ياعمر عثمان ربنا يرحم الوالدة فاطنة بت احمد ويسكنها فسيح جناته ببركات الشهر الفضيل زى ما قاعد تقول لى امى ياعمر عثمان ( ياحتة منى) هم مش حتة مننا هم كلنا شان كدا شوقنا ليهم هو هو حتى لو رحلو وسابو الدنيا ...
Quote: من يومين بحضر فى برنامج (بينى وبينك) ومقدمه الطيب الماجد والفنان محمود تاور ومطربة اسمها ميرفت ... وكان ضيف الحلقة كابتن طيار صديق عبدالجبار(اعتقد عضو البورد) غنى محمود تاور اغنية يمة الشوق غلب ولحظتها غلبنى الشوق والكلام وكانما محمود تاور يعنينى بالاغنية رفعت سماعة التلفون وجانى صوت امى كالعادة حنين ودافئ .... قالت لى عرفتك يابت بطنى وياحتة منى انا ذاتى الشوق غلب ...
امـى انا بحبك ومشتاقة ليك .....
سلامات يا اميره الشيخ ياسلام عجبني شديد البوست ده .. ربنا يخلي ليك امك ويديها طولة العمر والصحه والعافيه يارب .. والغربه انشاء الله تعقري ..!! ـــــــــــــــــــ ايمن تابر
تعرف فى الوقت دا دائما بكون بحضر برنامج اغانى اغانى وناس بيتنا برضو غيرت القناة من النيل الازرق للسودان ولقيت يمة الشوق غلب وناس بيتنا برضو غيرو القناة فى نفس اللحظة
لما اتصلت على امى كانت عارفة ومتاكدة انى بحضر فى محمود تاور ....
حتى من غير ما اقول ليها بصوتى المخنوق والعبرة السادة حلقى عرفت انى بسمع فى يمة الشوق غلب وقتها دموعى ودموعها كانو الحل ...
Quote: تحياتي وكل عام وانت بخير وربنا يخلي ليك الماما واديها طولة العمر والصحة والعافية مع تحياتي لكل الاحباب القطراب
تسلم ياعمو هشام وكل سنة وانت طيب وتحياتك للقطراب تصل
Post: #5 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: عاطف عمر Date: 09-01-2010, 06:59 AM Parent: #1
ترجعي لها سالمة غانمة بحول الله تفرح بك الفرح الذي هو ( في خاطرها وفي مناها ) تربي أنجالك كما ربتك هى فخورة بك واثقة منك غرست فيك كل جميل وزودتك بكل ما هو أصيل ثم بعد ذلك قدمتك لبلاد الغربة
تحياتي ومحبتي لها وتحياتي ومحبتي لك أميرتنا الغالية
الاستاذ ..عبدالله كســــلا ...سلاااااااااام .. ربنا يرحم الوالدة ويحسن اليها ببركات الشهر الفضيل لمافتحت البوست فى بالى امهات كتار رحلو من الدنيا فدمعت عينى قبل ارساله ...ولكن دى الحياة بتدى وبتاخد فى نفس الوقت الام ما بتننسى يا عبدالله كسلا بطول المدة لانها فى القلب والعقل وموجودة بكمية القيم الغرستها فينا ...
Quote: الأم ما بتتعوَّض يا أميرة ... الأمو عايشة يبقى عليها عشرة .. يبرها ويختها جوووة عيونو ...
بستغرب ياود كسلا فى زول يكون جافى مع امو ..مقصر مع امو ..برفع صوتو على امو ..ما بتواصل مع امو وممكن يكون ساكن معاها فى حتة واحدة ... ياريت ..ياريت نبقى عليهن عشرة وفعلا الام ما بتتعوض امى دى لو عندى طريقة ماتمشى فى الارض ما بخليها تمشى ... تسلم ياعبدالله على الدعوات..... وسعيدة جدا انى اشوفك لاول مرة فى بوستاتى تسم وشكرا كتير
Post: #12 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: ابراهيم محمد الحسن Date: 09-01-2010, 07:57 AM Parent: #10
الأخت أميرة الشيخ ،، حقيقي البوست حرك المشاعر من الصباح ،،
عمر عثمان ،،
Quote: والدتي .. فاطنة بت احمد ....... رحلت منذ ستة عشر عاماً ولا زلت إشتاق إليها في كل لحظة وكل حين ...........
