Post: #1
Title: بحر سماحة ... زاد شديد واتملأ .. تف !!
Author: توفيق عيسى مكي
Date: 08-29-2010, 03:21 PM
Parent: #0
هي احدى البشارات الجميلة
التي نتفائل بها ..
نحن شعب حلفاية الملوك
السنة دي الخير كتير
والمطر وافر
والموية سمحة
حتى ان الجزيرة (وهي السايد الغربي لبحر سماحة )
غمرتها المياه بالكامل
غاتو ....
السنة دي ....
الحلفاية خيرها كتير
انشاء الله ...
|
Post: #2
Title: Re: بحر سماحة ... زاد شديد واتملأ .. تف !!
Author: توفيق عيسى مكي
Date: 08-29-2010, 03:22 PM
اول هذه البشريات
هو ...
افتتاح كبري الحلفاية
فقط للعربات الصغيرة دون الشاحنات مؤقتا
يعني افتتاح جزئي ...
والله الكبري ده عندنا حكاية ؟؟!!؟؟!!
كان تم افتتاح لمسار واحد في رمضان
لكن حدثت مناوشات بين اولاد الحتانة والمنارة
واولاد الحلفاية ..
وحصل ضرب شديد ...
لان اولاد الحلفاية دقوا اولاد امدرمان
تفة جد ....
قالوا اولاد امدرمان شاغلوا بنات الحلفاية
السمحين سماحة
العابرين بحر سماحة
الواخدين من موية سماحة
كل الجمال والسماحة
اها .. قفلوا لكن فوجئنا بالافتتاح الجزئي الجميل ده
غايتو دي البشارة الاولى
|
Post: #3
Title: Re: بحر سماحة ... زاد شديد واتملأ .. تف !!
Author: توفيق عيسى مكي
Date: 08-29-2010, 03:23 PM
Parent: #2
البشرى التانية ...
اقتصادية ...
طبعا الكبري طلع جمييل وطويل
وبيشق المزارع ...
مزارع الحلفاية الحميلة
مما يبشر بافتتاح كازينوهات ومطاعم سياحية عالمية
ده من ناحية ...
غايتو ناس امدرمان تاني حا يشربوا لبن
الحلفاية الفرش وارد المزارع الجنب البحر
الرخيصصصصصصص
|
Post: #4
Title: Re: بحر سماحة ... زاد شديد واتملأ .. تف !!
Author: توفيق عيسى مكي
Date: 08-29-2010, 03:28 PM
Parent: #3
كل ما يمتلئ بحر سماحة بتحصل
اشياء مدهشة في الحلفاية
وبيطلع نجمها ...
اخر مرة كانت ايام مجد الحلفاية
الكروي ... بعد فيضان 88
من منا لا يذكر قضية الحلفاية والاتحاد
السنة دي لازم فريقي الحلفاية والمستقبل
يرجعوا لمكانهم الطبيعي
|
Post: #5
Title: Re: بحر سماحة ... زاد شديد واتملأ .. تف !!
Author: توفيق عيسى مكي
Date: 08-30-2010, 12:13 PM
Parent: #4
حلفاية الملوك .....
يا ترى ....
ملوك شنو ...
.
.
في خيارات
.
.
.
1- ملوك الطرب
2- ملوك القعدات
3- ملوك السكر
4- ملوك ملوك يعني سلاطين
|
|