يا محمود عبد العزيز : الغنا ما جضوم ياخي!

في ناس بتفتكر انو محمود عبد العزيز بيغني بي جضومو أو تسريحة شعر!

محمود صوتو طالع من عصبو ، ودمو!

محمود صوتو طالع من أنفاسو!

الكمنجات زغردت عديل مع محمود ، والعجب "محمدية" آخر انسجام!

أداء ولا أروع ، غنا بي مزاج عالي شديد.

سبحان مغير الأحوال من حال إلي حال ، محمود ده وسائل الاعلام بلا إستثناء حاربتو حرب بلا هوادة وحاوت تحطيمو والاساءة اليه ، اليوم كلها ‎- وبلا استثناء ‎- تتمني رضاه وتخطب وده ، والله أيام يا زمان!!

استاذ محمد

كل سنة وانت طيب

محمود امكانياتو مهولة طبعا وموهوب

بس في اغنية ربيع الحب رغم جودة الاداء

محمود ما كان حافظ الاغنية وجاط الكلمات

خليني اشوف الاغنية بصوت ابو السيد عشان تشوف الفرق في الكلمات

تحياتي

Quote: استاذ محمد كل سنة وانت طيب محمود امكانياتو مهولة طبعا وموهوب بس في اغنية ربيع الحب رغم جودة الاداء محمود ما كان حافظ الاغنية وجاط الكلمات خليني اشوف الاغنية بصوت ابو السيد عشان تشوف الفرق في الكلمات تحياتي

يا خليل،،
سلامات.
كل سنة وإنت والأسرة الكريمة وكل الأهل بألف عافية،

معاك إنو محمود عندو مشكلة في الحفظ ، لكن صدقني هو محكوم بالبرنامج الموضوع وبالزمن وكثير البيحكمو ، وبالمناسبة يا خليل نفس ملاحظتك دي لاحظتها في أغنية كنوز محبة ، بالذات في الدخلة الفي نهاية الكوبليه الأول المفروض يقول فيها : "أبقي أسأل عن قلوينا" وهي أجمل حتة في الغنية كلها "مجرد رأي" ، لكن للأسف فاتت علي محمود ، علي كل الأداء عشرة علي عشرة ودي كانت حاجة مهمة لي محمود وجمهوره شديد ، لأنو الناس دخلتها خوفه كده والشفقة حصلت.

شكرا للمشاركة ياخليل وتسلم إن شاء الله ، وعيد سعيد.

خلي الوفي :

Quote: محمود امكانياتو مهولة طبعا وموهوب بس في اغنية ربيع الحب رغم جودة الاداء محمود ما كان حافظ الاغنية وجاط الكلمات خليني اشوف الاغنية بصوت ابو السيد عشان تشوف الفرق في الكلمات

في ربيع الحب كانت من أكتر الغاني اللي بيرددا محمود ايام كان محموووود ..هي من اكتر الاغاني اللي محمود حافظها وقتها وحفلة ما غنا فيها ربيع الحب الناس كانت بتحتج فيها هي وانا فاكرك معاي ..
يا ريتك لو سمعت محمود لما كان بيقول :
إننننننننننننننننننننه الللللللللللللللللللللللحب..
والله يا خليل عن نفسي بعد اسمعها بعتبر انو كده انا خلاص كفاااي محمود شبعت واتشبعت ..
عندي تسجيل قدييم في الكمبيوتر بس المشكلة الصوت ما واضح ..
نعم محمود اكتر فنان ما بيحفظ لكن عندو اغاني كده ما كان بيتلاعب فيها لكنه الزمن وعمايلو ..
اديك سر صغمبروووتي كده لطشتو من زول قرييييييييب جدا من محمود :
الفنان المفضل لي محمود هو سيد خليفة ..
وشرايط محمد احمد عوض لا تغيب عن درج عربية محمود..

الحضور كان في صمت رهيب يستمع لمحاضرة غنائية قيمة!

محمد & وعمر الفاروق ...

تحياتى ...

Quote: نعم محمود اكتر فنان ما بيحفظ

بختلف معاك فى الحتة دى لانو محمود اكثر فنان عندو مقدرة الحفظ من أول مرة والدليل ياعمر من كثرة الاغانى
التى رددها فى مسيرتى ذى مالمست ياعمر انك من المعجبين بمحمود وعن تجربة شخصية كان يدهش ماهر العربى
صاحب تسجيلات البدوى والاستاذ يوسف القديل الملحن وعازف الكمان والمشرف على كل الشرائط الخاصة بمحمود
للبدوى والسنارى محمود كتير جدا وهو جاى فى الطريق لسودانيز ساوند لتسجيل الشريط كان ماهر بشترط فى أغانى
الشريط أغنية مسموعة بحددها محمود وفى الغالب بتكون لمحمد أحمد عوض بضربها طوالى بالقايد بتاع التسجيل ومحمود
كان مريح فنى الاستديو بانة بسجل مرة واحدة بس بدون مراجعات يعنى معظم شرائطة دى بجى بشوت الشريط مرة واحدة

