Post: #1
Title: إلى المريخاب الكونفرتراب
Author: Ashraf el-Halabi
Date: 08-31-2010, 01:50 AM
إنتوا جادين؟
|
Post: #2
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 01:09 AM
Parent: #1
شباب: لا يغرنكم انتصار الهلال على حمام الكونفدرالية،
فالفرق بين الهلال والمريخ في المستوى قدر فرق المسافة من العرضة شمال للعرضة جنوب، فركة كعب
|
Post: #3
Title: Re: إلى المريخاب الكونفرتراب
Author: فايزودالقاضي
Date: 09-01-2010, 01:32 AM
Parent: #2
الحلبي ..سلام ..
سيزيد الصفر سنة جديدة ...
|
Post: #5
Title: Re: إلى المريخاب الكونفرتراب
Author: حاتم كاهن
Date: 09-01-2010, 01:46 AM
Parent: #3
أشرف وفايز
إزيكم يا شباب
عندي سؤالين :
أها والجيش حمام يا أشرف؟
__________
فايز..
وقول كده وشلنا الكاس ...
حتنسلخ ؟!
|
Post: #9
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 02:10 AM
Parent: #5
| Quote: أها والجيش حمام يا أشرف؟ |
الجيش حمام وأنا مالي 
والله يا كاهن أنا كنت متنشن مع الماتش، وما حضرتو من أولو، بديت قبل قون مساوي بشوية،
لكن أقدر أقول ليك الناس ديل سريعين، والكورة السريعة بتربك الكورة السودانية
وبعدين لو لا قوة هجوم الهلا وارتفاع اللياقة البدنية ناس الهلال أسي كان يكونوا في اللقيط زي ما بقول خليل
لكن يا كاهن مزمل بعد الماتش قال "أنا لسة مصر على رأيي: الجيش حمام ميت"
طبعاً رأي مزمل دا ما رأي اختصاصي
|
Post: #4
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 01:42 AM
Parent: #2
أنا معاكم، المريخ السنة دي فايت (الجميعابي البقا سادومبا هداف الممتاز) بالصبر، ودي نتيجة طبيعية للسياسات الإدارية في الكرة السودانية عموماً.
لكن ما معنى كدا تتحولوا منه لشقيقه، ود نفس البطن الما بطرانة!!
هل السياسات البيدار بيها المريخ بتختلف كتير عن بتاعت الهلال؟
الناديين غير السياسات العشوائية عندهم سياسة تانية؟
مرة تصدف هنا وتكون مجلية هناك ومرات تجلي هناك وتصدف هنا!!
الحل في رأيي تبطلوا تشجيع الكورة عموماً، أو تجمدوا نشاطكم التشجيعي، يا كمان، لو ما بتقدروا تقعدوا من غير كاسات، كونفيرت تو تيم زي الناس!!
يعني مثلاً شجعوا البرسا، الريـال، ميلان، شلسي، الأرسنال..
ياخ إن شاء الله شجعوا الأهلي القاهري!!
لكن ما ممكن تمشوا من أحمد لحاج أحمد!!
ياخي قال ليك "كان سرقت أسرق جمل"!
|
Post: #6
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 01:49 AM
Parent: #4
شباب:
كلامي دا ما ليهو أي علاقة بنتائج الهلال في الكونفدرالية،
بالعكس، نتائج ومستوى الهلال في الكونفدرالية جيد.
كلامي ليهو علاقة بالسياسات البتدار بيها كرة القدم عندنا
أقصد يعني ما في تخطيط، والطفرات البتحصل بتكون غالباً ضربة لازب لأنها ما بتستمر ولا بتتطور للأفضل
|
Post: #7
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 01:59 AM
Parent: #6
| Quote: سيزيد الصفر سنة جديدة ... |
غير حسادتكم دي ما في شي جايبكم ورا!!
إنت قايل المريخ فايت الهلال بكاسات كتيرة!
