برنامج أغانى وأغانى برنامج للشباب وللأجيال القادمة وليس للكهول والعجزة وأرباب المعاشات!!

يا اخ بريتو البرنامج ونجضتو السر قدور نجاض قبورة!
انشاء الله البرنامج يستمر كدة مليون سنة لى قدام المهم يرتقى بذوق الاجيال القادمة من ناحية الكلمة والمضمون واللحن والاداء بدل اغانى الكليبات الهايفة والمايصة!
دا برنامج محضور وتشهده الملايين قطعا سيعرف الكثيرين بنتاج جيل الغنائى الذهبى ويرتقى بذوق الكثيرين!
يعنى الشباب زى شريف واحمد الصادق وطه سليمان ديل لمن يقعدوا مع قدور وبشير عباس وحمد الريح وصلاح مصطفى موش تواصل اجيا ومحاضرات مجانية عبر القارات لكل السودانيين!
بالله ظبية البص السريع الغناها محمود عبدالعويز دى موش جامعة مفتوحة وديستانت ليرنينق!
الكهول والعجزة وأرباب المعاشات بتاعين البورض ديل راحت عليهم ومفروض يشجعوا اللعبة الحلوة ويمشوا يصلوا التراويح وينوموا من بدرى!
والله الاخراج بتاع الولد مجدى عوض صديق دا براهو متعة ومكسب ودروس مجانية فى فن الاخراج!
الله يطول عمرك يا السر قدور والله لا جاب يوم شكرك اصلو السودانيين أدهم الحسادى وكسير المجاديف ما بشكروا الزول الا لمن يتوسد الحجار!
جنى