Post: #1 Title: كدي تاني اسمع زول يتكلم عن محمود !!! Author: عمر الفاروق Date: 08-26-2010, 07:04 PM Parent: #0
يكفي ان يصدح محمود بكنوز محبة بكل هذا الجمال .. نعم ابو الزيك سيد الشي زااتا وهو من يمتع .. لكن يا قوم ويا خلق صوت محمود ده برااااهو .. والله الكورجة القاعدة قدامو دي كلللللللللللها بطني طمت منها بعد سمعتو .. محمود ياخ انا بحب ابو أهلك زاتو ..انت زول ما طبيعي ..الله يخليك لينا يا زول يا فنان .. وكدي النسمع لي زول فيكم تاني يجي ينضم في محمود عشان أنط ليهو في كنكوجو .. انت ما برضك حبيبنا والحنان الفي قلوبنا ..أصلو نابع من عيونك.. مع انك جهجهتها شوية يا محمود بس انت مااا طبيعي .. مااااا طبيعي..
Post: #2 Title: Re: كدي تاني اسمع زول يتكلم عن محمود !!! Author: khaleel Date: 08-26-2010, 07:07 PM Parent: #1
يا سلام عليك يا عمر الفاروق
القلوب عند بعضيها
والله قلت تنتهي الاغنية واعمل بوست بهذا العنوان
محمود مبالغة وكنوز محبة خالدة
وانت ذواق شكرا يا صديقي
Post: #3 Title: Re: كدي تاني اسمع زول يتكلم عن محمود !!! Author: عمر الفاروق Date: 08-26-2010, 07:11 PM Parent: #2
خلي يا خلي. عندي قناعة انو انا وانت اتلاقينا في حاجتين من القمم .. حب الهلال وكنوز محبة .. يا سلام يا راقي..
Post: #4 Title: Re: كدي تاني اسمع زول يتكلم عن محمود !!! Author: جمال محمود Date: 08-26-2010, 07:12 PM Parent: #2
اداء الاغنية مافيها كلام وحتى الموسيقار بشير عباس تكلم عنها لكن طريقة قعدته المستاءة وعدم تجاوبه مع الاخرين عند اداءهم الاغنيات يطرح الف سؤال محمود ده مالوا ؟
Post: #6 Title: Re: كدي تاني اسمع زول يتكلم عن محمود !!! Author: عمران حسن صالح Date: 08-26-2010, 07:25 PM Parent: #5
والله لقيتكـ أبو سريع ياخي أنا فتحت البتاع ده بسرعة عشااااااااان كنوز محبة دي ياخي ده جضمه لامن خلى ليكـ بشير عباس يفكـ آخرو ويدينا إحساس قوي بأنو في شغل جااااااي متعني الحوت ياخي وفعلا مااااااااااااا طبيعي
فرق كبييييييييييير فى الصوت بينه وبين اى آخر فى نفس المجموعه
محمود عبد العزيز صوت رهييييييييييب
Post: #7 Title: Re: كدي تاني اسمع زول يتكلم عن محمود !!! Author: عمران حسن صالح Date: 08-26-2010, 07:25 PM Parent: #5
والله لقيتكـ أبو سريع ياخي أنا فتحت البتاع ده بسرعة عشااااااااان كنوز محبة دي ياخي ده جضمه لامن خلى ليكـ بشير عباس يفكـ آخرو ويدينا إحساس قوي بأنو في شغل جااااااي متعني الحوت ياخي وفعلا مااااااااااااا طبيعي
غايتو أنا - ويخيل لي ناس كتيرة زيي - افتكروك بتتكلم عن محمود محمد طه
...
Post: #12 Title: Re: كدي تاني اسمع زول يتكلم عن محمود !!! Author: عمر الفاروق Date: 08-26-2010, 07:39 PM Parent: #10
Quote: لكن طريقة قعدته المستاءة وعدم تجاوبه مع الاخرين عند اداءهم الاغنيات يطرح الف سؤال محمود ده مالوا ؟
لا يا جمال محمود ما مستاء لكن انتو اتعودتو على الخفة الاكتر من اللزوم حقت عاصم وفرفور وعصام وقليل من نادر.. محمود رايق بي طبعو ..خجول للحد البعيد ..رااايق..
Post: #11 Title: Re: كدي تاني اسمع زول يتكلم عن محمود !!! Author: دينا خالد Date: 08-26-2010, 07:38 PM Parent: #4
نعم محمود لا زال يمتلك قوة الصوت والتطريب العالي .. فقط لحساسيته الزائدة يربكه ذلك الكم الكبير من المغنواتية فالأستوديو أشبه بسوق السبت في الدامر .......
التعديل للتعديل
Post: #14 Title: Re: كدي تاني اسمع زول يتكلم عن محمود !!! Author: احمد الأمين على إدريس Date: 08-26-2010, 07:53 PM Parent: #11
عمر الفاروق ياهلاحوتى
Quote: نعم ابو الزيك سيد الشي زااتا وهو من يمتع .. لكن يا قوم ويا خلق صوت محمود ده برااااهو ..
