(إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعاتنا

اذكر ذات قام احد زملاء المنبر بانزال بوست عن طلب عضوية لصديقته الاسرائيلية
وكانت مداخلتي ضمن المداخلات انو ما عندي مانع
عشان نشوف مويتها شنو

نرجع لموضوع الاخ تبيدي
وعشان ما يقولوا لي انتي امنجية وووو
لا علم لي البته بالمدعو تبيدي
ولم اتابع موضوعه
لكني انزعجت من كمية البوستات الرافضة لينال المذكر عاليه عضوية منبر بكري ابو بكر
إحتلال عديييل للصفحة الاولى
**** لماذا ترفضون عضويته الاخ تبيدي او غيره!!!
اما كان من الاجدى ان تسمحوا بمساحة للرجل لكي تكون فرصة لمحاورته ومناقشته... في هذه المساحة الاسفيرية الرحبة .... بدون مقص الرقيب
إن شاء الله تنتفوا ريشه .... المهم هي فرصة للالتقاء وتصفية حسابات (عبر اديني واديك) طبعا راي وراي ... موووش كف وكف
**** الرفض والانتفاضة الحاصلة في المنبر لحصول المدعو تبيدي لعضوية المنبر تعتبر (صورة مصغرة) و معبرة جدا عن ثقافة (عدم قبولنا للآخر) في الثقافة السياسية والمجتمعية السودانية
نفس هذا الفهم يقوله بعض الاعضاء عندما يتم الاعلان عن (لمة بورداب) في بيت الفنون او في الجبل او او وا... بانه نفسه ما بتسمح ليه يتواجد في مكان سيوجد فيه امنجية ومنسوبي مؤتمر وطني وووو
**** طيب كييف حنصل لحل وسط لقضايان وهمونا وسنتعايش مع بعض طالما لم نقبل حتى بتواجد من نعتبره (خصم) لنا اللي هو هنا (اللآخر)
في حين انه ... إذا حصل العكس .... قد نكسب ونوفر على انفسنا عناء وكدر وغل سنين عددا... باعتبار ان الحوار والتواصل والنقاش حى لو احتدم ... من الممكن ان يوصل لحل (اقنعنتي او اقنعتك)
**** ومسألة (قبول الآخر) وعدم قبوله هي مسالة ثقافة ... يتم التربية على هذه الثقافة منذ النشئ ...
لكن طالما هي ثقافة .... فهي معرضة للتغيير والتبديل
فلماذا لا نعمل على (ثقافة قبول الآخر)

بعض اعضاء المنبر المناتلين على قناعة تاااااامة بان هذا المنبر محرم على كل من يخالفهم الراي (اللي هو هنا الآخر)
وعادة ما يكون هذا الاخر في نظرهم هو (الكوز- الامنجي- منسوبي المؤتمر الوطني)
ويشتكون مرارا وتكرار من منح بكري العضوية لهذا او ذاك
مثال لهؤلاء المناتلين ( دينق) + (عبد المنعم سليمان)
من اعطاهم هذا الحق
هل من بند في لوائح منبر بكري ابوبكر يعطيهم هذا الحق (المقدس لديهم)
يعني المنبر دا بقدر قادر حلال عليهم حرام على الاخرين المختلفين معهم فكريا وسياسييا طبعا



جاياك يا جدو كوستاوي أصبر لي ههههههه

صورة أخرى من صور ومظاهر (عدم قبول الآخر) في هذا المنبر
هو إحتجاج الزميل وعضو البورد (كوستاوي) ذات يوم على رفع المهندس بكري ابو بكر ذات مرة لبوست خاصة بي في مانشييت المنبر العام فووووق
بعنوان : (ريسنا قائدنا... اعلنت عزتنا ... أعلنا تأيييدك)
أقام الدنيا هنا ولم يقعدها .... بل وقام بانزل بوست بنفس العنوان
هل قوانين المنبر العام تسمح بهكذا سلوك
ولماذا يحرم على كل من هو (الآخر) انه طالما بوسته مميز يرفع له بوستيه في المساحة الفوق ديك
(بصراحة هذا لم يمنع انو مره مره كدا بيتم رفع بوست في مانشيت المنبر) طبعا لو اجتماعي او اعلان لكن بوست سياسي يعبر عن وجهة نظر الحكومة او كل من يؤديها طبعا ماحصلت في تاريخ المنبر العام المعاصر (ولو انا غلطانة يجي زول يصححني)

*** ودي مناسبة انو نستفسر فيها اخونا بكري ابو بكر عن هذا الموضوع... ولا هو من المحرمات عن الحديث عنها في المنبر دا

الاستاذة ميادة تحيات عطرات بانفاس رمضان لكم وكل عام وانتم بخير
اختى الفاضلة الاقصائية دائما يدعو بها الجاهل الذي خواه الفكري طغى على انسانيه وضميره ، المفلس الذي لا هدف له في هذه الحياة سوى الاستحمام من تلك البرك الآسنة والجري وراء ملزات الدنيا بدون هدف عقدي يدعو الله كل حين ان يصل اليه ،، الملاحظ امن دعاة الإقصائية معيارهم الحيد في الإقصاء هو الانتساب الى ذلك الجهاز الذي يحفظ أمن الجميع ، وهذا معيار فاشل لأني لم أسمع ابدا في الدنيا بشهادة حسن سير وسلوك استثنت من يعملون في بعض الاجهزة كجهاز الامن ،، ولكن شهادة حسن السير والسلوك دائما معيارها الأخلاق الفاضلة واللسان الذي يبتعد عن البذاء في القول ووالجرائم المخلة بالآداب والدعارة وشرب الخمر والشذوذ الجنسي وغيره من الافعال القبيحة التى يعلم بها القاصي والداني ولم نسمع بهؤلاء الناعقون قد تحدثوا يوما ما أن تسحب عضوية فلان واو فرتكان لانه شاذ جنسيا او من الذين يتعاطون الخمور بس فاحين في من ينتمي الى ذلك الجهاز الذي يحفظ أنهم وأمن ابائهم واهلهم وزوجاتهم وآبائهم وامهاتهم فيحاولون إثصاء كل من هو ينتمي إليه

كسرة : إن شاء الله بركة الله الجماعة ديل لا يفوزوا في انتخابات ولا يبقو حكام علينا لانو لو دا حصل ديل حايمنعونا من الخروج من منازلنا ذاتووو

كسرة ثانية : آسف لتلك العبارات الغير لائقة بالذوق واثبتها في هذه المداخلة لكني مضطر الى ذلك للبيان والتبيين

Quote: الاستاذة ميادة تحيات عطرات بانفاس رمضان لكم وكل عام وانتم بخير

لك التحايا النواضر اخ المكاشفي
ورمضان كريم عليك وتصوم وتفطر على خير انت وكل من تحب

Quote: إن شاء الله بركة الله الجماعة ديل لا يفوزوا في انتخابات ولا يبقو حكام علينا لانو لو دا حصل ديل حايمنعونا من الخروج من منازلنا ذاتووو

يفوزوا وين
بل هم حيكونوا خميرة بقاء الانقاذ الوطني في الحكم في السودان
وبصراحة انا فهمي ليهم (نار الانقاذ ولا جنة المناتلين)

Quote: لماذا ترفضون عضويته الاخ تبيدي

نرفض عضويته لأنه بما مارسه في حق بعض المعتقلين قد نزل بنفسه إلى مصاف الحيوانات

والاحتقار الذي وجده في هذا الفضاء الاسفيري يستحقه وأكثر ..

الاخ الهادي
ما تسلم علينا الاول ياخ
خليك من انك ما باركت لينا رمضان والجمعة المباركة
( ودا جزء من سياسة النفس الحار وعدم قبول الاخر )

Quote: رفض عضويته لأنه بما مارسه في حق بعض المعتقلين قد نزل بنفسه إلى مصاف الحيوانات والاحتقار الذي وجده في هذا الفضاء الاسفيري يستحقه وأكثر ..

طيب دي ما فرصة وجات لحدي عندكم
انو من خلال عضويته وتواجده معكم في هذه المساحة الاسفيرية وامبراطورية سودانيز اونلاين دي
انو يكون مكان ومناسبة لجرد حساب ونقاش وتخلصوا حقكم منه

بل كنت اعتقد انكم لو اذكياء كان من الاجدر انكم من تطلبون له العضوية
بل وتحرصون على اطاله امد تواجده معاكم

Quote: اما كان من الاجدى ان تسمحوا بمساحة للرجل لكي تكون فرصة لمحاورته ومناقشته... في هذه المساحة الاسفيرية الرحبة .... بدون مقص الرقيب

بل هو المقص نفسه يا ميادة
وهو الرقيب!

لقد فشل في إسكات هذا المنبر
وستفشل محاولاته لاختراقه

Quote: ل هو المقص نفسه يا ميادة وهو الرقيب! لقد فشل في إسكات هذا المنبر وستفشل محاولاته لاختراقه

اهلا اخ محمد يس خليفه
ورمضان كريم عليكم (إنتو الناس دي زعلانه مني ولا شنو .... عادي خاشيت توووشك من غير ما يقولوا لي رمضان كريم ولا تصومي وتفطري على خير او اي حاجة)....ههههههه
المهم........
الرقيب الانا اقصده في كلامي هو رقيب بكري ابو بكر
واللي بعيد عن مقص الحكومة والنظام
وطبعا بكري كان حيتيح لكم حرية على الاخر في ان تنالوا من المدعو تبيدي هذا
وهذا ما لم توفره لكم الحكومة

بس انتو ضيعتوا الفرصة عليكم

لانه يا ميادة تبيدي هو من عذب ابناء هذا الشعب دون رحمة

ولان ضحاياه لم يجدوا العدالة حتي الان لابمحاسبته ولا بعزله

حتي لايستطيع علي الاقل ان يواصل في استغلال السلطة،

فلذلك يحق لهم ان يعبروا عن رايهم في ان يرفض طلب انضمامه

وبكون لك الحق ايضا في المطالبة بانضمامه الي هذا المنبر ،

لكن عليك ايضا ان تناقشي مبدأ هل يكون الاولي نقاش حرية

التعبير في هذا المقام ام مناقشة فظاعة الاتهامات التي يواجهها

ولا ضير من ان تنضمي حينها الي الفريق الذي يساند براءته مقابل

الفريق الذي يعرض البينات والشهادات غير السماعية عن ارتكابه

لهذه الجرائم البشعة.

قد تقولي ان تبيدي هو من يوجه اليه الاتهام بالرد علي هذه الاتهامات

وانا اقول ان من حق ضحاياه ان يعبروا عن رايهم بعرض كل جرائمه

لمن يريد ان يرحب به، ومن بعد ذلك يكون لبكري الحق في اختيار موازنة

حرية التعبير والاتهامات. لان حسب علمي ان بكري هو من يملك الحق

في البت في طلبات العضوية وان كان يضع اعتبارا لهذه الاراء يكون هذا

ترجيحا لموقفهم في ايصال رايهم في هذا التوقيت.

ختاما ارجو ان تجدي مدخلا اخر غير حرية التعبير في محاولة تزيين طلب تبيدي

لان الاستفزاز الشديد الذي يتمثل في ظهور الجاني غير المكترث لمشاعر ضحاياه

يمنحهم حق الدفاع الشرعي ويمنحهم استثناء القتل العمد ان اغتالوه في تلك الظروف

لذلك اري ان مدخل حرية التعبير مدخل واهي لايتناسب مع وضع تبيدي بالذات فهو

لا يحتاج الي هذا المنبر للتعبير عن اراءه وبراءته فهو يعبر ببساطة عن محنة كل ضحايا

تعذيب نظام الانقاذ الذين لم يجد حتي الان ولو د. فاروق محمد ابراهيم فرصة في ان ينال

وقفة امام العدالة بشهاداته الموثقة ضد العراب نافع علي نافع .

