رصد العدسة لحفل الافطار الجماعى لبورداب جدة بفندق الرمال

بالفعل كانت امسية جميلة حضور مشرف وافطارمميز لبورداب جدة
ولكم الصور التى تتحدث عن نفسها لتلك الامسية البهيجة

فندق الرمال بشارع التحليةفى بجدة

رش المغربى العدسى
رش من لايرحم ؟

صورة جماعية لبورداب جدة المشاركين فى حفل الافطار

قاااادر الله يا بورداب جدة

من لايشكر الله لايشكر الناس .. ومن لايشكر الناس لايشكر الله
وفى كلا الحالتين المعنى وأحد .. لذلك لابد لنا أولا وقبل
الاسترسال فى حديثنا أن نبدأ بهذا الانسان المبدع .. الفنان
الراقى .. عصام محمد يوسف واحدا من أبرز العلامات الوضئية
فى مرافى الاغتراب .. هذا الانسان المتوهج نفسه قربانا من
أجل المواطن المغترب .. فكان نجما من نجوم أبن البلد
الاصيل .. اكد على ذاته وبصم بإنجازاته التى ستظل فى ذاكرة
التاريخ فى محفوظات عنوانها الحب والتواصل والترابط لاخوانه
المغتربين والذين يدينون له بكثير من الطاعة والولاء لهذا
الانسان الخلوق .. والعقل الحكيم .. لك التحية أخى عصام وكل
عام وأنت ومن معك بألف خير ..

هل كنا نحلم حين أنبعثت أصوات الدفوف الهادره إيذانا بوصول
أولئك الرائعون .. والرائعون حتما لفندق ( الرمال ) بمدينة
جدة .. أولئك الذين أختاروا حضورهم النبيل ليلقوا لنا الترابط
الجميل ليكونوا جسرا نعبر به الى أرض المليون ميل مربع .

بورداب جدة .. شامخون يشقون بجباههم مسارات ضوء قادم ليبتهج
كل منهم بملاقاة الآخر لتضج الكائنات بهؤلاء القامات وتتصافح
الايدى مع بعضها البعض بروح المحبة والتلاقى وفى مناسبة عظيمة
كهذه من مناسبة .. هؤلاء القامات هم يمثلون ( بورداب جده) عاقدين
العزم والاصرار لمواصلة هذا الترابط وهذا التواصل متجاوزين كل
الظروف الذاتية والموضوعية متسلحين بحب هذا ( الوطن ) .

هذا التجمع العملاق لبورداب جدة الذى يتألق لالاؤه ويتبلج بهاؤه
لبلوغ الغايات المنشودة التى يتطلعون اليها لبناء قوة الاخوة
والصداقة والزمالة والمحبة ..

هذا التجمع متمثل فى هذه القامات الشامخة والمنارات الفارهة
أتوا الى هذا المكان لتقوية الروابط الاخوية الصادقة فاللقيا
لبعضهم البعض شعلة تشعل القلوب توهجا وتضخ كل المشاعر المختلفة
فى الانسان فكان لهم ما أراد .. فمرحى .. ومرحى بالبورداب
أصحاب الفكر والتواضع .. فالبوردابى غدا مغتنيا بأفعاله ثم
بحركاته وسكناته .. فمرحى ومرحى بهؤلاء القامات السامقه وهم
يلتفون حول بعضهم البعض .. فالاجتماع والخلطة لقاح للقلب
والنفس المطمئنة وقد جعل الله سبحانه وتعالى بحكمته الطيبات
للطيبين والطيبين للطيبات .

وأخيرا لايسعنى إلا أن أتقدم بالشكر الجزيل للاخ الخلوق بكرى
أبوبكر صاحب هذا الحوش الواسع الذى له الفضل الكبير فى
تجمع هؤلاء الاخوة .. فله التحية والتقدير والاحترام .. وكل
عام الجميع بألف خير ..
ودمتم ..

تاج السر

الرفاعى حجر وارشاد التائهين عن موقع الفندق

[

السنوسى يستلم درع الكابتن سبت دودو

شكراً يا عصام يوسف على هذا الجهد المبدع ..

