هل يعقل أن تقوم شركة أردنية بعمل برنامج حاسوب لبنك السودان قيمته ستمائةوأربعون الف دولار!!!!!

فيما نبحث نحن الذين نحمل المسمى الوظيفي (مهندس برمجيات) في الخارج بحثاً عن فتات فرص العمل

لا يعقل !

إذا كان المبلغ المدفوع هو لتطوير موقع البنك على الانترنت فهذا المبلغ مضروب في مئة، أكرر مئة، على أقل تقدير، فالموقع الذي رأيته لبنك السودان لا يمكن بأي حال من الأحوال أن يكلف المبلغ المذكور أعلاه. عموماً، أشك في صحة الرقم، خاصة وأن الشعب السوداني الشقيق لديه مشكلة في الفرق بين الدولار والجنيه، والمليون والميار، وكله عند العرب صابون؛ وهذا التشكيك لا يجعلني أنفي - بأي حال من الأحوال - أن الفساد في السودان قد وصل إلى مراحل متأخرة تحتاج من المستمع إلى خيال خصب لاستيعابها.

برنامج حاسوب كما العنوان ولاّ موقع الكتروني زي ما ورد في الموضوع؟؟
لو برنامج لإدارة نظام بنك مركزي شامل التنصيب و التدريب و الدعم الفني الرقم معقول
لو موقع الكتروني معناها سيد البوست لافح ساي

أنا شفت الموقع الآن !! ده مبلغ خُراااافي خُرااافي عديل ..

انا أعمل في شركة تعمل في مجال التصميم والإستضافة .. الآن أقدم ليكم عرض تصميم كاااامل شاااامل بس بـ 2000 دولار !! بل وحتى الإستضافة ودومين جديد محجوز لمدة 10 سنة !!

،،

لكن في الغالب يكون برنامج حاسوب .. موش تصميم موقع .. لأنو البرامج دي نحن كسودانيين بطيئين فيها شوية .. لكن عندنا ناس برة البلد سودانيين والله هُم المُدورين شركات كبيرة ..

Quote: لكن في الغالب يكون برنامج حاسوب .. موش تصميم موقع .. لأنو البرامج دي نحن كسودانيين بطيئين فيها شوية .. لكن عندنا ناس برة البلد سودانيين والله هُم المُدورين شركات كبيرة ..

Central Bank of Sudan
www.cbos.gov.sd
The Central Bank of Sudan’s new website is designed to highlight the historic path they have undergone in the past 50 years The website offers up to date information about the world currency rates, as well as a currency exchange chart that compares both the US Dollar and the UK Pound with the Sudanese Pound. The website also provides the user with a variety of information on Sudan’s economy, as well as an annual report that highlights the biggest breakthrough in the world of financial advancements. The Central Bank of Sudan is in charge of making the currency and distributing it to all the financial institutions in Sudan. They specialize in creating financial policies that aim to benefit the greater good of Sudanese people, as well as monitor and guarantee financial stability of Sudanese economy.


http://www.dot.jo/image/tid/19

Quote: The Central Bank of Sudan’s new website is designed to highlight the historic path they have undergone in the past 50 years

وقال الدكتور صابر محمد حسن محافظ بنك السودان لـ«الشرق الأوسط» إن شح النقد الأجنبي ناتج عن تداعيات الأزمة المالية العالمية وخفض سعر برميل النفط من 140دولارا إلى 40 دولارا في مطلع 2009 (ولاحقا ارتفع إلى 70 دولارا) وأن الإجراءات المصرفية الأخيرة هدفت إلى معالجة التداعيات مع العمل على المتابعة وتوفير النقد الأجنبي للاحتياجات الحيوية، وطبقا للأسبقيات، وأفاد وزير المالية والاقتصاد الدكتور عوض الجاز أن إجراءات تحويل الأموال إلى الخارج مؤقتة ومرتبطة بالأزمة المالية العالمية، وتوقع انفتاحا وشيكا في حركة النشاط المصرفي في الفترة المقبلة.