يا ميادة قولي اتهام رقم واحد...ممكن تورينا رايك

Quote: : جاءنى المدعو (تبيدى) ..مشمرا ساعد جلبابه : :خش المكتب ده .. واشار الى باب مكتب فى مقابلتى.. دخلت المكتب .. قال لى : انت عامل فيها رأسك قوى؟ الليلة انا بوريك.. اغلق باب المكتب (بالمفتاح) .. كانت الساعة حوالى الثانية عشر ونصف ظهرا.. بدأ حديثه معى مهددا : (نحن عارفين اختك فى دنقلا ..بنجيبها ون قدامك هنا.. (وبالفعل كانت اختى الوحيدة والكبرى تدرس فى نفس الجامعة ..فى السنة الثالثة)... وبرضو عارفين (حبيبتك ) (.......) داير تشوفها قدامك هنا (........) ؟ ...ثم استطرد: خليك من ديل ..انت زاتك كيف؟ ثم رفع جلبابه (وفك التكة) ..واخرج ذكره ..(نعم ..هذا التبيدى..) وقال لى فك الحزام ..ونزل البنطلون)... فرفضت ... ما كان منه ؟..الا ان خرج واتى ب(رجل الكرسي ) .. وضربنى بها..فى الصدر مرة اخرى..

ميادة
رمضان كريم
وكل سنة وانتي طيبة

والله نفسي أقرأ كلم لهذا التبيدي يدافع عن نفسة
ظللت أقرأ اتهامات محددة منذ العام 2005 ضد هذا الشخص، ولكن لم أسمعو يوم واحد نفى الاتهامات دي
هل يمكن ( نفسياً) أن نتقبل شخص كتب عنه كل هذا الكلام؟؟

هلا فيك اخوي القرضابي
ورمضان كريم عليك
وعلى كل من تحب معك

Quote: والله نفسي أقرأ كلم لهذا التبيدي يدافع عن نفسة ظللت أقرأ اتهامات محددة منذ العام 2005 ضد هذا الشخص، ولكن لم أسمعو يوم واحد نفى الاتهامات دي هل يمكن ( نفسياً) أن نتقبل شخص كتب عنه كل هذا الكلام؟؟

ودا جزء من الفهم الخاطئ اللي بنتكلم عنه
يا القرضابي يا اخوي
ما تبني رايك في زول بناء على كلام طرف ثالث

كان الاجدر ان تكونوا احرص من هذا التبيدي على تواجده معكم في المنبر
عشان الحتة بتاعة (نفسيا دي زاتها) تزيلوها من خلال جرد حساب اسفيري

ومافي رأي تجاه قضية او موضوع محدد بيتم بناءه بناء على اراء جهة او طرف محدد
اسمعوا للطرف الثاني
عشان زاتو نحن نستفيد من الراي والراي الاخر
ولربما تنجحوا في الاخر بتجريمه
وكدا برااااه في الاخر حيقنع ويطفش

الاخت السلام عليكم و رحمة الله تعالى و بركاته و رمضان كريم ور بنا يعيده علينا و عليكم باليمن

و البركات . بخصوص الاخ تبيدى الذى عرفته من حلال هذه البوستات المؤيدة و المعارضة و المداخلات

الملغومة حاولت ان ادلى بدلوى لكى اعرف الحاصل فطلعت اطرش فى زفة .

المهم اعدت الكرة مرة اخرى فى قراءة بوست للاخ معتز خلف الله القريش و هو شقيق و زير الثقافة الحالى .

فو جدته يرد بآسم تبيدى و يوبخ بآسم الرجل كل انسان لم يرجب بآ نضمام تبيد للمنبر العام .

عاد بعد دا النار انطلقت فى جسمى و جاتنى كاروشة يا بت آمى . قلت النار دى ما بطفيها الا الجراءة

و قلت الادب فقلت كدى مديت لسانى طول دا بس لسان شوارعية الانقاذ و قلت حاح فى الجنا معتز

لان رآس الصوت وصلو . لذا بعتبر آ ى انسان يدافع عن تبيدى هو زيو لان المثل بقول الما بشوف

شبهو المولى قبحو عاد قصرت يا الاخت طبعا لا نترك المجال للمحطات الخارجية اها خليتك فى امان الله .

الاخ الكريم/صديق مهدى على
رمضان كريم عليك وتصوم وتفطر علي خير

Quote: لذا بعتبر آ ى انسان يدافع عن تبيدى هو زيو لان المثل بقول الما بشوف شبهو المولى قبحو عاد قصرت يا الاخت طبعا لا نترك المجال للمحطات الخارجية اها خليتك فى امان الله .

انا سبق وان نبهت انو مقامي هنا ليس مقام من يدافع عن المدعو تبيدي هذا
انا بتكلم عن فهم معين بس
عدم قبول الاخر ليييييييييييييييييه



تخريمة
يعني بي فهمك الفوق دا يا استاذ صديق
انا شبهي زي شبه معتز القريش وتبيدي


اها يا جماعة فهم اخونا صديق مهدي علي
يعرج بينا لنقطة اخرى مهمة جدا في هذا المنبر
وهو تصنيف واعتبار كل من يقول كلمة حق تتوافق مع اتجاه الحكومة ويصب في اتجاه الاخير
انه الشخص دا كوز وامنجي وانو وانو وووو
اسع زي اخوناصديق دا
طواالي لصق لي شبهة انو انا شبه معتز القريش
ههههههههه

يااخونا فرقوا بين المواقف والاراء

ميادة كمال
رمضان كريم
حين اقصاك نافع على نافع رئيس جهاز الامن (سابقا) وانت بنت المؤتمر الوطنى
هل كانت هناك جرائم تلاحقك وهل كان هناك معذوبون يمشون بين الناس ويشهدون
بتعذيبك لهم ام انها منظومتكم السياسية واخلاقياتها ولنا في الترابى مثال
وفي كتاب المحبوب حقائق تدعونا للاندهاش والسؤال من اين اتيتم ...

Quote: بدون مقص الرقيب

ياتو رقيب رقيب الابادة الجماعية بيوت الاشباح اقتصاب الرجال تزوير الانتخابات
الصالح العام

Quote: وعشان ما يقولوا لي انتي امنجية وووو لا علم لي البته بالمدعو تبيدي ولم اتابع موضوعه لكني انزعجت من كمية البوستات الرافضة لينال المذكر عاليه عضوية منبر بكري ابو بكر

يعنى انزعجتى لكمية البوستات ولم تطالعى مضامينها خايفة من وجع الضمير

Quote: الرفض والانتفاضة الحاصلة في المنبر لحصول المدعو تبيدي لعضوية المنبر تعتبر (صورة مصغرة) و معبرة جدا عن ثقافة (عدم قبولنا للآخر) في الثقافة السياسية والمجتمعية السودانية

وهنا ياميادة تجسدين مقولة(رمتنى بدائهاونسلت)

رمضان كريم يا ميادة ..

Quote: طيب دي ما فرصة وجات لحدي عندكم انو من خلال عضويته وتواجده معكم في هذه المساحة الاسفيرية وامبراطورية سودانيز اونلاين دي انو يكون مكان ومناسبة لجرد حساب ونقاش وتخلصوا حقكم منه بل كنت اعتقد انكم لو اذكياء كان من الاجدر انكم من تطلبون له العضوية بل وتحرصون على اطاله امد تواجده معاكم

هذا الكلام ربما يصح في حالات أخرى ..

لكن حيال ممارسات هذا الساقط فلا يصح إلا أن يحتقر ويلفظ يا ميادة ..

وما فعله بحق المعتقلين يجرمه أمام كل القوانين والشرائع السماوية منها والوضعية ..

وفقط ضعي نفسك في مقام شقيقة أحد المعتقلين الذين هدد هذا الساقط بجلبها واغتصابها أمام عينيه كما ورد في إفادة الأخ المعتقل

الاخت مياده لك التحيه

Quote: يعني المنبر دا بقدر قادر حلال عليهم حرام على الاخرين المختلفين معهم فكريا وسياسييا طبعا

بنفس الفهم دا بتعامل النظام مع معارضيه وقد يصل حد القتل والتعذيب للخصم

واقلاها تهديده باغتصاب اخته او امه امامه

وهذا ما كان يفعله تبيدي وزمرته ودونك شهادات الضحايا

( خلينا نقول انو شهادات الضحايا دي مشكوك فيها نجي للنقطة التانيه )

هل غاب عنك الرقابه القبليه للصحف ودور تبيدي فيها ؟؟

Quote: لكن بوست سياسي يعبر عن وجهة نظر الحكومة او كل من يؤديها طبعا ماحصلت في تاريخ المنبر العام المعاصر

اذا كان النظام وبسيطرته الكامله على اجهزة الاعلام

من اذاعه وتلفزيون وصحف ومجلات واعلامه الالكتروني

وتوظيف كل منتسبيه في هذه الاجهزه غير قادر على اقناع الاخر,

فيجب على النظام مراجعة نفسه.

والله البسمع كلامك ده يقول إنتو الآخر ده عاملين ليه تمثال.

الكوزة ميادة كمال.

أختشي

وجاء العنصرى دينق لاغراض معلومة لدينا

Quote: وجاء العنصرى دينق لاغراض معلومة لدينا

اوووووووووووو معاوية يا كبسور
حباب الطلة
ما ياها عدتك لسع معاك
وليه الظلامي السيد المسلمي قال انو شالو عدتك بره
فرحتك ليك والله بانك ما زلت هنا
وبالله رش من طرف
ولا تخشى في الحق لومة لائم وكدا


اما دينق دا
فهو تخصصي انا وعلاء الدين يوسف
كل ما يجي بنديه اللي في النصيب ويمشى

سلامات يا ميادة
الناس الخائفة من تبيدي
خايفاه بفضحهم ويطلعهم ليك كلهم ناس لساتك ساي بلا نضال بلا لمة

ااتخيلي جا امنجي هنا قام قرر يفضح المناضلين ديل ويفتهم
ذي ما مرة هاجو في مجاهد لما حاول يغتهم وطالبوا بكري بسحب الباسورد
وقد فعل بكري وبقت الفايلات الاتفتحت كلها سرها في بير
برضو لما محمد جمعة حاول يحقق في بعض قصص المناتلين الهنا
بكري سحب البوست

ولذا الخوف يا عزيزتي هوالعامل السعار دا


من زمان بطالب الحكومة دي تفتح ملف بيوت الاشباح وتكتب الاسماء
وتعطيهم حقوقهم ولما دا يحصل كل الانبياء الكذبة ديل
خيختفوا..

طبعا عارفة كيف انه الناس بتظبط قصص تعذيب عشان تاخد لجوء وكدا.

وجود تبيدي هنا وهو بمثابة حامل الاسرار تزعجهم جدا..

Quote: سلامات يا ميادة الناس الخائفة من تبيدي خايفاه بفضحهم ويطلعهم ليك كلهم ناس لساتك ساي بلا نضال بلا لمة ااتخيلي جا امنجي هنا قام قرر يفضح المناضلين ديل ويفتهم ذي ما مرة هاجو في مجاهد لما حاول يغتهم وطالبوا بكري بسحب الباسورد وقد فعل بكري وبقت الفايلات الاتفتحت كلها سرها في بير برضو لما محمد جمعة حاول يحقق في بعض قصص المناتلين الهنا بكري سحب البوست ولذا الخوف يا عزيزتي هوالعامل السعار دا من زمان بطالب الحكومة دي تفتح ملف بيوت الاشباح وتكتب الاسماء وتعطيهم حقوقهم ولما دا يحصل كل الانبياء الكذبة ديل خيختفوا.. طبعا عارفة كيف انه الناس بتظبط قصص تعذيب عشان تاخد لجوء وكدا. وجود تبيدي هنا وهو بمثابة حامل الاسرار تزعجهم جدا..

الدكتورة العزيزة نجاة محمود
حمد الله على السلامة يمه
ورمضان كريم عليكي انت والبروفيسور والاولاد
ودايما تامين ولامين



من اجل كل ما قلتيه ومن اجل المظالم التي يحملها الاخرون ضده
كان يجب ان يتاح له فرصة للبقاء في المنبر
والغريبة الرجال جاء يسجل باسمه الحقيقي حالته

Quote: والله البسمع كلامك ده يقول إنتو الآخر ده عاملين ليه تمثال.