و شكراً يا تاج على هذه الكلمات الوضيئة .

و شكراً لمعاوية و ووليد و فقيري و صلاح و علاء و كل الذين منحونا ذلك البهاء ..

شكراً لبكري أبوبكر و لسودانيز أون لاين ..

و الشكر لله تعالى من قبل و من بعد أن سخر لنا كل هذا ..

مع أمنياتي بدوام التواصل ..

شكرا المبدع عصام على هذه الصور الجميلة
وأرجو أن ترفد بها البوست المخصص لصور إفطار بورداب جدة في أعلى المنبر

شكرا أستاذ تاج السر على هذه الكلمات المضيئة في حق بورداب جدة
والسنة الجاية إن شاء الله تكون أنت أول الحضور وكل الغائبين
الشفيع رمزي، محمود مصطفى، مجاهد عيسى، محمد علي ياسين
محمد حلا، حسن الخليفة، الطيب مصطفى وغيرهم

[

url=http://www.0zz0.com][/url]

الاخ معاوية اشكرك على المرور وأسف جدا لتعريف الصور لانى اول مرة
احضر مناسبة لبورداب جدة ارجو المعزرة وسوف اجتهد فى تعريف الصور
ان شاء الله

عمل جميل ومنسق ومجهود مقدر .. تسلم يداك أخى عصام
تحياتى وتقديرى وللجميع محبتى ..

تاج السر

الاخ العزيز والغالى جدا الاستاذ تاج السر
وانت دائما تعطينى اكثر من حقى فلك الشكر
والعرفان وأسأل الله ان يحفظكم واسرتكم الكريمة
ولا يفوتنى ان اشكرك على المداخلة الرائعة اكرر
شكرى واحترامى وكل عام وانتم بألف خير

الاخ والاستاذ الغالى عصام دهب مشكور كتير على المرور
وهذا واجبنا ونسأل الله ان يوفقنا واياكم لما يحبه ويرضاه
وكل عام وانتم بألف خير

الاخ جعفر محى الدين اشكرك على المرور ولا مانع ان تنقل الصور الى بوست
افطار بورداب جدة فى النهاية الهدف واحد

الاخ عصامحمد يوسف
بارك الله فيك ويعدلها عليك محل ماتقبل

ما شاء الله تبارك الله
المحترف المتمكن دوما
عصام ود محمد ود يوسف

يلا واصل يا فنان

مودتى

الاخ العزيز وليد اشكرك على المرور وهذا من صميم واجبناوانتم اخوة
تشرفنا بمعرفتكم وان شاء الله نقدر نقدم ليكم شىء واذا حبيت انقل الصور
لبوست الافطار لك مودتى وتقديرى

الاخ معاوية اشكرك على المرور مرة اخرى وأبشر باقى ذى عشرون صورة
حا تنزل انشاءالله فى البوست بس اصبر حبة لان تحميل الصور عندى سىء
جدا

يا ناس الجده

الاسماء تحت الصور ,, لتكتمل الالفة ,,

ماشاء الله ،،
إنشاء الله دائما ملمومين في الخير ،،
يا ناس جدة .... غير ،،

علاء الدين ،،
راعي صحتك ،،

هسع الحلويات دي كلها أكلتها؟



بعدين نبقى في السكري زاد ،،
والضغط إرتفع ،،

Quote: علاء الدين ،، راعي صحتك ،، هسع الحلويات دي كلها أكلتها؟ بعدين نبقى في السكري زاد ،، والضغط إرتفع ،،

حبيبنا الباشمهندس إبراهيم محمد الحسن
كل سنة وإنت طيِّب يا دُفعة

تعرِف يا ابراهومة..
أكِل فُندق الرمال دة لا بجيب سُكَّري لا دَغِت..
أنا الحاجة الوحيدة البتعمل لي منخوليا جلسات المطار القديم..
سبحان الله لو شِرِبتا موية زرقا ساكِت دَغتي بيرتفِع ..
قال هواء طلق قال

