Post: #1
Title: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: عمر الفاروق
Date: 08-31-2010, 12:44 PM
Parent: #0
لاعب مكتمل ..
صاحب مهارة عالية جدا جدا..
من أفضل لاعبي الوسط المراوغين ..
فكر عالي..
قوة وإنقضاض وحرارة قلب..
هدوء أعصاب يلغي معه وجود الجماهير وإن كان يلهب مشاعرهم ويثير حماستهم..
يمتلك روح القائد ولو كنت مدرب الهلال لقلدته شارة الكابتنية في غياب هيثم مصطفى ..
مخلص للشعار الذي يرتديه فحتى وهو في طريقه للتوقيع للهلال وقبل يومين من التوقيع للهلال لعب ضده في المريخ وكان نجم المباراة الأول مع علمه بأنه في طريقه للهلال..
وعندما وقع للهلال لعب ضد المريخ كما لم يلعب من قبل..
أعاب الناس عليه الإنفعال والكروت وعن نفسي أجدها ميزة وأتمنى أن لا يتركها علاء الدين ..
لم اشاهد طيلة الفترة التيس تابعت فيها الكرة السودانية لاعب وسط يشبه علاء الدين لا في الهلال ولا المريخ ..
فهو مزيج من العوني وحمد دفع الله والرشيد المهدية والديبة وسامي عز الدين وابراهومة الديسكو واجمال ابو عنجة وبدر الدين بخيت ..
نعم علاء الدين يوسف جمع كللل هؤلاء اللاعبين في قلب وجسم لاعب واحد إسمه علاء الدين ..
لو كان هناك إحتراف حقيقي فعلاء الدين يوسف هو الأنسب لتولي هذه المهمة وأضمن لكم نجاحه بنسبة 200% ..
فهو لا يقل اداء عن توريه في البرشا سابقا وهو افضل من ديارا في ريال مدريد وهو يشابه للحد البعيد سيسوكو في اليوفي ..
علاء الدين ومنذ توقيعه للهلال وهو في اداء تصاعدي وبصورة ملفتة تشعرك بأن هذا اللاعب يخطط تخطيط سليم ويحافظ على لياقته ليطور نفسه سسسسسسسويؤكد بأنه لاعب طموح لا يسقف طموحاته بالإكتفاء بإرتداء شعار القمة وقيادة البرادو أو الكامري ..
ليتني كنت وكيل أعمال أو سمسار لاعبين لبذلت كل ما في وسعي لأكون وكيلاً لهذا اللعب وأقدمه للعالم وصدقوني علاء الدين حصان رهان فوزه مضموووون ..
علاء الدين يوسف لاعب طريقة لعبه وتفكيره لا تشبه السودان ..
علاء الدين يوسف كورتو كتيرة علينا ..
اتمنى ان تتضافر كل الجهود ومن أجل السودان والهلال أن نقدم علاء الدين يوسف للكرة العالمية فيكون هو فاتحة الخير للإحتراف الحقيقي وليس إحتراف القصص الخوالي وما ادراك ما عمان والامارات ..
|
Post: #2
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: فيصل نوبي
Date: 08-31-2010, 12:59 PM
Parent: #1
يا عمر ولا علي كيفكـ ..
علاء الدين في مباراته الأخيرة أثبت تماماً أنه لاعب منضبط
أعاب عليه البعض التهديف من بعيد مع أنني أحببت ذلكـ فيه ..
علاء الدين لاعب وسط لكنه يغطي هفوات كل من يستطيع أن يغطيه ..
يستاهل .. ولو كان عندي قروش كان بقيت ليهو وكيل 
_
حاسدكـ عديل كده
الجايبكـ النت شنو ياخ أمشي شوف ليكـ (لامبادا) أسمعها ياخ .
|
Post: #3
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: omer osman
Date: 08-31-2010, 01:04 PM
Parent: #1
| Quote: يمتلك روح القائد ولو كنت مدرب الهلال لقلدته شارة الكابتنية في غياب هيثم مصطفى .. |
بتاريخ 18-3-2008م وفي صحيفة الصحافة العدد رقم 5297 كان هناك سؤال من ترشح من اللاعبين ليكون كابتن لفريق المريخ ؟
وكان جوابي | Quote: - 8عمر محمد عثمان: ارشح علاء الدين يوسف شريطة اخضاعه لدورة متخصصة في مهام وواجبات الكابتن. |
http://www.alsahafa.info/index.php?type=3&id=2147495011
فرطت ادارة المريخ في علاءالدين ونشاء حاجز نفسي بينه وبين جماهير المريخ يستحيل معه عودته للمريخ في يوماً ما ...........