Quote: الكوزة ميادة كمال. أختشي

الكلمة دي اللي الله قدر عليها
طيب وانت بنفس القدر
إتلهي .......
ولا اقول ليك امشي شوف ليك توب ولا وش مذيعة واتكلم فيه
واقترح عليك تفتح موضوع برنامج بنات حواء اللي في هارموني
اعتقد فيها source كويسة ليك تتكلم فيها
وكمان الفنانات جلابيات (قصدي من جلابة) بتمووووووووت فيهم
والعهد على الراوي علاء الدين يوسف
هههههههه

Quote: ختاما ارجو ان تجدي مدخلا اخر غير حرية التعبير في محاولة تزيين طلب تبيدي لان الاستفزاز الشديد الذي يتمثل في ظهور الجاني غير المكترث لمشاعر ضحاياه يمنحهم حق الدفاع الشرعي ويمنحهم استثناء القتل العمد ان اغتالوه في تلك الظروف لذلك اري ان مدخل حرية التعبير مدخل واهي لايتناسب مع وضع تبيدي بالذات فهو لا يحتاج الي هذا المنبر للتعبير عن اراءه وبراءته

يا اخي علي عجب
رمضان كريم عليك
انا لا اتكلم عن حرية التعبير
فهذه مرحلة متقدمة جدا
كدي الاول ثبتوا لينا مبدأ (قبول الآخر)....
وبعدين نتعشم في حرية التعبير وانو منبر بكري دا منبر من لا رأي له وووو الحنك الكتير داك

وكمان مقامي هنا ليس مقام من يدافع عن المدعو تبيدي

إنتو اي كلام بيقولو ليكم بتصدقوه .. ها والله انتو غشتكم ساهلة خالص خالص
الولدد البقرا في الروضة ممكن بغش المناتلين دعاة الاستنارة في هذا البوست

معليش يا ميادة والعفو يا أختي الكريمة...

رمضان كريم... وتقبل الله صيامك وقيامك
وأجر ومغفرة... وكل عام وإنتي وجميع الأهل بخير

Quote: معليش يا ميادة والعفو يا أختي الكريمة... رمضان كريم... وتقبل الله صيامك وقيامك وأجر ومغفرة... وكل عام وإنتي وجميع الأهل بخي

لا يااااااخ العفو يا عزيزي
انا بهزر معاكم
ومحاولة مني لتلطيف جو البوست من اي احتقان
اذا وجد هنالك من احتقان



العفو يا اخي الفاضل
وكل سنة وانت طيب مرة تانية

Quote: ميادة كمال رمضان كريم حين اقصاك نافع على نافع رئيس جهاز الامن (سابقا) وانت بنت المؤتمر الوطنى هل كانت هناك جرائم تلاحقك وهل كان هناك معذوبون يمشون بين الناس ويشهدون بتعذيبك لهم ام انها منظومتكم السياسية واخلاقياتها ولنا في الترابى مثال وفي كتاب المحبوب حقائق تدعونا للاندهاش والسؤال من اين اتيتم ...

الناس دي بتجيب الكلام دا من وين

الاخت ميادة سلامات
رجل الامن في كل العالم مهنة كغيرها من المهن....في الدول الدكتاتورية هي مهنة مشبوهة لانهم يقومون بحماية انظمة غير شرعية . اما اولائك الذين توكل اليهم مهام التعذيب وتصفية الخصوم فلهم وضع خاص داخل الجهاز.. ويتم تصنيفهم كمجرمين من قبل القانون ..يعني قصة الحوار والقبول هنا تنتفي شروطها...
الدليل ببساطة ..دينق المكجنك ومكجناهو ده يتداخل معك وبانفعال احياناويتهمك بالامنجية لكنه لم يطالب باقصائك عن المنبر..

Quote: الناس دي بتجيب الكلام دا من وين

من ميادة كمال
جات هنا واشتكت من اقصاء نافع لها شكلك مامتابع مايكون شاغلك تبيدى بالتدريب

رمضان كريم اخ بدر الدين الامير

Quote: من ميادة كمال جات هنا واشتكت من اقصاء نافع لها شكلك مامتابع مايكون شاغلك تبيدى بالتدريب

والله سيادتك اللي ما متابع
جيب الكوته اللي انااشتكيت فيها
العضو البكتب باسم abuarafa هو من ابتدر الموضوع
وسرد تفاصيل عدم التحاقي بالجامعة وووو
والكلام جاب الكلام
وهل سودانيز اونلاين المكان الملائم لاني اجي اشتكي.... حتى لو في شكوى من جانبي
وكمان موضوع تعيييني في الجامعة قديم ... يعني من سنة 2006م ... وقد تعلم انا الان اعمل في اي مؤسسة ...
وقع ليك !!!!!!!!!!!!

Quote: والله البسمع كلامك ده يقول إنتو الآخر ده عاملين ليه تمثال.

سلام ياميادة ورمضان كريم .....

Quote: سلام ياميادة ورمضان كريم .

أهلين حبابك بت ابوي الشيخ
رمضان كريم وتصومي و تفطري على خير

Quote: والله البسمع كلامك ده يقول إنتو الآخر ده عاملين ليه تمثال.

اللخو رباطابي !!!!!!!
يجازي محنك
طولت ما ضحكت كدا
شكرا ليك

يا ميادة من الآخِر شديد
وعشان الناس ما تزايد في الأكلشيهات بتاعة الديموقراطية وقبول الآخَر الماسكين نصها وسايبين الباقي دي:
الزول دا السبب الرئيسي الخلى الناس ترفض وجودو بينها هو (شبهة) تورطو في تعذيب ناس تانيين
سبب التعذيب دا مباشرة كان عدم تقبلو هو والنظام اللي بيمثلو للآخَر ..

ما عجبهم أو ما تقبلوا قول أو فعل ناس مختلفين معاهم فكرياً ولا سياسياً قاموا إعتقلوهم وعذبوهم
يبقى منو الإقصائي والما بيقبل الآخَر فعلاً؟

ميدو كيفنّك ورمضان كريم,,

Quote: إذا حصل العكس .... قد نكسب ونوفر على انفسنا عناء وكدر وغل سنين عددا... باعتبار ان الحوار والتواصل والنقاش حى لو احتدم ... من الممكن ان يوصل لحل (اقنعنتي او اقنعتك)

أوّل مره أعرف انه الكيزان ديل في البلد دي أتوا لحوار !!!!!


مياده يابتي لكل فعل رد فعل,,
الاقصاء ورفض الاخر بدوا بيهو الكيزان,,

بعدين البيعذّب جسديا بيننا وبينو مافي حوار,,
في قصاااااص !

Quote: بعدين البيعذّب جسديا بيننا وبينو مافي حوار,, في قصاااااص !

مش لما تثبتوها عليه

الزول ما أديتو فرصة يجي شبيتو في حلق الجابوه

معتز القريشش كيفنك :

Quote: مش لما تثبتوها عليه الزول ما أديتو فرصة يجي شبيتو في حلق الجابوه

يا أخوي انت مش قلت الزول ده ما متابع سودانيز وماشغّال بيننا ولا جايي لحوار معانا أصلا؟
وانه بس أصحابه ناس الزقازيق كانو عايزينه يتونس معاهو في منبرهم؟


زول قال ما عايز يجي تقول حميتوهو الجيه ؟

لازوم كل السودانيين يمرو علي البوست دة ويتعرفوا خرمجة هذة الكوزة الميادة

Quote: بعدين البيعذّب جسديا بيننا وبينو مافي حوار,, في قصاااااص !

صح لسانك يا امانى ....

تبيدى ما رفض لانو راى اخر او لانو مختلف فكريا وينتمى للنظام
المنبر دا به مجموعة من الاعضاء جزء من النظام وما اعتقد فى زول قال لا لعضويتهم والناس بتتفق وتختلف معهم فى حوارات مستمرة

تبيدى رفض لانو متهم فى انسانيته والانسانية دى بقى ممكن تلمنا مع بعض على اختلاف توجهاتنا الفكرية

تبيدى زى ما قالت امانى مافى بينا وبينو حوار لانو الضحايا هنا وموجودين بمنبر بكرى
فكيف لنا ان نرحب ونفرح بمن انتهك ادميتهم يا ميادة

الاخت ميادة كمال
سلا م ورمضان كريم

ده العنوان .... انتفاضة المنبر ضد تبيدى ؟؟؟
يلا اشرحى لى ؟؟
انتفاضة ؟؟
سلاماتى

الأخت ميادة كمال ..

رمضان كريم .. وتصومي وتفطري على خير إن شاء الله ..

أنا تابعت كل البوستات الإ تفتحت بخصوص هذا التبيدي ...

وبعد القراءة والتمحيص الدقيق لكل ما ورد فيها وما ورد في هذا البوست تحديداً بشأن (الإقصاء وعدم قبول الآخر) .. أحيلكِ لمداخلة اختنا تيسير عووضة أعلاه .. وأقتبسها هنا:

Quote: الزول دا السبب الرئيسي الخلى الناس ترفض وجودو بينها هو (شبهة) تورطو في تعذيب ناس تانيين سبب التعذيب دا مباشرة كان عدم تقبلو هو والنظام اللي بيمثلو للآخَر .. ما عجبهم أو ما تقبلوا قول أو فعل ناس مختلفين معاهم فكرياً ولا سياسياً قاموا إعتقلوهم وعذبوهم يبقى منو الإقصائي والما بيقبل الآخَر فعلاً؟

وأظنها قد كفت وأوفت بشأن موضوع هذا البوست ...

وهذا الشخص وأمثاله، هم الأداة التي يستخدمها الحكام للتعبير عن الإقصاء وعدم قبول الآخر ...

أما من يطالب بالبينة لإثبات الوقائع ... فهو كما يطالب بلبن العصفور تماماً ... فجهاز الأمن يقوم بالإعتقالات ليلاً .. إمعاناً في التنكيل والإرهاب (الليل يغطي الجبال) .. ويأخذ الضحايا بعد تغطية أعينهم إلى أماكن مجهولة .. ويتخذون لأنفسهم أسماء حركية .. وكل هذه الإجراءات تتم للتعمية والتمويه وطمس الأدلة والبينات ... فكيف تتم المطالبة بإحضار بينة لإدانة من يقومون بالتعذيب وبيننا في المنبر من تعرضوا لهذه التجربة .. ألاَّ تكفي شهادتهم ورواياتهم لإثبات الوقائع وآثار التعذيب ظاهرة وبينة على أجسادهم ومنهم من يعاني من أمراضٍ مزمنةٍ بسبب التعذيب ... عجبي !!

ميادة يا بتي .... أخديها واحد واحد.

المنبر ده فيهو ما فيهو من الإتجاهات السياسية.

وملياااان منسوبي المؤتمر الوطني والكيزان أو حتى مجرد المطبلاتية.

الناس ديل أخدوا عضويتهم وبيحاوروا بمستويات ومقدرات مختلفة، فيهم العنو منطق .. وفيهم المفلس ... لكن في النهاية بيجتهدوا الحوار، ومافي زول نادى بإقصائهم ....... ولو حبينا ممكن نقول البوست ده مثال.

يجي السؤال .. ليه تبيدي دون الآخرين؟

_______
قبل ما تقهميني .. رمضان كريم.
رغم إني شايف إنك بتفوتيها لناس حسب مزاجك.

السلام عليكم و رمضان كريم لميادة و المتداخلين ..

أجمل ما في هذا الأمر أنه كشف وفضح كل الكضابين على حقيقتهم ..

ديمقراطية و حقوق إنسان و محاكمات عادلة و خرابيط .. طلعت كلها حاجات بتاعت بكش عرض و طلب و شختك بختك وهتاف اسافير و جاكات ساي ..