المبدع صاحب الكاميرا الأنيقة

الأخ عصام محمد يوسف

هذا عمل رائع ومستوى من الإحتراف والمهنية متميز جداً


دمت أخي ودامت ملكاتك وفنياتك الرفيعة

مع تحياتي وإحترامي

عاصم فقيري

الأخ عصام محمد يوسف (سعدنا بالتعرف عليك)

التوثيق بالعدسة صفة تلازم كاميرا عصام أينما وجد شكرا لحضورك الأنيق والتوثيق الرائع

كانت ليلة رمضانية جمعة أحباء من البورداب وسعدنا جدا بكم أنا وأسرتي لكم الشكر بورداب

جده ولا نغفل الريس بكري أبوبكر الذي جعل هذا الملتقي السنوي شعار لملتقي إجتماعي جيد.

،،،،أبوقصي،،،،

الأخ / الحبيب عصام محمد يوسف

تحية وسلام

شكراً لهذا الجمال وعمل رائع ومتقن لا يخرج إلا من فنان

عصام الله يديك العافية

صورة جميلة لا تخرج إلا من عدسات فنان ..

شكراً عصام ..
ومتعك الله بالصحة والعافية

ما شاء الله عيني باردة ..

عصام عندو كاميرا سوزوكي أبو عادمين ..

مصورنا المبدع عصام محمد يوسف
لك التحية وأنت توثق لإفطار بورداب جدة
يمكنك أن ترسل الصور عبر الإيميل
[email protected]
وساقوم بإنزالها في بوست الصور التاني
مع فائق الود والتقدير

اريتها حنكشة السواد

عصام جاء
اتركوا الصور الاستاذ عصام يوسف
الجميل الصحافي الاستاذ عصام يوسف
صورة جملية و اللمة اجمل
شكرا لك لانك عكست لنا جمال حياة الغربة
و الشكر لمن جعل هذا الجمال واقعا
مجدد لكم شكري يا استاذ عصام يوسف

يا سلام يا عصام

اروع بوست مكتوب بالصور

عندما تكتب الكاميرا

تقف الأقلام لتحية هذه العدسة السحرية

ما اجملك وان تكتب كل لحظة من لحظات اللقاء الجميل

نسأل الله لك التوفيق دائما

بقدر هذا العطاء الجميل

وشكرا بورداب جدة

فانتم رائعون

وشكرا لكل من ساهم في نجاح هذا اللقاء بدون فرز

وياريت تتكرر اللقاءات


ولو من فترة لي فترة

فالشوق مطر


لا ينتظر رمضان القادم

Quote: شكرا أستاذ تاج السر على هذه الكلمات المضيئة في حق بورداب جدة والسنة الجاية إن شاء الله تكون أنت أول الحضور

الأخ الأستاذ / جعفر محى الدين
تحية وأحترام

خالطوا الناس بالاخلاق .. لان لقاء الاخوان
جلاء الاحزان .. لك التحية أخى جعفر فهذه
كلمات مبسطة لاتساوى شئيا لهؤلاء الشخوص ..
وكل عام وأنتم بألف خير ..

تاج السر

Quote: و شكراً يا تاج على هذه الكلمات الوضيئة

الأخ الأستاذ المستشار عصام دهب
تحياتى وتقديرى ياغالى

كلماتى لاتساوى شئيا تجاه هؤلاء القامات
فلك ولهم أجمل تقدير وأحترام .. ولك عام
وأنتم بخير ..

تاج السر

الانسان الرقيق القلبو ابيض عصام محمد يوسف اشكرك فقد وثقت الحدث توثيق رائع كروعتك دائما واشكرك الاخ تاج السر فقد ابدعت في ذكر اخونا عصام وهذا الا من قليل عليه تحياتي لكم وجعل الله اهل جده اخوه واحباب وكل عام وانتم بخير وربنا يحضرنا رمضان القادم

up
من اجل مشاهدة ابداع
الفنان المعترف الاستاذ
عصام محمد يوسف الجميل

شكرا كتير يا مبدعى بلادى

الاخ عمار عبدالله مشكور على المرور

الاخ ابراهيم محمد الحسن اشكرك على المرور

الاخ عاصم فقيرى اشكرك كتير على المرور و الكلام الجميل
وربنا يقدرنانوثق كمان وكمان