بريح الشركة ومابكلفها حجز استديو وودى اكثر حاجة بترهق الشركات ماديا

ـــــــــــــــــــــــــ

القايد هو أول مرحلة فى تسجيل الشريط وبكون بالفرقة كاملة ذى شغل الحفل والبروفة وبعدها بجى كل عازف بشتغل آلت على حدة فرشة يعنى

Quote: بختلف معاك فى الحتة دى لانو محمود اكثر فنان عندو مقدرة الحفظ من أول مرة والدليل ياعمر من كثرة الاغانى التى رددها فى مسيرتى ذى مالمست ياعمر انك من المعجبين بمحمود وعن تجربة شخصية كان يدهش ماهر العربى صاحب تسجيلات البدوى والاستاذ يوسف القديل الملحن وعازف الكمان والمشرف على كل الشرائط الخاصة بمحمود للبدوى والسنارى محمود كتير جدا وهو جاى فى الطريق لسودانيز ساوند لتسجيل الشريط كان ماهر بشترط فى أغانى الشريط أغنية مسموعة بحددها محمود وفى الغالب بتكون لمحمد أحمد عوض بضربها طوالى بالقايد بتاع التسجيل ومحمود كان مريح فنى الاستديو بانة بسجل مرة واحدة بس بدون مراجعات يعنى معظم شرائطة دى بجى بشوت الشريط مرة واحدة بريح الشركة ومابكلفها حجز استديو وودى اكثر حاجة بترهق الشركات ماديا

بابكر ،،
سلام ورمضان كريم ،

مشكلة حفظ محمود للأغاني دايما بتكون في حلقات زي دي ، وفي ظروف بيكون فيها عامل الزمن والمساحة بتاعة البرنامج ، بتأثر كتير ، وده البيفسر ليك انو محمود في أشرطتو كلها حفظو ميه في المية ، علي كل في ربيع الحب دي واضح جدا انو غني كبليهين بس أكيد للعدد الكبير للمشاركين والمساحة المحدودة للبرنامج ، وفي الغنية دي بالذات افتكر انو محمود ما كان محضر نفسو ليها.

وزي ما قلت لي خليل فوق إنو نفس مشكلة الخفظ ظهرت في البرنامج ده لما غني لزيدان كنوز محبة ، محمود نسي جزء مهم جدا في الغنية.

أهم ما قصدت توصيلو هنا إنو صوت محمود ذهب لا يغيره الزمن.
شكرا وتحياتي.

بابكر التوم:

Quote: محمود كتير جدا وهو جاى فى الطريق لسودانيز ساوند لتسجيل الشريط كان ماهر بشترط فى أغانى الشريط أغنية مسموعة بحددها محمود وفى الغالب بتكون لمحمد أحمد عوض بضربها طوالى بالقايد بتاع التسجيل

تحياتي..
معظم تسجيلات محمود للكاسيت ومع كل حبي لي حوتة فيها مشكلة غريبة جدا ما بيقدر يحسها الا زول بحب محمود شدييد ..كل كاسيت محمود الماستر الجديدة دي غايب فيها احساس محمود بي الغنايعني ما زي كاسيت الحفلات والسبب انو معظم او كل تسجيلات الكاسيت المستر يدخلها محمود بنظام البخرة او زي ما بيقولوا بيقرا من ورقة اثناء التسجيل وهنا انا بلوم شركات الانتاج اللي حاولت تستهلك محمود وتطلع كمية البومات في زمن وجيز (مثلا شريط يا مفرحة وسبب الريد الفرق بيناتهم اسبوع).
محمود زمان كان بيحفظ تمام التمام ويكفي انو كان بيردد اغاني الهادي الجبل غير المسموعة وصعبة الكلمات ..محمود كان بيغني الحفلة عاادي 15 و 20 اغنية مختلفة الفنانين والاستايل..
بس محمود اخيرا بدا يعاني من الحفظ..

عمر الفاروق ...

