Post: #1
Title: نكته ......... !
Author: عبدالله كع
Date: 09-01-2010, 11:55 AM
مساطيل عاملين امسيه ثقافية بعنوان:
((نجيب محفوظ ولا مانجيبه؟ ))
ـــــــــــــــــــــ
واللــــــــــــــــــــه معاك شديد
|
Post: #2
Title: Re: نكته ......... !
Author: عبدالله كع
Date: 09-01-2010, 11:58 AM
Parent: #1
مسطول حُكم عليه بالاعدام ،
سألوه : شنو أخر شي تتمناه قبل تنفيذ الحكم ؟
قال: أتمنئ ان يكون هذا درس لي في المستقبل !!
|
Post: #3
Title: Re: نكته ......... !
Author: عبدالفتاح أبوشيمة
Date: 09-01-2010, 12:06 PM
Parent: #2
يرحم أبوك عبد الله كع
أبو عمة أبداً ما بتقع
ينجيك لي من كل وجع
ولي قل عافية أبداً ممتنع
رمضان كريم
وعيد سعيد
ونكتتك تشيل تعيد
وتجيب لنا الفرح السعيد
|
Post: #4
Title: Re: نكته ......... !
Author: عبدالله كع
Date: 09-01-2010, 12:23 PM
Parent: #2
مسطول اشتري دولاب شال نسخه من المفتاح في جيبو وقال احسن حاجه اخت النسخه التانيه في الدولاب عشان لو راحت الاولي
اعرف افتحو !!!!!!
|
Post: #5
Title: Re: نكته ......... !
Author: عبدالله كع
Date: 09-01-2010, 12:29 PM
Parent: #4
ابو شيماء يا قريبك كل سنه وانت بالف عافيه عيدك سعيد قبال رمضان ما ينتهي زااتو
اسمع دي ....... قاليك
واحد قاعد يسطل وبتو بتلعب جنبواتسطلت بالريحه
لقت بليه واقعه جابتها لابوها
دي شنو يابابا ؟؟
قال : ليها بليه !!
مشت وجات قالت ليهو اها بليتها
يلا دي شنو ..!!
|
Post: #6
Title: Re: نكته ......... !
Author: عبدالله كع
Date: 09-14-2010, 10:59 PM
Parent: #5
مسطول ادوهو موعد بعيادة اسنان يوم 10\10\2010 الساعة 10
تاني يوم نزل اعلان بجريدة لها و له......
للبيع موعد مميز!!!!
|
Post: #7
Title: Re: نكته ......... !
Author: ناصر احمد الامين
Date: 09-14-2010, 11:04 PM
Parent: #6
Quote: مسطول ادوهو موعد بعيادة اسنان يوم 10\10\2010 الساعة 10
تاني يوم نزل اعلان بجريدة لها و له......
للبيع موعد مميز!!!! |
ههههههههههههه
دا ما مسطول يا عبدالله ... دا زول عاقل جدا
حلوه
|
Post: #8
Title: Re: نكته ......... !
Author: عبدالله كع
Date: 09-14-2010, 11:04 PM
Parent: #6
واحد مسطول بيسأل مرتو بتفكري في شنو ؟؟؟؟؟
قالتليو في اللي انت بتفكر فيو
قاليها الليلة سجمك ..
انتي بتفكري تعرسى فوقى ولا شنو؟
ـــــــــــــــــــــــــــــــــــــــــــــ
مسطول بالغلط دخل متحف للفن الحديث توقف عند احد اللوحات
وسأل أحد المنظمين جنبه دا شنو الشكل المرعب ده؟؟،
هو ده الفن اللي بتسموه حديث؟
رد المنظم : دى مراية يا أستاذ
|
Post: #9
Title: Re: نكته ......... !
Author: cantona_1
Date: 09-14-2010, 11:05 PM
Parent: #6
يا عبد الله كع.. سلامات : بالله من فضلك النوع يا تو فيهم؟ تحياتي.