وأنا والدتي .. فاطنة بت علي أحمد ..... رحلت منذ تسعة عشر عاما .. ومازلت أفتقدها في كل لحظة وكل حين ...
تعرفو ،، أنا كل ما أسمع (أمي .. الله يسلمك) وأين ما كنت ،، ألاقي عيوني تدمع ..
ربنا يطيل أعمار أمهاتنا الأحياء ،، ويرحم من فقدناهن ..
Quote: وأنا والدتي .. فاطنة بت علي أحمد ..... رحلت منذ تسعة عشر عاما .. ومازلت أفتقدها في كل لحظة وكل حين ...
ربنا يرحم فاطمة بت على احمد ويسكنها فسيح جناته .....
Quote: أنا كل ما أسمع (أمي .. الله يسلمك) وأين ما كنت ،، ألاقي عيوني تدمع ..
والله العظيم يابراهيم انا اى اغنية فيها سيرة الام دموعى ما بتقيف ..امى الله يسلمك ...شايلى الحليلى على المراح ...الشوق غلب دى كلها اغنيات شعراءها يحسون ويعرفون قيمة الام ...
Quote: ربنا يطيل أعمار أمهاتنا الأحياء ،، ويرحم من فقدناهن ..
Quote: ترجعي لها سالمة غانمة بحول الله تفرح بك الفرح الذي هو ( في خاطرها وفي مناها ) تربي أنجالك كما ربتك
امين ياعاطف ..
Quote: هى فخورة بك واثقة منك غرست فيك كل جميل وزودتك بكل ما هو أصيل ثم بعد ذلك قدمتك لبلاد الغربة
نفسى احكى ليك عن امى يا عاطف نفسى احكى واحكى واحكى لكن خايفة انى ما اوفيها حقها نفسى احـكى ليك عن قوتها وضعفها احــكى عن حنيتها عن حكمتها عن صبرها وطولة بالها وسعة صدرها عن كرمها عن محبتها للضيوف واحتفاءا بيهم عن وضوحها وقوة حجتها عن طريقتها فى التربية وتعتبر بالنسبة لى مدرسة فى حد ذاتها وانا المتخصصة فى علم النفس ولا جناح المحنة المفرود ملايين الامتار ومغطينا واهلنا واصحابنا وجيرانا ومعارفنا من غير من ولا اذى ..
بريدك يا امى ,,,,
Post: #19 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: محمد عبد الماجد الصايم Date: 09-01-2010, 09:12 AM Parent: #14
رسالتك وصلت وصلت كاملة غير منقوصة واتمنى ان تجدها بخير وعافية
Post: #28 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: مرتضى احمد عبد القادر Date: 09-01-2010, 10:33 AM Parent: #24
مشتاااااااااااااااقه يا أمى يا خدوج .. الشووووووق غلب ..
أمي يا خديجة .. الله يرحمك ويغفر ليك ويبنى ليك بيت فى الجنة ويجعله ملتقانا ..
عفاف الصادق ...
الله يرحم امى خديجة ويحسن اليها بقدر ما اعطت وربت واحسنت التربية اهو المحنة الفيك والتسامح هو ثمرة الغرس حق امنا خديجة لها الرحمة ياعفاف بقدر ماربت واحسنت تربيتكم
الأخت الفاضلة أميرة بت الشيخ .. بوست رائع مفروض الواحد يستفتح بيهو يومه وربنا يحفظ ليك الوالدة ويديها الصحة والعافية .. ونحن زي ما قال ود الصائم غلبتنا الكتابة ...