هي الانقاذ دي ما عدم قبول راي اخر و دليل حي على فشل الراي الواحد

استاذة ميادة
معليش اقري الكلام المكوت

Quote: جاءنى المدعو (تبيدى) ..مشمرا ساعد جلبابه : :خش المكتب ده .. واشار الى باب مكتب فى مقابلتى.. دخلت المكتب .. قال لى : انت عامل فيها رأسك قوى؟ الليلة انا بوريك.. اغلق باب المكتب (بالمفتاح) .. كانت الساعة حوالى الثانية عشر ونصف ظهرا.. بدأ حديثه معى مهددا : (نحن عارفين اختك فى دنقلا ..بنجيبها ون قدامك هنا.. (وبالفعل كانت اختى الوحيدة والكبرى تدرس فى نفس الجامعة ..فى السنة الثالثة)... وبرضو عارفين (حبيبتك ) (.......) داير تشوفها قدامك هنا (........) ؟ ...ثم استطرد: خليك من ديل ..انت زاتك كيف؟ ثم رفع جلبابه (وفك التكة) ..واخرج ذكره ..(نعم ..هذا التبيدى..) وقال لى فك الحزام ..ونزل البنطلون)... فرفضت ... ما كان منه ؟..الا ان خرج واتى ب(رجل الكرسي ) .. وضربنى بها..فى الصدر مرة اخرى..

أطلعي ..... نازلة وين؟!
ما بتقدري جايه ليه؟

Quote: بعض اعضاء المنبر المناتلين على قناعة تاااااامة بان هذا المنبر محرم على كل من يخالفهم الراي (اللي هو هنا الآخر)

لا يا ميادة ،، الكلام هذا غير صحيح ،، ما فعله هذا الشخص ليس هو برأى قابل للنقاش على الإطلاق وليس هو موضوع خلاف بين ( المناتلين ) وبينه ،، المناضلون هنا يعبرون عن عدم ترحيبهم لشخص كان من المفترض أن يكون خلف أسوار السجون وليس على صفحات سودانيز أونلاين ،، وإن كان لديه شىء يقوله كان من الفترض أن يقوله من خلف تِكة المحاكم ( إن كان مجرماَ او بريئاَ ).

نرجو أن لا تعميكم مناصرتكم الكاملة للمؤتمر الوطنى لأفعال وأقوال قد تكون صحيحة .

ماهر

Quote: **** لماذا ترفضون عضويته الاخ تبيدي او غيره!!! اما كان من الاجدى ان تسمحوا بمساحة للرجل لكي تكون فرصة لمحاورته ومناقشته... في هذه المساحة الاسفيرية الرحبة .... بدون مقص الرقيب إن شاء الله تنتفوا ريشه .... المهم هي فرصة للالتقاء وتصفية حسابات (عبر اديني واديك) طبعا راي وراي ... موووش كف وكف

ميادة يا بتي الزول ده قالوا بيتفاهم مع الناس وبيفك ليهم دكة سروله يعني كيف نتناقش معاهوا؟؟؟
أمفكو ولا كيف؟؟؟
حسي بس سؤال في زمتك زول زي ده بتدخليه بيتكم؟؟؟


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: بعض اعضاء المنبر المناتلين على قناعة تاااااامة بان هذا المنبر محرم على كل من يخالفهم الراي (اللي هو هنا الآخر) وعادة ما يكون هذا الاخر في نظرهم هو (الكوز- الامنجي- منسوبي المؤتمر الوطني) ويشتكون مرارا وتكرار من منح بكري العضوية لهذا او ذاك مثال لهؤلاء المناتلين ( دينق) + (عبد المنعم سليمان) من اعطاهم هذا الحق

كيف على قناعة تامة يا استاذه .. ما ياهو انتي مؤيدة للعصابة وللمجرم المطارد دوليا بتكتبي هنا وبتتفسحي على كيفك في زول
جاء طلب باقصاءك او طردك برغم كمية الكذب والتلفيق التي تمارسينها هنا ..؟!!
والكيزان الاصليين ناس نحن فداك يا البشير مالين المنبر كذب وافتراء وهراء في زول رفع بوست طالب بطردهم ؟
اما عن حالة المجرم الشاذ تبيدي فهو ليس خصم سياسي حتى نحوره بل هو مجرم له ضحاياه هنا وحرام نجمع بينه
وبين ضحاياه ..
بعدين زولك دا مكانه ما المنابر بل المشانق
___
اظرف حاجة انتي بتتكلمي عن الرقابه هنا مع ان التبيدي الشاذ هذا هو ضابط الامن المسؤول عن الرقابة على الصحف هناك ههههههه

Quote: لا يدافع عن مجرم ماشي على حل تكتو إلا زول ماشي أم فكو .

معلش يا معاوية أعتقد بأن مثل هذا الكلام غير مقبول ( على الأقل عندى أنا ) فى حق الأخت ميادة ،، هى لم تدافع عن هذا الشخص بل تريدنا نحن أعضاء هذا المنبر أن نقبل بوجود هذا الشخص حتى نسمع الرأى الآخر ،، وهذا ما نرفضه أو يرفضه معظم أعضاء هذا المنبر كون أن المكان الطبيعى لمثل هذا الشخص هو السجون وفى السجون غياهبها .

فلا تزر وازرة وزر أخرى .

ماهر

Quote: لا يدافع عن مجرم ماشي على حل تكتو إلا زول ماشي أم فكو

ساعدونا بالترجمة
لاني ما فهمت ام فكتو
وحل تكتك دي
من قبيل شفت المداخلة دي بس ما رديت لاني ما فهمتها
لكن طالما اخونا ماهر اعترض عليها
فمعناها اكيد شتيمة


فيا اخ معاوية الارباب
من الاحسن ا ن تحترم نفسك عشان الاخرين يحترموك
وبلاش قلة ادب وتطاول
سمح اخوي !!!!!!!

Quote: هى لم تدافع عن هذا الشخص بل تريدنا نحن أعضاء هذا المنبر أن نقبل بوجود هذا الشخص حتى نسمع الرأى الآخر ،، وهذا ما نرفضه أو يرفضه معظم أعضاء هذا المنبر كون أن المكان الطبيعى لمثل هذا الشخص هو السجون وفى السجون غياهبها .

يسلم فمك اخ ماهر
دا اللي انا بنبح من الصباح عشان اوصله ليهم
وكفاية علي انو حضرتك فهمتني
الله يديك العافية

Quote: (إنتفاضة المنبر ضد تبيدي) منهج(عدم قبول الآخر)

اوعِك تكوني قاصدة بالآخر نفسكم ككيزان وحرامية يا ميادة!!

الكيزان ديل عبارة عن حرامية و طالبين للدنيا و الجاه ... ولا يصلح أبدا أن نقبلهم كآخرين

هل يعقل أن نقبل بآراء اللصوص و مرتادي السجون و الإجرام مثلاً!!



ناس الحكومة الحرامية ديل منافقين وهم عبارة عن شلة و جماعة للنفاق و الدجل فقط ... ومنتشرين في أنحاء السودان
ومن أراد أن يتأكد من ذلك فعليه بمشاهدة القناة السودانية ومقارنة مقال فيها من نفاق و بهتان علي الواقع

Quote: وعِك تكوني قاصدة بالآخر نفسكم ككيزان وحرامية يا ميادة!! الكيزان ديل عبارة عن حرامية و طالبين للدنيا و الجاه ... ولا يصلح أبدا أن نقبلهم كآخرين هل يعقل أن نقبل بآراء اللصوص و مرتادي السجون و الإجرام مثلاً!! ناس الحكومة الحرامية ديل منافقين وهم عبارة عن شلة و جماعة للنفاق و الدجل فقط ... ومنتشرين في أنحاء السودان ومن أراد أن يتأكد من ذلك فعليه بمشاهدة القناة السودانية ومقارنة مقال فيها من نفاق و بهتان علي الواقع

\\\

أقول ليك اهلا يا احمد محمد بشير
ولا اهلا يا abuarafa
واها موضوع نافع على نافع حصل وين !!!!
وليه البوست المنزله عمر فضل المولى باسمي عن فساد دكتور نافع وووو
اتمسح
اكييييد في زول فيكم كالعادة جاء ######
وبكري ماا قصر جاء يمسح وراكم
صح !!!!!
يلا خليك جرئ حبتين وتعال قولي حصل شنو في البوست دا واتمسح لي
ومنو السبب في مسح البوست

Quote: أقول ليك اهلا يا احمد محمد بشير ولا اهلا يا abuarafa واها موضوع نافع على نافع حصل وين !!!! وليه البوست المنزله عمر فضل المولى باسمي عن فساد دكتور نافع وووو اتمسح اكييييد في زول فيكم كالعادة جاء ###### وبكري ماا قصر جاء يمسح وراكم صح !!!!! يلا خليك جرئ حبتين وتعال قولي حصل شنو في البوست دا واتمسح لي ومنو السبب في مسح البوست

إنتي طلعتي كوزة وكذابة يا ميادة .... في يوم من الأيام كنتي بتقولي إنك ما كوزة ومستقلة الرآي

وقبل كم يوم قريت مداخلة ليك و بي عضمة كيبوردك كاتبة إنك "كــوزة"
*******
البوستات البتسألي عنها دي انا ما شفتها ... و كويس إنو مسحوها ..

ياااااخ إنتي ما بتحسي؟!!
دة شنو الكلام العجيب البيتكتبي فيهو دا و اللي كل يوم بيمسحوهو ليكي ... حسي و اكتب كلام يخش العقل.
دا شنو دا !! ....... وين السياسة الدرسوكي ليها ...؟

إنتي كوزة و الكيزان الحرامية ديل لا يصلحوا أن يكونو آخرين .... توبي يا شيخة و أعلني التوبة عن بني الكيزان
نقبل بالشيطان أن يكون من الآخرين ... أما ناس جماعتكم ديل فمكانهم مزبلة التاريخ أو لاهاي.

كتبت الدكتورة نجاة محمود

Quote: من زمان بطالب الحكومة دي تفتح ملف بيوت الاشباح وتكتب الاسماء وتعطيهم حقوقهم ولما دا يحصل كل الانبياء الكذبة ديل خيختفوا..

طيب يا دكتورة انتي وكت عارفة الحكومة عندها ملف بيوت اشباح اللف والدوران في شنو؟

مياده كمال رمضان كريم

الآخر ده ما انت وعلاء الدين والمكاشفي...وآخرين هنا
ليه ما ضقنا بيكم؟؟؟؟

Quote: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا

اما تبيدي ا ل و س خ ا ن فلا مكان له بيننا.

وما تنسي تجاوبي على عمك الشايقي؟؟!!

زول زي ده بتدخلي بيتكم؟؟!!

يا اخوانا هو الامنجي يجي يتحاور في شنو يعني؟؟!!!.

هو زول كان شغال بتاع امن وعلى درجة عاليه وفي النهاية كافؤه وبقوه دبلوماسي على خدماته الجليله. يعني حيجي هنا يتحفنا بياتو حوارات...

والناس الكايسين للزرزرة ياتو امنجي بتزرزر..ولا في الاولين ولا الاخرين ما سمعنا بامنجي اعترف بجرائمه..خصوصا لو كانت اخلاقية جنسية...

يعني ممكن يعترف بقتل..بضرب...بعد سوق ادلة وشهادة شهود..ده لو في اصلا ادلة وشهود... وكمان في ناس كده بتفكر بكل نقاء وبرقماتية بتاعة انه مادام مافي دليل

يبقى الامنجي بري حتى تثبت ادانته...مباااااااااااااااااالغة...

هو في راجل سوداني..متبني الرجالة..وعامل فيها عشميق الاصم..بجي ولو بلمحة..ولو بينه وبين اصحابه يقدر يقول ليهم..اي انا عملت الفعل الشاذ ده..(وانا ما قاصده ناس الهموسيكشوال)..

حتى لو كان تبريره التخويف..ولا الارهاب..ولاايييي حاجة....

الا اذا كان عايز يبقى انسان منبوذ اجتماعيا ويدمر نفسه تماما واسرته الى يوم الدين....

يعني لا حيكون في حوار ولا اعترافات ولا زرزه ولا اي هيلمانه...



بس هو فعلا منعدم الانسانية...انسان زي ده عايش مع روحه كيف...


قرف.