ويا بخت الهلال بيهو ...............
|
Post: #4
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: دينا خالد
Date: 08-31-2010, 03:10 PM
Parent: #3
بس (بكسر الباء) ....
قايلاهو علاء الدين يوسف صاحبى ..
قلت ياربى داير يغير مجال احترافو
وخلى النحل ؟
طبعا جيت داخله بدافع انارة شمعة لانو قلت
دا بكون بوست موغل فى الضلما
عمر الفاروق بمجد فى علاء يوسف حولااااا والله
اصبعك ما تشوفو من الضلام الفى البوست !!!
جات سلامة !!! وياقول اهلنا فى الغرب الله شاف لينا ..
،،،،،،،،،،،،،،،
وهانذا اخرج واقفل الباب من خلفى ...
|
Post: #5
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: عبدالكريم أحمد الامين
Date: 08-31-2010, 05:28 PM
Parent: #4
*** عمر الفاروق..
** فيصل نوبى..
** مساؤكما خير..
### علاء الدين يوسف يحتاج لقليل من التوجيه لضبط إنفعالاته وهذا دور الاخصائيين النفسيين الماموجوين فى أنديتنا ..
## بشأن وكلاء اللاعبين موجدين ويحملون ترخيص من الفيفا لتسويق للاعبين , وأنا تحت إشارة علاءالدين إذ حب يوقع معاهم عقداً لتسويقه على أن يكون إحترافه فى أُوربا وليس فى إى دوله عربيه ..
(ودام الود بين الجميع)
(ابو محمد فؤاد) - الماكيكى..
|
Post: #6
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: Ashraf el-Halabi
Date: 09-01-2010, 01:01 AM
Parent: #5
زول في كل عشرة باصات بكون عندو فيهن تمانية غلط، وفي كل مية شوتة على القون أحسن واحدة فيهن تكون على بعد فدان من التلات خشبات!!
ويجي عمر الفاروق يقول ليك احتراف عالمي!!
يا مان زولك دا كبيرو الإسماعيلي
|
Post: #7
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: بدر الدين اسحاق احمد
Date: 09-01-2010, 08:13 AM
Parent: #6
ود الفاروق سلام
خلعتنــى قلت الزول دا مالو قاصــد يشتت كورتنــا
علاء الدين يوسف
بتاعنــا بتاع الاعلام الالكترونى بتاع المؤتمر الوطنى
كورتو كتييرة على السودان ..
امكانياتو وخبراتو ومؤهلاتو وتجربتــه كتيرة على السودان
فهل نساعده للإحتراف الحقيقي؟
الاغتراب / الهجــرة / خط احمــر لكوادرنــا
__________
علاء الدين طيارة ان شاء الله يرك فى الواطة
|
Post: #8
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: Hassan Senada
Date: 09-01-2010, 08:32 AM
Parent: #7
لاعب فى كل مباراة الكرت الاحمر مضمون ومسجل باسمو كيف يكون كابتن فريق
|
Post: #9
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: الحاج حمد الحاج
Date: 09-01-2010, 08:42 AM
Parent: #8
علاء الدين شلاليت كورتو كتيرة على السودان؟
|
Post: #10
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: tmbis
Date: 09-01-2010, 10:38 AM
Parent: #9
تعرف يا عمر ..
البورد دا ممكن يكون مقياس رختر في الرصد .. يا داو جنز في المؤشرات ..
لو عايز تتأكد ليك من لاعب في الهلال وتعرف مستواهو الحقيقي ما عليك غلا أن تفتح بوست بي اسمو يا تجيب صورتو ..
يللا بعداك تعال اقعد وانتظر ..
انتظر للبكتبوهو بعض الجماعة اياهم .. عيال مخدر أبو القاسم ... الاجتهاد في اثبات العكس البتشاف بالعين المجردة وما محتاج لي تيلسكوب عشان يشوفو بيهو الهلال ..
بس الحاجة الممتعة إنو بعض الوصيفاب الداخلين على كورة القدم عمايا ولابسين نضارات شمش قاعدين يدوك القراية الصحيحة لي مستوى الهلال ولي لعيبة الهلال دا طبعا بالتضامن مع بعض الكتااب منهم
بعدما قنعو في خيرا فيهو .. بقت عليهم نظرية الكديسة واللبن المعلق في المشلعيب ..