أخوتي الكرام
تحياتي وأسالكم أن لاتنسوا صالح لانفسكم ولشخصي الضعيف

وبعد

في البداية شكرا أخي عبد العظيم الوثائف موجودة ما تخاف وهي بحوزتي الحمد لله

أخونا هجو الاقرع وافر الشكر لابد أن نحتكم لخبير في مسألة عمل برنامج جديدأو تحديث أو بناء موقع يافنان


الاستاذ كوتنا1 كباشي الصحافي\

الموضوع أكبر من أوفشور هنا في أختراق وكمان للبنك المركزي يا راجل سمعت ولاشنو كلامك

الابن هاني العربي
لاتحزن وقتكم جاي والله جاي

الاستاذ محمدالبشري الخضر يافهمان

والله ما لافح ساي بفهم
وفهم عميق كمان
يافهمان كيف الشارقة معك

مع تحياتي

ودشاموق أديني ساعة يس
ساعة وما أكتر أطرح ليك كل القصة من البداية الي النهاية السمسار منو والتفاصيل المملة لكين لو المصدر بتاعي خاف

القصة بقت كلام ياعبد السلام

والله لمن قريت الرقم ده خجلت ليكم ..
والله جد..
عيب عليكم ياخ ..
العالم وييين وإنتو وييين ..
المبلغ المكتوب هنا ده وشوووف عيني ومضورب في تلاتة او قولوا اربعة إتمضى في إحدى البنوك في السعودية فقط لتنصيب برنامج الشير بوينت وليس بكامل فعاليته فقط صفحة إنترانت لموظفي البنك لقراءة الهيكل الوظيفي لكل قسم مع معلومات عامة عن البنك والموظفين ..
اخجلوا يرحمكم الله المبلغ المكتوب فوق ده تااااافه بمعنى كلمة تااافه لما تتكلمو عن بنوك ومؤسسات كبيرة حتى لو كان ويب سايد ..
يعني ما يجي زول يقول ليك جيبو انا بعملوا ليكم بي 2000 !! أها إيه رأيك 2000 زاااتا كتيرة بي فهمك ده ..
ممكن اديهو لي اقرب هندي يعملوا ليهم بي 500 ريال مش دولار.. بس الفهم ما كده مش؟

مدي يا عمر أدخل الرابط وشوف السايت بستاهل المبلغ دا ؟

أستاذعمر الفاروق
متعك ربي بالعافية وزادك من خيره وجعلك من الاثرياء

بأي فهم كتبنا ما جاء في هذا الخبر بفهم أننا نسرق ويتم أستغفلنا من القاصي والداني هل يعقل أن تصين منزلك بقيمة أنشاء أخر

وعلي هذا الفهم جاء قياس الامر

اللهم أنا فوضنا أمرنا اليك أنك أرحم الراحمين
وأنت عفو تحب العفو فأعفو عنا

دمت لنا أخ وصديق

Quote: « تتضمن كافة المعلومات التي يمكن للعميل أن يحتاج لمعرفتها حول خدمات البنك» «الاعتماد على أحدث تقنيات تصميم وتطوير المواقع الإلكترونية التي توفر شكلاً أنيقاً وتصفحاً سهلاً» « إبراز الخدمات المقدمة من البنك لجمهور العملاء» «بيان المعلومات المالية التي تهم المؤسسات التجارية والشركات». « تقدم مجموعة من الإحصائيات والدراسات والأرقام التي تشمل وضع الشركات المحلية المالي في سوق الأسهم وتقارير الأداء» «قسماً للأخبار ، لتمكين المستخدمين من معرفة آخر مستجدات البنك من نشاطات وفعاليات» «فرصة الاطلاع على أسعار صرف العملات الأجنبية مقابل العملة المحلية» «خلال شريط متحرك »

بساطة شديدة التلخيص اعلاه يوضح ما تم انجازه من عمل
والشيء المؤكد حسب الخبر والبورتال الشغال في موقع بنك السودان ومذيل باسم الشركة اعلاه يؤكد ذلك تماما.
الموضوع ليس سوفت وير مصرفي يضع حلول لعملاء البنك من مؤسسات أو افراد ويبادل المعلومات وضبط العمليات الحسابية بينهم..هو فقط بورتال أخباري قد يكون مطور من برنامج مجاني وتم تعريبه أو تم شراءه وهذا النوع من برامج إدارة المحتويات معروفة ولا تكلف كثير ويكلف كحد أعلي مع الاستضافة 1000 دولار كتكلفة حقيقية
بالاضافة الي تكلف التدريب والتي لا تفوق بأي شكل من الاشكال 10 الف دولار وعدد ثلاثة موظفيين معنيين بتحديث الموقع كل يوم بالمعلومات المختصة بواسطة لوحة تحكم بسيطة تشبه محرر النصوص العادية مثل الويرد وغيره ورفع الصورة المصاحبة للمادة.
يعني اذا افترضنا أن هؤلاء خبراء اجانب ووضعوا مارجن 100% يجب أن لا تفوق التكلفة 40 الف دولار.
مع العلم أن هنالك شركات سودانية تطور وتحدث نفس البرامج لادارة المحتويات وبشكل احترافي اكثر من ذلك.

