Post: #1
Title: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-28-2010, 07:10 PM
طبعاً يا جماعة أنا راجل شيّال حال من زمن الحال كان بشيلو بي القفّة  
مش علي آخر الزمن بِقي دليفري
في إطار جولة تلفونية تفقدية درجت علي القيام بها في القاهرة
علي السادة البورداب
والمعروف أننا بنستعد علي قلّتنا للإفطار الجماعي الذي سيقام يوم الإثنين القادم
الفكرة إني لوقتٍ قريبٍ قبل كتابة هذه السطور
كانت لدي فكرة عن موعد الإفطار و إن أختلفنا علي المكان
المهم ضربت للأخت الزميلة أميمة الفرجوني لتذكيرها بالأمر
قلت ليها يا أميمة لازم تحرصي علي حضور إفطارنا المقام يوم الإثنين
ولاحظوا للإثنين دي
قامت صنقعت ودنقرت ونظرت للسماءِ مليّاً
دلالةً علي التفكيرِ العميق !!
وبعد جهدٍ جهيد قالت لي إنتو الفطور عاملنوا الساعة كم ؟؟؟؟
الساعة كم كلمنييييي الساعة كم كلمنييييييي
طبعاً مسكتني ليك كاروشة الضحك لدرجة إنو السجارة الإل إم الأزرق وقعت في قميصي
ومنو للملاية علي طول !!
هسة ست الشقة ح تجي تردح في مؤيد شريف المأجر منها
ـــ غايتو يا أميمة
ما بقدر أقول ليك غير تقبّل الله صيامك وقيامك
لطرافة الموضوع اللذيذ دة
أنا ح أقوم أشيل الرابط و أختّو في بوست الأخ player من ضمن أطرف طرائف رمضان العام ألفين وعشرة
والأعوام القادمة
|
Post: #2
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-28-2010, 07:21 PM
Parent: #1
يا ربي السنة دي عيد الفطُر بكون الساعة كم؟؟
|
Post: #3
Title: Re: كاروشة الضحك ... أطرف طرائف رمضان العام ألفين وعشرة ...
Author: motaz
Date: 08-28-2010, 07:54 PM
Parent: #2
| Quote: يا ربي السنة دي عيد الفطُر بكون الساعة كم؟؟ |
الساعة خمسة يا "حبيب" ما تنسى
|
Post: #5
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-28-2010, 08:11 PM
Parent: #3
معتذ يا ود جيراننا
ياخي كيفنك ونعلك طيب
عليك الله شوف محن الدنيا
|
Post: #4
Title: Re: كاروشة الضحك ... أطرف طرائف رمضان العام ألفين وعشرة ...
Author: محمد عمر الفكي
Date: 08-28-2010, 08:00 PM
Parent: #2
هههههي ،
هي اميمة غلطانة؟ زول عازمها فطور محلو ذاتو ما معروف تقول ليهو شنو يعني؟
http://www.sudaneseonline.com/db/attention/200_4e.gif
والله يا يس لو قعدت مع عمناالفرجوني والجقر الا تموت من الضحك، يا اخي الفرجوني دا عنده قصص والله توقعك على ضهرك من الضحك.
ما عارف يا اميمة عارفة تفسير ود كيجل لاغنية "احرموني ولا تحرموني" بحاول اتذكر فيهو
دي يا يس حكاها لي اخو الدكتورة بحضور امها، الدكتورة مشت مع امها عزاء لاول مرة في حياتها، فقالت لامها في المناسبة دي بيقولوا شنو؟ قالت ليهااول ما تشوفي ام الميتة قولي ليها البركة فيكم! الدكتورة شافت ام الميتة من هنا قالت ليها "بركة الماتت"
|
Post: #6
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-28-2010, 08:16 PM
Parent: #4
محمد عمر
ياخ الناس ديل سمحين سماح
والله قدُر ما حاولت أفتش طريقة أجمع الحاجات دي
ما قدرت
أكترو شفاهي
ودي الإشكالية
لكن بيني وبينك أميمة ما بالغت ؟؟
|
Post: #7
Title: Re: كاروشة الضحك ... أطرف طرائف رمضان العام ألفين وعشرة ...