كانت هنا يا بت الشيخ كانت تملأ الكون فرحة مشت يا بت الشيخ مشت خلتني براي اصبحت رقم على شاهد (5246) ترقد هناك بسلام يا بت الشيخ في أطراف المدينة قتلني موتها نفسي ارقد جنبها زي زمان يا بت الشيخ في العنقريب نفسي تفليني يا بت الشيخ وتقولي كفاك ارجع يا الحبيب نفسي القاها منتظراني في المطار زي زمان اقالدها ونتباكى الله يرحمك يا عشة بت ابو دية
اكيد يا اميره هي بتكون مشتاقه اكثر منك لان لحظة انتِ لم تغيبي عن خيالها اها شوق الامهات دا انا البعذبني شديد وليس شوقنا اليهم لان شوقهم هو الاكبر ربنا يحفظكم لبعض يا اميرة والله يرحم والدتكم ياطارق ويسكنه فسيح الجنات يارب
اميرة الشيخ رجعت ليك تاني معليش ياخي بعد الافطار اتصلت على الوالده وسمعت انها يوم امس لم تسطيع تحمل غسيل الكلى وهي اربعة ساعات مرتين في الاسبوع وقضت ربع ساعة وتوقفت . اها سألتها اخبارك شنو قالت : انا كويسة وتمام التمام بس المشكله ياولدي الشوق وشوف رغم الحال والعذاب التي تعاني منه بسبب المرض والشوق هو هاجسها الاكبر الدنيا ضلمت قدامي وبكيت وتوقفت من الحديث معها وتذكرت بوستيك دا ورجعت ليك تاني .. ( قلبي على ولدي وقلب ولدي على حجر ) اخخخخخ يا اميرة من الام اللهم ارحم جميع الامهات الاحياء منهم والاموات
أمى الله يسلمك ويديكى لى طول العمر. وفى الدنيا يوم ما يألمك امى الله يسلمك.. أمى يا دار السلام يا حصنى لو جار الزمان ختيتى فى قلبى اليقين يا مطمنانى بطمنك أمى الله يسلمك.. خيرك على بالحيل كتير يا مرضعانى الطيبة بالصبر الجميل يا سعد أيامى وهناى لو درتى قلبى أسلمك أمى الله يسلمك .. أنا مهما أفصح عن مشاعرى برضو بيخونى الكلام وقولة بحبك ما بتكفى وكل كلمات الغرام يا منتهى الريد ومبتداه يا الليا الله يسلمك ويديكى لى طول العمر وفى الدنيا يوم ما يألمك أمى الله يسلمك ..
Quote: أمى الله يسلمك ويديكى لى طول العمر. وفى الدنيا يوم ما يألمك امى الله يسلمك.. أمى يا دار السلام يا حصنى لو جار الزمان ختيتى فى قلبى اليقين يا مطمنانى بطمنك أمى الله يسلمك.. خيرك على بالحيل كتير يا مرضعانى الطيبة بالصبر الجميل يا سعد أيامى وهناى لو درتى قلبى أسلمك أمى الله يسلمك .. أنا مهما أفصح عن مشاعرى برضو بيخونى الكلام وقولة بحبك ما بتكفى وكل كلمات الغرام يا منتهى الريد ومبتداه يا الليا الله يسلمك ويديكى لى طول العمر وفى الدنيا يوم ما يألمك أمى الله يسلمك ..
مابتكفى كل كلمات الدنيا للتعبير عن محبتنا للام لكن التجانى حاج موسى لو كتب اغنية امى الله يسلمك دى بس لكفته.... شكرا ياعبدالعزيز عيسى ومرحبتين
Quote: اميرة الشيخ رجعت ليك تاني معليش ياخي بعد الافطار اتصلت على الوالده وسمعت انها يوم امس لم تسطيع تحمل غسيل الكلى وهي اربعة ساعات مرتين في الاسبوع وقضت ربع ساعة وتوقفت . اها سألتها اخبارك شنو قالت : انا كويسة وتمام التمام بس المشكله ياولدي الشوق وشوف رغم الحال والعذاب التي تعاني منه بسبب المرض والشوق هو هاجسها الاكبر الدنيا ضلمت قدامي وبكيت وتوقفت من الحديث معها وتذكرت بوستيك دا ورجعت ليك تاني .. ( قلبي على ولدي وقلب ولدي على حجر ) اخخخخخ يا اميرة من الام اللهم ارحم جميع الامهات الاحياء منهم والاموات
Quote: اكيد يا اميره هي بتكون مشتاقه اكثر منك لان لحظة انتِ لم تغيبي عن خيالها اها شوق الامهات دا انا البعذبني شديد وليس شوقنا اليهم لان شوقهم هو الاكبر ربنا يحفظكم لبعض يا اميرة
وليد عبداللطيف ...سلام..