لو كان هنالك باكيج لادارة عمليات العملاء عبر الانترنت كان المبلغ مهضوم خاصة أن كل برامج الـ ERP التي تربط المؤسسات بواجهات انترفيس ضخمة مع البنية التحتية من سيرفرات و فيروول وسوفت وير وغيرها هي في الاساس تبدأ برقم مقارب للرقم اعلاه مع الزيادة حتي 1.5مليون دولار تقريبا حسب الاحتياج والتوسعة وربط الفروع.
لكن الشايفه ده بورتال اخباري عادي ولا يكلف عشرة بالمئة من المبلغ اعلاه

شي يمخول ...موقع زي ده مع مطور ومصمم محترف بياخد تلاتة ايام فقط لا غير...اذا البنوك عايزة تكرم الناس ساي دي يبقي فهم تاني

تحياتي زهير ورمضان كريم

Quote: هل يعقل أن تقوم شركة أردنية بعمل برنامج حاسوب لبنك السودان قيمته ستمائةوأربعون الف دولار

وهل تصدق اخ زهير ان هناك شركة موجودة فى عمارة برج البركة تتبع لمجموعة من البنوك على رأسها
بنك السودان ,هذه الشركة تم تأسيسها كشركة متتخصصة فى تقنية المعلومات البنكية ..

Quote: يافهمان كيف الشارقة معك

مت تضايق ياخ
الشارقة تمام بينها وبين العين
اها

طلع برنامج / نظام ولاّ موقع انترنت ؟

هل المقصود 4600 دولار؟

لأنو لو بالفعل المبلغ عبارة عن ستمائة وأربعون ألف دولار أمريكي...640.000$ فده معناها في سرقة مقننة حاصلة مقابل
الموقع المذكور ده!

أول مرة أشوف لي موقع بنك مركزي لدولة عنوانه دوت أورغ!!!
http://www.bankofsudan.org/

ده شغل بتاع عيال ليس إلا...سرقة أكرر سرقة فقط لا بد من محاسبة المسئولين عنها

إنه الفساد يا زهير
وإنها دولة الفساد
فهنيئا لك يا رئيس دولة الفساد





ليس بعيدا عن الأذهان
أن إحدى الصحف نشرت - بالوثائق - فسادا مماثلا لإحدى الجهات السيادية
ولم يقم المسئولون (الفاسدون حتى يفعلوا) بتحريك أي إجراءات ضد الجهة السيادية والمتورطين من أهلها
فقط تشطروا على الصحيفة
وعلى عمالها وموظفيها الغلابى
ولا نامت أعين الجبناء

معا لدك كل حصون الفساد
وعار عليك يا كبير الفاسدين

Quote: ودشاموق أديني ساعة يس ساعة وما أكتر أطرح ليك كل القصة من البداية الي النهاية السمسار منو والتفاصيل المملة لكين لو المصدر بتاعي خاف القصة بقت كلام ياعبد السلام

يا زهير الساعة قبيل عدت وتلنها ساعات
وين مصدر الكلام دا

Quote: هل يعقل أن تقوم شركة أردنية بعمل برنامج حاسوب لبنك السودان قيمته ستمائةوأربعون الف دولار!!!

الخبر الجبتو فوق بتكلم عن موقع انترنت وما فيه سيرة للتكلفة باختصار ما عندو علاقة مع العنوان

ودالبشري!
رمضان كريم
صدق انا ما حكيتها معاه شديد

Quote: في البداية شكرا أخي عبد العظيم الوثائف موجودة ما تخاف وهي بحوزتي الحمد لله

غايتو نقتنا الفوق ديك كان بناء علي الاقتباس الفوق
لو طلع ما عنده ما يثبت والراجل صحفي وقال (بحوزته) ...يظل السؤال قائم كانت التكلفة...ولو ما طلع الرقم كدة قد يضطر زهير للبلع واحتمال انا وكم زول معاي نبلع برضو عادي يعني لكن انور كينج ما ظنيت يبلع بسهولة كدة
عموما العنوان متزمزغ مع المحتوي وانا حاليا مركز مع الرقم وانو الشغل التم ده بورتال اخباري.ودي مراقة علي اليمين ما ساهة كلو كلو





_
علي اليمين يا زهير لو دقستنا انا ما اخليك

الله أكرم يا أمر...
يعني ما كحلت المرّاقة دي

Quote: لكين لو المصدر بتاعي خاف القصة بقت كلام ياعبد السلام

غايتو ما عايزين نستعجل الراجل قال داير ساعة بتوقيت السوق العربي
مع اني قلبي ماكلني من يوم الإيميلات الرسّلها لروحو