الاخ ادم شحوتاى لك الشكر على المرور وهذا واجبنا وبرضو نحن مقصرين
وربنا يقدرنا على التوثيق بصورة مستمرة ان شاء الله

الاخ نصر الدين عثمان مشكور جدا على المرور وكل الهدف عكس الصورة الطيبة
لحفل افطار بورداب جدة

الاخ عصام دهب مشكور جدا على المرور ونحن حاضرين لكل توثيق

الاخ جعفر محى الدين مشكور على المرور وابشر بس خلينى انزل الصور كلها بعدين ارسلها
ليك عن طريقالايمل

الاخ طارق جبريل مشكور على المرور والجاى احلى واحلى

الاخ علاءالدين صلاح ايوه أنا جيت وانت عارف اذا دعونى لتغطية اى مناسبة
تجدنى حاضرا بالكاميرا والقلم اشكرك كثير على المرور ولك تقديرى

الاخ جمال السنوسى كلامك حلووجميل ذى روحك الحلوة ولنا عظيم الشرف
بالتعرف على شخصكم الطيب واتمنى نلتقى فى مناسبات اخرى اكررلك
شكرى على مرورك ولك خالص الود والاحترام

الاخ محمد العوض مشكور على المداخلة الجميلة وهذا من أصلك الطيب
اتمنى ان نلتقى فى مناسبات قادمة ونوثق كل ذكرى ولحظات جميلة لك
كامل الشكر والتقدير لشخصكم الكريم

الاخ الغالى معاوية اشكرك كثيرا على مرورك وتشجيعك المستمر لشخصى
واتمنى من الله ان يحفظك واسرتك الكريمة ونحن دائما تحت الخدمةلكل
تغطية اعلامية تخص الاعضاء اوغيرهم ولك منى كل الود والتقدير

الاستاذ الفنان عصام محمد يوسف

لك الشكر على التوثيق الرائع ولكل البورداب على الحضور الجو الجميل الذي عشناه ..


والحمد لله الواحد قابل " أساسي " وجهاً لوجه قبل ما يفكر ويشبك معاه بالغلط ..


لكم جميعاً الود والمحبة ........

فطور مؤسس ومتعوب عليه شكرا للجنة المنظمة وكل من بذل جهدا شكرا لكل الموثقين
شكرا عصام علي الكميرا النضيفة والعين اللماحة

Quote: والحمد لله الواحد قابل " أساسي " وجهاً لوجه قبل ما يفكر ويشبك معاه بالغلط

ما عرفتك لكن يا دكتور وانت داخل في شخصية صاحب البطل
البيسمع كلامك دا يحتار في الطشت بتاع ام علي القدامك داك مشي وين

سلام يا ناس جدة ورمضان كريم تصوموا وتفطروا على خير ....

شغل جمييييييييييييل ورائع وفنان .... بس لكن الفيكم اتعرفت .. نتوا فاكرني عملت خروج نهائي جاييكم راجع تاني يوم في العيد وكراع البقر جياااااااااااااااابة .

لكم التحية مرة أخرى يا رائعين .. وتحية خاصة للصديقين الباشمهندس أحمد محمد عيسى ودكتور عارف عفان ..

بس ما شايف سعادة الريس إن شاء الله المانع خير ..

الرفاعي حجر انت لسه شايل جوالك وترشد في الناس للمكان؟... ربنا يقويك وينصرك .

أبو قصي

جميل جدا


هل الأكل تابع للمكان?

أين مشاركة الحواءات?

واضح إنو الوجوه ملانا فرح ودا شي مهم

تفاعل تنظيمي مع المكان

و الملبس يناسب المناسبة و المكان أيضا

وجود الأطفال في الإفطار أعطى الإفطار نكهته خاصة( لكن ليه الأطفال ذكور فقط?)