Quote: كل تسجيلات الكاسيت المستر يدخلها محمود بنظام البخرة او زي ما بيقولوا بيقرا من ورقة اثناء التسجيل

انت يازول ياعازف الوقت داك يابتشتغل فى الاستديو ولا سحار
تعرف هو دا بالضبط الكان بحصل لانو محمود برضوا فية عيب كبير وهو المزاجية فى الغناء وبرغم حبنا لة عدم الانضباط فى المواعيد
عشان كدا الكلفتة بتحصل لما يلموا فية فى التسجيل حتى ولو عاوزين يعيدوا أو يجودوا حتة فى الصوت بصورة عامة تانى يلموا فية حاجة صعبة
الفترة الفاتت كان فى هجوم فى البورد شرس على محمود فى بداية برنامج أغانى وأغانى وكعادة الناس الاستعجال فى الحكم على الامور
وكل الفنانين الموجودين عارفين امكانيات محمود (والحريف بلعب بكركب ) وانا كنت على يقين بانوا بدحض كل مقولات المشككين
بس هو المزاج لما يحكم .....
ــــــــــــــــ
فى بداية التسعينات كنا فى حفل عيد ميلاد ابن الفانة ندى القلعة بنادى الزراعيين المهم قاعدين فى تربيزة فى الخلف جاء
محمود وكان لابس لبسة افريقية كمجاملة سريعة وطالع المهم كان الفنان البغنى أمير حلفا نزل وقدموا طلال حلفا ومن بعدة
جلال حلفا فجاء وقف مسك المايك قام بالتهنئة وبداء يغنى يوما خلتنى الظروف ابقى فنان للحروف
بتاعة تاور لما يجى فى يوما ويجرها الساوند يفصل وتكررت عدة مرات  وكضم مرة واحدة المهم لما رجع كلنا منتظرين
التعليق لما قرب قلن لية شنو يامعلم الساوند زنبوا شنو قال دى اسمها حملا الدفتردار التأديبية  

تعرفوا خلي ده زعلان إنه محمود ما كمل الأغنية عشان كدا شابكنا الزول ما حافظ ,,,
أكتر غنية حافظها محمود و اشتغلها صاح هي الغنية دي
بس كلمة واحدة هي مأوانا قال مثوانا
يكون اليوم داك جاي من عزاء :)


فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوى بالقلب حسرة

...اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوى بالقلب حسرة

هلا ابو السعود

انه الحب فلا تزعل ولا تحمل علينا

كما يقول سيد خليفة

كدي شوف منتصر دا حافظ كيف


[m/v/ccpfwCszf1Q?fs=1&hl=en_US">[/IMG]

والله أزعل لمن أطرشق يا خلي :)

جايب لي ياسر عبدالوهاب الغناي ده لكن معاه بشتنة كلمات ما في زيها

مشيت فتشت ليك سيدها زاتو الله يرحمه ما لقيتها بي صوتو
لقيت منتصر الإنت قاصدو بقول: لا تسل و لا تعتب علينا


الغريبة في ناس بقولوا: لا تسل و ناس : لا تسأل.. لكن الزعل مرفوع :)
و ناس : الجنة مأوانا و ناس : مسرانا و محمود: مثوانا
دي عبقرية جماع الشفيف رحمه الله .

ابو السعود وجدتها بصوت ابو السيد


لم اتبين لو كانت تزعل او تسال
باقي رمضان تقل الاضنين

لكن تحمل علينا موجودة

ورابط الحفظ


http://www.sudanvoice.net/v2/nnnnnnnn1.wav


يا استاذ محمد معليش احتلينا البوست

يا سلام عـليـك يا خلي ياخ!
صحي الغناء سمح في خشم سيدو ثم محمود (عشان أماني ما تزعل)
أبوالسيد بقول كما ردد محمود:
فلا تسأل و لا تعتب علينا
لكن بحة أبوالسيد المحببة تجعلها كأنها فلا تسل
أظن عمار السنوسي كان بقول تسل برضو
بس أبو السيد بقول كمان كانت الجنة مسرانا و هي أجمل و أحلى
فالسرى دليل حركة و بهجة أكثر من مأوى و مثوى الدالة على السكون.
رحم الله أبوالسيد و جماع و متع محمود و إياك بالعافية

Quote: يا استاذ محمد معليش احتلينا البوست

يا خليل ،،

سلام

أبداٌ والله ، العفو ، البوست بوستيك والجميع ، مزيد من المشاركة إن شاء الله.

يا خليل،،

شكرا علي تسجيل سيد خليفة ، لكن بصراحة الأداء بتاع محمود أحلي وبمراحل ، مع تقديرنا وإحترامنا للعملاق المرحوم سيد خليفة ، يا ريت لو السر قدور يخصص حلقة ‎- وياريت تكون الحلقة الأخيرة ‎- لي محمود بس ، يغني فيها أغاني مكتملة.