Author: محمد عمر الفكي
Date: 08-28-2010, 08:26 PM
Parent: #6
| Quote: لكن بيني وبينك أميمة ما بالغت ؟؟ |
ما تدخلنا في الحتت الضيقة.
اسمع دي مع اني ما متذكرها كويس
الفرجوني قال لي شفت ود كيجل دا مرة قلت يا امحمد اخوي كدي فسر لي الزول دا قاصد شنو في الابيات ديل
طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قال له يا احمد يا اخوي ، انت عارف الناس ديل قاعدين لهم في ضلمة والشئ الكافر دا ديك ينطط في الحلل طير النوم من عيونهم، اها وكت النوم طار من عيونهم قالوا احسن نسافر، قام واحد فيهم بزهجته ديك على الديك ودماع النوم في عيونو على الديك وقال له جملة الله اكبر عليك عليك يا اشيطان ومسك الديك من ضفارو وعقد فوقن الحبل؟ اها يا احمد اخوي ما فسرتها ليك؟ الفرجوني قال لي والله لا اليوم التاني من الضحك ما جاوبته!!!
|
Post: #8
Title: Re: كاروشة الضحك ... أطرف طرائف رمضان العام ألفين وعشرة ...
Author: جمال محمود
Date: 08-28-2010, 09:27 PM
Parent: #7
اعزرها يا حبيب مش بيقولوا مع مراعاة فروق الوقت امكن اميمة فى اسوان
|
Post: #9
Title: Re: كاروشة الضحك ... أطرف طرائف رمضان العام ألفين وعشرة ...
Author: Omayma Alfargony
Date: 08-28-2010, 11:05 PM
Parent: #8
تتجازه يا يس
يعني عملتها وفتحت بيها بوست ..والله شيال حال صحي.
دي كانت غلطة استفسارية..وكنت قاصده عاملنوا وين......
مبالغة....
لكن اقول ليك حاجة انا زاتي بقيت بضحك على روحي....لما قعدت في الواطه...
بسس يا يس الموضوع انه..لو المكان مكان عام فاكيد في مواعيد محددة او نقول موعد افتتاح معين..ولمة معينة وانا ماقصدته مواعيد الاذان يا شيال الحال
انا قصدت لمة الناس من متين..وسؤالي البعدو كان ح يكون..ووين؟
بس.
شفت المخارجة دي كيف...
الاخ عمر..
والله كنت متمنية الم حكاوي الفرجوني دي واوثقة..لنها نوادر ما انزل الله بها من سلطان..وللاسف انا لا اذكر منها الا القليل...
تصوموا وتفطروا على خير.
اخ جمال..
فعلا فروق الوقت لابد من مراعاته..ماسايف الناس اخروا ليه الساعة..
:).
ورمضان كريم.
|
Post: #10
Title: Re: كاروشة الضحك ... أطرف طرائف رمضان العام ألفين وعشرة ...
Author: اميمة مصطفى سند
Date: 08-28-2010, 11:26 PM
Parent: #9
اميمتنا (سميتي العزيزة)
كل سنة وأنت طيبة تصومي وتفطري على خير..
هو يس غير شيل الحال عنده شنو...المفروض نحن نشيل حالو
فاتح بوست طويل عريض وما حدد لغاية حسه الفطور وين...ما جاني منو غير التعب ووجع الكرعين أمس
|
Post: #11
Title: Re: كاروشة الضحك ... أطرف طرائف رمضان العام ألفين وعشرة ...
