حبيب نورة تعال: عندنا عريس لنورة !!!

حبيب نورة

وعسل نورة

بقول ليك جاي

تعال لي جاي

بنيتك واقعة في البورة

وانت ما واضح الصورة

بنيتك راجية منك راي

وانت مهملها ساي

ما دام ما حتتزوجها

ولا حتعتقها عشان تمشي تتزوج

نجيب ليك عريس لنورة

رايك شنو ؟

أصلو الناس دخلو النار في كديسة

لا اطعموها ولا خلوها تاكل من الأرض


وانت خايف عليك تدخل النار في نورة

لا اتزوجتها

ولا خليتها تتزوج من ناس الأرض


ولا كيف يا "حبيب بورة"؟

هاهاهاهاهاها

اول حاجة يا هاني إنت شكلك متواطئ مع قريبي القال لي إسمك دة براهو
أكتر عملية شيل حال وتشهير في التأريخ !
أضافت عليها أم سارة شغالة صديقتنا المصرية تهمة تمييل البخت!

لكن طالما الحكاية جابت ليها بوستات

كدي خليني أجيك بي المهلة

أكتر حاجة بتجنّن بوبي الكلام
لمّا تلقي سيرتك في خشم زول ناهيك عن العناوين البتقوم النفس دي
غايتو يا هاني الله يجازيك بالسمح
علي قول فلانة

لكن عليك النبي رأيك شنو في الإسم اللزقة دة
دي لزقة إنقليزية بتقوم بالجلد عديل كدة

غايتو نجي نهترش شوية

مع إنو البوست دة صراحة ما رمضاني
ما كان تأجلو شوية عشان الواحد ياخد راحتو في الخستكة