مياده والمداخلين سلام
المتابع لهذا البوست يستخلص انك تمارسين الاندهاش من جراء
انتفاضه الاعضاء تجاه المدعو تبيدى .
مع العلم ان غالبيه الرافضين لانضمامه لم يعترضو على حسن او قبح مظهره
او لم يطالبو بتجريده من الاشتراك بسبب غزاره علمه او لجهله
وكذلك لم يفعلو هذا لانه من النيل الابيض او من النيل الازرق
ولكن يا استاذتى طالبو لانه مجرد من الانسانيه ويتصف با وصاف شاذه
لا تمت الى النفس البشريه السويه بصله .
================
اود ان استميحك واوجه لك سؤال هل لو ثبت لك ان فقط 10% من التهم الموجه له صحيحه هل
ستطالبين بمنهج قبول الاخر الذى تتبنينه ؟

تحياتى

Quote: اود ان استميحك واوجه لك سؤال هل لو ثبت لك ان فقط 10% من التهم الموجه له صحيحه هل ستطالبين بمنهج قبول الاخر الذى تتبنينه ؟ تحياتى

اهلا فيك اخ خالد
ولييييييييييه لا
نعم ساقبل بـــ (الاخر ) اي كان تبيدي او غيره
حتى لو اوكامبوا زاتو دايرين يدوه باسوورد ويكون بينا ما عندي مانع
فموافقتي بفهم معين وهو
من باب التنوع رغم الاختلاف
في نفس الوقت لا تعتبر موافقتي على تواجده معناه اني اوافقه سلوكه البدر منه من تعزيب وووو كما يقول الاخوة
فمن حق كل من يحمل مظلمة ان يتمسك بها
ومن حقهم على تبيدي وامثاله انو ياتوا ويكشفوا اسرار وحقائق ما قام به (ان كان زعمهم صحيح)
وارجع واكرر قبولي بتواجد تبيدي ما معناه اني اوفقه او اييده في ما بدر منه من سلوك مشين تجاه اولئلك الذين يحملون ضده مظلمة
فقط انا اطرق على باب (قبول الاخر وعدم اقصاءه)
وفي تقدير دي اقصر طريقة لانو يكرهوه نفسه وحياته
والله اعتقد انو في لحظة كان حيحس انه صغير امام نفسه... ولحظتها من نفسه كان حيطفش من البورد... دا كان ما انتحر بسبب الضغط النفسي اللي كان حيوضع فيه من كترة النقاشات والملفات اللتي سيفتحهها الاعضاء هنا ضده
والله العظيم صحيح

Quote: الآخر ده ما انت وعلاء الدين والمكاشفي...وآخرين هنا ليه ما ضقنا بيكم؟؟؟؟

الاستاذة تراجي
غايتو علاء الدين وميادة ديل ممكن لكن انا لا انا اكعب واحقر زول في البورد دا ما يغرك اللحية الطويلة دي
بعدين انا معترف باني احقر واحد في البورد دا وبقولها علني
والحمد لله انو انا عرفت نفسي لكن الكلام الناس ديلاك الذين يظنون أنهم يحسنون صنعا

الناس لم تصنف الاخر ( تبيدى ) بناء على توجهه السياسى ،، قبيلته ( عرقه )
، على دينه او حتى لونه
ولكن لفظته المجموعه لانه تجرد من الانسانيه ، واستقل سطوته ، لانتهاك حرمات الغير .

Quote: والله اعتقد انو في لحظة كان حيحس انه صغير امام نفسه... ولحظتها من نفسه كان حيطفش من البورد... دا كان ما انتحر بسبب الضغط النفسي اللي كان حيوضع فيه من كترة النقاشات والملفات اللتي سيفتحهها الاعضاء هنا ضده والله العظيم صحيح

الاحساس قيمه لا تتوفر فى امثاله

Quote: من زمان بطالب الحكومة دي تفتح ملف بيوت الاشباح وتكتب الاسماء وتعطيهم حقوقهم ولما دا يحصل كل الانبياء الكذبة ديل خيختفوا.. طبعا عارفة كيف انه الناس بتظبط قصص تعذيب عشان تاخد لجوء وكدا. وجود تبيدي هنا وهو بمثابة حامل الاسرار تزعجهم جدا..

د. بيان
رمضان كريم
ومرحب بعودتك بعد غيبة

تبيدي كان قال ليك عندو اسرار أنا بقول ليك تبيدي دا كضاب ، وهسة عشان لا إنتى لا تبيدي تقعدو ترموا في الكلام ساكت، أها تبيدي دا خليهو يديك الأسماء دي وإنت أكتبيها.

وللمرة التانية زولك تبيدي دا كضاب وما عندو الشجاعة البيدافع بيها عن عمايلوا والعملو في بيوت الأشباح.

تبيدى كضاب ولو عندو ردود خليهو اليعمل ليهو (مدونة) وأنا مستعد أنشر أي كلمة هو يكتبها بالباسورد بتاعتي هنا في المنبر.


طبعاًإنت يا دكتورة بيان مما جينا المنبر دا بتقولي إنو في ناس بتظبط قصص تعذيب عشان تاخد بيها لجؤ

نحن بنقول ليها إنت حتكونى كضابة إذا ما نشرت القصص دي وبالأسماء، لأنو في الحالة دي معناها رمي الناس بالباطل.

فدحين لو عندك دليل على الكلام دا قوليوهو هنا وكان ما عندك دليل حتكونى كضابة.

وتصومي وتفطري علي خير

Quote: الكلمة دي اللي الله قدر عليها طيب وانت بنفس القدر إتلهي ....... ولا اقول ليك امشي شوف ليك توب ولا وش مذيعة واتكلم فيه واقترح عليك تفتح موضوع برنامج بنات حواء اللي في هارموني اعتقد فيها source كويسة ليك تتكلم فيها وكمان الفنانات جلابيات (قصدي من جلابة) بتمووووووووت فيهم والعهد على الراوي علاء الدين يوسف هههههههه

الكوزة ميادة.

أنتي لو دايرة تباري قرف و###### الرمة علاء الدين يوسف ده ح تخسري الكثير .

حاولي أن تكون لك شخصيتك المستقلة.

تخيلي فقط يا ميادة لو أنا كتبت لك بنفس أسلوبك الفوق ده؟

كان ح يحصل شنوا؟ وماذا سيكون رد فعلك تجاهي؟

يا دينق انت زعلت ولاشنو
لالالا الزعل مرفووع
وبعدين نحن نكاجر بعد ونكاووي
بس دي كلها مكاواة سياسية ليس الا
على الاقل عندي انا ميادة كمال

فيا دينق الزعل مرفوع
سمح
وبعدين مهما ردك يكون
ما حيكون بمستوى رد معاوية الارباب اللي في الكوته دي

Quote: لا يدافع عن مجرم ماشي على حل تكتو إلا زول ماشي أم فكو

فيا حبيب
كله محصل بعضه
اصلنا من المغضوب عليهم في المنبر دا
رد زي ما انت داير
بس ما تشيل في نفسك يا عمي
وقع ليك

تحياتي ياميادة
الغرابة التي لا يمكن تصورها وأنتي تتحدثين عن قبول الآخرين والفشل في إدارة الصراعات ولعل فهمي المتواضع لها صراع بقية خلق الله بهذا الوطن الفاني بفضل سياسات منسوبي اللا وطني - والآخرين .. والسؤال الذي يطرح نفسه ( هل يقبل اللا وطني الآخرين ) عشرون عاما (جربندية) والآن بدأت الديمقراطية المفترى عليها على طريقتهم هل قبل اللا وطني الغير ؟ الوقائع تقول أنهم أنقسموا على شيخهم ، وكما ذكرتي أنتي ميادة في بوست سابق تجزئية المجزأ وتقسيم اللا وطني للجسم السوداني ، كيف بالله تطالبين بقبول الآخرين؟ صحيح ذاكرتنا محشوة بما فيها من مشاكل وصعاب لكن لن ننسى ما فعله منسوبي اللا وطني فينا وفي بلدنا ...
الشفيع

الاخت ميادة

رمضان كريم عليك

ما رأيك في الحديث خذ العفو و امر بالعرف و اعرض عن الجاهلين

مودتي

لطفي

Quote: اذكر ذات قام احد زملاء المنبر بانزال بوست

!!!!???

الخردة الظلامية ميادة
رمضانك بخير.....جالدة ولا مواصلة

شنو شابكانا الأخر الآخر
إنتي بصحك!!!

المجرم تبيدي في سنة 2006 إتجلد على رأسو المكعوج دا وقام شارد

(بالمناسبة الدعوة كانت جات من الخردة الظلامية صاحبتك د. نجاة بت محمود و الزمن داك بتكتب بإسم بيان)

المجرم تبيدي من زمن جامعة الزقازيق كان زول بتاع مشاكل و بيسرق في الإمتحانات و ظبتوه خاتي بخرة داخل المصحف...و لمن رجع السودان مشي تدرب و أصبح بتاع أمن.

غير إنو بتاع أمن عمل نفسو صحفي يكتب بأسماء مستعارة زي (عبدالباسط كلشوم) و كان عندو عمود إسمه عسل مختوم.

بعد ما طرد من هنا مشى لسارة منصور في سودانيزأونلاين أفلاين و كان بكتب بإسم (الشلعابي) و سجل أيضا في سودانيزأونلاين دوت أورج و منتدى النيل الأبيض أيضا بنفس الإسم المستعار.....و عندما كشفوا إسمه الحقيقي فنجط و هرب......أها مرت 4 سنوات قال نجرب ناس بكري تاني إحتمال يكونوا نسوا...

فلقانا صاحين.....أديناه على راسو و فنجط و هرب للمرة التانية.

المجرم تبيدي يحب سودانيزأونلاين زي حبك إنتي للبشير
و حاول أن يتحصل على عضوية سودانيزأونلاين لدرجة إنو مشى لبكري في بيتو في السودان و شحدوا عضوية و بكرى عمل أضان الحامل طرشا.

يا أختي دا ما الآخر دا مجرم زي البشير و صلاح قوش و نافع.

تخيلي لو البشير طلب عضوية في سودانيزأونلاين......

طبعا بنلحسو كوعو جد جد ما كلام ساكت


نطلب لك الهداية يا ميادة لغاية ما تلقى الدرب الصحيح

تصومي و تفطري على خير

Quote: **** لماذا ترفضون عضويته الاخ تبيدي او غيره!!!

برضو اخ ؟؟؟؟ فعلا اخ صحى الاختشو ماتو !!!!
ولانو فكاك تكك فهو غير مرغوب فيه بين الاسوياء من البشر
حكم
فكاك التكك اضحى اخ ؟؟؟؟؟
الانتماء فوق القيم والمبادى والمثل العليا للانسان
والانتماء اولا ومن ثم اى شىء ياتى تاليا او قد لا ياتى

هل قبل الكيزان بالآخرين ؟ ودة منو "تبيدي" الآخر النقبل بيهو دا؟
زول بيكتب كلام زي دا المفروض الناس تنفر منو لحدي ما يأدب نفسوا ويجي يكتب مع العقلاء و الصحفيين


عشان كِدة قولنا ليكي قومي لفي كِدة ولا كِدة يا "كوزة" , وبلاش فضايح معاك.

Quote: : جاءنى المدعو (تبيدى) ..مشمرا ساعد جلبابه :
:خش المكتب ده ..
واشار الى باب مكتب فى مقابلتى..
دخلت المكتب ..
قال لى : انت عامل فيها رأسك قوى؟ الليلة انا بوريك..
اغلق باب المكتب (بالمفتاح) ..
كانت الساعة حوالى الثانية عشر ونصف ظهرا..
بدأ حديثه معى مهددا :
(نحن عارفين اختك فى دنقلا ..بنجيبها ون قدامك هنا..
(وبالفعل كانت اختى الوحيدة والكبرى تدرس فى نفس الجامعة ..فى السنة الثالثة)...
وبرضو عارفين (حبيبتك ) (.......)
داير تشوفها قدامك هنا (........) ؟
...ثم استطرد: خليك من ديل ..انت زاتك كيف؟
ثم رفع جلبابه (وفك التكة) ..واخرج ذكره ..(نعم ..هذا التبيدى..)
وقال لى فك الحزام ..ونزل البنطلون)...
فرفضت ... ما كان منه ؟..الا ان خرج واتى ب(رجل الكرسي ) ..
وضربنى بها..فى الصدر مرة اخرى..