لكن ياعمر اخوى بنتكلم ثم بنتكلم برضو زينا وزى دينا :) لانو الكلام الاتقال كلو كان من محبى وجمهور محمود وما فى زول اتكلم فى صوتو وامكانياتو ولا اظن فى زول بقدر الكلام كان انو الحوت ظهر تعبان وفتران وشكلو مرهق شديد ودا اكيد لا ينفى قوة وامتياز صوت محمود بشكل لايقبل المقارنة مع بقية الظهور فى البرنامج
فبالله خلي الناس تتكلم كمان وكمان وخلى الحوت يسكتنا بوجه ناير ومرتاح وحضور قوى وأخاذ وصوت كالذى عرفناه وعشقناه ورددنا معاه كثيراً واظنه اليوم بدأ يفعل....!! لان هذا مانرجوه من محمود عبد العزيز
ياعمر يافاروق تحياتى وكل سنة وانت ومحمود والجميع بخير
ياعمر ... ازيك ورمضان كريم ... عشان بتحب الود حوتة دا عندى ليك هدية وهى عبارة عن شرايط قدييمة من زمن حفلاتو النهارية فى المكتبة القبطية والفندق الكبير ... رسل لى رقم اى زول من معارفك هنا فى الخرطوم اديهم ليهو يرسلهم ليك ..
تحياتى ..
Post: #17 Title: Re: كدي تاني اسمع زول يتكلم عن محمود !!! Author: خالد Date: 08-26-2010, 08:10 PM Parent: #16
محمود لو غناء في هذا البرنامج فقط ظبية البص السريع وكنوز محبة لكفته شهر بغناء فرفور ومن شاكله!! شكرا بشير عباس لانصافك الرجل.
Post: #18 Title: Re: كدي تاني اسمع زول يتكلم عن محمود !!! Author: عمر الفاروق Date: 08-26-2010, 08:23 PM Parent: #17
يا جماعة عن إذنكم مزمل خيري ده :
Quote: ياعمر ... ازيك ورمضان كريم ... عشان بتحب الود حوتة دا عندى ليك هدية وهى عبارة عن شرايط قدييمة من زمن حفلاتو النهارية فى المكتبة القبطية والفندق الكبير ... رسل لى رقم اى زول من معارفك هنا فى الخرطوم اديهم ليهو يرسلهم ليك ..
والله يا مزمل قلبت ليها الخرطوم دي قلب..مشيت الدلالة الواااحدة ديك ايام كانت دلالة في السوق الشعبي ام درمان .. لفييت كللل الاستديوهات .. كلللل الاصحاب.. البعامات .. وما لقيت ايييييييييي شريط .. خشيت النت ما لقيت غير تسجيلات ######انة وما نضيفة .. كان عندي شريط حفة نضييييفة اوركسترا كنت بعتبرو كنزمن كنوز الفن فيهو ليل الشجن وليالي الأنس والليل الهادي شريط نضييييييييييييييييييف فقدتو والله يا مزمل وحارق قلبي حرق.. يا زول يا جميل علييييك الل جهز لي الشرايط دي وفي اقرب وقت ح اشيلا منك .. بالله من بكرة جهزهم عليييك الله يا مزمل
Quote: يا زول يا جميل علييييك الل جهز لي الشرايط دي وفي اقرب وقت ح اشيلا منك .. بالله من بكرة جهزهم عليييك الله يا مزمل
.. جداً والله ... بس ادينى فرصة كم يوم كدا وبجهزهم ليك زى ماعارف الشرايط المنسوخة دى بقت تباع بالدس عشان ناس المصفنات الادبية بيشنو حملات على المحلات وبيصادرتو الشرايط منهم وكمان أجهزة النسخ .! والله مجموعة شرايط موت عديييييل كدا .. الخوف انها بعد تصلك تانى ماتخش البورد ( مع تحيات تسجيلات فوريسكو فون الخرطوم الديوم الشرقية محطة التعاون ) متذكر المقولة المشهورة دى فى شرايط محمود القديمة .؟ وشرايط حفلات كانت فى الابيض وسجلها واحد اسمو محمد عثمان دارلى عندو استديو هناك وكانو بيعزفوا معاهو شباب حلوين من الابيض اسمهم فرقة الشباب الموسيقة اشتغلوا معاهو حفلات حلوة ايامو فى الابيض ..! حتصلك منى عشرة شرايط قريب .. واشبع منها كان بتشبع
Post: #19 Title: Re: كدي تاني اسمع زول يتكلم عن محمود !!! Author: عمر الفاروق Date: 08-26-2010, 08:25 PM Parent: #17
Quote: الحوت لا يموت
نورة يا حبيبا .. ده كلام جميييل يا راقي..
Post: #20 Title: Re: كدي تاني اسمع زول يتكلم عن محمود !!! Author: عمر الفاروق Date: 08-26-2010, 08:29 PM Parent: #19
عمراااااااان :
Quote: ياخي ده جضمه لامن خلى ليكـ بشير عباس يفكـ آخرو ويدينا إحساس قوي بأنو في شغل جااااااي
أقول ليك كلام خطييير جداً حسيتو من كلام بشير عباس وما عارف لو الناس الشاهدو الحلقة حسوهو ولا لأ.. بس بشير عباس لما قال معليش عندي كلام عايز اقولوا عن محمود وقال ان محمود الوحيد اللي غنى بي بصمتو وقصد يقول ي بناتي وباقي الفنانين انكم ايوة غنيتو الحاني لكن غنيتوها كمؤدين ومقلدين وما ختيتو احساسكم فعليكم ان تستفيدو من محمود .. لكن السر قدور قاطعو بي طريقة ذكية وورطو وقال ليهو قصدك انهم كلللهم ابدعو وغنو بي بصمتهم فما كان من بشير عباس الا ووافق السر وقال ليهم ايوة ابدعتو .. لكن والله حسييت انو بشير عباس كان قاصد عككككككس كده وانو محمود براااهو .. الحقي بي التسجيل كما وعدت ومعليش يا حبوب كلفتك في التلفون ففي حضرة حووتا صعب نواصل كلام :)
Quote: أقول ليك كلام خطييير جداً حسيتو من كلام بشير عباس وما عارف لو الناس الشاهدو الحلقة حسوهو ولا لأ.. بس بشير عباس لما قال معليش عندي كلام عايز اقولوا عن محمود وقال ان محمود الوحيد اللي غنى بي بصمتو وقصد يقول ي بناتي وباقي الفنانين انكم ايوة غنيتو الحاني لكن غنيتوها كمؤدين ومقلدين وما ختيتو احساسكم فعليكم ان تستفيدو من محمود .. لكن السر قدور قاطعو بي طريقة ذكية وورطو وقال ليهو قصدك انهم كلللهم ابدعو وغنو بي بصمتهم فما كان من بشير عباس الا ووافق السر وقال ليهم ايوة ابدعتو .. لكن والله حسييت انو بشير عباس كان قاصد عككككككس كده وانو محمود براااهو ..
