Post: #1
Title: حكاية الحبشي القلب الترلة في سوبا وفريق الهلال
Author: أبوعبيدة محمد الأمين
Date: 09-01-2010, 02:23 PM
طبعاً أخواننا وحبايبنا من قبيلة بني زرقان المازيمباب تحديداً
الكلام ده بزعلهم شديد وهو:
أول أمس هجمت مجموعة إنكشارية من أخواننا الهلالاب بقرية البويضاء
على عمنا الدكتور/عثمان بابكر عثمان - هذا يجره من يده وآخر يسحب
عمامته وآخر يولول ويتوعد بينما هو يقابلهم بالبسمات والضحكات ، فقلت له
يادكتور الحاصل شنو المريخ جاب راسنا في الطين والجماعة ديل كمان فائزين
الناس ديل لو شالوا الجعرانية دي إلا نرحل من الحلة دي
فضحك كثيرا وأردف قائلاً:
يا إبني والله أنا فرحان شديد لفوز الهلال ده، قلت له ليه يادكتور؟
قال لي ياإبني إنت ماسمعت بقصة الحبشي؟
قلت ليهو حبشي شنو يادكتور؟
قال لي الحبشي جاء سائق ناقلة وقود من بورتسودان وتخطى كل الصعاب
والمطبات التي واجهته ولكنه بكل أسف حين وصل سوباقلب الشاحنة
وصاحب العقل يميز.
|
Post: #2
Title: Re: حكاية الحبشي القلب الترلة في سوبا وفريق الهلال
Author: أحمد الصديق
Date: 09-01-2010, 03:13 PM
Parent: #1
هلا بأخانا الذي جانا
وعيد سعيد
إياهو الفضل نبارك ليكم فيهو؟؟
**
طيب ليه ما جاء بعطبرة ما قريبة؟؟
ولا فيها مطبـات أرضية ولا صناعية؟؟
|
Post: #4
Title: Re: حكاية الحبشي القلب الترلة في سوبا وفريق الهلال
Author: أبوعبيدة محمد الأمين
Date: 09-06-2010, 04:31 PM
Parent: #2
الأخ/أحمد الصديق
كل عام وأنتم بخير
وإن شاء الله نبارك ليكم الجعرانية
قول آميييييييييين
|
Post: #3
Title: Re: حكاية الحبشي القلب الترلة في سوبا وفريق الهلال
Author: تاج السر محمد حامد
Date: 09-01-2010, 03:34 PM
Parent: #1
Quote: قال لي الحبشي جاء سائق ناقلة وقود من بورتسودان وتخطى كل الصعاب
والمطبات التي واجهته ولكنه بكل أسف حين وصل سوباقلب الشاحنة
وصاحب العقل يميز. |
أبوعبيده أخوى
كيفنك ياغالى
كل عام وأنت ومن معك بألف خير
والله يا أبوعبيده الدكتور ده راجل عجيب
جدا .. وعجبنى كلامو لأنو كلو حكم ..
والله يدينا الفى مرادنا
تاج السر
|
Post: #5
Title: Re: حكاية الحبشي القلب الترلة في سوبا وفريق الهلال
Author: محمد البشرى الخضر
Date: 09-06-2010, 05:13 PM
Parent: #3
ابوعبيدة كل عام وانتم بخير
براك قلت المريخ جاب راسكم الطين يعني كان الهلال قلب الترلة دا ح يرفع راسكم؟!!
طموحكم و مرادكم مالو بقى تعبان كدا
|
Post: #7
Title: Re: حكاية الحبشي القلب الترلة في سوبا وفريق الهلال
Author: أبوعبيدة محمد الأمين
Date: 09-20-2010, 06:19 PM
Parent: #5
الأخ الحبيب/محمد البشرى الخضر
كل عام وأنتم بخير
| Quote: طموحكم و مرادكم مالو بقى تعبان كدا |
طموحنا بتاع الجعرانية؟؟؟؟ ولا واحد تاني؟؟؟؟؟؟
كان على الجعرانية نحن جبناها نحن زماااااااااااااااااااااااااااااااان
لكن برضو نقول ربنا يرفع مستوى طموحاتنا جميعاً
بالذات بعد مباراة الأمس دي
|
Post: #8
Title: Re: حكاية الحبشي القلب الترلة في سوبا وفريق الهلال
Author: أبوعبيدة محمد الأمين
Date: 09-20-2010, 11:51 PM
Parent: #5
الأخ الحبيب/محمد البشرى الخضر
أصبحت كيف مع الترلتين؟ أقصد مع القونين ديلاك
فاتني التعليق على هذه العبارة| Quote: براك قلت المريخ جاب راسكم الطين يعني كان الهلال قلب الترلة دا ح يرفع راسكم؟!! |
ياخي لأنه نحن ماقدرنا نرفع راسنا وأقررنا ذلك، فقد قطعنا العشم في من يأتي بعدنا
لأننا الأقدر بحول الله ثم بسند التاريخ الذي يشهد
ولذلك كان كلام عمنا دكتور عثمان من منطلق معرفته بتاريخ الهليل وتهلهله تاريخياً
إتفاق وسيط:
مالي دي نعتبرها القضارف
وأنت كمهندس أكيد تجيد العمليات الحسابية
فكم بقى من المسافة مابين القضارف وسوبا
وهل تقوى الترلة التي إنقلبت مرتين بمالي عفواً بالقضارف
على الوصول لسوبا؟؟؟؟؟
وإن وصلت لسوبا هل يستفيد مالكها أقصد فريقها أقصد هليلها
من تحصيل البنزين أو الكأس؟؟؟؟؟ أم أن النار ستشتعل فيها قبل
سوبا؟؟؟؟؟
غايتو: الله يكضب الشينة وكأني أرى شبح مازيمبي جاثماً على قبو الترلة
أقصد المقبرة......