كبـــّـاشي الصـــّافي
|
Post: #10
Title: Re: نكته ......... !
Author: عبدالله كع
Date: 09-14-2010, 11:08 PM
Parent: #9
مسطول فتح الرادي الصباح لقي اغنيه انا افريقي انا سوداني
وبالتحديد المقطع بتاع اشرق نورا بقت شمسين ..
قال والله صحي دي ما سخانه شمس واحده
ــــــــــــــــــــــــ
يا كباشي .. انت بنفع معاك يا تو نوع ؟؟ .. وخلي البساط احمدي عادي يا قريبك
كلو عندنا !!
|
Post: #11
Title: Re: نكته ......... !
Author: cantona_1
Date: 09-14-2010, 11:14 PM
Parent: #10
قامشة .. كيف يا كع؟
كبـــّـاشي الصـــّافي
|
Post: #12
Title: Re: نكته ......... !
Author: عبدالله كع
Date: 09-14-2010, 11:16 PM
Parent: #10
مسطول كل ما ينوم يحلم بواحد لابس أبيض في أبيض و يقوله:
قوووم أمشي شندي رزقك هناك.
الحلم أتكرر كذا يوم
و المسطول باع العنده و مشى شندي و مابعرف زول
قال ينوم تحت نخلة أول مارقد وقعت فيه تمرة أكلها و نام
أها في الحلم جاه نفس الشخص قاله:
قوووم أرجع أهلك خلاص شلت رزقك
،،ـــــــــــــــــــــ،،
يا ناصر احمد الامين ..
الناس الراكبه الافيال ديل اعقل ناس .. ناس رااااااااايقه
عيـــــــــــــــــ سعيد ــــــــــــــــــــــــــدك يا قربيك
|
Post: #13
Title: Re: نكته ......... !
Author: عبدالله كع
Date: 09-14-2010, 11:20 PM
Parent: #12
Quote:
قامشة .. كيف يا كع؟
|
|
Post: #14
Title: Re: نكته ......... !
Author: عبدالله كع
Date: 09-14-2010, 11:25 PM
Parent: #13
مسطول طلق مرتو قامت تلم هدوما قال ليها:
زعلتى؟؟؟؟
|
Post: #15
Title: Re: نكته ......... !
Author: عبدالله كع
Date: 09-14-2010, 11:29 PM
Parent: #14
عليك النبي يا كباشي شوف دي
مسطول قاعد بضرب في فيلو
وقدامو صينية الغدا فيها ملاح خدرة زي الليل كااارب
فجأة الباب دقة قام فتح الباب لقا شحاد ..
الشحاد قال ليهو انا جيعان عايز حاجة اكل ..
المسطول سألو قال ليهو بتاكل ملاح خدرة بايتة ..؟
الشحاد قاليهو ايوة باكلو .
رد عليهو صاحبنا قال ليهو خلاص تعال بكرة
|
Post: #16
Title: Re: نكته ......... !
Author: عبدالله كع
Date: 09-14-2010, 11:44 PM
Parent: #15
مسطول بتونس مع مرته قال ليها إنتى عارفه لو كنتى فى الهند كان عبدوك عديل كده مرته فرحت وقالت ليه يعنى انا ملاك وحلوه للدرجه دي ؟ رد ليها لالا....... بقره
|
Post: #18
Title: Re: نكته ......... !
Author: عبدالله كع
Date: 09-14-2010, 11:52 PM
Parent: #16
وحدة كل ما تجيب ولد يموت راحت لدكتور مسطول وقالت للدكتورالمسطول : يا دكتور كلما اجيب ولد يموت ده من شنو ؟؟ ماعرف شنو يقولها فقال وبعد صنه كدا قال ليها جدهم عايش ؟؟؟ قالت : لا قال معناها طالعين على جدهم
|
Post: #17
Title: Re: نكته ......... !