Post: #22 Title: Re: كدي تاني اسمع زول يتكلم عن محمود !!! Author: khaleel Date: 08-26-2010, 09:09 PM Parent: #21
/v/FaxoTdySeTQ?fs=1&hl=en_US">[/IMG]
Post: #23 Title: Re: كدي تاني اسمع زول يتكلم عن محمود !!! Author: ضياء الدين ميرغني Date: 08-26-2010, 09:14 PM Parent: #22
Post: #29 Title: Re: كدي تاني اسمع زول يتكلم عن محمود !!! Author: أبو عبيدة البصاص Date: 08-26-2010, 10:39 PM Parent: #16
Quote: ياعمر ... ازيك ورمضان كريم ... عشان بتحب الود حوتة دا عندى ليك هدية وهى عبارة عن شرايط قدييمة من زمن حفلاتو النهارية فى المكتبة القبطية والفندق الكبير ... رسل لى رقم اى زول من معارفك هنا فى الخرطوم اديهم ليهو يرسلهم ليك ..
تحياتى ..
مزمل خلي الغتاته كلنا بنحب حوده عشان كده حاول حول الشرايط دي لي ملفات ام بي ثري وارفعه ان شاء الله كل اسبوع غنيه في بوست طويل وعريض يرحل من ربع لي ربع المهم كلها تصلنا وصلنا ذلك الالق الجميل بذكريات الفندق الكبير والمكتبه القبطية
Post: #25 Title: Re: كدي تاني اسمع زول يتكلم عن محمود !!! Author: لؤى Date: 08-26-2010, 09:16 PM Parent: #1
Post: #27 Title: Re: كدي تاني اسمع زول يتكلم عن محمود !!! Author: malik_aljack Date: 08-26-2010, 10:12 PM Parent: #25
ما هو مصير البوست ذو الفكرة الخرقاء؟
(ألا يعلم هؤلاء الأصول و الأعراف و التصرف السليم؟)
Quote: نعم محمود لا زال يمتلك قوة الصوت والتطريب العالي .. فقط لحساسيته الزائدة يربكه ذلك الكم الكبير من المغنواتية فالأستوديو أشبه بسوق السبت في الدامر .......
100 ال 100 يا منتصر اغاغى و اغاغى > لوووووووووووووولز غايتو لو ما السر قدور و محمود عبد العزيز كنت جيت مارى فى النيل الازرق ده ذى مرورى فى خطابات رؤساء الحكومات العسكريه
Post: #30 Title: Re: كدي تاني اسمع زول يتكلم عن محمود !!! Author: عوض عيد Date: 08-26-2010, 10:44 PM Parent: #28
والله يا عمر الفاروق ,,,وانا استمع لمحمود ,,,
جاتني فكرة البوست دي ,,, لكن لقيتك ابو سريع ,,,:)
الحوت ادي هذه الاغنية باحساس عالي حتى وقفت عروق وجه ,,,ومعها كل عروقي اتشمطت وانا استمع ,,,
ويبقى الحوت هو الحوت ,,,,
حشرية شديدة: ياااخ ممكن تنسخو لي معاكم الشرائط انت ولا مزمل ,,,,
اسمح لينا يا عمر الفاروق يا هلالابى يا جميل استلمنا جزء من البوست الجميل ده بدون استئذان عشان عا########ى الاغنيه شديد وبدخل عشان اسمعها و لكنى اجد بعض التعليقات الجميله و فرصه نسلم على المرور الكريم ...................