المريخ فايت الهلال بكاس (طريق) مانديلا بس
إن شاء الله الهلال يشيل الكاس يا فايز،
على الأقل عشان تبدوا تتحركوا شوية من (واحدكم) الدولي دا!
|
Post: #8
Title: Re: إلى المريخاب الكونفرتراب
Author: فايزودالقاضي
Date: 09-01-2010, 02:03 AM
Parent: #7
| Quote: على الأقل عشان تبدوا تتحركوا شوية من (واحدكم) الدولي دا! |
البقية اتسرقوا ولا اتباعوا ؟!!
|
Post: #10
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 02:21 AM
Parent: #8
| Quote: البقية اتسرقوا ولا اتباعوا ؟!! |
بالله إنت من الناس البعدو سيكافا ودبي كاسات!!
سبق وقلتها ولا ضير أن أكررها لك يا ود القاضي: دي كاسات وسـخ خشم ساكت
بالمناسبة يا فايز: شايف ناس الهلال ظهر ليهم كاس (رايح) كدا، من سنة كم وستين،
الجاب المعلومة قال كأس إستقلال ولا حاجة كدا شنو ما عارف في بلد أفريقي،
المهم، زمن الكدارات تفصيل داك، ودا يعد أول كاس (محمول جواً) إذا كان في طيارات في الزمن داك،
بالعدم يعد كاس (محمول براً، بحراً، وط إيفر) المهم محمول
|
Post: #11
Title: Re: إلى المريخاب الكونفرتراب
Author: عبد العظيم احمد
Date: 09-01-2010, 03:43 AM
Parent: #10
المريخ دا
افضل فريق فى السودان
بلعب كورة شاملة
ولعبية عالميين مثل وارقوا
وبلعب كورة برازيلية
وستواه افضل الف مرة من الهلال
ومن المفترض
ياخد المريخ كل الكاسات
الممتاز
السودان
وكل الكؤس الافريفية
المريخ دا صفوة العالم
برشلونة
|
Post: #12
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 04:00 AM
Parent: #11
لحين عودة المريخ (لمنصات التتويج) وتجنبأً لمزيد من (التفلتات) يا عبدو أنا أقترح:
|
Post: #13
Title: Re: إلى المريخاب الكونفرتراب
Author: عبد العظيم احمد
Date: 09-01-2010, 04:11 AM
Parent: #12
تابعت باستمتاع أداء لاعبي الهلال والروح القتالية التي تحلوا بها لاعبو الهلال في مبارتهم أمام الجيش النيجري والحق والله كان كل واحد من لاعبى الهلال يعادل كتيبة بحالها من جيش الخصم أدوا المباراة بفدائية وإصرار وعزيمه تفاعلت كثيراً مع مجريات المباراة ويبدو أن الأداء الباهت الذى قدمه لاعبو المريخ والهزيمة القاسية التي مني بها المريخ فى عطبره ألقت بظلالها على وجعلتني أقارن بين روح اللاعبين فى الفريقين ومعنى حب الشعار والتضحية والعزيمة والإصرار التي أدى بها لاعبو الهلال المباراة وجعلتهم يقلبون الطاولة على هذا الفريق الذى حاول أن يتفرعن على الفرقة الزرقاء فى عقر دارها وبين أنصارها ومريديها.. فكان أن لقنوهم دروس فى كيفية الذود عن الشعار وكيفية الحفاظ على المكتسبات وصناعة الفرح لجماهيرهم التى وقفت خلفهم وآزرتهم وهم يحلقون بالهلال فى الصداره عن جدارة خدمة يمين وعرق جبين بل يحجزون مقعدهم من بدرى ضمن فرق المربع الذهبى لبطولة الكونفدرالية ومن مباراتين فقط حقاً إنه إنجاز يستحق أن تنهال الحوافز والهدايا على لاعبي الهلال لأنهم أهل لهذا التشريف.
لاعبو الهلال قدموا نموذجاً للاعبين الذين يعرفون كيف يصنعون الفرح، نموذج فى حب الشعار والإخلاص له لعبوا بفدائية وعزم وإصرار فكان لهم النصر بعكس لاعبى المريخ الذين استوطن فى دواخلهم الاستسلام والخنوع وعدم المسئولية والتفرج على الأهداف وهى تلج شباكهم فى يسر وسهولة!!