Quote: علي اليمين يا زهير لو دقستنا انا ما اخليك

إنت هيّن رابط البوست اترسل قبيل للببليك ريليشنس و الشؤون القانونية في البنك
هسي بكونو راجين الساعة تكمل

شئ مخجل
و استخفاف بعقول العباقرة السودانيين
في مجال تصميم المواقع
يعني كل شي جاهز الشركة الاردنية لم تصمم بل اتت البرنامج المفتوح المصدر
drupal
و ملت المساحات
انا شخصيا اقيم هذا العمل ب 400 دولار لا غير
___________________________

الاخوة الاعزاء

هنالك عقد اخر تم توقيعه هذا العام مع شركة اردنية اسمها الاول لتقنية المعلومات بهدف تركيب جهاز تداول الكتروني لسوق الخرطوم للاوراق المالية وهذه الشركة حسب علمى متخصصة في هذا المجال . الاتفاق كان في سلطنة عمان بحضوري والقائمين على ادارة اكبر شركة سودانية لتقنية المعلومات بالسودان . الاتفاق كان بخمسمئة الف دولار ومائة الف دولار سنوية للصيانة .

فان كان الاتفاق المعني لاغراض اعمال تخصصية محتكرة من قبل الشركة الاردنية المتعاقدة مع البنك المركزى فلا اظن ان هنالك ثمة مغالاة في القيمة علما بان لدى بنك السودان اكبر شركة لتقنية المعلومات وهي في تقديري الاستشاري المعتمد لمتابعة مثل تلك العقود .


خالص ودي

شيقوق

مساء الخير ولا صباح الخير ما عارف

المهم ياجماعة
المهم الموضوع ماعمل برنامج جديد ولا بناء موقع ولا وهوتحديث وكمان عمل بوابة حسب تفاصيل العقد
ونص العقد بقول
1- تم التعاقد علي تحديث موقع البنك مع ربطه بالشبكة القومية للمعلومات السودانية طبعا أنا ما فهمت حاجة
2- مدة تنفيذ العقد ستون يوما من تاريخ توقيعه
3- مدة الاستضافة خمسة سنوات
4- الصيانةعلي الشركة وهي كل ست أشهر وحماية الموقع من كافة أنواع الاعطال والتخريب
5- أكثر من خمسة وثلاثون الف بريد الكتروني مع كافة التسهيلات في التواصل الداخلي مع كل المستويات الادارية داخل المنظومة الادارية للبنك
6- تأهيل قسم الحماية المعلوماتية للبنك بأحدث الوسائل والاساليب الجديدة
المهم العقد ما حدد لا نوعية البرامجة ولا كيفية التعامل الفني للشركة مع البرنامج ولا تكلم أي برامجة
*بالاضافة لعدم ذكر شبكة الاتصالات لبنك السودان مع الفروع

والاخطر تم تحديد الدفعة المقدمة من العقد بعد توقيعه مباشرة وكانت 35 % بالمائة يتم أكمالها الي سبعون بالمائة خلال التشغيل التجريبي 70 بالمائة
وبعد التشغيل الكامل يتم دفع 30% وهي دفعة أخيرة دفعةالانجاز
هذا المشروع لم يطرح في عطاء من أدارة الكميوتر في البنك لم تضع المواصفات هذه الادارة والمواصفات جاءت من شركة تابعه لاتحاد المصارف وهي مسئولة عن شبكة الصرف الالي وليس هناك أستشاري لهذا المشروع
الموضوع ياجماعة نرجع للمختصين وهذا بسبب عدم معرفتي بهذا المجال من الناحية الفنية الدقيقة

نرجو الشباب زيارة الموقع وكتابة راي فني محايد للفائدة والاهتمام العلمي لشببابناوليس للتجريم

وباب النقاش مفتوح وأؤكد ان المسندات الخاصة بالمشروع بحوزتي بالاضافة للنسخة الباكاب أيضا موجودة بالله مش عجايب منشاءة حساسة وهي من صميم الامن القومي الاقتصادي للبلد تخدم بواسطة شركة أجنبية ومافي أي سرية
واللغة حسب أفادة مهندس كمبيوتر أنها لغة برامجة بسيطة وليست معقدة لا خاصة للاستخدام البنكي أو تفنية عالية يعمل بها النظام البنكي معلوم في أي منطقة من العالم
*بعدين معليش للتأخير مشيت لطارق الامين في بيت الفنون الليلة كانت عندنا ليلة ست الشاي

أحد أسوأ مرتكزات التنمية (الكيزانية) هى إعتمادها كلية على الشركات الأجنبية لتنفيذ المشاريع (التنموية)