عموما الإخراج أجمل من السنة الماضية

Quote: هل الأكل تابع للمكان?

يا كوستاوي ... ما تشوف ناس الرفاعي واساسي متحكرين في الفندق ... الانا عارفو انو الفندق دا من الفنادق الغالبية روادها امراء ورجال اعمال ... ما عارف الناس دي غنت واله افترت عشان يسوي افطارم هناك !!؟

زمان لامن كنا في جدة كانو شابكننا المطار القديم و جيب معاك حاجة ... وحسع فندق الرمال شحسيا ... ياخي دا تطور مبالغ فيه (واحد حاقد)

اكيد الاكل تبع الفندق ... خدمات 5 استار ... :)



صور جميلة وناس رائعين .. مزيدا من الابداع يا ناس جدة يا جميلين ...












































______________________________________
يا رفاعي لو سوقت معاك الشفيع اخوي فيها شنو يعني ؟
واله ما بتسوق الا قهوة وسط البلد !!!؟
جدة المدينة التي احببت

شكراً يا عصام لقطة عدستك هذه أفرحت ولدي باهر -10سنوات- الذي يظهر في الصورة بجوار الرفاعي عبدالعاطي
باهر طلب مني أن أرد هنا تحتها وأشكرك لأن صوره في الافطار كما قال نادرة. قبل يوم سألني ونحن وين صورنا؟

جمال السنوسى هسه فى زمتك ده افطار والا عقد؟؟
الله لا جعلنا من ضيوف جده
هييييييييييييييييييييييع الافطار الضكر!!!!!
قطع شك ضابحين تيس..لووووووول
غايتو كان ده افطاركم يومكم ده لازمو قضاء وكفارة..
قومو لفوا بلا افطار بلا لمه..
كوستاوى بالله بورداب جده الطيش مدى الحياة،،،

ياعصام البوستات المصورة دون اسماء بتكون ماحلوة لانو الواحد بيكون
ماعارف ديل منو . رغم انو بيعرفهم .!

Quote: واشكرك الاخ تاج السر فقد ابدعت في ذكر اخونا عصام

الأخ الأستاذ / محمد العوض
تحية وتقدير

هذا أقل مانقدمه من كلمات فقط تجاه
هذا الاسطورة المبدع وصاحب العدسة
الرائعة وجميلة .. له ولكم تحياتى
وكل عام وأنتم بخير

تاج السر

عمل رائع يا أخ عصـــام..

حضور كبير لمناسبة كبيرة.

كل عــام والجميــع بخيـــــر...

يا جماعه خلو الحساده بورداب جده المركز الاول بدون منافس.......

نشكر كل المرور الانيق لكافة الاصدقاء
الحلوين وسنعود لهم فردا فردا

التحية لمرور السيد منسق شئون
التحكيم الشريف كوستكاوى الذى
نثق فى حياده ونزاهته الواضحة
فى تقيم المجموعات المتنافسة فى
هذه الدورة ؟
ونرفض رفضا قاطعا محاولة بعد
المندسين لعرقلة عمل لجنة التحكيم
النزيهة؟
الجدير بالذكر ان مجموعة ط ج
حاولت رشوة احد اعضاء اللجنة
الشرفاء بمنحه فيزا سياحية ولكن
الشريف رفض تلك الرشوة ؟

نشيد بنزاهة عضو لجنة التحكيم
الشريف الادينهو (5 اقامات ) فى
اطار دعم الفقراء
وشيك على بياض ناصع لبناء
مسجد لبورداب هولندا ؟
لانهم بصلوا مع امام تركى
والشباب طلعوا فى النهاية
ما ناقشين ابو النوم وشغالين
امين امين اميييين بعد 5 سنة
اتضح انو الامام بدعو لصمود
الدولة العثمانية ودخول الاتحاد
الاوربى؟



نواصل

عصام محمد يوسف
مبدع صورة و قلم
شكرا شكرا عصام للجهد
المدهش الانيق

كنا مع الاخ صلاح
عثمان معى الاخ وليد
عبد اللطيف فكان جزء
من الونسة ابداع عصام
الجميل ثم تسحرنا معا
وقضينا ليله ممتعة
شكرا بكرى ابوبكر
الذى جعل ذلك واقعا

عدسة محترف فعلا اخي عصام

شكرا على توثيقك


مع خالص تحياتي

والله ايام يا جدة
على اي حال بعد تركيز مش شديد
عرفت معاوية وسيف ودكتور بشرى واتخيل لي سليمان الرفاعي
اها يا معاوية الوراك انت وسيف ديل منو؟
دي ما سارة ... شايف فيها شبه درية !