Author: cantona_1
Date: 09-14-2010, 11:46 PM
Parent: #15
Quote: المسطول سألو قال ليهو بتاكل ملاح خدرة بايتة ..؟
الشحاد قاليهو ايوة باكلو .
رد عليهو صاحبنا قال ليهو خلاص تعال بكرة |
ضحكت لمن دموعي جروا.. الزول دا يا عبد الله والله ما ساطل دا واعي 100%.
كبـــّـاشي الصـــّافي
|
Post: #19
Title: Re: نكته ......... !
Author: عبدالله كع
Date: 09-14-2010, 11:59 PM
Parent: #17
[centerيا كباشي يا خوي الدنيا فيها فيها شنو .. خلينا نضحك .. امكن تتصلح معانا شويه
شوفي دي كمان ،،
]مسطول جنو كوتشينة سالوه رايك في الاتخابات والمرشحين شنو ..
قال ليهم ؟؟الصادق المهدي حرق بدري.
.مبارك الفاضل ما عندو امل نزول...
كامل ادريس معرج...
ابراهيم نقد ورقو ذايد.. وبحرو ذايد
حاتم السر ورقو ناقص..
عبد الله دينق قافل علي كرت ميت...
ياسر عرمان ورقو كعب وقافل علي دكها...
البشير فاتح وراجي الخمسين
|
Post: #20
Title: Re: نكته ......... !
Author: cantona_1
Date: 09-15-2010, 00:04 AM
Parent: #19
ما قلت لي يا كع الليلة إنت مشيت وين؟ هههههههههه
نقاش شغال في نهاية اليوم والعمال كلهم مشوا. باقي ليهو مساحة صغيرة في نص السقف قال عاوز ينتهي منها ويمشي. لكن السلم بتاعه عادي مش برجلين يعني 8 بالعربي. طلع بره لقى ليهو واحد واقف في الشارع. قال ليهو يا أخي ممكن تجي تمسك السلم دا دقيقتين أضرب المساحة الصغيرة دي. قال ليهو طوالي. مسك السلم والنقاش طلع يضرب في البوهية. بعد شوية الراجل قال للنقاش: من فضلك أمسك في الفرشة أنا ماشي.
كبـــّـاشي الصـــّافي
|
Post: #22
Title: Re: نكته ......... !
Author: عبدالله كع
Date: 09-15-2010, 00:10 AM
Parent: #20
يا كباشي ياخ
نقاشك ده وحاة الله ما نقش ضلو .. !!
يا ربي بكون مسطول ؟؟
|
Post: #21
Title: Re: نكته ......... !
Author: عبدالله كع
Date: 09-15-2010, 00:05 AM
Parent: #19
وحدة مسطولة سطله صاح الصاح .. ليلة دخلتها طالعت فوق الدولاب وبتقول لزوجها: حراااااام عليك عليك الله ما تعملي حاجه ... ما بترضاها لي اختك !!
|
Post: #23
Title: Re: نكته ......... !
Author: عبدالله كع
Date: 09-15-2010, 00:24 AM
Parent: #21
رسالة .. ام مسطولة لابنها ..