شوق الامهات ..شوق الامهات .....شوق الامهات بالضبط ياوليد وشوفو موزع بين كم بنت وبين كم ولد؟ شوف بتكون شايلة هم كم واحد بعيد منها ونحن بنعذبهم اكتر مرات من غير ما نقصد .... ربنا يحفظ ليك والدتك كمان يا وليد ويديها الصحة والعافية
Quote: كانت هنا يا بت الشيخ كانت تملأ الكون فرحة مشت يا بت الشيخ مشت خلتني براي اصبحت رقم على شاهد (5246) ترقد هناك بسلام يا بت الشيخ في أطراف المدينة قتلني موتها نفسي ارقد جنبها زي زمان يا بت الشيخ في العنقريب نفسي تفليني يا بت الشيخ وتقولي كفاك ارجع يا الحبيب نفسي القاها منتظراني في المطار زي زمان اقالدها ونتباكى الله يرحمك يا عشة بت ابو دية
يشهد الله مافى شئ بتقال ياطارق الله يرحمها ..الله يرحمها
Post: #50 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: معتصم دفع الله Date: 09-02-2010, 11:25 AM Parent: #47
عارفه يا مرمر .. الحاجة اليومين ديل كل ما أضرب ليها تقول لي أديني عموري النكلمه .. أقول ليها دقيقة يا حاجة النسلم عليك أول .. تقول لي كدي أدوني عموري أول بعدين النسلم عليكم ..
تاني تسألني أها إنتو جايين متين .. أقول ليها لسه يا حاجة علينا شويه .. تقول لي خلاص جيبو لي عموري وإنتو أقعدو ..
أها وفي الإجازات نكون قاعدين معاها في البرندة بتاعته .. أقوم أشاغله ليك يا حاجة البنيات ديل ولا بعرفن يسون الجبنة .. تقول لي أنا لما كنت كويسه ما بسويها ليك هسي ما عيانه .. أقول ليها خلاص تاني نهائي ما بشربه كان ما سويتيها لينا بيديك .. وذكريات حلوة كتير يا مرمر .. يعجز الواحد من كتابتها هنا ..
الله عليك يا أميرة قدرتي تهبشي جوانا بالغالية .. ياخي إنتِ فيك حنية تملأ الدنيا دي كلها .. ربنا يخلي ليك الوالدة ويمد في أيامها .. أدعو لأماتنا في كل صلاة بأن يمتعهن ربنا بالصحة والعافية .. ولكل أماتنا الفارقن الفانية المغفرة وجنة عرضها السمؤات والأرض ..
اميرة الشيك... يربنا يلمك بالحجة وناس البيت في اجمل ساعات الخير
ويا بت الشيخ كل ما اقول اخش ليك بوست النهنيك برمضان القاك متجرسة أهو رمضان زاتو شتت يا بت والله بقيتي حنينة اكتر من طارق جبريل ياخوانا الغربة كان حارة كدة خلوها وتعالوا... عموما يا اميرة كل سنة وانتي وناس البيت طيبين ومن هسة عيدك كريم ولو حتقعدي تسكـلبي كدة.
يامو... عموري ده رسلوه لحبوبته،صدقني بتكون متجرسة اكتر منكم ذاتو
يا جماعة في شنو...استهدوا بالله
Post: #53 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: محمد فضل الله المكى Date: 09-02-2010, 10:21 PM Parent: #52
. زولاً ستر حالَه.... في الغُربه البطّاله
Post: #54 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: محمد فضل الله المكى Date: 09-02-2010, 10:24 PM Parent: #53
الإنسان الذي يفقد أمه باكراً هو من يحس بعمق شديد بالألم.. هو أكثر من يعرف أهمية الأم اليتيم من فقد أمه!! طيب الله ثراك يا أمي وألجقك بالصديقين والشهداء..
