ساعدونا بالخيال والجمال : شوارع الخرطوم بعد القبض على المجرم البشير

فاقدوالإحساس بالام ضحايا المجرم وزمرته من سواد السوادنيين ... يمتنعون
المنتفعون من أكبر عصابة للنهب والفساد والتبييض ... يمتنعون
فاقدو الأمل في أن الله ينصر المظلومين ... طال الزمن أو قصر ... يمتنعون

فرحة شديدة وكبيرة و ستشمل جميع المدن السودانية بما فيها حلايب و"دارفور بالتحديد" و الجنوب
وحتحصل إنتفاضة شعبية كبري بمناسبة الإنتصار علي الظلم و الطاغية المخرب لمدة 20 سنة
وسوف تلي الإنتفاضة تشكيل جديد للحكومة الإنتقالية وسيأمن الجيش المواطنيين في الشوارع
وما ذلك علي الشعب السوداني ببعيد ..... فقد حصلت إنتفاضات و نحج فيها الشعب السوداني


أما الكيزان و الحرامية مغتصبي السلطة وناهبي الديمقراطية فسيتم القبض عليهم فردا فردا في المطارات
وذلك قبل هروبهم إلي ماليزيا , وسوف لن يتركهم الشعب ليذهبو إلي مزبلة التاريخ ,
بل سيذهبو إلي السجون وينالوا العقاب بما إقترفت يداهم وبما نهبوه من أموال عامة وخصاصة بالمواطنيين

Quote: فرحة شديدة وكبيرة و ستشمل جميع المدن السودانية بما فيها حلايب و"دارفور بالتحديد" و الجنوب وحتحصل إنتفاضة شعبية كبري بمناسبة الإنتصار علي الظلم و الطاغية المخرب لمدة 20 سنة وسوف تلي الإنتفاضة تشكيل جديد للحكومة الإنتقالية وسيأمن الجيش المواطنيين في الشوارع وما ذلك علي الشعب السوداني ببعيد ..... فقد حصلت إنتفاضات و نحج فيها الشعب السوداني أما الكيزان و الحرامية مغتصبي السلطة وناهبي الديمقراطية فسيتم القبض عليهم فردا فردا في المطارات وذلك قبل هروبهم إلي ماليزيا , وسوف لن يتركهم الشعب ليذهبو إلي مزبلة التاريخ , بل سيذهبو إلي السجون وينالوا العقاب بما إقترفت يداهم وبما نهبوه من أموال عامة وخصاصة بالمواطنيين

شكرا جزيلا أخ أحمد

دا طبعا واحد من السيناريوهات المتوقعة

وهو (وسط)
.... بين أولئك الذين ظنوا أن الخرطوم ستغرق في الدماء حال تنفيذ أمر القبض
وأولئك الموقنين أن الأمور ستسير بشكل ممعن في العادية .. (والغيظ)
الناس تكابس في أشغالا ومعايشا بشكل عادي جدا
ومنهم من يحمد الله في سره أن الله قد استجاب لدعائه ودعاء الكثيرين .. أخيرا
ومنهم من يحس أن البلد فيها شي ما عادي

كان يكون الهلال مغلوب أمس سبعة صفر

وهذا حوار بين اثنتين ماشات على سوق خضار قريب منهن

الأولى : انتي يا ختي الليلة الحاصل شنو ؟
الثانية : بري .. غايتو في شي ما طبيعي
الأولى : غايتو بتي امس مساهرة للصباح في الترنت وقالت لي انو الزول دا قبضوهو
الثانية : الزول منو ؟؟
الأولى : (تتلفت يمنة ويسرة) مالو عمر القشير المطلع عينا دا ؟
الثانية : نعلو عوكامبو
الأولى : اظنو ، غايتو ما بعرفو
الثانية : اريتك تتبارك يا ولدي ، اريتا خطوتك تنعدل محل ما تقبل كان فشيتنا وبردت قلبنا ، غايتو أصلو جنس دا ما سمعنا بيهو قبال كدا .. دا رئيس شنو دا الغالبو يجيب لينا الموية في المواسير دا
الأولى : يا بت امي اسكتي ، دا كلام ترنت ساكت ، لسا ما سمعناهو في التلفزيون ولا في الرادي ، كدي خلينا نقطع شكو بالاوّال وبعدين نفتّو
الثانية : لا لا، ظنييتو صحي ، انا لي يومين ما بنوم لا من الواطا تصبح ، شايلة الليل كلو صلاة ودعا ، اولادي الصغار طاردنهم من المدرسة عشان ما دفعوا حق الشهر ، وبتي الكبيرة قاعدة معانا في البيت لا عارفا روحا ارملة لا عارفة روحا مرت راجل ، راجلا ماسكينو ليهم 5 سنين ما عارفين محلو وين ،وابو اولادي طردوه من شغلو الله يطردم من رحمته وقاعد في البيت وجاهو مرضا ما عندنا ليهو علاج و ...

.