Post: #32 Title: Re: كدي تاني اسمع زول يتكلم عن محمود !!! Author: عمر الفاروق Date: 08-26-2010, 11:54 PM Parent: #31
عارفة محمود ده ما عندو خشامة بس الناس دي بتكابر ..كللهم مقتنعين وعارفين قيمة الود حوتة وامكانياته الصوتية .. الود غنااااي يا عفاف غنااااااي ياخ .. تسلمي خيتي ويديك العافية ياخ
طارق يا كوتش..:
Quote: فرق كبييييييييييير فى الصوت بينه وبين اى آخر فى نفس المجموعه
محمود ده صوتو بصمة يا قريبك ..ااااي زي بصمة علاء الدين يوسف مااا بتتكرر :) ما يميز صوت محمود زي ما بكرر دايما الود حوتة بيطلع الصوت ده من بطنو ..محمود ما بدا مقلد وكضاب البيقول ليك محمود من مدرسة الهادي الجبل واحمد ربشة و و و .. حكى لي الزميل الجميل الشاعر الحلو الطيب برير وعضو المنبر إنو في عراقي طلب منو يستمع لي اشرطة كاسيت سودانية عشان يعرف الاغاني والموسيقى السودانية فقام الطيب برير بتجميع كل الاشرطة الموجودة في عربيتو مصطفى سيد احمد ووردي وود اللمين وقال لي بالصدفة كان بين الاشرطة شريط محمود ..الطيب برير حلف لي قال لي الزول ده بكريتو رجع لي كل الاشرطة عدا شريط محمود ..قال ليهو الزول ده فنان ومطرب بيغني ..انا ما عارفو بيقول في شنو لكن احساسو بي الغنا عاااالي وتطريبو عاااالي .. الطيب برير وينك تعال احكي القصة عشان ما يقولوا عمر درعا وقااام يكضب :)
Post: #33 Title: Re: كدي تاني اسمع زول يتكلم عن محمود !!! Author: عمر الفاروق Date: 08-27-2010, 00:01 AM Parent: #32
دينا بت خالد .. رمضانك كريم ياخ ووين الحي بيك ..
Quote: بنتكلللللللللللم ..
إتكلمي سااااااااااي يا بتي الحبببببة ما بتجيك .. بعدين ياخ انا قلت زول ما زولة ..إنتي في حصة العربي كنتي بتللبي بي الشباك ؟ لكن بيني وبينك انتي تبع زمرة زول الى ان ينجلي أمرك
Quote: انت ومحمود لو قالو ليكم افوا تطيروا اها !!
سمح..
Post: #35 Title: Re: كدي تاني اسمع زول يتكلم عن محمود !!! Author: عمر الفاروق Date: 08-27-2010, 00:03 AM
عوض عبد الله :
Quote: غايتو أنا - ويخيل لي ناس كتيرة زيي - افتكروك بتتكلم عن محمود محمد طه
داك كان حضرو كان أاامن
Post: #34 Title: Re: كدي تاني اسمع زول يتكلم عن محمود !!! Author: عمران حسن صالح Date: 08-27-2010, 00:01 AM Parent: #32
Quote: بالله من بكرة جهزهم عليييك الله يا مزمل
يا مزمل هوووووووووووي هو جايِ وانا جايِ حرَم تخليهم إتنين عمر المشوار عليا الترتارة جااااااااهزة
Post: #36 Title: Re: كدي تاني اسمع زول يتكلم عن محمود !!! Author: عمران حسن صالح Date: 08-27-2010, 00:17 AM Parent: #32
Quote: حكى لي الزميل الجميل الشاعر الحلو الطيب برير وعضو المنبر إنو في عراقي طلب منو يستمع لي اشرطة كاسيت سودانية عشان يعرف الاغاني والموسيقى السودانية فقام الطيب برير بتجميع كل الاشرطة الموجودة في عربيتو مصطفى سيد احمد ووردي وود اللمين وقال لي بالصدفة كان بين الاشرطة شريط محمود ..الطيب برير حلف لي قال لي الزول ده بكريتو رجع لي كل الاشرطة عدا شريط محمود ..قال ليهو الزول ده فنان ومطرب بيغني ..انا ما عارفو بيقول في شنو لكن احساسو بي الغنا عاااالي وتطريبو عاااالي .. الطيب برير وينك تعال احكي القصة عشان ما يقولوا عمر درعا وقااام يكضب :)
ونفس القصة يا عمر سمعتها من الطيب برير ، أصلاً المحادثة نصها كان عن محمود ، الطيب ضنين بالحكي ياخي ونمشي بعيد ليه يا عمر أنا زميلي عاهد فلسطيني الجنسية أردني النشأة لامن يركب معاي بيطلع أيِ شريط من شرايط محمود ويبدأ يسمع ( وينظِر) وبقى عارف الأغاني الفيها كميات أكتر من صوت محمود خاصةً شايل جراح . لامن سمعت الأغنية دي تاني وتالت يا عمر ذكرتني أغنية " بعد الغياب " الكانت سبب لي لأسمع محمود ( بعد الكُبُر ده ) متأكد أنها ستكون سبب لمستمعين جدد يقوموا يفتشوا حاجات الزول الجنريتر ده من جديد
Post: #37 Title: Re: كدي تاني اسمع زول يتكلم عن محمود !!! Author: خدر Date: 08-27-2010, 00:24 AM Parent: #36
ماستر بيس
Post: #38 Title: Re: كدي تاني اسمع زول يتكلم عن محمود !!! Author: نيازي مصطفى Date: 08-27-2010, 01:07 AM Parent: #37
خصوصا لما غنى للعملاق حمد الريح والا شنو يا ود الفاروق تاني النسمعك تتكلم عنه ولو بين اليقظة والاحلام :)
Post: #39 Title: Re: كدي تاني اسمع زول يتكلم عن محمود !!! Author: Raja Date: 08-27-2010, 01:11 AM Parent: #38
قطع شك ما حصل.. وزي ما بيقول أهلنا المصاروة: ده مالوش حل
غنًى اللية وسكًت الخشًامة..