والله يدينا الفي مرادنا
|
Post: #9
Title: Re: حكاية الحبشي القلب الترلة في سوبا وفريق الهلال
Author: أبوعبيدة محمد الأمين
Date: 09-21-2010, 00:13 AM
Parent: #5
الأخ الحبيب/محمد البشرى الخضر
أصبحت كيف مع الترلتين؟ أقصد مع القونين ديلاك
فاتني التعليق على هذه العبارة| Quote: براك قلت المريخ جاب راسكم الطين يعني كان الهلال قلب الترلة دا ح يرفع راسكم؟!! |
ياخي لأنه نحن ماقدرنا نرفع راسنا وأقررنا ذلك، فقد قطعنا العشم في من يأتي بعدنا
لأننا الأقدر بحول الله ثم بسند التاريخ الذي يشهد
ولذلك كان كلام عمنا دكتور عثمان من منطلق معرفته بتاريخ الهليل وتهلهله تاريخياً
إتفاق وسيط:
مالي دي نعتبرها القضارف
وأنت كمهندس أكيد تجيد العمليات الحسابية
فكم بقى من المسافة مابين القضارف وسوبا
وهل تقوى الترلة التي إنقلبت مرتين بمالي عفواً بالقضارف
على الوصول لسوبا؟؟؟؟؟
وإن وصلت لسوبا هل يستفيد مالكها أقصد فريقها أقصد هليلها
من تحصيل البنزين أو الكأس؟؟؟؟؟ أم أن النار ستشتعل فيها قبل
سوبا؟؟؟؟؟
غايتو: الله يكضب الشينة وكأني أرى شبح مازيمبي جاثماً على قبو الترلة
أقصد المقبرة......
والله يدينا الفي مرادنا
|
Post: #6
Title: Re: حكاية الحبشي القلب الترلة في سوبا وفريق الهلال
Author: أبوعبيدة محمد الأمين
Date: 09-13-2010, 06:16 PM
Parent: #3
الأستاذالصفوة تاج السر محمد حامد
كل عام وأنتم بخير ياصفوة وكل الصفوة
الحكاية هذه يتداولهاحرفاء الكوتشينة و(الوست) تحديداً
تهكماً على البرالمة والمستجدين وغالباً تصدق النبوة
وحيث أن الله هو أعلم بالنوايا فنردد معك Quote:
والله يدينا الفى مرادنا
|
|
Post: #10
Title: Re: حكاية الحبشي القلب الترلة في سوبا وفريق الهلال
Author: فايزودالقاضي
Date: 09-21-2010, 00:19 AM
Parent: #6
| Quote: والله يدينا الفي مرادنا |
آميييين
وينك ياحبيبنا ...مشتاقون ..
ناس افراحها واقفة وناس يتالموا ...
|
Post: #11
Title: Re: حكاية الحبشي القلب الترلة في سوبا وفريق الهلال
Author: تاج السر محمد حامد
Date: 09-21-2010, 02:10 AM
Parent: #10
| Quote: ناس افراحها واقفة وناس يتالموا ... |
ياود القاضى .. غايتو فى ده صدقت وقلت الشئ المفروض نقولو
والله يدينا الفى مرادنا ياغالى ..
يافايز بدورك تورينى .. الزول داك الاسمو أبوعبيده
والمريخابى الاصيل .. أوع تقول لى سافر بدون إحم ولا دستور
والله أنا بزعل شديد لو كان سافر .. دحين ياخوى ورينى
أنا بنتظرك وأقعد ليك فى المكان ده !! سمح ..
تاج ..
|
Post: #12
Title: Re: حكاية الحبشي القلب الترلة في سوبا وفريق الهلال
Author: حبيب نورة
Date: 09-21-2010, 02:40 AM
Parent: #11
غااااااااااااااااااااغ
الله يديك العافية يا بت الشيخ
|
Post: #13
Title: Re: حكاية الحبشي القلب الترلة في سوبا وفريق الهلال
Author: معتصم محمد صالح
Date: 09-21-2010, 04:55 AM
Parent: #12
قلبا .. قلبا .. قلبا ..
كرب ..رب .. رب ,,رب ..
لكن يا عمك هو قلبا براهو ؟؟ ولا قلبوهو ؟؟
تفرق كتير بين انك تقلبا براك .. ويقلبوك ...