صفحة سودانيزاونلاين






ياميادة اذا ماعارفي

معني بعض الكلمات هنا

اسالي تبيدي عن معناها

بما إنك إنضميتي مع الكيزان واعلنتيها

فوق البوست دا و الما شاف يجي يشوف ‘ عشان تاني ما تغلطي وتأيدي كلام أي كوز قليل أدب

هروبك من البوست الفضيحة بتاعك دا ما بيرحمك

Quote: تحياتي ياميادة الغرابة التي لا يمكن تصورها وأنتي تتحدثين عن قبول الآخرين والفشل في إدارة الصراعات ولعل فهمي المتواضع لها صراع بقية خلق الله بهذا الوطن الفاني بفضل سياسات منسوبي اللا وطني - والآخرين .. والسؤال الذي يطرح نفسه ( هل يقبل اللا وطني الآخرين ) عشرون عاما (جربندية) والآن بدأت الديمقراطية المفترى عليها على طريقتهم هل قبل اللا وطني الغير ؟ الوقائع تقول أنهم أنقسموا على شيخهم ، وكما ذكرتي أنتي ميادة في بوست سابق تجزئية المجزأ وتقسيم اللا وطني للجسم السوداني ، كيف بالله تطالبين بقبول الآخرين؟ صحيح ذاكرتنا محشوة بما فيها من مشاكل وصعاب لكن لن ننسى ما فعله منسوبي اللا وطني فينا وفي بلدنا ... الشفيع

الاخ النعمة
العشرين سنة اللي حكمت فيهم الانقاذ هي بمثابة عمر جيل كامل... وكانت كافية لتغيير حاجات كتيرة للاحسن
ماذا قدمت احزاب المعارضة واحزاب الفكة في تغيير الوضع المائل لللانقاذ
ولا شئ
كانها رضت بالحال ومشت عليه
وناجحين فقط في تعليق اي اخفاق على شماعة الانقاذ

تراجي قلتي لي:

Quote: اما تبيدي ا ل و س خ ا ن فلا مكان له بيننا. وما تنسي تجاوبي على عمك الشايقي؟؟!! زول زي ده بتدخلي بيتكم؟؟!!

تعرفي يا تراجي بنتنا ميادة دي بت طيبه وعلى نياته بس مشكلتها دايماً أنها بتعمل فيها تفتيحه وكدة
أما حكاية أنها تجاوب على سؤالي دي ورطة وأصلاً السؤال لا يحتمل إلا إجابة من اتنين (نعم ، لا)؟؟؟
إن قالت نعم يبقى وووووووب (بتتورط في الحكايات العملت ما عارفاها ناس أمفكتو وتمبكتو وتكتكتو....) وبالتأكيد لا تدينها ولا أخلاقها وتربيتها تسمح لها على الإطلاق أن تعرف مثل هذه الأشكال فما بالك في أن تدخله بيتها،،، (ولا أيه يا ميادة يا بتي؟؟؟)...
وإن قالت لا يبقى وووبييييين (بتتورط في أنه إشمعنى دايراه يدخل البورض وما يدخل البيت؟؟؟) ونبقى في قبول ورفض للآخر....

عاد جنس ورطة،،، وعشان كدة يا تراجي أنا عفيتها من الإجابة وحمدو في بطنو.....


آل تكتكتو آل.....


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

أطلع فوووق
ما بتقدري جااااايه ليه


أهو دة نموذج من إنجازات بني الكيزان , بتدافع عن إنسان يكتب بهذا الاسلوب , وسبب المدافعة الاساسي فقط إنو إنسان كوز معاهم في التنظيم (والما شاف البوست دة يجي يشوف) , عيب عليكي و الله كونك تعلني إنك تابعة للمؤتمر الوطني وتدافعي عن أي خبر يخص المؤتمر الوطني فدا يعتبر نفاق و الهدف منو الكسب علي حساب الشعب , ما كنتي شابكانا مستقلة لي يوم الدين في ايام الجامعة الحصل ليك شنو ؟ عرضو ليكي كم ؟.

Quote: اذكر ذات قام احد زملاء المنبر بانزال بوست عن طلب عضوية لصديقته الاسرائيلية وكانت مداخلتي ضمن المداخلات انو ما عندي مانع عشان نشوف مويتها شنو نرجع لموضوع الاخ تبيدي وعشان ما يقولوا لي انتي امنجية وووو لا علم لي البته بالمدعو تبيدي ولم اتابع موضوعه لكني انزعجت من كمية البوستات الرافضة لينال المذكر عاليه عضوية منبر بكري ابو بكر إحتلال عديييل للصفحة الاولى **** لماذا ترفضون عضويته الاخ تبيدي او غيره!!! اما كان من الاجدى ان تسمحوا بمساحة للرجل لكي تكون فرصة لمحاورته ومناقشته... في هذه المساحة الاسفيرية الرحبة .... بدون مقص الرقيب إن شاء الله تنتفوا ريشه .... المهم هي فرصة للالتقاء وتصفية حسابات (عبر اديني واديك) طبعا راي وراي ... موووش كف وكف **** الرفض والانتفاضة الحاصلة في المنبر لحصول المدعو تبيدي لعضوية المنبر تعتبر (صورة مصغرة) و معبرة جدا عن ثقافة (عدم قبولنا للآخر) في الثقافة السياسية والمجتمعية السودانية نفس هذا الفهم يقوله بعض الاعضاء عندما يتم الاعلان عن (لمة بورداب) في بيت الفنون او في الجبل او او وا... بانه نفسه ما بتسمح ليه يتواجد في مكان سيوجد فيه امنجية ومنسوبي مؤتمر وطني وووو **** طيب كييف حنصل لحل وسط لقضايان وهمونا وسنتعايش مع بعض طالما لم نقبل حتى بتواجد من نعتبره (خصم) لنا اللي هو هنا (اللآخر) في حين انه ... إذا حصل العكس .... قد نكسب ونوفر على انفسنا عناء وكدر وغل سنين عددا... باعتبار ان الحوار والتواصل والنقاش حى لو احتدم ... من الممكن ان يوصل لحل (اقنعنتي او اقنعتك) **** ومسألة (قبول الآخر) وعدم قبوله هي مسالة ثقافة ... يتم التربية على هذه الثقافة منذ النشئ ... لكن طالما هي ثقافة .... فهي معرضة للتغيير والتبديل فلماذا لا نعمل على (ثقافة قبول الآخر.)

.

الاخت ميادة
سلام..ورمضان كريم..

قرأت كلامك..وقفت عنده كثيراً.. وقد تعودت أن أقف في كل كتاباتك متأملاًً في الكثير من المفردات..ساورني شك أن أحداً كتب لك هذا البوست وحاول استخدام بعض مفرداتك مثل مفردة..(مووش)..!!.
على كل.. إذا كانت هذه لغتك انتي فأناأهنيئك على هذا التطور الكبير والسريع.. وتمنياتي لك بدوام التطور والتحسن في لغة الخطاب..

أما من حيث موضوع البوست أكيد أختلف معك..وأسألك بكل صراحة إذا قام أحد من الناس بإغتصاب فرد من عائلتك..هل يمكن ان يدخل هذا الأخر بيتكم يوماً ما ويحاور ويجادل أهل بيتكم ..؟؟؟؟؟.
وأجابتك هي التي تحدد إتجاه هذا البوست...!!.


الحقوق يا أختي لا تُجزء..فالذي فعله ذبانية النظام في المعتقلين الذي هم أخواننا وأشقاءنا..فكيف اختي يُسمح لهم بدخول هذا البيت الكبير وهم قد اغتصبوا أبناءه..وإذا كانت اجابتك بنعم فكل منا يرى فيك

Quote: الاخت ميادة سلام..ورمضان كريم..

اهلا بيك اخ خالد ابو احمد
الله اكرم وتصوم وتفطر على خير
حمد الله على السلامة
تعرف
كم مرة جيت على بالي اسال عليك في رمضان دا
لاني لاحظت انو سيادتك مسجل غياب
تصووم وتفطر على خير

Quote: على كل.. إذا كانت هذه لغتك انتي فأناأهنيئك على هذا التطور الكبير والسريع.. وتمنياتي لك بدوام التطور والتحسن في لغة الخطاب..[/QUOTE الحمد لله هي كذلك Quote: ما من حيث موضوع البوست أكيد أختلف معك..وأسألك بكل صراحة إذا قام أحد من الناس بإغتصاب فرد من عائلتك..هل يمكن ان يدخل هذا الأخر بيتكم يوماً ما ويحاور ويجادل أهل بيتكم ..؟؟؟؟؟. وأجابتك هي التي تحدد إتجاه هذا البوست...!!. يا ابو احمد البوست دا ليس للدفاع عن مجرم او مغتصب وتظل الاتهامات الموجه ليه اتهامات من طرف واحد لماذا لا نتيح له الفرصة للتواجد في المنبر للنفي او للتاكيد وفي الحالتين نحن الكسبانين عشان تكون دراسة حالة وارجع واكرر للجميع انا لا ادافع عن المدعو تبيدي بقدر ما اطالب بان نتيح فرصة للاخر ليعبر عن دوافعه وعن الاسباب التي جعلته يسلك مثل هذا السلوك الذي تؤاخذونه عليه

---

Post: #79 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: Kostawi Date: 08-29-2010, 11:15 PM Parent: #77 يا جماعة كدى شوية على بتنا ميادة مش إحتمال هي بتراجع في حاجاتا و إحتمال تراجعها من الدرب الني دا و تستعدل ...... هي صغيرة و جاهلة فعليكم بنصحهاو ترشيدها كتار جدا من أولادنا و بناتنا خشوا المؤتمر الوطني لأنو الحقائق ما بتصلم و عشان كدا بنجرفوا وراء المعلومات المغلوطة بتاعة هذا النظام المجرم. ميادة بالذات أنا ما عندي معاها مشكلة, بهظر معاها و بتهظر معاي و أنا مديها مساحة زي دي لأنو زول في عمرها و كإمرأة شجاعة و بدافع عن ما تراه صاح أنا أحترم ذلك و لكن ميادة و حتى لو مصالحها مرتبطة بهذا النظام برضو حا تكون شجاعة و تنقلب ضد هذا النظام......... و الحقيقة فقط هي الباقية و غير ذلك هبوت ساكت.

---

Post: #80 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: على عجب Date: 08-29-2010, 11:50 PM Parent: #79 .

---

Post: #81 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: الفاضل يسن عثمان Date: 08-30-2010, 00:31 AM ميادة رمضان كريم: نحن السودانيين عندنا ميزات،تميزنا عن غيرنا، ومنها الحدس العالي في معرفة بعضنا، الوصول والالتقاء في الانساب،والزماله،والقرابة وترجع هذه لعوامل التربية الفطرية،وامتدادها، وكذلك التداخل الاسري والقبائلي بيننا. ومثلك لا اعرف تبيدي ولا اتشرف بمعرفته،اختلف الناس في بعض الاشياء، الا انهم اتفقوا ودون اقصاء،علي بشاعة وجرم هذا التبيدي. حتي هو نفسه تواري خوفا ورعدا عموما اقبل بالاخر عندما يقبلني هو كذلك،اما اذا كان يصادر حريتي ،ويلجأ الي اساليب قذره لتكميم صوتي،لابد ان اتحرك لكشفه والتنديد بممارسته. وهناك مبدأء اساسي في الحريات العامة< تنتهي حريتي عندما تبدأء حرية الاخريين> لا اعتقد تبيدي او اساتذته بالتعذيب يدركون معني وفحوي ذلك. وبذلك علينا علي الاقل الا نعطيهم الحق لمشاركتنا زمالة فضاء، كانوا هم من صادروه وفعلوا الاعاجيب لعدم الوصول اليه. مودتي واحترامي.