عمر الفاروق يا عزيز.. سلامات ورمضانك كريم وضيوفك
Post: #41 Title: Re: كدي تاني اسمع زول يتكلم عن محمود !!! Author: Rawia Date: 08-27-2010, 01:18 AM Parent: #39
محمود ختييييييييييير وماحصل .... دا ملوش حل يارجا وبرضو الكبير كبير
______________ سلامات ياعمر وكل سنة وإنتو طيبين
Post: #40 Title: Re: كدي تاني اسمع زول يتكلم عن محمود !!! Author: طارق ميرغني Date: 08-27-2010, 01:14 AM Parent: #38
يا سلام عليك يا عمر
يا كلك زوق
محمود ده ما ولدنا
بس خاينه ما بتدي حريف....!!!!
اصلو اولادنا كلهم كده طه وفرفور ومحمود وغيرم
Post: #42 Title: Re: كدي تاني اسمع زول يتكلم عن محمود !!! Author: أسامة عبد الجليل Date: 08-27-2010, 01:18 AM Parent: #38
محمود بيغلط في الأغنية دي غلطة مزعجة
فهو يقول: المحبة الفيها لو كانت محبة
والصحيح: المحبة الفيها لو ما إنت ما كانت محبة
وهذا الخطأ يقلب معنى كلمات الإغنية رأسا على عقب
أرجو أن ينتبه محمود لهذا الخطأ حتى لا يفسد أداءه المميز.
Post: #43 Title: Re: كدي تاني اسمع زول يتكلم عن محمود !!! Author: Hussein Mallasi Date: 08-27-2010, 01:32 AM Parent: #42
Quote:
Quote: لكن طريقة قعدته المستاءة وعدم تجاوبه مع الاخرين عند اداءهم الاغنيات يطرح الف سؤال محمود ده مالوا ؟
لا يا جمال محمود ما مستاء لكن انتو اتعودتو على الخفة الاكتر من اللزوم حقت عاصم وفرفور وعصام وقليل من نادر..
شكراً,
_____ عصام و نادر لا بأس؛ أما عاصم و فرفور ففالج لا تعالج.
Post: #44 Title: Re: كدي تاني اسمع زول يتكلم عن محمود !!! Author: Tabaldina Date: 08-27-2010, 01:54 AM Parent: #43
.. .
أ
Quote: لا يا جمال محمود ما مستاء لكن انتو اتعودتو على الخفة الاكتر من اللزوم حقت عاصم وفرفور وعصام وقليل من نادر..
Quote: اما عاصم و فرفور ففالج لا تعالج.
--------------
عاصم لا بأس اما فرفور فانها فايتة الحد ..
Post: #45 Title: Re: كدي تاني اسمع زول يتكلم عن محمود !!! Author: شهاب الفاتح عثمان Date: 08-27-2010, 02:53 AM Parent: #44
مبدع , و اسلوب تحليق متميز..
Post: #46 Title: Re: كدي تاني اسمع زول يتكلم عن محمود !!! Author: ليلى عز الدين Date: 08-27-2010, 03:17 AM Parent: #44
عمر الفاروق..
تحية و سلام .. و كبير التقدير لكلامك عن محمود عبد العزيز
فعلاً .. وجوده على كرسى أغانى و أغانى بصفة فنان مستمر كان غلط كبير من السر قدور
أولاً .. دا ماا مكانو .. دا مجرد تواضع منه أضر كثيراً ببقية الفنانين
بالعكس كان مفروض يكون فى كرسى الضيف للتوثيق
ثانياً .. مجرد حضور صوته وتر الشباب و خلاهم متحفظين جداً ..
فهو مقارنه بهم له من التجربة و الخبرة و التاريخ
و الصوت و الموهبة و الشعبية ما لا يملكه أيٍ منهم
تمنيت و أنا أستمع لأدائه أن يطور السر قدور فكرة برنامجه التقليدى
لتخرج من إطار شاعر و ملحن لأفق أرحب
كأن يكون موضوع الحلقة عن أداء الغناء الحلو بى خشم فنان آخر و ما سيدو ..
لتتم إستضافه الكثيرين من كبار الفنانين مثل هادية و فرحانة بيك كل النجوم أو نار البعد و الغربة
حيدر بورتسودان و الهادى الجبل
محمود عبد العزيز و نور بيتنا .. و الكثير الجميل
عموماً .. محمود عبد العزيز ما جاء أغانى و أغانى عشان يثبت موهبته و سيادة تطريبه
جاء تواضعاً لاا غير .. و هو أصلاً لا يمكن أن يكون فى محل إمتحان و تقييم
لأن معايير أدائه لا يعرفها إلا هو و الطرب .. فهو لم يتقيد يوماً لاا بلحن و لا زمن و لا حتى موضع دخول فى أى كوبليه
فصوته وحده كان و ما زال يكفى تماماً ليرفأ بالمستمع إلى غايات الطرب ..
Post: #47 Title: Re: كدي تاني اسمع زول يتكلم عن محمود !!! Author: عمر الفاروق Date: 08-27-2010, 03:28 AM Parent: #46
ليــــــــــــــــلى :
Quote: و هو أصلاً لا يمكن أن يكون فى محل إمتحان و تقييم
لأن معايير أدائه لا يعرفها إلا هو و الطرب .. فهو لم يتقيد يوماً لاا بلحن و لا زمن و لا حتى موضع دخول فى أى كوبليه
فصوته وحده كان و ما زال يكفى تماماً ليرفأ بالمستمع إلى غايات الطرب ..
Quote: و هو أصلاً لا يمكن أن يكون فى محل إمتحان و تقييم
لأن معايير أدائه لا يعرفها إلا هو و الطرب .. فهو لم يتقيد يوماً لاا بلحن و لا زمن و لا حتى موضع دخول فى أى كوبليه
فصوته وحده كان و ما زال يكفى تماماً ليرفأ بالمستمع إلى غايات الطرب ..
