Post: #1 Title: اقدل يا هلالي و سكت الخشّامة Author: فيصل نوبي Date: 08-29-2010, 10:21 PM Parent: #0
و أنزل في العوازل كي
Post: #2 Title: Re: اقدل يا هلالي و سكت الخشّامة Author: فيصل نوبي Date: 08-29-2010, 10:27 PM Parent: #1
صديقي و قريبي عماد .. أحمر متألق دوماً و يشبع برسائلي أثناء و بعد مباريات المريخ المغلوب فيها علي أمره دوماً ... أمطرني برسالتين علي التوالي ( ZOOOOOT ) محاولاً الثار .. و لكن هيهات و بعد الهدف الرابع للهلال أرسل رسالة فحواها ( NO ZOOOOOOT ) و لسان حاله يقول ( Sorry )
_ حيييييييييي انا ما قلتو نوبة.
Post: #5 Title: Re: اقدل يا هلالي و سكت الخشّامة Author: فيصل نوبي Date: 08-29-2010, 10:31 PM Parent: #2
صديقنا الوغد .. حاول أيضاً الثأر لبعض من كرامته مرسلاً بالعربي " رسل لي ظوطاتك ؛ سجل لي إتنيناتك " و لكن الهلال لم يمهله كثيراً .. فردمته بعنوان البوست في رسالة أردف برسالة فيما معناها " بعد ما فقعتو مرارتكم " فباغته بالرد السريع " قادلين بي حقنا ؛ إنتو وينو حقكم " فبهت الذي كفر
Post: #3 Title: Re: اقدل يا هلالي و سكت الخشّامة Author: Maawya Hussein Date: 08-29-2010, 10:27 PM Parent: #1
Post: #4 Title: Re: اقدل يا هلالي و سكت الخشّامة Author: Maawya Hussein Date: 08-29-2010, 10:29 PM Parent: #3
اتخيل لو الاداء دا كان مع الصفاقصي ولا حرس الحدود المصري ! خماسيه مازيمبي كانت محمدانا مع الرأفه
Post: #6 Title: Re: اقدل يا هلالي و سكت الخشّامة Author: خالد Date: 08-29-2010, 10:32 PM Parent: #4
مبروك لينا يا نوبي ولكل هلالي غيور!!
Post: #16 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 08:38 AM Parent: #6
ياهو ده الهلال يا خالد .. متعة ما بعدها متعة .. رمضانكـ كريم و كل سنة و إنت طيب يا حبيب
Post: #7 Title: Re: اقدل يا هلالي و سكت الخشّامة Author: فيصل نوبي Date: 08-29-2010, 10:36 PM Parent: #4
معاكـ حق يا معاوية .. بس كمان أحسب تمترس لعيبة الجيش امام مرماهم .. الفرص الضائعة للهلال و التي لا تجد قناص أهداف حتي الان .. أتمني من كل قلبي ان يعالج ميشو هذه النقطة .. الدفاع و سرحان المعز مع سيف مساوي و جلطاتهم المتواصلة .. الثبات في الشوط التاني مطمئن برضو بقراءة سليمة لميشو .. ولا تنسي رمضان برضو مؤثر علي اللعيبة .. في النهاية ما داير اوجد ليهم أعذار بس برضو ما قصرو .. و تحية كبيرة لعلاء الدين ياخ.
Post: #8 Title: Re: اقدل يا هلالي و سكت الخشّامة Author: عمران حسن صالح Date: 08-29-2010, 10:47 PM Parent: #7
مبروكـ يا نوبي وشوف ضياع الأهداف كيف في أول لقطة لسادومبا بعد مرور زمن كتير
Post: #9 Title: Re: اقدل يا هلالي و سكت الخشّامة Author: محمد البشرى الخضر Date: 08-29-2010, 11:09 PM Parent: #8
Quote: أردف برسالة فيما معناها " بعد ما فقعتو مرارتكم "
هههههههههههههههههههه
مبروك يا عمك
Post: #10 Title: Re: اقدل يا هلالي و سكت الخشّامة Author: 7abib_alkul Date: 08-29-2010, 11:19 PM Parent: #9
حبيبنا فيصل
مبروك النصر الكبير على الجيش لكن موضوع الجيش دا عايز ليه فتوى كاربة لانه الجيش دا ماكل حمام فهل يجوز ان يؤكل؟
Post: #21 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:18 AM Parent: #10
حبيبو يا حبيبو مش في أغنية بتقول الديش نقلو فتاشة ؟ اها ديش النيجر ده نقلو نقاشة عديل كده !