غايتو ذكرتونا:
التحلية وكبري الخشب
انا كنت ساكن العزيزية على شارع الستين !
ومن هناك قصاد مركز الهرم الكان في شارع المكرونة !
تسلمو
واتشرفت جدا بي شوفة العزيز الرفاعي حجر

كتي وين ؟

؟

الخبير الباشمهندس احمد عيسى يتوسط الاستاذ رفاعي ودكتور عارف عفان
نشكرة جزيل الشكر على تلبية دعوتنا كما نشكرة
على الدور الكبير الذي قام به لانجاح هذا اليوم
والذي عن طريقة ووساطاته مع ادارة الفندق كان علينا ان نجلس في فندق الرمال
الذي يعتبر من افخم الفنادق بجدة والي يليق ببوردابها
شكرا جزيل اخي احمد عيسى

الاخ عارف مشكور جدا على المرور وربنا يقدرنا نقدم المزيد

الاخ اساسى اشكرك على المرور وفى الحقيقة أنا اول مرة التقيكم
وكانت فرصة عظيمة لكى اتعرف على بورداب جدة وان شاءالله مااخر لقاء

الاخ ابوقصى مشكور على المرور ونتمنى ان نقدم المزيد
لبورداب جدة

الاخ الصديق عصام محمد يوسف

مودتي وتقديري

لا اشكرك لانك اهل دار وسيد بيت ودا واجبك وانت زميل بورد قبل الولوج الى هنا (أتذكر ؟؟ ).

لكن من حقك علينا الإشادة بابداعاتك المختلفة عن بقية الصور فتلك كاميرا وهاتيك كاميرات

والفرق واضح لكن التقدير وانت تحذق حرفتك حافي حالق في الطريق العتيد .

مودتي للجميع ضيوف واهل بيت وشكر للجنة بقيادة وليد عبداللطيف الشاب الانيق الذوق وكافة عضويتها

فقيري , معاوية , صلاح وخالص المودة للمشاركات الفاعلة والاخراج والترتيب الرائع ودمتم اعزة واهل

واصدقاء .







الرفاعي حجر في عودة استثنائية لتحية الجمال .



......................................................حجر.
اها يا دكتورة داليا نقط نقط حجر تحية ياستي وكل سنة وانتي طيبة .

Quote: الرفاعي حجر في عودة استثنائية لتحية الجمال .

واحدة من مهام الصور الرئيسية، تعريف البورداب ببعضهم من على البعد.

في صور بورداب جدة
1)أساسي: سبق لي التشرف برؤيته (عبر صور أيضاً) ..... ومن وقتها بحاول أصاحبو.
2) د. بشرى: صورة البروفايل ساعدت كتير.
3) جمال السنوسي: كتر خير صورة البروفايل.
4) الرفاعي حجر: تعرفت عليه بتعليق أحد الأخوة على الصورة.

البقية ................... مجرد صور ناس مبسوطين، بياكلو وبيتونسو، لكن هم منو؟

التحية للجميع .. ورمضانكم كريم

العدسة ترصد الناطق الرسمي باسم بورداب جده
ويجلس مع دكتور سيف ومن خلفة العسل سارة وباسل


وقوف سارة وباسل
جلوس من اليمين معاوية ودكتور سيف


الاعلامي الوجيه معاوية عبيد الصايم مع دكتور سيف


وليد عبد اللطيف و الارباب صلاح عثمان والاعلامي معاوية عبيد الصايم

up من اجل العودة الاستثنائية للرفاعى حجر!!!!