ابني العزيز وابو اولادي اليتامى انابخير هنا ان شاء الله انت تكون كويس هناك بكتب ليك الرساله دي براحه لاني عارفه انك مابتقرا سريع, ابوك قرا في الجريده ان اكثر الحوادث العرضيه تقع على نحو 20 ميل من المنزل عشان كده رحلنا الى بيت جديد ابعد من بيتنا القديم بحوالي 20 ميل ومابقدر ارسل ليك عنوان البيت الجديد عشان الزول الاشترينا منو البيت شال عنوانو معاهو ماداير يغيرو ونحنا في الاسبوع الجاي حنجيب عنوان بيتنا القديم نشتغل بيهو فترة كده لحدي ما الظروف تتصلح عشان كده عنوانا ماحيتغير, الجو هنا كويس المطره صبت مرتين في الاسبوع الفات المره الاولى استمرت اربعه ايام والمره التانيه استمرت خمسطار يوم, اخوك الكبير وهو ممتحن امتحانات الاساس جابو ليهم سؤال صعب للغاية ؟؟؟ كم عدد ارجل الماعز ؟؟؟ طبعا اخوك سقط في الامتحان عشان المراقبة كانت شديدة جدا وما استطاع انو يمرق الغنماية البخرة من شنطتو عشان يعد رجلينها كم ؟؟ , ناس الحكومة الشهر الفات قاموا عملو لينا حظر تجول في بلدنا ؟؟؟ قام ابوك اجتمع بناس الحلة وشالوا البارد والشاي والحلاوة ومشوا عشان يشوفو حظر التجول ده والحكاية كانت زحمة شديدة والناس جوها من كل الحلات المجاورة وغير المجاورة ، امبارح لقينا لافتات كتيرة مكتوب فيها التطعيم ضد الجدري ؟؟؟ لكن للاسف ما مشينا حضرناها عشان ابوك قال كورة مافيها الهلال ما بحضرها , بمناسبة الملاريا دي ؟؟؟ انت لمن كنت صغير جاتك حصبة ولا التهاب ؟؟؟ طبعا الرحيل من البيت ده خلانا ننسي الحاجات الفارغة دي , عمتك قالت ليك ماحتقدر ترسل ليك الجاكيت اللي قلت عايزو بالبريد لانو تقيل عشان زرايرو حديد عشان كده قطعت الزراير وختته في جيب الجاكيت , ابوك اشتغل شغله جديده وشغالين تحتو 500 عامل بحصدو الحشيش القايم جمب المقابر , اختك ولدت الليله الصباح بس ماعارفه جابت بت والا ولد عشان كده ماعارفه انت حتبقى خال والا خاله , وتصدق لحدي الان ما كلمناها بالولاده دي عشان نعمل ليها مفاجأة , اخوك بتاع البوليس اللي شغال في الجيش قال احتمال الاسبوع الفات يتزوج خلاص , العرس شهر سبعة والطلاق شهر ستة في نفس العام الجاري لمن نفسو انقطع , بس المشكلة قال ناقص ليهو القروش والبيت والعفش وقفة الملاح والكسرة والعيش و العروس وابوها وامها وابو جدها زاتو, عمك اخو امك الكان اسمو خالد وقع في البير وكان في رجال حاولو يطلعوهو لكن قاومهم بكل شجاعه وتجرد ونكران ذات ...وغرق اخيرا , وبعد داك حرقناهو بالنار والظريفة النار ذاتها كانت مولعه فيو تلاته ايام لانو مانشف لانو مرطب , ابو اعز اصحابك وهو بيموت طلب من صحبك عمر انو يدفنو في نص البحر لمن يموت ومشى عشان يحفر القبر ليه ابوهو قام غرق ومات ولحدي الان ناس شرطة الزراعة محتارين ماعارفين المات منو عمر؟؟؟؟ ولا صاحبك؟؟؟؟ ولا ابوهو؟؟؟؟ , بتتذكر يوم كنا بنسطل سوا جنب البحر بالليل بالصباح وقلت لي امي انا بحبك؟؟؟؟؟ وقلت ليك وقتها خلي علاقتنا صداقه وبس , كانت ايام حلوه والله خلاص وان شاء الله ما تتكرر بقدرة قادر أحد , ده كل العندي مافي شي جديد ولا حتى قديم زاتو
ـــــــــــــــــــــــــــــــ
وتصبحو علي خير
|
Post: #24
Title: Re: نكته ......... !
Author: عبدالله كع
Date: 09-15-2010, 00:30 AM
Parent: #23
ده باقي رسالة الام المسطولة الفوق دي امك الملتاعة المكلومة السعيدة خالص ... ملاحظه هامة وسرية للغاية : انا كنت دايره ارسل ليك قروش بس ما اتذكرت الا بعد ماقفلت الظرف وبعدين الورقة زاتها خلصت وطلعت ما اصلية صناعة يابانية يعني ’’’’ وانت زاتك ما بتستاهل خير... روح ربنا يلعنك ويلعن ابو امك وكل الاهل والاصحاب ومن جاورهم والعاقبة عندكم في المسرات ...