ولاشئ فعلته حكومة (الإنقاذ) طوال سنى وجودها سوي توقيع عقود مع الشركات

وكل زخم (الدكاترة) العاملين فى مجال البرمجيات مثل "عزالدين كامل" لا يعملون شئ سوي شراء السوفت وير وتوقيع العقود والسفر لمعاينة الإنتاج العالمى والسمسرة فى السوفتوير العالمى

متى يتخلى القوم عن سلوكهم الأميبى هذا؟؟؟؟ ومتى تتحول الدولة السودانية الى دولة منتج وليست دولة طفيلية

Quote: هنالك عقد اخر تم توقيعه هذا العام مع شركة اردنية اسمها الاول لتقنية المعلومات بهدف تركيب جهاز تداول الكتروني لسوق الخرطوم للاوراق المالية وهذه الشركة حسب علمى متخصصة في هذا المجال . الاتفاق كان في سلطنة عمان بحضوري والقائمين على ادارة اكبر شركة سودانية لتقنية المعلومات بالسودان . الاتفاق كان بخمسمئة الف دولار ومائة الف دولار سنوية للصيانة .

حسب علمي هذا البرنامج هدية من سوق الأوراق المالية العمانية ربما تكلفة البرنامج تكفلت بها عمان ولكن حسب المؤتمر الصحفي المعلن فقد تم عرضه كهدية ..ولكن الفئة المستهدفة حقيقة هي شركات الوساطة التي ستتعامل مع السوق فشركة الأول لديها البرنامج الذي يمكن هذه الشركات الوسيطة (ربما 42 شركة) من التداول عبر سوق الأوراق المالية وعليه ربما سيتم إلزام شركات التادول من شراء هذا البرنامج ( ودي شطارة تسويقية)

بعيداً عن الموضوع

Quote: www.cbos.gov.sd The Central Bank of Sudan’s new website is designed to highlight the historic path they have undergone in the past 50 years The website offers up to date information about the world currency rates, as well as a currency exchange chart that compares both the US Dollar and the UK Pound with the Sudanese Pound. The website also provides the user with a variety of information on Sudan’s economy, as well as an annual report that highlights the biggest breakthrough in the world of financial advancements. The Central Bank of Sudan is in charge of making the currency and distributing it to all the financial institutions in Sudan. They specialize in creating financial policies that aim to benefit the greater good of Sudanese people, as well as monitor and guarantee financial stability of Sudanese economy

قمة الركاكة

مرحب شباب

الحكم على الموقع عاوز تفاصيل اكتر
هل هو موقع بس
ولا بوابة الكترونية لنظام متكامل

الشكل العام بقول انه موقع الكتروني عادي ومبني اما على جملة او مامبو او حاجة مشابهة
في انتظار تفاصل وتفتيش في الموقع


يا انور للموقع عنوانين

ده التاني http://www.cbos.gov.sd/

Quote: والله لمن قريت الرقم ده خجلت ليكم .. والله جد.. عيب عليكم ياخ .. العالم وييين وإنتو وييين .. المبلغ المكتوب هنا ده وشوووف عيني ومضورب في تلاتة او قولوا اربعة إتمضى في إحدى البنوك في السعودية فقط لتنصيب برنامج الشير بوينت وليس بكامل فعاليته فقط صفحة إنترانت لموظفي البنك لقراءة الهيكل الوظيفي لكل قسم مع معلومات عامة عن البنك والموظفين .. اخجلوا يرحمكم الله المبلغ المكتوب فوق ده تااااافه بمعنى كلمة تااافه لما تتكلمو عن بنوك ومؤسسات كبيرة حتى لو كان ويب سايد .. يعني ما يجي زول يقول ليك جيبو انا بعملوا ليكم بي 2000 !! أها إيه رأيك 2000 زاااتا كتيرة بي فهمك ده .. ممكن اديهو لي اقرب هندي يعملوا ليهم بي 500 ريال مش دولار.. بس الفهم ما كده مش؟

أخجل على دمك يا عمـر .

أنا مالي ومال السعوديين ؟ إن شاء الله يبيعو ليهم الهواء في قراطيس . أنا دمي فاير لأنو الستمية وأربعين ألف دولار دي ما جات من الهـواء ، دي ضرايب وعشور ورسوم ودمغات اتخدت من دم وعرق وتعب ملايين السودانيين البحفروا في الترع، والببيعو في الشاي، والببنو في البيوت، والماعندهم حق الدوا، والعدمانين السفة، يجي بنك السودان يعتبرها ملكية خاصة، ويتصرف فيها زي ما يحب، ستمية أربعين ألف دولار - والسوق عدمان الدولار - تمشي الأردن عشان تسوي شنو هناك؟ قال السعوديين والقطريين، أخجل إنتا يا عمر الفاروق وحس، بلا خجلت ليكم ، بلا نظريات ، تخجل لينا لي شنو ؟ إنتا سعودي ؟.

