Post: #1
Title: بقر الفضائيات السودانية
Author: mohmmed said ahmed
Date: 08-30-2010, 07:07 AM
Parent: #0
متشابه علينا بقر الفضائيات السودانية
البرامج متشابهه والضيوف نفس الضيوف
مذيع مسطح يتكلم فى اى حاجة وضيوف عاملين طواف من قناة لاخرى
نفس الفنان هنا وهناك
مثلا
حمد الريح غنى مع حسين خوجلى
وفى برنامج السر قدور
وفى هارمونى
وحمد الريح كلامو اثقل من غناهو
زيدان ظهر فى قنوات كتيرة
الحلنقى ظهر مع حسين خوجلى ومع هلرمونى
جمال حسن سعيد شايت مقاولة فى الكل
ناس النكت محمد موسى وما شابه فى كل مكان
نفس النكت بتاعت الزول المجنون بالكوتشينة سمعناها اكتر من تلات مرات
الغريبة نفس العبارات المموجة عند المذيعيين والمذيعات
نحيى فلان ونحيى علان
الراحل المقيم
الفنان القامة
تفتح هنا تسمع الحقيبة شكلت الوجدان السودانى كلو
كضبا كاضب
تفتح التانية دوبيت وغناء الدلوكة
الجقر
فى السودانية وفى هارمونى وفى النيل الازرق
بالمناسبة الجقر دا فنان ولا باحث فى التراث ولا ود الحقيبة
واولاد البنا فى كل مكان
عاصم
الفرجونى
الامين
الجقر
كرهتونا ام درمان ذاتا
المشكلة ابونى
قلنا ناس الجنوب ذاقو مرارة التهميش
حيكونو عادلين ويهتمو بثقافات وفنون الهامش زى جبال النوبة والنيل الازرق
لكن ابونى كلها غنا الجنوب فقط
الابداع فى جوهرو هو تنوع وجمال واختلاف
التشابه والنمطية دليل على فقر فى الخيال
قناة تستضيف فنان تانى يوم كل القنوات تستضيف نفس الفنان
قناة تستضيف زول يقول نكتة يقوم يعمل لينا وجع وش
البرامج كلها حوارات مملة وغناء
اغانى واغنى فقد كثير من جاذبيته
برنامج حسين خوجلى بداية قوية فقط
سهرات خيمة النيل الازرق فوضى مذيعين وهرجلة
خيمة الشروق رتيب
بينى وبينك فكرة الديتو ماعندها مكان فى الغناء السودانى
وين الدراما
وين برامج المسرح
وين الشعر
وين الافلام
وين برامج زى صور شعبية
وزى برنامج جرهام عبد القادر
وين برنامج زى دراما هاشم صديق
جاى علينا العيد
حنشوف نفس الضيوف الثقلاء
ونفس مقدمين البرامج الثرثاريين
ونفس النكت المكررة
ونفس مسرحيات عادل امام القديمة
|
Post: #2
Title: Re: بقر الفضائيات السودانية
Author: EMU إيمو
Date: 08-30-2010, 07:52 AM
Parent: #1
محمد رمضان كريم
الجود بالموجود يا يا شيخ
وبعدين معاك
كتّرت المحلبية
زاوية مشاترة
كوره مجنونه
|
Post: #3
Title: Re: بقر الفضائيات السودانية
Author: mohmmed said ahmed
Date: 08-30-2010, 08:18 AM
Parent: #2
ايمو
الموجود كتير
السودانية- النيل ازرق-هارمونى-الامل-زول-الشروق- ابونى
لكن المشكلة فى الجودة
القنوات دى كلها ما تقدر تشوف حاجةمرضية
غايتو الما بقى فنان وغنا وظهر فى الشاشة
الايام دى دى تانى اصلو مايظهر
بس اروغ وايقاع
وتجى طاير التلفزيونات
|
Post: #4
Title: Re: بقر الفضائيات السودانية
Author: Mohammed Tirab
Date: 08-30-2010, 08:33 AM
Parent: #3
الاستاذ
محمد سيد احمد
لك التحية
ورمضان كريم
وكما يقول المذيع السوداني:
"عبر هذه الفضائية
عبر هذه السانحة
عبر هذا البوست"
هذا هو الموجود
ما قصة "عبر"هذه
في القاموس الاعلامي المرئي السوداني
ياخي مدّوهم بشوية مفردات ياخ
كرّهونا العبور
د.محمد تيراب
_____________
الحق يعلوا ولا يُعلى عليه
|
Post: #5
Title: Re: بقر الفضائيات السودانية
Author: عبدالله كع
Date: 08-30-2010, 08:34 AM
Parent: #2
الشغلة بقيت ممله وباييييييخه ..
