Post: #1
Title: بدل يعملو الوحده جاذبه ح يعملو المسيحيه جاذبه
Author: طارق الأمين
Date: 08-30-2010, 12:56 PM
Parent: #0
Quote: وفي السياق ذاته أكد رئيس اللجنة العدلية بمفوضية غير المسلمين سر الختم صالح على أن «اللجنة شرعت في الاطلاع على القوانين السارية، التي تحتاج لبعض التعديل في موادها»، وأشار إلى أنه وجد أربع مواد في هذه القوانين ذات صفة دينية ولا بد من تعديلها، خاصة المادة المتعلقة بإقامة الحفلات، وتقرر تمديد حفلات الزواج إلى منتصف الليل واستثناء غير المسلمين من الالتزام بإنهاء الحفلات عند الساعة الحادية عشرة مساء، وبرر ذلك بأن للمسيحيين طقوسا في الزواج داخل الكنائس تأخذ زمنا طويلا، كما تم استثناؤهم كذلك من إقامة الحفلات حتى الساعة الثانية عشرة ليلا، وكذلك السماح لغير المسلمين بإقامة الحفلات الغنائية والمسرحية أثناء صلاة الجمعة إذا كان الاحتفال غير مقصود به التشويش على الصلاة. وأشار صالح إلى أن «الاجتماع تطرق إلى المادة 21 الخاصة بالمحال التجارية أثناء صلاة الجمعة. وقررت اللجنة استثناء المحال التي يديرها غير المسلمين بفتح أبوابها أثناء صلاة الجمعة، بجانب السماح لهم بفتح محال المأكولات والمشروبات أثناء شهر رمضان. وتحظر التشريعات السودانية فتح المحال التجارية أثناء صلاة الجمعة، وفتح المطاعم والكافتيريات في نهار رمضان. واعتبرت المفوضية أن القرارات والتعديلات جاءت من أجل إغراء الجنوبيين في التصويت لصالح وحدة السودان خلال استفتاء حق تقرير المصير في شهر يناير (كانون الثاني) المقبل.
|
Post: #2
Title: Re: بدل يعملو الوحده جاذبه ح يعملو المسيحيه جاذبه
Author: طارق الأمين
Date: 08-30-2010, 01:03 PM
Parent: #1
طيب هو القانون دا قاصدين يدعو بيهو للوحده الجاذبه ولي المسيحيه الجاذبه
|
Post: #3
Title: Re: بدل يعملو الوحده جاذبه ح يعملو المسيحيه جاذبه
Author: طارق الأمين
Date: 08-30-2010, 01:15 PM
Parent: #2
يتيح لغير المسلمين مزايا اضافيه ويمنع المسلمين من الاحتفال حتي الثانيه عشر مساء حفاظا علي دينهم
|
Post: #4
Title: Re: بدل يعملو الوحده جاذبه ح يعملو المسيحيه جاذبه
Author: مُحَمَّدٍ عِوَضٌ احْمَدُ
Date: 08-30-2010, 01:20 PM
Parent: #2
تحياتى اخ طارق الامين
الحكومة لاتزال مستمرة فى اضافة البعد الدينى لقضية الوحدة وجنوب السودان
الحكاية اكبر من مجرد مسلم ومسيحى..وحفلة..وبيع وشراء..فى الايام المقدسة
ارجو ان يترك عمل الوحدة للهيئات الشعبية..فقط بدلا عن تنظيراتهم الفطيرة
|
Post: #5
Title: Re: بدل يعملو الوحده جاذبه ح يعملو المسيحيه جاذبه
Author: talha alsayed
Date: 08-30-2010, 01:20 PM
Parent: #2
| Quote: طيب هو القانون دا قاصدين يدعو بيهو للوحده الجاذبه ولي المسيحيه الجاذبه |
الاخ طارق تصوم وتفطر على خير
السير اسحاق نيوتن قدس الله سره
اكتشف قبل مئات السنين الجاذبيه الارضيه من خلال وقوع التفاحه من الشجره الى الارض بدل تحليقها فى الهواء