Quote: و هو أصلاً لا يمكن أن يكون فى محل إمتحان و تقييم
لأن معايير أدائه لا يعرفها إلا هو و الطرب .. فهو لم يتقيد يوماً لاا بلحن و لا زمن و لا حتى موضع دخول فى أى كوبليه
فصوته وحده كان و ما زال يكفى تماماً ليرفأ بالمستمع إلى غايات الطرب ..
Quote: و هو أصلاً لا يمكن أن يكون فى محل إمتحان و تقييم
لأن معايير أدائه لا يعرفها إلا هو و الطرب .. فهو لم يتقيد يوماً لاا بلحن و لا زمن و لا حتى موضع دخول فى أى كوبليه
فصوته وحده كان و ما زال يكفى تماماً ليرفأ بالمستمع إلى غايات الطرب ..
إنت أحسن ول بيعرف محمود انا لاقيتو في حياتي .. بالرغم من إنو أول مرة نتقاطع في بوست باقي لي .. بس ده كلام العارفين .. كلامك ده عجبني شديييييييييييييييد وعرفت نوعية اضانك ياخ .. ياخ حباااابك وتستاااهلي يتلبو ليك المداخلات فعذراً يا شباب .. بالجد ريحتيييني في كنكووووووووووووووووجي.. ياخ قول ليك حاجة ؟ شيلي ليك كيس موز ..
Post: #48 Title: Re: كدي تاني اسمع زول يتكلم عن محمود !!! Author: ليلى عز الدين Date: 08-27-2010, 04:00 AM Parent: #47
عمر الفاروق
تانى سلاااااام .. و شكرا على كلماتك
فعلاً أول مرة نتداخل .. مع أنى طوالى ساكنة فى بوستات الأغانى بس.
تعرف .. محمود عبد العزيز دا فرض نفسه على فرض .. أعمل شنو جد غناااااى
و لسة لطعم محبتى ليهو بواقى آثار العداوة !!
يوم فى إجازة برة السودان .. جاتنى شرائط
نص ليل كدا و مع الهيدفون قلبتها ..
و بينى و بينك لوما الضلمة شريط محمود عبد العزيز داك كان مشى البرميل بدل الهيدفون
جاتنى المزيكا فى الأول .. بعداك نور بيتنا
مافى داعى أكمل مش؟
ليلتها و اللللللللللله ما نمت !!
وداك كان أول خيوط الود بينى و بين صوتو ..
بعدها سمعتو و فهمتو و حسيتو .. و طربت جد
و أصلى ما لمت روحى على عدم طربى ليهو من زمان .. أديت روحى العذر لأنه فنان مختلف ..
Post: #49 Title: Re: كدي تاني اسمع زول يتكلم عن محمود !!! Author: جمال سعيد Date: 08-27-2010, 04:09 AM Parent: #47
عمر الفاروق سلامات وتحيات... أتفق معك.
---------------------------- محمود ورانا ايضا من خلال الاداء انو الدخول بعد "الدُم" ممكن يكون غير مزعج وجميل جدا...
Post: #57 Title: Re: كدي تاني اسمع زول يتكلم عن محمود !!! Author: لؤى Date: 08-27-2010, 01:41 PM Parent: #31
Quote: لؤى و مالك الجاك وعوض عيد سلامات و اشواق بالكوم
يا كوتش سلامات
بالأكتر والله
لك وللفاروق التّحيّة
Post: #50 Title: Re: كدي تاني اسمع زول يتكلم عن محمود !!! Author: عبد اللطيف عبد الحفيظ حمد Date: 08-27-2010, 05:10 AM Parent: #1
والله أنا لما أشوف محمود مافيش في الجلس بطني بتطم
والحلقة الما بغني فيها محمود بعتبرها مسيخة!!!!
بس برضو نادر رهيب!!!! وعصام رهيب
والبت منار
عاصم البنا ................... الحقيبة
الباقين لا يعجبوني
Post: #51 Title: Re: كدي تاني اسمع زول يتكلم عن محمود !!! Author: عمر الفاروق Date: 08-27-2010, 08:56 AM Parent: #50
الأخوان خالد وضياء الدين والبصاص : شكراً ليكم على الاضافة والانضمام لركب الحوت ..