_ الهلال بعد ما يخلص من الكونفدرالية دي بإذن الله مفروض ياخد رتب مشير و لي فقو لعب مع الجيش و بإذن الله يجضم ( حرس الحدود المصري ) و يحتل الصدارة.
Post: #20 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:16 AM Parent: #9
ود البشري سلامات يا عمكـ شكلو برضو جاتكـ الرسالة دي و قال شنو قال الدنيا رمضان قال ..
_ ميشو قال ينزل أحمد عادل يضقل شوية
Post: #19 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:14 AM Parent: #8
سلامات يا عمران غايتو سادومبا ده ما عارف مشكلتو شنو بيسرح لامن يصل القون ولا بينخلع يا قول عمر الفاروق
Post: #11 Title: Re: اقدل يا هلالي و سكت الخشّامة Author: لؤى Date: 08-29-2010, 11:22 PM Parent: #1
.
Post: #12 Title: Re: اقدل يا هلالي و سكت الخشّامة Author: هاشم نوريت Date: 08-29-2010, 11:27 PM Parent: #11
تهانينا يانوبى مبروك لكل الهلالاب وكما مشجعى امل عطبرة قالوا امبارح شلعوا الراكوبة
Post: #24 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:21 AM Parent: #12
هاشم دبايو يا عمو مدرب الامل قال ليهم إنتو أقدلو بالقلعة الحمراء و نحن بندخلكم النفق المظلم * .
_ * دي علي وزن الماسورة " لو ما عارف الماسورة كلمني أحكي ليها ليكـ بعد الفطور"
Post: #13 Title: Re: اقدل يا هلالي و سكت الخشّامة Author: اشرف السر Date: 08-29-2010, 11:31 PM Parent: #11
ألف مبروك لهلال الملايين..
الخزي والعار للحساد
Post: #14 Title: Re: اقدل يا هلالي و سكت الخشّامة Author: اشرف السر Date: 08-29-2010, 11:39 PM Parent: #13
Post: #15 Title: Re: اقدل يا هلالي و سكت الخشّامة Author: ضياء الدين ميرغني Date: 08-29-2010, 11:43 PM Parent: #14
مبرووووووووووووووووووووووووووك لسيد البلد مبرووووووووووووووووووووووووووك للازرق المشع فن وكورة وإمتاع حد الدهشة مبروك للهلال
Post: #17 Title: Re: اقدل يا هلالي و سكت الخشّامة Author: tmbis Date: 08-30-2010, 09:48 AM Parent: #15
Quote: صديقنا الوغد .. حاول أيضاً الثأر لبعض من كرامته مرسلاً بالعربي " رسل لي ظوطاتك ؛ سجل لي إتنيناتك "
.. المسكين دا رسل ليك إنت برضو ..؟ ياخ ردمتو ليك ردم .. يكون لحدت حسع ما فاهم حاجة .. مية مرة كلمتهم .. اكان هو واللا وليد الشفت .. كورة طرف فيها الحلال لو ما انتهت أو بدت ما تفتي فيها لانو نهايتك بتكون الليمة
Post: #18 Title: Re: اقدل يا هلالي و سكت الخشّامة Author: عبد اللطيف عبد الحفيظ حمد Date: 08-30-2010, 10:06 AM Parent: #17
الهلال إبداع وفن وصدارة
ويبقى الطيش طيشاً في كل المحافل............... وصفر كبير في الموسم .............. مع الاسكراب ده
Post: #22 Title: Re: اقدل يا هلالي و سكت الخشّامة Author: Amira Elsheikh Date: 08-30-2010, 10:18 AM Parent: #18
غايتو يانوبى كايسين ليكم لى فرحة واى حاجة بقت تفرحكم بما فى ذلك الامل عطبرة .