وترك لنا نظرينه التى تفيد ان كتلة الارض تمتلك قوة تجذب بها الاجسام الواقعة فى مجال جاذبيتها
جماعتنا ديل محتاجين يفهمو ان الوحده الجاذبه هى القوه القادره على جذب الافراد والجماعات الواقعه فى نطاق جغرافى اسمه السودان
فهل يمتلكون هذه القوه ؟
وان لم يكونوا يمتلكونها هل لديهم القدره والاراده على اكتسابها ؟
علييهم ان يفكروا مثل ما فكر نيوتن قبل ان يتحدثوا عن اى جاذبيه
مودتى
|
Post: #6
Title: Re: بدل يعملو الوحده جاذبه ح يعملو المسيحيه جاذبه
Author: طارق الأمين
Date: 08-30-2010, 01:22 PM
المسلمين كمان عندنا العروس بتتاخر في الكوفير والساعه 11 بتجي سرعه معا من اجل حقوق المسلمين
|
Post: #7
Title: Re: بدل يعملو الوحده جاذبه ح يعملو المسيحيه جاذبه
Author: Hussein Mallasi
Date: 08-30-2010, 01:25 PM
Parent: #6
ماهو الجاذب للوحدة - أو حتى للمسيحية - في السماح بإقامة الحفلات الغنائية والمسرحية
أثناء صلاة الجمعة؛ أو السماح بفتح محال المأكولات والمشروبات أثناء نهار شهر رمضان؟!!
|
Post: #8
Title: Re: بدل يعملو الوحده جاذبه ح يعملو المسيحيه جاذبه
Author: طارق الأمين
Date: 08-30-2010, 01:35 PM
Parent: #7
اذا اصلا مافي كارثه من استمرار الحفلات حتي الثانيه عشر مساء طيب لشنو التمييز علي اساس الدين الذي يمنعه دستور السودان هل يسعون مافهمتهم غايتو
|
Post: #9
Title: Re: بدل يعملو الوحده جاذبه ح يعملو المسيحيه جاذبه
Author: Yassir Tayfour
Date: 08-30-2010, 01:40 PM
Parent: #8
يا طارق الأمين
كده ممكن أي زول يقع في يد الشرطة، يقول بأنه مسيحي؛ وللا كمان دي بتوقع صاحب الدعوة في مجاهيل الردة وتطبيق حدود الردة والإستتابة؟
___
هل يستطيع رجل الشرطة أن يثبت بأنك مسيحي أو مسلم؟
|
Post: #10
Title: Re: بدل يعملو الوحده جاذبه ح يعملو المسيحيه جاذبه
Author: مُحَمَّدٍ عِوَضٌ احْمَدُ
Date: 08-30-2010, 01:46 PM
Parent: #9
| Quote: هل يستطيع رجل الشرطة أن يثبت بأنك مسيحي أو مسلم؟ |
دى سهلة حسب الدوادوى البتجرو ليهو..
اللهم انى صائم
|
Post: #12
Title: Re: بدل يعملو الوحده جاذبه ح يعملو المسيحيه جاذبه
Author: omer osman
Date: 08-30-2010, 01:58 PM
Parent: #9
| Quote: كده ممكن أي زول يقع في يد الشرطة، يقول بأنه مسيحي |
ونحن طلبة في كلية الشرطة 1987م ........
لمن يكون في تمام مفاجيء دائماً الناس البصلوا في الجامع (وكانوا قلة وقتها) بجوا متاخرين وبقيفوا براهم لحدي ما الضابط يسمح ليهم بدخول الفصائل .......
المهم واحد دفعتنا (مسيحي) جاء متاخر في تمام مفاجيء والتمام بحضور مشرف الدفعة الشخصية الاشهر في تاريخ ضباط الكلية الرائد وقتها والفريق حالياً (عوض وداعة الله)
صاحبنا لقي مافي مخرج غير يقيف مع ناس الجامع ....... وراح منحشر ليك في نصهم ..........
الرائد عوض اتلفت عليهم عشان يخليهم يدخلوا ........ لقي ليك صاحبنا في نصهم .............