Quote: لإنسان الذي يفقد أمه باكراً هو من يحس بعمق شديد بالألم.. هو أكثر من يعرف أهمية الأم اليتيم من فقد أمه!! طيب الله ثراك يا أمي وألجقك بالصديقين والشهداء..
Quote: عارفه يا مرمر .. الحاجة اليومين ديل كل ما أضرب ليها تقول لي أديني عموري النكلمه .. أقول ليها دقيقة يا حاجة النسلم عليك أول .. تقول لي كدي أدوني عموري أول بعدين النسلم عليكم ..
تاني تسألني أها إنتو جايين متين .. أقول ليها لسه يا حاجة علينا شويه .. تقول لي خلاص جيبو لي عموري وإنتو أقعدو ..
معتصم يامعتصم ..... تعرف من كلامك الفوق دا بتثبت مقولة انو الام بتولد مرتين .... يعنى اسى امك حتكون مشغولة بعمورى زى انشغالها بيك واكتر وبتكون شايلة هم انكم ممكن ماحتعرفو تتعاملو كويس معاهو او ممكن تقصرو معاهو صم وير لانعدام الخبرة ,,,, الامهات عظيمات يامعتصم
Quote: ها وفي الإجازات نكون قاعدين معاها في البرندة بتاعته .. أقوم أشاغله ليك يا حاجة البنيات ديل ولا بعرفن يسون الجبنة .. تقول لي أنا لما كنت كويسه ما بسويها ليك هسي ما عيانه .. أقول ليها خلاص تاني نهائي ما بشربه كان ما سويتيها لينا بيديك .. وذكريات حلوة كتير يا مرمر .. يعجز الواحد من كتابتها هنا ..
شفتها الذكريات دى هى البتجهجه .. اخواتى يقولو لى كل مانعمل حاجة امى تقوليهم لا اصلا اميرة مابتعملها كدا ..ولو اميرة فى كان حصل ..لو اميرة فى كان اسى يكون كدا ودا المتعبنى يا معتصم مابتمر لحظة غير نحن نكون فى بالهم .... ربنا يقدرنا نحبهم ونبرهم ....
Quote: الله عليك يا أميرة قدرتي تهبشي جوانا بالغالية .. ياخي إنتِ فيك حنية تملأ الدنيا دي كلها .. ربنا يخلي ليك الوالدة ويمد في أيامها .. أدعو لأماتنا في كل صلاة بأن يمتعهن ربنا بالصحة والعافية .. ولكل أماتنا الفارقن الفانية المغفرة وجنة عرضها السمؤات والأرض ..
تصدق يامعتصم امى دى فيها حنية لو قسموها على العالمين دى لغطت وفاضت واظن دا جزء من حنيتها امين يامعتصم ربنا يخليهم ويحفظهم يارب
Post: #71 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: Nader Abu Kadouk Date: 09-04-2010, 10:40 AM Parent: #65
Quote: فى حضرة امى بغلبنى الكلام كما الشوق ...
بحبك يا امى
ربنا يخليها ليك يا بت الشيخ و يجمعك معاها قريبا
Post: #72 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: naeem ali Date: 09-04-2010, 10:47 AM Parent: #71
أميره الاميره.. ياخ والله جرستينا ونحن قراب من (الام)..
أعظم من (رحيق) الشمعه وأكبر من مدي التزكار الطف من (حفيف) الدف وأعمق من طقوس (ألزار).. أروع من حديث الحب وامتع من سلاما حار
لهاالرحمة امي . وتسلمي اميرة علي الكلام الجميل وجميع المتداخلين.