شفته حسع العجب دا .. كان مشى سجل في سيدم وسيد البلد .. يطلعو ليك العجب دا بجليها وهي ثابتة
الفرق الواضح إنو:
فريق الهلال مليان نجوم ممكن تحترف براحة جدا ..
بينما...
خرطمممممية لاعب محترف .. اخدو اتنين في عطبرة زي السم.. دا طبعا لما القطار صفر وقف ..
الماتش اللعبو علاء في مباراة الديش .. حقو يدرسوهو لي الجماعة اياهم في اكاديمية الهلال للتربية الوطنية .. والرياضية والثقافية والفنية إلخ ..
علاء الدين دا لاعب فنان .. وكان جونا ناس البرازيل زاتووو ماف طريقة نفكو ليهم .. خاتنو مدرسة بس لي اي لاعب في السودان ..
بالمناسبة يا عمـــر ..
إنت علاء الدين دا .. بصــم واللا لسة ..؟
|
Post: #11
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: ياسر معتصم
Date: 09-01-2010, 11:16 AM
Parent: #10
مع احترامى لموهبة اللاعب وانا كنت متابع مشواره من هلال كسلا الا ان الدولى علاء الدين ينقصه الكثير ليس فى
المستوى الكروى بل فى الفكر الاحترافى
|
Post: #12
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: عمر الفاروق
Date: 09-01-2010, 06:27 PM
Parent: #11
معليش وكالعادة نتلب في الردود ..
بس أسمحو لي ارد على حسن سنادة اللي قال:
| Quote: لاعب فى كل مباراة الكرت الاحمر مضمون ومسجل باسمو كيف يكون كابتن فريق |
من أين لك بهذه المعلومة ؟؟؟
سؤال بسيط وعشان نكون أكثر موضوعية ..
ما هي اخر مباراة تم فيها طرد علاء الدين يوسف؟
وقبل ما تجاوب اديك معلومة بسيييطة علها تفيدك ..
هل تعلم عزيزي أن علاء الدين لم ينل سوى إنذار وحيد (كرت أصفر ) طيلة هذا الموسم ؟ وهنا اتحدث محلياً ومنذ الانطلاقة للدورة الثانية ..
ما كتبته هو إنطباع عن علاء الدين ولكن علاء الدين الان في طريقه لتجاوز السلوكيات التي جاء بها من المريخ وهنا لا اقول ان السبب هو نادي المريخح ولكن أقول لك ان علاء الدين في حضرة جلسات مع اخصائيين نفسيين وربما تخلص من العادة ..
|
Post: #13
Title: Re: علاء الدين يوسف كورتو كتييرة على السودان ..فهل نساعده للإحتراف الحقيقي؟
Author: مرتضى احمد عبد القادر
Date: 09-01-2010, 07:26 PM
سلام عمر الفاروق علاء الدين لعاب وعندوامكانيات فنيه وبدنيه مهوله بس جد جد Quote: ينقصه الكثير ليس فى
المستوى الكروى بل فى الفكر الاحترافى |
فعلاء ما بعرف يقسم لياقتو اثناء المباراه فكتير في آخر المباريات بيعمل ليهو حاجات واخطأ بتفضح انعدام مخزونو اللياقي وليس لشحها ولكن لعدم توزيعاها اثناء المباراة بالشكل السليم وعندك هيثم مصطفى مثال لتوزيع اللياقه اثناء المباريات‘‘ وعلاء منفعل ولمن اقول منفعل ما بقصد انفعالو واخذو للكروت فقط برضو بنفعل كتير اثناء المباريات ما بقيم الموقف وبحاول يغير النتيجه براهو وممكن تتذكر في اي مباراة الهلال كان محتاج يحرز هدف كم مره علاء كان ممكن يلعب باص لكنو بيصر يدخل بالكورة وسط المدافعين زي كانو شايل سيف وكم مره بيشوت كور ما عندها معنى في حين انو في زميل في موقع احسن كان ممكن يمرر ليهو،، علاء لاعب حريف وقوي وغيور على شعارو البيلبسو بس غيور دي كثيرا بتبقى خصما عليهو وداير وزنة كهرباء وممكن يكون لاعب مهم في دوري محترم
|
|