واكتر حاجه بتفور الدماغ -
الدعايه الكتيرة .. بالزات حق نا س الاثاث
|
Post: #6
Title: Re: بقر الفضائيات السودانية
Author: mohmmed said ahmed
Date: 08-30-2010, 01:55 PM
Parent: #5
عبر هذا البوست
لك التحايا د-تيراب
كع
الاثاث والبوهيات وقطع الغيار
والمغسة ترويج جمال حسن سعيدالضرائبى
|
Post: #7
Title: Re: بقر الفضائيات السودانية
Author: mohmmed said ahmed
Date: 09-03-2010, 10:28 AM
Parent: #6
الطيب مدثر
ود حلتنا ود ديم البساطاب
بنريد ليهو السمح
لكن ما معقول
فى الشروق امس
وقبلها فى السودانية والنيل الازرق
الحكاية شنو
كترة الطلة بتمسخ خلق الله
|
Post: #8
Title: Re: بقر الفضائيات السودانية
Author: cantona_1
Date: 09-03-2010, 11:15 AM
يا محمد سعيد سلامات.. خلاص يازول هانت باقي أسبوع شيل الصبر. قلت لي قرضوكم قرض ؟ إيه رأيك نرسل ليك مفتاح الشفرة بتاع سكاي وبي بي سي وأي تي في وترتاح من الدوشة العندكم دي؟
يا محمد الشغل والكلام القلتو دا كله بتاع شلليات وما فيهو علم ولا قناعة. شيلني وأشيلك .. والباقي معروف لديكم. الله يكون في عونك وإنت بتدفع قيمة كهرباء تكهرب مزاجك وتعكره. رمضان كريم.
. تحياتي.
كبـّـاشي الصـّـافي
|
Post: #9
Title: Re: بقر الفضائيات السودانية
Author: ahmed haneen
Date: 09-03-2010, 01:51 PM
Parent: #8
علي بجملة الأيمان يا محمد سيدأحمد ديل جابوا
لي ورم في الفشفاش ووجع قلب وخمة نفس
بعدين الواحد قيهم زي الداية الشايلة شنطتها وجاهزة لأي قناه
ومقدمين البرامج ديل يستاهلوا يبطحوهم وبي سوط عنج في ظهروهم عشان يمشوا يثقفوا شوية
ويزيدوا معلوماتهم حبة
وعبرهذة السانحة احي الفنان القامة والمذيع الرقم
|
Post: #10
Title: Re: بقر الفضائيات السودانية
Author: عادل عبدالعزيز عبد الرحيم
Date: 09-03-2010, 02:25 PM
Parent: #9
ممكن نقول النيل الازرق فيها اجتهاد شوية لكنه محدود
وذلك يرجع لاحتكار الشفيع عبد العزيز لااعداد معظم البرامج فيها
وبعدين القنوات التانية عملت حاكو حاكو للنيل الزرق
عشان كده بيكون الموضوع ممل عند الجميع
الابداع فطرة وليس تعلم ومكياج وكلمتين منمقات
صاحب البوست والمتداخلين لعلكم بخير
امشو افحصو السكر والضغط بعد العيد
|
Post: #11
Title: Re: بقر الفضائيات السودانية
Author: jini
Date: 09-03-2010, 02:30 PM
Parent: #10
| Quote: : بقر الفضائيات السودانية |
انا قايلك قاصد المذيعات!
جنى
|
Post: #12
Title: Re: بقر الفضائيات السودانية
Author: انس العاقب
Date: 09-03-2010, 03:46 PM
Parent: #11
يا أخوانا كل سنه وانتو طيبين .... فى حاجتين ممغصانى وارجو لو القى رد شافى منكم ... اولا أغلب تلفزيونات الدنيا المحترمه بتجرى إستطلاعات لمعرفة درجة مشاهدة برامجهاوبحوث قياس الرأى حتى تحدد مستوى المشاهده وتعمل على تطوير برامجها لتحافظ على جمهور مشاهديها واجتذاب مشاهدين وجذب إعلانات ورعايات فهل تلفزيوناتنا بتعمل كده ؟ الأمر الثانى المحيرنى هو أننا نصر على مشاهدة برامجنا ثم نشتكى منهافهل نحن السودانيين مجبورين على مشاهدة ما لا يعجبنا... ناس التلفزيون القومى وهو الأقل مشاهدة فى الداخل بيؤكدو أنو90% من مشاهديهم هم من الغتربين فى أركان الدنيا وعشان كده بيكترو ليهم من الغنا والتذكير بالعوده للوطن ... أنا شخصيا أشاهد 10% تلفزيون سودانى والباقى أتجول فيه بحريه لفضائيات راقيه ومفيده ومؤنسه وصادقه...الإعلام هو نفسه صار رساله بعد أن كان وسيلة... تعالو نحدد الخلل وين ؟ هل السياسه هى السبب؟ أم السبب فى تدنى مستوى المهنيةالفنية والبرامجيه؟ أم أن شح التمويل هو أس فقر فضائياتنا؟ ام هو غياب حرية العمل الإعلامى ؟ أم هو الخواء الفكرى ؟ وأخيرا لماذا الإصرار على هذا النهج البرامجى على طول الخط فى فضائياتنا عموما ؟؟؟؟؟!!!!!
|
Post: #13
Title: Re: بقر الفضائيات السودانية
Author: jini
Date: 09-03-2010, 03:56 PM
Parent: #12
عوض دكام عليه رحمة الله حمل تلفزيونه فى اوائل تسعينات القرن الماضى لاصلاحه فدار بينه وبين الفنى الحوار التالى
عوض دكام: عليك الله شوف لينا الميجروس دا مالو
الفنى : دا ما ميجروس دا ماركتو ناشونال
عوض دكام: طيب عليك الله صلح لينا الجامع دا!
دا تلفزيون رسالى بغنى تفتخوا يا تلقى عساكر يا دين!
جنى
|
|