ياجماعة

أنا عايز راي فني العمل داشنو من الناحية الفنية
يكون قاطع بالحجة والاسانيد

السؤال للجماعة بتاعين المعلوماتية


للاهمية أخوكم مهددة بقضية قذف في ذات البنك صاحبة الشرف والمقام العالي والتي لا تعرف الضلال و لا الكذب


أستر يارب
/red]

/

Quote: للاهمية أخوكم مهددة بقضية قذف في ذات البنك صاحبة الشرف والمقام العالي والتي لا تعرف الضلال و لا الكذب

ونت وقت مااا بتاع معلوماتية بتتشوبر مالك ؟
عموماً التقيم الحالي غير كافي لي إنو يبقا دليل للصرف البزخي لأنه ببساطة انت ما بتكون عارف بنود العقد المستقبلية للموقع ده وممكن عااادي يكون في خدمات لي قدام ..
البنوك الكبيرة دوماً بتشتغل البروجكتز بي نظام ال Phases وممكن عااادي جداً ده يكون Phase 1
الشغل الحالي استاتيك ويب بيدج ودي فعلاً ما مكلفة وبيتم تصميمها بتقنيات بسيطة وبتعتمد اكتر على المصممين اكتر من المبرجين لانها ما اكتيف وما فيها داتا بتجي من قاعدة بينات لايف.. بس ده ما بيمنع انو في المراحل الجاية يكون في تطوير للموقع ويكون تفاعلي اكتر ..بالمناسبة كل البنوك او المشاريع عموماً بيتم إطلاقها ون باي ون او مرحلة مرحلة ..يعني ما ممكن ينتظروا كلللللللللل الشغل بعدين يقولوا هاكم ده الفل باكديج ..
وعشان برضو ما تعمل فيها جبت الرايحة ففي كلللللللل شركات الدنيا بيكون في قصة البرامج الأعلى من سعرها الحقيقي ودي بتعتمد على علاقة الفيندور مع مدير الإدارة

فضيحة

بكل المقاييس

وأيا كانت التفاصيل


ولا يخرج الأمر من كونه فسادا

يابتاع task one

أنا العقد معاي ما فيهو الكلام دا لا جزئي مرحلة أولي وحاجات زي ما قلت ولا أجزء والناس ديل كمان سافروا يعني نظام مواسير يا كبير

السلام عليكم و رحمة الله
لا يوجد سبب واحد يجعلني أهتم بالدفاع عن أي مؤسسة حكومية في ظل هذا النظام لأنني ببساطة أوقن بأنه أفسد نظام مر على السودان و لا يبعد أن يكون أفسد نظام على وجه الأرض. ما أهمني هو أنني أعرف صديقا و أخا على صلة بهذه الأمور... من ناحية أمانة فأنا مستعد لأن أأتمنه على حياتي بدون أدنى تردد و من ناحية كفاءة فهو من أكفأ السودانيين العاملين في هذا المجال. خلاصة ما قاله هذا الأخ إن تكلفة الموقع المشار إليه متضمنة الدعم الكامل لمدة عام هي ثمانية و عشرون ألف دولار. و قال إن ناقل الخبر قد يكون يتحدث عن ما ترجمته أنا بنظام الدفع (VPN) و إن كان يتحدث عن هذا فإن المبلغ أكبر بكثير من هذه الستمائة و أربعين ألف دولارا و هو على حد قوله لن يفصح عن المبلغ و أفهم تماما لم فهذه مسئولية مهنية.

وعليكم السلام

شكر لك يأخي

طبعا أنا منتظر تفاصيل فنية عن الشئ التم إنجازه بالضبط مقابل مبلغ ال 640 ألف دولار..
لم تولد تكنلوجيا جديدة في السودان غير مفهومة لنا كمتخصصين...وعليه نطالب بتفاصيل فنية الآن!