المهم افرحو لحدى ما نشوف اخرتها ..
Post: #30 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:36 AM
بت الشيخ نحن ما فرحانين نحن قلنا أقدل يا هلال و سكت الخشامة .. الا كان إنتو شايفين القدلة دي فرحة بعدين عطبرة دي فيها شنو بيفرح يعني ؟ اراقوز إسمو المريخ ؟ تعال نحكي ليكـ النكتة دي عن عطبرة مع الاعتذار لكل أهل عطبرة و أولهم أم محمد
يحكي انه في جزار فاتح ليهو جزارة صغيرونه في عطبره و شغال ربع كيلو نص كيلو و هكذا قام قفلها و فتح ليهو ميني ماركت في الرياض الخرطوم و شغال خروف - نص خروف - عشره كيلو ... يوم اثناء ما هو شغال بيوضب ليهو في خروف .. جاهو واحد سايق عجلة و قال ليهو أدينا ربع كيلو الجزار جدع السكين و الساطور و شمّر يدينو و مشي علي الزول و هاكـ يا أحضان و بدا يكوركـ ( عطبرة - وييييييييييييييييييييييييين يا عطبرة ) و الزول واقف مخلوع مسكـ الجزار قال ليهو يا زول انا ما من عطبرة الجزار حضنو عليهو و قال ليهو " و الله كان طلع عينكـ انت من عطبره "
_
اها ويييييييييييييييييييييين يا عطبرة
Post: #28 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:28 AM Parent: #18
يا ابو عبده الجماعة داقين خلف شديد و المشكلة إنهم ما حاسين بالخلف ده .. شايفين إنه الموضوع هفوة و كروجر ده نشوف بيستحملوهو لي متين .. وارغو يا وارغو ..
Post: #27 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:26 AM Parent: #17
تمبسنا ياخ ديل ما عارفين إنه لامن الهلال يكون لاعب مفروض الناس دي تتفرج و بس تتفرج بمزاج بصمت بإنبهار بخلعة البرنس .. تتفرج في غيرة علاء الدين .. تتفرج في سرعة سادومبا .. تتفرج في مهند اللي بقي بيلعب باليمين ده .. لكن هم شايلين بقج غباينهم يا قول بشاشا و قاعدين منتظرين بس غلطة .. اها نحن غلطنا وريناهم بيصلحوهو كيفن .. أمس رسلت ليهو رسال لي هسي كاضم ما رد بعدها .. يكون مالو ؟
Post: #26 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:23 AM Parent: #15
مبروكـ يا ضياء يا فنان و عقبال الكاس .. أمس الهلال في الشوط التاني عزف و غني و رقّص الديش عشرة بلدي.
Post: #25 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:22 AM Parent: #13
الف مبروكـ با ابو الشوش علا الفي بروفايلكـ ده مو طارق جبرين ؟
Post: #23 Title: Re: اقدل يا هلالي و سكت الخشّامة Author: فيصل نوبي Date: 08-30-2010, 10:19 AM Parent: #11
لؤي تسلم يا حبيب علي الصورة .. علاء الدين أمس داير ليهو بخور تيمان كارب بس لازم يكون من عطبرة .
Post: #29 Title: Re: اقدل يا هلالي و سكت الخشّامة Author: Amira Elsheikh Date: 08-30-2010, 10:33 AM Parent: #23
Quote: اتخيل لو الاداء دا كان مع الصفاقصي ولا حرس الحدود المصري ! خماسيه مازيمبي كانت محمدانا مع الرأفه
" بعد ما فقعتو مرارتكم " 