الام ذلك الكيان العظيم والركن الشامخ الذي ناؤي اليه لنستفئي بظله ونحتمي به من عوائق الدهر وصوادف الايام. هي المراة الوحيدة التي تشعر دائما امامها بصغرك وضألتك وطفولتك مهما كبرت ستظل ذلك الطفل في نظرها. المراة التي تحمل مخزونا ضخما من الحنان والود والعطف والشفقة مالو حمله غير قلبها لنآء بحمله.
يعني سلمى بتي المفعوصه دي أعاملها على هذا الأساس من الآن ؟
وللا الأم بتكتسب (حاجتها) دي في مرحلة معينة؟
قولي انتي بأااه
Post: #75 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: هويدا شرف الدين Date: 09-06-2010, 07:36 AM Parent: #74
شوفي الزمن يا يمه ساقني بعيد خلاص جرعني كاس دردرني اتغربتا واتعذبتا يا يمه وريني الخلاص
يا يمه يا نور الصباح وكتين يطل يا يمه يا بدري البيشع دايما بيهل يا يمه يا فيض الحنان الما كمل وآآ شري يا زينوبه ولدك في دروب الشوق كتل محروم من الحب والمحنه وراك همل
يا يمه يا نغما حنين بالشوق يرن وافكاري فيهو بيرتعن دمعاتي تاني بينزلن بيتذكرك يا يمه في الدقش النسايمو يهبهبن قايمي الصباح متكفلتي شايله الحليلي علي المراح جبتي اللبن بي انشراح والساعة ديك يا دوبو ديكنا بدأ الصياح والطير صغارو بيغردن
بيتذكرك يا يمه في ساعة الهجير صالاكي نار الدوكي عستيلنا الفطير رشيتي قلتي اكلوهو خير بيتذكرك يا بسمه الطفل الغرير وقت الخلوق ترقد تنوم بسهر برايّ مع النجوم والشوق يرف جنحينو بي فوق ليّ يحوم اهتف باسمك في الخيال طيفك كمان من فوقي جال اتمني لو لحظات يدوم لكني فجأة القاهو زال
يا يمه يا بحر الموده وقت يفيض يا يمه يا شمعه امل زادت وميض بيتذكرك لما الناس يجونا من البلد ناعم ترابها علي هديماتن رقد ريحة التمر فوق الهدوم ريحة الخضار خانس لبد بيتذكرك ساعة الناس يقولو راجعين البلد رصوا الهديمات عدلوا ركبوا اللواري وقبلوا خلوني وحدي بلا انيس كيفن فراق اتحملو لمن يجوكي ويقولو ليك شفناهو في بلد الامان يا يمه رسلي ليّ عفوك ينجيني من جور الزمان
Quote: شوفي الزمن يا يمه ساقني بعيد خلاص جرعني كاس دردرني اتغربتا واتعذبتا يا يمه وريني الخلاص
يا يمه يا نور الصباح وكتين يطل يا يمه يا بدري البيشع دايما بيهل يا يمه يا فيض الحنان الما كمل وآآ شري يا زينوبه ولدك في دروب الشوق كتل محروم من الحب والمحنه وراك همل
يا يمه يا نغما حنين بالشوق يرن وافكاري فيهو بيرتعن دمعاتي تاني بينزلن بيتذكرك يا يمه في الدقش النسايمو يهبهبن قايمي الصباح متكفلتي شايله الحليلي علي المراح جبتي اللبن بي انشراح والساعة ديك يا دوبو ديكنا بدأ الصياح والطير صغارو بيغردن
بيتذكرك يا يمه في ساعة الهجير صالاكي نار الدوكي عستيلنا الفطير رشيتي قلتي اكلوهو خير بيتذكرك يا بسمه الطفل الغرير وقت الخلوق ترقد تنوم بسهر برايّ مع النجوم والشوق يرف جنحينو بي فوق ليّ يحوم اهتف باسمك في الخيال طيفك كمان من فوقي جال اتمني لو لحظات يدوم لكني فجأة القاهو زال
يا يمه يا بحر الموده وقت يفيض يا يمه يا شمعه امل زادت وميض بيتذكرك لما الناس يجونا من البلد ناعم ترابها علي هديماتن رقد ريحة التمر فوق الهدوم ريحة الخضار خانس لبد بيتذكرك ساعة الناس يقولو راجعين البلد رصوا الهديمات عدلوا ركبوا اللواري وقبلوا خلوني وحدي بلا انيس كيفن فراق اتحملو لمن يجوكي ويقولو ليك شفناهو في بلد الامان يا يمه رسلي ليّ عفوك ينجيني من جور الزمان
الاغنية دى بتقطع القلب عديييييل ياهويدا .. تسلمى .