Quote: هذا المشروع لم يطرح في عطاء من أدارة الكميوتر في البنك لم تضع المواصفات هذه الادارة والمواصفات جاءت من شركة تابعه لاتحاد المصارف وهي مسئولة عن شبكة الصرف الالي وليس هناك أستشاري لهذا المشروع

الفساد بعينه... وكمان دايرين يهددوك بقضية قذف؟
والله الناس دي ما بتختشي..تخاف !
نواصل متابعة الفساد
خطاب لرئيس الجمهورية:الفساد الاداري والمالي والاخلاقي ب...معة السودان المفتوحة

انورعيدك مبارك

Quote: طبعا أنا منتظر تفاصيل فنية عن الشئ التم إنجازه بالضبط مقابل مبلغ ال 640 ألف دولار.. لم تولد تكنلوجيا جديدة في السودان غير مفهومة لنا كمتخصصين...وعليه نطالب بتفاصيل فنية الآن!

..بحثت فى صفحة بنك السودان عن اى تقنية تستحق مبلغ ٣٠٠ دولار ناهيك عن 640 الف فلم اجد شئ ..
يعنى حتنتظر للسنة الجاية والنتيجة صفر..
ياخى الاردنيين لو برمجو لبنك السودان فقط Onlinebanking الواحد يقول تمام المبلغ كبير
لكن ما ُانجذ اكبر ..لكن شوية html و javascript فى صفحة لا يوجد فيها سوى معلومات
وبمبلغ خرافى ..والله يا ناس إتحاد المصارف نمركم طلع كديس

والله يا مصطفى يا أخوي ترانا قاعدين في دول بتصدّر تكنلوجياتها لكل العالم وضمنه دولة الأردن...لكن
لمن تسمع مبلغ يفوق ال 100 دولار في صفقة ذات صلة بتكنلوجيا المعلومات...تتوقع أن ترى ما لا عين رأت، ولا أذن سمعت
من قبل!

نرابط في هذا البوست لنعرف أي مستقبل مظلم ينتظر الوطن في مجال تقنية المعلومات !!!

كل سنة وأنتم طيبين.

بصراحة ما بنفهم في الثقافة دي لكن الموقع دا ما فيهو ابو النوم موش ملفات ومرفوعة ولا في شي تاني ؟

غايتو الفائدة الفيهو اللقيتا احصائيات تخوف عن الاقتصاد السوداني خاصة عجز الميزان التجاري واستيراد الملوخية واللحمة من الخارج ؟!!! ديل حتى السمك جايبنو من برا الله يستر ما يكون دبس بس

والاغرب من ذلك في التقرير السنوي http://www.bankofsudan.org/ جايبين مقدمة كبيرة وعريضة عن تاثر الاقصاد السوداني بالازمة العالمية مع انو ناس صابر ديل ظاااااااتم اول ما بدات الازمة قالو السودان ما ح يتاثر ابدا بالازمة ؟!!!!!!

الناس دي لو بتفتكر انها بتغش الشعب تبقى غبية بشكل ما عادي دا زي الزول البعمل مرضان وما عاوز يصلي التقول ربنا ما عارفو !

ما هو في النهاية المشكلة والازمة ح تجيك ح تجيك لو كذبت ولا ما كذبت

حاجة عجيبة على قول حميد ديل لا بستحو ولا بشبعو ولا بخافو من الاله ولا من الشعب !!!
يا حليل زمن الشعب البفهم

الاخ محمد حسن العمدة
عيد سعيد
المهم بعد دا قالوا أنا جهول وشهرت بالادارة العالية للبنك وح يرفعوا علي قضية لكين لما عرفوا أنو معي مسندات وحتي صورة من العقد العجيب وكمان شريط بك أب ما في أي حركة غير كلام ومحاولات للوصول المسندات أو مصدرا وحتي في تصريح أخير قالوا أنو العمل جاري في بناء الموقع وأعمال البرمجة
بالله نحن و وين ولا في أي عهد وزمن !؟

