اهلنا الشمال واكمال توثيق مابداه حاج الماحى ...

اهلنا الشمال واكمال توثيق مابداه حاج الماحى ...


09-01-2010, 10:21 PM


  » http://sudaneseonline.com/cgi-bin/sdb/2bb.cgi?seq=msg&board=300&msg=1283376073&rn=1


Post: #1
Title: اهلنا الشمال واكمال توثيق مابداه حاج الماحى ...
Author: محمد عبدالرحمن
Date: 09-01-2010, 10:21 PM
Parent: #0


واعنى تحديدا القاء مزيدا من الضوء على الاولياء الذين
استغاث به حاج الماحى فى قصيدة التمساح الشهيرة ..

Post: #2
Title: Re: اهلنا الشمال واكمال توثيق مابداه حاج الماحى ...
Author: محمد عبدالرحمن
Date: 09-01-2010, 10:22 PM

التمساح

يا رحمان ارحم بى جودك

يارحمـان ارحم بى جودك دلى الغوث ينزل فى بلودك
سم يا فمى اذكر معبودك قول يا واحدا حى فى وجودك
يا مسعد اسعد بسعودك ونحن نصلى على مريودك
*****
يا رحمان ارحم بى برك يا حافظ فى بحرك وبرك
فى وليانك اطلق سرك خل نيشاتن اليتحرك
*****
آمين آمين يا كاشف الغمه جنب ها الدابى تصبحو رمه
تسلط واحد ايدو مدمه يعجل قتلو قبيح القمه
*****
يا الخلفا الحالكم مرضيه يا اهل البيعه العقدوا النيه
التمساح سكن الشايقيه خلو اليروح نسيا منسيا
*****
يا ابن ادريس عدل نيشانك فوق الكل عامر ديوانك
هم يا شيخ الناس حيرانك فى التمساح بين برهانك
*****
يا ابن ادريس شيخنا النورانى يا صاحب الفتح الربانى
يا ابنو العركى ويا السمانى ارمو سهامكم يا فرسانى
*****
شئ لله يا ذات التجلى صاحب السر والفتح الكلى
يا الغوث البى الكون متولى التصريف هيلك عجلى
*****
يا عبد الوهاب التازى يا اب درعا منسوب بى حجازى
التمساح تمساحا خازى درنا العوم ادونا الاجازى
*****
يا الداسوقى وشيخو رفاعى يا حسن التواع كون واعى
الشبلى وشيبان الراعى ارمو سهامكم يا شجاعى
*****
شئ لله يا اهل الدايره يا الفى الكون اسراركم سايره
ارخو السر فى السحره الغايره خلو الدايره التصبح نايره
*****
وينكم لى وينكم يا قومنا سهرانين نحسب فى نجومنا
التمساح حجر لى عومنا ان ما جيتونا عليكم لومنا
*****
وينكم وينكم يا ديله يا اهل ا لحضره الليله الليله
اجتمعوا وخلوا البهديله التمساح احموهو الشيله
*****
وينكم لى وينكم يا كمل يا لحاق فيكم بتأمل
يا الفوت البى الكون اتحمل عرض الدار روح يتهمل
*****
وينكم لى وينكم يا كسر يا لحاق فيكن بدثر
التمساح بلحيل انجسر امرو عليكن ماب يتعسر
*****
شئ لله يا حسن البصرى صهيب الروم ذا النون المصرى
يا الدباغ ابو سرا يسرى يا ابن المحجوب الناس متحسرى
*****
شئ لله يا اب جلابيه يا عثمان شيخ الختميه
يا الصلاح جمله الاولياء التمساح شوفولو اذيه
*****
شئ لله يا راجل البقعه يا اهل الحضره البعد الهجعه
يا الفكى شيخ الهام اب تسعه شيل الدابى تحتكم بدعه
*****
شئ لله يا عبد القادر محى الدين البحر السادر
يا ود زينب قوم لى مبادر يا ود حاج قول جيتكم حاضر
*****
شئ لله يا راجل البركل يا قايم الليل ماب تكسل
يا عايم بالله اتوكل قول للدود من بلدى اتفضل
*****
يا اهل الركب الفات بى ليلو ما فيكم واحدا شاد حيلو
احمد واحمد واحمد شيلو ود عدلان فوق راسو اديلو
*****
يا ياسين يا ود حميده يا اهل القبه الباقيه فريده
انتو ما ابتا طيتو اكيده ما بتغلبكم هذى الصيده
*****
يا رجاله نورى اتلموا خلو الغفله جميعكم هموا
محمد صالح قام بى عمو لطم الدود بالسر فوق فمو
*****
يابا حمدتو اب نايبا شوكه صاحب سر وايدك مبروكه
يا اب نيران الحقنا بابوكا هم يا شيخ الناس زموكا
*****
يا الفكى شيخ العبد الصالح يا لحاق فى بحر المالح
ود بيلى و عووضه القارح وين حاج عيسى القدر الطامح
*****
يا اب شارب واولاد السته امانى عليكم ليش ها السكته
اسمع يا شيخ القول ليك انت جرت الحين فى بلادكم نكته
*****
الزرق ابوات ود حاج موسى يا الكمل ما فيكن دوسه
البلد الكانت محروسه اتحجر العوم والناس محبوسه
*****
يا ود جابر ليك بنادى قوم با خوانك لا البولادى
يا العجمى اب رزقا صيادى اخدوا الشكره العادى العادى
*****
يا اولاد جابر بى عجميكن قوم الخمسه واكربوا سريكم
نادوا اب رابعه وخلوا يجيكم قتل الدود مو قاسى عليكم
*****
يا وراق يجن حوباتك فى التمساح بين آياتك
خلو يصوب من بلداتك لا يتمسخر فى زوراتك
*****
شئ لله يا رجالتنا شرف الدين فرسان المتنه
صالح السلمى اسمعوا كلمتنا احبسوا الدود لا يطل صفحتنا
يا النبى بى جاهك ثبتنا احفظنا واستر عربتنا
اكوى اعدانا وكيد شامتنا فى الدارين اكتب راحتنا
*****
البنيان يا جمله صحابى الغوث يا قطب الاقطابى
الشبلى وبدوى النشابى ارخو السر فى هذا الدابى
*****
على المحبوب صل يوت يا برا عدد مخلوق جميع لا الذره
نظملوا الماحى قصيده وجرا تنجى الامه فى يوم الحرا
*****
صلاه الله عدد ما لبا وقاف الحج وطواف الكعبه
سلاما جابوا الماحى معبا يعم السيد والال والصحبا