Quote: هسي يا أميرة البنات ديل كلهن الشايفنهن قدامنا ديل
لمّن يكبرن حا يكونن أمهات بالعظمة دي
شان نديهن قدرهن وحقهن من هسي
يعني سلمى بتي المفعوصه دي أعاملها على هذا الأساس من الآن ؟
وللا الأم بتكتسب (حاجتها) دي في مرحلة معينة؟
قولي انتي بأااه
حيكبرن ويكونن امهات وبالعظمة دى يامعاوية لو كانت التربية سليمة والبيت مليان حنية ومحبة بالاضافة لغريزة الامومة الاصلا موجودة .... سلمى(المفعوصة ) دى انت لو ركزت معاها بتلقى عندها سلوك امومى عفوى وتلقائى ومن الممكن يظهر فى حتات بسيطة وصغيرة جدا من ضمنها ممكن يكون اهتمامها بيك بصورة او باخرى وبتفاصيلك الصغيرة صغيرة..وعلاقتها بامها وباخوانها الشباب الصغار .. ربنا يخليها ليك يارب
Quote: الام ذلك الكيان العظيم والركن الشامخ الذي ناؤي اليه لنستفئي بظله ونحتمي به من عوائق الدهر وصوادف الايام. هي المراة الوحيدة التي تشعر دائما امامها بصغرك وضألتك وطفولتك مهما كبرت ستظل ذلك الطفل في نظرها. المراة التي تحمل مخزونا ضخما من الحنان والود والعطف والشفقة مالو حمله غير قلبها لنآء بحمله.
قمر بوبا يا صاحب .. كل سنة وأنت طيب والعيد يتبارك عليك .. نعيد عليك قبل الجميع ..
كلامك صحيح والمثل بقول أعز الولد ولد الولد .. رغم إنو الحاجة عندها أحفاد كثيرين ولكنها تحب عموري حب شديد ودا من حبها لينا ..
يديك العافية يا حبيب ..
مرمر يا عسل .. المره الفاتت ضيعتي علينا شراب القهوة مع الحاجة والدتك .. غايتو المره الجاية ولا بشتغل بيك على (شيطون) عدل والبيت طوالي عارفه لو نظرنا حولنا ونحن في الغربة اللعينة دي بنلقى روحنا ضيعنا أحلى سنين عمرنا .. الزمن المفروض نكون قريبين من والدينا وأهلنا ولكن نقول شنو دي قسمتنا .. ربنا يرد غربة الجميع .. ويديك العافية ويخلي ليك الوالدة ..
طبعا من يوم شفت الحلقة كان نفسى اسالك دا انت ولا تطابق اسماء بس مالقيت طريقة ولا مناسبة .. و ماشفت ليك صورة قبل كدا شان اتاكد طيب بنيت ظنى دا على شنو ؟ 1/تطابق الاسماء 2/ المهنة ودى عرفتها لما تداخلنا مع بعض فى البوست بتاعى(مرحبا بكم على طيران الكونفدرالية) وقتها زكرت انك كابتن طيار ....وانا بتاعة تربيط فطوالى ربطت بين الاتنين ..
كدى دا انت ولا تطابق اسماء ومهن ... عشان اعلق تعليقى فى الحالتين ليك التحية والتقدير
اولا بركة الطلعت دا انت ياخ لانو بالجد الحلقة كانت جميلة وكنت مية مية رزانة وثقة بلا حدود كما فى كتاباتك بالضبط المضيفة كانت ضعيفة فى الحوار رغم محاولات الطيب عبدالماجد التلقينية ...(بتكرر كلام الطيب زى ماهو)
الاسم زايد الطريقة الخاطبتنى بيها فى بوست (طيران الكونفدرالية ) خلتنى اتخيلك ستينى او سبيعنى مش شباب قدر دا ومشاءالله عليك
تحياتى ليك و واحترامى وكل سنة وانت بخير والف عافية ..