Author: قاسم المهداوى
Date: 08-28-2010, 11:51 PM
Parent: #10
up ساكت
|
Post: #16
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-29-2010, 04:31 AM
Parent: #11
المهداوي
فوق دي ياكلوها بي ملاح شنو؟
ما تقول حاجة
|
Post: #15
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-29-2010, 04:27 AM
Parent: #10
Quote: هو يس غير شيل الحال عنده شنو...المفروض نحن نشيل حالو
فاتح بوست طويل عريض وما حدد لغاية حسه الفطور وين...ما جاني منو غير التعب ووجع الكرعين أمس |
هاهاهاهاها
إنتي أطلعي منها يا بت سند
نحن ناس قاهرة برانا
وإنتي إنتساب
كدي أمشي مشوارك دة وتعالي
الفطور حندخلك فيه بالفوتوشوب
|
Post: #14
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-29-2010, 04:23 AM
Parent: #9
Quote: مبالغة....
لكن اقول ليك حاجة انا زاتي بقيت بضحك على روحي....لما قعدت في الواطه... |
هاهاهاهاه
أنا أتفنقلت عديل كدة يا أميمات
العجب لما أتذكر منظرك و إنتي ماسكاك كاروشة الضحك
حاجة ما تخلص
متّعتيني الله يمتّعك يا أختي
|
Post: #13
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-29-2010, 04:18 AM
Parent: #8
| Quote: اعزرها يا حبيب مش بيقولوا مع مراعاة فروق الوقت امكن اميمة فى اسوان |
آآآآآي يا هندسة
بيني وبينك غادي لأسوان
|
Post: #12
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-29-2010, 04:08 AM
Parent: #7
Quote: قال له يا احمد يا اخوي ، انت عارف الناس ديل قاعدين لهم في ضلمة والشئ الكافر دا ديك ينطط في الحلل طير النوم من عيونهم، اها وكت النوم طار من عيونهم قالوا احسن نسافر، قام واحد فيهم بزهجته ديك على الديك ودماع النوم في عيونو على الديك وقال له جملة الله اكبر عليك عليك يا اشيطان ومسك الديك من ضفارو وعقد فوقن الحبل؟ اها يا احمد اخوي ما فسرتها ليك؟ الفرجوني قال لي والله لا اليوم التاني من الضحك ما جاوبته!!!
|
بالله شوف الناس ديل حلوين كيف يا حبيب
ياخي كتر لينا من الحاجات دي
وتسلم كتير
وتضامناً مع أميمة الساعة كم
شكراً بالإنابة وكدة
|
Post: #17
Title: Re: كاروشة الضحك ... أطرف طرائف رمضان العام ألفين وعشرة ...
Author: أسامة الفضل
Date: 08-29-2010, 04:45 AM
Parent: #12
حبيب كل سنة و إنت طيب
إنت ما بتعرف أشرف صاحبى مش كده ... ما مشكلة بعرفك عليه لو إتلاقينا
المهم بحكي لي قال:
عمتو عيانة و هو زهجان جدا و صايم و قالوا ليه إلا توديها الخرطوم للدكتور . أها قام في النهار الحار وداها قوم يا الدكتور يعمل فحص للسكرى و يلقى عندها سكرى فعشان يوصل ليها الخبر بالراحة قام سألها : أسمعي إنتى في زول في أسرتكم عندو سكرى . فرفعت رأسها إليه قائلة : آيي راجلى .
|
Post: #18
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-29-2010, 05:02 AM
Parent: #17
هاهاهاهاهاها
والله يا أسامة الحاجة دي راجلا إلا يكون ود عمها لزم
واللا ولدها في الرضاعة
وبعدين أحكي لي أول ما تلاقيني عن أشرف صاحبك دة
راجيك انا
|
Post: #19
Title: Re: كاروشة الضحك ... أطرف طرائف رمضان العام ألفين وعشرة ...
Author: قاسم المهداوى
Date: 08-29-2010, 02:13 PM
Parent: #12
فوق
|
Post: #20
Title: Re: كاروشة الضحك ... أطرف طرائف رمضان العام ألفين وعشرة ...
Author: حبيب نورة
Date: 08-29-2010, 03:31 PM
Parent: #19
فوق لمزيد من الكوميديا
|
|