Post: #3
Title: Re: اهلنا الشمال واكمال توثيق مابداه حاج الماحى ...
Author: محمد عبدالرحمن
Date: 09-01-2010, 10:23 PM
Parent: #2

حدث خطا فى العنوان ..العنوان الصحيح :

اهلنا فى الشمال واكمال توثيق مابداه حاج الماحى ..

Post: #4
Title: Re: اهلنا الشمال واكمال توثيق مابداه حاج الماحى ...
Author: محمد عبدالرحمن
Date: 09-01-2010, 10:26 PM
Parent: #3

كل حسب موقعه الجغرافى يستطيع ان يلقى مزيدا من الضوء على الاولياء
الذين استغاث بهم حاج الماحى للقضاء على التمساح الذى هدد الناس
فى تلك المنطقة ...

Post: #5
Title: Re: اهلنا الشمال واكمال توثيق مابداه حاج الماحى ...
Author: محمد عبدالرحمن
Date: 09-01-2010, 10:31 PM
Parent: #4



ومن المعروف ان الشيخ الحاج الماحي بن محمد بن الشيخ بن أحمد بن عبدا لله ولد فى
عام 1789م في قرية الكاسنجر قرب مدينة كريمة وتوفي بها 1871...وهذا يعنى ان الاولياء
الذين ذكروا عاشوا فى هذه الفترة او قبلها ...

Post: #6
Title: Re: اهلنا الشمال واكمال توثيق مابداه حاج الماحى ...
Author: khaleel
Date: 09-01-2010, 10:34 PM
Parent: #4

جاري البحث عن مدحة التسماح يا محمد

لتكون ديباجة لهذا البوست

Post: #7
Title: Re: اهلنا الشمال واكمال توثيق مابداه حاج الماحى ...
Author: khaleel
Date: 09-01-2010, 11:08 PM
Parent: #6

http://www.sudanvoice.net/v2/nnnnnnn5.wav