العريس القديم أبو اللول: ملفاتك حنييينة وتحميلها سريع تراعي فيها ناس نحن الحالتنا صعبة في النت :)
مالك الجااااااااااااك ..في المدينة فلا افتاء :)
عوض عيد : عاين في ورقتك الشرايط دي قالوا لي عمر الفاروق :)
Post: #52 Title: Re: كدي تاني اسمع زول يتكلم عن محمود !!! Author: Marouf Sanad Date: 08-27-2010, 09:02 AM Parent: #51
عمر الفاروق
ياخي عندي فنايل بقن أصغر مني, ممكن أهديهم للزول البتكشّم دا
Post: #53 Title: Re: كدي تاني اسمع زول يتكلم عن محمود !!! Author: mohmmed said ahmed Date: 08-27-2010, 10:09 AM Parent: #52
محمود فنان رائع كنت اشوفو كتير فى حلتنا يستمع بشغف لاداء الهادى حامد
اكتر حاجة عا########ى فى البرنامج غناء محمود ورزانة وهدوء البنت الاسمها اميمة
Post: #54 Title: Re: كدي تاني اسمع زول يتكلم عن محمود !!! Author: Showgi Omer Date: 08-27-2010, 11:23 AM Parent: #53
والله يا عمر الفاروق الحوت صاقعة وصوت نادر لكن زي كلامك التحت دا غلاط ساي
Quote: محمود ما بدا مقلد وكضاب البيقول ليك محمود من مدرسة الهادي الجبل
إّذا كان الفنان محمود عبد العزيز نفسه قال في لقاء في تلفزيون السودان في عيد الفطر الفات انو حا يغني غنية من الحان استاذه وكبيره الذي علمه السحر الهادي الجبل، يعني محمود ذاتو مقتنع انو هو امتداد لمن سبقه و ما قام بروس كدا ساي. الكلام دا ما عكلتة مني ولا مفارقة لوجه الله يا عمر، لكن شايف الإعجاب الشديد بي محمود أكلك حق الهادي الجبل وموديك في طريق التقليل من شأن مبدعين لهم بصمات واضحة في غنانا مثلا كإعجابك بي زي قصة الأستاذ الطيب البرير العجيبة دي
Quote: حكى لي الزميل الجميل الشاعر الحلو الطيب برير وعضو المنبر إنو في عراقي طلب منو يستمع لي اشرطة كاسيت سودانية عشان يعرف الاغاني والموسيقى السودانية فقام الطيب برير بتجميع كل الاشرطة الموجودة في عربيتو مصطفى سيد احمد ووردي وود اللمين وقال لي بالصدفة كان بين الاشرطة شريط محمود ..الطيب برير حلف لي قال لي الزول ده بكريتو رجع لي كل الاشرطة عدا شريط محمود ..قال ليهو الزول ده فنان ومطرب بيغني ..انا ما عارفو بيقول في شنو لكن احساسو بي الغنا عاااالي وتطريبو عاااالي
اها النقول ليك القصة الطريفة دي بس انشاءالله تقدر تهضما بعد كلامي الفوق دا مرة ركبنا حافلة مواصلات انا و عضو المنبر طه جعفر، الحافلة كانت جديدة و السماعات نضيفة و شغال محمود بعذب في واحدة من أغاني وأغاني بتاعتو المن زمان ديك ونحنا انتشينا خالص. اها الكمساري جا طقطق لينا قام طه اداهو قروش و قال ليهو 3، الكمساري قال ليه وينم الـ 3، قام طه قال ليهو انا و الزول دا (أنا) و محمود عبد العزيز. الكمساري قال ليهو يا صاحبي محمود دا انا دفعت ليهو بدري.
Post: #55 Title: Re: كدي تاني اسمع زول يتكلم عن محمود !!! Author: haroon diyab Date: 08-27-2010, 11:31 AM Parent: #54
الفاروق
سلامات
يمين الحوت الليلة قطع لسانا
وفعلا....
الحوت لايموت
Post: #56 Title: Re: كدي تاني اسمع زول يتكلم عن محمود !!! Author: محمد سنى دفع الله Date: 08-27-2010, 11:39 AM Parent: #55
عمر الفاروق سلام ورمضان كريم وانماني العيد ومحبة ابدية يا زول محمود لايستهان به ولا يراهن على فشله الا زول ساي صوت متفرد واداء متمكن له خصوصيته البديعة وحتى المجموعة لاينكر اي انسان انو اداءها تتطور وحتى الشباب الجدد مع الفرقة الموسيقية الذهبية والبروفات المتواصلة كان اداءهم رائعا في كثير من الاغاني مبروك للحوت والف مبروك ليك
Post: #58 Title: Re: كدي تاني اسمع زول يتكلم عن محمود !!! Author: عمر الفاروق Date: 08-27-2010, 02:42 PM Parent: #56
يا جماعة تاني عن إذنكم شوقي عمر ده عليكم الله .. يا شوووق :
Quote: انو حا يغني غنية من الحان استاذه وكبيره الذي علمه السحر الهادي الجبل، يعني محمود ذاتو مقتنع انو هو امتداد لمن سبقه و ما قام بروس كدا ساي.