---

Post: #82 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: ناصر المحسى Date: 08-30-2010, 01:27 AM Parent: #81 البلع البلع اين صاحبة البوست ؟؟؟

---

Post: #84 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: بدر الدين الأمير Date: 08-30-2010, 10:13 AM Parent: #82 Quote: والكلام جاب الكلام ميادة وحين الكلام جاب الكلام قلتى ان نافع تدخل وحرمك وظيفة انت تستحقيها عن جدارة المهم في رجاء تعقيبك على مداخلتى الرئيسية عن تبيدى واخلاقيات منظومتكم السياسية

---

Post: #85 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: talha alsayed Date: 08-30-2010, 10:48 AM Parent: #84 أين ذهب صاحب البوست ؟؟!!

---

Post: #86 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: على عجب Date: 08-30-2010, 11:59 AM Parent: #85 اين صاحبة البوست ونافخة الكير؟

---

Post: #87 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: Alshafea Ibrahim Date: 08-30-2010, 12:22 PM Parent: #86 تحياتي يا ميادة راجعي ردودك أعلاه إسمي (الشفيع إبراهيم) ياشباب شوية شوية على ميادة خلوها تعرف تقرأ وتميز وتفكر وترد ... الشفيع إبراهيم

---

Post: #88 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: عادل عبدالرحمن Date: 08-30-2010, 01:15 PM Parent: #87 كتبتْ تيسير/تنا النوراني: Quote: يا ميادة من الآخِر شديد وعشان الناس ما تزايد في الأكلشيهات بتاعة الديموقراطية وقبول الآخَر الماسكين نصها وسايبين الباقي دي: الزول دا السبب الرئيسي الخلى الناس ترفض وجودو بينها هو (شبهة) تورطو في تعذيب ناس تانيين سبب التعذيب دا مباشرة كان عدم تقبلو هو والنظام اللي بيمثلو للآخَر .. ما عجبهم أو ما تقبلوا قول أو فعل ناس مختلفين معاهم فكرياً ولا سياسياً قاموا إعتقلوهم وعذبوهم يبقى منو الإقصائي والما بيقبل الآخَر فعلاً؟ فيا ميادة/الخرماجة، وبمناسبة قبولَكِ للآخر/المُختلف، هاك – الدعوة دي: “إنشاء الله تصومي/تجوعي وتعطشي/وما تفطري العُمر كلّو” - يا سميع يا مُجيب - فـ(قبول الآخر) له تاريخ عريق في مسيرة البشرية؛ وكما له، بأعرق من ذلك، تاريخٌ بغيض من رفْضِه، والإستهانة بعِرْقِه وثقافته ودينه وملّته ولغته ومُواطنيّته وكرامته – ناهيكِ عن رأيّه ومُحاورته! والتعبير عن الرأي واحدٌ من أهمَّ دعامات الحريّة – الفكريّة والعقائدية والسياسية والأدبية والفنية.. وليس من ضمنها، بكلّ تأكيد، التعبيرُ عن الرأي و”محاورة” الآخر و”مجادلته” بالإعتقال في “بيوت الأشباح” والطرد من العمل والإغتيال تحت وطأة التعذيب ومُطاردة النساء في بيوتهنّ والشوارع، وأخذ الإتاوات (بدل الضرائب العادلة حسب الإنتاج ومردوده) على شتل نخلة قبل أن يشتدّ قوامها أو زراعة حقل قمح قبل أن يأهْما الغيثُ أو بناء مصنع قبل تدوير عجلاته.. وناهيك، أيضاً، عن رفع سراويل النساء والرجال وإتيانهم/هنّ بدون كِتاب.. أو رِضىً وقبول! فشرطُ الحريّة الأكبر، هو - عدم الإعتداء على حرية “الآخر” أيّاً كان “لونهم أو طعمهم”! عدم الإعتداء على حقّهم في العمل الشريف وفي التعليم وفي تلقي العلاج (ولو كان مسجوناً أو مُعتقلا أو “مَشبوحا”) وفي أن يضجعوا ويتضاجعوا داخل بيوتهم/هنّ دون نِطّيطْ حِيَطْ أو تحسُّسْ وتجسُّسْ فاللعنةُ على مُشرّع، ومُفّذ هذه القوانين التي تبيح كلّ ذلك – من قضاةٍ سفهاء، وزبانية (مثل تبيدُكم هذا) مُختلّو الحس الإنساني، عديمي الضمير والوازع الأخلاقي.. الذين يعبدون السلطان ويهابونه دون خالق الأكوان! إنّ التدليس الذي تمارسينه في هنا (السودانيز..) ببوستاتك التي تطلقينها مُتوهّمةً في الناس الغباء، ساعيةً إلى حشد الجوعى والمُشرَّدين من أعمالهم والمطرودين من ديارهم والمغتصَبين/ات.. أن يأتمروا بــــ(نظام البشير/الترابي) رغم جرائمه (التي لا يغفرها الربّ المَحمّدي أو اليسوعي أو الكجوري أو البوذي أو كاتب صُحف إبراهيم وموسى؛ والتي لن تغفرها المحاكم العُرفية أو الشرعية أو تلك التي في لاهاي، أو كلّ تلك التي خرَجَت من رحم مانفيستو الأمم المتحدة الذي بدايته القسم: نحن شعوب العالم..) التي لن تغفر الجرائم ضدّ الإنسانية! فهل تريدين وتبغين من شعوب السودان – الكَفَرة والفجرة وأصحاب الديانات درجة تالتة والشيعية والمعتزلة والشيوعية “المُستضعفين في الأرض” أن يجابهوا القتلَ والجزَّ والقطع من خلاف وجلد الظهور، بسعة الصدر وكريم القول و”التَقَبُّل” لمساخركم – آخَرَكم وآخِرِكم؟!! بعدين، عندي ليك سُعال: إنتي وكت ما بتعرفي تكتبي بالعربي، دحين، كيفن بتقري لغة الضاد، وكلام القرآن ذو البيان الذي أعجز الإنسان؟! فكثرة الأخطاء الكتابية، ليس لها إلا سببان: الشفقة والعجلة لإجارة المُقرّبين ونشَّ المتكالبين عليهم من أعداء سُنّة الإسلام – السلام! أو – الإستهانة بالقراء وذائقتهم، الذين لا يستحقون “عناء” أن تقعدي في بطن الواطة، تراجعي وتصلّحي وتوزني الكلام! * * أمْ - أنّ الله لا يُكلّف نفساً إلا وسعها.. فالأخطاء الكتابية أو الطباعية، مقدور عليها – فجلّ من لا يسهو، إلا الركاكة، والسماجة، والجِلد التخين!

---

Post: #91 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: mayada kamal Date: 08-31-2010, 07:30 AM Parent: #82 يا علي عجب وكوستاوي وناصر المحسي واحمد محمد بشير إنتو قايلني زيكم عايشه على الوليفر وما عندي شغلة يازول هووووي منك ليه قالوا ليكم ما عندنا شغلة غير سودانيز اونلاين أجي البوستاتي حقتي بي مزااااجي ووكت ما ادووور ولعلمكم انا السبب في رجوع البوست دا بعد ما اتحذف بي سبب معاوية الارباب وقع ليكم خليه قاااااااااعد كدا في حلقكم وبجي ارد بي مزاجي ووكت ما انا احب وقع ليكم عالم وهم العايش لي لاجئ سياسي في اوربا وفي مصر ووين وين ما بعرف على شيل حس البلد عاملين لي فيها مناضلين نحن التعبانين في البلد دي وما فاضين زيكم حارسين المنابر والانترنت

---

Post: #92 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: Kostawi Date: 08-31-2010, 07:55 PM Parent: #91 Quote: إنتو قايلني زيكم عايشه على الوليفر وما عندي شغلة !!!!!!!

---

Post: #93 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: Al-Shaygi Date: 08-31-2010, 08:21 PM Parent: #91 Quote: يا علي عجب وكوستاوي وناصر المحسي واحمد محمد بشير إنتو قايلني زيكم عايشه على الوليفر وما عندي شغلة يازول هووووي منك ليه قالوا ليكم ما عندنا شغلة غير سودانيز اونلاين أجي البوستاتي حقتي بي مزااااجي ووكت ما ادووور ولعلمكم انا السبب في رجوع البوست دا بعد ما اتحذف بي سبب معاوية الارباب وقع ليكم خليه قاااااااااعد كدا في حلقكم وبجي ارد بي مزاجي ووكت ما انا احب وقع ليكم عالم وهم العايش لي لاجئ سياسي في اوربا وفي مصر ووين وين ما بعرف على شيل حس البلد عاملين لي فيها مناضلين نحن التعبانين في البلد دي وما فاضين زيكم حارسين المنابر والانترنت ....... لا يا بت حافظه كويس واصلي الخطب العصماء وما تنسي "القبقاب".... وأردحي وأرقعي بالصوت... الشايقي http://www.youtube.com/watch?v=WjNosdjuv7s فاوضني بلا زعل [email protected] http://alkatwah.com .

---

Post: #94 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: احمد محمد بشير Date: 08-31-2010, 09:44 PM Parent: #91 قومي لفي وبلاش فضايح معاك ذي العملتيها في البوست يا تابعة الكيزان ‘ ... تاني مافي ليكي طريقة تنافقي وتشوهي البورد دة الرجاء الرجاء ثبت البوست دة يا م/ بكري عشان الناس تعرف حقيقة الزولة دي من البوست دة.

---

Post: #95 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: على عجب Date: 08-31-2010, 10:24 PM Parent: #91 سمعنا يا ميادة ردك المهذب المقنع الذي افحمنا اي ما افحام وجعلنا تخجل من ذاتنا ونحن نرفض عضوية شخص يعذب خلق الله بانتهاك اجسادهم ويفعل بهم ما يختشي الرجال عن ذكره...لكن كما قال لك العزيز الشايقي اردحي فنحن من لم يعرف مقاما للقول... وهل يستطيع ان يدافع من مثل هذه الافعال يا ميادة غيرك ونافخة الكير؟ Quote: يا علي عجب وكوستاوي وناصر المحسي واحمد محمد بشير إنتو قايلني زيكم عايشه على الوليفر وما عندي شغلة يازول هووووي منك ليه قالوا ليكم ما عندنا شغلة غير سودانيز اونلاين أجي البوستاتي حقتي بي مزااااجي ووكت ما ادووور ولعلمكم انا السبب في رجوع البوست دا بعد ما اتحذف بي سبب معاوية الارباب وقع ليكم خليه قاااااااااعد كدا في حلقكم وبجي ارد بي مزاجي ووكت ما انا احب وقع ليكم عالم وهم العايش لي لاجئ سياسي في اوربا وفي مصر ووين وين ما بعرف على شيل حس البلد عاملين لي فيها مناضلين نحن التعبانين في البلد دي وما فاضين زيكم حارسين المنابر والانترنت

---

Post: #90 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: احمد محمد بشير Date: 08-30-2010, 09:29 PM Parent: #1 فوق والما شاف البوست يجي يشوووف أقترح علي م/ بكري تثبيت البوست ليساهم في تأديب كتابة المدعوة / ميادة الكوزة ولتكف عن عادتها لتخريب سمعة و واجهة المنبر‘ ميادة لمن لا يعرفها أعلنت إنضمامها للباطِـل و للمؤتمر الوطني ‘‘ وميادة كمال تؤيد تبيدي التابع للمؤتمر الوطني و الذي أسهم في تعذيب المعارضين في السجون الإنقاذ كما قِيل ‘‘. Quote: إنّ التدليس الذي تمارسينه في هنا (السودانيز..) ببوستاتك التي تطلقينها مُتوهّمةً في الناس الغباء، ساعيةً إلى حشد الجوعى والمُشرَّدين من أعمالهم والمطرودين من ديارهم والمغتصَبين/ات.. أن يأتمروا بــــ(نظام البشير/الترابي) رغم جرائمه (التي لا يغفرها الربّ المَحمّدي أو اليسوعي أو الكجوري أو البوذي أو كاتب صُحف إبراهيم وموسى؛ والتي لن تغفرها المحاكم العُرفية أو الشرعية أو تلك التي في لاهاي، أو كلّ تلك التي خرَجَت من رحم مانفيستو الأمم المتحدة الذي بدايته القسم: نحن شعوب العالم..) التي لن تغفر الجرائم ضدّ الإنسانية! شكرا يا عادل عبد الرحمن ‘‘ هذة المخربة لكل ما هو جميل هنا في هذا السودان المصغر دون مرعاة للجهد الذي بُـذل لسنين طويلة لتطوير سودانيزاونلاين , تسعي بكل ما وهبها تنظيمهم من قوة لصرف نظر القراء عن الجرائم التي توثق هنا ضد المؤتمر الوطني ‘‘ "أتركوها لنُؤدب كتاباتها , فإنها مرسلة"........ هذة الكوزة و شلتها لاتستطيع الرد علي مداخلتك . Quote: إنّ التدليس الذي تمارسينه في هنا (السودانيز..) ببوستاتك التي تطلقينها مُتوهّمةً في الناس الغباء، ساعيةً إلى حشد الجوعى والمُشرَّدين من أعمالهم والمطرودين من ديارهم والمغتصَبين/ات.. أن يأتمروا بــــ(نظام البشير/الترابي) رغم جرائمه (التي لا يغفرها الربّ المَحمّدي أو اليسوعي أو الكجوري أو البوذي أو كاتب صُحف إبراهيم وموسى؛ والتي لن تغفرها المحاكم العُرفية أو الشرعية أو تلك التي في لاهاي، أو كلّ تلك التي خرَجَت من رحم مانفيستو الأمم المتحدة الذي بدايته القسم: نحن شعوب العالم..) التي لن تغفر الجرائم ضدّ الإنسانية!

