Post: #1
Title: هذه الايام ..ظاهرة "الفط" فى اعلى درجاتها
Author: النصرى أمين
Date: 09-02-2010, 11:44 AM
ما عارف السبب شنو؟
عطش ؟
جوع ؟
فلس؟
زهج؟
فتر؟
بقينا ندخل البوست ..نفط الجميع بما فيهم صاحب البوست..
طيب داخلين ليه ؟؟؟
تقول شنو !!
هذا البوست نتيجة لانو رمضان دخل فى العضم
|
Post: #2
Title: Re: هذه الايام ..ظاهرة "الفط" فى اعلى درجاتها
Author: هشام مدنى
Date: 09-03-2010, 12:18 PM
Parent: #1
النصرى...كل عام وانتم بخير
هو يخيل لى حسب التوقيت
يا اخوي فى ناس بتكتب من بلاد درجت حرارتها فوق الـــــ 40
اذا فط بكون كتر خيروا
تحياتي
اها درجة الحرارة هنا 16 وانا عدلت
|
Post: #3
Title: Re: هذه الايام ..ظاهرة "الفط" فى اعلى درجاتها
Author: النصرى أمين
Date: 09-23-2010, 07:46 PM
Parent: #2
سلام يا هشام
معليش للرد المتاخر...
اهو رمضان انتهى ومازال الحال ياهو الحال ...
تدخل بوست تلقى روحك تفط 3 من خمسة متداخلين....
الظاهر الواحد وصل مرحلة من التشبع بقى عارف ماذا يتوقع من معظم الاعضاء..
تلقى العضو وتشوف اسمه....طوالى تعرف حيكتب شنو!!!
ليه متعب روحى واقرا ليهو..
افطو و افط حنانه..
لولا الفط لما بقينا فى هذا البورد كل هذه السنين
لولا الفطفيط لقتلنا الملل ..
|
Post: #4
Title: Re: هذه الايام ..ظاهرة "الفط" فى اعلى درجاتها
Author: HOPEFUL
Date: 09-23-2010, 11:55 PM
Parent: #3
ازيك يا النصري الذي لديه كاميرا HD
اها طالما بقيت بتعرف المتداخل حايكتب شنو
وريني انا ح اكتب شنو ..هاهاهاهاها
وان قررت تفطني .. أهو أكون ساهمت في بقائك بالبورد
شفت كيف!؟؟
|
Post: #5
Title: Re: هذه الايام ..ظاهرة "الفط" فى اعلى درجاتها
Author: النصرى أمين
Date: 09-24-2010, 02:52 AM
Parent: #4
يا هوبفل بعد القنبلة الفجرتها هنا قبل كم سنة فى زول
يقدر يفطك ....
انا شخصيا بقرا ليك كل كلمة بتكبتها ومرات بخش البوست
لمن اشوفك اخر متداخل ...
عارف ليه!!!
عشان اعرف وصلت وين فى بحثك عن الحقيقة..
واحتمالات عودتك لل home team
|
Post: #6
Title: Re: هذه الايام ..ظاهرة "الفط" فى اعلى درجاتها
Author: عمار عبدالله عبدالرحمن
Date: 09-24-2010, 12:42 PM
Parent: #5
العزيز امين النصري ,,
الفطه حارة
لكن في زمن القوالات والشخصنة,, اظن الفطه بتكون أمن ,,
|
Post: #7
Title: Re: هذه الايام ..ظاهرة "الفط" فى اعلى درجاتها
Author: النصرى أمين
Date: 09-24-2010, 01:35 PM
Parent: #6
سلام يا عمار
ابدا الفط ما حار ..
لان المفطوط لا يشعر ولا يعلم بما يفعله الفاطى...
انا شخصيا ولخوفى الشديد من الفطفيط احاول قدر المستطاع
ما اكرر الكلام واتلايق فيهو...
بخصوص الشخصنة ..هى علامة تجارية لكثير من الاعضاء..
مثال:
واحد يكتب بوست عن كسوف الشمس ..يجيهو واحد ناطى
يقول ليهو انت كنت شنو شنو لمن كنت فى الثانوى ...وانك
حمرت لى يوم الوقفة...
(تعديل كلمة الشمس)
|
Post: #8
Title: Re: هذه الايام ..ظاهرة "الفط" فى اعلى درجاتها
Author: الطيب شيقوق
Date: 09-24-2010, 03:06 PM
Parent: #7
النصري
Quote: لان المفطوط لا يشعر ولا يعلم بما يفعله الفاطى...
انا شخصيا ولخوفى الشديد من الفطفيط احاول قدر المستطاع
ما اكرر الكلام واتلايق فيهو... |
الله يجازي محنك ضحكتني نامن وقعت اوردولوب من الكرسي
يا اخي دا احلى بوست في الدنيا لو الناس عارفين
البفطك فطة فطو عشرات عشان تاني ما يفط
|
Post: #9
Title: Re: هذه الايام ..ظاهرة "الفط" فى اعلى درجاتها
Author: النصرى أمين
Date: 09-24-2010, 04:44 PM
Parent: #8
سلام يا شيقوق
كيفنك؟
الفطفيط له ظاهرة رديفة وعكسية فى نفس الوقت وهى
ظاهرة "التعقب"
مثال من وحى الخيال:-
عضو المنبر الانسه بكرية ابوبكر..فتاة جميلة تضع صورتها فى البروفايل..