يلا تصبحو علي خير تاني !!
|
Post: #25
Title: Re: نكته ......... !
Author: عبدالله كع
Date: 09-15-2010, 08:12 PM
Parent: #24
مسطول ماسك قسيمة الزواج حقتو وقاعد يقلب فيها يمين شمال زوجته سألتو : بتعمل في شنو يا راجل؟ قال ليها : لا أبدا مافي حاجة قالت ليهو : كيف مافي حاجة ليك نص ساعة بتقلب في القسيمة داير شنو ؟ رد عليها : بفتش في تاريخ نهاية العقد 
|
Post: #26
Title: Re: نكته ......... !
Author: عبدالله كع
Date: 09-15-2010, 08:28 PM
Parent: #25
ده ما مسطول ........... قال ليك واحد تكاسى راكبة معاهو بنت زي الليل كل ما بطنو تكركب يروح ضارب البورى شديد الحكاية دى كررها ليك كم مرات و فجاة كدة جات غنماية قاطعة الشارع البنت قالت ليهو : موش الغنماية دي اصدمها بس عليك الله بوريك العفن دا تانى ماتضربو
|
Post: #27
Title: Re: نكته ......... !
Author: عبدالله كع
Date: 09-15-2010, 08:39 PM
Parent: #26
ان ذاتي شايقي .......................... قال ليك ـ شايقي بصلي بالجماعه امام ..... سمع صوت واحد يجري داير يحصل الركعه سلم وهو واقف
هي هي
|
Post: #28
Title: Re: نكته ......... !
Author: عبدالله كع
Date: 09-15-2010, 08:50 PM
Parent: #27
وحده شايقيه عينوها مضيفه في سودانير... اول رحله طلعت فيها ...... جات للكابتن سالتو.. اها نغرف العشا !!
|
Post: #29
Title: Re: نكته ......... !
Author: عبدالله كع
Date: 09-15-2010, 08:58 PM
Parent: #28
راجل ومرتو قاعدين فى البيت بيسطلوا في امانةِ الله الباب دقا المرة قالت : سجمى دا راجلى .. وقامت جاريه لي جوه وراجله تلب بالحيطة !!
|
Post: #30
Title: Re: نكته ......... !
Author: عبدالله كع
Date: 09-15-2010, 09:05 PM
Parent: #29
مسطول سالو اصعب حاجة في رايك شنو؟؟ قال واحد منتظر نانسي عجرم في قناة اقراء
|
Post: #31
Title: Re: نكته ......... !
Author: عبدالله كع
Date: 09-15-2010, 09:10 PM
Parent: #30
مسطول مخلوع ونفسه قايم سألوه مالك قال ليهم كنت ماشي لي في ###### .. ( ك ل ب ) عفصت لي شارع .. مسكني من ضنبي... عشان عفصته في جلابيته ...!!! 
التعديل ..
في الحاجات الختاها الرقيب -
وانا قصدته - ال###### جدجد - ما نبزت لي زول !!
|
Post: #32
Title: Re: نكته ......... !
Author: omar arbab
Date: 09-15-2010, 09:52 PM
Parent: #31
كع
والله حصلت التوس
بي مناسبة الرقم00246666000
مسطول جاب ليهو موبايل جديد اداهو لي اخوهو
قال ليهو هاك اكتب لي رسالة انا خطي كعب
|
Post: #33
Title: Re: نكته ......... !