جب...جب...جب ...
|
Post: #14
Title: Re: حكاية الحبشي القلب الترلة في سوبا وفريق الهلال
Author: محمد البشرى الخضر
Date: 09-21-2010, 06:28 AM
Parent: #13
يا ود الأمين كيف ياخوي
نحمد الله اصبحنا طيبين و مستفيدين من أخطاء الهزيمة و بنعد للمباراة الجاية في بطولة الكونفيدرالية
واخد بال حضرتك - البطولة .. إلخ - يعني ما مبلغ همنا الميرغني كسلا و اعظم علمنا حي العرب
نجي للموضوع
وحاتك يا غالي ما تتخيل مدى احباطي كيف امس لما قريت ردك الأول دا Quote: الأخ الحبيب/محمد البشرى الخضر
كل عام وأنتم بخير
| Quote: طموحكم و مرادكم مالو بقى تعبان كدا |
طموحنا بتاع الجعرانية؟؟؟؟ ولا واحد تاني؟؟؟؟؟؟
كان على الجعرانية نحن جبناها نحن زماااااااااااااااااااااااااااااااان
لكن برضو نقول ربنا يرفع مستوى طموحاتنا جميعاً
بالذات بعد مباراة الأمس دي |
يعني معقول بعد نيف و اسبوعين ترد علي بطريقة ولا تقربوا الصلاة
لكن لقيتك الصباح رديت على الباقي
اسي عليك النبي كان جمعتهن سوا ورديت على كلامي كوحدة واحدة ما كان أخير وعفيتني من وجع القلب ساي
اسي ما فات شي
كلامي يٌقرأ كدا : إذا كان المريخ جاب راسكم الارض هل هزيمة الهلال ح ترفع راسكم من الطين؟!!
الجزء التاني رد على بتاع الله يدينا الفي مرادنا و يٌقرأ كدا : ليه مرادكم البتشحدوهو من الله يكون هزيمة الهلال
هل نحن متنافسين في نفس البطولة الإفريقية - لا قدر الله  - و الهزيمة دي في صالحكم مثلا
ولا الفكرة فقط الينهزم الهلال و بعد داك الله كريم
اسي دا تفكير "صفوة" - أو كما تدّعون
كدا كيف يا عمك ؟ أظن واضحة بعد دا
|
Post: #15
Title: Re: حكاية الحبشي القلب الترلة في سوبا وفريق الهلال
Author: مجدي عبدالرحيم فضل
Date: 09-21-2010, 07:16 AM
Parent: #14
بو محمد
الفي المراد شنو؟؟
يعني ينقلب الهلال الهلال محتاج لنقطة واحده من مباراتين وهو آخذها لا محال بس لقدام الترله ممكن تصل سوبا بمقطورة دورين وكده بس لقيتكم وحلانين جنس وحل الله يجيب الطين من السماء بدون مطر ،ناس تجي راجله وناس راكبه طيارة ،المهم نصل الفاينال ونعتلي منصات الأنتصار.
واقفين تحننو غالبين تجننو
تاج : اليوم سوف يقلع ابو محمد مغادرا ارض الحرمين للديار
،،،،أبوقصي،،،،
|
Post: #16
Title: Re: حكاية الحبشي القلب الترلة في سوبا وفريق الهلال
Author: عبد اللطيف عبد الحفيظ حمد
Date: 09-21-2010, 07:51 AM
Parent: #15
على قدر أهل العزم تأتي العزائم
وعلى قدر أهل الجزم تأتي الهزائم
يا سبعاب، يا طيشاب، يا بطيخاب، يا فسيخاب، يا وصيفاب، يا عطبراب، يا ميتاب
اختشوا
|
Post: #17
Title: Re: حكاية الحبشي القلب الترلة في سوبا وفريق الهلال
Author: haroon diyab
Date: 09-21-2010, 08:07 AM
Parent: #16
ايوااااااااااااااا
يادووووووووووووووب انا فهمته
Quote: قال لي الحبشي جاء سائق ناقلة وقود من بورتسودان وتخطى كل الصعاب
والمطبات التي واجهته ولكنه بكل أسف حين وصل سوباقلب الشاحنة |
زي دي يعني....؟
ماطار طيرا.... وارتفع....الا كما طار.... لقي .....زي ما...لي كبييييير.....!!!)
الظاهر عليها محتاجة
كاااااااااااااااااااك
وغااااااااااااااااااغ
سلام ياصفوة
|
Post: #18
Title: Re: حكاية الحبشي القلب الترلة في سوبا وفريق الهلال
Author: Nasruddin Al Basheer
Date: 09-21-2010, 08:28 AM
Parent: #17
Quote: قال لي الحبشي جاء سائق ناقلة وقود من بورتسودان وتخطى كل الصعاب
والمطبات التي واجهته ولكنه بكل أسف حين وصل سوباقلب الشاحنة
|
أبو عبيدة يا قريبي
سلام واحترام وكل سنة وإنت بخير
وسلام لأهلي المعاك..
طيب إنت بتقول شنو في البقلب الشاحنة في باب المستودع قبل ما تتحرك؟
______________________
الفريق الطيّركم طيش مجموعتنا..
|
|