Post: #1
Title: هندســـة العمق ....(بعد جديد ولقب جديد)
Author: احمد الأمين على إدريس
Date: 08-25-2010, 10:56 AM
نفتقد العمق !!!
كانت فكرة بوست
ولكن تقديراً لظروف غياب العمق
ابينا ننزل البوست المعبر عن الافتقاد
هلم الينا ياعميق !!
كانت فكرة بوست تانى
تحمل طياته دعوة العميق للحضور والتواصل
لنغسل الاحزان سوياً..
لم تتم الدعوة لعلمنا بمشاق السفر وصعوبة الوضع العام
عاد العمق !!
ايضاً فكرة بوست لم يرى النور
لاننا اتفاجأنا بانو العميق راجع مهندس عدييل كدا 
فكان:-
هندسة العمق..
وفيه نقول مراحب بالعالم المفكر فضيلة الدكتور المهندس العميق
وبدونك الاسافير جد موحشة ياعميق
|
Post: #2
Title: Re: هندســـة العمق ....(بعد جديد ولقب جديد)
Author: محمد البشرى الخضر
Date: 08-25-2010, 11:21 AM
Parent: #1
يا ابوحميد لغاية فضيلة الدكتور المفكر و الناشط كنا كويسين
لكن المهندس في اليومين دي ما حبابها حتأثر على مكانة دكتورنا ساي
أخير يديها صنة شوية يخلّي الأمور تروق
مرحب بعودة الدكتور العميق
افتقدناه و الله
|
Post: #3
Title: Re: هندســـة العمق ....(بعد جديد ولقب جديد)
Author: احمد الأمين على إدريس
Date: 08-25-2010, 11:31 AM
Parent: #2
ود البشرى ياخ زى ماعارف العميق دا بدى الالقاب لمعتهاويضيف اليها
إذن سنعول عليه فهو الوحيد القادر على إزالة بؤس المهندسين الايام دى
تقبل الله الصيام والقيام يا ود البشرى
ومراحب بالمهندس العميق..
|
Post: #4
Title: Re: هندســـة العمق ....(بعد جديد ولقب جديد)
Author: احمد الأمين على إدريس
Date: 08-25-2010, 11:32 AM
Parent: #2
up
ود البشرى UP دى ماعندها علاقه بى ديك
لقيت مداخلتى الفوق نزلت مكررة قلنا ومالو
بدل المسح وبس نعمل أبأبة ..
|
Post: #5
Title: Re: هندســـة العمق ....(بعد جديد ولقب جديد)
Author: احمد الأمين على إدريس
Date: 08-26-2010, 05:47 PM
Parent: #4
عودة العميق تعنى ان يعود للصلعة عفواً المنبر نوره
عودة العميق قد تعنى عودة كديسة سجيمان لصاحبها
عودة العميق قد تنهى ازمة بوكرامى زاتو وربما وليد الخير كمان
عودة العميق عودة للتعافى والتداوى من مداخلات تسم بدن البورض
....ألخ
مرحباً سعادتك حتى وانت مهندس
|
Post: #6
Title: Re: هندســـة العمق ....(بعد جديد ولقب جديد)
Author: أمين محمد سليمان
Date: 08-26-2010, 06:21 PM
Parent: #5
بعودتي ، عادت للمنبر عافيته !! 
عاد الوجود لدورته الدائرة:
النجوم .. لميقاتها
والطيور.. لأصواتها
والرمال.. لذراتها
والقتيل لطفلته الناظرة
أو كما قال أمل !!!
-----------------
غايتو يا سعادتك بالغت في البوست ده : ياخي أنا زول سطحي و مخي صغير تكتب لي جنس الكلام ده ، لمن أصدقو طوالي بقوم اعوق ليك الناس !!
رفقا بخلق الله يا أحمد ياخي !!!
|
Post: #7
Title: Re: هندســـة العمق ....(بعد جديد ولقب جديد)
Author: احمد الأمين على إدريس
Date: 08-26-2010, 10:30 PM
Parent: #6
ياعميق
براك شايف اخوك كرت هنا
ومداخلاتى بعدد شعر راسك
وكمان على قلتها ممكن ادعى
انو ماحصل اداخلت معاك قبل كدا(مابتاعت تبارك)
لكن العمق الكائن بين سطورك
والالفة التى احسها كقارئ غير نهم
وكراهيتى للاستوساخ وحاجات تانية كتيرة
حتمت لاحظ حتمت على كتابة هكذا بوست
غايتو كان سطحى ماعارف !!
اللهم الا كان تقصد السطح الاملس فى اعلى بدنك
ولا تكون سطحى من سطوح اللهو عالى داك
| Quote: رفقا بخلق الله يا أحمد ياخي !!! |
ورفقاً بخلق الله ياعميق كن موجود
وامعاناً فى الرفق جيب معاك حمور
تقبل ثلجنا المدروش فى نواصى هذا البوست ياخال
وتقبل خالص الود والتقدير
وكل بوست وألقابك فى زيادة ووئام ياباشمهندس
|
Post: #8
Title: Re: هندســـة العمق ....(بعد جديد ولقب جديد)
Author: أمين محمد سليمان
Date: 08-27-2010, 07:13 AM
Parent: #7
| Quote: وامعاناً فى الرفق جيب معاك حمور |
والله يا ابوحميد ده الختا ذاااتو !!
ياخي أنا جيت المكان ده للقضاء علي جرذان الثقافه و فئران الأدب : حمور زياده و أمثاله ، تقول لي جيبو معاك ؟!!
حمور ده ذهب لما حضرنا و غاب لما ظهرنا ، النور و الظلام لا يتواجدن في نفس المكان !!
و لو ما رمضان و باقي خوف من الله كان قلت ليك إنو النابغه الذبياني كان قاصدنا عديل أنا و حمور لما قال :
فإنك شـــمس والملوك كواكب إذا طلعت لم يبـــد منهن كـــوكب
----------
و زي ما قال المثل (حمور شنو في الحر ده ) !!!
|
Post: #9
Title: Re: هندســـة العمق ....(بعد جديد ولقب جديد)
Author: احمد الأمين على إدريس
Date: 08-27-2010, 10:17 PM
Parent: #8
| Quote: ياخي أنا جيت المكان ده للقضاء علي جرذان الثقافه و فئران الأدب |
لقد فعلت ياهذا.
ومازلت
وستظل..
وقد تجسد ذلك فى بحثك عن الكديسة :)
بالمناسبة وين وضع الكديسة من البوستات
اما عن حمور
فهو من الكواكب زى ماقاليكم النابغة انت وهو..
|
|