Author: اميرة السيد
Date: 09-15-2010, 09:53 PM
Parent: #31
Quote: مسطول بتونس مع مرته
قال ليها إنتى عارفه لو كنتى فى الهند كان عبدوك عديل كده
مرته فرحت وقالت ليه يعنى انا ملاك وحلوه للدرجه دي ؟
رد ليها لالا....... بقره
sudansudansudansudan18.gif Hosting at Sudaneseonline.com |
<<<<<<<<<<<<<<
الله يجازي شيطان عقلك .. كتلتنا من الضحك والدموع جرت أكثر من دموع الصافي
|
Post: #34
Title: Re: نكته ......... !
Author: omar arbab
Date: 09-15-2010, 10:03 PM
Parent: #33
واحد قال لي مسطول أنا بردان من المكيف00 قال ليهو يتشرفنا وأنا عبدالله كع من الامتداد
|
Post: #35
Title: Re: نكته ......... !
Author: عبدالله كع
Date: 09-15-2010, 10:24 PM
Parent: #34
ازيك يا اميرة يا خ
كل سنه وانتي بخير ..
| Quote: الله يجازي شيطان عقلك .. كتلتنا من الضحك والدموع جرت أكثر من دموع الصافي |
الكباشي الصافي ده امبارح بكي بكي شدييييييييد . لمن صلعتو عرقت .. ورفع الفراش اليوم بعد صلاة المغرب .. !
بتاع تاكسي مسطول سطلة السنين .. وقفو واحد وقال ليهو نادي الاسرة ياخي . المسطول: قاليهو وبي زهج (( ناديهم براك يازول )) 
|
Post: #36
Title: Re: نكته ......... !
Author: عبدالله كع
Date: 09-15-2010, 10:33 PM
Parent: #35
Quote: كع
والله حصلت التوس
بي مناسبة الرقم00246666000 |
يا حليلو التوس يا بابن .. الزول ده عامل شنو ؟؟ يا ما عقدته معاهووووووو
تتخيل يا بابان يا خو ي التوس لمن يركب فيلو .. ببقي زي طلبة المجلس الافريقي ذمان !!
لغة عربيه فصيحة ونضيفه ............التقول ابو سفيان جدو !!
اوع تكون رديت عليهو .. قالو بجيب شلل اطفال لو رديت عليهو !! ..
حكمتو بالغه ... انا امنتا يا عمر
|
Post: #37
Title: Re: نكته ......... !
Author: عبدالله كع
Date: 09-15-2010, 10:37 PM
Parent: #36
واحدعندو ارنب داير يبيعو : جاهو واحد سطلتو ميه ميه .. قال ليهو القرد ده بي كم ؟ رد عليه عمك ده ما قرد يا خينا . قال ليهو انا ماسالتك انت انا سالته الارنب
والله يا عمر كيفتني ..
بالله الزول ده بردان من المكيف !!
|
Post: #40
Title: Re: نكته ......... !
Author: عبدالله كع
Date: 09-15-2010, 10:54 PM
Parent: #37
دي ليك - يا فايز مختار شكري ..
الله يطراهو بالخير يا عمر عندك خبر الزول ده وين ؟؟
|
Post: #38
Title: Re: نكته ......... !
Author: ياسر إدريس حسن
Date: 09-15-2010, 10:43 PM
Parent: #35
الاخ عبد الله سلامات وكل عام وانت بخير...
وشكرا علي هذه النكات الظريفه
|
Post: #39
Title: Re: نكته ......... !
Author: عبدالله كع
Date: 09-15-2010, 10:51 PM
Parent: #38
ابو الياء .. صباح الخير ..
عندنا الساعه 12 مرقت خلاص ودخلنا في يوم الجمعه ..
وكل سنينك زي الورد يا رب
|
Post: #41
Title: Re: نكته ......... !
Author: عبدالله كع
Date: 09-19-2010, 08:22 AM
Parent: #39
واحد قاعد بيسطل وبتو بتلعب جنبو اتسطلت بالريحه لقت بليه واقعه جابتها لابوها دي شنو يابابا قال ليها بليه .. مشت وجات قالت ليهو اها بليتها يلا دي شنو ؟؟ 
|
|