تكتب معنا فى البورد ...هناك من يتعقبها بهدوء ودون ان تعلم ...
هذا الشخص يدخل الى المنبر بحثا عن مداخلاتها فقط..
يفتش عليها فى الفيسبوك ..ويقوقل اسمها ...
هذا "المتعقب" غير مضر مثله مثله الفطاط ...حتى يبدا فى خطوات عملية
تشعر بعدها بكرية ابوبكر بمضايقاته....
فتحت بوست بخصوص المتعقب
إضافة مادة ال Stalking الى لائحة البورد
|
Post: #10
Title: Re: هذه الايام ..ظاهرة "الفط" فى اعلى درجاتها
Author: النصرى أمين
Date: 09-25-2010, 12:31 PM
Parent: #9
وعملية الفط او الفطيط او الفطفيط عملية شاقة ومرهقة
وتحتاج لخبرة ودراية...
قبل اربع اعوام او يزيد بدات تنتابنى حالات متكررة منها
عملت بوست متسائلا هل منكم من "يفط" مثلى؟؟
تاكدت فيه اننى لست وحدى الذى يعانى من المشكلة(ان صح ان نوصفها كمشكلة)
الفط هو الخلاص
|
Post: #11
Title: Re: هذه الايام ..ظاهرة "الفط" فى اعلى درجاتها
Author: الطيب شيقوق
Date: 09-26-2010, 07:26 AM
Parent: #10
الاخ النصري
الفطان واحد من فنون ادارة البوستات وعادة يفضى لزيادة عدد المتصفحين ولكن بصورة غير مشروعة او على الاقل تتعارض مع ال code of ethics لكتاب المواضيع .
المفطوط عادة بيفترض حسن نية الفاطي ويتوقع ان يعود الفاط للرد على مداخلته لذا نجد عدد القراء يزداد بسبب المراجعة الدائمة للبوست من قبل المفطوط على امل ان يجد ردا عليه من قبل الفاطي .
|
Post: #12
Title: Re: هذه الايام ..ظاهرة "الفط" فى اعلى درجاتها
Author: النصرى أمين
Date: 09-26-2010, 01:09 PM
Parent: #11
سلام يا شيقوق ...
اظنك تتحدث فى مداخلتك الاخيرة عن نوع اخر من انواع الفط(الفطيط او الفطفيط) وهو الفط
الكتابى الذى يمتاز بسقالة الكاتب وثقل دمه وتحييزه وتخندقه فى الردود على
اشحصاء معينين وفط الباقين....
فى بوستينى ده لم اقصد اطلاقا هذا النوع من الفط ...
انا اقصد الفط القرائى .. وهو ان تقرا لبعضهم وتفط بعضهم .....
ان تدخل بوست ..لا تعلق فيه و لا تكتب كلمة واحدة ... وغالبا لاترجع اليه
لاحقا .....
وكل الذى تفعله ان تجد نفسك مدفوعا بقوة مجهولة ان لا تقرا لعضو معين..
هذه القوه تجعل تحرك الكرة الصغيرة فى منتصف الماوس الى اسفل ....
|
Post: #13
Title: Re: هذه الايام ..ظاهرة "الفط" فى اعلى درجاتها
Author: مُحَمَّدٍ عِوَضٌ احْمَدُ
Date: 09-26-2010, 01:42 PM
Parent: #12
سلام
طبعا امس عضو مخضرم فط ليكـ اخوكـ زى الترتيب..يا نصرى
عمكـ شكلو ما برد على من لم يبلغو الحلم الأسفيرى بعد
عموما لقيت ليهو العذر..لما لقيتو دفعة ابوى..وبكتب
البوست والموضوع الواحد تلتمية مرة..اظنو كيتن
فى الباندويث..برضو!
|
Post: #14
Title: Re: هذه الايام ..ظاهرة "الفط" فى اعلى درجاتها
Author: النصرى أمين
Date: 09-26-2010, 10:52 PM
Parent: #13
سلام يا محمد تشكيل(اظن واحدة من الاخوات اطلقت عليك اللقب ده)
بالله الزول فطاك؟
غايتو انا فى زول فى المنبر ده فطانى قبل 7 سنين..
لغاية دلوقتى خاتيها ليهو...
ولابد ليهو ....
اصلو صاحبك بطنو غريقة...
اوعق تخلى حقى ...
عندك ليك فكرة
شوفو بهتم بياتو نوع من المواضيع ...
اعمل ليك بوست يريحو فى حنانو ....
لمن يجى داخل ويعمل مداخلة ..
فطو زى الترتيب (الكلمة عاجبنى عجب)
واتغابى فيهو العرفة ..
وزيادة فى المضرة كل متداخل اكتب ليهو مداخلتين....
دعه يشرب من نفس كاس مغسة الفطيط ....
ختاما يا تشكيل
انا ما قاصد النوع ده من الفط
|
|