هههههههههههههههه يافلان انت برضو كنت في الجامع ؟؟؟؟؟؟؟؟؟؟ هههههههههههه
ايوه يا سيادتك ................
طيب يانبطشي الزول ده تاني ما يطلع ( اذن الاحد) ............ هههههههه
|
Post: #13
Title: Re: بدل يعملو الوحده جاذبه ح يعملو المسيحيه جاذبه
Author: omer osman
Date: 08-30-2010, 02:04 PM
Parent: #12
دفعتنا تاني برضو (مسيحي) ..............
شغالين طابور ذنب .......... جري ونطيط وزحف .......... بسبب غلطة من واحد من الدفعة
شمس سخنة وخلاص تعبنا تعب جد .................
اها صاحبنا ده رقد في الواطة عديل كده .........
جاء الرائد عوض وداعة الله .......... ياطالب ازحف ......... لاحياة لمن تنادي ........... ياطالب ازحف ...... عييييييييك ........ يا طالب ازحف ...........
اها صاحبنا قام زهج قال ليهو (والله ياسيادتك لايكلف الله نفساً الا وسعها لها ما كسبت وعليها ما اكتسبت)
ههههههههههههههههههههه
والله ما دام امانته ياطالب اقوم انصراف ............
|
Post: #11
Title: Re: بدل يعملو الوحده جاذبه ح يعملو المسيحيه جاذبه
Author: طارق الأمين
Date: 08-30-2010, 01:49 PM
Parent: #8
Quote:
Quote: واعتبرت المفوضية أن القرارات والتعديلات جاءت من أجل إغراء الجنوبيين في التصويت لصالح وحدة السودان خلال استفتاء حق تقرير المصير في شهر يناير (كانون الثاني) المقبل.
|
ملاسي اتوجه بي سؤالك المبارك لمصدري القرارات اعلاه ياخ هم قالو فيها وحده جاذبه انت بتعرف اكتر منهم ولي شنو وياريت تدينا اقتراحات منك للوحده الجاذبه سلام
|
Post: #14
Title: Re: بدل يعملو الوحده جاذبه ح يعملو المسيحيه جاذبه
Author: Hussein Mallasi
Date: 08-30-2010, 02:09 PM
Parent: #11
| Quote: ملاسي اتوجه بي سؤالك المبارك لمصدري القرارات اعلاه ياخ هم قالو فيها وحده جاذبه |
السؤال موجه لمن ظنها تجعل الوحدة جاذبة؛
و كذلك لمن ظنها تجعل المسيحية جاذبة.
| Quote: انت بتعرف اكتر منهم ولي شنو |
لا .. أنت الوحيد الذي يعرف أكتر منهم.
|
Post: #15
Title: Re: بدل يعملو الوحده جاذبه ح يعملو المسيحيه جاذبه
Author: طارق الأمين
Date: 08-30-2010, 02:10 PM
Parent: #11
Quote:
ماهو الجاذب للوحدة - أو حتى للمسيحية - في السماح بإقامة الحفلات الغنائية والمسرحية
أثناء صلاة الجمعة؛ أو السماح بفتح محال المأكولات والمشروبات أثناء نهار شهر رمضان؟!!
|
معليش ياشباب خلوني لملاسي عشان في شوق اها ياحبيبنا نقول انو دي قرارات مافيها جذوبيه زي ما انت بتقول اذن بالتالي فانت تمتلك معيار واضح تحدد به ماهو جاذب ماهو ليس كذلك ياريت تتكرم تدينا مقترحات بديله لقرارات جاذبه وماتختفي زي كل مره ياحبيب اها راجنك مكرر
|
Post: #16
Title: Re: بدل يعملو الوحده جاذبه ح يعملو المسيحيه جاذبه
Author: Hussein Mallasi
Date: 08-30-2010, 02:19 PM
Parent: #15
| Quote: ياريت تتكرم تدينا مقترحات بديله لقرارات جاذبه |
إن فعلت احتمال كبير تحمبك.