_________________________________________ اول مرة اشوف الفيدو كليب بتاع يمة الشوق غلب وشكرا كثيرا لحضورك الجميل هنا وفى التلفزيون
الغريبة امبارح تمت اعادة نفس الحلقة كالعادة انتقلت من النيل الازرق للسودان لقيت محمود تاور بردد فى يمة الشوق غلب يمة الشوق غلب ليك ياحنينة وللبلد وياربى فرج كربتها وماليها غيرك نصير
اتاكدت انى المقصودة وماعندى تفسير تانى
Post: #93 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: Nader Abu Kadouk Date: 09-09-2010, 11:19 AM Parent: #92
Quote: اولا بركة الطلعت دا انت ياخ لانو بالجد الحلقة كانت جميلة وكنت مية مية رزانة وثقة بلا حدود كما فى كتاباتك بالضبط المضيفة كانت ضعيفة فى الحوار رغم محاولات الطيب عبدالماجد التلقينية ...(بتكرر كلام الطيب زى ماهو)
الاسم زايد الطريقة الخاطبتنى بيها فى بوست (طيران الكونفدرالية ) خلتنى اتخيلك ستينى او سبيعنى مش شباب قدر دا ومشاءالله عليك
تحياتى ليك و واحترامى وكل سنة وانت بخير والف عافية ..
_________________________________________ اول مرة اشوف الفيدو كليب بتاع يمة الشوق غلب وشكرا كثيرا لحضورك الجميل هنا وفى التلفزيون
يا بت الشيخ والله العظيم دي شهادة أعتز بيها جداً .. وكثيرة علي شوية .. كتر ألف خيرك .. وربنا يديم العلاقات الجميلة وكل سنة وأنت وكل من تعزين وعلى رأسهم الوالدة الغالية بخير وصحة وعافية ، وربنا يخليها ليك ويخليك ليها قادر يا كريم ..
وإنشاء الله المرة دي الهلال رايح يواصل رحلة "طائرة الكونفدرالية" all the way وح يهبط بسلام وينقل الكاس إلى أمدرمان بإذن واحد أحد .. وعلى الجميع ربط الأحزمة .. !
تحياتي وتقديري لكي ولضيوفك الكرام .. وكل عام والجميع بخير
Post: #101 Title: Re: يمـة البـريـدة الشــوق غـلـب ,,,,,,,,,,,,,,,,,,,,,,,,,,,,,,,, Author: خالد عبد الحليم سعيد Date: 09-10-2010, 10:16 AM Parent: #99
معاوية الزبير عيدك مبارك وربنا يفرحك كمان وكمان وانشاءالله الوالدة ربنا يديها الصحة والعافية ويشدها كمان وفرحت لفرحك
معاوية انا امى دى فى الايام العادية لازم اتصل وخاصة يوم الجمعة دا يوم ثابت ومقدس وقالت كان ما اتصلت يوم الجمعة بجيها صداع
والله العظيم انا لحدى مالبست توبها وطالعة انا معاها خطوة بخطوة وما اجمل انك تسمع دعواتهم ليك من الصباح وانت فى غربة حالكة الاالله ورقبتك
تخيل وامى بتقول لى باعلى صوت ومن قلبها وحاسة كانى فى حضنها يا اميرة عافية منك دنيا واخرة ورضيانة عليك ويعدلها عليك وين ماقبلت يابركة قبايل السعيد ويديك الفى المراضك وينيلك مقصودك ومناك ويخلى ليك اخوانك ويحاننكم مع بعض وافرح بيكم واشوف جديدكم... دعوات زى دى يا معاوية معقولة ويجينى نوم .. الاتصال دى هو الوحيد البصبرنى وبجرسنى فى نفس الوقت