ودي من زمان لأبوداؤؤد بصوت أداء محمود ، ورينا رأيك في الأداء ، الفرقة الموسيقة برضو أبدعت أيما إبداع :

معروف عن محمود انو قليل الكلام عند إستضافته ، وجمهوره ما متعود يشوفو بيتكلم ، في التسجيل الجاي وهي أغنية كنوز محبة ، اتكلم قليلا عن بشير عباس وعن برنامج أغاني وأغاني ، ده علي الرغم من إنو محمود إختلف مع قناة النيل الأزرق بخصوص مستحقاته ، ورفض إستلام المبلغ الهزيل الاتدفع ليهو ، وإتهم القناة ‎- وبحق ‎- انها ما قيمتو كويس ، ورمي ليهم العشرين مليون ومشي ، نشوف التسجيل : ‎-

Quote: سبحان مغير الأحوال من حال إلي حال ، محمود ده وسائل الاعلام بلا إستثناء حاربتو حرب بلا هوادة وحاوت تحطيمو والاساءة اليه ، اليوم كلها ‎- وبلا استثناء ‎- تتمني رضاه وتخطب وده ، والله أيام يا زمان!!

بالله شفت كيف

Quote: بالله شفت كيف

فعلاً يا وليد الزمن دوار.

سلام وتحية ..
إستمعت كثيرا لهؤلاء الشباب الفنانين .. وأنا من جيل فنانى الزمن الجميل
وأعلامهم فى الغناء ، ..
إلا أننى لم أطرب حقيقة إلا لهذا الشاب النحيف بدنا والرفيع غناء ،
والمتقد توهجا .... ، لونية صوته غير أصوات الشباب ونبراته تخرج
فى جرس بهى تلزمك بالجلوس والإستماع حتى ولو كنت فى عجالة من أمرك ..
مثل هذا الشاب يجب الإعتناء به ودعمه معنويا ولا أقول ماليا لأن مثله تسعى
الدراهم إليه ولا يسعى لها .... شكرا .. ولك تحيتى ...

محمد مختار جعفر

Quote: سلام وتحية .. إستمعت كثيرا لهؤلاء الشباب الفنانين .. وأنا من جيل فنانى الزمن الجميل وأعلامهم فى الغناء ، .. إلا أننى لم أطرب حقيقة إلا لهذا الشاب النحيف بدنا والرفيع غناء ، والمتقد توهجا .... ، لونية صوته غير أصوات الشباب ونبراته تخرج فى جرس بهى تلزمك بالجلوس والإستماع حتى ولو كنت فى عجالة من أمرك .. مثل هذا الشاب يجب الإعتناء به ودعمه معنويا ولا أقول ماليا لأن مثله تسعى الدراهم إليه ولا يسعى لها .... شكرا .. ولك تحيتى ... محمد مختار جعفر

كل سنة وإنت طيب ،،،،،

فعلا محمود فنان مرهف وذو مقدرات صوتية هائلة ، أعتقد ان أفضل طريقة للإعتناء به هو تركه علي حاله ، بدوم مضايقات ، والتدخل السافر في خصوصياته خاصة مع المستوي المتدني للصحافة ووسائل الإعلام الأخري.

.
.

عزيزي صاحب البوست وضيوفه الأكارم

تصدق لو اقول ليك دي أول مرة أسمع محمود عبد العزيز ؟
ياخي الزول ده هو ونادر خدر ماحبيتهم أبداًُ ولا حاولت أسمع ليهم حاجة.


سمعت كل الأغاني الموجودة ضمن البوست وبكل صراحة صوت جميل جداً جداً جداً وغناء بإحساس واداء يطرب .
الف شكر ليك ولهذا الفنان المبدع .

تحياتي وتقديري
.
.

Quote: ياخي الزول ده هو ونادر خدر ماحبيتهم أبداًُ ولا حاولت أسمع ليهم حاجة.

عزيزي أزهري،،،
مع إحترامنا لنادر خضر ، لكن صعب تختهم مع بعض في سلة واحدة!!

شن جاب لي جاب؟

Quote: سمعت كل الأغاني الموجودة ضمن البوست وبكل صراحة صوت جميل جداً جداً جداً وغناء بإحساس واداء يطرب

حاول أسمع ليهو أغنية إسمها الخطوة من دونك ، الخطوة منك كيف؟

إبداع ، شكراً وسلام.

ودي في لحظة خالدة مع رائعة الراحل الخالدي "غريبة الدنيا"

غريبة الدنيا جمعتنا وبيقولو عليها رواحة.

يا أزهري ، هدية ليك الخطوة من دونك :



للأسف ما عارف إسم الشاعر ، ودي مشكلة كبيرة ، ومحمود نفسو ما قاعد يذكر أسماء شعراء أغانيه.

درباً عميق اليم
****
كايس جذور صدفو

*****
مهما الزمن قدفو

*****
من الرياح خطفو
*****
لابد يلاقي القيف
*****
لابد يلاقي القيف
*****