالبوهو بالاعتذار
علنا..لانو شنو فى اطفال ومراهقين كتار..معجبين بيهو..سودانا
ده بكل صراحة غير..وممكن الفنان يجى لاطى عديل..ويطلع
فى المسرح او التلفزيون..غايتو ياريت لو يكون
فى زول متخصص ويجى يحكى لينا بالضبط
شنو الممكن يحصل..للشباب..ومدى تأثرهم
بالنجوم وتصرفاتهم الشخصية..وهل يمكنها فصلها
عن ابداعهم..؟

Quote: سؤالك الذى سالته يعنى اننا نروج للحرب ضد محمود شخصيا وهذا ليس المقصد لكن الرائج عن محمود هو تعاطى المخدرات كما فعلت انا وسالت شباب جامعيين فى (هايس مواصلات مايو) اسال اى شخص فى الطريق العام لماذا وصل محمود الى ماوصل اليه ستجد الاجابة والتى اعتبرتها فرضية يجب التعامل معها واكرر ليس المقصد محمود فى شخصه لكن ثبوت ورواج علاقة شخص ما بالمخدرات يمنع عنه الترويج الاعلامى ايا كانت هذه الشخصية هذا ماقصدت ايضاحه

يا عوض ولازال سؤالي قائم :-
هل يعني هذا منع محمود من اجهزة الاعلام
لانه يعلم الشباب المخدرات؟
وهل يعني منعه من الاجهزة الاعلامية محاربة
للمخدرات؟