Quote: هل يحقق السودان طلبات البنك الدولي؟ استبعاد التزام السودان بشروط البنك الدولي بسبب طابعها السياسي (الأوروبية) عماد عبد الهادي-الخرطوم بدا خبراء الاقتصاد السوداني متفقين على ارتباط شروط البنك الدولي للإصلاح الاقتصادي في البلاد بأجندة سياسية مختلفة. لكنهم اختلفوا بشأن مقدرة السودان على بلوغ برنامج الإصلاح الذي ينادي به البنك أسوة بدول أخرى لكون تلك الشروط ذات أبعاد مختلفة، رابطين معالجة ديون السودان بتنفيذ اتفاقية السلام الشامل وحل أزمة دارفور. وكان البنك الدولي قد وضع حزمة من الإجراءات لوضع إستراتيجية لخفض معدلات الفقر ومكافحة الفساد في أعلى مستوياته، وتعدد الصادرات وعدم الاعتماد على مورد البترول، في سبيل معالجة ديون البلاد التي بلغت نحو 35 مليار دولار. وفي المقابل لم ترفض الحكومة السودانية مقترحات البنك الدولي والمؤسسات الدولية الأخرى، رغبة منها في أن يفضي حوارها مع تلك المؤسسات إلي ما تصبو إليه من إعفاء أو جدولة جديدة تسمح للاقتصاد السوداني بالانطلاق. السودان بذل جهودا حثيثة للنهوض باقتصاده (الجزيرة-أرشيف) إصلاحات كثيرة أما خبراء الاقتصاد، فعلى الرغم من تأكيدهم أن الحكومة السودانية قد نفذت كثيرا من الإصلاحات، فإنهم أشاروا إلى ما أسموها السياسات غير المرئية لصناديق الدين الدولية وعلى رأسها صندوق النقد والبنك الدوليين. فخبير الاقتصاد سيد علي زكي استبعد التزام السودان بشروط البنك الدولي لطابعها السياسي. وتوقع عدم إدراج السودان في مبادرة إعفاء الدول الفقيرة والأكثر فقرا من الديون، مشيرا إلى وجود مشكلة رئيسية، وهي "أن المؤسسات المالية تصادق على القرار وتدفع المبلغ دول كبرى أو إحدى الدول الغنية، لكن السودان ليس على وفاق مع تلك الدول". وأكد وجود جوانب فنية واقتصادية مرتبطة بأجندة سياسية تتعلق بتحقيق السلام الاجتماعي وتطبيق برنامج اقتصادي اجتماعي. ارتباط سياسي وبدا زكي خلال حديثه للجزيرة نت، غير متفائل بالتزام السودان ببرنامج الإصلاح الاقتصادي لارتباطه الأساسي بتنفيذ اتفاقية السلام الشامل وحل أزمة دارفور والتحول الديمقراطي الحقيقي بالبلاد. أما المحلل الاقتصادي محمد الناير فقد رأى أن السودان ظل يبذل جهودا حثيثة للنهوض باقتصاده ومعالجة ديونه "إلا أنه لا يجد تعاطفا من المجتمع الدولي"، معتبرا أن الأزمة المالية العالمية قد أدت إلى خفض معدلات نمو الاقتصاد السوداني بشكل كبير. وقال للجزيرة نت، إن الأزمة المالية العالمية ضربت كل اقتصاد العالم، لكن السودان كان في وضع اقتصادي أفضل بكثير مما هو عليه الآن، مشيرا إلى أنه "رغم تعرض الاقتصاد لهزة في النصف الثاني من 2008 حتى النصف الأول من عام 2009، فإنه تفاداها بمؤشرات اقتصادية عالية". معدلات عالية وأكد الناير أن السودان حقق معدل نمو اقتصادي فاق 10% إلا أنه تراجع إلى نحو 6%، رغم أن العديد من دول العالم لم تستطع تحقيق هذا المعدل. الناير: السودان بذل جهودا حثيثة للنهوض باقتصاده ومعالجة ديونه (الجزيرة نت) ولفت الناير إلى تقرير البنك الدولي الصادر في عام 2008 والذي ورد فيه أن السودان احتل المرتبة 64 عالميا والثامن عربيا من حيث تحقيق معدلات نمو عالية. "وتلك مؤشرات اقتصادية أكدت أن الأزمة العالمية كانت مبررا أمام البنك الدولي للاعتراف بتأثيرها على السودان كغيره من الدول". واتفق المحلل الاقتصادي محمد رشاد عبد الرحيم مع ما ذهب إليه الخبير الاقتصادي سيد علي زكي من أن سياسات البنك الدولي ليست اقتصادية فقط، بل تتغير مع التغيرات العالمية لترتبط بالقضايا السياسية وحقوق الإنسان والحكم الرشيد وتطبيق الشفافية والعدالة في الحكم. ورأى استحالة إعفاء ديون السودان في ظل الوضع السياسي الراهن. وقال للجزيرة نت إن برنامج الإصلاح الاقتصادي لا يكفي لإقناع البنك بمعالجة ديون السودان. وأشار إلى وصف البنك الدولي لمجهودات الحكومة في خفض معدلات الفقر بالضعيفة. وأضاف "لذلك طالبت بتوزيع عادل للثروة"، مؤكدا أن مؤسسات مثل النيباد ومنظمة الشفافية العالمية أصبحت مرجعية اقتصادية تتحدث عن قضايا التهميش والعدالة والشفافية. المصدر: الجزيرة http://www.aljazeera.net/NR/exeres/FC9CD064-8AC2-470B-9...D.htm?GoogleStatID=9