افطار رابطة أبناء مروى بمنطقة مكة المكرمة

اقامت رابطة أبناء مروى بمنطقة مكة المكرمة أمس افطارها السنوى بفندق المحمل بجدة وقد شرف المناسبة شيخنا تاج السر ودابراهيم وسعادة العميد عثمان سيدأحمد والعقيد عماد هاشم من شرطة مرور ولاية الخرطوم وشقيقه جمال هاشم والسيد محمد الحسن الهوارى الرئيس الفخرى للرابطة وقد أعتذر عن الحضور الشيخ معتصم العجيمى لظرفه الصحى وقد شاركنا بالحضور الاخوان أسامة يسن من كسلا و محمد محى الدين من شندى وعمرالسر من أمدرمان بالاضافة الى لفيف من أبناء مروى المقيمين بالمنطقة وفى مقدمتهم الأستاذ موسى الحسين المستشار القانونى لمجلس الرابطة والمستشار القانونى الاستاذ هاشم وداعة الله والاستاذ أمين عثمان والمهندس أمير بلال والاخ محمد حسن العوض رئيس اللجنة التنفيذية ونائبه عبدالرحيم بابكر ومعظم أعضاء اللجنة التنفيذية للرابطة بالاضافة الى العديد من أبناء منطقة مروى بمنطقة مكة المكرمة وقد ازدان الحضور بمشاركة الأخ عصام يوسف والذى قام مشكورا بالتوثيق ونرجو أن يساعدنا بانزال بعض الصور، وبعد الافطار شارك الجميع فى ادارة حوار صريح حول الرابطة وتقييم أعمالها وقد تم الاتفاق على عمل لجنة مصغرة برئاسة الأخ الهوارى وعضوية الأخ هاشم وداعة الله وموسى الحسين وأعضاء من اللجنة التفيذية للعمل على تفعيل نشاط الرابطة للفترة القادمة وذلك حتى تكون الرابطة رائدة فى مجال العمل التطوعى والعام كما قدم اقتراح لعمل لقاء جامع فى العيد باسم فرحة العيدوفى الختام تم توجيه الشكر لكل من شارك بالحضور وختم اللقاء بدعوات من الشيخ تاج السر ود ابراهيم بأن يوفق الله الجميع وأن يتم الوئام والوفاق بين أبناء الرابطة خصوصا والسودان عموما وأن يظل السودان وطنا واحدا موحدا.

والله البيسمعك يا الرفاعي قاديني رابطة مروى رابطة مروي يقول مروي دي ما فيها زول غيرك , ياخ في الخبر المنشور اسمك من قريب ولا بعيد ما جابوهو
تاني تعال قول لي رابطة مروي عشان اقول ليك قوم لف
ـــــــ
ازيك يا طارق بخيت

الاخ اساسى
لك التحايا ورمضان كريم وكل عام والجميع بخير

Quote: والله البيسمعك يا الرفاعي قاديني رابطة مروى رابطة مروي يقول مروي دي ما فيها زول غيرك , ياخ في الخبر المنشور اسمك من قريب ولا بعيد ما جابوهو تاني تعال قول لي رابطة مروي عشان اقول ليك قوم لف ـــــــ ازيك يا طارق بخيت

كيف ياأخى يعنى نحن لازم نكتب كل أعضاء اللجنة التنفيذية الحضروا ولا شنو ماقلنا ومعظم أعضاء اللجنة التنفيذية ومن ضمنهم الأخ الرفاعى وهو السكرتير الثقافى والاعلامى للرابطة وقد كان حضورا مميزا أثناء اللقاء كعادته ولمن تجى الصور بتشوفه ولك التحايا مجددا.

اساسي رمضان كريم

مروري اهلها ورجالها يغطوا الشمس

والحمدلله رئاسه المجلس بها من الرجال من نفتخر بهم

والحمدلله كل من ينتمي لتلك البقعه العزيزه هم من اعضاء اللجنه التنفيذيه

والحمدلله انو الرفاعي حجر يقاتل من اجل مروري

والحمدلله انتا يا اساسي بتقاتل من اجل مروري ( والله دمها فيك ومالي عروقك ) حاتمشي وين

نهارك سعيد عزيزي

الاخ عصام يوسف
لك التحايا والود
مازلنا فى انتظار الصور نرجو الا يطول انتظارنا