فرق كبير جداً بين لاعبى الهلال والمريخ أصبح لاعب الهلال يتميز بالروح القتالية والرغبة فى الانتصار وعدم الاستسلام للهزيمة بينما نجد لاعب المريخ يدخل المباراة فى برود ولا يتفاعل مع إيقاع المباراة ولا هدير الجماهير!!
جيل من اللاعبين مشبع بروح اليأس والإحباط ...شبعان ورويان ولابس وراكب وجيبو مليان مقوم نفسو فى شنو.. لاعبون أدمنوا الهزائم والانكسارات والأزمات وإحباط جماهيرهم والتى ماعادت بعد الآن تتفاعل ما فارقة معاها.. ست سنوات من الدلال والنتيجة خروج مذل فى كل مرة من البطولات الداخلية والخارجية ...والجماهير تعود ولسان حالها عفا الله عما سلف!!
محمد جعفر قريش قال إن مستوى لاعبى المريخ أصبح محيراً وسنعقد اجتماعاً مع الجهاز الفني لبحث أسباب الهزيمه أمام الأمل .....بعد إيه وماذا يضير الشاة بعد ذبحها؟
هؤلاء اللاعبون ما ناس حارة والمشكلة إنو المحترفين تأثروا بهم وأصبح الحال من بعضو!! الإحساس بالمسئولية معدوم تماماً لاعبين مشبعين بالإحباط واليأس والهزائم المتكررة ..جيل لا أمل فيه فقدوا الإحساس بالانتصارات ويتعاملون ببرود مع الهزائم!!
إن سايد
سياسة العين الحارة!!
وتبقى الحقيقة بأن هناك اسماء قد استنفذت أغراضها!!
فقدنا الأبطال والكونفدرالية والممتاز فى الطريق!!
تحصلوا على كل شيئ والنتيجة صفر كبير!!
وضح جلياً بأن لاعبي المريخ لا يقدرون المسئولية الملقاة على عاتقهم!!
خيبة وفشل أصبحت سمة ملازمة للاعبى المريخ!!
حسبى الله ونعم الوكيل!!
يا قريش انعدمت الجدية والروح القتالية فضاع المريخ!!
لكل مجتهد نصيب ومن أخذ الأجر حاسبه الله بالعمل!!
غربلوا هؤلاء اللاعبين من الآن .. والباب يفوت جمل!!
ما بتبغروا من لاعبي الهلال ديل!!
ماشاء الله ذي حصين السبق!!
تاني ديل مافي فريق بوقفهم!!
وكان جابوا الكاس إلا نشوف لينا بلد!!
حنشجعهم لحدي دوري الأربعة!!
يشيفوهو لكن ما يشيلوهو!!
سكري ورمضان مسخن وفلس وكمان هزيمة بجلاجل!!
نفسى أعضي وارغو فى رقبتو لحدي ما سنونى تظهر!!
عذبتنا يا وارغو!!
بختك يا جمال الوالى عرفتها .. مرتااااح!!
ده كلو من ######ظة خطب فى اللاعبين فى عطبرة!!
إنت طنون يا ######ظة ما تخليهم يلعبوا اللعب البعرفو!!
أبو برمودة قال تاني تمرينين فى اليوم ....برضو ما بحلك!!
المريخ مغلوب محلياً والهلال غالب قارياً .. دنيا!
الصدى
|
Post: #14
Title: Re: إلى المريخاب الكونفرتراب
Author: Hassan Senada
Date: 09-01-2010, 08:44 AM
Parent: #13
يا رشاشات كان وين الروح القتالية مع الاسماعيلى رايح جاى وما هلال الجبال وحى العرب ههههههههههههه
قال روح قتالى قال
|
Post: #16
Title: Re: إلى المريخاب الكونفرتراب
Author: محمد البشرى الخضر
Date: 09-01-2010, 08:32 PM
Parent: #14
Quote: يا رشاشات كان وين الروح القتالية مع الاسماعيلى رايح جاى وما هلال الجبال وحى العرب ههههههههههههه
قال روح قتالى قال |
يا شيخ سنادة دا كلام حسن محجوب من القهر العليه اتغزل في الهلال و اولادو وروحهم القتالية
بالمناسبة حسن محجوب بكتب في الصدى برضك ولاّ انت بس عمود مزمل و تقرض على كدا
طيب هاك شوف مزمل كتب شنو Quote: * نهنئ نجوم الهلال بالفوز على إس فان الذي واتاه حظه المعتاد في الحصة الأولى وسجل هدفين من دون أن تسنح له أي فرصة حقيقية، لكن لاعبي الهلال تمتعوا بالرغبة في تعديل النتيجة وكان لهم ما أرادوا.