الاخ المبدع عصام يوسف يسلم ضراعك ياخى وكاميرتك
اثبت المقولة ان الصورة بتتكلم حقيقة لاجدال فيها
لم تدع عدستك صورة للابداع الا ومرت عليها متأنقة
الصور لاتعليق عليها سوى ان الاتقان هو مايميزها
والفرق شاسع بين مانرى هنا ومايترأى لنا هنا وهناك
سعيد انا بالتعرف عليك من خلال شخصك وعدستك الذكية.

الأستاذ / عصام

تحية وتقدير

توثيق بروعة اللقاء وأكثر

شكرا

أن منحتنا هذا الألق والجمال

مودتي

التحية لبورداب جدة والشكر لصاحب العدسة الذي اكرمنا بصور جميلة تحكي روعة
ذلك الافطار لكن برضو ( المغرب مافي زيها ) على حسب رأي المتواضع....
يا معاوية ده صلاح عثمان الشقيق الاكبر لمحمد عثمان ( آل كراكة ) موش ؟
اذا كان هو فبلغه سلام واشواق مني وقول ليهو ده ( اسامة الاستاذ ) صاحب محمد
حيث كنت ازورهم ايام ( الربوع ) والخميس والجمعة عندما كان محمد بالسعودية ...
ومحمد ده من اقرب اصدقائي و(فردة للطيش ) ..يا حليلك ياجدة بلد الرخا والشدة ....
بلغه تحياتي له ولاسرته الفاضلة رجل مضياف لابعد الحدود وشهم واخو اخوان
وفي الحقيقة الاسرة كلها كدة .

اسامة

اسامة سلام
اريت الحال زين

ايوه ده الارباب صلاح عثمان
شقيق محمد عثمان ولسه يعلم الله
ياهو المضياف وزول قدام كارم
الضيفان... وكفا

يسال منك الخير يا حبوب

لسه فى السعودية بنبن؟
مرة مرة حبيب نورة بربوطنا
بالعالم الاول زى ما انت شائف
فى بوست افطار القاهرة ... الاشقاء
الخواجات من دولة الفاتيكان الصديقة

الحمد لله نحن مجاورين ؟
الخواجات انشاء ما ينفعوهم ويجى النظام
العام السودانى مامورية من الخرطوم يقوم
معهم بالواجب ؟

مودتى يا حبيب

منال الطاهر

Quote: يا جماعه خلو الحساده بورداب جده المركز الاول بدون منافس.......

ود الصايم بالله افتح ليهم بوست ورشهم

شكرا الف شكرا يا منال الطاهر
كلك نظر فى شئون التحكيم

كتر خيرك

البطل بهار بشرى الفاضل

يا وليد سلام

Quote: البطل بهاء بشرى الفاضل

وليد عدل الإسم

إسمه باهر بشرى الفاضل

وليس بهاء

اين باقى الشغل ياكمال ؟؟

مووووووووضوع العيد كيف ؟

لمة بتشبهكم بالجد يا ناس جده
حاجه لذيذة وحلوة وتستاهل الأوسكار
ياربي دائما تاميين ولاميين
وتحياتي لأي زول فيكم حضر ومن لم يحضر

سؤال عارفين البت العسل دي منو مابوريكم لكن اول حرف ( سارة )
والود الشاطر دا اسمو منو برضو ما بوريكم لكن اول حرف (باسل )

الصغير (محمد شرف عادل عبد العزيز)

شكرا كتير وكتار
يا عمو وليد

نحن بنحبك كتار


سارة وباسل

روعه

وشكرا لهذه العدسة والتى تعرفنا من خلالها
باخوان وزملاء واصدقاء جده

..............

الأخ عصام محمد يوسف
تحيّاتي لكَ وتقديري على هذا الإبداع المُنقطِع النظير
تقبَّل تمنيّاتي لك بالمزيد من النجاحات..
وعميق إحترامي




ما شاء الله..
عدَستك أحلى من عدسات رشا الرشيد وتسابيح مبارك

عمل جميل
تشهوا الناس الاغتراب