Post: #1
Title: قادة المقاطعة.. لامرحباً بك فى سودانيز اون لاين
Author: مُحَمَّدٍ عِوَضٌ احْمَدُ
Date: 08-25-2010, 06:12 PM
أتعجب من دعاة المقاطعة لبعض الأعضاء الجدد بحجة انهم امنجية أوانهم يختلفون
سياسيا معهم ..هنا..ما اعرفه عن هذا المنبر فى الفترة القليلة التى قضيتها فيه انه يضم
من كل جنس ولون..الشيوعى على الاسلامى.على الانصارى..والاتحادى...ضابط خدموا فى الشرطة والجيش فى كافة العهود..رجال قانون..ومفصولى الصالح العام..الى آخر الاطياف..المعروفة
|
Post: #2
Title: Re: قادة المقاطعة.. لامرحباً بك فى سودانيز اون لاين
Author: مُحَمَّدٍ عِوَضٌ احْمَدُ
Date: 08-25-2010, 06:20 PM
Parent: #1
علينا ان نتذكر اننا سودانيين وان لا نجعل السياسه تجعلنا نبتعد.. ونقاطع..من نختلف معهم فى كل شأن..فـ لتكن كل الابواب والنوافذ مشرعة..يتحاور الكل حتى ولو مع الشيطان نفسه..فليكن هنا الكل..مراجعة ومواجهة بين الضحايا وبين من المذنبين..
ربما يأتى..زمن قريب ونتصافى مهما حدث ..
|
Post: #3
Title: Re: قادة المقاطعة.. لامرحباً بك فى سودانيز اون لاين
Author: رغيم عثمان رغيم الحسن
Date: 08-25-2010, 06:45 PM
Parent: #2
ا محمد سلامات و رمضان كريم
فكرة المقاطعة ما مبنية على إقصاء فكرى او عرقى او مهنى او سياسى
نحنا هنا فى منبر حوار الطبيعى انو الحوار دا مستهدف بيه الاخر ايا كان إختلافه معنا طالما كان الإختلاف دا فى اطار الاحترام المتبادل ولا يؤدى الى هضم حقوق الاخرين
لكن المستهدمين بى حملة المقاطعة ديل
ما اصحاب افكار
ديل مجرمين
وما اظن ان فى خلاف بينا حول وقائع ثابتة زى احداث التعذيب الحصلت فى بيوت الاشباح والجرائم القامو بيها منسوبى جهاز الامن وقتها ضد المعتقلين السياسين وحتى المخالفين لهم فى الرائ من تعذيب وتنكيل وقتل وما قام به النظام عموما بى ايديهم
واكيد انت عارف انو المنبر دا فيه عدد مقدر من الاعضاء تعرضوا للتعذيب والفصل وحتى محاولات الاغتصاب من منسوبى الأجهزة الامنية ومنسوبى النظام عموما
الاعضاء ديل يا محمد
لا فى قانون انصفهم لا فى قاضى رجع ليهم حقهم
لا لقوا عدالة يحتموا بيها
الحاجة الوحيدة الكانت بتخفف عليهم الام الفظائع الحصلت ليهم
هو الدعم المعنوى الكانو بلقوا مننا نحنا اخوانهم وزملائهم وجيرانهم واباءهم
عبر إ‘حترامهم اولا
ومحاصرة المجرمين ديل وعزلهم إجتماعيا ثانيا
دى الحاجة الوحيدة القدرنا نقدما ليهم كنوع من الاعتزار المخجل عن السكوت على الحصل ليهم
فلما تجى تطالب بى انو حتى الاعتزار دا نحنا نتنازل عنو لا وما كدا بس عاوزنا نحتفى كمان بالمجرمين ديل تتوقع
زملاءنا من ضحاياهم حا يكون شعورهم شنو؟
بعدين سلوك العزل دا سلوك سودانى اصيل
زمان اهلنا لما كان التصديق بى بناء البارات متاح
كانو بقاطعوا البفتح بار او بيت دعارة وما بناسبوهو
عشان كدا كانت معظم البارات فى البلد دى مملوكة لاجانب
انا عن نفسى بشوف القوادين والعاهرات افضل المجرمين ديل
وما بفوقهم سؤا فى نظرى الا علماء السلطان وترزية الفتاوى
|
Post: #5
Title: Re: قادة المقاطعة.. لامرحباً بك فى سودانيز اون لاين
Author: مُحَمَّدٍ عِوَضٌ احْمَدُ
Date: 08-25-2010, 07:11 PM
Parent: #3
Quote: وما اظن ان فى خلاف بينا حول وقائع ثابتة زى احداث التعذيب الحصلت فى بيوت الاشباح والجرائم القامو بيها منسوبى جهاز الامن وقتها ضد المعتقلين السياسين وحتى المخالفين لهم فى الرائ من تعذيب وتنكيل وقتل وما قام به النظام عموما بى ايديهم
واكيد انت عارف انو المنبر دا فيه عدد مقدر من الاعضاء تعرضوا للتعذيب والفصل وحتى محاولات الاغتصاب من منسوبى الأجهزة الامنية ومنسوبى النظام عموما |
الله اكرم يا حبيب..وكل عام وكل الاحبة بخير
وتشكر اولا على المرور..
غايتو لو انا كنت عامل عمايل زى دى اصلا ما بكون عندى عين عشان اجى منبر
عام..وبأسمى الحقيقى.كمان!!!.عموما هى فرصة برضو..لـ جرد الحساب..وللمواجهات
بين هولاء الضحايا وجلاديهم..بطريقة واضحة بعيدا..وبعدها يمكننا ان
نكون فكرة كاملة عن تلك الاحداث الحطام..
|
Post: #4
Title: Re: قادة المقاطعة.. لامرحباً بك فى سودانيز اون لاين
Author: مُحَمَّدٍ عِوَضٌ احْمَدُ
Date: 08-25-2010, 06:49 PM
Parent: #2
ومرحبا بالكل
مرحبا بكل قادم
فى الطريق
|
Post: #6
Title: Re: قادة المقاطعة.. لامرحباً بك فى سودانيز اون لاين
Author: مُحَمَّدٍ عِوَضٌ احْمَدُ
Date: 08-29-2010, 03:39 PM
Parent: #4
|
|