* تمتع لاعبو الهلال بروح الكفاح التي افتقدها لاعبو المريخ فتمكنوا من العودة وحققوا انتصاراً مستحقاً. |
المصدر
|
Post: #19
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 10:23 PM
Parent: #16
كلام مزمل يا ود البشرى عن حظ الجيش ما سليم
الهلال والمريخ اللتنين عندهم مشاكل في خط الدفاع، بالذات في مسألة التغطية
لكن الهلال ترجح كفته (حالياً) قوة هجومه و"روح الكفاح" زي ما قال مزمل.
قبل كم يوم مزمل دردق قنبلة دخان كل سنة وجاء فيها:
Quote: * إذا واصل سادومبا التسجيل بهذه الغزارة فسيصبح مؤهلاً للانتقال إلى الزعيم!
* سادومبا ولدنا! |
وشايفكم عملتوا رايحين!!
|
Post: #20
Title: Re: إلى المريخاب الكونفرتراب
Author: محمد البشرى الخضر
Date: 09-01-2010, 10:37 PM
Parent: #19
لا يا حلبي ما عملنا رايحين لكن براك قلت قنبلة دخان
بالإضافة لأنو تاني "بابا" قال ملتزم لغاية ديسمبر فشغلة ولدنا دي ما يتجيب حقها زي زمان
مع انو سادومبا دا شكلو اخير كلتشي , دولار واحد زيادة يبيع اهلو
|
Post: #17
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 09:02 PM
Parent: #14
| Quote: يا رشاشات كان وين الروح القتالية مع الاسماعيلى رايح جاى وما هلال الجبال وحى العرب |
يعني الروح القتالية غابت في أربعة ماتشات للهلال؟
يا أب سنينة الروح دي غايبة في العرضة جنوب ليها موسم كامل!
صراحة يا (صهاينة) المريخ الموسم دا ذكرني (شارون) والموت الإكلينيكي
ما فيهو روح نهائي!
الروح القتالية والإصرار يا سنادة هم العامل الرئيسي لنتائج الهلال الإيجابية في الفترة الأخيرة
لكن صراحة السنة دي القلعة الصغيرة الحمراء روح موز ما فيها
لكن لا تجزع يا هذا،طال ما همكم بقى كتل الهلال بدل إحياء المريخ، فحسب السياسات العشوائية المتبعة أيضاً في العرضة شمال ممكن براحة تطلع جنازتين
عشان كدا كبروا المطمورة قدر ودين لحد
|
Post: #15
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 07:43 PM
Parent: #13
| Quote: سياسة العين الحارة!! |
فعلاً، التراخي وسط اللعيبة وهروب المناصرين دا تلزمه عين حارة أو حمرا
يعني الميريخ المفروض في الظروف دي يغير الايكون بتاعته
من النجمة الحمراء
للعين الحمرا
وأهو كله أحمر وهاج
|
Post: #18
Title: Re: إلى المريخاب الكونفرتراب
Author: khaleel
Date: 09-01-2010, 09:48 PM
Parent: #15
كلو من سادومبا ياخ
ياخي محمد عبد الماجد ببالغ
قال سادومبا جاب الحصوة لي اكرم
وسفر الباشا ليبيا وخلي الوالي يتنحي
ربي افرجا عليهم ياخ مساكين
|
Post: #21
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 10:59 PM
Parent: #18
| Quote: كلو من سادومبا ياخ |
طيب خد يا هندسة:
سهر الجداد بدا
|
Post: #22
Title: Re: إلى المريخاب الكونفرتراب
Author: Ashraf el-Halabi
Date: 09-01-2010, 11:07 PM
Parent: #21
Quote:
لا يا حلبي ما عملنا رايحين لكن براك قلت قنبلة دخان
بالإضافة لأنو تاني "بابا" قال ملتزم لغاية ديسمبر فشغلة ولدنا دي ما يتجيب حقها زي زمان
مع انو سادومبا دا شكلو اخير كلتشي , دولار واحد زيادة يبيع اهلو |
بالإضافة يا بو حميد لرحيل بابا (نويل) العرضة جنوب،
ياخ زمان قبل عمود مزمل ما ينزل زي الناس طلباتو كلها بتكون إتنفذت،
وتقريباً دي مشكلة مزمل مع (عنترة)
مزمل داير زول ينفذ كل رغباته
ودا الحيحاول يعملو مع معتصم، وتوا تشبح
|
Post: #23
Title: Re: إلى المريخاب الكونفرتراب
Author: Ashraf el-Halabi
Date: 09-02-2010, 11:21 PM
Parent: #22
يا كونفرتراب:
لو مصرين على النقلة دي استنوا شوية بس لحد ما العيش يجي في زريبة العيش
|
Post: #25
Title: Re: إلى المريخاب الكونفرتراب
Author: Amira Elsheikh
Date: 09-22-2010, 06:26 PM
Parent: #24
Quote: لكن ما معنى كدا تتحولوا منه لشقيقه، ود نفس البطن الما بطرانة!!
هل السياسات البيدار بيها المريخ بتختلف كتير عن بتاعت الهلال؟
الناديين غير السياسات العشوائية عندهم سياسة تانية؟
مرة تصدف هنا وتكون مجلية هناك ومرات تجلي هناك وتصدف هنا!!
الحل في رأيي تبطلوا تشجيع الكورة عموماً، أو تجمدوا نشاطكم التشجيعي، يا كمان، لو ما بتقدروا تقعدوا من غير كاسات، كونفيرت تو تيم زي الناس!!
يعني مثلاً شجعوا البرسا، الريـال، ميلان، شلسي، الأرسنال..
ياخ إن شاء الله شجعوا الأهلي القاهري!!
لكن ما ممكن تمشوا من أحمد لحاج أحمد!!
ياخي قال ليك "كان سرقت أسرق جمل"! |
والله يا اشرف المداخلة الفوق دى نفسى افكها صامولة صامولة كلها نافعة معاى وبتهمنى شديد
الزمن الممحوق دا نسوى فيهو شنو ؟؟؟
غايتو ضمان حاتصرف قبل الارشفة وكان هفت لى كمان بخلى كل شئ وبجيك راجعة اسى..
|
Post: #26
Title: Re: إلى المريخاب الكونفرتراب
Author: haroon diyab
Date: 09-22-2010, 10:27 PM
Parent: #25
عرفنا الجيش حمام ميت ياشارف
اها...
دجلومبيا المالي ( ولا اسمو منو ده)
برضو حمام ميت....!!!!
وكاااااااااااااااااااكـ
|
Post: #27
Title: Re: إلى المريخاب الكونفرتراب
Author: Ashraf el-Halabi
Date: 09-23-2010, 02:31 AM
Parent: #25
فكفكي حنانها ذاتو يا بت الشيخ
هو في شي جابنا ورا غير عدم التفكيك
وما تشيلي هم الأرشفة،
نفتح بوست جديد مع كونفيرتراب العرضة شمال بعد الأرشفة والجعرانية
|
Post: #28
Title: Re: إلى المريخاب الكونفرتراب
Author: Ashraf el-Halabi
Date: 09-23-2010, 02:38 AM
Parent: #27
صراحة يا بو ديبو كله حمام ميت
مجموعة الهلال دي ما فيها تيم قوي غير الاتحاد الليبي
لعبوا متشين من أجمل ما يكون ضد الأهلي القاهري
وحبسو أنفاس جمهور الأهلي حتى الدقائق الأخيرة في الماتش التاني في دور الستاشر لبطولة الأندية
الهلال غلبهم كيف في ليبيا دي المحيراني
لكن بيني وبينك الحمام الميت ولا حوامة الولايات
|
|