|
Post: #17
Title: Re: بدل يعملو الوحده جاذبه ح يعملو المسيحيه جاذبه
Author: طارق الأمين
Date: 08-30-2010, 02:36 PM
Parent: #16
Quote:
Quote: ياريت تتكرم تدينا مقترحات بديله لقرارات جاذبه
إن فعلت احتمال كبير تحمبك.
|
اذن من الواضح انك تفكر في الاتجاه الي منحي اخر وربما يكون تحويل الموضوع الي شخصي لانه ان كان في اطار العام فلن يكون هنا معني لحنبكه ولك الحريه فيما تريد ان تتجه اليه من طريق في الحوار اما الحكم بموضوعيه ماتكتب فهو للجميع
|
Post: #18
Title: Re: بدل يعملو الوحده جاذبه ح يعملو المسيحيه جاذبه
Author: ود الباوقة
Date: 08-30-2010, 03:45 PM
Parent: #17
اخ طارق ..........
هل ابناء الجنوب كلهم من المسيحيين ؟؟
|
Post: #19
Title: Re: بدل يعملو الوحده جاذبه ح يعملو المسيحيه جاذبه
Author: Tragie Mustafa
Date: 08-30-2010, 03:54 PM
Parent: #18
يا ود الباوقه
انت بتسأل في طارق الامين؟؟؟
ما تسال حكومتك العبيطه دي؟؟؟؟
Quote:
اخ طارق ..........
هل ابناء الجنوب كلهم من المسيحيين ؟؟ |
خليهم يعرفوا يقنعوا المسلمين الجنوبين بالوحده بعدين المسيحين سهلين!!
|
Post: #20
Title: Re: بدل يعملو الوحده جاذبه ح يعملو المسيحيه جاذبه
Author: Tragie Mustafa
Date: 08-30-2010, 03:59 PM
Parent: #19
طارف الامين سلام
اها تشريعاتهم هذه او قوانينهم ذكرتني نكتة الحلفاوي
ايام كان الحلفاوين مستنيرين ومش زي ناس مياده كمال(هههههه)(بشاغل فيك يا ميدو يا اخي)
اها
قالوا لك الحلفاوي سمع انه في شريعه في الخركوم ومافي شريعه في جوبا
وانه الجنوبي المسيحي لو قبض عليه في الخرطوم شارب لا يجلد بينما الشمالي
المسلم لو قبض عليه حتى في جوبا يحد....(اها الحلفاوي حكى راسه )....وقال
طيب هم ما يفكوا التسجيل اول ويشفوا مين المستعد يسجل نفسه مسلم)!!(هههههههه)
اها حسه نحن حقوا بفكوا للشعب ده التسجيل
ويشوفوا البسجل روحه منو مسلم بالحاله دي؟؟؟
اصلا الاسلام ده يفترض حاجه بين العبد وربه
لكنا لما فيها حجر حقوق قدر ده آخير يفكوا التجسيل اولا.(ههههههه)
|
Post: #21
Title: Re: بدل يعملو الوحده جاذبه ح يعملو المسيحيه جاذبه
Author: Ashraf el-Halabi
Date: 08-31-2010, 02:21 AM
Parent: #20
والتهجد بالمكرفونات، البحمي المسيحيين النوم؟!
ولا الجذبة دي ما قدر دا؟!
|
Post: #22
Title: Re: بدل يعملو الوحده جاذبه ح يعملو المسيحيه جاذبه
Author: cantona_1
Date: 08-31-2010, 02:35 AM
Parent: #20
ومن يبتغ غير الإسلام ديناً فلن يقبل منه وهو في الآخرة من الخاسرين.
كبـّـاشي الصـّـافي
|
Post: #23
Title: Re: بدل يعملو الوحده جاذبه ح يعملو المسيحيه جاذبه
Author: ahmed haneen
Date: 08-31-2010, 10:49 AM
Parent: #22
يا طارق
خليك من الحفلات واللبس
تاني في حاجات كتيرة جاذبة..
هاك مثلا..
التاجر المسلم يدفع ضريبة وزكاة
والتاجر المسيحي يدفع ضريبة فقط .. شفتا كيف ؟؟
|
|