---

Post: #96 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: احمد محمد بشير Date: 09-01-2010, 08:48 PM Parent: #1 مذكرة رفض لبكرى ابوبكر ....

---

Post: #98 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: احمد محمد بشير Date: 09-01-2010, 10:27 PM Parent: #1 فوووق لتصويت الأضواء علي هذا الغباء Quote: اذكر ذات قام احد زملاء المنبر بانزال بوست عن طلب عضوية لصديقته الاسرائيلية وكانت مداخلتي ضمن المداخلات انو ما عندي مانع عشان نشوف مويتها شنو نرجع لموضوع الاخ تبيدي وعشان ما يقولوا لي انتي امنجية وووو لا علم لي البته بالمدعو تبيدي ولم اتابع موضوعه لكني انزعجت من كمية البوستات الرافضة لينال المذكر عاليه عضوية منبر بكري ابو بكر إحتلال عديييل للصفحة الاولى **** لماذا ترفضون عضويته الاخ تبيدي او غيره!!! اما كان من الاجدى ان تسمحوا بمساحة للرجل لكي تكون فرصة لمحاورته ومناقشته... في هذه المساحة الاسفيرية الرحبة .... بدون مقص الرقيب إن شاء الله تنتفوا ريشه .... المهم هي فرصة للالتقاء وتصفية حسابات (عبر اديني واديك) طبعا راي وراي ... موووش كف وكف **** الرفض والانتفاضة الحاصلة في المنبر لحصول المدعو تبيدي لعضوية المنبر تعتبر (صورة مصغرة) و معبرة جدا عن ثقافة (عدم قبولنا للآخر) في الثقافة السياسية والمجتمعية السودانية نفس هذا الفهم يقوله بعض الاعضاء عندما يتم الاعلان عن (لمة بورداب) في بيت الفنون او في الجبل او او وا... بانه نفسه ما بتسمح ليه يتواجد في مكان سيوجد فيه امنجية ومنسوبي مؤتمر وطني وووو **** طيب كييف حنصل لحل وسط لقضايان وهمونا وسنتعايش مع بعض طالما لم نقبل حتى بتواجد من نعتبره (خصم) لنا اللي هو هنا (اللآخر) في حين انه ... إذا حصل العكس .... قد نكسب ونوفر على انفسنا عناء وكدر وغل سنين عددا... باعتبار ان الحوار والتواصل والنقاش حى لو احتدم ... من الممكن ان يوصل لحل (اقنعنتي او اقنعتك) **** ومسألة (قبول الآخر) وعدم قبوله هي مسالة ثقافة ... يتم التربية على هذه الثقافة منذ النشئ ... لكن طالما هي ثقافة .... فهي معرضة للتغيير والتبديل فلماذا لا نعمل على (ثقافة قبول الآخر) المختصر المفيد للسادة القراء أن تبيدي ... يعتبرزميل ميادة في التنظيم " المؤتمر الوطني " وقيل عن كلام قبح يمكنكم مطالعته أعلاه في إحدي الاقتباسات , ميادة الكوزة تؤيد ماقاله التبيدي وتضرب به المثل وتقول انه يمثل كآخر يجب محاورته و إحترامه . كتب الصحفي خالد أبو أحمد معقبا علي البوست Quote: أما من حيث موضوع البوست أكيد أختلف معك..وأسألك بكل صراحة إذا قام أحد من الناس بإغتصاب فرد من عائلتك..هل يمكن ان يدخل هذا الأخر بيتكم يوماً ما ويحاور ويجادل أهل بيتكم ..؟؟؟؟؟. وأجابتك هي التي تحدد إتجاه هذا البوست...!!. عقبت عليه ميادة "الكوزة" برد إنشائي بعيد عن المنطق , و تجاهلت الرد و الإجابه علي السؤال المنطقي المقتبس أعلاه من مداخلة الاستاذ خالد.

---

Post: #99 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: mayada kamal Date: 09-01-2010, 10:42 PM Parent: #98 Quote: فوووق لتصويت الأضواء علي هذا الغباء يا برلووووووووومي انت شغال بي فهم اذا غاب القط العب يا فار موووش لعلم السادة القراء الغرض البوست دا كما اعلنته في بداية البوست انه ليس للدفاع عن الاخ تبيدي وانا غير ملزمة بالرد على كل من تداخل على اعتبار ان البوست للدفاع عن تبيدي ووووو ومع ذلك ساعود للرد على المداخلات الموضوعية بي مزااااااجي ووكت ما احب ليس كما يدعي المناتلين

---

Post: #100 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: Kostawi Date: 09-01-2010, 10:48 PM Parent: #99 Quote: بي مزااااااجي ووكت ما احب غايتو أنا لو ما رديتي على حا أحلق ليك صلعة أنا جاي السودان الإسبوع الجاي حضري الخروف و صابون الحلاقة

---

Post: #101 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: على عجب Date: 09-02-2010, 03:06 PM Parent: #100 >>>>>>>>>>>>>>>>>>>>>>>>>>>>>>> >>>>>>>>>>>>> عشان تاني تجيبي سيرة الشي دا

---

Post: #102 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: احمد محمد بشير Date: 09-02-2010, 09:49 PM Parent: #101 الما شاف يجي يشوف ... دي أم رويسن قوي يا "علي عجب" و البوست دا نرفعو للماشاف .

---

Post: #103 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: على عجب Date: 09-03-2010, 10:48 PM Parent: #102 احمد محمد بشير سلامات قالت البوست دا اعاجبها لانه افحمنا وطلعتا لا نحتمل الاخر ذي ما قال تقول الاخر عاملة ليه تمثال..لكن نرجا منها شنو اذا كان مثلها الاعلي متهم بابادة جماعة. Quote: لانه يا ميادة تبيدي هو من عذب ابناء هذا الشعب دون رحمة ولان ضحاياه لم يجدوا العدالة حتي الان لابمحاسبته ولا بعزله حتي لايستطيع علي الاقل ان يواصل في استغلال السلطة، فلذلك يحق لهم ان يعبروا عن رايهم في ان يرفض طلب انضمامه وبكون لك الحق ايضا في المطالبة بانضمامه الي هذا المنبر ، لكن عليك ايضا ان تناقشي مبدأ هل يكون الاولي نقاش حرية التعبير في هذا المقام ام مناقشة فظاعة الاتهامات التي يواجهها ولا ضير من ان تنضمي حينها الي الفريق الذي يساند براءته مقابل الفريق الذي يعرض البينات والشهادات غير السماعية عن ارتكابه لهذه الجرائم البشعة. قد تقولي ان تبيدي هو من يوجه اليه الاتهام بالرد علي هذه الاتهامات وانا اقول ان من حق ضحاياه ان يعبروا عن رايهم بعرض كل جرائمه لمن يريد ان يرحب به، ومن بعد ذلك يكون لبكري الحق في اختيار موازنة حرية التعبير والاتهامات. لان حسب علمي ان بكري هو من يملك الحق في البت في طلبات العضوية وان كان يضع اعتبارا لهذه الاراء يكون هذا ترجيحا لموقفهم في ايصال رايهم في هذا التوقيت. ختاما ارجو ان تجدي مدخلا اخر غير حرية التعبير في محاولة تزيين طلب تبيدي لان الاستفزاز الشديد الذي يتمثل في ظهور الجاني غير المكترث لمشاعر ضحاياه يمنحهم حق الدفاع الشرعي ويمنحهم استثناء القتل العمد ان اغتالوه في تلك الظروف لذلك اري ان مدخل حرية التعبير مدخل واهي لايتناسب مع وضع تبيدي بالذات فهو لا يحتاج الي هذا المنبر للتعبير عن اراءه وبراءته فهو يعبر ببساطة عن محنة كل ضحايا تعذيب نظام الانقاذ الذين لم يجد حتي الان ولو د. فاروق محمد ابراهيم فرصة في ان ينال وقفة امام العدالة بشهاداته الموثقة ضد العراب نافع علي نافع .

---

Post: #104 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: على عجب Date: 09-05-2010, 02:30 PM Parent: #103 الي ان يستجيب الاخر

---

Post: #105 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: mayada kamal Date: 09-05-2010, 08:01 PM Parent: #98 Quote: ميادة الكوزة كوزة كوزة وألف مرة قلنا ليكم لو المعارضة بي فهمكم المريض دا اخير نار الكيزان ولا جنة المناتلين خت الكلام دا حلقة في اضانك يا منو اقول ليك تحب اقول ليك احمد محمد بشير ولا ابو عرفه Quote: ميادة الكوزة تؤيد ماقاله التبيدي وتضرب به المثل وتقول انه يمثل كآخر يجب محاورته و إحترامه . اتمنى انو دي تكون المرة الاخيرة اعيد فيه الكلام دا انا اعلنت في اول البوست انو البوست دا ليس بغرض الدفاع عن ما قام بيه الاخ تبيدي بقدر ما هو توضيح لقصور منهجنا في قبول الاخر ياريت تفهم الحتة دي يا بليد

---

Post: #106 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: احمد محمد بشير Date: 09-20-2010, 10:27 PM Parent: #105 Quote: ياريت تفهم الحتة دي يا بليد سنرد عليك بالمنطق بعيدا عن منهج الشتم .. ميادة كمال الكوزة التي تكسب أجرها من مال الشعب السوداني ... تضرب لنا أسواء الأمثلة ب "التبيدي" ... كان تضربي مثال بآخر مقبول. وبعدين إنتو من يا ..... كوزة!! أنت مجرد كيزان إنتهازييين و حرامية .. ______ انا ما فضيت ليك و ترقبي الحيجيك ..

---

Post: #107 Title: Re: (إنتفاضة المنبر ضد تبيدي) منهج(عدم قبول الآخر)في حياة السودانيين ودليل فشلنا في ادارة صراعا Author: احمد محمد بشير Date: 09-20-2010, 10:27 PM Parent: #105 Quote: ياريت تفهم الحتة دي يا بليد سنرد عليك بالمنطق بعيدا عن منهج الشتم .. ميادة كمال الكوزة التي تكسب أجرها من مال الشعب السوداني ... تضرب لنا أسواء الأمثلة ب "التبيدي" ... كان تضربي مثال بآخر مقبول. وبعدين إنتو من يا ..... كوزة!! أنت مجرد كيزان إنتهازييين و حرامية .. ______ انا ما فضيت ليك و ترقبي الحيجيك ..