لا ..ما حا اقول ليك الكلام ده ما صاح بس الانا قصدتو محمود لا يؤدي بي طريقة الهادي الجبل إطلاقاً لكن محمود هو اكتر فنان تغنى بي اغاني الهادي ودائما ما كان الدويتو في الحفلات النهارية بوجود العملاقين وانا ما بهضم الهادي الجبل بالعكس ده واحد من الفنانين اصحاب الاغاني الجميلة وان كان صوتو ما تطريبي .. اختلافي كان في انو كل الناس بتقول ليك محمود بيغني بي طريقة الهادي الجبل والصحيح محمود يغني اغاني ود الجبل.. يا سلااام على حووتة لما كان بيغني لمن سرحتي ..واااااه لما كان بيضرب بغنيلك واغني معاك ولما عذب افتقدتك وكم تمنيت ان اسمع المدينة من محمود لكن ابدا ما اتوفقت .. بالمناسبة حبي لمحمود جنوني واعترف بس ده ابداً ما بيخليني اغير مقولتي البرددا دوماً كللو وكوم ووردي ده كوم تاني .. انا ما عندي فنان مفضل بحب الاغاني اكتر من الفانين لكن رغما عن كده وجدتني افتخر بحبي اللا محدود للو محمود .. وبي مناسبة الكمساري دي : ما تديو ..دفعت ليك :)
Post: #59 Title: Re: كدي تاني اسمع زول يتكلم عن محمود !!! Author: وليد محمد المبارك Date: 08-27-2010, 03:13 PM Parent: #58
والله سكتنا تِم .. وقطعا خشمنا
بالنسبة للهادي الجبل .. اعتقد انه محمود في بداياته استفاد كتير من الهادي واعتقد انه كان معسكر عنده عديل واعتقد انه الهادي بحكم دراسته وتخصصيته اثر كتير في محمود وصقل موهبته الكبيره محمود في بدايته كان بياكل الحروف ويعتمد على التطريبة بركز في اللحنة وما بركز في المفرده الحاجة دي ما راحت منو الا بعد ما عرف الهادي
عموما اصلا طبيعة الاشياء انك يكون ليك معلم يملكك الاساسيات .. والشاطر ببقى الحوار الغلب شيخو
ومحمود شاطر وموهوب وغناي اكتر من الهادي لكن الهادي اكتر ملحن مجدد في الالحان السودانية
الهادي بعد ما يموت ( لانو طبعتنا كده ما بنكرم المبدعين الا بعد موتهم ) حا يتكرم وحا يزاع صيته زي كرومه
Post: #61 Title: Re: كدي تاني اسمع زول يتكلم عن محمود !!! Author: أبوذر بابكر Date: 08-29-2010, 11:24 AM Parent: #1
عمر ازيك
وبقية الرهط الكرام
والله يا فاروق لو أى زول غيرك قال الكلام ده كنت حالاقى ليهو عذر لكين انت تحديدا مافى ليك أى عذر لأنه أنا مصنفك على رأس الناس البعرفو يسمعو ويتذوقو ومن الناس الفارزين الحاجات كلها
قبل ما نجى لموضوع كنوز محبة دى فى حاجات أهم منها
قول لى شنو
قلت لى شنو ؟
اول شى يا فاروق محمود عيان مرضان يعنى وصحته تعبانه لدرجة ما عادية، بغض النظر عن انه مريض بى شنو
المهم انه الزول ده فيزيكاللى ما قادر يعمل أى شى
تانى شى ما كان مفروض يشارك مع ناس السر قدور ديل نهائى وما كان فى أى ضرورة تخليهو يجى ويشارك معاهم
والله يا فاروق انا عندى احساس انه عمك السر قدور جاب محمود للبرنامج ده عشان بس يحاول يفرق عنه ويطلعه من الأتموسفير بتاع المرض
وفى كل حلقة انا اقول يا رب محمود الليلة ما يكون موجود معاهم
ياخ الزول ده لما يحاول يغنى روحه تقرب تطلع عديل
الصوت منتهى والزمن منتهى وفارق وكمان بقى يلخبط الكلام عديل ويدخل كلمات مقطع مع كلمات تانية
اقول ليك شى يا عمر وحتضحك على فيهو أنا متأكد
محمود عبد العزيز ده اكتشفته أنا
آى والله أنا هذا العبد الفقير اكتشفت محمود عبد العزيز وقلت ليهو انت يا محمود حتبقى مطرب متفرد ومتميز وما عادى، وفعلا ده الحصل
واكتشافى مش بمعنى انه انا القدمته للناس، لكين بصورة تانى
احكى ليك القصة كلها ولا مافى داعى
المهم لو عايز تعرف تفاصيل كيف انه انا اكتشفت محمود عبد العزيز قول لى عشان احكى ليك
محمود يا عمر لو استمر بالحالة دى حيحصل "جيمى هندريكس"
لأنه زول لا مبالى وزول مهمل جدا وما بهتم بنفسه
ودىاسوأ حاجة تكون عند المبدع
عمر عولق كنوز محبة وبشتنا بشتنه لا يعلم بيها الا الله
ممكن نجامل فى أى شى يا فاروق
الا فى الغنا ده اصله ما بنجامل أى زول
مش لو بقى محمود عبد العزيز لو بقى عبد الكريم عبد الله مختار ذات نفسه
محمود لازم اول شى يتعالج من الشى العنده ويرتاح راحة شديدة كمان مش راحة ساى
ويرجع بعد داك يواصل فى الابداع حقه المتفرد
محمود ده لو ما عوارته وعدم اهتمامه البسوى فيهو ده
كان يكون اهم مطرب فى البلد بعد ابو داود
لاحظ انا ما بتكلم عن الفنانين أو المغنيين
انا قلت اهم مطرب ما قلت فنان ولا مغنى
ومرتبة المطربين بين الناس البغنو طبعا
زى مرتبة النبيين بين الناس المصطفين عند الله
Post: #62 Title: Re: كدي تاني اسمع زول يتكلم عن محمود !!! Author: نعمات حمود Date: 08-30-2010, 10:16 AM Parent: #61
يا عمر ..يا زوق ... رمضان كريم عليك اولا ...
حوده دا ....الدهشه (على طريقة المثقفين )والله العظيم اول ما امسك الرموت ويبدأالبرنامج بفتشو فتيش في واللا لا ..قلب بنبض وبتزيد ضرباتو لمن القى ليك زولي قاعد وبعرف ساعتها اني موعوده بنومه قريرة العين
تعرف مشكلة محمود الجوغى الفيها دي ...البنات الململمات ديل يزغللو العيون احمر واصفر وبنبي انا اتلخبط خليك زول حساس زي حوده دا حكاية شكلو دي بصراحه ما بتهمني كتير لا هو لا غيرو علي بهذا الصوت الخالد كما النيل
